رواية رحم بديل (كامله جميع الفصول) بقلم زينب سعيد

 رواية اولاد الجوهري 

   بقلم الحوريه فاطمة محمد                                                                         

الفصل السادس عشر 

***************

سبحان الله وبحمده سبحان الله العظيم 

الله اكبر 

الحمد لله 

*****************

في الاسكندريه ..

وصلت تمارا واخواتها الي العماره الخاصه بها ... هبطوا من السياره متجهين الداخل بعد الحاح شديد علي حمزه .... استقلوا المصعد للطابق المنشود ،هبطوا منه .. اخرجت تمارا المفتاح من حقيبتها وفتحت الباب بهدوء تام ،دلف الاربعه للداخل ..بحثت تمارا عن والدتها حتي وجدتها بغرفتها تقرا في كتاب الله بوجه حزين للغايه ... صرخت بطريقه مفزعه ... لوووووكه ... فزعت مليكه بشده ولكنها فرحت بشده لروايه ابنتها ..وضعت المصحف ع التربيزه و قامت سريعا محتضنها بحب ولهفه وكانها غائبه منذ سنين وليس مجرد ايام .. 

                      

مليكه ببكاء :_وحشتني اوي اوي 

                      

تمارا :_ وانت كمان يا لوكه ... ليه الدموع دي ؟

                      

مليكه :_ عشان وحشتني اوي ، البيت وحش اوي من غيرك ..

                      

تمارا :_ وانت كمان وحشتني اوي عشان كده عملتلك مفاجاه ..

                      

مليكه :_احلي مفاجاه ..

                      

تمارا :_بس لسه في مفاجاه تاني ...

                      

مليكه :_ايه هي ؟؟

                      

جذبتها تمارا للخارج واردفت وهي تقف امام اخواتها :_جيبتلك ولادك معايا ..قولتي ايه ؟؟

                      

مليكه بابتسامه :_ احلي مفاجاه طبعا ..

                      

اقترب منها فهد وقبل راسها واردف بحب :_ ازيك يا لوكه ..

                      

مليكه بحب :_الحمد لله ياحبيب لوكه ..

                      

تمارا :_انا بس اللي اقول لوكه ..

                      

فهد :_ انا قولتها قبلك .

                      

تمارا :_ سامعه ..

                      

مليكه ضاحكه :_هو معه حق هو اللي قالها الاول . 

                      

تمارا بطفوليه :_ماشي ..

                      

مليكه هي تنظر لمهاب و حمزه :_ مش هتسلموا عليا ..

                      

اقترب منها مهاب وفعل مثل اخيه الاكبر .. واردف :_حضنك وحشني اوي ..

                      

جذبته لاحضانها و عانقته بحب شديد ... وانتو كمان وحشتوني اوي اوي ..وبعدما ابتعد عنها فتحت ذراعيها لحمزه ،فهي تعلم جيدا انه اكثر من تاثر بغيابها ... لم يتردد واتي الي احضانها سريعا .. واردف بحزن شديد .. كنت محتاحك اوي اوي ..

                      

مليكه :_ حقك عليا ،انا اسفه ياحبيبي  ،كان غصب عني ...اوعدك اعوضك عن اللي فات ..

                      

حمزه :_خليك معنا ع طول ..

                      

مليكه :_ان شاء الله ياحبيبي ..

                      

تمارا :_ممكن كفايه نكد بقي ، احنا جايين نبسط نفسنا ياعم حمزه ..

                                  

              

                    

الثلاثه بسخريه :_ عم !!!

ضحكت تمارا بشده ع معالم وجههم ومليكه معها ...ثم اردفت ... احنا كده ف الاول خالص ، انا كده لسه ما اتكلمتش ..

مهاب :_ابوس ايدك بلاش تتكلمي تاني ، احنا خلصنا من نوح تطلع تمارا ..

تمارا بمرح :_ع كده ابقي انا ونوح اصحاب ..

الثلاثه بحده :_تماراا 

تمارا :_بهزر ياعم انت وهو ..

حمزه بجدية :_دا مش هزار ..

تمارا :_اهدي يارمضان ،خلصنا ...

مليكه :_ يلا ياتمارا ادخلي غيري هدومك وانا هجهز الاكل بسرعه ..

تماارا :_ لا احنا مش هناكل ..

مهاب مقاطعا :_ انا هاكل اتكلمي عن نفسك ..

ضحك عليه الجميع ...

تمارا :_ يلا يامهاب ع تحت ، وهناكل بس مش هنا ..

مليكه :_ليه ياتمارا ؟؟؟

تمارا :_ هننزل الصاله ياماما هعرفهم ع مراد وزين ، وبعدها نروح ع البحر وهنأكل هناك ، وحضرتك معنا طبعا ..

مليكه :_ لا روحوا انتو ، اانا هستناكم هنا ..

فهد :_ليه ؟؟

مليكه :_انتو هتتاخروا وان ماليش ف الجود دا ، روحوا انتو واتبسطوا وانا هنا مستنياكم .

تمارا :_حاضر يا لوكه . ومش هنتاخر ان شاء الله .. بس مش اوي الصراحه ..

مليكه ضاحكه :_يلا ياتمارا اتكلي ع االله ..

ضحك الجميع واهبطوا الي اسفل .. قامت تمارا بالاتصال ع مراد واخبرته انها بالصاله الخاصه  بهم ..

بط كل من مراد وزين الي الصاله .. دلفا الاثنان .. كان مراد مبتسما ولكن زين كان عابس الوجه ...

مراد :_السلام عليكم ..

الحميع :_وعليكم السلام ورحمه الله وبركاته ..

هرولت اليه تمارا ،قبل راسها واردف بحب .. وحشتينا ياتيمو ..

تمارا :_والله وانتو كمان اوي ..ثم وجهت حديثها لتلك الغاضب .. مش هتسلم عليا ؟؟

نظر لها طويلا وبعدها جذبها لاحضانه .. 

تمارا :_واحشتني اوي اوي ..

زين :_عشان كده مشيتي صح ..

تمارا :_فتره مؤقته والله وهرجع تاني ..

زين :_ اما نشوف ..

ابتعدت عنه واردفت بحماس ... اعرفكم ع بعض .. اشارت الي مراد وزين اولا .. دا مراد .. اخلي اخ وصاحب ف الدنيا ..ودا زين تؤام روحي ، صحيح انا اكبر منه بسنه لكن تقدروا تقولوا علينا تؤام ...ثم اشارت ع اخواتها .. دا فهد الكبير ،كلمه طيب قليله عليه جدا ، ودا مهاب الوسطاني ،لسه ما اتكلمتش معه عشان اعرفه ، ودا بقي حمزه الصغير وافتكر غني ع التغريف ..

            

              

                    

زين بتأفف :_طبعا ..

فهد وهو يوجه حديثه لزين :_ احنا ممكن كلنا نبقي واحد ،بدل مانت زعلان كده ، وفي الاول والاخر هدفنا واحد .. كلنا اخوات تمارا وكلنا بنحبها ..

زين باقتناع :_موافق ..

فهد :_وانت ياحمزه ..

حمزه :_ موافق ..

مراد :_ ربنا يديم المحبه ..

الجميع :_يارب ...

تمارا :_ تعالوا بقي افرجكم ع الصاله ... وبعدما القوا نظره ع المكان باكمله عادوا مره اخري لمكان الجلوس ..

حمزه :_ مين اللي مصمم الصاله دي ؟؟ 

تمارا :_ مش محتاجه سؤال انا طبعا ..

فهد :_ شغلك حلو اوي ، فعلا شاطره ..

مراد :_ تمارا حلمها من زمان تبقي مهندسه ، حتي تصميم الصاله كان قبل ما تدخل الكليه اصلا ..

حمزه بمرح :_ أنا كمهندس متفوق ومعروف طبعا ، بشهدلك انك شاطره ...

ضحك الجميع ...

تمارا :_ ماشي ياعم المغرور ، ممكن يلا بقي عشان نخرج ...

مراد :_ ع فين ؟؟ 

تمارا :_ ع البحر طبعا ، اعزمكم ع اكله سمك حلوووه ، وبعدها ننزل البحر ...

فهد :_ سيبك من نزول البحر ف الوقت دا ... وخلينا في حوار العزومه .. يعني خارجه مع خمس رجاله وأنتِ اللي هتعزمينا ..

تمارا :_ خليك فري يافهد ، بلاش الجو القديم دا ...

مراد :_ فهد معه حق ، كلنا هنخرج بس العزومه عليا أنا ، ترحيبا باخواتك ياتيمو ...

حمزه :_ واخوتكم انتو كمان ، ولا ايه رايكم ...

مراد بابتسامه :_ طبعا ..

زين :_ اكيد ...

تمارا :_ يس يس يس ... يلا بقي ...

خرجوا جميعا متجهين الي أحد المطاعم الشهيره في الاسكندريه ... تنالوا العشاء في جو من المرح والتقارب والحب بين الجميع ....

تمارا :_ الحمد لله ، يلا بقي نروح ع البحر عشان نلعب في المايه ...

مهاب :_ الوقت أتأخر ، خليها مره تانيه ...

تمارا :_ لا .. هو دلوقتي ..

زين :_ انا معاكِ ..

فهد :_ كلنا معاكِ ...

تمارا بفرحه وتصفيق  :_ يلا يلا بسرعه ....

وضع فهد النقود ع الطاوله وبعدها خرجوا متجهين الي احد الشواطئ ..... 

مهاب :_ احنا هننزل المايه ازاي كده ؟؟ 

تمارا :_ عادي يامهاب اهم حاجه نستمع بوقتنا ..

            

              

                    

فهد :_ أنا مش هنزل ...

مراد :_ وانا كمان ، انزلوا انتو وانا وفهد هنبقي هنا ...

تمارا :_ بلاش غلاسه بقي ..

فهد :_ انزلي مع زين وحمزه ومهاب وانا ومراد المره الجايه ..

حمزه :_ خلاص ياتمارا يلا احنا ...

تمارا :_ ماشي ... واتجهوا الاربعه لداخل المياه بملابسهم ، بعدما وضعت تمارا نظاره مائية عينيها حتى لا تؤلمها . 

ع الشاطئ 

مراد :_ تمارا اطيب مايكون ، لكن مشكلتها الوحيده أنها عنيده ...

فهد :_ العند اكبر مشكله ، ممكن يخرب اي حياه الانسان مهما كان عاقل ...

مراد :_ معاك حق ، بس هي كمان ظروف حياتها اللي خلاتها كده .. والدها واللي حصل مع عمتي ، والشخص الوحيد اللي حبته ووثقت فيه خزلها ...

فهد بتساؤل :_ ليه اتخلي عنها ؟؟؟ 

مراد :_ أبوه كان راجل اعمال مهم ، اتعرف ع رجل اعمال كبير ، وطبعا عايز يكبر اكتر واكتر ...

فهد بسخريه :_ الطبيعي يجوز ابنه لبنت راجل اعمال اكبر منه ..

مراد :_ بالظبط كده ، خد قراره وجهز كل حاجه وطلب يقابلها قبل طيارته بنص ساعه ، وقالها بكل برود .. معلش مش هقدر اكمل معاكِ ، عشان والدي وعد صاحبه اني اتجوز بنته ...قالتله وانا ... كان رده صادم وجارح جدا ... قالها انا قلبي بيحبك ،لكن لو قلبي هيخسرني حد من اهلي ادوس عليه بجزمتي .. وسبها ومشي ...

فهد بحزن  :_ وخرجت من صدمتها ازاي ؟؟ 

مراد :_ للاسف فقدت النطق فتره وبعدها بقت تمارا العنيده اللي بتنفذ اللي ف دماغها وبس ...

فهد :_ اسمه ايه الحيوان دا ؟؟

مراد :_ صدقني مش هيفيد بحاجه ، من حظه الحلو أنه سافر وتمارا فقدت النطق فتره والا كان هياخد نصيبه مني ومن زين .. 

فهد :_ لو سمحت قولي اسمه ...

مراد :_ بلاش عشان تمارا ...

فهد :_ تمام ، خليها لوقتها ...

ف البحر ...

كان الاربعه يلعبون ويضحكون بشده .... كان كل منهم يرمي الآخر بالمياه .... 

تمارا :_ حرام عليكم مش قادره ، وانت يازين الزفت بتتفق معهم عليا ...

حمزه ضاحكا :_ من اعمالكم ..

تمارا :_ مش هرد عليك ، أنا غلطانه اني بلعب معاكم ...

مهاب :_ خلاص ياتيمو حق عليا ، أنا معاكِ  ...

قهقه زين عاليا :_ جبت وراء بسرعه ليه ياهوبا ...

مهاب :_ اختي ولازم افرحها ولا ايه ؟؟ 

            

              

                    

تمارا بحب :_ حبيبي ياهوبا ...

واتحد مهاب وتمارا ضد زين وحمزه ... وظلوا يلعبون حتي ارهقوا تماما .... 

بعد فتره من الوقت جلسوا سويا ع الشاطئ وبعدها ذهبوا للمنزل لاستكمال سهرتهم .....

&&&&&&&&&&&&&

في صباح يوم جديد 

في قصر الجوهري ...

استيقظ الجميع وتناولوا الفطور كعادتهم اليوميه ... وبعدها ذهب سعد الجوهري وأبناءه وأحفاده الي الشركه ، و ذهبوا البنات للنادي بعدما استأذنت كل من مكه وجنه من ازواجهم ، وبالتأكيد من سعد الجوهري ....

في المقر ...

في مكتب سعد الجوهري ...

كان جالسا ع مقعده وأمامه أسد ...

سعد الجوهري بتساول :_ عارف فهد وأخواته فين ؟؟ 

أسد :_ حضرتك اكيد عارف ، بس انا هجاوب ع حضرتك ، فهد باسكندريه ...

سعد الجوهري :_ كويس انك عارف .... خلينا ف الموضوع اللي عايزك فيه ...

أسد باهتمام :_ خير ياجدي ؟؟ 

سعد الجوهري :_ عايزه تمارا تشتغل معنا وتحديدا معاك انت ...

اسد :_ معنا مفهومه ، لكن ليه تحديدا معايا أنا ؟؟ 

سعد الجوهري :_ تمارا شخصيه عنيده زي عمك حسن بل اصعب منه كمان ، وطبعا لو اشتغلت مع حد من اخواتها محدش فيهم هيزعلها ..

أسد :_ والمطلوب مني اكيد مش أن ازعلها ...

سعد الجوهري :_ بالظبط ، لكن هتكون حازم معها جدا .. وطبعا بالعقل ..

أسد بغموض :_ حضرتك قاصد الشغل بس ولا بتفكر في حاجه تانيه ؟؟ 

قهقه سعد الجوهري ع دهاء حفيده واردف بغموض هو الآخر :_ خلي كل حاجه بوقتها يا ابن الجوهري ...

اسد باحترام :_ تمام ... استأذن أنا ...

سعد الجوهري :_ اتفضل ، وتمارا معنا من بكرا ...

اسد :_ حضرتك كلمتها ...

سعد الجوهري :_ بالليل هتعرف الرد ...

أسد :_ إن شاء الله .... غادر المكتب واغلق الباب خلفه ....

ف مكتب سعد الجوهري ...

قام بالاتصال ع فهد ... وبعد ثواني أجاب عليه بصوته الناعس ....

فهد :_ السلام عليكم ...

سعد الجوهري :_ وعليكم السلام ورحمه الله وبركاته ... حضرتك لسه نايم ؟؟

فهد :_ سهرانين للصبح مع تمارا و ولاد خالها ...

سعد الجوهري :_ هترجع أمتي ؟؟ 

فهد :_ ع اخر النهار ...

سعد الجوهري :_ ترجع ع القصر انت وأخواتك ...

            

              

                    

فهد :_ حاضر ياجدي ...

سعد الجوهري :$ مع السلامه ..

فهد :_ مع السلامه ... اغلق معه وأكمل نومه ...

ع الجانب الآخر 

بمكتب اسد ... 

كان به اسد وليث ..

أسد :_ نوح ماوصلش لغايه دلوقتي ؟؟ 

ليث :_ اه ، بس هو مش بيتأخر كده إلا لسبب قوي ، واتصلت عليه موبايله مقفول ...

أسد :_تمام بالليل نشوف حكايته .. اهم حاجه خلصت عقود شركه MM ..

ليث :_ ايوه جاهزه ع التوقيع ..

أسد :_ تمام ... حمزه خلص التصميم القريه ؟؟ 

ليث :_ لا ..

ضرب المكتب بيده واردف بحده :_ يعني ايه لا هو لعب عيال ، احنا ملتزمين بمواعيد ..

ليث :_ اهدي يا اسد ، هو الفتره اللي فاتت انشغل بموضوع عمي حسن ، وبعدين تمارا ...

أسد :_ تمام تمام ، حسابه معايا بالليل ..

ليث :_ يا أسد ..

أسد :_ خلاص يا ليث ، شوف شغلك انت ..

ليث :_ اوك ... وتركه متجها الي مكتبه ...

أسد في نفسه ... أما نشوف اخر حكايتك يا أستاذه تمارا .... ولم يكن يعلم أن حكايتها سوف تبدأ معه هو أو بالاحري حكايتها مرتبطه بيه لدرجه ان تصبح .. حكايتها مع الاسد ...

&&&&&&&&&&&&& 

ف مستشفي الجوهري ...

في غرفه والده تاج ...

تاج :_ يلا يا ماما كلي ...

والده تاج :_ مش قادره ياتاج كفايه ...

تاج :_ ياماما غلط كده الدكتور لو عرف هيزعق .. عشان خاطري ياماما ، ولا حضرتك مش عايزه تخرجي من هنا ...

والده تاج :_ يابنتي أنا لو عليا عايزه أخرج من اول يوم ..

تاج :_ طيب ياحبيبتي كلي كويس وخدي العلاج وهنخرج ان شاء الله ...

والده تاج بابتسامه :_ حاضر ياحبيبتي ، وربنا يفرح قلبك يابنتي يارب ...

تاج :_ يارب ياحبيبتي .... وبدأت ف اطعامها مره اخري حتي انهت طعامها .. وبعده أعطت لها الدواء ... 

والده تاج يتساؤل :_ مفيش يابنتي اخبار عن شغلك ؟؟؟ 

تاج :_ لا ياماما .... ثم أكملت بحزن .. بس للاسف في اخبار عن حاجه تانيه ...

والده تاج :_ اتكلمي ع طول يابنتي ...

تاج بحزن :_ عمي جيه هنا لما كنتي ف العمليات ، زعق جامد وضربني ... وسعد بيه هو وأحفاده كانوا هنا وهما اللي دفعوا عني ، و سعد بيه قال إن هما اهل خطيبي ...ولما شكرته ع كلامه ، قال إن دا مش كلام ... قالي فكري لغايه ما والدتك تقوم بالسلامه ...

            

              

                    

والده تاج بفرحه :_ وافقي يابنتي شكلهم ناس كويسه ، واهو اطمن عليكِ مع ناس ولاد حلال يقدروا يقفوا ف وش عمك و ولاده ...

تاج :_ بس انا مش موافقه ياماما ...

والده تاج :_ ليه يابنتي ، مش بتقولي ناس كويسه ..

تاج :_ ايوه يا ماما ، كويسين ... بس احنا حاجه وهما حاجه تانيه ...

والده تاج بحكمه :_ يابنتي الناس مش بفلوسها ، الناس بأخلاقها واحترامها لغيرها ... 

تاج :_ أنا عارفه يا ماما ، بس 

والده تاج :_ من غير بس ، لو الراجل عند كلمته وكلمني  ف الموضوع أنا موافقه ...

تاج :_ ياماما ... 

والده تاج :_ يابنتي أنا هتكلم معه لو حسيت أن راجل كويس هقبل ...

تاج :_ براحتك يا ماما ، بس انا مش موافقه ...

والده تاج :_ سبيها ع الله ...

&&&&&&&&&&&&&&

في منصف النهار ...

ف الاسكندريه ...

استيقظت مليكه متأخرا ع غير عادتها .. فهما ظلوا مستيقظين حتي بزوغ النهار .... قامت اخذت حماما دافئا ... وبعدها صلت الظهر ... ثم اتجهت الي المطبخ لتحضر الفطور لأولادها ... نعم اولادها فهي تحب ابناء حسن وبشده  و لولا رغبته في أن تصبح ام لما تركتهم ابدا ..... وبعدما انتهت من التحضير ايقظتهم جميعا ...قاموا الاربعه وفعلوا مثلما فعلت مليكه .. وبعدها جلسوا سويا لتناول الفطور ، أو بالاحري .. الغداء ....

فهد :_ لسه الاكل من ايدك ليه طعم تاني يا لوكه ...

مليكه :_ يا بكاش ...

مهاب :_ دي حقيقه ياماما مش مجامله ..

مليكه :_ بالف هنا حبيبي ...

حمزه :_ احنا هنتحرك أمتي ؟؟ 

مليكه :_ مستعجل ليه ياحمزه ؟؟ 

فهد :_ بالعكس احنا اتأخرنا جدا ..

مليكه :_ خليكم كام يوم ...

مهاب :_ مش هينفع والله ، عندنا شغل كتير ، وكمان عشان بابا ..

مليكه :_ ربنا معاكم ، وان شاء الله والدكم يقوم بالسلامه قريب ...

الجميع :_ يارب ...

تمارا :_ أنا هاخد عربيتي معايا القاهره ...

مليكه :_ براحتك ..

فهد :_ هتعملي بيها ايه ؟؟ أنتِ مش هتتحركي لوحدك ..

تمارا :_ فهد أنا مش متعوده ع كده ، أنا بحب أخرج كتير و لوحدي ..

مهاب :_ بس دا مش مسموح بيه عند سعد الجوهري ...

            

              

                    

تمارا :_ أنا ماليش دعوه ، أنا هاخد عربيتي وهخرج براحتي ...

مليكه بعتاب :_ تمارااا .. عيب كده ...

فهد :_ سبيها ياماما ... خدي العربيه ياتمارا بس مش هتخرجي بيها لوحدك ...

تمارا بمرح :_ اخد العربيه وبعدين يحلها ربنا ...

حمزه :_ يلا نجهز بقي .. 

فهد :_ تمام وكلنا ع القصر ..

تمارا :_ ليه بقي ؟؟؟ 

فهد :_ جدك عايزنا ، هنروح ع القصر وبعدها هنرجع الشقه تاني ...

تمارا :_  ماشي ... يلا نجهز ...

قاموا جميعا ... وبعد ساعه كان كل من حمزه وتمارا بسياره تمارا وحمزه يتولي القياده ... وفهد و مهاب بسياره فهد .... بعدما ودعوا مليكه ومراد و زين ....

ف سياره فهد ... 

مهاب :_ جدك عايزنا ليه ؟؟ 

فهد :_ مش عارف بس الاكيد قاصد تمارا ...

مهاب :_ ربنا يستر ... البنات رحوا النادي النهارده ..

فهد :_ بنات مين ؟؟ 

مهاب :_ هيكون مين غير ، جنه ومكه وعيون وسلمي ...

تمتم فهد باستغراب .. عيون .. ثم أردف بتساؤل :_ عرفت منين ؟؟ 

مهاب :_ جنه اتصلت عليا وكمان عرفت من حمزه ..

فهد :_ تمام .. تمام ...

مهاب :_ عيون قالتلك ...

فهد :_ معلش يامهاب مش قادر اتكلم . خليني مركز ف الطريق ... 

مهاب :_ تمام ... وعم الصمت بعده ...

وبعد ما يقرب من الخمس ساعات .. توقفت السيارتين بداخل قصر الجوهري ...

هبط فهد ومهاب من سيارتهم ... أما في سياره تمارا ...

احس حمزه بتوتر تمارا عندما توقفت السياره بداخل القصر ...

حمزه :_ مالك ؟؟ 

تمارا :_ مش عايزه ادخل ، بحس بخنقه فظيعه لما بدخل القصر ..

حمزه وهو يقبض ع يدها برفق :_ حبيبتي عشان أنتِ لسه مش متعوده ع المكان ...

تمارا يتنهيده طويله :_ مش عارفه ...

فهد وهو يطرق ع زجاج السياره ... مش ناوين تنزلوا ...

حمزه :_ هننزل .... يلا يا تمارا ...

هبطوا من السياره ... ودلفوا جميعا الي داخل القصر وكان الجميع بانتظارهم ماعدا أسد  .... لان سعد الجوهري يريد أن تتعرف تمارا ع عائلتها ... 

فهد :_ السلام عليكم ...

الجميع :_ وعليكم السلام ورحمه الله وبركاته ...

            

              

                    

سعد الجوهري :_ نورتي القصر ياتمارا ...

تمارا بابتسامه بسيطه :_ شكرا ...

حمزه بمرح :_ نعرفك ع العائله قبل اي حاجه ... وطبعا اول شخص هعرفك عليه ، هي زوجتي العزيزه ....

ضحك الجميع ... جلس كل من فهد ومهاب .. والاخير يتجاهل نظرات زوجته تماما ...

حمزه :_ نتكلم جد شويه .... دي مكه مراتي وبنت عمتك ريهام ...

تمارا وهي تمد يدها لتصافحها  :_ ازيك ...

مكه بمرحها المعتاد :_ مينفعش السلام دا انا عايزه حضن .... احتضنا الاثنان بعض بحب .. فتمارا شعرت تجهها بالحب الشديد ... 

حمزه :_ كفايه يا استاذه العيله لسه كبيره ...

ضحك الجميع ... ابتعدت مكه عن تمارا ...

حمزه وهو يشير إلي زوجه عمه فريده :_ طنط فريده والده أسد وعيون مرات فهد ..

تمارا بذهول :_ لا مش معقول ..

فريده بابتسامه عذبه :_ ليه ياحبيبتي ؟؟ 

تمارا بعفويه :_ بصراحه ياطنط ومن غير زعل .. حضرتك شكلك طيبه وهاديه وجميله لا يمكن الكائن دا يبقي ابن حضرتك ، يعني حضرتك تستاهلي كل خير مش أسد بصراحه ... 

انفجر الجميع ضاحكين الا من يقف خلفها ....

:_ وايه كمان ... قالها أسد الغاضب ...

تمارا بشهقه :_ بسم الله الرحمن الرحيم ، بيطلعوا أمتي دول !!!! 

أسد :_ كملي أنا سامع ...

تمارا :_ أنا مش بكلمك انت ، أنا بكلم طنط ... 

جلس أسد ولن يتفوه باي حرف .... 

اردفت نهله بقرف :_ أنتِ ازاي تتكلمي كده ، في حاجه اسمها احترام ، وبعدين اسمه أبيه اسد عشان هو أكبر منك ولا مليكه ماكنتش فاضيه تعلمك ...

سعد الجوهري بحده :_ نهههله ، اياك تجيبي سيره مليكه تاني ، واعتبري دا اخر انذار ليكِ .. 

نهله :_ ياعمي ...

سعد الجوهري :_ مش عايز اسمع ولا كلمه تاني ... عرفها ع الباقي ياحمزه ...

حمزه :_ ودا عمي محمد والد أسد وعيون ...

قام محمد متجها اليها محتضنها بحب شديد واردف :_ اهلا بيكِ وسط عيلتك ...

تمارا :_ بابتسامه :_ اهلا بحضرتك ياعمو ...

وفعل وليد مثلما فعل محمد ... وكذلك ريهام وسلمي وجنه وعيون ... 

حمزه وهو يشير إلي ليث :_ ودا ليث ابن عمي وليد ...

ليث :_ طبعا عارفني ...

            

              

                    

تمارا وهو تنظر لاسد :_ اكيد ، لازم ابقي فاكرك ... 

وأثناء حديثم دلف مالك .. واردف :_ السلام عليكم ...

استدارت تمارا لتتأكد من ظنها فهي تعلم جيدا صاحب الصوت ... وعندما تأكدت اردفت بنبره عاليه ممزوجه بالفرحه .... العفرررررريت ...

مالك بفرحه هو الآخر :_ تيموووو ، عامله ايه ؟؟ 

تمارا :_ الحمد لله ، انت عامل ايه ؟؟ 

مالك :_ الحمد لله ، ومبسوط اكتر اني شوفتك ...

كل هذا تحت نظرات استغراب من الجميع ....

فهد :_ لو ممكن نقطع حديثكم ، ونعرف حضرتكم تعرفوا بعض منين ؟؟؟ 

تمارا :_ الكامب ...

حمزه :_ كامب ايه ؟؟؟ 

مالك :_ الكامب اللي كان في سيناء من سنتين وانا طلعت مع اصحابي ف الجامعه ..

حمزه :_ وايه اللي مخليك فاكره لغايه دلوقتي ...

مالك بغباء :_ دا الكامب كله فاكرها لغايه النهارده ، هو حد يقدر ينساها ...

وليد بحده :_ مالك .. احترم نفسك وانت بتتكلم ..

مالك بتوضيح :_ والله مش قصدي حاجه ، بس تمارا بتغني وبتلعب جيتار حلو ، وكانت بتساعد اي حد محتاج منها حاجه عشان كده كنا أصحاب في فتره قصيره جدا ...

تمارا بنبره هادئه :_ الله يخربيتك ، لازم تعرفهم اني بغني وبلعب جيتار ...

مكه بحماس :_ بجد بتغني وكمان بتلعبي جيتار ...

تمارا بخجل :_ مش اوي يعني ...

جنه :_ احنا اللي نحكم مش أنتِ ...

تمارا :_ يعني ايه ؟؟ 

سلمي :_ يعني تغني واحنا اللي نقول حلو ولا لا ...

تمارا :_ إن شاء الله ...ثم نظرت لمالك واردفت ... حسابك معايا بعدين ..

مالك :_ ماشي ، بس أنتِ هنا ليه ؟؟ 

فهد :_ تمارا تبقي اختنا ...

مالك بفرحه :_ بجد يعني أنتِ بنت عمي ، احنا كنا مع بعض اكتر من ٢٠ يوم ازاي ماعرفتش ...

تمارا :_ لأن أنا ببساطه مش بذكر اسمي كله ، أنا تمارا حسن سعد بس ... 

مالك :_ معاكِ حق ...

محمد :_ بس خلاص أنتِ دلوقتي تمارا الجوهري ...

تمارا :_ معلش ياعمو ، هابقي مرتاحه اكتر وانا تمارا حسن سعد بس ...

سعد الجوهري :_ كده انتِ اتعرفتي ع اهلك كلهم ، حابه تقولي حاجه ؟؟ 

تمارا :_ شكرا لحضرتك ..

            

              

                    

سعد الجوهري :_ قولت قبل كده انا جدك ..

تمارا :_ شكرا ياجدي ... 

نهض سعد الجوهري من مكانه واردف :_ تعالي معايا ع المكتب ياتمارا .... 

تمارا :_ حاضر .... واتجهت خلفه للمكتب .. 

فهد :_ أنا طالع اوضتي شويه ... وصعد سريعا لاعلي حتي لايسمح بفرصه الحديث إليها .... ولكنها ستلحق به ...

عيون وهي تهمس لاسد :_ هطلع اتكلم معه ... 

أسد :_ بهدوء وبلاش خناق ...

عيون :$ حاضر .... وبعدها استأذنت و لحقت به .... طرقت ع الباب ولكن لم يجيب ، كان يعلم أنها ستفعل ذلك ... طرقت مره اخري وعندما لايوجد رد .. فتحت الباب ودلفت ... وجدته يجمع بعض الملابس الخاصه به ف حقيبه .... 

عيون :_ أنا خبطت ع الباب كتير مش بترد ليه ؟؟ 

فهد وهو موليها ظهره :_ اطلعي برا ...

عيون بصدمه :_ بتقول ايه !!! 

فهد بحده ع غير عادته ، فهو هادي لابعد الحدود ، ولكن عندما تتخطي وجوده وتخرج دون علمه ، لابد من عقاب :_ بقول اطلعي براااااا ، ولا مش سامعه ...

عيون ببكاء :_ ليه بتتكلم معايا كده ؟؟ 

فهد بحده :_ مستغربه اني بكلمك كده ... عشان الهانم المحترمه خرجت بدون علمي ، لما اعرف انك خرجتي من اخواتي عشان كل واحد مراته اتصلت استأذنت منه لكن أنا مش راجل زيهم عشان الهانم تعمل زيهم وتحترم جوزها ... 

عيون ببكاء :_ أنا قولت لأبيه أسد وقال هيقولك ...

فهد :_ أنا ماليش دعوه باسد ، أنا جوزك أنتِ يا استاذه ...

عيون ببكاء وصوت مرتفع :_ وانت مهتم اوي بيا ، ولا يهمك تعرف أنا فين من وقت ما اختك جاءت ع القاهره ...

فهد بسخريه :_ اعتبر أن دا عقابي ...

دلف أسد ع أصواتهم ، فهو كان يعلم ما سيحدث بينهم لذلك صعد خلفها ....

أسد :_ ع اوضتك ياعيون ...

عيون ببكاء :_ يا أبيه ...

قبل رأسها واردف :_ ع اوضتك دلوقتي ... انصاعت له واتجهت لغرفته وهي تبكي ...

فهد :_ خير ...

جلس اسد ع الاريكه واضعا قدم فوق الأخري واردف ببروده المعتاد :_ كل خير طبعا ... 

فهد :_ أسد أنا ع أخري. ومش وقت برودك خالص ... 

أسد :$ ممكن افهم بتزعق ليه ؟؟ 

فهد :_ انت عارف اختك عملت ايه ..

أسد :_ عارف ، وانا اتصلت عليك عشان اقولك موبايلك مقفول ...

فهد :_ وانت تقولي ليه ؟؟ هي اللي مراتي ...

أسد :_ وانا اخوها ..

فهد بسخريه :_ بجد ....

اسد :_ انت أهملت عيون اليومين اللي فاتوا وكده غلط ...

فهد :_ أنا مش مصدق أن انت اللي بتقولي كده ... انا برا القصر من يومين يعني مش اسبوعين ولا شهرين ، فالهانم بقي زعلانه فتخرج من غير اذني مش كده ...

أسد :_ لا مش كده ،، هي كانت مخنوقه امبارح وقالتي أنا هخرج مع البنات ، أنا وافقت وقولت هقولك ...

فهد :_ شكرا لتقديرك انت وهي ...

أسد :_ فهد .. اتعدل ...

فهد :_ انت معاك حق ، أنا لازم اتعدل لاني اتساهلت مع اختك كتير ... وبعدها اغلق حقيبته وحملها ... انا نازل عشان راجع مع تمارا الشقه ... وخرج سريعا من الغرفه ....

اسد في نفسه ... للاسف انت معاك حق ف كل حرف ، بس انا الغلطان أن وافقت من الاول ، لازم اتحكم ف مشاعري كاخ وف حقوقه كزوج ... وبعده هبط للاسفل هو الآخر ... 

ف مكتب سعد الجوهري. ..

سعد الجوهري :_ ممكن اعرف مش عايزه تبقي ف القصر ليه ؟؟ 

تمارا ؛_ أنا مرتاحه في الشقه اكتر ...

سعد الجوهري :_ خليكِ ع راحتك ، بس ما تتعوديش ع كده ...

تمارا بابتسامه :_  حاضر ..

سعد الجوهري :_ عارفه انك بسافرك مع اخواتك اسكندريه ، عطلتي حمزه عن شغل مهم جدا ، ولازم يتسلم ف اقرب وقت ....

تمارا :_ مش فاهمه ، يعني ايه المطلوب مني ؟؟؟ 

سعد الجوهري بمكر :_ المطلوب تبقي بكرا ف الشركه وتساعديه لغايه ما يسلم الشغل ....

أطلقت تمارا ضحكه عاليه لدرجه ان من بالخارج سمعها .... 

سعد الجوهري :_ ممكن اعرف بتضحكي ع ايه ؟؟؟ 

تمارا :_ ببساطه حضرتك عايز تستغل خبراتي كمهندسه شاطره ،و  واخد سفري معهم حجه ....

سعد الجوهري بابتسامه عريضه :_ مش مستغرب ذكائك لانك بنت حسن ... وفعلا أنا عايزك تنزلي الشركه ، بالاضافه لمساعده حمزه ...

تمارا :_ موافقه لغايه ما ارجع اسكندريه تاني ...

سعد الجوهري :_ خلينا في دلوقتي ، بكرا خليه ع ربنا ... 

تمارا :_ ونعمه بالله ... 

وبعدما انتهوا من حديثهم ... خرجوا للجلوس مع الجميع مره اخري ... وأثناء خديثهم ، دلف احد الحرس وأخبر سعد الجوهري أن فتحي الملاح بالخارج ويريد مقابله سعد الجوهري  .... ..

                       الفصل السابع عشر من هنا 

تعديل المقال