الفصل التاسع عشر
بقلم منه محمد
كارمن قامت الصبح حاسه بسعاده بس ملقتش نوح جنبها لقت الموبيل بيرن زاحت الغطاء ورفعت شعرها وقامت ترد: ايوه يارغده اسفه اني مرجعتش البيت امبارح اصلي كنت مـ
رغده قطعتها: مع نوح
كارمن بدهشه: عرفتي ازاي
رغده ببتسامه: جه الصبح بدري وسألني لو عندك شغل الصبح اصله محبش يصحيكي وجالي خمسه الصبح قومني
كارمن شهقت بفرحه: المجنون عمل ده بس انا اسفه وههزقه انه صحاكي
رغده :انتي متأكده انك هتقدري تعملي ده اراهن انك دلوقت ضحكتك هطول السما يابنتي نوح سلب عقلك قبل قلبك لدرجه نسيتي طريق البيت
كارمن رجعت شعرها ع وري: انتي مجنونه انا مش مسلوبه العقل معاه يله هقفل سلام
اغلقت وابتسمت وراحت دخلت الحمام لقته مجهز كل حاجه فوطه نضيفه فرشاه اسنان بغلافها اخدت الفرشاه تفرش سنانها لقت ورقه محطوطه ع المرايا اخدتها وقرئت محتواها( ناديني لو احتاجتي مساعده في الشور)
كارمن عضت ع شفتها: اه يانوح يا سافل
بعد ما خلصت نزلت تحت لقت الي مصدرلها خده ونافخه
كارمن ببتسامه: ايه عايز ايه
نوح :عايز قبله الصباح
نوح :عملت كل ده عشاني
نوح :عملت فطار وطبعا انتي بتحاولي تشتتي انتباهي عن البوسه ايه للدرجه مكسوفه تديني البوسه
كارمن اتكسفت ومنزله راسها من الخجل: لاء مش كدا
نوح :طيب جعانه
كارمن :جعانه جدا
نوح بوقاحه:جعانه للاكل ولا ليا
كارمن ضربته في صدره ووشها احمر جدا: جعانه للاكل يا وقح
نوح راح بسرعه شد طبق السندوتشات
كارمن: ليه كدا
نوح :انا حضرتلك الفطار ماليش مكافأه
نوح رجع نفخ خده تاني: يله الطعي المكأفأه
كارمن بنص عين:اممم عايز قبله ع الخد مش كدا
نوح بمزح: اكيد اريد قبله وهعد من واحد لحد ثلاثه ونص يله واحد اتنين ثلاثه و
كارمن جايه تديلو بوسه ع الخد اخد شفافها في بوسه سريعه
كارمن ضربته ع صدره بأيدها الاتنين
نوح كشر اوي: ع فكره ايدك جامده
كارمن: ليه عملت كدا مبسوط دلوقت
نوح ابتسم وهزلها دماغه بـ ايوه
كارمن خطفت منه الطبق: هات ده
نوح مسك الطبق: خاليني ائكلك
كارمن: وماله ميضرش
نوح مسك السندوتش تقطم منه وهو لسه في ايده: كدا يله
كارمن: لاء انت زودتها اوي
نوح بيعاكسها: يله ايتها الجميله الحسناء اقطمي من ايدي يله الاكل معايا له طعم تاني
كارمن بعناد: لاء
نوح اخد السندوتش وحطه في بؤه وبيعاكسها بشقاوه
كارمن: انا اقدر اكل نفسي
نوح :يله ياكوكا اقطمي وهو معايا
كارمن شدته من بؤه: لا انا اقدر ائكل نفسي
نوح : وانا هروح افرغ عصير فرش
كارمن قعدت تتابعه وهو بيتحرك: انت مكنتش مضطر تصحا بدري وتحضرلي الفطار
نوح: كارمن قولتلك انا لازم اخد بالي منك
كارمن: بس ده مش عجبني
نوح راح قعد جنبها ومدلها العصير وهو مستغرب: ليه
كارمن: كدا هبقي مدلعه
نوح ابتسم وحط راسها علي صدره وضمها: وماله ادلعي حقك لاني في حياتك
كارمن بسعاده كبيره: يباي مغرور بشكل بس ده مش حلو
نوح: ليه
كارمن: لو مبقتش معايا ازاي هقدر اعيش
نوح باس ايدها بمشاعرصادقة: متقلقيش هفضل معاكي طول العمر حتي لو انتي طردتيني هتلاقيني لما تحتاجيني كارمن مفيش حاجه تخاليني اسيبك وابعد عنك يله ناكل من الرغي جعت
كارمن فضلت تبصله بحب وهو بيدهن التوسته بالجبنه بطريقه جذابه!!!
نوح: النهارده هاخد جدتي للبيت الدكتور طمني انها كويسه وقويه تحبي تيجي معايا
كارمن: خلينا نستنا شويه مش عايزها تحس اننا قريبين من بعض
نوح ساب العصير وشدها لحضنه: عارفه بحبك لما تقوليلي اننا وتجمعينا مع بعض في الكلام ده بيخاليني احسن اني مش وحيد
كارمن: بطل مبالغه مفيش حد بيفضل معاك للابد
نوح: عارفه احلي حاجه ترجعي طفله صغيره ومتكبريش ابدا
كارمن: ليه
نوح: الاطفال بتبتسم بسهوله لانهم مش فاهمين اي حاجه اما الكبار دايما عايشين في قلق وخوف لانهم فاهمين كل حاجه ونادرا لما يبتسموا
كارمن: بتقول حكم
نوح حضنها وعبر لها عن سعادته بطريقته: البركه فيكي عارفه يا كوكا لو خيروني كل مره هختارك انتي وللابد لان وانا معاكي هفضل طفل واخليكي ع طول مبتسمه
كارمن وشها احمر وبتزقه بأيدها: هتفعصني في حضنك ممكن تبطل عبط
نوح قرب وبص في عيونها: تعالي هنا عارفه لما تعجزي هتبقي برضو قمر
كارمن: قلت لك بطل غلاسه انت ليه غلس كدا
نوح سابها و ضحك : خلاص هبطل طالما خايفه من الشيخوخه المبكره وبعدين الرسميه مش هتخلينا نشيل الحواجز بينا وانا نفسي اندهلك واقولك يا حبيبتي
كارمن: لاء متقدرش
نوح: مقدرش اقولك يا حبيبتي
كارمن: قلت لاء
نوح قرب منها وحضنها وبهمس يدوب الصخر:خلاص هندهلك كوكا بقي
كارمن :يله قوم روح هات جدتك من المستشفي
نوح كشر:ايه ده طرده دي
كارمن بتدفعه بدلع: ايوه ويله
نوح بيحاول ياخد اي سندوتش :بس انا لسه مأكلتش
كارمن ضربته ايده: والله ده غلطك
نوح فضل يقرصها في وسطها بقوه : خلاص مش عايز اكل بس هاكلك انتي
كارمن بتضحك وبتصرخ وضربته في بطنه بخفه
نوح مسك بطنه بدراما :ااااااااااه بطني
كارمن رفعت راسها بخوف وحطت ايدها علي بطنه :سلامتك حبيبيي
نوح شدها من ايديها: كدا تسقطي العيل
كارمن اتحولت نظراتها للعصبيه : يباي غلس غلس غلس
نوح ضحك بعفويه و مسك ايدها بكل حنيه : خلاص جايه معايا
كارمن فكرت شويه:لاء هروح اخد هدومي من عند رغده
نوح ابتسم بغباء من قرارها لانه عايزها طول الوقت جنبه لانه بيحبها بجنون
كارمن عقده حواجبها: ليه بتبتسم
نوح ابتسم بغمزه: عشان قولتي هتروحي تجيبي حاجاتك ده معناه انك قابله تعيشي معايا
كارمن زقته بحرج وكسوف :يله روح بقي
نوح :هرجع اخدك من عند رغده بعد ما ارجع جدتي واطمن عليها مترجعيش لوحدك وباس خدها
كارمن راحت تبص عليه من الشباك وجواها رعب لما يعرف الحقيقه
.............
كارمن نزلت من التاكسي لقت عربيته موجوده اخدت نفس ودخلت فتحت الباب لقت رغده بتقدمله واجب الضيافه
رغده :كارمن جات الدكتور مستنيكي عن اذنكم اسيبكم ع راحتكم
ابهم قام راحلها واتكلم بغصه :كنت مفكرك عايشه هنا
كارمن راحت قعدت جامده: ايه الي جابك هنا
ابهم لف وبصلها: ايه شعورك ناحيه الشاب ده
كارمن بثقه كبيره :انا متاكده انك عارف شعوري ناحيته
ابهم: قابلته كتير
كارمن وقفت بندهاش:ايه قابلته
ابهم :لدرجه ضربنا بعض
كارمن بصدمه:امتي
ابهم اخد نفس وبهدوء:في اول مره اتقابلنا فيها وقولت له يسيبك في حالك والمقابله التانيه اتخانقنا لما جاب جدته للمستشفي
كارمن: وليه اتخانقت معاه
ابهم :لاني عرفت شغلته كارمن بجد انا قلقان عليكي
كارمن :فاهمه انك قلقان بس احنا كلنا عندنا ماضي كان بيشتغل شغلانه كل الناس بتحتقرها بس كلنا فينا جانب مظلم في حياتنا انا اتجوزت قبل كدا وجوزي خاني
ابهم حط ايده قدام شفايفها :كارمن ارجوكي متكمليش
كارمن :لو عاوزني اسيبه بسبب شغلانته اظن انـ
ابهم قطعها بسرعه :انا مش بمنعك انا عايزك بس تفكري كويس
كارمن لفتلها ضهرها وردت بجمود: شكرا بس انا فكرت في الامر كذا مره عن اذنك
ابهم سألها بقهره:كارمن انتي فعلا بتحبيه بجد
كارمن بدون ما تلفله: ايوه بحبه رغم اني عارفه ان ده غلط بس بحبه وعارفه ان الناس بتتكلم عن وضعنا بس بحبه
ابهم جه ووقف قصادها وبغصه: لو كنتي واثقه ومتاكده مش هقدر اوقفك وجيت هنا عشان اقولك بدور ع محامي عشان ارجعلك حقك
كارمن كأنها مش مصدقه:قولت ايه
ابهم بصدق :مش عايزك تتألمي تاني وكل مليم ادتهولي هرجعهولك حقك ولازم تاخديه
كارمن بصدمه: بس والدتك
ابهم :دي حياتنا واظن سبتها تتحكم في حياتي لفتره كبيره واول ما يفرز المحامي الاصول وتاخديها نطلق ده الي جيت اقوله مع السلامه
كارمن نادته بسرعه وهو خارج:دكتور ابهم
ابهم وقف وبصلها :نعم ياكارمن
كارمن رفعت صوباعها وخلعت خاتم الزواج ومدتهوله :شكرا ع كل حاجه
ابهم برفض:ممكن مقبلهوش
كارمن :الخاتم ده مفروض يكون في صوباع مراتك
ابهم اخده منها ومسك ايدها الناعمه لاخر مره وبرجاء:ممكن توعديني وعد واحد يمكن مبقناش زوجه وزوجه بس نقدر نبقي اصدقاء
كارمن ابتسمت وهي بترد بكل هدوء: تمام اوعدك
ابهم في عينه دمعه:افتكري دايما اني هفضل احبك واهتم بيكي
ابهم مشي مكسور وحزين وكارمن وقفت ودموعها فيضان ع خدودها
رغده :وافق اخيرا ع الطلاق
كارمن عيونها مليانه دموع: ايوه وافق
رغده خدتها في حضنها وكارمن عيطت بصوت
اما ابهم ركب العربيه وقعد يبكي وخلع النضاره ورماها وفضل يضرب الدركسيون بقهرملا كل صدره
........
واقفه سانده ع العامود منتظراه لقته داخل بالعربيه وقف ونزل راحلها
اسلام بتعجب: فيه ايه وليه جيباني ع ملا وشي
هاله ماسكه بطنها بألم: خدني للدكتور انا بنزف
اسلام انخطف: ايه بتنزفي ليه هو الامر خطير اوي كدا
هاله بتعب: بطل اسئله خدني بس للدكتور
اسلام: ليه جيتي هنا ليه مقولتيش لجوزك يكشف عليكي
هاله بملل: بطل اسأله وخدني للدكتور
اسلام: طيب يله (وسندها ) امشي ببطئ
اخدوها منه ودخلوها عمليات وفرغه الجنين وبعدها اخدوها ع غرفه عاديه
هاله فاقت ودموعها نازله بحرقه ع فقدان جنينها
اسلام بهدوء:دخل الدكتور قالي لازم تفضلي لحد ما تخلصي المحلول وبعديها تقدري تروحي
هاله ببكاء :ليه بيحصلي كدا ليه
اسلام طبطب عليها: اهدي انتي لسه تعبانه اه خسرتي الطفل بس لسه عندك فرصه تجيبي منه غيره
هاله :هو الامر كدا بسهوله كانت الامور هتتحسن كنت هولد العيل كان هيفضل معايا قرر يطلق عشان يبقي معايا انا وابنه من غير العيل مش هيرجعلي ولا هيطلق
اسلام :اسمعي انتي لازم تهدي
هاله بكت من قلبها : ليه ليه الرجال بتتخلص مني مهما حاولت الناس دايما تسبني
اسلام :مفيش داعي للانفعال حالتك هتسوء وخلاص العيل مات
هاله صرخت فيه وجسمها كله انتفض:لاء العيل ما ماتش العيييل ماماتش
اسلام اتك ع اسنانه بغيظ: انتي مجنونه الدكتور قال اجهضتي خلاص
هاله بصتله بحقد كبير وقامت تضرب فيه: قولت لك العيل موجود اسلام لازم يبقي في بطني عيل واخلف من الدكتور ابهم
اسلام :اهدي طيب
هاله :انت لازم تساعدني (مسكت دراعه) ساعدني وتقدر تاخد الفلوس الي انت عاوزها هكتبلك شيك بس لازم تساعدني لازم يبقي فيه عيل
اسلام شد دراعه منها بعصبيه: سبيني دراعي بيوجعني
هاله فضلت تشد فيه وتصرخ وتطلب منه المساعده دخلت الممرضه تهدي من انهيارها لحد ما قدرت تهديها ونامت
.....
هدي بسعاده: اخيرا هاله غارت من هنا لانها عارفه ومتأكده ان يستحيل اوافق عليها ابدا مقدرتش تتحمل وغارت طردت نفسها بنفسها
مايسه :بس دي اكتر شر من كارمن مش مصدقه انها هتستسلم بسهوله لازم عندها خطه
عايشه :هي بتدور عن اهتمام ابهم وبتلعب دور الضحيه عشان ترجع تستحوذ علي تعاطفه عشان كدا عملت الخطه الرخيصه دي لنفسي
عايشه انتبهت للي قالته ومايسه قرصتها في ضهرها
هدي انتبهت: قولتي ايه
عايشه هرشت وري ودنها بتوتر: انا بتكلم عن خطه هاله اصلي اعرف ناس بتستخدم نفس الحيل زيها تتظاهر انها مسكينه عشان تكسب تعاطف الرجاله
هدي بتأيد :عندك حق
عايشه بتحذير :عشان كدا لازم تاخدي حذرك منها جدا
هدي بثقه وغرور: لاء مستحيل برغم ان ابهم كان قاسي معايا بس انا واثقه هيختارني عن مراته لو وصل الامر يعني للدرجه دي هاله دي واحده غبيه متغطرسه احسن انها غارت من هنا ودلوقت مكانها فاضي انتي بقي يا عايشه انتهزي الفرصه واهتمي بابهم
مايسه: قعدت جنبها متاكده ياهدي خايفه تهجم ع بنتي مره تانيه خلينا نستنا شويه ونشوف الامور دي عملت كتير عشان تلوث سمعتي وسمعه عايشه
هدي: انا مش عارفه حظي ليه اسود ما صدقت خلصت من كارمن بس جاب لي لزقه زي هاله ازاي اتخلص منها وارتاح بقي
مره واحده لقوا الشغاله نازله بتجري عليهم
الشغاله: هدي هانم بصي كدا
هدي :ايه القرف ده انتي مجنونه عندي ضيوف بدل ما نقدملهم عصير تقدملهم اللوز
الشغاله لقيته في الحمام
هدي بنرفزه:ماترميه في الزباله جيبهولي ليه
الشغاله: خليني طيب الاول اشرحلك عايزك اقولك وانا بنضف حمام اوضه الدكتور
هدي قطعتها بعصبيه :ايوه قصدك ايه عايزني اطلع انضفه
الشغاله بتوتر: لاء مش قصدي كدا الي اقصده هاله بتنام في نفس الاوضه
عايشه بستغراب:بس الستات الحوامل مش بيحتاجوا لحفاضه
هدي :عندك حق الحوامل مش بيحتاجوا حفاضه ده معناه انها كانت بتكدب علينا بخصوص الحمل
هدي سابتهم وطالعه تجري ع السلم
عايشه :رايحه فين يا طنط
هدي :رايحه افتش اكيد اكيد هلاقي بلاوي تكشفها
كلهم طلعوا بسرعه ع فوق ودخلوا الحمام
هدي بتفتح الادراج: لو مش حامل فعلا لازم نلاقي دليل
مايسه :هي مش عملت تحليل حمل في المستشفي وده يثبت انها فعلا حامل
عايشه: تبقي اجهضت
هدي :ايوه عليكي نور ده احتمال وارد كدا مش مستغربه ليه طفشت بسرعه رغم انها لزقه لـ ابهم يله كل واحد يدور ع دليل لازم نلاقي اثر
عايشه بتضرب بعيونها جات ع قاعده الحمام: فيه دم
هدي بلهفه: فين
عايشه بتشاور:هناك ع القاعده
هدي راحت ودققت: اه دم هاتي موبيل اصوره واوريه لابني لما يجي
مايسه وقفتها :استني ثاتيه يا هدي
هدي عقدت حواجبها: فيه ايه
مايسه: ابهم دكتور متخصص لو ورناه الصوره للقطه دم كدا هيصدق ان مراته سقطت
عايشه:هي فين مراته دلوقت
هدي بتكشيره:رجعت لشقتها
عايشه: افعالها هتخلينا نتأكد لو كانت مش حامل وده هيظهر لو اجهضت قريب تعرفي فين شقتها
مايسه: ناويه تعملي ايه
عايشه وابتسامتها الخبيثه مرسومه ع شفايفها :هتعرفوا علي الي ناويه اعمله
..........
المساء في غرفه هاله اتصل بيها ابهم لما رجع ملقهاش فستغرب دي بترفض تسيبه ثانيه
ابهم: هاله انتي فين ليه مش في البيت؟!
هاله بتكتم دموعها: انا اسفه بس عندي عميله جايه تبع لي ادوات تجميل في العياده عشان كدا نزلت بسرعه
ابهم: طيب راجعه البيت امتي
هاله بتجاهد تكتم القهر: لاء هرجع الليله ع شقتي ويمكن افضل فيها فتره
ابهم بتعجب: ليه مش هترجعي ع هنا انتي حامل ولازم ااخد بالي منك ولا انتي زعلانه عشان مش بشاركك في اوضه النوم
هاله شدت قبضه ايدها ع الملايا: لاء الموضوع مش كدا انا بس زهقت من الخناق مع امك لانها مش بتحبني فكرت ارجع شقتي في الوقت الحالي لحد ما امك تتقبل الوضع
ابهم: خلاص هاجي اعيش معاكي
هاله: لاء ملوش لزوم لانك لو عملت كدا امك هتكرهني اكتر وهتفكر اني بعمل ده عشان اسرقك منها بس ممكن بكره نتقابل ونتغداه سوي ومتقلقش لاانا ولا ابنك هنروح مكاان بعيد عنك انا هقفل دلوقت اصل عندي شغل هكلمك بعدين انا وابنك
اسلام قاام وقف وحط ايده الاتنين جوه جيبوبه: هاله انتي مفكره ان ده هينجح
هاله بشراسه :لازم ينجح
اسلام: انتي نزلتي العيل ومينفعش تحملي ع طول زائد جوزك دكتور مش هيعرف انك بتكدبي
هاله :لاء مش هيعرف ولازم انجح مهما كلفني الامر لازم يكون عندي طفل تاني قبل ما يكتشف اني سقطت
اسلام: ع العموم انا دفعت الفاتوره وجبتلك الدواء سوقي للبيت براحه
هاله: ليه وانت رايح فين؟!
اسلام: رايح اشوف واحد صاحبي
هاله بقوه: قولتلك لازم تساعدني ابقي حامل في عيل الليله
اسلام: انتي مسمعتيش كلام الدكتور جسمك مش مؤهل يستقبل عيل تاني
هاله حدفته بالكاس بقسوه: ده جسمي وعارفه حدوده وانت لازم تساعدني وتخاليني حامل تاني
اسلام بنرفزه:اسمعي تقدري تجبريني اعمل ده بس انتي معندكيش تبويض حاليا والحيوانات المنويه مش هتخليكي حامل افهمي ارجعي بيتك وخدي الدواء وارتاحي وخاليني اشوف صاحبي وهكون عندك بكره
هاله مسكته من دراعه بقوه و بتهديد :لو مشيت مش هتاخد ولا مليم مني لازم تساعدني لازم يكون عندي طفل
اسلام بسخريه : انتي واحده مجنونه فعلا (شد دراعها) اوعي
هاله بصريخ جهوري: اسلام ارجع هنا اسلاااااام
اسلام مشي وسابها مع جنانها وهي قعدت علارض تبكي وتشهق بحرقه وتكلم نفسها ابني ليه سبتني ليه مفضلتش معايا ليه
نوح وصل لبيت رغده وخرج الشنطه ونخ يلبس الكوتش: كوكا هاخد الشنط ع الموتسكل
كارمن: يله انا ماشيه
رغده: مش كنتي استنيتي لحد ما تطلقي وكنتي روحتي معاه لحد ما العده تخلص وتكتبه
كارمن: عارفه انك قلقانه بس انا حابه اكون معاه ع قد ما اقدر مين عارف مش يمكن بكره يجي بحالاته يفرقنا للابد
رغده بشك: كارمن كلامك ده بيأكدلي انك مخبيه عني حاجه قوليلي وريحيني عليكي
كارمن: ولا حاجه يله نوح بيستناني
وضموا بعض بحب!!!
رغده طبطبت ع ايدها: خدي بالك من نفسك
كارمن ركبت وري نوح ووصلوا البيت ودخلوا
نوح: ع فكره البيت من غير وحش اوي
كارمن ببتسامه : ميرسي عن اذنك هطلع شنطتي فوق
نوح سحبها منها بهدوء: استني حطيها هنا كدا
كارمن: ليه وبعدين مالك متوتر من اول ما وصلنا
نوح سمع حد بينادي عليه بصوت عالي مستفز
نوح بصلها وبأمر: غمضي عيونك
كارمن بعدم فهم: نوح بتحاول تعمل ايه
نوح باس خدها بنعومه: غمضي يله ولا هبوسك من شفايفك
كارمن: خلاص غمضت
نوح سحبها من ايدها بحنيه: اقعدي وخالي عيونك مقفوله
نوح طلع برا للراجل وزعقله انه بينادي وبوظ المفاجأه والراجل يحلفله ميت يمين ان الجرس بايظ ومكنش يقصد نوح اخد منه البوكيه وشكره ودخل لقاه كارمن واقفه قدام الباب ومفتحه عيونها ومربعه ايدها
نوح كشر وحاطط البوكيه وري ضهره: اه كدا الراجل بوظ المفاجأه
كارمن مصطنعه الجديه: تعال هنا
نوح بصلها شويه وفضل واقف مكانه
كارمن شخطت فيه: قلت تعال هنا
نوح قرب منها وهي رفعت نفسها وباسته من خده لانها بتحب حركاته المجنونه
نوح اتجن من حركتها وباسها مره تانيه وابتسم بفرحه وطلع البوكيه من وري ضهره: حبيت ارحب بيكي بطريقه رسميه في بيتي وفي حياتي
وقدملها البوكيه بطريقه شيك مع ابتسامة جميله دوبتها
كارمن:نوح خليك ع طبيعتك معايا مش لازم تكون رسمي اوي كدا
نوح مسك ايدها وباسهم برقه:عارفه انا عمري ما قدمت حاجه كدا لـ اي واحده الا انتي وعشان تكمل المفاجأه اطلعي بسرعه اوضه النوم فيه مفاجأه تانيه
كارمن بحماس: ايه هي
نوح: لاء شوفيها بنفسك ع ما اجهز اي لقمه ناكلها
كارمن: قولي نبذه عنها
نوح شد خدها: لاء اطلعي شوفيها بنفسك يله اجري
كارمن طلعت الغرفه لقت لوحه كبيره بصورتها مرسومه بالالوان الطبيعيه متعلقه فوق السرير قعدت تفكرفي حبه الكبير ليها وقررت تنزل تقوله كل حاجه ولسه نازله لقت هاله بتكلمه ع الباب كارمن طلعت تجري بسرعه ع فوق!!!!
نوح: امي اهلا وسهلا
هاله: رنيت الجرس بس محدش رد لقيت الموتسكل عرفت انك موجود فتحت ودخلت
نوح برتباك: جرس الباب بايظ بس ليه جيتي هنا فجأه
هاله عيونها فيه لمعه دموع : لاني وحيده
نوح: ليه والدكتور فينه
هاله بستعطاف: ممكن افضل معاك هنا
نوح: ايوه بس
هاله: شكلك مش عاوزني افضل معاك هنا لو كدا انا هفهم يمكن متاخدتش راحتك همشي انا
هاله جايه تمشي مثلت انه هيغما عليها
نوح لحقها في حضنه: امي مالك وشك مصفر جدا
هاله ماسكه دماغها: انا تعبانه يانوح متقلقش هكون كويس لما اروح اخد الدواء في بيتي
نوح مسكها وسندها : استني انتي رايحه كدا فين بس وليه هتروحي شقتك انتي متخانقه مع جوزك
هاله: عادي كل اتنين بيتخانقوا من وقت للتاني ومليت من الخناق معاه عشان كدا قررت اعيش في شقتي لفتره
نوح اضايق عشانها: بس انتي حامل وهو دكتور لازم يعرف انه مينفعش الست تعيش لوحدها وخصوصا لو كانت حامل
هاله ببتسامه شاحبه: نوح انا حامل مش عيانه واقدر اهتم بنفسي همشي انا
نوح: ماما ايه رايك اجي ابات معاكي الليله
هاله سكتت شويه وبعدين قالت: ماشي
نوح: طيب تعالي انتي ارتاحي ع ما اطلع فوق اجيب حاجاتي ونمشي
كارمن بترجع لوري خبطت في فازه وقعت اتكسرت وعملت ضجه
هاله قامت بخضه: ايه الي وقع ده فيه حد معاك فوق
نوح اتلجلج: اه صاحبي هنا
هاله: اه فهمت صاحبك عشان كدا مش عاوزني افضل هنا
نوح: لاء مش كدا
هاله: ياتري صاحبك ولا صحبتك
نوح: لاء صاحبي تامر
هاله: بجد ممكن اقابله انا مقبلتش حد من صحابك خليني اقابله
نوح منعها بأيده: امي خليها مره تانيه
هاله: كنت عارفه لما منعتني انها بنت
نوح: ماما ممكن مشركش معاكي ده
هاله بحزن: فاهمه اني مربتكش وماليش الحق اتطفل ع حياتك انا بسأل بس نفسي اعرف الي بيحصل معاك بس انت شاب ناضج دلوقت وليك حياتك ومش فرض تبقي معايا
نوح بأصرار:لاء هروح معاكي عن اذنك اطلع اجيب حاجاتي ونتحرك استنيني هنا
هاله هزت دماغها وراحت قعدت ع الكنبه ونوح طلع فوق وهاله عيونها متبعاه فتح الباب ع كارمن الي وشها شاحب كل الالوان
كارمن: نوح هي امك هتفضل هنا
نوح بصلها مستغرب :ازاي عرفت انها امي وانتي عارفه امي منين؟؟!!!!