الفصل السابع
زهره من الصعيد 🌹
بقلمي رحاب مصطفي 💗
بعد ما زهره اتخانقت مع ايهاب بسبب وقاحته وقررت انها متروحش النادي معاه وتمشي لوحدها
وصلت زهره النادي وقعدت مع عمها وولاد عمها وزوجته وهي قلبها بيدق جامد من اللي حصل مع ايهاب ووقاحته معاها
شهاب / اومال غولاكو مجاش معاكي ليه يازهره احنا جوعنا ياجدعان ،، نظرت زهره ليه ومردتش عليه وسكتت خالص وهنا فهم كمال انهم اتخانقو خناقه جديده
عليا / يارب يسمعك وانته بتقول غولاكو
شهاب / ايوه علشان ياكولني حرام عليكي يا امذ هو انا مش ابنك ولا ايه
كمال / اخرص يلا ،، انا هتصل بيه اشوفه فين، ، واتصل كمال علي ايهاب وايهاب اعتزر انو يجي وقلهم يتغدو لانو هيتأخر واحتمال ميجيش، ،
وهو فعلا مكنش هيجي لان اللحظه اللي عدت عليه مع زهره خلته بقا في حاله تاني وفضل انو يقعد لوحده، ،بس ياترا هيغير رئيو هنشوف دلوقتي ،
زهره اول ما عرفت انو مش جاي بقت تتنفس بأرتياح لانها مكنتش عايزه تشوفه بعد اللي حصل وبعد ماحولته في انه يبوسها، ، لكن في نفس الوقت اتدايقت ومكنت تعرف ايه سبب ديقتها، ، وهي بتتنهد وبتهمس لنفسها انشله عنو ماجيه انسان قليل الادب صحيح
وبعد ما اتغدو ذهبت زهره وهبه وشهاب لصالة الرمايه وهناك كلهم اتفجأو ان زهره محترفه في الرمايه حيث انها جابت كل طلقاتها في النقطه السودا وده شد انتباه كل اللي كان واقف وكان من ضمنهم خالد صديق ايهاب، اللي اول ما شافها اتصل علي صاحبه علي طول وحاول يستفذه وبيقولو بنت عمك هنا في النادي والنادي كلو عينه عليها 😄 كان بيهزر ومكنش يعرف انو ولعها نار وخاله يجي جري علي النادي يشوف اللي مخليه النادي كله يمشي وراها
وجيه شاب من ضمن اللي واقفين وبيتفرجو عليها هي وبتضرب نار وكان لابس بنطلون ضيق جدا وبدي ضيق جدا وكان في كلامه ومشيته شويه انوثه وكان بيتمايع زي البنات، وبيقولها برافو برافو عليكي ده انتي مزهله، ،
زهره وهي بتميل علي هبه وبتهمس لها. ، يابت ياهبه هي البت المايعه دي صحبتك
هبه بضحك عليها، / علي فكره ده راجل مش بنت
زهره 😲 بخضه عيب تقولي راجل والمصحف انا لو قلت معزه ابق ظلمت المعيز معاه امشي يابنت من هنا نهار اسود علينا، ، وذهبت زهره وهبه عند عمها كمال في الكافيه وكان شهاب سابقهم وكان قبلها ايهاب جيه وقاعد مع والده ووالدته واخوه وكان شهاب بيحكي علي مهارات زهره في الرمايه
كمال / ايه اللي انا بسمعو ده نشنتي وصيبتي الهدف، ، وكان بيوجه سؤاله لزهره،
زهره بتواضع / اكيد ياعمو والا مبقاش بنت جدي لو معرفتش انشن
ايهاب / واخيرآ نطق بعد صمت رهيب، ، وياترا بقا مين علمك الرمايه، ،
زهره / وهي بتحاول تتجنب النظر ليه، ، جدي الله يرحمه هو اللي علمني، ، وقالتها بحزن. وعلمني حجات كتير كمان
هنا ايهاب شاف حزنها ووجعها علي فراقها لجدها وعرف قد ايه انها كانت متعلقه بيه ،، في اللحظه دي اتمنا ياخدها في حضنه ويقولها انا هنا امنك وامانك، ، لكن فاق واستغبا نفسو قوي، ، وبيهمس لنفسه ايه الهبل ده، ، ورجع تاني لجموده
في اللحظه دي اقترب منهم خالد وسلم عليهم كلهم وعزم عليها كمال / انو يقعد معاهم لكن خالد اعتزر لانو كان رايح الاسطبل يركب خيل لان خالد وايهاب من عشاق ركوب الخيل ، ، وبيوجه كلامو لايهاب ،، ايه مش هتيجي
وفجأه هبه بطنط / واو ايوه طبعن كلنا هنركب خيل
قال ايهاب خلاص يلا بينا كلنا نركب خيل
شهاب / وهو بيوجه كلامه لاخته هبه.،، بس خدي بالك مش هتركبي حصان وتفضحينا زي المره اللي فاتت، ،
هبه / ياسلام المره اللي فاتت الحصان جري بيه وانا خفت
ايهاب / خلاص متركبيش واتفرجي من بعيد وبس
شهاب / ايوه اقعدو بعيد انتي وزهره اترجو وبس
زهره / طيب اختك مابتعرفش تركب خيل انا ايه زنبي افضل جمبها
ايهاب / بسخريه. وانتي علي كده بتعرفي تركبي خيل
زهره / بغرور وثقه، ، طبعن جدي علمني
ايهاب / وهو بيسخر منها لانو كان فاكر انها هتخاف زي اخته، ، طيب ابهرينا بمهراتك يا خياله، ، وهو بيظن في نفسه عدم مهاراتها
زهره / يله يابت ياهبه انا هعلمك ،، وعلي فكره ركوب الخيل ده حاجه ممتعه جدا وهتحبيها جدا جدا
وراحت زهره وهبه لاختيار الخيل تحت نظرات ايهاب الساخره، ، وركبت زهره وهبه كل واحده حصان وكان الحصان اللي ركبته ظهره كبير وعالي، ، وركبت عليه بسهوله وبثقه ،، وهبه ركبت حصانه وكانت خايفه ومنحنيه علي رقبت الحصان من كتر الخوف،
زهره / بت ياهبه افردي ضهرك مش كده وامسكي اللجام كويس
هبه / وهي بتترعش انا خايفه
زهره / وهي تقترب منها بالحصان بتاعها. يابنتي لو خفتي مش هتتعلمي بصي شدي ضهرك، وبالراحه كده لما تشدي اللجام نحيت اليمين هيمشي يمين ولو شديتيه شمال هيمشي شمال ولو شديتي الاتنين مع بعض هيقف، ، اخذت زهره تعلم هبه وتمشي معاها بالراحه وواحده واحده وكل ده تحت نظرات ايهاب المعجبه ومبهور بطريقتها لتعليم اخته الخيل بسهوله
هبه / ابتدت تمشي كويس وبالراحه، ، زهره انا كده خلاص اتعلمت وبمشي حلو صح
زهره / صح جدا، بقولك ايه، ، انتي كده خلاص اتعلمتي وبتمشي حلو كمان اسيبك بقا
هبه / استني انتي رايحه فين
زهره / هنط الحواجز، ،
وفجأها ايهاب اللي كان بيراقبهم من بعيد وكان سامعهم هم وبيتكلمو، ، حواجز ايه اللي هتنطيها انتي مجنونه
زهره / مجنونه ليه بقا
ايهاب / وهو بيلف حوليها بالحصان اللي راكبه وشادد ضهره وبيتكلم بغرور، ، نط الحواجز ده عايز حد محترف مش اي حد وخلاص
زهره / قلتله طيب وتجاهلته خالص وكأنو مش مموجود وجريت بالحصان بسرعه جدا ونطت الحواجز،، ووقف ايهاب مصدوم واتفجأ انها ماهره جدا في ركوب الخيل ، زي ماهي ماهره في الرمايه، ، وبعد ما خلصت ونزلت من علي الحصان
اقترب منها ايهاب / انتي مجنونه وبعدين تاني مره لما اكلمك تسمعي الكلام وبلاش تتجاهليني تاني يازهره علشان مزعلكيش، ، نظرت زهره تجاه هبه وهي بتكلمها يله ياهبه علشان انا عطشانه موووت وذهبت هي وهبه وتجاهلته وكأنو مقالش حاجه ولا اتكلم اصلا، ، وايهاب كان في قمة غضبه من تجاهلها لكلامه
ايهاب / ورحمت جدي يازهره لاكون معلمك الادب واعرفك ازاي تتجاهليني تاني 😡😡