في بيت محمد
حفصه منهاره بعد صدور الحكم باللاعدام على يوسف
وخديجه حالتها صعبه جدا : انا مش مصدقه اخويا ما يقتلش
احمد : ياعيني عليك يايوسف روحت في زهرة شبابك
حفصه من بين عاصفة الدموع : انا هقول لصبحي يتنازل عن البلاغ عنه
محمد بحزن : ماينفعش يمه دي جريمه قتل
حفصه : بتقول ايه انا مش فاهمه كلامك
خديجه : يعني مش طار ولا قتل بالغلط يقدم الكفن وديه ويخلص
حفصه : انا اروح احب علي رجول القاضي يفرج عن يوسف ده مريض مش بعقله
محمد : يمه ايه بس الكلام ده
حفصه بغضب : انت من زمان بتغير منه ولا بتحبه حتى لو اتظاهرت بالدين انت هو انت بتتمني ان يوسف ميبقاش له وجود لكن ان شاءالله يخيب رجاك يا محمد
محمد مقدر حزنها: ماشي ياقلبي بس اهدى
حفصه بغضب حاد: سبني بس وغور وانا هبقي كويسه
محمد بلعها لانه مرفق لحالتها : طيب ارتاحي ياقلبي
حفصه : انا هرتاح اذا شفت يوسف
.............منه محمد.........
في بيت ناصر
كان ناصر محتار مش عارف ازاي يقولهم الخبر
زينب : مالك كأنك شايل هموم
ناصر : وغياب بنت ملك مش هم
زينب : الله يعين ما فيش اخبار جديده
ناصر : والله يا زينب في خبر مش عارف ازاي اقوله
زينب : لا ماتقولش البنت ماتت
ناصر : اعوذ بالله من فالك
زينب تحط ايدها على صدرها بامان : اوووووووووووف الحمد لله .. امال ايه الخبر
ناصر : يوسف ..............
زينب : ماله
ناصر : اليوم صدر الحكم عليه
زينب :ايه اعدام
هز ناصرراسه بحزن بالغ على يوسف اللي كان قدوه لكل الشباب والكل كان يتمني ييقي زيه
زينب : ياخساره
ناصر : انا مش عارف هتكون ايه ردة فعل ملك لما تعرف
ملك مرعوبه : ايه الي خايفين اعرفه
زينب لفت للصوت : ملك
ملك : اه ملك .. مالك يا زينب
ناصر : ااعدي يا بنتي
ملك: خالي مالكم >>... برعب الدنيا .. <<في خبر مش كويس عن بنتي؟؟؟!!!
زينب : لا والله مافيش بس اهدي واقعدي
أأعدت ملك بس على اعصابها
زينب : الخبر معرفش ان كان يهمك ولا ... لا
ملك : ايه هو طيب
ناصر : يوسف حكموا عليه بلاعدام
قلب ملك خفق بقوه لكن خفت احساسها سكتت
زينب: انت ما سمعتيش ..
ملك تقاطعها : سمعت يا زينب مش غريبه النهارده وهو اللي جابه لنفسه بس الله يعين قلب امه علي مصيبتها
.............................
في بيت صبحي
نوره : ابشركم .. يوسف حكموه عليه خلاص
رناد : ايه اعدام
نوره بفرحه : ايوه
رنا : ياخسرتك يا يوسف ..
نوره بغضب : انت بتقولي ايه ده قتل امك فين الخساره والله يستاهل الشنق اه يمه هترتاحي في قبرك
رنا بصت لنوره : هي فعلا ارتاحت لما ماتت
نوره : ارتاحت من مين ياوقحه
رنا الي خلاص طفح كيلها: نوره مافيش داعى نمثل على بعض ..
نوره تضربها كف : الظاهر امي ماتت وسبت لي هم كبير
رنا وهي ما سكه مكان الكف : مفيش حل تاني غير الضرب عارفه ليه لانك مسكينه ماتعرفيش غيره!!!
نوره تنهال عليها ضرب وتشد شعرها بقسوه :ايوه انا ما اعرفش الا الحل ده
رنا تصرخ : سبيني انت ليه جيتي احنا مش عاوزينك
صبحي يصحى على صريخ رنا : نوره !!!
نوره توقف ضربها لاختها
صبحي : ليه بتضربي رنا
نوره : يبه قليلة ادب بتطول لسانها عليا
صبحي: بنتي متربيه واللي يمد ايده عليها ميجيش هنا
نوره : قصدك ايه يبه .. ده بيتي انا اروح فين؟؟
صبحي : يبقي اقعدى بادبك والبنات مالكيش دعوه بيهم ما حدش يضربهم وانا على وش الارض
نوره بصت لـ ابوها بحقد ... >> داخت نوره >>
جري عليها ابوها خايف عليها
نوره وهي تبكي : ابعدوا عني انا محدش بيحبني
صبحي بقلق: مالك يا بت اقعدي ..
نوره : حاسه بدوخه وعيوني مزغلله
صبحي : تحبي اوديكي للدكتور
نوره : هااا معرفش
صبحي : رنا جيبي طرحتها وتعالي معايا
راحت رنا وجابت طرحه : خد يبه
صبحي : لبسيها .. وانت ليه ما لبستيش
لبستها رنا ..: انا اسفه مش هروح معاها
صبحي : علشاني يابنتي
رواحوا ودواا نوره لدكتور وهناك عرفوا ان نوره حامل
......قصص منه محمد كاتب.....
في بيت ناصر
ملك: عاوزه اروح لام يوسف اكيد دلوقت حالتها صعبه بعد الخبر
هدى : ما فيش داعي
ملك : فقدان الضنا صعب ياهدى
زينب : يله كلنا نروح
ملك : هااا اظن مش هتفكر اننا رايحين نشمت
زينب : اعوذ بالله لا هي عارفه ان انا مش كدا
...........................
في بيت محمد
حفصه : دي اكبر مصيبه ابني يعدومه وهو معملش حاجه
زينب : ايوه لو فيه ادله جديده ولغبطه في اللاقول يطلع يوسف
خديجه : مش عارفه اهي محاوله يمكن يخففو الحكم من الاعدام
ملك : ياريت
خديجه : راح عمي ومحمد لعل وعسى
هدى : ان شاء الله يوصلو
بعد شوي دخل محمد
جات عبنه بعين هدى في نظره سريعه!!!!
محمد اتنحنح ورجع وراه :اسف .. اسف
قامت حفصه له بلهفه علشان تسال عن النتيجه
ملك : ده محمد ؟؟
خديجه : ايوه
ملك : اول مره اشوفه بعد غياب
هدى : ايه اول مره تشوفيه ليه ما كانش عايش معاكم
ملك : لا شوفته في الجنينه من بعيد بس مدخلش ولا مره وانا هنا
هدى : شبه يوسف بس بدقن
خديجه : اخوه وابن عمه .. لكن يوسف ياقلبي اذكى واشطر .. وده كان صايع لحد ما ربنا هداه الفتره الاخيره وربى لحيته وعرف طريق الهدايا
ملك : ربنا يهديه انا ما عرفتهوش الا من صوته
هدى : ربنا يهديه
جت حفصه
خديجه وقفت : ها يمه طمنيني
حفصه : مفيش امل مفيش فايده وصبحي والبنات قالو مينفعش يعملوا اي حاجه لانها جريمه قتل مش طار
وبيقوله .. ان ان
خديجه: ان ايه
حفصه تبص لملك وغصب تطلع منها الكلمه : ان نوره حامل
هدى بتهكم: مبروك .. تستاهل نوره انها تكون ام ولاده
زينب : الله يسامحها ياهدى احنا مش متاكدين لدلوقت
خديجه : متاكدين من ايه
ملك وقفت : انا عاوزه اروح حالا
زينب : طيب اصبري ارن على خالك ... يجي
ملك : لا قولي لمحمد يوصلنا انا مخنوقه
خديجه : على راحتك
قاموا الثلاثه وركبوا مع محمد
خديجه من شباك العربيه : زيبنب كلميني اذا وصلتي ضروري عاوزاكي
زينب : طيب
خديجه : متشكرين على الزيارة وان شا ء الله يقر عينك بشوف بنتك ياملك
ملك بصوت واطي : الله يسلمك
مشت العربيه وكانت هدى مركزه في الشباك .. كانت متوسطة الجمال لكن فيها جاذبيه عجيبه
لمحها محمد وحاول قد ما يقدر انه يغض النظر عنها
محمد : ملك يا بنت عمي بجد سامحيني
ملك : على ايه
محمد : انا يااختي سبب كل الي حصل وربنا شاهد اني ندمان قد شعر راسي وبدعى لك بكل صلاه ان ربنا يجمعك مع بنتك ويرجع لنا يوسف زي الاول
ملك : اللهم امين .... وانا مسامحاك ... ومش شايله في قلبي منك او من اي حد انا قلبي فيه من همه الي مكفيه من الهم والحزن مفيش مكان يشيل تاني من حد تاني!!!!!
...............
في بيت المشعوذه بتكلم اخوها
الدجاله : اهلا يامجاهد
مجاهد : اهلا ام خلود فيه ايه عندك ازعجتيني بالتلفون
الدجاله : رجع الشغاله
مجاهد : والحكايه
الدجاله : يوووه بقالها اكتر من شهرين .. ولا حد جالي لا ظابط ولا حد رجع الخدامه عاوزها ترجع تشتغل
مجاهد :براحتك ولو اني مستفيد منها ههههههههههههههههههههه
الدجاله: ياشيخ عطيالك حق خدامتين بدالها بس هاتها
مجاهد : ايوه مين قدك بقيتي تلعبي بالفلوس لعب بدل الفقر
الدجاله: الفقر كان سببك وسبب اخواتك انا رضيت اتجوز راجل رجله والقبر عشان اعيش واعيشكم معايا في العز ..
مجاهد : لا قولي مين جتلك الخدامه دي يا لعابه
المشعوذه : بطل تهريج ورجع الخدامه بسرعه
مجاهد :و الفلوس
الدجاله :هبعتهالك
................
في بيت صبحي
خبر حمل نوره خلاها زي المجنونه خايفه على اللي في بطنها من أي همسه
ومرات تقول انها عاوزه تنزله .. خايفه انه يطلع ويقتلها زي ما قتلت امها
في مره كانت بتنط من فوق تربيزه المطبخ
رنا : يا هبله انتي بتعملي ايه
نوره بارتباك : انا لا زم انزله .. انا مش عاوزه عيل من يوسف اللي قتل امي او أي رباط يربطني بيه
رنا باحتقار : بقولك ايه اهدى اهدى .. ومتزوديش ذنوبك
نوره بصريخ : غوري من خلقتي لزود ذنوبي بدمك
مشت رنا من قدامها وهي قرفانه
نوره : الكلبه مالها بيا .. مش طيقاني ياناس.. انا ما ليش الا ام زفت تخليها عبده عندي هي واختها السهتانه
...........................
مرت الايام سرعه على يوسف اللي كان رافض كل الزيارات اللي جيله من أي حد
ولا يطلع من الزنزانه لحد مهما كانت الاسباب
مفيش غير يكتب حرف NNNNNN بدفتره
ويكتب جنبها اشعار
و يكلم نفسه : اااااه يانوره ليه تعملي فيا كدا وانا فديتك بعمري انا مش عاوز حاجه انا عارف اني كدا كدا ميت لكن غيابك عن دنيتي هو الموت نفسه
زميل يوسف : يوسف .. بتكلمني
يوسف : لا انا بكلم نفسي
زميل يوسف : ياخويا انت بقالك معنا اربع شهور ولا بتتكلم مع حد ولا اختلطت مع حد حتى اسمك ما عرفنهوش الا لما نادوك العساكر انت ايه حكايتك
يوسف بصله وهو ساكت
زميل يوسف : ياراجل هتموت نفسك والله الكبت يموت
يوسف : لا كبت ولا غيره انا مش عاوز منكم غير لو عدموني تدوه الدفتر ده لمراتي
زميل يوسف : اللي انت قتلت امها هااا
يوسف بحسره : اه
زميل يوسف : والله انا بسمع ان الحموات ما حدش بيحبهم لكن انت اول واحد يقتل حماته هي كريهه للدرجه يعني
يوسف صامت ما تكلمش
زميل يوسف : الله يعينك
...............................
في بيت المشعوذه
نوره : هااا عملتي اللي قلت لك عليه
الدجاله : ايه الشر اللي فيك يانوره .. وخربتي حياته عاوزه منه ايه ماهو خلاص هيتعدم ويموت
نوره : لا انا عاوزاه يقتل نفسه زي ما قتل امي..
الدجاله بمكر : اكيييييييييد هو اللي قتل امك ؟؟
نوره : ليه عاوزه تحصليها
الدجاله : تعمليها بس ماليش قريب غبي يلبسها
نوره : ههههههههههه لا الاغبياء كتير
الدجاله : خلاص تيجي الاسبوع اللي الجاي وتللقي غرضك موجود
في بيت محمد
محمد : ياجماعه لازم نعمل حاجه الولد بيروح من بين ايدينا ولا هو راضي يقابل حد
نادر : انا عندي فكره لو حد يوافقني عليها
احمد:ايه هي؟؟
نادر : طالما يوسف مش راضي يخرج لينا احنا ندخل له
احمد : ازاي ياذكي؟؟
نادر ضحك: ابطح راس محمد ويروح يبلغ عني وادخل
محمد ضحك اكتر: لا ياخويا استريح وخالي راسك متركبه لديك انا ضربه اجيب اجلك
احمد بزعل : انتم بتضحكو واخوكم قريب من الموت
نادر : والله ياعمي بجد لازم احنا ندخل له باي طريقه
محمد : اباااه صح روح القسم واشتكي نادر انه مستلف منك مثلا 100,000 الف وانك عاوزهم ومش هتتنازل وبكدا يدخل السجن ونتصرف
نادر :وانا موافق
احمد : ده كلام تمام بس محتاجين حد يعرف يقرء قران ويفك السحر مش مهم انت اوغيرك يدخل المهم المفيد يدخل والاهم يطلع يوسف مسحور مش مريض بعقله
نادر : بكدا نعرضه على لجنه طبيه حتى لو كان بحق قتل محاسن يخرج لعدم سلامته العقليه
احمد بندم حد الجحيم : ااااااه عليك يايوسف انا سبب بلاويك انا اللي قطعت ذكراك يامحمد بطمعي ااااه
محمد : الله يهداك يبه اطرد الشيطان ده قدر ومكتوب له وانشاء االله يفكه من اللي هو فيه لان يوسف ما يستاهلش .... اااف استغفر الله واتوب اليه
......
في بيت نوره
نوره : رنا ... رنا .. رنا
رنا بكسل : نعم
نوره : ليه قاعدين لوحدكم تعالوا اعدوا معايا
رنا : انا عندي مذاكره كتير .. شوفي رناد
نوره : طيب تعالي كولي ليك لقمه علشان تعرفي تذاكري كويس
رنا : اذاكر كويس ..هه .. ولا علشان احصل امي بسرعه
نوره بعصبيه : انت فعلا بت قليلة ادب .. وعاوزه تتربي
وقامت نوره وضربتها بكل قسوه
نوره وهي بتضربها تحط راسها بالاكل : بقولك تأكلي غصب عنك
رنا : اممم ...امممم .. رناااااااد ... رناااااد
رناد : نوره بتعملي ايه حرام عليك سبيها >>>> وكانت بتحاول تخلصها من ايد نوره اللي كانت تضربها بحقد
أخيرا فكتها نوره
رنا : والله .. والله .. يوسف برئ من موت امي .. ومستحيل كل الحقد والشر ما طالش امي وانا هدافع عنه وياريت يطلع براءه
نوره تجري عليها وتمسك شعرها : علشان تحصلي امك بجد
رنا بتسلك نفسها: يامجرمه سبيني
نوره : انا هعلمك الاجرام يكون ازاي تعالي
جه ابوها من الشغل
صبحي صرخ: نوره .. سبيها
سابتها نوره وااعدت تبكي ..
صبحي: انا كل يوم اجي القاك عامله مشكله مع اخواتك انت مالك يابنت
نوره : بكرهها يبه بكرهها
رنا : سمعت يبه .. انا عاوزه اروح بيت عمتى ام يوسف مش هفضل هنا
نوره : والله ما تخرج ابدا .عاوزه علي جثتي سامعه
رنا : يبه .. اذا مت او حصلي اي حاجه تعرف ان نوره هي السبب
نوره : انا السبب يا كلبه
صبحي بنرفزه : ده كلام وانا واقف كمان ما فيش حيا ولا احترام لي
رناد : يبه يمكن اللي في نوره اتجاه رنا من الوحم
رنا بسخريه لاذعه : وحم ايه اللي للشهر السابع وكرشها اكبر من البطيخه
نوره تلاقى لها منفذ لكرهها لأختها اللي خايفه منها تكشف سرها : انا من لما حملت وأنا مش بطيق أشوفها
رناد : ايوه يا رنا في وحم بيفضل لحد ما الواحده تولد
رنا بصتلها بذدراء: ياسلام ..
نوره : يبه قول كلمه
صبحي مسك راسه : انا تعبان ولا ليا نفس اتكلم مع حد كل واحده منكم تختفي علي اوضتها سبوني لوحدي
.............................
في غرفة نوره
اتصلت بالمشعوذه
نوره : انت فين الي قلت لك عليه
الدجاله : بجهزه هو مش سلق بيض
نوره : لا والله ....المهم مش عاوزه حاجه البت خايفه تاكل من ايدي خايفه لقتلها بنت ابوها
الدجاله: ههههههههههه والله انت ينخاف منك ..
نوره : بطلي تريقه امتى هتديني الحاجه
الدجاله كشرت: بعد بكره تلاقيها جاهز ..
نوره : شوفي انا ما اقدرش اجيلك عاوزاك تبعتيلي الحاجه على البيت
الدجاله : هههههههههه ليه هو انا فاتحه مطعم نوصلك الطلب للبيت ... لا ياحبيبتي تعالي خدي حاجتك بنفسك
نوره : ما اقدرش .. انا خايفه ابويا والبنات يشكو فيا اني بخرج كتير من البيت مش معقوله كل دي زيارات للدكتور
الدجاله : انت ليه مستعجله اصبري لحد معادك وتعالي بالمره وخدي حاجتك
نوره : وانت ايه الي مضيق ابعتيها مع أي حد لو مع خدامتك
الدجاله نفخت بضيق من اسلوبها : حشوف حشوف
..................
في السجن
سجين ما : السلام عليكم
يوسف يبصله بدون كلام
السجين : ممكن اقعد معاك
يوسف : ....................
قعد السجين : السكوت علامة الرضا ..
فضل يوسف ساكت وكان السجين يعرفه على نفسه وعلى قضيته وان الزعل مش بيفيد وانه لازم يتوب لله لان لان مفيش قدامه الا باب الله والتوبه
يوسف : وانت ليه تاعب نفسك وقاعد تديني محاضره
السجين : شايفك يااخي مهموم وانا عرفت ان عليك حكم بالاعدام وشايفك حتى الركعه ما بتركعهاش معانا .. مستني ايه لحد ما يعدموك .. انت ايامك معدوده فالدنيا وانا شايفك مفيش نقص بالعقل ولا بالصحه علشان ماتصلىش مالكش الا ربك هو اللي يرحمك
قام يوسف عن الراجل بعد ماا تأفف في وشه
اتبعه السجين : انت مالك وايه حكايتك
يوسف بغضب : انت عاوز مني ايه ابعد عني انا مش طايق حتى هدومي
السجين رفع ايده بستسلام: خلاص .. خلاص ... انا بس حبيت انصحك لنفسك
يوسف : شكرا يااخي .. دلوقت عاوز اقعد لوحدي ممكن
يرفع السجين ايديه : طيب طيب بس اهدى
..............قصص منه محمد كاتب........
في بيت نوره
جرس الباب
رنا : طيب طيب.. لحظه
فتحت رنا الباب وكانت هدى وحسنيه
رنا : نعم
هدى : السلام عليكم
رنا : وعليكم نعم
هدى : نوره موجوده
رنا : ايوه .. مين انت
هدى : ماتعرفنيش انا جايه من طرف واحده وعاوزهاا ضروري
رنا : اتفضلي
دخلت هدى واعدت في صالون الضيوف تنتظر نوره
عشر دقايق .. دخلت نوره وكانت بطنها منفوخه قدامها
هدى : اهلا بصوت واطي
نوره : سلام
وقفت هدى وحسنيه اللي كانت هدى مغطيها تماما
هدى : انت نوره
نوره : ايوه أأمريني
هدى : انا من طرف صديقتك ..
فكرت نوره انهم من طرف المشعوذه لان نوره مالهاش علاقه بصديقاتها من زمان وحاليا مالهاش علاقه وثيقه الابالمشعوذه
نوره : اششش اصبري شوي
قامت نوره قفلت الباب
نوره : هااا جبتي الحاجه
ارتبكت هدى مش فاهمه الموضوع لكن مثلت الدور يمكن توصل لحاجه: ااا الا جاهزه بس هي بتقولك تروحلها انت بنفسك تاخديها منها احسن
نوره : يوه احنا اتفقنا وخلاص وليه ما جبتيهاش انت
هدى : اا
نوره : في شئ ناقص في الحاجه
هدى : ايوه هي عاوزه زياده شوي
نوره : عاوزه ايه انا جبت لها نفس الحاجات اللي جبتهم لها لما عملتلي السحر ليوسف
انصعقت هدى من اللي سمعته وقلبها فضل يدق بسرعه خوف وفرحه انها اكتشفت الامر اللي كان كل الناس مشككه فيه
نوره : هي عاوزه ايه بالظبط البنت تعبتني
هدى واضح عليها الارتباك تحسب انها بنت ملك: اي بنت من البنات
نوره : اللي فتحت لك الباب
قالت هدى لنفسها ارمي الكلمه ان صابت ولا خابت: وبنت يوسف عملتي فيها ايه؟؟
نوره : وايه الي فكرك بيها.. انا بقولك اختي رنا مش بنت عيون الشيطان
فضلت هدى ترجف وهي نفسها تعرف فين ودت مهجه: انا بقولك عملتي ايه فالبنت اللي اخدتيها
نوره : وانت مالك بيها.
هدى : انا مش هنفذلك طلبك الا اذا جاوبتي علي سؤالي
نوره بمفاجاءه: ليه مش ام خلود الي بتعمل الاعمال
هدي بثقه وهي من جواها ترجف من هول الي بتسمعه: لا حبيبتي انا بس ام خلود بتروج لي علشان انا ما بانش فالصوره وهي مش اكتر من خدامه من خدامي
نوره : صح .. وقالت في نفسها (وانا اشوف الهبله خافت مني لما قلت لها اني مسجللها لو هي الساحره كانت عرفت اني بكذب )
هدى : هااا هتقولي والا اقولك انا وبعدها ماتجيش تطلبي منى السماح لاني هخالي الاسياد كلها تصب شرها عليك حالا وهسالهم وفضلت هدى تتمتم بكلمات تخوف فيه نوره اللي بالفعل دخل عليها الموضوع
نوره بخوف : لا لا ارجوك .. انا حقولك .. خليت يوسف يقتلها ... خنقها
صرخت هدى : ياحيوانه ..ازاي تعملي كدا انت بشر انت انت حقك الموت
نوره بشك: انتي مين ؟؟ انت مش من طرف ام خلود
هدى : ام خلود ياللي ما تخافيش ربنا .. لا ياحبيبتي انا هدى صديقة ملك
نوره : ايييه ملك .. انت
هدى : انا اللي هوديك ورا الشمس
دخلت رنا ورناد على الصريخ اللي كان بينهم
نوره : ادخلوا واقفلو الباب
هدى : لا ليه خليهم يعرفو حقيقتك ياحقيره
نوره : انتي الحقيره انت عاوزه تخرجي يوسف ده بعدك
هدى : يوسف المسكين اللي رميتيه فالسجن بعد ما سحرتيه وخليتيه يقتل بنته
رنا : انت مين
نوره بتصرخ بكل قوتها: رنا ادخلي جوه
هدى : دي عاوزه تتخلص منك وتسحرلك لانك أذيتها هي لسه قايله
رناد بهجوم: انت كدابه واطلعي برا.
رنا: رناد خلينا نسمع اللي بتقوله
رناد : لا ما تقولش .. اطلعي برا .. ويوسف ده مستحيل اسامحه خليه يموت زي امنا
نوره : ايوه سمعتي اللي بتقوله اختي يامفرقة الجماعات
هدى وهي طالعه : انتي مسكينه بس بحذرك ما تاكليش منها حاجه هتسحرلك
...............
في قسم الشرطه
الظابط: انت مصر على شكوتك ياحاج احمد
احمد : اي نعم ومش هتنازل الا يجيب فلوسي مليم مليم
اصدر الظابط امر بالقبض على المدعو نادر سالم الجاسر ومطالبته بالمبلغ المعني في صك الدين المقدم من المدعو احمد الجاسر ..او إيداعه في السجن لحين اابقاء المبلغ او إحضار كفيل غارم او تنازل من قبل المدعي
..............
في عربيه محمد
كانت هدى تبكي بهسيريا
خديجه : ايه الي حصل ... ياهدى .. اتكلمي الله يخليك
هدى : الحيوااااااااانه .. (وماتقدرش تكمل من البكى )
محمد : سبيها ياخديجه لحد ما تهدي انا هلف شويه بالعربيه لحد ما تهدي خالص
خديجه تكلم حسنيه بقرف : انت يابت .. نوره قالت لها ايه .. مين الي اخد مهجه
حسنيه : لا يا ست خديجه فيه بنت عملت مشكل مع ست هدى .. لكن انا اول مره اشوفها او حتي اسمع صوتها
تلتفت لها هدى والشرار طاير من عيونها : انت كدابه ياحيوانه ازاي اول مره تسمعي صوتها وهي اعترفت بنفسها انها اخدت البنت
حسنيه بخوف : والله مش انا في واحده تانيه
هدى زعقت: انتي تعرفي ربنا انتي
خديجه : هي اللي اخدت البنت .. طيب فينها
التفتت هدى لخديجه وعيونها قطعه من الم : قتلتها .. لا خلت اخوك يموتها قتل بنته
خديجه عيونها برقت : اييييه
ومسك محمد بريك مفاجئ بنص الشارع من هول اللي سمع لدرجة ان الكل صدم باللي قدامه
محمد: انتي بتقولي ايه انت وضحي الله يخليك ازاي يوسف يقتل بنته
هدي : الحيوانه .. اللي ماتخفش ربنا سحرت يوسف .. (( وتبكي بهستيريا ))>>>وتكمل وخلته يتجوزها واللي بتعملها السحر واحده اسمها ام خلود ولا ايه .. وخلته بفعل السحر يموت ضناه
محمد بجنون: الله واكبر ... الله واكبر ..ااه ااه اهه رحمتك يارب رحمتك يارب
خديجه وهي تبكي : وانا اقول ان مش ده يوسف ولاهي اخلاقه اتاريه مسكين ......>> وتبكي
محمد : واكيد خلته كمان يموت امها
هدى : معرفش معرفش .. انا ازاي هقول لملك بنتك ماتت .. ااااه ياقلبها اااه يامصيبتها
خديجه : نزلوني ليها والله ما اخليها حيه ااااه هكتم نفسها الكلبه الحقيره
محمد : هتستفادي ايه .. ويوسف محكوم عليه بالاعدام
خديجه : اااااه ابرد ناري يامحمد .. بس نزلني انت
محمد : لازم الحيه دي تعترف بسحرها ليوسف علشان نقدر نعيد المحاكمة وناخد قرار إعفاء عن يوسف لأنه ما قتلش إلا هو مسحور
هدى : وملك ؟؟؟؟
محمد : اسمعي يا هدى .. بنت ملك مفيش شك انها خساره لينا ولملك .. واحنا لو بكينا وعملنا الهوايل مش هنقدر نرجعها ابدا.. لكن ساعدينا الله يسترك نثبت براءة ابوها وان شاء الله يرجع زي الاول واحسن .. ويرجع هو وملك ويعوضهم ربنا احسن منها
هدى : كدا بكل سهوله
محمد : امال ايه الحل برايك
هدى : معرفش انا مش قادره افكر ... انت لو شفت مهجه ....ما تقدرش تفكر (( وبكت بهستيريا))
محمد : مهجه طير من طيور الجنه .. لكن ابوها اللي هيروح ضحيه لاحقاد الشريره
لازم ننقذه علشان ما نفقدش اتنين ؟؟؟ .. يوسف احسن عيال الجاسر ياهدى احسن عيال الجاسر وعيط بحرقه
التزمت هدى الصمت .. وعم الهدوء المكان
....................
بنفس اليوم
تم القاء القبض على نادر اللي ما انكرش الدين وقال ما عنديش حاليا فلوس ولا كفيل وحطوه بالسجن لحد ما يتنازل احمد او نادر يجيب المبلغ
في الترحيل للسجن العام
رن موبيل نادر
نادر يكلم الظابط : ممكن ارد
الظابط : رد
نادر : الوو
محمد : نادر فينك
نادر : انا .. مترحل للسجن العام ابوك اشتكاني يا محمد
محمد : يوسف اثبت انه مسحور فعلا والكلبه نوره اعترفت
نادر بفرحه : احلف
محمد : والله العظيم ... لكن اجتهد .. .. لازم نتجاوز الازمه
نادر : طالما كدا ربنا بيسهلها توكل على الله ونفس اللحظه
كانت شابه حريقه فالبيت بين رنا ونوره ولعت للجو وحصل فيها ان نوره !!