رواية انقذوني من هذه العائله
الفصل الثالث عشر13
بقلم منه محمد

فات على الموقف يومين
وطول اليومين وملك بتحاول تثير اي موضوع عن يوسف وتسمع وتعرف طباعه وتفصيله بيحب ايه بيكره ايه لقت نفسها بتحب تسمع عنه كل حاجه وبشغف
في الرسبشن كانت قاعده مع خديجه اللي بقت قريبه منها جدا ومع حفصه اللي دخلت قلب ملك زي ما ملك غزت قلبها واحتلته
رن التلفون
كان قريب من حفصه رفعت السماعه
حفصه : اهلا يا حبيبي لسه كنا في سيرتك
وبصت لملك اللي اتغير لون وشها وارتبكت وبان عليها انها مش على بعضها
يوسف : خير إن شاء الله كنتي مستلماني مع مين؟؟
حفصه : مع........
يقاطعها يوسف : اكيد مع الليدي خديجه مين غيرها يعني
حفصه بخبث : ليه مافيش غير خديجه الي بتحبك وبصت لملك وملك تبادلها النظرات بحرج
وتجاملها بابتسامه صفرا
يوسف : اوووووف هي عندك
حفصه : مين!!!
يوسف : محاسن مرات خالي
حفصه ضحكت : لا مش محاسن
يوسف : دخلنا بالالغاز مين اللي عندك ؟؟
حفصه وشها كله ابتسامه وهي بتبص لملك : مالك انت نسيت ملك
يوسف دق قلبه وابتسم غصب عنه وقال بصوت كله حنان : ادهالي
مدت حفصه السماعه لملك وهي تبستم : عاوزك
شاورت ملك على نفسها من غير ما تتكلم كئنها بتقولها انا
حفصه : ايوه تعالي عجلي
ملك مسكت السماعه وبخجل واحراج ردت عليه : الو
الله صوتها نغمه ثثير قلبه الي كله حب دي افكاره اول ما سمع صوتها لكن رد زي ما يكون بيكلم عسكري
يوسف : اهلا ملك عامله ايه
ملك تتنحنح من الاحراج : احممم بخير وانت
يوسف : بخير محتاجه حاجه
ملك: اكيد .. عاوز اسال
يوسف :قبل ما تسألي جاوبي الاول كنتو بتقوله عني ايه
ملك : ولا حاجه دي ماما كنت بتتكلم وانا قاعده اسمعلها
يوسف : يعني لو كانت بتتكلم في اي موضوع تاني هيبقي عندك نفس اللاستماع هااا
ملك حاولت تفهمه انها عاوزاه : لا عنك احسن طبعا
يوسف وهو عاوز يطير من الفرحه : ايه هو اللي عني احسن
ملك تغير الموضوع : اه والله ماعنديش الا ماما وبابا وخديجه
يوسف : ههههههههههه يعني ما تقدريش تتكلمي هااا ...
ملك بكسوف : عاوز حاجه
يوسف : اه تفضلي معايا كدا
ملك : ليه انا كدا بس انت ماعندكش وقت تكتشف صفات جديده
يوسف : ع العموم يجي وقت ونشوف موضوعك .. دلوقت باي لا احرجك .. محتاجه حاجه
ملك بغيره واضحه للكفيف : سلم عليها
يوسف بابتسامه : احاول .. ولو انها بتغير موت.. بس اوعدك احاول
ملك بعصبيه: لأ لازم .. باي ((بضيقه )) قفلت السكه
بعد ثلاث ساعات من المكالمه
الشغاله : مدام في واحد جاب ده وبيقول لمدام ملك
ملك وهي بتقلب الكيس .... موبيل!!!ايه ده ابل ايفون !!
ومعاه شريحه لفت للشغاله :: مين اللي عطهولك
احمد : ليه فيه ايه؟؟
ملك: بابا ده واحد عطاها الموبيل ومعاه شريحه وبيقولها اديها لملك
احمد : انت يا وليه ياهبله مين الي عطالك ده
رن جرس التلفون الارضي
رد احمد : اهلا يا يوسف
يوسف : اهلا عمي ازيك
احمد : بخير بس فيه واحد جاب موبيل و.......
يوسف يقاطعه : اه يا عمي انا الي بعته لملك اصل موبيلها انكسر
احمد :طيب يابني هقولها
يوسف : هي عندك .. ادهالي
مد التلفون لملك وقال : يوسف عاوزك يابنتي
ملك : الو
يوسف اتكلم بسرعه : شوفي في الموبيل انا بعتلك معاه شريحه برقمك الاول ركبيها واستعمليه ..تمام
ملك: طيب
يوسف : ركبيها على طول هااا
ملك بخنقه نفسها تطوله وتضربه: شكرا
يوسف : يله باي
ملك : باي وكشت علي السماعه بكف ايدها بعد نص ساعه رن يوسف على موبيل ملك
ملك وهي طالعه لجناحها : الو
يوسف: شاطره مطيعه
ملك تبتسم : اعمل ايه اصلي بخاف منك
يوسف : سيفي ارقامك عليه
ملك ترد بحزن : و اعرف مين ياحسره
يوسف : مني .. جدتك اخوالك وحريمهم خديجه انت مش لوحدك
ملك بتردد : يوسف
رد بقلبه لما سمع اسمه ونطق لسانه باللي حسه غصب عنه : ياعمر يوسف
سكتت وكانت لسه بتدخل باب الجناح اللي قفلته بطرف كتفها غمضت عيونها تتلذذ الاحساس الجميل
يوسف : ملك
ملك : هممم
يوسف : فينك انت مش معايا
ملك : لا معاك كنت بقولك عاوزه اتعلم اقرى واكتب عربي صحيح
يوسف : هههههه هههههه هههههه صدقيني كل ما افتكر الموضوع اضحك
ملك بدلع : ليه
يوسف : اصلك لسه اميه
ملك بعدم فهم : اميه ايه المعني
يوسف : غير متعلمه illiterate
ملك : ههههههههههههههه شفت اني لازم اتعلم
يوسف : طيب انا هتفق مع مدرسه تيجي تعلمك
ملك بتحاول توصله شوقها بطريقه مش مكشوفه : لا عاوزاك انت تعلمني
يوسف ارتبك من جواه احساس مختلف : هممم انا !!ايه المعني
ملك بمروغه : عشان بفهم منك والا انت ناسي انك كنت استاذي
يوسف : بس انا فين ... ومشغول طول الوقت
ملك بشقاوه : عادي الوقت اللي تيجي فيه
يوسف : يعني مُصره
ملك بخبث ولاول مره : انت بس مش عاوزه غيرك انت!!!
فهم قصدها والدنيا مش سيعاه من الفرحه
بص لساعته الوقت متاخر وهو ملتزم جدا : يله هقفل مش هطول عليك .. نامي وانا وراي شغل ومحتاج انام
ملك بسرعه : لا خليك ........ حست نفسها ندمت على كلمتها وعضت شفايفها
( يله تصبح على خير
يوسف : اذا عاوزني اسهر معاك يكش يتحرق الشغل
ملك : لا لا تصبح على خير نام ياولد وراك شغل
يوسف بابتسامه : حاضر يا عمتو.. باي
كانت ليله من ليالي الاحلام مرت على قلبها وقلبه كل واحد منهم بدء يلمس طريقه لقلب التاني
حب ... يتجدد .. يحطم قيود الكبرياء والعناد
نامت على امل انها تشوفه حتي لوكان في حلم
ونام وهي بقلبه حقيقه غلفت صدره وانفاسه
تاني يوم العصر
ملك بغرفتها ..سرحانه بين ذكري امبارح وحقيقه حبها اللي ملا كيانها وروحها
اتبتسمت لذكرى قامت واخدت لها شور ولبست فستان اصفر طويل بحجابه الهادي وصندل اسود ناعم وحطت زينتها الرقيقه مناسبه لحجابها .. ونزلت وكان ريحه برفانها سابقها سمعت اصوات بالصاله يعني في حريم جات ترجع لكن سمعت صوت خديجه : اهلا يا ملك ايه انتي خُم نوم تعالي يا حبيبتي تعالي
ملك تبتسم : مساء الخير
كالعاده في ناس ماتردش
والباقي : وعليكم السلام
قعدت قريب من نوره الي قاعده جنب اختها رنا الطيبه
ملك بصت لمحاسن : ازيك يا خالتو
محاسن : بخير .. وانتي باين عليك الصحه
ملك بعدم فهم : الحمدلله .
محاسن : الا اختك .. اسمها ايه مش هي برضو حامل
ملك : اسمها مني وليها خمس شهور حامل
محاسن بتحقيق : وانت ليه ما حملتيش
خديجه برقتلها : خالتي سبيها اكلتيها
رنا ببراءه : انا مش بحب الست تحمل اول سنه جواز
تقاطعها حفصه : احتفظي برايك لنفسك يارنا انا عاوزه اشوف عيال ابني قبل ما اموت
ملك بحنان بالغ: طولت العمر ليك يا ماما
محاسن كأنها مسكت مجرم وقدامها في التحقيق : الا على سيره العمر ورثك فينه ؟؟
ملك بستغراب : ليه
محاسن : بيقوله كل واحد اولي بماله وزي ما انتي شايفه يوسف علي اد حاله
حفصه بحده : يوسف عنده اللي مالي عينه
ملك عيونها متوزعه بينهم
نوره بصوت شبه مسموع : والله وعرفت ان ده سبب جوازه منها
خديجه : ولا اولي ولا حاجه يا مرات خالي احنا خدنا ملك عن فلوس الدنيا كلها
ملك بابتسامة راحه : الله يسلمك ياخديجه كلك ذوق
محاسن بصت لخديجه بذدراء: والمفلسين ليهم دور وبيردو كمان
ملك: ع العموم جوز اختي هو اللي بيدير لنا املاكنا .. وهو انسان ثقه جدا
نوره : وليه مش يوسف اللي يديرها ولا شايفاه مش اهل بثقه
ملك : يوسف ماجابش للورث سيره ولا عرض عليا ..وبكل دلع )شكله اكتفى بيا
هنا ولعت نوره من جواها
قعدت نوره وامها يلمحو ان يوسف ما اخدش ملك اللي انه عاوز يستفيد من ورثها وخديجه تحاول تدخل كل شوي وشويه وتضربهم بالقبقاب قامت ملك تروح التولت .. وبعد دقيقتين تبعتها نوره شافتها لما دخلت الحمام وجابت صابون سائل وكبته عند باب الحمام على السيراميك وكبت علية ميه وراحت ااعدت بسرعه فى مكانها ولا كئنها عملت مصيبه
بعد شوي سمعوا صرخة ملك في التولت جريت خديجه ورنا وراهم حفصه ومحاسن واخر شخص كان نوره
شافو ملك متمدده ع الارض وتتأوه من ايدها الشمال قربت منها خديجه تقومها
حفصه مخضوضه : سلامتك يابنتي
ملك : فيه صابون على الارض لكن لما دخلت مكنش فيه
محاسن حست ان نوره هي اللي عامله كدا : يمكن ماشفتيهوش المهم قومي قومي انت كويسه
مسكتها خديجه من ايدها علشان تقومها لكن صرخت
ملك عيطت : ااااه
خديجه : بتوجعك
ملك بتتألم : الوقعه كلها عليها
خديجه : انشاء الله مفهاش كسر ..ماما قولي لعمي احمد يودينا للمستشفي
محاسن : هتلاقيها رضه بسيطه .. مالوش لزوم مستشفي يعني
ملك : صح يمكن مفيش داعي
خديجه : هي بتوجعك اوي
ملك اتحرجت منهم لانهم تجمعوا عند باب الحمام : لا لا مش اوي
اعدت معاهم شوي مجامله لكن ماقدرتش تتحمل الالم
طلعت لجناحها واعدت تعيط من شدة الالم
شويه دراعها ازرق وانتفخ بسرعه
خبط باب الجناح
ملك تمسح دموعها : مين
الشغاله : مدام خديجه بتسال عنك
ملك : قولللها ملك نايمه واتعشت
بعد ساعات حاولت تصبر على الالم لكن كان فظيع كل ما اتحركت زاد ماقدرتش تعمل اي غير انها تعيط ربطت ايدها بطرحتها ودرجت حرارتها ارتفعت جدا جدا
رن نغمه الموبيل بصتله ملك اتنفست بعمق ومسكت الموبيل وردت: الو
يوسف : فينك كويس انك رديتي عليا
ملك حاولت تتماسك وتكتم صوت بكاها : اهلا يا يوسف
لكن هو حس في حاجه : ملك مالك.. ردي عليا
ملك بصوت يغلفه الدمع : لا انا زي الفل
يوسف بقلق : لا انت بتعيطي حصلك ايه
ملك بتمسح دموعها بضعف وغلب : انا كويسه بس متضايقه شوي
يوسف :مللك!!!
ملك : يوسف ماتشغلش تفكيرك .. انا تافهه
يوسف اتنفس بعمق : طيب ..طيب هسيبك دلوقت بس لو حسيتي نفسك كويسه رني عليا
عاوزه حاجه.. بصوت شبه طبيعي
ملك: سلامتك
قفل التلفون وملك مستغربه ماكلفش حتي نفسه يصر عليها بالسؤال كانت عاديه عنده واول ما قالت له انها زي الفل قفل الموبيل شكله اتصل يتسلا بيها علي ما يرجع لحبيبته ..
كان احساس بشع بالغربه اختلط مع احساسها بالالم الجسدي قبل النفسي ازاي حس ان فيه حاجه ولا سال ولا اهتم ولا اصر يعرف(((( ظالمه جدا)اتصل يوسف بخديجه وقالت له كل اللي حصل
اما ملك داخل اوضتها سندت نفسها على السرير وااعدت على الارض تعاني الالام النفسيه والجسديه طفله مدلله لقت نفسها وحيده وغريبه ومهمله احساس فظيع فضلت تبكي من اعماق قلبها لحد ما غالبها النوم اللي حست انه الملجاء الوحيد اللي هينزعها من الالام الكبير ويوصلها لحبايبها
بس فاقت الا علي ايده المحطوطه على جبينها تمسح حبات العرق اللي كانت نازله من جبينها من شدت الحراره
فتحت عيونها بصعوبه شافت ملامحه فكرته حلم ابتسمت بألم : يوسف حبيبي ..
سمعها وهي بين ايديه رفعها زي طفل صغير من الارض للسرير .. نزلها بشويش لكن نزلت على ايدها
ملك بألم صعب الاحتمال : اه اي
لف يوسف زي المجنون يدور ايه الي المها
شاف ايدها مربوطه لف ناحيه ايدها : ايه ده ياقلبي
وفتحها وشافها منفوخه وزرقا
يوسف بقلق كبير ورعب: دي مكسوره ياقلبي
ملك عيطت : هممم اااه اااه
يوسف : يله اوديك المستشفى
ملك تفتح عيونها بصعوبه وتبل شفايفها : لا مالوش داعي هي كويسه
يوسف : ازاي مفهاش دي مكسوره وانت حرارتك عاليه يله وبلاش عند
ملك : والله ياحياتي ما فيها حاجه
قام وهو بيقول : انا كمان لسه هسمعلك ولف بعيونه علي طرحه تانيه .. ولقاها لبسهالها و حاول يلفها
ملك : ااااه
يوسف : لفيها بأيدك التانيه .. والا جيبها كدا ... اها .. اها .. كدا كويس
ملك تبتسم بتعب : كويس كويس
يوسف : الي اعرفه علي قدي
راحو للمستشفى لقى ان الكسر مضاعف .... وجبروا الكسر
الدكتور : لازم المدام تبقي تحت الملاحظة لان درجة حرارتها عاليه جدا
يوسف بقلق : هي فيها حاجه
الدكتور : لا بس علشان الحراره وزيادة اطمئنان
يوسف : اقدر افضل معاها
الدكتور : على كدا لازم تاخد اوضه تانيه مينفعش تفضل بالاسعاف
يوسف : مافيش مانع ..
داخل المستشفى بعد ما دفع مصاريف العلاج والغرفه كان الدكتور عطي ملك مسكن وكانت نايمه وهو اتصل على خديجه وامه يطمنهم عليها واتصل على شغله اخد اجازة طارئه
قعد بكرسي جنب السرير ايده تداعب بين خصل شعرها .. يتامل جوري شفايفها وجواهر محاجرها بيحبها بكل تفاصيلها بيحب عقلها وجنونها
رضاها وعنادها وبيسميها هدية ربه الغاليه
فتحت عيونها بعد كام ساعه وزعت عيونها للغرفه اللي هي فيها .. ورجع لها نفس الاحساس لما فاقت من الغيبوبه ومالقتش في دنياها حد ..
رفعت نفسها بشهقه قويه : بابا ... عادل
كان هو برا الاوضه قاعد يدخن ..التفت ناحيه الصوت ودخل بسرعه وراح ناحيتها
يوسف مسك كتافها المقبوضه: اسم الله عليك انت بتحلمي حياتي
بصتله حاولت تستوعب وبصت في ايدها اتنهدت ونزلت كتافها المقبوضه وبصتله و ابتسمت وهي تحسه جنبها مااهملهاش زي ماكانت معتقده
بابتسامة تعب :يوسف
يوسف قعد جنبها على السرير : ياقلب يوسف .. أأمرى
ملك : خلينا نخرج انا مش بحب المكان ده
يوسف : بس كدا .. عيوني
ملك : قالولك ايه علي ايدي
يوسف :بيقوله كلها حلوه .. وفيها كسر بسيط اذا سمعتي الكلام تخف بكره
ملك تبتسم : بيبي انا هاااا
رفع ايدها السليمه وقرب كفها من شفايفه وباسها بعمق وهو يتنفس عبيرها ونزلها لقلبه وهو يلتهمها بنظراته وكأنه اول مره يشوفها
حست برجفه في جسمها واتكسفت جدا و قالت وهي منزله راسها عاوزه تكسر حدة الموقف : هنخرج امتي؟؟
يوسف ا تنهد وقال : حالا اشوف الدكتور
وقف لما نادته قبل ما يطلع من باب الاوضه
ملك : حتى لو ما سمحلك اطلع على مسؤوليتي
هز راسه بالموافقه وطلع .. طول شوي ثم دخل عليها
ملك : ها نخرج ونطت من السرير نطه بسيطه
قرب لها بسرعه ومسك ايدها : حاسبي حاسبي ايدك
ملك وقفت قدامه : لا سيبك .. نمشي يعني
يوسف : البسي طرحتك ... احنا نقدر نقول لا
ملك بابتسامه حيا : ممكن تساعدني البس الطرحه
لبسها الطرحه ولفها بشكل يضحك
ملك : هات هات مش نافع
يوسف يبتسم: يعني غلطان بحاول اظبطك
ملك : ايوه عملتني قيمه
ضحك يوسف وهو مبسوط من اسلوبها الي دايما بياثره: ياحلوتك
بصتله بطرف عينها وكملت لبس طرحتها
يوسف : ايه معنى النظره
ملك : ولاحاجه امش انا خلقي بيضيق هنا
دخلوا البيت الساعة 8 المسا
لقوا نوره وامها ورنا وخديجه الي جات من بيتها كلهم بيسالوا عن ملك
يوسف : السلام عليكم
خديجه : وعليكم السلام وقربت تطمن عليها
حفصه : ها يابنتي فيها ايه
ولما شافت الجبس: لاه لا ه ياقلبي مكسوره
ملك : كسر بسيط ياماما ما تخافيش
خديجه مسكت الجبس: ياحبيبتي...ربنا يكسر راس اللي كان السبب
ملك بصت لـ نوره:لا متدعيش حررررام
نوره بارتباك : ليه خليها تدعي
ملك : لابس مش بحب الشررر وضغطت ملك على الكلمه الاخيره
كان يوسف قاعد على الكنبة المزدوجه وقال وهو بيشاور على المكان اللى جنبه : تعالي ياللى ماتحبيش الشر اقعدي هنا
قامت محاسن من مكانها وااعدت بنفس المكان اللي هو شاور عليه : خاليها تقعد جنب امك انا هقعد جنبك اصلك وحشني
بانت عيون نوره انها فرحانه بتصرف امها
خديجه بغيظ: يامفرق الجماعات
يوسف : خليها يااختي المكان مش بالقرب او بالبعد ملك في قلبي
ملك في فكرها ايه الجراءه دي يايوسف تقول الكلام قدام الناس معقوله بتحبني كدا والا ليك قصد تاني وتبص لنوره اللي باين عليها انها شويه وتنفجر
خديجه بحنان بالغ : اقعدي جنبي يابنتي
ملك : اعذريني بس عاوزه اطلع اغير
خديجه : اساعدك
حفصه : لا هو يساعدها .. قوم يا بني ساعد مراتك
يحمر وش ملك من الخجل : لا لا استريح انا هتصرف
يوسف يبتسم ابتسامه عريضه : براحتك بس مش هتحرج لو ناديتيني
ملك بصتله و بدلع :وانا مش هنديك
خديجه : اما انا اجي اذا ناديتيني
يوسف اتكلم بحروف تضحك : شوفيسيبنغفثصففصص
ملك : هااا
حفصه وهي بتضحك : روحي يابنتي غيري
محاسن : ايه عرفها دي بكلامنا اخرها الكلمتين اللي تقولهم وتبرطم بيهم
طلعت ملك بس سمعته يقول : لايامرات خالي ملوكتي ذكيه حتى لوماعرفتش من الاول بس بتفهم بسرعه
محاسن بضيق : اه عشان كدا دايما هاجج عنها وفهمها وساكن اسكندريه
يوسف وهو متضايق : مين قال؟؟
محاسن : امك قالت
حفصه بارتباك : محاسن ايه الكلام ده
محاسن : بجد انت و كئنك مجبور عليها مالهاش لزمه ...بلاش يابني تعذب نفسك وتفضل عايش غريب هنا وهناك
يوسف بص لـ لامه : ربنا يسامحك يا ماما ده الي اقدر اقوله
خديجه : يوسف مالك انت مش عارف محاسن وحكايتهاا ؟؟
محاسن بتهكم: ليه مالها حكاياتي يا ابله خديجه شيفاني مهبوله ؟؟
خديجه : لا بس يامرات خالي بس كلامك مش حقيقه .. يوسف بيموت في ملك وتبص لنوره ) ولا عاوز غيرها
محاسن : اسم الله عليه من الموت وكملت وهي بتحط ايدها وراه ( انشاء الله يطول عمره لحد ما يغيرها بعشره
يوسف وهو متضايق : لا عشره ولا عشرين انا عندي ملك تسوي حريم الدنيا كلها
حفصه : يوسف والله يابني ماكان قصدي
يوسف يقاطعها ويقوم يوقف : حصل خير يا امي
خديجه : رايح فين؟؟
يوسف : عاوزه اطلع اغير واروح لنادر عاوزه اشوفه عاوزه حاجه
خديجه : لا سلامتك
طلع يوسف الجناح وهو لسه بيفتح بابه سمع صوتها من غرفه اللبس : اممم ..اممه ... امم اوووف
وقف يبصلها وهي بتحاول تفتح سحابه الفستان ((السوسته)) اللي كانت لابساه لكن من غير فايده
يوسف : ماهو قلنا نساعدك
صرخت وهي بتلف عليه
يوسف : ياخوافه
ملك : انت؟؟
يوسف : ليه في حد غيري بيدخل هنا
ملك :نعم!!!!
يوسف لعب حواجبه:معرفش بقي
ملك بحيره : ودلوقت ايه الحل
يوسف : لفي ضهرك افتحهولك انا
ملك تحمر خدودها من الحيا : لا لا نادي خديجه احسن
اضايق يوسف من كلمتها وراح قعد على طرف السرير...حست انها ضايقته ..طلعت من غرفه اللبس وقربت منه وقالت: يوسف متفهمنيش غلط انا ..بس مكسوف ه منك ده كل الموضوع
يوسف وهو بيدخن علشان يخفي زعله في الانفاس اللي عمال ياخدها من السيجاره وقال : وانا قلت ايه ..روحي نادي خديجه انا طالع دلوقت
دخل وبدل هدومه وطلع لقاها لسه واقفه بمكانها
يوسف : اناديلك خديجه
ملك نزلت راسها وغطت وشها بشعرها من غير ما تنطق ولا كلمه .. قرب منها ورفع شعرها عن وشها ورفع وشها بايده وقال : والله ماعرفلك حال
بعدت عنه شوي وراح وراها خطوتين وقال: افتح لك الفستان
بصتله وزمت شفايفها وهي تقول بنفسها (( ياربي من برودك .. يعني شايف فيه بديل))
يوسف : هااا نفتح
ملك : روح مشوارك انا هتصرف
يوسف : على راحتك...وطلع
فضلت تحاول وتحاول لكن مافيش فايده .. مسحت مكياجها اللي كان ونامت بفستانها
حتى بدون ما تاخد علاجها
اما هو فكان سهران مع اصدقاءه لكن كانت شريكه فكره وماتهني بالقاعده ماطولش ورجع
فتح نور الاوضه ولقاها نايمه زي الاطفال .. وبفستانها
يعنى ما نادتش خديجه .. يعنى كانت مكسوفه منه وبس ماكانتش عاوزاه يبعد عنها زي ما فهم
غير هدومه واخدله غطى خفيف وطلع للصاله و اتتمدد على الكنبه حاول ينام لكن ماقدرش
قعد وفتح التلفزيون وفضل يدخن .. حست بيه ملك وقامت من سريرها وقفت عند باب الغرفه ورجعت تاني لما شافته ماحسش بيها أأعدت على طرف السرير واخدتها دماغها وافكارها تقول ليه انا بعيده عنك .. وانت بعيد ليه اخليك لحد تاني وانا ماليش حد غيرك .. هي ممكن يكون لها ام واب وعلى الاقل هي بين اهلها اللي اتعودت عليهم لكن انا ماليش غيرك .. وانت نصيبي .. مهما قلت انا او حصل مش هنكر اني بحبك ومحتاجالك
قربت من الباب وشافها
يوسف وهو بيقفل صوت التلفزيون : ازعجتك؟؟
جات وااعدت قريب منه : لا انا كنت صاحيه
بص للفستان: ماناديتيش خديجه يعني
ملك : اذا انت ما ساعدتنيش .. هستني ايه من خديجه
ابتسم : ليه عدوينك احنا
ملك بهمس : لا حبايب .. بس مايعرفوش يعبرو عن حبهم
يوسف : مين اللي حبايب ؟؟؟ كان سؤاله له مغزى
ملك ردت بذكاء : انت حبايبك كتير .. واللي يوصلك امير .. فين انا .. مجرد اله .. او شئ حقير
يوسف : وشاعره كمان
قام وقعد وراها وبعد شعرها عن ضهرها بشويش .. وفتح سوسته الفستان بشويش وكانت اطراف صوابعه تلمس ضهرها العاري وهي كانت ساكنه بدون ولا حركه .. نبضات قلبها وصلت حلقها قرب شفايفه من ضهرها العاري...... و انفاسه الحاره تلتهب عليه وعلى رقبتها و حضنها وقال وهو يتنفس بعمق : انت اميرة قلبي وملكة حياتي
فكت ايده من عليها وقامت وونزلت راسها .. بلعت ريقها وقالت وهي حاسه انه شايف صدرها ودقات قلبها السريعه: عاوزه اغير
وقف قدامها ونزل جزء من فستانها عن كتفها وهي بسرعه مسكته بايدها السليمه وشهقت
يوسف بخبث : أساعدك ما تخافيش
ملك مرتبكه : لالا لهنا وشكرا
يوسف عرف انها مكسوفه وبس : دي فرصه استغليها هاا
ملك ابتسمت بحيا : قلنا شكرا
دخلت غرفه اللبس وقفلت الباب
دقايق وطلعت لابسه كاش مايوه بدون اكمام واسع لونه موف وعليها رسومات جريئه بالبنفسجي الغامق وكان شعرها الغجري عطيها منظر طفولي جميل
قعدت في الكرسي قصاده وقالت : علي فكره انا ما اخدتش الدواء ..
يوسف : ليه ؟؟
ملك : مش بحبه .. واهمال .. و... قصص منه محمد كاتب
يوسف : وايه؟؟
ملك : ولا حاجه .. ونزلت راسها وابتسمت من تحت لتحت وهو حس ان فيه حاجه
قرب منها ورفع راسها وخلاها تبصله وقال : وايه؟؟
قالت بحيا : وكنت زعلانه منك
ضحك وقال : مني انا ياغاليه ليه
ملك وعيونها كلها رجا : يوسف انا صحيح غاليه
قال بصوت اقرب للهمس : واغلا من اي حد غالي علي وجه الارض
لفته ضهرها وقالت : بتكدب عليا
قام وقعد قصادها وبص ل عيونها اللي اسرته وهو بيقول : والله ما بكذب عليك
ملك : وهي
يوسف : هي مين؟؟ اااه هي اللي كدبه عادي
ملك ضربته في كتفه : لا انا سمعتها بلموبيل يوم......
قاطعها وضحك : دي نوره بنت خالي صبحي أزعجتني بالاتصالات وأنا كان ردي عليها ثابت أنت اللي بقلبي وبس
ملك : يعني هي خطيبتك اللي قلت ..
بصلها بحنان : مافيش غيرك بحياتي انت وبس عمري ما حبيت قبلك .. ولا حبيت من اول ما شفتك حد غيرك
ملك هنا اتنهدت براحه وهو ضمها بحنان لصدره وضاعت بحضنه وهي تردد: انا وبس والله
قرب شفايفه لعيونها برقه يطبع عليها دلائل حبه وشوقه وخدودها وشفايفها
وقرب من شفايفها اللي دابت بين شفايفه في حلم طال انتظاره
قربها لصدره وضمها بقوه
ملك : أي أي يوسف ايدي
بعد عنها شوي ياخد نفس لكن مش قادر يبعد بس غصب عنه كأنه بينزع روحه من جسمه وقال وهو متضايق : اووووووووف
يعني لازم تنكسري دلوقت يعني هي حبكت
قالت بشقاوه: وانا مالي ياعمده
رجعت لشفايفه ابتسامتها لما شاف برائتها : ياكتر ذنوبك الي هتكفري عنها ليا.. تعالي .. بس اشربك الدواء
ملك وهى بتقعد على طرف السرير ومش مصدقه فرحتها بيه : يعني يا يوسف مافيش غيري بقلبك
كان بيطلع لها الدوء وقال: يعني ما حسيتيش
ملك : كنت بكذب نفسي وكلامك الاول..
يوسف : اشربي دواك ونامي ولما تشفي نشوف موضوعك
غطاها وباس جبينها وطفى الانوار
طلع لصاله وحاول ينام لكن هيهات كانت منغصه عليه نومه وهي بتحبه وهي بتكره مزعجه
بعد معاناه نام ولا صحاه الا صوت موبيله اللعين
يوسف بصوت نايم: الو
محمد : انت نايم لسه .. اصحى عاوزك
يوسف: جري ايه مفيش حتي سلام
محمد: انزل انا تحت بعدين اسلم
يوسف : اسمع يامحمد لو شئ مش مهم سبني انا منمتش الا متأخر
محمد :طبعا مين قدك انزل انزل
يوسف : طيب دقايق كانت نوره بالصاله التانيه وسمعت المكالمه
بعد عشر دقايق نزل يوسف
محمد : مابدري
يوسف بابتسامه : يامزعج هات الي عندك وخلصني
لكن محمد كان باين عليه انه جد . سلم عليه وقعد
يوسف : ها ماتقول ايه عندك
محمد : عاوز فلوس
يوسف: فلوس !!!
محمد: ايوه فلوس مالك تنحت كدا
يوسف : غريبه اول مره تطلب مني .. لكن ماشي عاوز كام
محمد : انت مفكر نفسك هتتصدق عليا انا عاوز حقي
يوسف : حقك ؟؟ ايه الحق الي بتتكلم عنه ؟؟
محمد : اذا كنت ناسي افكرك .. بالاتفاق اللي بينا شايف حليتلك الحكايه .. وطولت
يوسف : اششششش اسكت لاحد يسمع
محمد : مين يسمع ابويا ومعانا بالطبخه .. وامك والله دي ولا داريه الدنيا فيها ايه لكن قول انك عاوز تاكل الجمل بما حمل
يوسف : بقولك وطي صوتك
محمد : ليه اوطي صوتي خايفها تسمع .. اذا مااخدتش حقي انا اللي هوريها الورقه واقولها انك اتجوزتها علشان فلوسها
يوسف : الله يخليك هتفضحنا .. انا هديك .. عاوز كام
محمد : ماشي (( يضحك بستهزاء)) عاوز مليون
يوسف : انت عاقل ايه مليون
محمد : لا انت العاقل مفكر حكايه مرتبك اللي كنت بتحوش منه واشتريت بيت ب2 مليون دخلت عليا لااااه يا حبيبي انا محمد افهمها وهي طايره
يوسف بقمه زعله : قلت وطي صوتك
محمد : لقيت الهبله واشتغلت عليها حب ومسكنه لحد ما سلمتك حالها ومالها .. وانا وعمك في خراره صح
شوف .. ويرفع السبابه يهدد يوسف .. في خلال يومين اذا ما جالي المليون والله ... انا اللي هقلب التربيزه عليك وهطير منك الكنز الي قاعد تغرف منه .. وعلي فكره المليون مش هو بس حقي ده جزء منه واعمل حسابك
مسك يوسف صوباع محمد ونزله : محمد مش انا اللي تهددني .. خد بالك كويس .. والبيت اشتريته من حر مالي وملك اللي يقرب منها ادفنه
محمد : انا هوريها الورقه ولخالها ولاختها وكل اللي يخصها .. وعليا وعلى اعدائي
قال يوسف فى نفسه لازم اجاريه : انت مالك ليه مستعجل على رزقك انا عاوز اديلك ملايين.. انت عارف حجم ثروه ملك .. المليون ده كانه عشره جنيه فيها . متبوظش الطبخه الي بجهز لكم فيها
محمد : الله ست شهور صبرت وتقولي مستعجل .. يعني عاوزني اصبر ايه دهر
نوره لما سمعت الكلام قربت من مكانهم من غير ما يحسو بيها
يوسف : : ست شهور سنه ..ده انا اللي احدده وانا عارف شغلى يامحمد
محمد : الحريم يومين تكفيهم علشان تسلبهم حتى هدومهم ده بوضعهم العادي مش في حاله دي الي محتاجه كلمه حب بعد اهلها والله لو انا ما كنت تاخدي في ايدي غلوه..واكون مجردها من كل هدومها الداخليه كمان.. لا وراميها فالشارع بعدها
كان الكلام عن ملك وحاجتها للحب حطم يوسف وحسسه بحقارة تفكير اخوه وقال وهو بيجاهد يمسك اعصابه : احنا اتفقنا على الفلوس وبس .. اما هي ومصيرها مالكش دخل بيه
محمد : يوسف .. ارجوك حبها بعدين واعمل فيها ما بدالك المهم الفلوس .. انا متورط مع ناس ماترحمش
يوسف : متورط بايه
محمد : ديون وزفت .. انت مالكش دخل بيها .. المهم استعجل انا صبري بيخلص بسرعه
يوسف : طيب خليني على راحتى وانا بنفسي هطمنك بلاش كل شويه تنطلي كدا
محمد : طيب انا اكتر من شهرين مفيش صبر والا والله العضيم لأتصرف من دماغي وعليا وعلى اعدائي ..
يوسف بانزعاج : طيب طيب
محمد : يااخي قدر ان انا عايش عيشة العزاب وسيبلك البيت علشان تقدر تحبها واجي والقاك زي ما انت عاوز ارجع المره الجايه والقي ملك خاتم في صوباعك وفلوسها في جيبك.. والا
بصله يوسف بحتقار
محمد : انا ماشي وخالي نظراتك دي لبعدين نتحاسب عليها يله ومن غير سلام
رجعت نوره لمكانها جري والفرحه هطيرها طير كانها وقعت على كنز
اما يوسف الدنيا لفت بيه بعد ماقرب من ملك وقربت منه الدنيا وطمع اهله تبعدها عنه
طلع لجناحه فوق وهم
الدينا بقلبه وازاي يقرب ملك منه اكتر ويكسب ثقتها ويقنعها ان اللي عمله ده لمصلحتها وهل هي
حتصدقه ولا لا وازاي هيواجه صدمتها فيه اذا محمد نفذ اللي في دماغه متاهه كبيره
لقي نفسه غرقان فيها وفين الخلاص مفيش