CMP: AIE: رواية انقذوني من هذه العائله الفصل الثامن عشر18بقلم منه محمد
أخر الاخبار

رواية انقذوني من هذه العائله الفصل الثامن عشر18بقلم منه محمد

        

رواية انقذوني من هذه العائله 
الفصل الثامن عشر18
بقلم منه محمد

في بيت محمد
محمد قاعد مع اخته وامه العصر في الصاله يتناقشوا
محمد وهو بينزل فنجان الشاي : يعني بتقولي ان نوره سمعت ملك تسجيل بصوتي انا ويوسف
حفصه : بس شافتكم  فين و سجلتلكم
محمد : أيوه أيوه افتكرت اتاريه يوم محاسن ما نادتني للجنينه كانت خطه بينهم.. وهي تحط التسجيل بنت الابلسه.. ولسوء حظ ملك.... قدرت نوره تسٌجل كلام مهم
خديجه : المشكله اذا كان اللي قاله يوسف بجد وكان ناوي فعلا يعمله!!!!!!
محمد : انت سمعتي التسجيل
خديجه : لاء
محمد : لا يوسف كان بس بيضحك عليا لكن ماكانش ناوي يعمل حاجه
خديجه : انا بقيت بشك في كل حاجه
حفصه : ليه ماتعرفيش اخوكي
خديجه : ايوه بس نوره منين عرفت بحكايه الورقه طالما سر بينكم
محمد : زي ماعرفت تسَجل عرفت سر الورقه .. وبعدين ياخديجه انا كنت بهدد يوسف بيها كل شوي اكيد سمعت الله لا يسامحها واستغلت الوضع
حفصه : وملك ازاي تصدق على يوسف وهي شايفه غلاوتها عنده
خديجه : يماااااااه ربنا يهديك سمعته بودنها بيقول انا ما اخدتهاش الاعلشان فلوسها
محمد : لاء وقال انا هاذلها وارميها فالشارع وكلام والله لو تسمعه الجدران تهج الله يعين قلبها
حفصه بدموع ندم : ااااه ياقلبي عليكي يا ملك اكيد اتعذبتي يا بنتي
خديجه بقهره : اتعذيت وبس كويس انها لسه عايشه لدلوقت
رن تلفون محمد
محمد : اهلا يا نادر
نادر : اهلا بيك يا محمد ازيك
محمد : الله يسلمك بخير .. هاه روحت ليوسف
نادر يتنهد : روحت ويارتني ماروحت
محمد: ليه
نادر : بعد اكتر من ساعة وانا مستنيه ملطوع طلع وكأنه ولا يعرفني لاسلم ولا قال كلمه... قالي نعم ايه الي جابك قلت له عاوز اشوفك واسلم عليك
قالي نعم عندك ايه انت كمان... قلت له عاوز اشوفك محتاج حاجه ياراجل بس انا قلت كدا وهو فضل يرحب ويهلل وشربني قهوه
قلت له ها محتاج حاجه قالي عاوز فلوس (بكي نادر و يكمل كلامه يوسف اللي كانت نفسه عزيزه من صغره عمره ما طلب من حد لو يموت من الجوع دلوقت يترجاني زي المسكين
محمد : اااااه .. اااه ياخويا يا وجعي فيك
نادر : قلت له عاوز كام ؟؟...... قال عشر الاف
محمد : عشر الاف !!! هيعمل بيهم ايه
نادر : معرفش
محمد : عطيته
نادر : امال مش هديله
محمد : نادر لايكون يوسف .........
نادر : ايه الي بتفكر فيه ؟؟
محمد: بيتعاطى يعني
نادر : معرفش
محمد : بس امتى وليه
نادر : سامحني يامحمد ... اذاكان يوسف بيتعطى فعلا فانت وابوك السبب
محمد : ما تقتلنيش ياخويا .. المهم ازي نتاكد
نادر : انا هرن عليه واعزمه واجيب معايا دكتور يفهم فالحاجات دي ونشوف
محمد : واذا رفض عزومتك
نادر : اروح بكره انا والدكتور واقعد معاه لو عشر دقايق واشوف حالته
محمد : اه روح ربنا يوفقك .. لانه اكيد بيرفض العزومه
نادر : على خير بكره انشاء لله
قفل محمد التلفون
خديجه : يعني ممكن يكون كدا
محمد : البودره تعمل اكتر من كدا وخصوصا ان يوسف كان بأزمه نفسيه ممكن يلجاء فيها لاي أمر يدمره
خديجه : لكن احنا ما سبنهمش
محمد :متعرفيش يا خديجه متعرفيش
خديجه : ربنا يستر
.............




في بيت يوسف
يوسف : هاااه يا حبيبتي راضيه عني
نوره وهي تقلب الفلوس : يعني جايب لي الديب من ديلو كلهم عشر الاف
يوسف : ليه مش كويسين
نوره بصرخه : لا وغور من وشي دلوقت
يوسف : ليه ياقلبي انا عملت ايه
نوره وهي تدفعه : اوووووووف
نزلت نوره تحت وكانت امها قاعده بالصاله و يوسف نزل وراها
محاسن : لااهلا ولا سهلا بالاتنين
نوره : اماااه انا مالي بيه
محاسن: وده لحد امتي هيفضل قاعد لا شغله ولا مشغله
نوره : لا يماه النهارده جاب عشر الاف
محاسن : اه سمعته وهو بيشحتهم من نادر
نوره : هيييييييييي الكداب ويقولي اتوظفت وده مقدم للمرتب
محاسن: هههههههههههههه هههههههههههه مال حظك بس ده الي اقدر اقوله
نوره بصتله بوعيد وشر : والله يايوسف الكلب ان ما لقيت وظيفه خلال يومين متورنيش وشك ابدا
محاسن بستهزاء : لا لا خليه ضل راجل ولا ضل حيطه وخاليه يشحت ويحط في جيبك
نوره بعصبيه: انت سامع
يوسف : سمعت سمعت خلاص ياقلبي بلاش تتعصبي
نوره ضربت فخدها: ده ناوي يجلطني.... غور من خلقتي
يوسف : اروح فين؟؟؟
محاسن: روح اترزع في الجنينه
يوسف : طيب
محاسن : يله غور
طلع يوسف للجنينه وقعد فيها
نوره : اعمل ايه في البلوه دي
محاسن : انت اللي عوزتي كدا
نوره : لا مش ده الي كنت عاوزاه هو من يومه عند عيون الشيطان راجل مالي مركزه وله هيبة وكلمه
محاسن : انت عاوزه المسحور زي الانسان الطبيعي
نوره : جايلي فكره اروح افك السحر واخلص
محاسن :نهار اسود انت انهبلتي والله لو يصحا يدبحك
نوره : اعمل ايه يمه.. كرهته وهو لازق ليه مش عاوز يفارقني ..ده ولا اشتغل ولا وجاب فلوس منين نعيش لا انا ولا انت عندنا شهادات
محاسن : لالا اتكلمي عن نفسك انا عندي
نوره : ايه الي عندك
محاسن : عندي البيت ااجره واكل من خيره
نوره : اه و الله يمه خلينا نأجر البيت ونرمي يوسف بمصحة امراض عقليه ونخلص
محاسن مصمصت شفايفها: يوسف هيرض يروح برجله ده ساعتها يبقي اوعي مني ومنك
نوره : لالا انا اقدر اخليه يدخل المصحه بأدرادته
محاسن :ازاي ؟؟
نوره : من بكره لو تحبي
محاسن : والله بقي وجوده متقل علينا يله غوريه
نوره : انتي اجري البيت بالاول وانا اتصرف
محاسن : خلاص
واتفقوا الاتنين على إنهم يدخلو يوسف مصحة امراض عقليه ونفسيه ويفضل فيها طول عمره
...................
فى امريكا
الساعه 1,30 بالليل
كانت ملك وهدى نايمين فجاءه قامت ملك تصرخ : يوسف !!!!!!!!
هدى تصحى مرعوبه : ملك !! ملك!! مالك يا حبيبتي
ملك : اااه .. ااه
هدى  مسكت كاس الميه وقربته منها: اشربي .. اشربي
ملك صدرها طالع نازل: يوسف ياهدى يوسف
هدى : اشربي الميه ربنا يهديك ماله زفت انتي بتحلمي
ملك : هاااه .. اعوذبالله من الشيطان الرجيم >> وشربت شوية ميه
هدى : فجعتيني
ملك : .........................
هدى : نامي نامي .. ورانا شغل من الصبح
رجعت ملك لوضعها في السرير وعطت ظهرها لهدى
وعم الهدوء في الغرفه ....
بعد شوي سمعت هدى صوت ملك بكائها اللي بتحاول تسيطر عليه
هدى : انت لسه بتحبيه ؟؟
ملك : ......................
هدى : لو ربنا يفكنا من الصوره اللي دايما تحت مخدتك كنتي هتبقي تمام
مسحت ملك دموعها بستغراب وعدلت من وضعها : انت عارفه !!
هدى : الله يلعنه الحب اعرفه كويس
ملك : من امتى ؟؟
هدى بمزح : من امتى اعرف الحب ؟؟
ابتسمت ملك : لا من امتى تعرفي عن موضوع الصوره
هدى : ملك ياقلبي انتى بقيتي جزء منى اعرفك من نظراتك .. وانا كنت عارفه انك مستحيل تكرهي يوسف مهما سبتيه قدامي واتظاهرتي انك تكرهيه .. اما عن موضوع الصوره فانا عارفه بيها من الاول لاني ما كنتش نايمه لما تقلقيني كل يوم وانتي بتتكلمي معاه
ملك: هههههههههههه ملعونه ما قلتيليش ؟؟
هدى : احترمت رغبتك اني معرفش واعتبرت الامر من خصوصياتك
ملك: ياهدى المسألة مش كدا
هدى : امال ايه
ملك بحنين للماضي : أنا حبيت يوسف حب عمري ما حبيته لبشر وهو لحد اخر لحظه وانا عنده عمره ما حسسني الا اني اغلى من عيونه ولا شفت منه شي يخليني أمله او اكرهه علشان كدا طلعت من عنده وانا عاوزه افتكر لو شئ بسيط يكرهني فيه ما لقيتش كل ما احاول افتكر صوته وهو بيقول انه اتجوزني علشان ينتقم مني تهجم عليا كل الذكريات اللي تنسيني أي حاجه الا حبه
هدى : مش قلت لك ملعون والله
ملك بستغراب : مين؟؟
هدى : الحب
ملك: فعلا والله
هدى : نامي نامي ومتخبيش عليا تاني مره
ملك : هدى من ساعه ما شوفت يوسف مع نوره المره اللي فاتت وانا حاسه ان فيه شئ مش طبيعي
هدى : زي ايه ؟؟
ملك : معرفش انا كل يوم احلم انه غرقان واذا حاول يطلع تيجي ست مش باين منها حاجه غير ضوافرها اللي كمان لونهم اسود وتدفعه داخل الميه .. وتملا بؤه شئ لونه بني وريحته كريهه
هدى : ومين الوليه دي
ملك : لا ما عرفهاش.. يوسف فالحلم يبصلي بترجي يعني تعالي ساعديني انا خايفه عليه
هدى : ملك ياقلبي سيبك من طيبة قلبك الزايده صح انت بتحبي يوسف لكن اهو لوكان بيحبك ومش طمعان فيك ما كانش اتجوز نوره ولا غيرها كان على الاقل دور عليك لحد ما لقاك وحاول يبررلك كلامه
لكن اهو ما كلفش نفسه يعمل حاجه بالعكس في مده بسيطه كان متجوز نوره زي ما قالتلك
ملك بحيره هتجننها : طيب ليه ما اخدش الاوراق اللي اتنازلت له فيهم عن فلوسي
هدى : الاول كان عنده امل ترجعي علشان ينفذ مخططه ولما ومالقاش منك فايده قال اتجوز حبيبتي واخد الفلوس وملك في قاع الجحيم
ملك : ها
هدى : طيب تفسيري بأيه رجعته لخالك وانه طلب الفلوس مره تانيه بعد ما رفضهم
ملك : معرفش
هدى : المشكله ان يوسف واضح زي وضوح الشمس .. لكن المشكله هنا >>>> وتشاور على قلب ملك
ملك : اااااااه ياقلبي ياكبر بلويك مش قادره اكرهه صدقيني .. بعد اللي عرفته كله لقيت نفسي جبانه حتى عن نسيانه ولو بدون كره ...... آآآآه .. آآآآه ..آآآآه
هدى : مالك
ملك: طول اليوم وانا معايا الالم ده يجي ويروح لكن دلوقت زاد مش قادره اتحمل آآآآآآآه ... آآآآآآآآآه.. يمكن بموت ياهدى انا خايفه
هدى : لا لا انتي بخير .. بس اصبري اتصل بالاسعاف
وفعلا اتصلت هدى على الإسعاف واخدوا ملك وكانت هدى معاها ما فارقتها ولا لحظه لكن رفضت تدخل معاها غرفة الولاده
بعد ما ولدة ملك
راحت هدى للبيت وعملت لها فطار مصري اصيل وجابته معاها
في المستشفى
وبالتحديد فى الغرفه اللي فيها ملك بعد الولاده
هدى تدخل على ملك : مبررررررروك
ملك : هدى الله يبارك فيك ياخاينه >>> واتعدلت علشان تقعد
هدى : لا لا خليك مستريحه >>> وجت سلمت على ملك : بس ليه خاينه
ملك : ليه ما دخلتيش معايا الولاده
هدى ابتسمت بعبط: لا منا كنت بولد برى ..
ملك: لا والله ومش هسيبك يا ملك معاك يا ملك
هدي:لا ميغركيش انا خوافه
ملك ضحكت : لاااه والله
هدى : والله وبعدين انت ربنا يهدك خوفتيني زياده >> وتقلدها بمسخره >> هدى انا بموت زي امي واختي
ملك ضربت هدى بالخداديه : ياوحشه انا بقول كدا ههههههههههههههههههه
هدى : ههههههههههههههههههههههههههه يله انتي اهو عايشه زي القرود ولا موتي ولا حاجه .. بس فين البُنيه
ملك ضحكت : تصدق انا ما شفتهاش
هدى : ياعمري اكيد حلوه
ملك : اكيد مش بنت يوسف
هدى : اه لو يعرف
ملك: عادي مش هو شافني وانا حامل انا كلي ولا هميته علشان يهمه حته منى .. اسكتي لا متبوظيش عليا فرحتى
هدى : طيب ناويه تسميها ايه ؟؟
ملك: انت روحي جيبيها خلينا نشوفها ونقرر
وبسرعه كانت هدى عند ملك والبنت معاها
باستها على راسها وعطتها لملك اللي كانت ميته شوق ليها وكانت ماده دراعتها علشان تستقبل جزء من ريحة حبيبها اللي امتلك كل ذره من قلبها واحساسها
ملك وهي تحضنها بحنان وتبص فيها : هدى .. حلوه
هدى :وحشه
ملك : حرام عليك دي وحشه دي حلوه
هدى : هتسميها حلوه
ملك: ههههههههههههههههه لا ياهبله بقولك حلوه يعني جميله
هدى : حتى جميله اسم قديم
ملك : اقولك بطلي هبل
هدى : والله سوال غبى انت امها اكيد تهبل
ملك بحنان روحها تدوب منه: ويوسف ابوها
هدى : يادي يوسف اللي مش هنخلص منه .. المهم هتسميها ايه
ملك تفكر شوي وبعدين ترد بابتسامه: مهجه ........ مهجه يوسف الجاسر
هدى : والله اسم رومنسي يعبر عن هبلكم .... ايه مهجه ده .. سميها اسم تاني
ملك بدلع : لا مهجه .. خلاص سمتها مهجه
هدى : المهم عندنا نونو ...مهجه كئابه المهم عندنا حاجه لعبه
ملك : لا والله ما ادهالك
اخدت هدى البنت : تقدري ..>>> بصتلها .<<<.....: يمه تهبل .. اهلا يا مهجه هانم جايه من ذئاب الجبل
ملك : هههههههههههههههههههههههههههههه
.....................
في بيت الدجاله
نوره :عاوزاه يبقي مجنون
المشعوذه : وحتستفيدي ايه
نوره : انتي نفذي اللي بقولك عليه وخلاص
المشعوذه : ايه المشكله يعني هو حصل امر بتصرفاته
نوره : اوووف مليت منه ومن تصرفاته بس لازق فيه ولا عاوز يروح يشتغل ولا يعمل حاجه كله همه النوم معايا والاكل وبس!!!
المشعوذه : مش ده الي كنتي عاوزاه
نوره : ايوه بس مليت
الشمعوذه: و المطلوب
نوره : عاوزه ادخله مسشتفي المجانين
المشعوذه : مش من مصلحتك انه يبعد عن نظرك ده فايدك ومش بيرفض لك طلب لكن اذا دخلتيه مصحه ماتضمنيش حد يسمعه قران فينكشف امرك ويتعالج يوسف وينتقم منك
نوره : هااا
المشعوذه : ايو ه ولا انا ما عنديش مانع احضر لك سحر يخليه يقطع بهدومه
نوره : لا خلاص
المشعوذه: انا من مصلحتي اعمل شغل تاني وكله بتمنه بس مش من مصلحتك انتي علي الاقل بقي عامل زي العبد المملوك في ايدك
نوره : خلاص انا هتصرف
وطلعت نوره من عند المشعوذه وهي كارهه الدنيا ومحتاره تعمل ايه بيوسف اللي ملت منه
...قصص منه محمد كاتب.....
في بيت يوسف
جه نادر ومعاه الدكتور اللي مدعى انه صديق يوسف
محاسن : نعم
نادر : ازيك يا ام نوره
محاسن : بخير عاوز ايه
نادر : عاوز يوسف .. انا جاي انا وصديق له نزوره
محاسن : ليه قالوا لكم اني فاتحه بيتي مجلس لأصدقاء الاهبل
نادر : اخرسي يوسف مش اهبل
محاسن: والله العظيم اتصل بالبوليس واقوله ده اتهجم عليا وانا في بيتي
نادر : وامتى بقي بيتك ياام بيت
محاسن: غور ولا اتصل بالبوليس
نادر بصوت عالي : يوسف !!!يوسف !!!!
نوره نازله السلم بتجري : ايه الصوت ده
نادر : انا نادر ابن عم يوسف خليه يطلع
نوره :اطلع برى لوسمحت >>>وتبص لـ امها تسال: ده مين دخله
محاسن : خدامة الشر
نوره : ليه ماتعرفش الاصول تدخل بيت مفهوش غير حريم
نادر : انا داخل بيت ابن عمي .. نزليه احسن لك
محاسن : رني عالبوليس يانوره
نادرصرخ : يوسف !!!
نزل يوسف وكان باين عليه التعب الشديد وانه لسه صاحي من النوم : نعم
نوره : اطرده يايوسف
يوسف قام يدفع نادر بقوه : اطلع برى عاوز ايه
نادر كان عمال يقاوم بشده
دخلت نوره واتصلت بالبوليس اللي بسرعه البرق كانوا في البيت!!!!
نوره : ده يا حضرة الظابط اتهجم علينا وضرب جوزي
نادر بهجوم : انت كذابه
نوره : اخرس
الظابط : ليه بتتهجم على بيتهم عاوز ايه منهم
يوسف : عاوزك تاخد عليه تعهد مايجيش هنا مره تانيه
نادر :ده ابن عمي ودي بطاقتي .. وكنت جاي اشوفه لكن !!
نوره : اللي يجي يشوف حد يضربه
الظابط : انت عاوز ايه
نادر : ده الدكتور وسمعنا ان يوسف يتعاطى مخدرات وجيت بزياره وُديه مع الدكتور عاوز اشوف بيتعطى والا لا
نوره : نعم نعم هي وصلت بيكم للدرجادي الله لايسامحكم
يوسف : انا مستعد للكشف وباي جهاز
نوره : لكن اذا ماطلعش بيتعاطى مخدرات والله ما هنتنازل عنك اتهجمت علي بيتنا واتهمت جوزي زور
نادر : انا عاوز اعرف ليه اتقلب حاله
نوره : ليه مقلوب حاله ده حاله طول عمره
نادر: اول حالته انه سامحلك توقفي من غير خشا بين الرجاله و لسانك عمال ياكل الي قدامه
يوسف : احترم نفسك وما تغلطش في مراتي
نادر بصله بقرفه: ياخساره ده الي اقدر اقوله
الظابط: انت مُصر على الفحص
نادر : ايوه
نوره: هتندم
راح يوسف معاهم للمستشفى ونوره معاه وكشف كشف كامل وطلع سليم من تعاطي المخدرات
واخدت الشرطه نادر وحطته فالحبس
ولا اتنازلوا عنه الابعد ما دفع أبوه عشر ألاف جنيه واخدوا عليه تعهد انه ما يقربش تاني ليوسف
...........................
في بيت يوسف
محاسن بقلق : الناس قربت تنبش وري ابنها بكره يعرفه علته
نوره : لا لا وهما هيعرفه منين
محاسن : يا بنت الهبله كل العالم عارفه ان يوسف عمره ما كان كدا ولادي اخلاقه والله لو انا مش فالحكايه ولا اعرفها كنت اقول مسحور ميه فالميه وما صدقش انه مش مسحور لو يحلفولي على القرآن
نوره : ده لانك عارفه
محاسن : خليك كدا
نوره اتأفأفت: عاوزني اعمل ايه يعني
محاسن : والله معرفش
نوره : رايك ابعد الفتره عنهم
محاسن : وتروحي فين
نوره : ليه نفس اغيظ عيون الشيطان
محاسن : ازاي
نوره : اكيد ولدت ونفسي احرق قلبها عليه
محاسن : انت امتي تبقي بني ادمه يوسف واخدتيه خليها في حالها لاينقلب السحر على الساحر
نوره : هه >> تضحك بسخريه >> ده يوسف .. انا لو عارفه انه كدا ولا كنت فكرت فيه
محاسن : ده فعلك
نوره : محاسن انت اخدتي البيت اللي من اول ما شفتيه وانت ميته عليه وخلاص
محاسن : اعمل ايه
نوره : ساعديني
محاسن : بأيه تاني
نوره :عاوزه ابن يوسف
محاسن : هتعملي بيه ايه
نوره : عاوزاه
محاسن: انت مجنونه بتفكري في ايه
نوره من بين سنانها : عاوزه احرق قلب ملك على ابنها زي ما حرقت قلبي





محاسن : ما كفاكيش اللي عملتيه انت خلاص بقي الشر يمشي في دمك ياخوفي بكره يطولني وتدبحني
نوره : يمه انتي بتقولي ايه
محاسن : الله يستر منك ومن قلبك الاسود
.........................
في امريكا
ملك: انا متضايقه اوي
هدى : مالك
ملك : الحلم اللي قلته لك جاني اكتر من مره
هدى : يووو .. انسي يابنتي انسي دلوقت احنا عندنا مهجه الحلوه تنسينا اللي خلفها
ملك بضيقه : حاسه يوسف فيه حاجه
هدى : وانت مالك
ملك : هداااااااااى ...
هدى : وانا صح الراجل نساكي واتجوز ويمكن مراته حامل وانت لسه بتفكري فيه
ملك : اااااه .. انا عاوزه ارجع مُصر
هدى بتعجب: ليييه
ملك : لا لا .. ما يروحش فكرك بعيد ... عاوز اروح اسلم على خوالي وخليهم يشوفو مهجه .. انا مشتاقه لهم ولجدتي
هدى : انت مش خايفه من يوسف ومراته النسره
ملك : ليه هو ماله بيا
هدى : معرفش انا النسره نوروه مش مطمنالها ابدا
ملك: تتحرق انا مالي بيها انا رايحه لخوالي
هدي بنظره كلها بخبت : لخوالك.. ولا لجيران خوالك
ملك : اولا يوسف مش جيران خوالي .. وثانيا هو هيعرف منين اني فالبلد اذا كنت عاوزه اروح بالكتير اسبوع .. >>> تضحك ملك >>يوو يا هدى بلاش تبصيلي كدا
هدى : اسافر معاك
ملك : ياريت
هدي : خلاص امتى نسافر
ملك : اظبط مع خالي ناصر ونتوكل على الله
هدى : يله ورانا ايه خلينا نشوف القاهره
في القاهره
زينب : خالتي ملك جايه تزورنا السبوع الجاي
الجده : بجد
زينب بفرحه كبيره :لسه ناصر قفل الموبيل معايا وقال انها كلمته واتفقوا انها تيجي اللاسبوع اللي جاي
الجده : الحمدلله مكتوب لي اشوفها قبل ما موت
زينب : ربنا يطول بعمرك ياخالتي ايه بس الكلام ده
الجده : اييييه الموت لابد منه
زينب باست كتفها: ربنا يطولنا في عمرك ياخالتي
الجده : هي بنتها عندها اد ايه
زينب : مهجه كملت شهرين
الجده : ياروحي ربنا يخليها لها
زينب : امين
...........................
في بيت يوسف وتحديدا في غرفة النوم
نوره سنده راسها على السرير تبرد ضوافرها بالمبرد
قرب عليها يوسف وحضنها دفعته بقرف وبعدت وهو رجع لمكانه وطلع سيجاره
نوره : اوووف بجد انت قرفتني بريحتها
يوسف : خلاص اطفيها ياحياتي
نوره : اذا ميت عليها روح دخن برى
يوسف : عندى اكسر مية سيجاره ولا افارقك دقيقه
نوره بقرفه: لاء وليه الخساير دخن دخن
يوسف قرب مره تانيه منها وحضنها بحنان : لايكون فيه حاجه علشان كدا مش حابه ريحة الدخان
نوره : حاجه!حاجه زي يعني
يوسف : نونو مثلا
نوره : ياريت ..
يوسف : ياقلبي يانوره تتمني مني نونو
نوره : علشان احفظ لك اسمك بالحلال مش بالحرام والزنا
بعد يوسف مستغرب وعاقد حواجبه : ازاي يعني
نوره : اصل انت مفيش في دماغك عقل ولاحتي بتفكر ياحرام كنت مسحور
يوسف على نفس حالته : تقصدي ايه
نوره : ليه انت متعرفش ان عيون الشيطان ملزقه باسمك اللي كان في بطنها وهو ابن زنا وحرام ولقتك اهبل ولابتفهم لاانت ولا اهلك وكتبت اللي في بطنها علي اسمك..لكن على مين انا كشفتها
يوسف بعصبيه : ازاي يعني
نوره : لانها قبل ما تطلع من بيتك كانت مش حامل وانا جتلها قبل ما تمشي من بيتك بنفس اليوم اللي راحت فيه لبيت خالها اهديها وقلت لها قومي صلي لك ركعتين وهدى بالك قالت لي انها معذوره ومش بتصلي ويومها راحت بيت خالها يبقي منين حملها؟؟؟
يوسف بعصبيه: انتي متاكده
نوره بخبث : وليه اكذب عليك
يوسف خبط بايده على السرير: الزانيا بنت الكلب
نوره :لا هييئ ده اللي قدرت عليه
يوسف : عاوزاني اعمل اي فيها انا قلت لك انها وهي هناك انا ما اقدرش اعمل اي حاجه لكن انا هطلب تحليلdna واثبت ان الطفل مش منى وانفي نسبه عنى
نوره : ويطلع ايه dna
يوسف : ياقلبي ده زي تحليل الدم لكن حاليا العلم اتطور ويقدر من التحليل ده بكل سهوله انه يثبت او ينفي النسب
اتغير لون وش نوره وبان الربكه في كلامها : وليه التحليل واللفه اللي مالهاش داعي انا بقولك اني متاكده انه مش ابنك او بنتك





يوسف : ازاي اطلب أنفاء نسب بدون التحليل ما ينفعش
نوره : انفيه من الدينا ويتنفي نسبه
يوسف : ازاي ؟؟
نوره : نسافر انا وانت وتخطف العيل وتدبحه وتغسل عارك بايدك
يوسف ضحك بقهقهه مريبه: ههههههههههههههههه هناك فامريكا
صرخت نوره عليه لما ضحك عليها : يوسف !!!! ماتضحكش كدا يعني علي انك فاهم وانت اهبل
النسوان يلزقو عيال الزنا باسمك
يوسف: ياقلبي انا ماقصدش .. لكن الكلام ده صعب هناك
نوره : اتصرف بقي
يوسف : طيب خليني افكر
..........................
في بيت صبحي ابو نوره
رناد قاعده تبكي لوحدها بغرفتها
صوت خبط خفيف على الباب
رناد ومازالت تبكي : رنا ارجوكي مش عاوزه اشوف حد
سمع صبحي صوتها الباكي ودخل عليها :مالك يابنتي يارب ما يكون شر
رناد : بابا مفيش
صبحي : ازاي مفيش وانتي بتعيطي
رناد : امي وحشتي
صبحي : امك مابتحبكيش يا رناد والطمع عمى عيونها
لكن اللي عاوز افهمه انا ازاي يوسف يتنازل لامك عن بيته
رناد : يوسف بيحب نوره وبيموت فيها ويمكن هداه لامي من غلاوه نوره
صبحي بنفعال: أي غلاوه اللي يخلي البني ادم يسمع اهانة امه ويسكت
دخلت رنا من الصاله
رنا : اباااه انا كنت عاوزه اقولك حاجه بخصوص نفس الموضوع لكن انت ما عطيتنيش فرصه
صبحي بهتمام : قولي
قالت رنا لابوها كل االلي سمعته من امها ونوره يوم الفرح ويوم سفر نوره
رناد : ان بعض الظن اثم ليه انت كدا متحمله على امي
رنا : انا مش عاوزه امي تاخد ذنب اذا الشئ اللي في بالي صح ده عقابه عند الله النار
رناد : تقصدي ان امي ونوره ساحرين يوسف
صبحي : لا لا ماتوصلش لكدا
رنا: يبه انا مش بقول كدا ولا اتمناه لكن لازم نتاكد واذا طلع صحيح لازم يتوبو لان الدنيا ما تغنيش عن الاخره
رناد بغضب : انت مش بتحبي نوره وامي من زمان علشان كدا بتفتري عليهم بكلامك ده عاوزه تكرهي ابويا فيهم ياظالمة >>>> وفضلت رناد تبكي
رنا: انا ربنا يسامحك
صبحي التزم الصمت وهَدى بنته وطلع وافكاره تودي وتجيب
......................
في بيت خال ملك يوم وصولها
زينب بترحاب كبير : اهلا يا ملوكه البيت والدنيا كلها نورت والله
الجده : اهلابيك يا بنتي انت وصحبتك
هدى: الله يسلمك يا حجا
الجده تلتفت لملك : الحمد لله اني شفتك يمه قبل ما اموت
ملك : ربنا يطولنا عمرك ياتوتا والله انا الي كنت هموت واشوفكم وحشتوني
الجده: هاتي اشوف بنتك ياملك
ملك : اتفضلي
الجده : بسم الله ماشالله خيال ... سميتها ايه
ملك : مهجه
زينب : ماشاءالله يا رقتها حتي اسمها رقيق زيها
الجده : حلو بس ليه الاسم ده
ملك بابتسامه وهي فاهمه قصد جدتها : ليه ماله
الجده : مايستاهلش
ملك : وانا مالي بيه
هدى : قلت لها ياحجا
زينب : المهجه دي ليها هي ,,هي مالها بيه
عائلة خال ملك فرحت بيها وعملو عزومه كبيره عزموا فيها كل قرايبهم لكن ما اعزموش أي حد من طرف يوسف وأهله
لكن سمعوا بوجود ملك وحفيدتهم زي ما سمعت محاسن وبنتها!!!!!!!!!!
.........
في بيت محمد
خديجه بتشد امها : يمه انت راحه فين ربنا يهديكي
حفصه : رايحه اشوف بنت ابني
خديجه: الناس لو عاوزنا كان عزمونا لا والله ماتروحي
حفصه : ما تحلفيش يا خديجه
خديجه برجاء : الله يخليك يمه ما تفضحينا انت حتى ابنك مش عاوزك هتعملي ايه بخلفته
اتاثرت حفصه بكلام خديجه اشد تاثير وبكت وقالت من بين الدموع : الله عليك يازمن يوسف اللي كان بيخاف عليا من الهوا ويناديني غير بالغاليه بقي مش عاوزني حسبي الله ونعم الوكيل على اللي كان السبب
.........................
في بيت يوسف
نوره : انا هحاول اجيبها لك
يوسف : انت بس جيبيها وانا اخنقها قدامك بنت الزنا
نوره في نفسها : اهه نفسي اشوف قلبك ياملك لما يتقطع زي ماقطعتي قلبي
نزلت نوره لامها بعد مااتطمنت نوره من ان يوسف مقتنع تماما ان البنت مش بنته
في الصاله
محاسن : ازاي تجيبيها ياذكيه
نوره : انت ياحلوه اللي هتجبهالي
محاسن : انا لا ياحبيبتي ابعديني عن الموضوع
نوره : لا ماليش غيرك
محاسن : طيب ازاي؟؟
نوره : انا اقولك البنت الي كانت بتروح بيت شعبان خال ملك في مره سمعت ان البنت الي بتيجي تنضف سرقت من مرات شعبان فلوس وانها ضربتها لما عرفت لكن ماسفرتهاش علشان ازمة الشغالات ولانهم شويه اوساخ وانا فاكره مره كنت هناك وشفت البت دي بتعذب بنت 




شعبان وطلبت مني اسكت لما شافتني اني شوفتها ولانها عارفه اني بكرهم وافقت
فانتي لو عطيتيها فلوس تعمل الي احنا عاوزينه
محاسن : وان علمت علينا
نوره : ياستي احنا نجيب ست وهي تاخد البنت وانتي بقي تروحلها و وتاخدي منها البنت وخلاص
محاسن : طب اجيب الست دي منين يا مو العريف
نوره : تكلمها واحده من طرف الدجاله كأنها اختها وتتفق معاها وانت تستلمي البنت
محاسن:ياخرابي منك بنت حرام والله لو انا ما ولدتك كنت قلت بنت حرام مصفي
نوره ببتسامه كلها شر: ها قلتي ايه
محاسن : الخلاصه هاخد منك ايه
نوره : ليك عربيه يوسف اتصرفي فيها
محاسن : خلاص اعتبريه حصل
وفعلا اليوم الثاني نفذت نوره وامها المخطط وكلمت ست من عند المشعوذه البنت الي بتخدم في بيت خال ملك ووافقت مقابل مبلغ عشر الالف جنيه
وفي غفله من الجميع سرقت الخدامة اللي كانت تقدر تدخل وتطلع في البيت براحتها وطلعت بمهجه من غير ماحد يشوفها بعد ما اخدت منهم عشر الالف جنيه وكانت نوره ويوسف فالعربيه بعيد عنهم ونوره صورت اللي حصل بعد مااخدت الخدامه الفلوس قربت نوره لابسه نقاب عشان متعرفهاش وقالت للخدامه انها صورتها وهتسلم الشريط للبوليس اذا فتحت بؤها او قالت لحد وبعد اما اخدت منها الفلوس وطردت الخدامه بعيد ولما اتاكدت ان الخدامه بعدت رجعت وركبت العربيه
.............
في بيت خال ملك طلبت ملك بنتها من الخدامه
ملك : لو سمحتي سميره هاتي مهجه علشان اديها الرضعة
البنت الخدامه : حاضر
هيفا : خدي بالك لتقع منك
سميره :لا اطمني يا ست هدي بعرف اشيل الأطفال
هدى : ماعندكيش ولد يا زينب
زينب : لا ربنا مارادتش عندي بنتين كفايه عليا
هدى : ليه انتي لسه صغيره هاتي تاني يمكن يديك ولد
زينب : لا خلاص البنات حلوين ولا ايه رايك يا ملك
ملك: ياقلبي على البنات تجنن
هدى : بس انتي صغيره لسه وتقدري تجيبي بدال الولد عشره
زينب ببتسامه : اه صغيره الله يجبر بخاطرك
سميره بتترعش : ست ملك مهجه مش موجوده في سريرها مين اخدها
وقفت ملك بخوف : شوفيها عند جدتي يله بسرعه
راحت سميره لغرفة الجده وملك لسه واقفه
زينب : هههههههههههه متخافيش تلاقي بنتي اخدتها تلعب بيها
ملك : ياسلام بنتي لعبه يعني
زينب ضحكت: لا بقولك ايه البنت عندنا مالكيش دعوه بيها....اقعدي بس وسيبك من الخوف اللي مالوش داعي
جات سميره تجري : مدام ملك مهجه مش عند الست الكبيره
زينب فزت واقفه وهدى وملك جروا للغرفه اللي كانت فيها مهجه
هدى : شوفي يمكن واقعه تحت السرير
ملك : يا نهاري يا هدي بنتي مش موجوده
هدى :يمكن مع بنت من البنات ولا حاجه
نزلت ملك وهدى
ملك : سميره
سميره: نعم يا ست ملك
ملك : شفتيها مع بنت من البنات
سميره : لا مش مع حد فيهم
جات زينب بعد ما دورت فالبيت كله
زينب بتنهج: لقيتيها ؟؟
بكت ملك : بنتي يازينب بنتي
وبكت هدى
زينب بخوف عظيم : انا هروح اتصل بناصر يمكن اخدها
ملك وهي بتعيط : ايوه رني .... لكن خالي ليه هياخدها .. اااه يارب يارتني ماجيت
حضنتها هدى : ان شاء االله نلقيها ياعمري
زينب وهي بتقفل الموبيل : بيقول ما شافهاش
زاد بكى ملك
زينب صرخت علي سميره: سميره هي حسنيه جات هنا النهارده
سميره : لا مجاتش
ملك :حسنيه مين
زينب لسميره: روحي اندهالها بسرعه
راحت الخدامه تنادى لحسنيه
ملك : حسنيه مين ؟
زينب : البت الي بتخدم في بيت خالك شعبان
............
في العربيه
نوره : الله يلعنها كلها امها
محاسن : يله ياجماعه خلصونا من البلوه دي
يوسف : .........................
نوره : يله يابطل ورينا شطارتك .. نروح فين علشان تخنقها
محاسن : لا لحد كدا وانا دوري انتهى رجعوني للبيت يا حبايبي
يوسف : نوره حبيبتي ارجعكم للبيت انتي وخالتى وأنا هتصرف
نوره : وليه ما اجيش معاك نفسي اشوفها وهي بتطلع في الروح بنت الفاجره دي
يوسف : افرضي لاسمح الله حد شافني انا مش عاوزالك الاذيه ياقلبي
محاسن : اه عنده حق(( وبهمس)) يله نرجع احنا ولو حد شافه يتقبض عليه واحنا مالناش دعوه
نوره اقتنعت : طيب تعرف تتصرف
يوسف : اعرف
نوره : اذا خفت تخنقها حط عليها كيس يكتم نفسها بنت الزانيا دي ولا اقولك ارميها في اي بياره وتكون غويطه علشان تموت بسرعه
يوسف هزدماغه: طيب
نزل يوسف محاسن وبنتها لحد البيت
وفضلت معاه البنت نايمه
نوره : تفتكري يعرف يعملها ويموتها
محاسن : ربنا ياخدك تخوفي
نوره : ربنا ياخدني علشان عاوزه ارد اعتباري
محاسن : انا مشعارفه ازي بس طاوعتك
نوره : هههههههههههههههههههه ساحرتلك
محاسن: والله ما بعيده عنك ياام الدواهي
......................
فضل يوسف ماشي فالشارع وهو بيفكر ازاي يتخلص من العار الي معاه
وقف عند اشاره
وبص للبنت طفله ايه من الجمال الغير منتهي بشره ورديه اخاذه وش ممتلئ عيون لوزيه لونها اسود وشعر اسود كثيف وشفايف غليظه بلون وردي يكاد من جمالها ينطق
يوسف غمض عيونه بشده وهو بيقول :بكرهك وبكره امك يابنت الزانيا بكرهك
نورت الاشاره للون الاخضر ومشي بين العربيات تَايه الفكر مش عارف




 فين يرمي البلوي اللي معاه او يتخلص منها ازاي.. لحد ما وقف قدام عماره تحت الانشاء مفيش فيها حد




نزل يتفحص المكان ولقي فيه بركه مفتوحه 


ولقاها أحسن مكان يتخلص فيها من البنت



فقرر انه يرميها فيها لكن !!!!!!!!!!!!




استوب نقف هنا واسمع رايكم يا تري يوسف هيرمي البنت ولا؟




القصه هنفضل كدا لا هنرجع للرومانسيه تاني 


بس لازم نفك النحس الاول!!!

                      الفصل التاسع عشر من هنا
تعليقات



حجم الخط
+
16
-
تباعد السطور
+
2
-