رواية توائم الانتقام
الفصل الثالث3
بقلم سهيله عبدالله
بعد خروج آدم من غرفة اخوه يوسف يتوجه
لغرفة سيده جميله في الأربعينات من عمرها
آدم يدق الباب ويدخل
آدم بعيون ممتلئه بحب: صباح الخير يا أمي
السيده تبتسم بحب ل آدم
آدم : يتوجه بشوق ويقبل يدها
السيده تربط علي يد آدم بحنان
آدم :بقي كده ياست الكل ست ساميه تقول ان حضرتك مخدتيش الدواء ليه شكله كده عايزاني اضرب يوسف
السيده تشير ل آدم بيدها بمعني لا متضربش يوسف
آدم: يضحك اه منك اه يوسف ده حبيب قلبك يارب ارزقني حد كده زيك يا ماما
السيده مبتسمة على كلام آدم وعيون بيها لمعه غريبه
يقطعهم دخول ست ساميه
ست ساميه :صباح الخير يا هانم
السيده الجميلة: تنظر ل ساميه بعبوس
سامية: بخضة ايه انا عاملت ايه يا هانم
السيده الجميلة: وقد عبست اكتر
آدم يفهم سبب عبوس وجه امه
آدم :بضحك علي خضه وجه ساميه
سامية مذهلة
السيده الجميلة تنظر ل آدم بغضب وتضربه ضربه خفيفه على يده
آدم :احم والله يا ست ساميه
الي مضايق ماما ان حضرتك بتقوليلها يهانم وهي مبتحبيش الجو ده قوليها بنتي او مريم علي طول
سامية وهي مصدومة تنظر ل السيده الجميلة
السيده الجميلة تنظر ل ساميه وتبتسم وتشير ليها بمعني ان كلام آدم صحيح
سامية تتنفس الصاعد وتقول بابتسامة مشرقة علي وجه بيه دفئ وراحة :حاضر يا بنتي مريم
آدم: يصفق ايوه كده العب صافي يالبن
سامية: عيب ياولد
آدم يقبل يد سامية ويقول :سامحيني يا ست ساميه حضرتك عارفه اني كنت متعصب وديه مش طريقه اكلم حضرتك بيها
سامية :تبتسم بحنان عارفه يا آدم هو انا مش مربياك وتمسكه من طرف احدي أذنة وتقول ماشي يا لمض يارب اعدي الباقي من عمري على خير معاك انت والولعه الي نايم
يوسف: بقا انا كده ولعة ياست سوسو ده انا شربات مكررر
سامية: ترفع حاجيها بستنكار وتقول يارب اشكوا بثي وحزني اليك حسبي الله
مريم جالسه على السرير تبتسم بفرحه من تجمع اولدها امامها
سامية :عن اذنكم احضر الفطار
يوسف :مش عايزه كده اي مساعده يمين ولا شمال انا شاطر جد بعرف اقلي بيض انما ايه
آدم :انتي هتقولي
سامية:لا مش عايزين خدماتك يا شيف شربيني نور تحت هتسعدني
يوسف:ينظر بفرحه يحاول اخفائها نور هنا
سامية :اها هنا من بدري هو انت فايق ما انت
ولسه هتكمل يقاطعها يوسف ويضع يده على فمها اه فالح اوي يلا بقا انا ايدي علي ايدك نخلص الفطار
آدم يرفع حاجه ب مكر ليوسف
سامية: امري لله قدامي يا يوسف
يوسف :ببتسامة حاضر ويشير بيده ل أمه مريم صباح الخير يا مريومه ويقبلها من جبينها ويمسك يد سامية يلا يا ست سوسو نشوف ال فطار ده
سامية: يلا يا قلب سوسو 🙈😂 وتضحك وتقول ولد اتظبط
يوسف يضحك بعد خروجهم عند السلم
يوسف: بالحق انا موبايلي فاصل شحن هروح اشحنه واجيلك طياره
سامية :تمام امري لله
تنزل سامية وتتوجه للمطبخ
يوسف في اثناء عودته يجد يد تمسك بيده
يوسف احم آدم
آدم :بهمس عارفه لو عملت حركة كده ولا كده تحت في المطبخ هعمل فيك ايه
يوسف: قلب ابيض يا باشا ده انا دغري اموت في الحلال
آدم:ينظر له بشك
يوسف :عيب عليك وعد هقعد أمير واحط القفل كمان
آدم :بخنقة يلا منهنا عيل رخم
يوسف: بستمتاع سلام يبيبي
آدم ينظر ليوسف نظره كادت تحرقه من الغضب
يوسف يجري :سلام بقا
يجري يوسف ويذهب لغرفته
تحت في المطبخ
نور : ها ياخالتي هيفطروا ايه علشان ابدأ اجهز
سامية :تقدي تقطعي طماطم بس متعمليش البيض
تبدأ نور تقطيع الطماطم
نور بستغراب لخالتها اشمعنه ابعد عن البيض
ساميه :اصل يوسف هيعملة
نور من الصدمة تجرح يدها السكين
يوسف يدخل المطبخ في هذه الأثناء يجد يد نور تنزف دم يوسف بخضه يجري علي نور ويمسك يدها
نور تتوتر وتحاول شد يدها من يد يوسف
سامية: بخضة بسرعه يا يوسف حط صباعها تحت المياه وانا هروح اجيب علبة الاسعافات
يوسف يمسك يد نور ويفتح الصنبور ويتدفق المياه علي يد نور
نور تبدأ بالبكاء من الوجع
يوسف: بغضب مش تخلي بالك بتمسكي السكينه ليه وانتي مبتعرفش تستخدميها
نور :بعفوية انت السبب وتكمل لازم خالتي تقولي انك هتعمل البيض
يوسف بستمتاع ينظر ل نور
نور تضع يدها على فمها وتقول بخجل: انا قولت ايه
تدخل سامية: بسرعه وتقول يلا يا يوسف اقفل المياه
يوسف :حاضر
سامية تجفف يد نور وتبدأ بتعقيمها
سامية: مش تخلي بالك يا بنتي
نور :معليش يا خالتي غصب عني
سامية :حصل خير
وتشد الكرسي اقعدي يانور
تجلس نور وهي مرتبكه جدا من نظرات يوسف لها
سامية: يلا يا يوسف حضر البيض بتاعك خلينا نخلص
يوسف :حاضر
ويبدأ في تجهيز الفطار
سامية: انت ليه مخلتنيش اقول لمامتك مريم علي انك كنت سهران امبارح مع البت سردين ديه
يوسف :بصدمة انتي عرفتيني منين بس
نور تتابع الموضوع والغيره تكاد تقتلها
يوسف ينظر ل نور يجدها تنظر بحده وغيره واضحة
يوسف :ببتسامة محاول اغاظه نور اسمها سيرين يا سوسو مش سردين ويكمل بس البت اي صاروخ ارض جو
نور تنظر ليوسف نظره جنونية مزيج من الغيره والغضب والكره ل أفعاله
ساميه : تصدق انك عيل اهبل بقي ديه صاروخ دي كلها صناعي
نور ولا اول مره تدخل في الكلام: تقول قوليله يا خالتي وتجز علي اسنانها
يوسف :بمكر وينظر لنور ويقول ليه ده حتي البت دلوعه كده مش مهم بقا طبيعي صناعي بس هي صاروخ ارض جو في كل الأحوال
سامية: ولد اخلص البيض اتحرق يلا اخلص
يوسف يضحك حاضر وينظر لنور نظره انتصار ويقول في نفسه اخيرا
وشوفتك بتسيج يالوح التلج ولسه هسويكي على الهادي يانور