الفصل الرابع عشر
والخامس عشر
بقلم منه محمد
واقفه في الحوش وبتتكلم ع الموبيل: خلاص يا ابهم مش لازم تعمل ده....النهارده عديت بما الي فيه الكفايه ...اوك مع السلامه
جات من وراها: تقدري تقولي فضوليه حشريه بس قوليلي هو ابهم هيفضل في البيت مع هاله الليله؟؟
كارمن بصتلها: لاء رايح للشقه
رغده عقدت حواجبها: شقه مين؟؟
كارمن: شقته كان مأجرها من واحد وكان ناوي يفتحها عياده وطلب مني اروح اعيش معاه
رغده: يعني هاله عايشه في بيته بس هو رافض يروحلها وعايزك تبقي معاه
كارمن اتنهدت بصوت عالي ومشت خطوه وقعدت: ده حتي بيفكر في بيت جديد
رغده قعدت قصادها بستغراب: بيت جديد تمام شجعيه انه يعمل كدا هتتخلصي من امه نهائي كارمن هو بيعمل ده عشانك
كارمن: بس انا
رغده: لاء متقولليش انك مش عارفه تسامحيه بعد كل الي عمله
كارمن بحيره كبيره :مش عارفه
رغده طبطبت ع ايدها: انا حاسه بيكي بس هو بيحاول يصلح اغلاطه وكل شئ اعتبريه ماضي ده لو لسه بتحبيه هتلاقي طريقه تسامحيه بس لو مش بتحبيه بعد الي حصل ده موضوع تاني
كارمن بصتلها كتير
ايوه هي مش عارفه تسامحه لاء هي رافضه تسامحه بس مش عشان خانها وكبريائها لاء فيه سبب اقوي بيخليها مش عايزه تبقي معاه ايه هو مش عارفه تايهه
رغده فهمتها وقالت: الحيره الي انتي فيها سببها نوح هو ده الي مخليكي حاسه بأحساس مختلف بس خاليني انصحك انتي حاسه انه مش بيلعب بيكي وانه هيلتزم معاكي زي الدكتور
كارمن رجعت خصله وري ودنها واتوترت: رغده انا
رغده حطت ايديها قدام شفايفها: قبل ما تجاوبي فكري الدكتور راجل ناضج عنده 38 سنه ونوح 28 سنه وزي ما قولتلك شوفي فرق السن بينهم وميزي
كارمن ردت بقوه تطرد صوره نوح: بس هسامح ابهم وهغفرله لما تخرج هاله من حياته ونبدء حياه جديده سوي انا لسه عايزه طفل منه هو لسه عايزه حياتي معاه هو ومحدش هيقدر يغير فكري ولا قراري
................
واقف وفاتح كبوت العربيه وشغال فيها منهمك وبيمسح العرق الي نازل منه دخلت بخطواتها تتأمله وهو شغال كأنه في معركه مع خصمه ومقرر لازم يفوز اول ما شافتها ابتسمتلها
خلود بادلتها نفس الابتسامه: عامله ايه ياجده
آمنه: بخير انتي جايه هنا تشوفي نوح
خلود هزت دماغها بـ اه
آمنه بحزن: استني شويه عنده شغل كتير ولازم يخلصه بيشتغل وكأنه غرقان في الديون
خلود: لاء بس تلاقي الشغل كتير
آمنه: فعلا بس احنا عندنا ميكانيكيه يسدوه عين الشمس بس هو عايز يتعامل مع كل حاجه بنفسه
خلود: ويمكن عايز يفضل مشغول
آمنه: تعالي نقعد في المكتب لحد ما يخلص ده لو خلص
..........
في المستشفي خارجه من غرفه مريضه لقت الي جايه عليها بسربعه
رغده: كارمن بيقوله فيه حاله طلباكي بالاسم وبتقوله انها قريبتك وطالبه تشوفك
كارمن بتعجب: مين دي؟؟
رغده رفعت كتافها: معرفش
كارمن: طيب تعالي نشوف مين دي
مشت كارمن ورغده مشت وراها وراحوا للستعلامات الي قالت لهم الاسم بالكامل!!!!
كارمن: بتقولي هاله
الموظفه: ايوه بتقول صديقتك
رغده بندفاع: هي مش صديقتها
كارمن اتكت ع ايدها بتحذير
رغده هدت النبره وسألت: امتي وصلت هنا
الموظفه: جات امبارح بالليل
كارمن: حصلها ايه بالظبط
الموظفه: التقرير بيقول انها وقعت من فوق السلم
رغده: والله لو وقعت من فوق الجبل هتبقي بخير لانها كلها كدا ع بعضها بلاستك
كارمن برقتلها بعيونها :رغده وبعدين بقي احنا بنأدي شغلنا ومش بختار مرضانا
رغده بسخريه :وامتي الغندوره تقدر ترجع البيت
الموظفه بتردد لانها عارفه الفضيحه: الدكتور المتابع قال لازم تفضل هنا لحد ما يطمن ع
رغده :ع ايه ما تتكلمي
الموظفه: ع حاله الجنين
رغده شهقت وضربت ع صدرها: ايه جنين
كارمن حست بطعنه قويه ولمعت عيونها بالدموع :هي حامل
كارمن اخدت الخبر وطلعت تجري وتجري وتجري وصدرها طالع ناول زي السهم لحد ما لقت مكان فاضي دخلته وراحت سندت دماغها ع الجدار تسترد انفسها الي ضاعت ومع كل شهيق و مع كل زفير بتخرجه كأنها بتحاول تتخلص من الألم . رغده طلعت تجري وراها لقتها راحت عليها ووقفت وراها وومسدت ع كتفها لان مفيش اي كلام ممكن يتقال لقت موبيلها بيرن طلعته من جيبها وبصت فيه لقت اسمها
رغده جزت ع اسنانها بغل: ليه الحقيره دي بتتصل بيكي
كارمن اخدت نفس عميق وردت : فيه ايه تاني عرفت انك حامل ولا فيه حاجه تانيه حابه تعرفهالي
هاله بصوت متعب: عايزه اعتذر وانتي لازم تصدقيني ان الدكتور ابهم مش بيحبني هو عايزك انتي
كارمن: ليه بتقولي كدا وانتي حامل في ابنه
هاله: عندك حق انا حامل وكنت حامل قبل كدا في ابني البكر فضل يكبر وهو بيعاني مع اب وام محبوش بعض فمش عايزه اعمل ده مع ابني التاني
كارمن: تقصدي ايه بكلامك
هاله: انا اتصلت بيكي عشان اتوسل اليكي انك متجبيش سيره لـ ابهم عن الطفل
كارمن بهدوء:في النهايه هيعرف
هاله: لاء مش هيعرف ابدا لانه مش هيشوف الطفل ابدا وانا بجد اسفه لاني اخدته منك بس هرجعهولك واغلقت الخط
كارمن بفزع:هاله استني هاله
رغده :قالت لك ايه بنت الرفدي دي
كارمن بسرعه:يله بينا نلحقها
وطلعت تجري ورغده بتجري وراها لحد ما وصلوا للدور الي فيه غرفتها وكارمن فتحت الباب ملقهواش في سريرها كارمن بسرعه راحت
الحمام وفتحت الباب واقتحمت الحمام لقت هاله قاعده علارض وفاتحه رجليها وماسكه فرشاه الحمام وهتدخلها في الرحم تسقط الجنين
كارمن صرخت عليها وبتشد منها الفرشاه: بتعملي ايه يا مجنونه
هاله: اوعي سبيني اخلص منه
كارمن مسكت ايدها بقوة...وفضلت تجرجرها ع الارض لحد برا الحمام وهاله بتعافر معاها بكل قوتها لحد ما قدرت كارمن ورغده يسحبوها لبرا وهاله وقعت كذا مره وهي بتحاول تهرب منهم وكارمن ولا اهتمت فضلت تجرجرها بقوه
هاله بنهيار وبعدها حطت ايدها ع وشها وفضلت تعيط جامد بصوت عالي: اوعي بقولك سبيني عايزه انزله
كارمن صرخت فيها بصوت اول مرة يخوف: انتي مجنونه
هاله بأثار دمعه علي جفن عيونها : هو مش بيحبني ليه اخلف منه عيل ويكسر نفسي ويخاليني قصاد الناس ست رخيصه مالهاش اي قيمه
كارمن بكل قهرتها وغضبها ضربتها بالكف: اخرسي
رغده : كارمن اهدي
كارمن رغم قلبها محروق مولع : قبل ما كنتي تعملي معاه الي عملتيه ونتيجته روح بيتكون جواكي الي هي متهمكيش بس فيه ناس غيرك بتتمناه ومستعدين يتخلوا عن اي حاجه في سبيل ضفره والطفل ده ناتج عن سلوك الوضيع
هاله بعدتها عنها وفضلت تصرخ فيها: وانا اهو بصلح وضعي
كارمن مسكتها وفضلت تهز فيها بقسوه: صلحي بس مش من حقك تخالي روحه هي الي تدفع ثمن القذاره الي عملتهيها برغبتك
هاله صرخت فيها: انتي مفكراني عايزه اعمل ده بس دورتها في دماغي لقيت ان العيل ده صعب يعيش حياته ويكبر من غير اب لان ده نفس الي حصل معايا وابني ....انتي الكل بيحبك فمش هتفهي يعني ايه الانسان يبقي محبوب مرغوب من كل الي حواليه
رغده بحده: بس لسه عندك فرصه الطفل الي جاي تقدري تحببيه فيكي وتخاليه يحبك
هاله: بس انا عايزه لـ ابني التاني اب لو هيتولد بدون اب يحبه ويراعاه فملوش لزوم اولده عايزه انزله بنفسي زي ما وافقت يجي بنفسي واكمل طريقي وتقدري انتي وابهم ترجعوا سوي كارمن لامعت الدموع في عيونها ولسه واقفه جامده
هاله زقتها: يله اخرجي يله
رغده شدتها من عليها: هاله انتي فقدتي عقلك
هاله: هو ميعرفش بالعيل وانا هخلصه منه
كارمن: انت مفكره لما تتخلصي من العيل انا وهو هنبقي مبسوطين لو فعلا تعرفيه هتعرفي اكتر امنيه اتمناها من الدنيا دي هو الطفل لو ع حد المفروض بنسحب مش هتكوني انتي ولا العيل
هاله فضلت تعيط بنحيب وحطت وشها في الحيط وجسمها يتهز ويرجف بقوه وبعدين ابتسمت انها مثلت ولا المحترفين
كارمن خرجت بسرعه ووراها رغده
رغده ماشيه وراها: كارمن ليه قولتي كدا وناويه تعملي ايه
كارمن ماشيه تايهه كأنها مش عارفه تروح فين؟؟
رغده زقتها للحيط وحاصرتها: لاء ماهو مش هتلعبي دور البطله المضحيه وتبعدي
كارمن لقت موبيلها بيرن مسحت دموعها وردت: الو
ابهم: انا جاي اخدك بعد الشغل النهارده عايز نتعشا سوي
كارمن بجمود: مفيش داعي هقابلك في المطعم ابعتلي اسم المكان تمام مع السلامه قفلت الخط بقوة ووقفت ترتعش
رغده: ليه رفضتي يجي ياخدك من هنا
كارمن: لاني مش عايزاه يعرف بحمل هاله
رغده ضربت الارض بقوة: بجد كدا كتير كتير
كارمن: رغده ابوس ايدك متقلهوش بحمل هاله حابه اتعامل مع ده بنفسي
رغده حطت عيونها جوه عيونها وايدها ع كتافها: ازاي هتتعاملي مع الامر فهميني
كارمن :هقولك بس لما انفذ
كارمن عارفه انه قرار مجنون...لكن خلاص كانت مصممه انها تنفذ لو فيها اذية نفسها وقتل نفسها وارهاب نفسها .....هي مستعده تعمل اي حاجه وكل حاجه
........
وصلت المطعم لقته قاعد جنب واحده وبيلاعب طفله جميله ومعاها راجل دخلت ابهم وقف وعرفها علي السيده انها كانت حاله متابعه عنده وهو الي ولد البنوته الحلوه دي كارمن سلمت
بحراره ع الست وزوجها وباست البنت وبعدها ابهم استأذن منهم وراح مع كارمن
ابهم فتح لها كرسي وكارمن علقت ايد الشنطه في الكرسي وقعدت بهدوء
كارمن: ابهم
ابهم ربع ايده وبصلها: نعم
كارمن: انت رايح المستشفي بكره
ابهم مسح ع دقنه بتفكير : لاء معنديش حاجه هناك وطالما عندي اجازه هدور ع حاجه اعملها واشغل وقتي تحبي تعرفي هعمل ايه
كارمن حطت ايدها تحت دقنها:هتعمل ايه
ابهم ابتسم:هتعلم فن الطبخ
كارمن: انت قولت ايه
ابهم ضحك اوي:مستغربه ليه انتي عارفه اني بعشق الطبخ جدا عشان كدا عايز اتوغل فيه اكتر او بالاصح حابب اتعلم اطبخ اكل صحي للاطفال عشان ابننا في المستقبل
كارمن: فهمت
ابهم: هتفضلي معايا الليله
كارمن: ابهم انت لازم ترجع البيت
ابهم بضيق: قولت لك مش هروح البيت طول انتي مش موجوده فيه وبعدين انا قررت اشتري ارض ابني عليها فيلا صغيره تبقي بتعاتنا ملكنا
كارمن: طيب ما فيه الشقه
ابهم: الشقه صغيره ومساحتها كمان صغيره عايز بيت بجنينه ابننا يجري فيها وهنلاقي ارض للفيلا الي هتكون فيها عايلتنا الصغيره انا وانتي وبس
كارمن بصتله والتزمت الصمت وجواها قرار بعدم الرجوع
ابهم اخد المونيوم وفتحه وابتسم: هطلبلك ع ذوقي فاكر الي بتحبيه مرر عيونه ع القايمه امممم سمك انتي بتحبي السمك المقلي بالليمون
كارمن كانت بصاله ومش عارفه تقوله ايه عن هاله بس قوت نفسها وقوه ارادتها لازم تستسلم للواقع لان الحياة ماليانه بالمصايب و الإبتلائات و عليها مواجهتها وليس الهروب
كارمن: ابهم
ابهم رفع عيونه وبصلها بهتمام: نعم
كارمن: ارجع البيت لوالدتك
ابهم حط المونيوم: مش عايزك تفتحي الموضوع ده ولا حتي تذكريه مره تانيه
كارمن: طيب مش قلقان عليها
ابهم: لاء طبعا قلقان عليها بس مش عايز اشوف هـ
كارمن قطعته بسرعه: ابهم هاله مش في البيت
ابهم :عرفتي ده ازاي
كارمن: لو مش مصدقني ممكن تتصل بوالدتك تقولك عشان كدا عايزاك ترجع البيت تكون معاها
ابهم مسك صوابع ايدها الناعمه بين ايده الخشنه وقال بعد ثواني وهو
يبتسم لها ابتسامة رايقة : عايز ابقي معاكي انتي بس لو مرجعتيش معايا انا
كارمن: ابهم خاليني انا مع رغده في الوقت الحالي اديني مساحه وشويه وقت الملم جروحي
ابهم :بس انا عايز ارجع البيت وانتي معايا
كارمن بثقه: هاجي اطمن عليك
ابهم وسعت ابتسامته اوي: بجد هتيجي
كارمن: ايوه
ابهم قام وسحبها لصدره بتملك وهي زي ما هي جامده لانها عارفه انه صعب تفضل معاه لانه حرفيا فوق احتمالها
كارمن لسه جوه حضنه: عدينا بوقت فيه مشاكل كتير بس لما ارجع كل حاجه هتتغير
ابهم خرجها من حضنه وضم وشها بين كفوف ايده وعيونه جواها سؤال: ازاي هتتغير
كارمن :هخليك مبسوط وسعيد
ابهم :تقصدي انك سامحتيني ع كل حاجه عملتها بجد متشكر يا كارمن متشكر اوي وباس جبينها وبعد وقت من الكلام اخدها وصلها لبيت رغده
كارمن فتحت الباب وكانت فعلا مرهقه بشكل فظيع ورغده جريت عليها
رغده بسؤال: كارمن وصلك ابهم
كارمن: ايوه
رغده: قولتيله عن الحمل
كارمن غمضت عيونها ببطء : لاء
رغده :امتي ناويه تقوليله
كارمن :قريب هدخل اخد شور وانام لاني مجهده بجد
رغده مسكتها: مش هتعملي الي بفكر فيه مش كدا
كارمن :انا معرفش الي بتفكري فيه
رغده بحمقه :لاء انتي عارفه وفاهمه الي اقصده ياكارمن بطلي لئم فعلا هتعملي ده
كارمن الي اتلمت عيونها بالدموع وهي بتعافر ان دموعها ماتنزلش:عندي اي اختيار تاني
رغده بصتلها بحزن: ياريت كان معايا عصايا سحرية عشان احل مشاكلك قبل ما ينفذ صبرك
كارمن: بس للاسف مفيش عصايا ولا معجزه
سابتها ومشت باستعجال ودخلت الاوضه وقعدت وسندت دماغها ع حرف المكتب وفضلت تفكر في كلام هاله ونزلت دموعها ع خدوها
.............
سنيه قربت عليه ببتسامه:جدتك خلاص جاهزه
نوح لف وسألها وهي جايه عليه: هنروح المول النهارده
آمنه جايه عليه بسعاده: لاء مش رايحه هناك النهارده
سنيه: امال رايحين فين
آمنه: المستشفي
سنيه: ليه الدنيا بتتشقلب برا ولا ايه رايحه بأرادتك
آمنه: اه الدنيا بتتشقلب حتي روحي شوفيها من الفراندا
سنيه رفعت ايدها ع جبينها وضيقت عيونها: فين
آمنه اخدتها ناحيه الفراندا بخبث: شيفاها اهي بتتشقلب
وراحت ضربتها في ضهرها بالشلوط وسنيه فرشت جسمها علارض
آمنه بتوعد: عشان انتي حشريه زياده عن اللزوم انتي مالك انتي مالك يابارده
سنيه قامت ومسكت ضهرها ونوح ابتسم ع منظرها
آمنه: نوح ممكن تاخدني للمستشفي اصل الصبح قومت لقيت صدري بيوجعني اوي
نوح مسك خدها: انتي متطلبيش انتي تأمري وانا انفذ سنيه هاتي دفترها الصحي
سنيه: حاضر
آمنه: مالهوش داعي انا رايحه لمستشفي تانيه عايزه اروح المستشفي الي بتشتغل فيها كارمن
نوح بضيق: ليه عايزه تروحي لهناك
آمنه: لاني واثقه فيها وبعدين وحشتني وعايزه اشوفها ممكن تاخدني ليها
نوح :جدتي ممكن تخلينا نروح مستشفي تانيه يمكن تكون اجازه النهارده
آمنه: خلاص اتصل بيها واسألها
نوح: معنديش رقمها
آمنه: انت مش عايز تتصل بيها خلاص متتصلش خدني لهناك من غير ما تعرف يله يا سنيه
نوح حس انه اتحط قدام امر واقع اتنهد وطلع وراهم بستسلام
بعد دقايق وصلوا قدام المسشتفي وامنه داخله بتجري زي الفراشه الي نفسها تحلق في الهواء
سنيه بخوف بتمسك ايدها: براحه لتتكعبري وتقعي
آمنه ضربتها في كتفها بخفه: مالك انتي سبيني اعمل الي انا عايزاه
سنيه كشرت:الحق عليا اني خايفه عليكي
امنه: بدل ما تشجعيني تقوليلي كلام بايخ شبهك
نوح ضم كتفها : آمنه فعلا براحه لتقعي
آمنه ببتسامه واسعه: نوح كارمن بتشتغل في انهي قسم
نوح: ليه مصممه تزعجيها هي بتشتغل
آمنه: انا بس هسلم عليها احنا خلاص هنا وعيب منسلمش
نوح: خلينا نروح للدكتور يشوفك
آمنه سابت ايده ومدت بخطواتها لقت ممرضه نادتها وسألتها: اسمعي يا بنتي انا عايزه اقابل ممرضه هنا اسمها كارمن هي هنا النهارده
الممرضه: لاء هي في اجازه يا حجا
نوح بيجري وراها : يا امنه استني رايحه طايره كدا فين غرفه الدكتور من هنا
آمنه بزعل: رايحه الورشه
نوح: الله مش هندخل للدكتور
آمنه: كارمن مش هنا انا مجتش عشان اشوف اي دكتور
سنيه: ايه علاقه تعبك بيها هي ممرضه مش دكتوره
آمنه: انا مش عايزه اي دكتور عندك مشكله
سنيه: من فضلك بلاش تبقي عنيده تعالي نطمن عليكي
نوح بيضرب بعينه لمحها خارجه من الاسانسير وماشيه زي التايهه خرج من وسطيهم و ورايح وراها آمنه مسكته من ضهره: نوح انت رايح فين
نوح: رايح الحمام وراجع
كارمن الي كانت بتراعي هاله لحد ما تنفذ قرارها لكن حاسه انها ضغطت ع نفسها بما فيه الكفايه ولازم نهايه للوضع ده لانه بجد كفايه
كارمن راحت وقفت في الجنينه نوح راح ووقف يراقبها من بعيد ولسه هيقرب يكلمها تلفونها رن وكان ابهم بتقوله انها رايحه البيت بكره ولازم تقابله هناك
نوح سمع كلامهم وحس كأنه طير عاجز عن الطيران وغمض عيونه من الالم ولف مشي بهدوء طلع الشارع وهو مقهور محروق ...متألم ...لقاها طالعه في وشه
آمنه: نوح قابلت كارمن
نوح بصوت مبحوح: لاء يله نمشي
آمنه بشك: استني سالت واحد من الامن فين الحمام قالي انه اخر الطرقه الي انت مشيت عكسها قولي روحت تشوفها
نوح عيونه دمعت بقهر: انا مقدرتش حتي اشوفها
أمنه بستغراب من منظره وصوته: ليه ومالك كدا جد زياده عن اللزوم
نوح فجر القنبله: لانها متجوزه وعندها زوج عشان كدا مستحيل ابقي معاها
أمنه رئكشانات الصدمه ظهرت ع وشها بدون ما تنطق بأي كلمه
................
هدي بفرحه وسعاده: متشكره اوي يا عايشه عشان رجعتي الصوره عشاني وكمان نشرتيها ع جروب المستشفي...طبعا الاعضاء الي في الجروب هيشوفوها هي وعشيقها ..ولو رفضت الطلاق من غير مليم ..ايه تقدر تقول متفبركه ولا مزيفه وحياه امها لارفع قضيه زنا واسجنها
الشغاله جايه بتجري بخوف: هدي هانم كارمن هنا
هدي: اقفلي يا عايشه لما اشوف الفاجره
وطلعت تستقبلها بالاهانه: رجعتي هنا ليه قولت لك انتي مش مرحب بيكي زوجه ابني انتي هنتيني ومش هنقدر نتفق انا وانتي
كارمن: مش عايزاكي تقلقي انا اعيش في خيمه احسن الف مره من قلعه ماليها الحقد والسواد فطمني مش هرجع هنا ابدا
هدي ربعت ايدها قدام صدرها: طيب جيتي هنا ليه
كارمن: انا هنا عشان اقولك بلاش تتمادي معايا للحد المشين ده
هدي مثلت الصدمه: ليه عملت ايه انا
كارمن: انتي عارفه كويس اوي انتي عملتي ايه انا عارفه انك عايزه ابنك يتجوز من واحده تانيه بس اصبري وكل الي بترسميله وبتخططيله هيحصل
هدي :قصدك هتوافقي ع شروط الطلاق استني خاليني اتخيل السبب اه انتي اتقبض عليكي متلبسه وانتي في علاقه مع راجل مظبوط ولا ملهوفه تبقي مع حبيبك
كارمن :عارفه مش مستغربه لا كلامك ولا حتي اتهامك بس فكري شويه انتي عايزه عشيقه لابنك
هدي باحتقار شديد:عايشه مش عشيقه سامعه دي هي تؤام روحه الي القدر قرر انه يقابلها بس متأخر
كارمن عضت على شفتها بهدوء : روحي قولي التبرير ده لحد غيري انتي بتضغطي عليه وعايشه ترمي نفسها عليه بجد مش مكسوفه من عمايلك
هدي بصرخه:اخرسي قطع لسانك
كارمن بمساومه شريفه:لو عايزاني اوافق ع الطلاق متلعبيش معايا بحيل قذره شوفي بس محامي وامشي في الاجراءات وهمضي عليها
هدي كشرت: اتمني تكوني مش كدابه وبتاعه تلات ورقات
كارمن بسخرية:متقلقيش افرحي هيكون عندك زوجه لابنك جديده
هدي بنشوه الانتصار :شايفه خسرتي قدامي في النهايه
كارمن كتمت غيظها ومشت من قدامها بسرعه
........قصص منه محمد كاتب.......
قاعد حاطط رجل ع رجل وبيتكلم في الموبيل: وحشتيني ونفسي اشوفك يا حلوه والنبي ما تزعلي مني ثواني وانا عندك
ولسه بيقوم لقاهم داخلين عليه بربطه المعلم
اسلام: انت ياولا اخدت امي فين انت عارف الساعه كام
نوح بصله وطنشه تماما ومسك ايد جدته يطلعها تستريح في اوضتها
اسلام بأهانه: انا مش بكلمك يا خروف
نوح بتهكم:كنت هتعرف لو جيت ع نفسك وروحت للمول وسألت
اسلام حط ايده الاتنين في وسطه: ولا جاوب ع سؤالي بلاش تكون وقح انت بتكلم ابوك
امنه بسخريه واحتقار: سلامات يا ابوه انتي بتسمي نفسك اب ياشيخ اتلهي اي نوع من الابهات الي بتقعد تشرب وبعدها يروح يقابل الستات انت مخلوق من ايه انت بشر
اسلام ضرب ايده في بعض:امي الف مره قولت لك بلاش تقفي في صفه برغم اني مربتهوش بس انا سبب انه جه الدنيا وهيفضل مديون لي باقي حياته
خلود هنا دخلت وشافت المشاده الكل لف وبصلها وهي القت التحيه و
آمنه وهي بتشاروله على الباب: اسلام امشي من وشي ولا تحب اهزقك قدام العيال
اسلام رفع السبابه بتحذير: اسمع يله بيتي مش فندق تجيب فيه ستات هنا
نوح رفع انفه لفوق:انا مش زيك
اسلام اتك ع اسنانه بشراسه:انت لازم تضرب وداخل عليه زي الهجامين
آمنه حجزت بالعكاز: بطل وابعد عنه وبطل نغمه انتي دايما واقفه في صفه لان كل الي بيقوله مظبوط
اسلام ضرب كف بالتاني وبنفعال: طبعا انا في نظرك ولا اي حاجه ع عكس حفيدك المثالي اهو عندك اشبعي بيه ومشي
آمنه رفعت ايدها للسما: يارب امتي اتخلص منه (وحطت ايدها ع كتف نوح) متزعلش نفسك انا طالعه اغير هدومي وخليك انت رحب بضفتك
نوح اخد خلود وطلعوا في الفراندا
نوح هز راسه بضيق: انا اسف عشان والدي وكلامه
خلود:متشغلش بالك الامر مضيقنيش
نوح حرك ايده ع دراعها: شكرا وراح قعد ع التربيزه
خلود بصتله كانت عيونه فيها حزن رهيب قامت ومسكت كتفه: المهم انت عامل ايه
نوح رد وهو بيطلع سيجاره يدخنها ببطئ: عايش وبخير
خلود: انت مش مضطر تجبر نفسك تبتسم قدامي لاني بعرفك لما بتتظاهر
نوح حب يغير مجري الحوار: طمنيني عن الاحوال ماشيه ازاي في الكافيه
خلود مشغولين بس بحاول القي حد يساعدني
نوح وقف بضيق وهو بيطفي السيجارة: هنزل معاكي يومين كدا واسف بجد اني سبتك تشتغلي لوحدك
خلود ربعت ايدها :يا سيدي الشغل مش مهم انا دماغي الي مشغوله اكتر
نوح :ليه فيه مشاكل في الكافيه
خلود لاء مش قصدي الكافيه انا دماغي مشغوله بالقلق عليك
نوح بضيق :خلود انا رافض قلقك
خلود بدون اي مقدمات باسته من شفايفه في لحظه نزول سنيه شافتهم وطلعت تبلغ آمنه
نوح اتفزع وزقها: ايه الي عملتيه ده احنا مش انفصلنا عن بعض من مده طويله ميصحش كدا
خلود: عارفه بس انا لسه بحبك يانوح ومش قادره احب ولا اكون مع حد غيرك زي ما هو مش قادره اشوفك بتفكر في واحده تانيه غيري وخصوصا لما تكون متجوزه الست الي من المستحيل تبقي معاها ابدا
نوح بنفعال:خلووود الزمي حدودك
خلود عيونها دمعت : حدودي نرجع لبعض تاني
نوح لسه هيرد حطت ايدها ع شفايفه
خلود مسحت دموعها: مش لازم ترد دلوقت عليا بس لو فيه ذره في قلبك لسه عايزاني اقدر استناك
........
تاني يوم رجع البيت ومعاه بوكيه ورد كبير وضخم
هدي: اخيرا رجعت بيتك حمد لله بالسلامه
ابهم حط البوكيه تاني وراح سلم ع امه وباس راسها: عامله ايه يا غاليه
هدي: بخير وفرحانه انك لسه فاكر اني امك
ابهم ببتسامه: حد ينسي امه
هدي برفعه حاجب: امه لما تهتم بمراتك تنسي امك واهل امك ولا اقولك مرتاتك بصيغه الجمع
كارمن مش هي الوحيده دلوقت
ابهم: هي رجعت
الشغاله: جات امبارح ومشت
ابهم بتعجب: هي كانت هنا امبارح
هدي: ايوه ليه هي مقلتلكش انها كانت هنا امبارح
ابهم: لاء ايه الموضوع
هدي: ليه هو انت مدخلتش ع موقع المستشفي يا ضنايا
ابهك: لاء انا حاليا في اجازه عشان كدا مدخلتش الموقع فيه ايه
الشغاله: الموضوع
هدي لفت وبصتلها بغضب : اخرسي انتي انا بتكلم مع ابني
هدي ورجعت بصتله: ولا حاجه بلاش تشغل نفسك انت ارتاح في اجازتك يله ندخل كارمن مش هنا بس زمانها جايه النهارده اكيد
دخلوا وقعدوا وهدي شغلت التلفزيون ع مباراه تشغله فيها بس هو كل شويه عيونه تحود ع الباب واخر ما زهق مسك الموبيل يتصل بيها
هدي بتهز رجليها: ملوش داعي تتصل هتكون هنا
ابهم رجع الموبيل تاني مكانه
الشغاله داخله بتجري: هدي هانم
ابهم لف وبصلها: ايه كارمن وصلت
الشغاله بتوتر: اه وصلت بس
ابهم ماسبلهاش فرصه تكمل وقام يمد ع برا يتسقبلها بسعاده واول ما شافها راح مسك ايدها وابتسم ابتسامه عريضه :كارمن بجد شكرا انك رجعتي وبقيتي معايا
صوت بغيض :وانا كمان معها يا ابهم
ابهم فتح عيونه: هاله
كارمن :جايه معايا
ابهم بصلها بستغراب :ليه
كارمن بصتله وعيونها كلها دموع :لان من نا ورايح هتفضل هنا
هدي بعصبيه: مين انتي عشان تقرري مين يفضل هنا ومين يمشي ده بيتي
كارمن :ايوه بيتك بس هي ليها الحق تعيش هنا لانها حامل في ابن ابنك
ابهم بصدمه :انتي قولتي ايه
هاله: ابهم اخدت ايده حطتها ع بطنها انا حامل في ابنك
ابهم بص لايده وشالها بسرعه
هدي صرخت فيها صرخه اتردد صوتها في اركان الفيلا: كارمن ايه اللعبه الي بتعلبيها معانا
كارمن صرخت فيها: انا مش بلعب اتصلي بالمستشفي لو مش مصدقاني
هدي :طبعا هتصل انت محروقه مني لاني سربت صورك مع عشيقك عشان كدا اتفقتي مع هاله وحكايه الحمل عشان تتستري ع وساختك وتجبري ابني يفضل معاكي
ابهم بصدمه:انتي عملتي ايه
كارمن بصتله بضعف: نشرت صور ليا راجل بيبوسني ونشرتها ع موقع المستشفي
ابهم بصراخ :ليه عملتي كدا ليه يا امـ
هدي قطعته بجنون:عملته الي عملته عشانك الهانم بتقرطسك وتخونك ازاي تقبلها ع نفسك تفضل معاها طلقها واخلص وانضف من عارها ايه يربطك بيها غير ورقه وسخه تتقطع ووترمي وانا خلاص كلمت المحامي هنروح ونخلص
ابهم ضرب الجدار بقوه وفضل يرفس كل حاجه حواليه بثورة جنونية:مش هطلقها سامعه
هدي رفعت صوباعها في وشه:صوتك ميعلاش في وشي سامع
هاله مسكت ايده برجاء:ابهم لازم توافق ع الطلاق
ابهم قرب منها وقال وهو بيشاور بأيده بتهديد:اظن اتكلمنا في الموضوع ده
هاله :ايوه ده قبل ما اكتشف اني حامل وبعدين انا مقدرش اعيش مع ضره بس لو انفصلت عني مش هخالي الطفل يشوف النور
كارمن بعجز :ده افضل حل لينا كلنا لما تكون جاهز نروح نطلق
ومشت من قدامه ابهم حس انها نهايته لا دي نهايه العالم زق هاله من سكته وطلع يجري وراه كارمن وشدها من
وسطها لصدره وبتوسل: كارمن ارجوك سبيلي شويه وقت اصلح الوضع
كارمن: انا عارفه انك عايز طفل
ابهم: ايوه عايز طفل لكن منك انتي
هاله بتشده بالقوه: ابهم خد بالك من كلامك وانا ايه اولع انا مراتك زيها
كارمن: دكتور ابهم فات الاوان خلاص احنا حاولنا خمس سنين وكل التقارير قالت لو كل واحد فينا كمل طريقه مع انسان تاني هنخلف وانت اهو خلفت سبني انا كمان اعيش حياتي والحق اخلف حته عيل
ابهم قبض ع كفوف ايده بقوه وقهر: مقدرش اسيبك مقدرش
كارمن بنفعال: لاء قدرت لما سبتني عشان هاله واكيد عملت ده لان فيه مشاعر ناحيتها
ابهم بيبعد هاله عنه بقسوة : المشاعر مالهاش علاقه بحملها اطلاقا
كارمن: في النهايه هتبقي ام ابنك خلاص هيبقي عندك طفل من ست تانيه انا انفصلت خلاص عنك
ابهم جعد ملامحه وصرخ فيها : لاء مش هطلقك
هاله: لو مطلقتهاش
قولي هتعمل ايه في العيل ده ده ابنك لازم تكتب عليا رسمي بس مش عايزه ضره والا هحرمك من العيل ده
ابهم جن جنونه: مش هطلقها مش هطلقها
كارمن: خلاص حكايتنا خلصت مستحيل نعيش سوي ونكمل طريقنا انا قررت الانفصال
وسعتلكك السكه تراعي هاله وابنها
ابهم جاي يجري وراها هاله وهدي اتكتروا عليه ومسكوم منعوه
ابهم صرخ فيهم زي المجنون: اوعي سبوني
خلص دراعه من امه وزق هاله الي متبته فيه
وقعت علارض وصرخت ومسكت بطنها : الحقني يا ابهم ساعدني بطني بتتقطع أأأه
ابهم وقف محتار مش عارف يلحق مين فيهم
وفي الاخرراح يلحق هاله واخدها يطمن عليها
تحت نظرات هدي الي اقسمت انه ثمثيل محترفين !!!!
اما كارمن كانت ماشيه و حاسه بضيق
شديد...كارهه نفسها...وكارهة كل جزء فيها...حاسه بخوف غريب...حاسه بتشتت وضياع...
احاسيس كثيرة مالهاش اول وولا اخر...لقائه ضيعها...لقائه جمعها...لقائه رجع
وضيعها...والطفل الناتج عن خيانته كانت القشه الي قسمت ظهر البعير!!
الفصل الخامس عشر
من فضلكم رايكم عشان عندي احباط اكمل شجعوني وزقوني اكمل
في الورشه طلعت تطل عليه لقته كالعاده فاتح العربيه ومنهمك فضلت واقفه مكانها وافتكرت لما سنيه طلعت تبلغها في وضعه مع خلود
#فلاش_باك
سنيه فتحت الباب ع طول وتولول وهي مقربه عليها: الحقي الحقي الحقي
آمنه شدت العبايه ع جسمها: بتعملي ايه يا مخبوله خبطي ع الباب قبل ما تدخلي قدري كنت عريانه
سنيه لطمت خدودها :لو شوفتك عريانه ولا يجي جنب الي شوفته
امنه :شوفتي ايه يا سلعوه
سنينه بتحرك شفايفها شمال ويمين: شوفت نوح بيبوس خلود من بؤقها
طلعها من سرحانها لما لقت خلود جايه عليها بترحاب وابتسامه صباح الخير يا جدتي
امنه: صباح الخير فيها ايه الكياس دي
خلود رفعت الكياس: ابدا ده غداء للصنيعيه عملت لهم مكرونه باللحمه المفرومه اما لحضرتك عملتلك شوربه خضار
آمنه: شكرا يا حبيبتي
خلود رفعت كيس : بالنسبه لنوح بقي مكرونه بالفراخ الاكله المفضله
نوح بضيق:متشكر
ولف غرس كله دماغه جوه كبوت العربيه
خلود اتقهرت من رده وحست انه اضايق من وجودها ومدهاش منظر
خلود بصت لجدته بأحراج: عن اذنك احضر اللاكل للعمال
الكل شكرها
آمنه ابتسمتلها مجامله وبصت لنوح وهزت دماغها بحزن
بعد وقت من الشغل والتعب والسعي وري لقمه العيش
آمنه برحمه: خلاص الشغل اليوم خلص الكل يروح لبيته وعياله يله مرتاتكم وعيالكم مستنينكم
ايوب بمعاكسه: انا مروح البيت حالا بالا وانتي لازم تروحي البيت تستريحي متخلنيش امسكك متلبسه ومتحزمه وواقفه ترقصي في الكباريهات
امنه ضربته بالمروحه اليدويه في كتفه وضحكت: انا يا قليل الربايه اتحزم وارقص لو لقتني هتلاقيني بصلي في اي جامع يله امشي روح لـ امك وبطل تمثل كوميدي لان دمك بايخ
ايوب بجديه:لاء بجد روحي ارتاحي لان شكلك مرهق اوي وكنت عايز بس اسمع صوت ضحكتك
امنه :انا مرهقه لان انت وزمايلك مكسلين ومش بتنجزوا الشغل في الوقت المناسب عايز تشتغل بدون اجر اضافي
ايوب :لاء انا كدا امشي حالا بالا
نوح قرب عليه وبيمسح ايده في الفوطه :خلاص مروح
ايوب رفع حاجب: الله بس ليه رجعت تاني مش انت كنت مشيت مع خلود ممكن اسالك سؤال انت وخلود رجعتوا لبعض
امنه بصتله ومستنيه اجابه السؤال
نوح زقه في كتفه بخفيف: يله اتكل ع بيتك اشوفك بكره
ايوب كشر بطريقه كوميدي :طرده يله سلام يا حجا
امنه بمحبه : مع السلامه سلم ع امك
ايوب ابتسم: يوصل
امنه بصت لنوح وسألته: خلود مشت
نوح :اه مشت انتي مستعجله عشان عايز اشتغل شويه
أمنه: نوح استني عايزه اتكلم معاك امبارح سنيه شافتك انت وخلود انت عارف الي اقصده مش كدا
نوح فهم: البوسه
آمنه: نوح مش عايزه ادخل في حياتك العاطفيه بس انا قلقانه عليك
نوح :انتي قلقانه عليا ولا قلقانه اننا نرجع لبعض
آمنه: لو عايز ترجعلها لانك بتحبها مش هكون قلقانه عليك بس هكون قلقانه ومرعوبه عليك لو معندكش مشاعر ناحيتها بس انت رجعت ليها لانك مضطر ترجع عشان تنسي واحده تانيه
نوح رماه الفوطه من ايده وراح قعد ع الكنبه الجلد السوده بزن كأن الفرحه لوشه رحلت معاها
امنه راحت قعدت جنبه: نوح لو مفيش مشاعر ناحيتها يبقي بلاش تخدعها مينفعش تستغلها عشان تنسي حد تاني
نوح نزلت دمعه من عيونه بألم تعجز حروف الوصف فيه وقال: ليه مش قادر انساها
آمنه ضمته في حضنها تحتوي المه بكل حنان
قصص منه محمد كاتب
عند كارمن كانت حاسه بضيق شديد...كارهه نفسها...وكارهة كل جزء فيها...حاسه بخووف غريب...وحاسه بتشتت وضياع...
احاسيس كثيرة مالهاش اول وولا اخر...لقائه ضيعها...لقائه جمعها...لقائه رجع وضيعها...الطفل النا تج عن خيانته كانت القشه الي قسمت ظهر البعير!!
لقت ابهم ورغده بيتصلوا بيهم سحبت ايقاف التشغيل وقعدت ع كرسي في جنينه شافت بنت وولد بيلبسها الخوذه هنا افتكرت نوح لما كان بيلبسها الخوذه ويشاغلها قامت وفضلت ماشيه تايهه في الشوارع لحد الليل ما عتم بسواده وانتشر ع الدنيا لقت نفسها بتدخل الملهي الليلي فضلت تشرب وتشرب وتشرب لحد ما داخت ومسكت دماغها
شاب 1 :بقولك ايه جبت المطلوب
شاب2 :جبت خد يا مان ظبطها وادعيلي وغمزه
شاب 1: اخد الكيس وفرغ محتوياته في كاس صودا باليمون وشاور للجرسون
تعال هنا خد الكاس ده للحلوه الي هناك دي واذا سألتك انه مش ليها تصر انه هي الي طلبته
شاب1: طلع مبلغ من جيبه وحطه في ايد المتر ده ليك نفذ الي قالك عليه
الجرسون: تمام يبشا
الجرسون قرب منها: كاسك يا هانم
كارمن: لاء ده مش ليا
الجرسون :بس انتي طلبتيه
كارمن :انا طلبت
الجرسون: ايوه حضرتك طلبتيه
كارمن اخدت الكاس من فوق الصنيه وشربته مره واحده برغم كان طعمه مر جدا
والشباب فرحت وضربه كاسهم في بعض بنتصار
كارمن بعد دقيقه او اقل بدئت تدوخ لمحها تامر من تحت وهي بتترنح جامد
قصص منه محمد كاتب
ابهم قاعد برا عمال يتصل بيها بس اغلقت الهاتف سمع صوت كركبه ودوشه جايه من غرفته قام ودخل وفتح الباب بعنف
ابهم بنظرات كره :بتعملي ايه عندك
هاله ببرود:بجمع هدوم كارمن في شنطه عشان يكون فيه مساحه اعلق هدومي
ابهم سحب الهدوم بقوة وبحزم: سيبي انتي ملكيش الحق تلمي حاجاتها
هاله: ليه كارمن نفسها ادتني الحق في اني اكون مراتك ومتنساش اني حامل دلوقت في ابنك
ابهم حاول يمسك ايده قبل ما يرفعها عليها: من حقي اخد مساحه في التفكير ليه مُصره تضغطي عليا بالشكل ده
هاله: اضغط عليك وتفكر في ايه انا حامل منك ولازم تتحمل المسؤليه
ابهم بجديه وشراسه:بس لسه عندي كارمن مراتي
هاله بحده :كارمن هتطلق منك خلاص
ابهم بنفس الحده:مش هسمحلها
هاله :والله مش هطلقها طيب والعيل ده هيكون ابن حرام في الحاله دي هنزله
ابهم شدها من دراعها بقسوه :انتي بتخرفي تقولي ايه
هاله شدت دراعها منه :بقول الي هيحصل لو قررت تأذيني مفيش مشكله لكن مش هخالي ابني يقولوه يا ابن الحرام العيل ده مرتكبش اي غلطه احنا الي ارتكبنا
ابهم ارتفع ضغطه:اسمعيني كويس
هاله قطعته بطريقه مستفزه:اسمعني انت كويس انت عارفني وحافظني لما بقول حاجه بعملها دايما ومفيش عندي رجوع وعليك تختار بين الطلاق والاجهاض لان انا مش هسمح بضره
ابهم اخد نفس :هختار العيل ومش مطلق
وسابها وخرج طلعت تجري وراه وشدته من ضهره بغل
هاله :ابهم اقف هنا قصدك ايه اختيار العيل من غير طلاق
ابهم حس بالقهر وكأنها مسكاه من ايده الي توجعه:هتحمل مسؤليه الطفل وبس
هاله شاورت ع نفسها:وانا ....انا ايه
ابهم: اسف بس حرفيا مش طايق اكون معاكي انا بحب كارمن مش بحبك انتي
هاله مسكت ايده :ابهم انت في اليوم الي اخترتني فيه قولت لي انك بتحبني انا
ابهم نفض ايده بعصبيه واحتقار:اكتشفت اني كدبت ع نفسي في اللحظه الي فقدت فيها كارمن حسيت الي بينا مكنش حب كان مجرد شهوه وانانيه
هاله رفعت ايدها وضربته بالقلم بعزم قوتها لدرجه الصوابع علمت ع خده وهو ابيض جدا فده ظهر ع ووشه الي زوده احمرار من العصبية
هدي الي كانت بتتفرج ع الشجار اول ما شافت ايدها اترفعت وهتنزل ع خده شهقت ومدت بهمجيه وزقتها: قطع ايدك انشالله ازاي تتجرئي وتضربي ابني
هاله بصراخ: انتي مالك انتي وابعدي عن سكتي احسنلك
هدي بردح :جري ايه يا زباله يا لمامه
ابهم مسك امه ووبعدها ووقف قدامها وشبك ايده الاتنين لتحت : يله يا هاله اتفضلي اضربيني زي ما تحبي وتقدري تدمري حياتي يله اتفضلي
هاله بكل جبروت رفعت ايدها عشان تتزل ع خده التاني
لكن ايد هدي سحبتها وصرخت في وشها: اه يا بنت الجزم
ابهم حط ايده يمنعها: امي ابعدي انتي
هاله بصرخات مجنونه:انت مفكر لما تقولي كدا ده هيخاليني اسيبك لو عايز العيل لازم تقبلني معاه والا هخليك تدفع ثمن الي عملته فيا
ابهم نظراته احتدت بقوه:اسمعيني متحاوليش تضغطي عليا بالشكل ده لانك مش هترتاحي هنا ارجعي لشقتك واوعدك هراعيكي انتي والطفل ولما تولديه ههتم بيه ع قد ما اقدر
هاله انجن جنونها:انت مفكر بالي بتعمله ده هيرجع كارمن لحضنك مش بس الرجاله يا عنيا الي بيقدروه يلاقوا عشاق وينسوا مرتاتهم ممكن كمان الست تعمل ده وبكل وقاحه مين عارف يمكن تكون ست كارمن بتاعتك في السرير مع راجل وحاضنها وبيـ
ابهم بصصلها بعصبيه وحقد:ولا كلمه زياده ساااامعه
هاله بصتله بتحدي :لاء هتكلم وهراهن بغض النظر ازاي شيفاك بتحاول ترجعها بس هي مش هترجع
ابهم وشه احمر جدا واتك ع فكه بقسوه وسابها ومشي قبل ما يحصل ما لا يحمد عقباه
هاله بتمد تجري وراه
هدي مسكتها بعنف:اتهدي بقي وخالي عندك كرامه وامشي خدي هلاهيلك واخرجي من بيتي
هاله :اتمني يلاقيها وانا هستناه في السرير هنا (وبصوت عالي مستفز) متغيبش يا ابهم ارجع ع طول
هدي فتحت عيونها ع الاخير خلاص فضلها تكه وتموت في الحال من كتر الاستفزاز والوقاحه
كارمن فضلت تترنح لدرجه وهي قايمه خبطت في بنت مسكتها
جات تتحرك تاني كانت هتقع جه الشاب 2 ومسكها من وسطها: آنسه انتي شكلك سكرتي
كارمن حاولت تسحب ايده الي متبته ع وسطها :سبني
الشاب :خاليني اخدك تستريحي في البيت
كارمن بتعافر تنزل ايده الي محاوطه وسطها : بقولك نزل ايدك عني
صوت بقوه وحده : واخد صديقتي ورايح بيها ع فين
كارمن فتحت عيونها المنغششه واتفاجئت بوجوده :نوح
الشاب: انت بتتكلم عن ايه
نوح: الست الي انت عمال تضايقها صديقتي وراح شدها من جوه ايده
الشاب اتجنن: اه يا غبي
نوح رفسه باللكمه في صدره وقعه علارض والبنات بدئت تصوت
الشاب قايم بعيون كلها شر وانتقام
نوح رفع رجله وضربه في انفه خلاه يدوخ ونزل عليه ضرب برجله وهو لسه ضامم كارمن في حضنه
تامر شده :كفايه كدا يله نخرج
الشاب قايم يضرب نوح تامر وقف في وشه وطبطب ع صدره: خلاص سيبهم يمشوا ويادار مدخلك شر
الشاب مسح الدم بضهر ايده من أنفه وصاحبه اخده قعده يعالجله الاصابات!!!!!!
نوح مسند كارمن الي عماله تطوح ع الاخير ورجولها مش شيلاها
تامر طلع وراه بعصبيه: نوح انا بعتلك الصوره عشان اسألك وبس لو كان الشاب ده صديقها ولا لاء مقولتش تيجي وتضربه
نوح قفل ملامحه وبملل:بطل رغي ونصايح وروح هات تاكسي يله
تامربقله حيله :طيب متزقش
نوح بحنان:كارمن انتي كويسه يله ارجعك ع البيت
كارمن زقته بقوه وهي اتهبدت في الحيط من قوه الدفعه: لا انا مش رايحه غير هنا
نوح بنرفزه:انتي مش قادره تقفي ليه بتتصرفي كأنك جامده انتي متخدره
كارمن: انا مش عيله ازاي اكون متخدره
نوح: انا لو اتاخرت شويه العيال دول كانوا هيسحبوكي معاهم
كارمن :حتي لو عملوا كده ده ميخصكش اصلن فاهم
نوح شدها :يله ع البيت
كار.من :لاء سبني مش رايحه هفضل هنا ومش شغلك
نوح اتنهد :كارمن بطلي معافره معايا وامشي كدا بأدب
كارمن بعصبيه: ابعد عني مش راجعه البيت لاني مبقاش عندي بيت سامعني
نوح :بيت جوزك هو بيتك
كارمن برفض:مش راجعه مش راجعه ازاي اروح هناك وهو مع مراته الجديده وابنه
نوح كأنه انصعق من الخبر :قولتي ايه
كارمن ضحكت بدموع متحجره في عيونها:مش الست الي خاني معاها طلعت حامل
نوح كأنه طفل فاهم بس مش عارف يعبر الخبر اخده وكأنه حصله شلل فكري فقد قدرته على التفكير فضل بصللها بصمت بدون ما ينطق بأي كلمة
كارمن كملت بحرقه وقهر: اتجوزته خمس سنين ومخلفتش والست دي بقالها فتره قصيره وحامل منه ليه ارجع عشان ابقي داده واربي ابنهم
فضلت تعيط بقهر من الضياع الي حاسه بيه فضلت تشهق وتنزل بضهرها ببطئ ع الحيط لحد ما قعدت ع الارض بكل ضعف
نوح نخ ونزل معاها وضمها لصدره ومسح على راسها بحنيه
كارمن زقته :سبني انت متختلفش عنهم زيك زي اي راجل خلتني احبك وسبتني لانك غبي
نوح كلمه احبك خالته في قمه سعادته وهو غارق في حلاوه الكلمه لقاه الي
مره واحده هجمت عليه وفضلت تضربه بكل قسوه قهر غضب وهو واقف مستسلم تماما لبطشها سابها لحد ما فرغت كل غضبها فيه لحد ما تعبت وقعدت علارض تنهج
نوح قعد ركبه ونص ومسك ايدها :كارمن ارجوكي ارجعي البيت معايا
كارمن عضته في ايده بقوه: لاء مش راجعه انتي غبي مش بتفهم سبني في حالي وابعد عني
نوح اخر ما زهق منها رفعها ع كتافه زي الشوال
كارمن بتضربه ع ضهره بفتراه: ابعد ايدك عني بكرهك يا نوح بكرهك
قصص منه محمد كاتب
نوح ركبها التاكسي بعد طلعت عيونه وطلع ع بيته ودخل رفعها ع ايده زي البيبي
كارمن: بقولك نزلني يا حيوان انت اطرش بقولك سبني
وعضته من ودنه نوح نزلها ونزل معاها واخدها فوق رجله ع الكنبه الي في الصاله
كارمن قامت من فوقيه :يلعن ابو شكلك سبني في حالي
نوح بيشدها عليه:رايحه فين
كارمن بنفعال: انت مالك انا حره اقدر اروح زي ما احب وابعد ايدك عني يالوح انت
نوح فضل يجرجر فيها واخدها نيمها ع الكنبه ومال بنص جسمه عليها وثبت ايدها الي عماله تلطشه في كل حته تطولها
نوح بشخط وشد شعرها بخفيف :لو مسمعتيش كلامي بالحسنه مش هكون لطيف معاكي
كارمن :خلاص سبني ليه ماسك فيا
نوح بابتسامة مليانه بالحنيه:مش عارفه ليه ماسك فيكي
كارمن هزت دماغها بقوه:لاء مش عارفه حاجه قولت لي انك بتحبني وبعدها سبتني وراك انت زيك زي اي راجل متختلفش عنهم اتصرفت معايا ولا كأنك بتحبني وسبتني عشان واحده تانيه
نوح عقد حواجبه بستغراب: امتي عملت ده؟؟
كارمن: في الكافيه مع صاحبتك شوفتك بعيني
نوح ابتسم :بتتكلمي كأنك هتفرقعي من الغيره
كارمن عيطت: ايوه انا كدا
نوح ابتسم اوي بفرحه بترقص جواه
كارمن بصت شمال ويمين ع ايدها المتكتفه : لاء انا مش غيرانه عليك طز فيك تولع انا بس محبتش حركاتكم سوي معجبنيش الموضوع مش لاني بحبك ولا نيله بس مش عايزاك تعمل كدا مع اي ست تانيه
نوح طول نظرته عليها ورجع نزلهم وابتسم اوي ورجع رفعهم تاني
كارمن : بص انت متسمعش كلامي انا بكدب (عيطت زي الاطفال )انا كدابه
نوح بصلها وابتسم :بس الناس وهي سكرانه بتقول الحقيقه
كارمن صرخت فيه: انت مبتفهمش بقولك كدبت انا مش حاسه بالغيره ولا نيله وشربت عشان مقهوره من جوزي ابهم انت ملكش علاقه بالموضوع وانا مش مفتقده وجودك لان انا مش بحبك سامع مش بحبك
نوح بلع باقي كلامها وغيرتها لما قرب منها جامد لدرجه انفاسهم اختلطت وأنفاسه تلفح بأنفاسها و باسها في شفايفها بهدوء وكارمن ولا قاومت كأنه سحرها لحد ما
كارمن دفعته : لا ابعد متبوسنيش
نوح بهمس: بس انا عايز ده
كارمن بنفس الهمس: ليه
نوح بصوت هادي: لاني مش قادر اتحمل بعدك اكتر من كدا بغض النظر عن الي هيحصل ده مش غلطك انتي ده غلطي انا وذنبي انا لاني بحبك اوي ومش هقدر اسمحلك تمشي تاني يا حبيبتي
قصصص منه محمد كاتب
https://www.facebook.com/قصص-منه-محمد-كاتب-110808814814076/
ابهم راح لرغده وفضلت ايده متبته ع الجرس رغده نزلت وهي بتسب وتلعن ع الي ازعج الجيران لقته ابهم وسالها عن كارمن بلغته ان هي كمان عماله تتصل بيها تلفونها غير متاح ابهم طلع يركب العربيه وساق وعمال يتصل بيها غير متاح ولنفسه: لاء مش هسيبك تروحي مني ابدا رجع البيت لكن مش قادر يدخله مش طايقي يقي في نفس
المكان اللي موجوده فيه الحقيرة ركن العربيه وقعد مكانه لحد ما طلع النهار
https://www.facebook.com/قصص-منه-محمد-كاتب-110808814814076/
في الجنينة الصبح بدري
هدي : يعني مش قادره تمشي بسرعه شويه مدي يله
الشغاله بخطوات سريعه: حاضر اهوه
هدي راحت وراها لحد البوابه وراجعه بتبص لقت ابهم مقرفص علارض وساند جسمه ع جسم العربيه وساند دماغه ع ايده !!!!
هدي شهقت وراحت عليه: ابهم ليه قاعد هنا ليه مدخلتش جوه يله خلينا ندخل
ابهم والتعب ظاهر على ملامحه : لاء يا امي لاء مش عايز ادخل جوه
هدي سحبته يقف ع حيله: يله ندخل جوه بلاش فضايح يله
ابهم سحب ايده بهدوء وقعد على الارض بتعب :امي ارجوكي سبيني عايز اكون لوحدي هنا
هاله من فوق الفراندا بصوت عالي مستفز: ملقتش كارمن مش كدا
هدي رفعت عيونها وقاطعتها قبل ما تكمل بإشاره من ايدها بمعنى اسكتي: اصطبحي وقولي يا صبح
هاله بسخريه :ولا لقتها بس رفضت ترجع معاك زي ما قالت
ابهم قام وبصوت فيه قوه غريبه:كارمن مش هتسبني ابدا
هاله ربعت ايدها وبتحدي: لو مش عايزه تسيبك ليه مجبتهاش معاك
ابهم جز ع اسنانه: لانك ضغطي عليها تمشي استخدمتي العيل وانتي عارفه اني نفسي اخلف عشان كدا استخدمتيه سلاح واجبرتيها تبعد عني انتي عارفه اني عايز طفل
هاله سابته ودخلت عشان تلف تنزله لكن هو فكر أنها سفهته!!!
ابهم صرخ: تعالي هنا كلميني
هاله لفت وراحتله بكل جبروت: عارف كنت عايزه اجهضه بس كارمن رفضت وقولتلها لو نزلت العيل علاقتنا هتنتهي وساعتها تقدر ترجعلك بس هي مش عايزه ده وطلبت مني اكون معاك لانها عايزه الطلاق وتكون مع راجل تاني
ابهم فكه اتشنج ووشه احمر بلون الدم و بشراسه : انت كدابه كدابه وانا مش هصدقك
هدي حطت ايدها ع كتفه بخوف: ابهم اسمع للغير وفك طلسمه دماغك ان مراتك زوجه مثاليه مفيش منها لو كانت كدا ليه خدعتك وخانتك
ابهم شد شعره بقوه:بطلي ترددي كلام الكدابه يا امي
هدي :ابهم اسمعني
ابهم بصلها بنظره كلها لوم : انتي مش كنت عايزه حياتي مع كارمن تنتهي خلاص حصل الي بتتمنيه مبسوطه دلوقت سعيده وانا حياتي بتدمر كدا
هدي بتوتر : اياك تلومني لوم مراتك
ابهم دخل في حاله هيجان:انتي مش بتحبيها عشان حته ممرضه من عايله فقيره مجتش ع مزاجك من عايله غنيه زي ما انتي عايزه من اول ما بدئت احبها لحد ما اتجوزنا وانتي دايما وقفلها ع الوحده والتكه
هي وحشه بالنسبه لك بما فيه الكفايه ولما مقدرتش تخلف استخدمتي ده وسيله تطرديها وتنبذيها من حياتي كنت عايز اخرج من الدوشه دي عشان كدا بدئت اشوف ست تانيه
هدي صرخت في وشه :بطل هبد
ابهم صرخ بصوت عاااااااالي : لاء مش هبد وانتي بطلي بطلي تقوليلي اعمل ايه ومعملش ايه انا بحب كارمن ومن دلوقت هعمل الي انا عايزه مش الي انتي عايزاه
ابهم ركب العربيه وهدي مسكت الباب لانها خافت عليه وهو متعصب يسوق كان قفل المسوجر
هدي بتهبد ع الازاز: ابهم افتح الباب برضايا عليك
ابهم ساق بأقصي سرعه كانه هربان من الجحيم وهدي بتجري وراه