اولاد الجوهرى
الفصل الاول والثاني
بقلم الحورية فاطمه محمد
المقدمه
ف أحد غرف الرعايه يوجد مريض ف غيبوبه وتجلس بجانبه فتاه جميله وبتتكلم معاه علي امل أنه يفوق من الغيبوبه
الفتاه : حضرتك مش عايز تقوم ليه ، أنا باجي بقالي كتير ويتكلم معاك وانت بردو مش حاسس بوجودي ،والله انا خلاص مسمحاك بس حضرتك قوم قوم يابابا ، اروع تستغرب ايوه
انا بقولك يابابا ، بس مش عارفه لما تفوق هتفضل اقولك يابابا ولا لا .بس اقولك ع حاجه أنا مبسوطه اوي بكلمه يا بابا أنا اتحرمت من اكتر من ٢٠سنه
، تعالي بقا نغير الموضوع . ايه الاسماء اللي انتو مسمينها دي يعني الاسماء خلصت ، فهد،اسد،ليث دي اسماء دي ايه شغل ملوك الغابه دي يعني اسماء
البشر خلصت بتسموا ع اسماء الحيوانات ، طب تصدق بالله أنا بحمد ربنا أن ماما هي اللي اختارتلي الاسم ، باتري لو حضرتك اللي سمتني كان هيبقا اسمي معزه ولا غزاله
: ههههههههههه، ايه اللي بتقوليه دا انتي مجنونه صح
الفتاه: حرام عليك اتخضيت ،انت هنا من أمتي
الشخص: من اول اسماء الحيوانات ،بقا احنا ع اسم الحيوانات ،انتي عارفه اسد لو سمعك هايعمل فيكي ايه ، مش بعيد يعمل منك بطاطس محمره
الفتاه برعب: أنا عارفه انك عمرك ماهاتقوله
اولاد الجوهري "
الفصل الاول
- الشخصيات
سعد الجوهري : راجل ف اواخر العقد الثامن من عمره,شخص يحمل الصفه ونقيضها ...يجمع مابين الصرامه والجديه والقوه و الحنان و العطف والتفاهم ...لديه ثلاث اولاد وبنت واحده..يملك اكبر شركات الهندسه و التصميم ف مصر والمانيا
********************
محمد الجوهري :الابن الاكبر لسعد الجوهري ,يبلغ من العمر 66عام ..شخص حنون ولكنه في عمله شخصيه قياديه وماهر ف عمله ...يحب زوجته و اولاده .. لديه ولد وبنت
فريده:زوجته محمد الجوهري ...سيده طيبه وتحب اولادها بشده ...
اسد الجوهري : ابن محمد الجوهري .30 عاما يملك جسدا قويا مفتول العضلات لديه عيون عسليه وبشره بيضاء وشعر اسود كسواد الليل وليحيه خفيفه تجعله أكثر وسامه ...كان يعمل ضابط سابقا وترك عمله لاسبب سوف نتعرف عليها لاحقا وهذا ما جعله شديد البرود والقسوه احيانا ,حاليا يعمل بشركات الجوهري واثبت ماهرته بكفاءه ف زمن قياسي..... من يتحكم في زمام الأموار بعد سعد الجوهري ... يحب أخته كثيرا فهي ابنته المدلله ... هو المسؤول عن أي شئ يخص بنات القصر ...
عيون :ابنه محمد الجوهري تحب اسد كتير وبالنسبه لها والدها الثاني وليس اخيها .....24عام دكتوره اطفال ...ذات عيون خضراء مثل غابات الزيتون مثل والدتها ...وبشره بيضاء وشعر بني يميل الي اللون الاصفر.....
*****************
حسن الجوهري : الابن الثاني لسعد الجوهري ..... شخصيه طيبه للغايه ولكن شخصيته قويه صبور ، هادي ، وماهر ف عمله .... يحب اسد كثيرا ..... يحب زوجته المتوفيه جدااا ولكنها تزوج بعد وفتها بقرار من ابيه ..... ٦٤ عاما ... لديه ثلاث اولاد يحبهم بشده ، لديه ابنه واحده ولكن لايعرف بوجودها ...
فهد الجوهري : لايختلف في سماته عن اسد كثيرا ولايقل عنه وسامه ..... ۳۰ عاما .... ليس مجرد ابن عم لأسد بل اخيه وصديقه المقرب ... ظابط ويعمل في شركات الجوهري مع اسد ..
مهاب الجوهري : الابن الأوسط لحسن الجوهري ... ۲۸ عاما ... خريج اداره اعمال .. معظم وقته في المانيا ليدير شركات الجوهري بالمانيا .... يحب ابنه عمه وليد ...
حمزه الجوهري : الابن الاصغر الحسن الجوهري ، والمدلل الحسن وسعد الجوهري نظرا لحرمانه من الام منذ صغره ..... ٢٦ عاما .... مهندس ... يحب ابنه عمته "مکه " ..
******************
ريهام الجوهري : الابنه الوحيده والصغري لسعد الجوهري .... ٥٠عاما ...... طيبه وحنونه للغايه ... تعشق بناتها وتحاول تعويضهم عن فقدان الاب ....
سلمي الصياد : الابنة الكبري لحمدي الصياد و ريهام الجوهري ..... ۲۳ عاما ... خریجه اداب انجلش وتعمل بشركات الجوهري ... فتاه جميله ذات بشرة بيضاء وعيون سوداء وشعر اسود ... محجبه ...
مکه الصياد : الابنه الصغري لحمدي الصياد وريهام الجوهري ... ۱۹ عاما ... في السنة الاولى من الجامعه كليه الاثار .... وعنيده في بعض المواقف ، تحب المرح كثيرا ....
********************
وليد الجوهري : الابن الثالث لسعد الجوهري ...٦٢ عاما .... لايختلف عن اخويه كثيرا .... ولكنه يحب المرح احيانا ... يحب اولاده و زوجته لديه ولدين وبنت واحده
نهله : زوجه وليد ... ۵۲ عام ..... تحب زوجها واولادها كثيرا ... طيبه ولكنها تتكلم بدون حساب احيانا مما يؤدي إلى التصادم مع سعد الجوهري ..
ليت الجوهري : الابن الأكبر لوليد الجوهري ... ۲۸ عام ,, محامي .... يكمل رابطة الصداقه القويه " اسد وفهد ونوح " .... وسيم .... شخصية مرحه ولكن عند الجد يتحول لوحش ...
مالك : ۲۲ عام في السنه الاخيره من كلية حاسبات ومعلومات .... متفوق ف كليته ولكنه غير مهتم باعمال العائله يحب السهر مع اصدقاءه
جنه الجوهري : تؤام مالك ... هادئه جمليه تحب القراءة ... لاتحب الاختلاط كثيرا .... تحب ابن عمها مهاب .....
********************
عائله المهدی
کریم المهدي : 55 عام ..... مش اشهر اطباء جراحة القلب ... لديه مستشفي كبيره في الاسكندريه ...... يحب زوجته ولديه ولدين
نور : زوجت کریم و صديقه ملیکه وتحبها كثيرا ... ربه منزل
مراد المهدي : الابن الأكبر لكريم المهدي .... ۲۷ عام .. دكتور صدر و جراحه عامه .... متفوق في عمله .... يعمل في المتشفي الخاص بوالده وعمته ..
زين : الابن الاصغر والمرح لكريم المهدي .... ۲۲ عام في السنه الاخيره من كلية الفنون الجميله ..... التؤام الروحي لتمارا
مليكه المهدي : سيده طيبه وجميله ... دكتوره أمراض نسا ... شریکه في مستشفي هي واخيها ... عاشت حياه صعبه من اجل ابنتها ... هنتعرف عليها خلال الروایه ...
تمارا : ابنه ملیکه ...٢٣ عاما ... جميله للغايه , بشرة بيضاء وعيون زرقاء بلون البحر ولكنها ترتدي عدسات باللون الاسود ... شعر بني ... خریجه هندسة مدني ..
*************
عائله الدالي ...
نوح الدالي : شاب وسيم ... ٣٠عام .... محامي ... مسؤال عن الشئون القانونيه ف شركات الجوهري ....صديق الطفوله لاسد و فهد .... يكمل رابطه الصداقه لفهد و اسد و ليث .... مرح عن اسد ...
عبد الحميد : والد نوح ...
سلوي : والدت نوح ...
زينه : ابنه صديق والد نوح ... وزوجت نوح ... طيبه وهاديه للغايه .... مدرسه ف مدرسه بنات ... ٢٤ عام...
امجد : والد زينه ...
اولاد الجوهري
- الفصل الاول
*********
سبحان الله .
الحمد لله .
الله اكبر .
لا اله الا الله .
لاحول ولا قوه الا بالله .
اللهم صل وسلم وبارك ع اشرف الخلق .
*****************************
تشرق الشمس بنورها الساطع معلنه عن بدايه يوم جديد ...ربما يحمل الكثير من الامل والتفاؤل وربما عكس ذلك ...
في قصر شديد الفخامه والجمال ، ولما لا فهو قصر سعد الجوهري من أكبر العائلات المصريه ، في غرفه الطعام تتجمع عائله الجوهري فاليوم هو عطله نهايه الاسبوع ....
سعد الجوهري بابتسامه هادئه :_صباح الخير .
الجميع :_صباح النور .
سعد الجوهري متسائلا :_عاملين ايه ياولاد الجوهري ؟
الجميع :_بخير .
سعد الجوهري بعدما تفقد ببصره الموجودين :_فين حمزة ؟ مش قاعد معنا ليه ؟ .
فهد مبررا :_ لسه نايم ياجدي ..... عشان سهران امبارح ع التصميم الجديد .
نهله :_مش محتاج تقول مبرر يافهد .... حمزة مخصوص بيعمل اللي يعجبه
نظر لها من سعد الجوهري كانت كافيله باسكتها :_انا الكل عندي واحد ... كلهم احفاد سعد الجوهري ،عمري ماهفرق بين واحد والتاني
وليد محاولا تخيف التوتر :_نهله اكيد مش قاصده اللي حضرتك فهمته يا بابا .
سعد بغضب :_ أنا قولت اللي عندي ... واللي هايتكلم ف الموضوع دا تاني ،يتحمل عقابي
مكه :_ قلبك ابيض ياجدو .... لاعاش ولا كان اللي يزعل سعد الجوهري.
ابتسم سعد الجوهري بحنو لتلك الصغيرة ، فهي دائما تستطيع امتصاص غضبه ..
هتفت سلمى :_ جدو بيروق في لحظة لما مكة تتكلم .
مكه بغرور :_طبعا وهو أنا اي حد ولا ايه دانا مكه
انفجر الجميع ضاحكين علي هذه المشاكسه
سعد الجوهري :_الشغل عامل ايه يا أسد
أسد بثبات :_الحمد لله .
سعد الجوهري بغموض:_ بتختفي كتير الفتره دي!!
اسد بذكاء :_شغلي في أي تقصير ؟
سعد الجوهري:_تفتكر ممكن اسمح بأي تقصير ف الشغل اللي تعبت فيه أنا و والدك و اعمامك ؟؟
أسد بثبات :_يبقا اختفائي مش مزعل حضرتك
ولم يكن رد سعد الجوهري سوي ابتسامه علي ذكاء حفيده ف الرد
عيون وهي تحاول الثبات:_ جدو بعد أذن حضرتك و اذن بابا وأبيه اسد ... انا عايزه انزل شغل ...
سعد الجوهري وهي ينظر إلي أحد أحفاده ليري رد فعله من طلب" عيون "
فهد بيكتم عصبيته :_عن اذنكم أنا عندي مشوار مهم .. ورحل سريعا من الغرفه
عيون بتراقب:_ قولت ايه ياجدو ؟
سعد الجوهري:_ موافق
عيون بسعاده :_شكرا اوي يا جدو .... وحضرتك يابابا
محمد:_هو في كلمه بعد كلمه جدك !!
عيون بسعاده عارمه :_شكرا يا احلي بابا ف الدنيا .... ثم نظرت إلي اسد لتعرف رده ع طلبها ..
اسد بثبات :_ بس انا مش موافق .
عيون بنبره شبه باكيه ،فهي من المستحيل ان تفعل شئ عكس رغبه أخيها و ابيها الثاني حتي لو وافق الجميع :_ ليه يا أبيه اسد ؟!
أسد :_ انتِ عارفه كويس ليه .
سعد الجوهري :_ شايف انك بتكسر كلامي يا اسد !!!
أسد باحترام :_ لا طبعا يا جدي أنا مقدرش اعمل كده .... انا بقول رائي و ف الآخر هي حره تعمل اللي يعجبها .
محمد :_ بس انت عارف يا أسد أن هي عمرها ما هتعمل حاجه انت رافضها .
عيون بحزن :_ أنا مش هقدر ازعلك يا أبيه اسد ... انا خلاص مش عايزه اشتغل ...
اسد :_ناقصك حاجه عشان تشتغلي ؟؟
عيون برجاء :_الحمد لله الامتحانات انتهت ... وانا نجحت استني ليه ؟ وكمان أنا دكتوره ليه اضيع تعبي ؟!
سعد الجوهري:_ خليها تنزل يا أسد ، كده كده هتنزل في مستشفى من مستشفيات الجوهري .
أسد :_ زي ما حضرتك تحب ياجدي .
عيون بفرحه :_ يعني موافق يا أبيه ؟
اسد بابتسامه :_ موافق يا "عيون "
عيون :_ شكرا يا أبيه .
&&&&&&&&&&&&&&&&&
ف عروس البحر المتوسط ف أحد الأحياء الراقيه ،في بيت راقي مكون من سته طوابق ، ف أحد الطوابق
تمارا :_ يلا يا لوكه .... ولاد اخوكي هايفطروا من غيرنا ... انتي عارفهم
مليكه :_ههههههه .. عيب يابنتي كده .
تمارا :_ استعجلي يا لوكه وبعدين نشوف عيب ولا مش عيب
مليكه :_ يلا يا لمضه أنا خلصت
واتجهت الفتاه والدتها الي الطابق العلوي .... ودقت الجرس .... وبعد مده اتفتح الباب بواسطه احد. الاشخاص
تمارا :_ طبعا الاكل خلص يا ولاد كريم !!!
ضربه خفيفه ع رأس تمارا
ملكيه :_ عيب كده قولت
كريم ضاحكا علي مرح هذه الفتاه ، ع الرغم من الحزن بداخلها :_ لا ياحبيبه كريم مسنينك
نور:_ هو احنا نعرف ناكل من غيرك يا تيمو
تمارا تتصنع الخجل :_ شكرا شكرا
ينفجر الجميع ضاحكين
نور:_ يلا الكل ع السفره
جلس كريم ع راس الطاوله وعلي يمينه نور وبجانبها مراد و زين ، وعلي يساره مليكه و تمارا
زين :_ تيمو انت ناويه علي ايه ؟
تمارا :_ مراد قالي أن في شركه هندسه هنا ف اسكندريه ... بتاخد الاوائل كل سنه هاروح وأشوف الاسبوع اللي جاي أن شاء الله
كريم :_ مين صاحب الشركه يا مراد
مراد:_ مش عارف يا بابا .... كل اللي اعرفه ان صاحب الشركه اسمه الملك ... معنديش معلومات اكتر من كده
مليكه :_ خلاص تمارا تروح وتبقا تخلي بالها ع نفسها
تمارا:_ أن شاء الله .... بس اهم حاجه نتفسح يازين قبل الشغل
مراد:_ ايه الروقان دا
تمارا :_ تعال معنا من غير كلام كتير
مراد :_ شكرا .. عندي شغل كتير
تمارا :_ خلاص اطلع منها ، قولت ايه يا زين
زين :_ طبعا هانتفسح ....تجهزي بكرا من بدري
تمارا بحماس :_ نروح القاهر
مليكه يفزع:_ لا .... مفيش خروج برا اسكندريه
تمارا :_ ليه يا ماما ؟ زين معايا
مليكه بغضب :_ قولت لا يعني لا
تمارا قامت من مكانها وهي حزينه .... هي تعلم جيد أن والدتها علي حق .. ولكن لمتي تظل خائفه ؟ متي ينتهي ذلك الكابوس ؟ ف النهايه لا اجابه.......
تمارا :_ أنا نزله الشقه ..
كريم :_ ليه ياتمارا خليكي معنا .
تمارا :_ معلش يا خالو تعبانه شويه ومحتاجه انام
نور:_ كملي فطارك الاول ..
تمارا :_ الحمد لله شبعت .... عن اذنكم
واتجهت سريعا الي أسفل
كريم :_ لغايه امتي يامليكه ؟؟!
مليكه بحزن :_ مش عارفه ياكريم مش عارفه ... انا نفسي تعيش حياتها من غير خوف ...بس انت عارف كل حاجه وعارف اني لازم اخاف .
مراد:_ معلش ياعمتو كل حاجه هتتحل إن شاء الله ياحبيبي
نور:_ أنا هاقوم اعملكم الشاي .
مليكه :_ تسلم ايدك يا نور .. تعبانه معنا
نور بابتسامه :_ عيب يا لوكه احنا اخوات
زين :_ ايووووه بقا يا لوكه
مليكه :_ حبيب لوكه يا زين
&&&&&&&&&&&&&&&
ف مكان آخر كان يدور بسيارته بلا هدف ، يكاد يجن من تلك العنيده التي يعشقها وهي الأخري تعقشه اضعاف مضاعفه ... ولكنها تابي القرب منه ، خوفا عليه ولكنه لما تكن تعلم أنها بهذه الطريقه تجعل قلبه يتمزف ...
يعلن موبايله عن اتصال
فهد :_ خير يا اسد
اسد :_ انت فين ؟
فهد:_ اسد انا تعبان ومش قادر اتكلم .... شويه وهارجع ع القصر
أسد :_ أنا ف الشقه بتاعي ...تعال ع هناك
فهد:_ لا مش قادر
اسد بثبات :_ دا أمر مش طلب واغلق الخط
فهد بتافف:_ مش هيبطل العاده الزفت دي ... واتجه الي الشقه الخاصه باسد الجوهري
&&&&&&&&&&&&
دخلت تمارا الي الشقه الخاصه بها هي و والدتها ومن ثم اتجهت الي غرفتها .. غرفه يغلب عليها اللون الازرق فهي من عشاق هذا اللون ...اتجهت الي مرحاض الغرفه لتتوضا وتصلي ...خرجت من المرحاض وقامت بارتداء الاسدال الخاص بالصلاه ... اخذت تبكي و تبكي وهي ساجده ع حالها ..وتدعو الله أن تحل هذه المشكله التي دامت لسنوات طويله أو بالاحري بدأت بسبب وجودها ف الحياه ...وبعد مده انتهت من أداء فرضها وبعدها اتجهت الي فراشها وظلت مده من الوقت تبكي و تفكر حتي غفت ..
&&&&&&&&&&&
وصل فهد الي العماره التي يوجد بها الشقه الخاصه ب أسد ..نزل من السياره واتجه الي الاسانسير وضغط ع زر الطابق المقصود وهو الطابق العاشر ...قام بالضغط ع زر الجرس ليعلن عن وصوله ... وبعد مده فتح الباب
ليث :_ما لسه بدري يا ابن الجوهري
فهد بتعب:_ مش قادر اتكلم ....أنا مش عايز اجي من الاول
جاءهم صوته الثابت فهو أسد عائله الجوهري :_ وايه اللي جابك ؟
فهد بسخريه :_ هو عارف نفسه ..
ليث :_ ههههههههه حلو الجو دا اوي
أسد :_ لييييييث
ليث سريعا :_ انا صامت ....
فهد :_ جدع اوي انت يا ليث .
اسد :_ خلصتو
فهد:_ خير يا أسد..... عايز مني ايه ؟
اسد بثبات :_ ممكن افهم اضايقت ليه من طلب "عيون " ؟
فهد :_ هتضايق ليه ؟ .... انا مالي .
اسد :_ لو خلصت كذب أنا جاهز اسمع الحقيقه
فهد بصوت عالي نسبيا :_ عايز تسمع ايه يا اسد ؟ تسمع أن بموت من جوايا بسبب اختك ..بموت من جوايا وهي بتعمل كل حاجه أنا رافضها وهي عارفه اني رافضها ....تسمع أن أنا خلاص تعبت من غباءها وعندها .... اقول كمان ولا كفايه ؟؟
ليث :_ اهدي يا فهد ... بالهدوء والعقل كل حاجه تتحل .
اسد ببرود :_ انت اللي غبي ..
فهد باستفهام :_ نعم
أسد :_ ايوه غبي .... سيبها هي اللي تحس انها هي خسرتك ....خسرت حب عمرها ما هاتقدر تعوضه تاني .... وبعدين انت نفذت اللي انا قولتلك عليه ؟؟
فهد بتعب :_ لا
اسد :_ يبقا حاول تتكلم معها لاخر مره ....و لو مصممه يبقا التجاهل الحل الافضل ...
فهد بحيره :_ حاضر .. انتم هنا ليه ؟؟
ليث :_ نوح جاي عشان نشوف التصاميم بتاعت القريه السياحيه اللي ف شرم
فهد :_ اوك .... انا هاقوم اعمل قهوه عشان مصدع
ليث:_ خليك وانا هاعملك .ثم وجه حديثه لاسد متسائلا تشرب ايه يا اسد
اسد :_ قهوه
ليث :_ تمام
وتركهم واتجه الي المطبخ ليعد لهم القهوه ...
وبعد مده رن الجرس معلنا عن وصول شخص ما ..قام فهد بفتح الباب
فهد بابتسامه :_ واحشني يا صاحبي
نوح بسخريه :_ عشان كده بتسال عليا ع طول ...مش كده
جاءهم صوته الغاضب:_ ممكن نتكلم جوه هايبقا افضل ..
فهد :_ ادخل يا نوح قبل ما اسد يتحول علينا
وبالفعل دخل كل من نوح و فهد وقام الآخر بغلق الباب ثم اتجه الي المطبخ ..
فهد :_ ليث اعمل حساب نوح معاك
ليث :_ حاضر مانا الخدامه الفلبينيه بتاعتكم ..
فهد بمكر :_ تحب نسأل اسد انت تبقا مين ؟؟!
ليث سريعا :_ لا وع ايه ...عيني ليكو ياسي فهد قالها بطريقه كوميديه
فهد ضاحكا :_ منك لله يا ليث ...أنا خارج اشوفهم بيتكلمو ف ايه .
ف غرفه شديده الجمال ...تطل ع النيل ..كان يجلس اسد و نوح
أسد بمكر :_ عامل ايه مع مراتك يا نوح ؟
نوح بعصبيه :_ بقولك ايه يا اسد أنا ع أخري ....وبعدين ماتقولش مراتك ....انت عارف كويس أنا اتجوزتها ليه ..
اسد :_ مش ملاحظ أن صوتك عالي ..
فهد :_ دانت امك داعيه عليك يا معلم
اسد :_ فهد اصبر انت شويه ...ثم وجه حديثه لنوح .... اسمع الكلمتين دول مني ... بصفتي اخوك او صاحب خايف عليك بجد ....... انت خلاص اتجوزت أي أن كانت الطريقه أو الاسباب ..ف النهايه النتيجه واحده واللي هي جوازك ....الصح انك تحاول تسعد نفسك وتسعد مراتك ...... مراتك محترمه و متعلمه و جميله ....من الاخر اي راجل يتمناها .... حافظ ع النعمه قبل ما تروح منك وساعتها أنت بس اللي هتبقى خسران
ليث :_ اسد معه حق كل كلمه قالها
نوح بتأفف :_ ربنا يسهل ....ممكن نتكلم ف الشغل
اسد :_ اخبار القريه اللي ف شرم ايه ؟
نوح :_كله تمام ... بس ..
اسد :_ بس ايه !!
ليث :_ خالد البحيري بيحاول يلعب ف المناقصه الجديده عشان يخدها وكمان ف حد ف الشركه بينقله الاخبار.
اسد بحده :_ والكلام دا من أمتي ؟ و عرفتوا ازاي ؟!!ومين اللي اتجرا و عنده الشجاعه يعمل كده ؟
نوح :_ عرفنا الخبر دا امبارح ..... ازاي لان سمعت السكرتيره بتاعتك بتكلم حد في التليفون وبتقوله أنها ليها الفضل في أن هو كسب المناقصه الاخيره ....
تحولت عيناه من اللون العسلي الي الاسود من شده غضبه وتمتم في غضب :_ قسما بالله لهخليها تتمني الموت و ما هطوله ......أنا هعرفها ازاي تلعب مع الاسد ،انا شاكك فيها من بدري بس قولت اسيبها لما تجيب آخرها
وبعد ما يقرب من الساعتين انتهو من عملهم ...واتجه كل من اسد و ليث و فهد الى قصر الجوهري .. واتجه نوح الى منزله .....
&&&&&&&&&&&&
وصل الشباب الي القصر ...دلف ليث سريعا لداخل القصر ...بينما اتجه كل من فهد و أسد الي حديقه القصر .... واذا بفتاه تجلس علي ضوء القمر ومنهمكه ف الرسم ...ربما لأنه تحب الرسم و ربما بالرسم تعبر عن حزنها ....نعم هي من اختارت ولكن لم تكن تعلم أنها اول من يعاني من البعد .....
اسد بصوت مرتفع نسبيا :_" عيون "
انتبهت لذلك الصوت الذي تعرفه جيد و صوت أخيها الوحيد والاقرب إليها ...تقدمت نحوهم ع الرغم من توترها من وجود "فهد"
عيون :_ مساء الخير يا أبيه
اسد بحنان :_ مساء النور ياحبيبتي .....قاعده ليه هنا لوحدك !!!!
عيون :_ كنت مخنوقه شويه .....جيت هنا عشان ارسم ..
كل هذا تحت نظرات الفهد العاشق ....
تطلع اسد لما بين يديها و أردف بمرح ..فهي ليست أخته فقط بل ابنته ..
أسد :_ ايه كميه الحزن اللي ف الصوره دي !!!!
مخنوقه اوي كده !!
وكان رد الفهد سابقا لردها
فهد بسخريه :_ ماهي ما شاء الله شاطره اوي ف رسم الالم ....
اسد بحده :_ "فهد" اللي بتتكلم معها كده تبقا اختي ..
فهد بسخريه و وألم :_ واختي أنا كمان يا اسد ....عن اذنكم ....واتجه الي داخل القصر سريعا وهو يشتعل غضبا ..
عيون ببكاء :_ ليه بيعمل معايا كده ؟
جذبها اسد لاحضانه وقال بنره حانيه :_ أنتِ عارفه ليه هو بيعمل كده .... وانا قولتلك قبل كده الهروب مش حل ..
عيون وهي مازلت تبكي :_ والله غصب عني خايفه اخسره... يا أبيه انت اكتر واحد عارف ..
اسد بثبات :_ وتفتكري كده انتِ كسبتيه ...بالعكس كده الخساره اكبر ...
نظرت له بعدم فهم
أسد :_ اطلعي ارتاحي دلوقتي ... لو فهد حاول يكلمك اسمعيه ....وياريت يبقا بقلبك مش بعقلك
هزت راسها دليل ع الموافقه ...واتجه كلاهما الي داخل القصر ...
&&&&
كان نوح في طريقه للشقه التي يقطن بها بعد زواجه ...أعلن التليفون الخاص بها عن اتصل ...أخذه ليعرف من المتصل فوجده أبيه
نوح :_ السلام عليكم
عبد الحميد :_ وعليكم السلام ....عامل ايه يا "نوح" ؟
نوح :_ الحمد لله يا حج ...عامل ايه وامي عامله ايه ؟
عبدالحميد :_ بخير ...بس مش عاجبني حالك ....
نوح :_ ليه ياحج أنا زي الفل .
عبد الحميد :_ و مراتك عامله ايه ؟
نوح :_ الحمد لله بخير ... ثم أكمل بسخريه.. ولا هي قالت غير كده ؟
عبد الحميد :_ البنت لا اتكلمت ولا قالت حاجه .....بس انا عارف ابني كويس ..
نوح :_ بابا لو حضرتك حابب تقول حاجه أنا سامع حضرتك من غير مقدمات .
عبد الحميد بتنهيده :_ مش عايز اقول حاجه غير أن ربنا يهديك ...... تعال انت و مراتك بكرا ع الغداء .
نوح :_ حاضر يا بابا .
عبد الحميد :_ خلي بالك من نفسك ...وياريت بلاش سهر لوقت متأخر
نوح :_ حاضر ياحج و سلميلي علي امي .
عبد الحميد :_ حاضر ..السلام عليكم
نوح :_ وعليكم السلام ورحمه الله وبركاته
"لما نبدا كلام أو حتي ندخل مكان لازم نقول التحيه ... وياريت تبقا السلام وياريت كمان بلاش نختصر ف الرد "أفشوا السلام تحابوا"
قال تعالى:
(وَإِذَا حُيِّيتُمْ بِتَحِيَّةٍ فَحَيُّوا بِأَحْسَنَ مِنْهَا أَوْ رُدُّوهَا إِنَّ اللَّهَ كَانَ عَلَى كُلِّ شَيْءٍ حَسِيباً)
[سورة النساء: 84]
يعني بلاش نقول....... لا كتر السلام بيقل المعرفه والكلام الغريب اللي بنسمعه وبقا منتشر جدا "
بعد ما يقرب من النصف ساعه وصل نوح الي منزله ودلف الي الداخل .... وجد زوجته بانتظاره
زينه :_ اتأخرت اوي ..أنا كنت قلقانه عليك .
نوح بتأفف :_ أنا مش عيل صغير عشان تقلقي ... وفري قلقك لنفسك .......
زينه بنبره حزينه :_ أجهزلك تأكل ؟
نوح بحده :_ مش عايز اطفح ... بكرا العصر الاقيكي جاهزه الغدا عند بابا .......ثم تركها وتوجه الي غرفته دلف اليها ثم قام بصفع الباب والقي بجسده المرهق ع الفراش ...
و ع الجانب الآخر دلفت زينه الي غرفتها في حزن شديد علي حالها وتذكرت يوم زفافهم ........
فلاش باك
********
بعد رفض نوح البقاء ف الفندق وايضا رفض السفر من أجل قضاء بعض الوقت مع زوجته ....دلفوا الي الشقه الخاصه به ..
نوح بحده :_ اسمعي الكلمتين اللي هقولهم دلوقتي لأن مش بحب اتكلم كتير .... انا وانت قدام الناس زوجين حياتهم كويسه ... انما طول ماحنا هنا في الشقه انت في حالك وانا في حالي ....... بس ده مش معناه انك هتخرجي و تدخلي بمزاجك ...... لا قبل ما تفكري تخرجي بره باب الشقه اكون عارف وساعتها اوافق ارفض دي بتاعتي أنا ...... طلباتك كلها هتبقى مجابه ...... انا دلوقتي داخل انام مش عايز اسمع اي صوت .... وبكرا ابقي انقلي هدومك للغرفه اللي تعجبك .... وتركها تستوعب ما سمعته منه ودلف الي غرفته ............بعد مده من الصدمه و البكاء حمدت ربها علي حالها ....فهي علي يقين أن الله لا يفعل مع البشر الا خير ..... اتجهت الي الغرفه الخاصه بنوح ..... فتحت الباب ف هدوء تام ثم قامت بتشغيل الضوء الخاص بالغرفه مما ادي الي خروج صوته الغاضب ...
نوح بغضب :_ مش قولتلك اختاري اي أوضة تانيه ايه اللي دخلك هنااااا؟
زينه بهدوء ع الرغم من خوفها الشديده وحزنها الواضح :_ الهدوم كلها هنا ... هاخدها وأخرج بسرعه ...
نوح بحده :_ معاكِ خمس دقائق و تخرجي ...
زينه بخوف :_ حاضر ...
وبالفعل اخذت ما يلزمها وهرولت سريعا خارج الغرفه ...
بااااااك
*****
فاقت من شرودها وقامت بازاحه دموعها لانه تعلم جيدا أنه لايوجد من يهتم بأمرها ولا يحزن من أجلها غير والدها المريض ومن الصعب أن تخبره باحوالها يكف مرضه لا تريد أن تكون سببا في تعبه .... اتجهت الي المرحاض الخاص بالغرفه لكي تتوضا وتصلي قيام الليل لعل الله يجبر بخاطرها ..... خرجت من المرحاض و قامت بارتداء عبايه فضفضه ثم قامت بعقد حاجبها ثم توجهت لتقيم الليل و تدعو الله أنا تحل مشاكلها ......... بعدما انتهت من الصلاه اتجهت الي الاريكه و أمسكت بالمصحف الخاص بيها لتقرء حتي اذآن الفجر .....
&&&&&&&&&&&&&
ف عروس البحر المتوسط .... ف الشقه الخاصه بمليكه دق جرس الباب ..قامت مليكه بفتح الباب لتعلم أن من بالخارج هو أخيها
كريم. :_ السلام عليكم .
مليكه :_ وعليكم السلام ورحمه الله وبركاته ...اتفضل يا كريم
دلف كريم و كادت مليكه أن تغلق الباب ولكنها فزعت حينما قال أحدهم
كده يا لوكه تقفلي الباب ف وشي ماكنش العشم
قال هذه الكلمات بمرح زين
مليكه ضاحكه :_ حرام عليك يا زين ....هتموت حد فينا يابني
زين بمرح :_ ما تخافيش يا لوكا العمر واحد والرب واحد ...... وبعدين مافيش حد بيموت ناقص عمر .
مليكه بيأس :_ عارفه انِ مش هاخلص منك ...ادخل.
دخل زين وقامت مليكه بغلق الباب واتجهت الي الصالون
مليكه بابتسامه :_ تشرب ايه يا كريم ؟؟
كريم بهدوء :_ اقعد يا مليكه أنا مش جاي اشرب ... فين تمارا ؟
مليكه :_ نائمه من وقت ما نزلت من عندك ... حاولت اصحيها مش راضيه ..
كريم :_ أنا هدخلها ..
زين :_ وانا كمان
كريم :_ لا يا زين .... انا عايز اتكلم معها لوحدنا
زين :_ حاضر
تركهم واتجه الي غرفه تمارا ..دلف الي الغرفه ثم اغلق الباب ....نظر إلي تلك الملاك النائمه نظره حانيه و حزينه ..... لو كان بيده السعاده لجعلها سعيده طوال حياتها ... جلس بجوارها علي الفراش وشرع في ايقاظها ...
كريم بنبره هادئه :_ تمارا ...... حبيبه خالو
انتبهت تمارا لصوت خالها ...اعتدلت ع الفراش ف فزاع
تمارا يفزع :_ ماما كويسه يا خالو
كريم بهدوء :_ اهدي يا حبيبتي ....كلنا كويسين انا جاي اتكلم معاكِ ...
تمارا :_ الحمد لله اتخضيت ..
كريم :_ ولا يهمك يا تيمو .... ممكن اعرف زعلانه من ماما ليه ؟
تمارا :_ انا مش زعلانه من ماما ياخالو .... انا بس ....
كريم بحنان :_بس ايه يا حبيبتي ؟ اتكلمي .
تمارا :_ مخنوقه ... نفسي اخرج برا اسكندريه ... نفسي تبطل الخوف اللي جواها انا خلاص كبرت و محدش يقدر يعمل معايا حاجه ..
كريم بهدوء :_ ياحبيبتي قلبي والدك شخصيه مهمه و معروفه ويقدر يعمل اي حاجه لاي حد ...... مليكه معها حق ف خوفها .
تمارا :_ لغايه امتي يا خالو انا تعبت ..... تعرف انا اوقات كتير بفكر اروح لغايه عنده و اقوله انا موجوده واللي تقدر عليه اعمله .
كريم :_ انتِ عارفه ان مليكه ممكن تموت لو عملتي كده !! انتِ عارفه لو سمعتك دلوقتي ممكن تتصرف ازاي . يابنتي الكلام دا هيزود القلق والخوف عندها .
تمارا بعيون ممتلاءه لالدموع :_ يا خالو انا بفكر ف كده عشان اخليها تتخلص من خوفها و قلقها .... انا زعلانه عشانها ...هي اتحملت كتير اوي كفايه لغايه كده ..
كريم :_ خليكِ واثقه في ربنا يا تيمو .... ربنا اكيد شايلك الافضل ولا أنتِ عندك شك ف كده !!
تمارا بنفي :_ لا طبعا يا خالو انا واثقه في ربنا وعمري ثقتي ما هتقل .... بس كنت مخنوقه .
كريم :_ ولا يهمك ياحبيبتي ..... ويلا قومي بقا عشان تأكلي حاجه ...
تمارا :_ مش عايزه اكل ..
كريم :_ والدتك كمان ماكلتش من الصبح ...يلا قومي وكمان مراد و زين نازلين الصاله بتاعتكم ..
تمارا :_ نازلين من غيري !!!!
كريم ضاحكا :_ أنا بقولك اهو و كمان زين برا
تمارا بابتسامه :_ لا بقا أنا لازم اقوم وأشوف عيالك بيعملوا ايه من ورايا .
كريم ضاحكا :_ هي دي تيمو .
واتجهوا الي الخارج لتناول الطعام وبعدها النزول للصاله الخاصه بمراد و زين و تمارا
"الطابق الاول من العماره عباره عن صاله كبيره بيها العاب رياضيه .... شاشه عرض كبيره ... أرجوحة كبيره خاصه بتمارا "
كده انتهي الفصل .....اشوفكم ع خير
الفصل الثاني
بقلم الحورية فاطمه محمد
*********
سبحان الله وبحمده سبحان الله العظيم .
لا اله الا الله محمد رسول الله .
استغفروا الله .
الحمدلله .
الله اكبر .
*********
حيانا نختار أو نفعل اشياء علي امل السعاده أو ع الأقل الشعور بالراحه ... ولكن في الحقيقه تؤدي بنا الي الهلاك ....."
&&&&&&&&&&&&&&
في صباح يوم جديد .. في قصر الجوهري
في غرفه الطعام يجلس الجميع علي مائده الطعام ماعدا فهد و مالك و سلمي ..
سعد الجوهري :_ صباح الخير .
الجميع :_ صباح النور .
سعد الجوهري :_ فين " فهد" و "مالك" و "سلمي"؟؟
ريهام بابتسامه هادئه :_ سلمي تعبانه شويه عشان كده مانزلتش ...
سعد الجوهري بحده :_ و مالك فين ؟ طبعا البيه لسه نايم صح ..
وليد :_ هو كان سهران امبارح مع أصحابه عشان كده لسه نايم .... بس ان شاء الله اخر مره
سعد الجوهري بغضب :_ هي فعلا هتبقا اخر مره من اللي هاعمله معه ....ثم طلب من أحد الخدم أن يصعد الي غرفه مالك و يخبره بأن سعد الجوهري يأمره بالنزول حالا .... ثم أكمل حديثه بغضب :_ و فهد فين ع الصبح ؟
حسن بهدوء :_ فهد عنده شغل مهم النهارده عشان كده خرج بدري .
سعد الجوهري :_ تمام ... ثم وجه حديثه لعيون قائلا .. جاهزه ..
عيون :_ معلش ياجدو بلاش النهارده عشان سلمي ...
سعد الجوهري :_ تمام ... اتفضلوا كملو اكل و كل واحد يشوف شغله ..... اعمل حسابك ياحسن هتسافر المانيا عشان في مشكله هناك ... مهاب اتصل امبارح و بلغني ..
حسن :_ حاضر يابابا ...هخلص شغلي ف الشركه النهارده و اسافر بالطائره الخاصه بالليل ....
سعد الجوهري و هو ينظر لاسد :_ ايه حكايه خالد البحيري يا اسد؟؟ .... وايه حكايه السكرتيره كمان ؟
أسد بثبات:_ خالد البحيري مالوش حكايه لأنها انتهت قبل ماتبدا ... أما السكرتيره فأنا هاعرفها ازاي تلعب مع الاسد ...ثم أكمل متسائلا ... مين اللي عرف حضرتك ؟؟؟
سعد الجوهري بثقه و شموخ :_ سعد الجوهري مش محتاج يسمع من حد ولا حد يقوله علي حاجه .....أنا عارف كل كبيره و صغيره ف الشركه .
اثناء الحديث انضم "مالك" الي مائده الطعام ..
مالك :_ صباح الفل ...خير يا جدو ،عرفت أن حضرتك عايزني .
سعد الجوهري بغضب :_ ممكن اعرف حضرتك نايم لغايه دلوقتي ليه ؟
مالك :_ ياجدو أنا في اجازه ... وبعدين أنا مش عندي حاجه عشان اقوم بدري .
سعد الجوهري :_ لا حضرتك اجازه من الجامعه ...بس مش اجازه من الشركه .
مالك :_ حضرتك تقصد أن أنا انزل الشركه.
سعد الجوهري :_ لو مش هيضايق سعادتك .
مالك :_ ياجدو أنا هنزل الشركه بس اخلص دراسه الاول .
سعد الجوهري :_ أنا قولت اللي عندي يا مالك ...والكلام هيتنفذ من دلوقتي .
مالك :_ يعني ايه ؟؟
سعد الجوهري :_ يعني هاتيجي معنا الشركه النهارده ...وكل يوم طول الاجازه ... وايام الدراسه اليوم اللي فاضي فيه .
نهله بضيق :_ بس كده تعب عليه !!
سعد الجوهري بحده :_ دا مش شغلك يا نهله ...وخدي بالك غلطك بيكتر .
وليد بعصبيه :_ نهله .... الكلام مش معاكِ...ولو اتكلمتي في حاجه تاني اتحملي اللي هايحصلك ..
جو من الصمت ملاء المكان .... بعد مده انتهي الجميع من تناول طعامه ...
اتجه كل من سعد الجوهري و ابنائه و اسد ومالك و ليث وحمزه الي السيارات و ورائهم سيارات الحراسه متجهين الي مقر الشركه ..
عندما وصلوا الي المقر ... فتح لهم الحرس ابواب السيارات .... هبطوا منه ثم دلفوا الي الشركه بطله تدب الرعب بالانفس ... اتجه كل منهم الي المكتب الخاصه به ..
في مكتب اسد الجوهري
دلفت السكرتيره بعدما سمح لها اسد بالدخول
اسد وهو ينظر للحاسوب :_ نوح وصل
السكرتيره :_ لسه يا فندم
اسد :_ اول لما يوصل يجي ع مكتبي ..... عايزك تنزلي اعلان عن سكرتيره بشرط يكون عندها خبره
السكرتيره بارتباك :_ سكرتيره لمين ..
وقبل أن تكمل حديثها تكلم الأسد الغاضب
اسد :_ دي حاجه ماتخصكيش يا استاذه ...انتِ تنفيذ الأوامر وبس فاااااااهمه
السكرتيره يفزع :_ فاهمه ....اي أوامر تاني ؟
أسد بغضب :_ لا ...اتفضلي ع مكتبك ..
السكرتيره بخوف :_ حاضر
هرولت سريعا من المكتب وقامت بغلق الباب ثم استدارت لتذهب الي مكتبها ومن خوفها و ارتباكها اصتدمت بشخص آخر
نوح :_ فتحي ع الصبح ...مش ع بعضك ليه ؟
السكرتيره بارتباك :_ هاااه ...لا مافيش أنا اسف . .... اسد بيه عايز حضرتك ..
نوح :_ ماشي وياريت تركزي شويه ..تركها ودخل الي مكتب اسد دون أن يطرك الباب ..
نوح :_ صباحوو
اسد بحده :_ مش قولتلك بطل العاده الزفت دي .
نوح ببرود :_ براحه يا كينج .. كده ممكن تتعب .
اسد :_ نووووح
نوح :_ خلاص هحاول ....انت عملت ايه للسكرتيره؟
اسد بلا مباله :_ ولا حاجه .
نوح :_ متأكد .
أسد بسخريه :_ يعني لو عملتها حاجه هخاف منك !!
نوح :_ اكيد لا ... ثم تمتم ...ربنا ع الظالم .
اسد ببرود :_ بتقول حاجه يا نوح ؟
نوح :_ لا طبعا .... هتعمل ايه مع خالد البحيري ؟
اسد بثقه :_ عملت خلاص .
نوح :_ انت لحقت ... طيب عملت ايه و أمتي ؟
اسد :_ نوح قوم ع مكتبك ... وبكرا هتعرف الرد ع سؤالك .
نوح :_ أنا عارف مش هتتكلم الا بمزاجك ...... بقولك شركه اسكندريه المهندسين الجدد هيقدموا فيه اول الاسبوع ..
اسد :_ والمطلوب ..
نوح :_ مش محتاجه ذكاء ،يعني حضرتك هتسافر اسكندريه اول الاسبوع .
اسد :_ تمام .
نوح :_ أنا خارج يا اسد قبل ما اموت من برودك ... خرج نوح من المكتب وهو غاضب من برود هذا الأسد ... خرج واغلق الباب ثم استدار ليذهب لمكتبه فوجد أمامه النسخه الثانيه للأسد ولكن لديه بعض المرح عن ذلك الأسد البارد ...
فهد بابتسامه :_ اسد مضايقك اوي كده !!
نوح :_ بقولك ايه انا مش ناقصني برودك كفايه ابن عمك ..
فهد :_ انت تقصد أن اسد بارد ...خلاص انا أقوله ونشوف رأيه ايه .
نوح :_ اهدي يا حريقه .... وبعدين هستنا منك ايه مانت ابن عمه .
فهد ضاحكا :_ مالك ع الصبح يانوح في ايه ؟
نوح :_ ادخل اعرف من ابن عمك ياخويا ....وتركه واتجه الي مكتبه. .
فهد في نفسه :_ اسد جنن نوح ع الآخر ... دلف الي مكتب اسد دون طرق الباب هو الآخر .. ولم يعيره اسد اي اهتمام ..
فهد :_ أنا دخلت ولا كاني موجود ليه ؟
اسد وهو ينظر إلي الحاسوب الخاص به :_ عشان في زفت تخبط عليه قبل ما تدخل ..
فهد :_ اسد بقولك ايه بلاش رخامه ، نوح لسه خارج من عندك هيولع من برودك ، فبالله عليكي كلمني عدل عشان أنا ع أخري ..
اسد بسخريه :_ عشان كده هربت الصبح !!
فهد بحده :_ أنا مش بهرب يا اسد ..
اسد بحده :_ انا تعبت معاك و معها ..انتو الاتنين اغبيه ، خليكم بكرا هتندموا ..بس وقت الندم هيبقا فات ...... خد بالك جدك سال عليك الصبح و عمي حسن قال انك عندك شغل بدري ....
فهد بسخريه :_ و طبعا ماصدقش ..
اسد :_ انت عارف سعد الجوهري كويس ..
يعلو صوت التليفون الخاصه بمكتب اسد ..
اسد :_ الو
اسد :_ تمام ..وقفل الخط ثم وجه نظره الي فهد
اسد :_ سعد الجوهري عايزك ف مكتبه ..
فهد :_ ربنا يستر ....
ف مكتب سعد الجوهري .... صوت طرقات ع الباب ،سمح للطارق بالدخول ...دلف فهد الي الداخل
فهد :_ السلام عليكم
سعد الجوهري :_ و عليكم السلام
فهد :_ حضرتك طلبتني .
سعد الجوهري وهو ينظر له بحده :_ انت عارف يابن الجوهري أن أنا مش بحب الكلام الكتير ..... ممكن افهم حضرتك خرجت بدري النهارده ليه ؟؟ و ممكن اعرف اخر لعب العيال بتاعك دا ايه ؟؟
فهد باحترام :_ ياجدي كان عندي شغال مهم وكان لازم أخرج بدري
سعد الجوهري :_ الكلام دا ممكن يصدقه اي حد الا انا ..
فهد :_ تفتكر حضرتك ايه السبب.
سعد الجوهري بحده :_ السبب انك غبي .... عرفت السبب يا فهد
فهد وهو يكتم غضبه ..فهو مهما قال فهو جده يكن له الاحترام و التقدير :_ يا جدي أنا عملت كل اللي اقدر عليه ... هي دماغها صعبه ... وحضرتك و اسد رافضين تجبورها ...ايه اللي انا ممكن اعمله ؟
سعد الجوهري :_ أنا اللي هاتصرف بعد كده مش انت ... بس ساعتها انتو الاتنين هتندموا ....
وقبل أن يتحدث فهد أشار له سعد الجوهري بالخروج من المكتب ..
خرج فهد و هو في قمه غضبه وأقسم بداخله علي أن يعلمها درسا قاسيا الا لم تكف عن عنادها .....
خرج فهد من الشركه وصعد إلي سيارته وإطلاق بها الي القصر .....
****************
في عروس البحر المتوسط
ف الشقه الخاصه بمليكه و تمارا
ع مائده الافطار
تمارا :_ ماما أنا خارجه مع زين النهارده ..
مليكه :_ تمام بس اهم حاجه تخلوا بالكم علي نفسكم ..... وبلاش مشاكل يا تيمو ..
تمارا وهي تتصنع البراءه :_ هو انا بتاعت مشاكل يا لوكه ...
مليكه :_ لا ابدا أنتِ ملاك ...
تمارا :_ يا ماما الناس هي اللي رخمه ...
مليكه بهدوء :_ ياحبيبه ماما لازم يبقا عندك صبر ....مش كل شخص هيضيقنا هنتخانق معه ... يا حبيبتي الحياه ابسط من كده .....اللي يقدر يعدي و يسامح يسامح ياتيمو
تمارا بحزن :_ ماهو كلامك دا ياماما اللي واصلنا لحياتنا دلوقتي .
مليكه :_ و مالها حياتنا يا تمارا ؟؟! انا بعمل معاكِ كل اللي بقدر عليه ، وخالك كريم معنا بعد ربنا طول الوقت ... ايه اللي مش عاجبك ف حياتنا بقا !!!
تمارا :_ الطيبه و التسامح الزياده يا ماما بيتعب صاحبه ..... الطيب بس هو اللي تعبان في حياته ......يعني لو حد تاني مكان حضرتك كان سكت عن حقه قدم الظلم اللي اتعرضله من الراجل اللي اتجوزك ...
مليكه بحده :_ تمارا ... قولتلك قبل كده لما تتكلمي عن والدك اتكلمي بطريقه كويسه .... انا معاكِ أن أنتِ اتظلمتي ،عايشه من غير اب بس انا بحاول اعوضك بكل الطرق الممكنة .... بس دا مش معناه أن انا هاسمح بالغلط ف والدك ، فاهمه
تمارا :_ لا رد
مليكه بحده :_فاااهمه .
تمارا :_ فاهمه يا ماما
مليكه :_ وبعدين خليكِ دائما فاكره كلام سيدنا النبي " عليه افضل الصلاه والسلام " ......" ألا أُخبرِكُم بمن يُحَرَّمُ على النارِ ، وبمنْ تُحرَّمُ النارُ عليهِ : على كلِّ هيِّنٍ لَيِّنٍ قريبٍ سهلٍ "
تمارا :_ بس ربنا ماقالش نسكت عن الظلم ..
مليكه وهي تتجه الي الحقيبه الخاصه بها :_ أنا قولت اللي عندي ياتمارا ...أنا هروح المستشفي ،ياريت بلاش تأخير ، وياريت تفكري في كلامي كويس ...سلام
ثم اتجهت الي خارج الشقه ....
تمارا ف نفسها :_ امي دي ست غريبه جدا بتدافع عن الراجل اللي سبب تعستها .... ربنا معايا أنا وأنتِ يا ماما ..
دق جرس الباب
تمارا :_ اكيد زين ...التقطت الحقيبه الخاصه بها واتجهت سريعا لفتح الباب
زين :_ صباح الفل يا تيمو
تمارا :_ صباح النور يا زين .... هنخرج دلوقتي ؟
زين :_ لو جاهزه
تمارا :_ جاهزه طبعا ...خرجت من الشقه وقمت بغلق الباب ورائها .... دلف كل منهم الي المصعد وهبطوا إلي الأسفل
تمارا :_ نركب عربيتي أنا.
زين :_ لا ... عشان أنا اللي هسوق وبرتاح ف عربيتي اكتر ..
تمارا :_ماشي بس المره الجايه هنخرج ببتاعتي أنا وانا اللي هسوق .
زين :_ اوك .. يلا اركبي وقوليلي عايزه تروحي فين ..
صعد زين خلف المقود وصعدت تمارا بالمقعد الامامي ..وانطلاق زين بالسياره وهو لايعلم حتي الآن الي اي مكان سيذهب ...
تمارا :_ أنا نفسي اوي نروح القاهره
زين :_ حقك عليا ياتيمو مش هقدر اعمل كده ... عمتو مليكه واثقه فيا وكمان بابا لو عرف هتبقا مشكله ..
تمارا :_ عشان خاطري يا زين ..مش هنتاخر .
زين :_ ياتمارا بلاش مشاكل ...عمتو بتثق فيكِ وفيا بلاش نخزلها ..
تمارا :_ خلاص يلا لو سمحت نرجع البيت مش عايزه أخرج معاك .
زين باستسلام :_ خلاص موافق ...بس خدي بالك أن كده غلط واحنا مش أهل للثقه.
تمارا :_ انت عارف ان انا اول مره اعمل كده ...بس والله زهقانه وتعبانه .
زين :_ ماشي ياستي ربنا يستر .
اتجه زين الي طريق القاهره وبعدما قطع مسافه كبيره تفاجأ بكمين ع الطريق ..اوقف أحد الضباط السياره الخاصه بزين و طلب منه الرخصه ..
الضابط :_ الرخص لو سمحت .
زين :_ حاضر ....وأخذ يبحث عن الرخص
تمارا برعب :_ انت ماشي من غير الرخص يا زين ..احنا كده روحنا ف داهيه
زين بحده :_ اسكتي دلوقتي ..
ثم وجه حديثه للضابط
زين :_ لو ممكن اتصل بحد يجبها لأن نسيتها ف البيت
الضابط :_ تمام ...اتفضل اركن ع جنب لغايه ما حد يجبها .
بالفعل صف السياره بأحد الجوانب وقام بالاتصال علي أخيه الأكبر
ع الجانب الاخر
ف المستشفي الخاصه بكريم المهدي
ف مكتب مراد المهدي
يعلن الموبايل الخاص به عن اتصال ..أخذ الموبايل من علي المكتب ليعلم أن المتصل هو أخيه
مراد :_ السلام عليكم
زين :_ وعليكم السلام و رحمه الله وبركاته ...مراد محتاجك ضروري
مراد :_ اتكلم بسرعه في ايه ؟
زين :_ لو سمحت يا مراد أنا نسيت الرخص بتاعتي ف البيت روح البيت هاتهالي
مراد باستفهام :_ اجيبهالك فين ؟
زبن :_ أنا عند أول كمين ع طريق القاهره ..
مراد بحده :_ انت بتستعبط ...هي دي ثقه عمتك فيك يابيه يا محترم
زين :_ عشان خاطري يا مراد بلاش بابا و لا عمتو يعرفوا ...وانا والله هافهمك كل حاجه ..
مراد بعصبيه :_ ماشي مسافه الطريق هبقا عندك وحسابك انت والاستاذه اللي معاك هيبقا معايا أنا ..ثم اغلق الخط دون أي حرف اخر .
تركه المستشفي سريعا متجه الي المنزل ....وصل إلي منزله بعد مده قصيره وحمد ربه لعدم وجود أحد بالمنزل ...دلف الي الغرفه الخاصه بزين وبحث عن حافظه الكروت الخاصه باخيه وجدها بجانب الفراش .... التقطها سريعا وهبط الي الأسفل ،استقل سيارته واتجه سريعا الي مكان أخيه .....
&&&&&&&&&&&&&&
وصل فهد الي القصر ارجل من السياره ودلف الي القصر ...طلب من أحد الخدم أن يخبر عيون أنه بانتظارها في حديقه القصر ......
بعد دقائق فى حديقه القصر كان فهد يجلس علي اريكه وبجانبها من كل جهة مقعد وأمام الاريكه منضاده صغيره ....
توجهت عيون للمكان الجالس به فهد بناء ع رغبته ...
عيون :_ قولت انك عايزني .
أشار لها بالجلوس ،انصاعت لطلبه وجلست ع المقعد
فهد :_ وبعدين يا عيون ...اخر اللي احنا فيه ايه ؟
عيون :_ انت عارف كويس اجابتي ع سؤالك ...هو طلب واحد نفذه وانا اوعدك. اني ليك العمر كله .
فهد وهو يكتم غضبه :_ انتِ عارفه كويس أن طلبك دا مستحيل .
عيون :_ يبقا أنا كمان مستحيل ابقا معاك .
فهد بحده :_ انتِ غبيه ليه ...ليه مصره تهدي كل حاجه حلوه مابينا ،افهمي ياغبيه الاعمار بيد الله ..كل واحد هايموت ف الوقت اللي ربنا كاتبه افههههمي
عيون ببكاء:_ فاهمه و عارفه بس مش هقدر مش هقدر ..... كل اما بتخرج ببقا خايفه مش عارفه انت راجع ولا لا ولو رجعت هترحع سليم ولا متصاب ...مش قادره انسي اللي حصل معاك و مع ابية اسد ....
فهد بهدوء :_ يا عيون الحمد لله أنا و اسد دلوقتي بخير الحمد لله وعشان لسه لينا عمر رجعنا تاني بفضل الله
عيون:_بس كان ممكن ماترجعوش ....انا مش قادره افضل ف التوتر دا .....
فهد:_ ياحبيبتي لو كل الناس فكرت كده عمر ماحد هيرتبط ,طريقه تفكيرك غلط
عيون :_ انا مش قادره افكر غير كده ......اللي حصل معاك انت وابية أسد كان صعب اوي ..
فهد:_ يعني ايه ؟
عيون بحزن :_يعني اوعدك ان انت حب عمري وعمري ما هفكر ف اي راجل ف الدنيا ....بس انا لسه مصممه ع راي
فهد بغضب:_ انا مش عارف اقنعك ازاي , انت امتي كنتي غبيه وعنيده كده ...عموما انتِ حره بس خليكِ فاكره ان انا اتكلمت معاكِ بدل المره عشره بس انتِ غبيه ومصصمه ع غبائك ثم اكمل بسخريه ..عن اذنك يا بنت عمي
تركها ودلف الي القصر وهي ف قمه غضبه من يراه يظن انه تحول الي وحش سيدمر كل من حوله .....اما بالنسبه لها فكان حالها يمزق القلب ...تحبه بل تعشقه حد الجنون ولا تستطيع روايه اي راجل اخر ف حياتها ولن تسمح بذلك ولكن تموت خوفا من عمله ...عمله الذي يعرضه للخطر ..عمله الذي كاد ان يحرمها من حبيبها العمر باكمله لولا لطف الله به .....
كيف ياقلبي تخشي الفراق ومع ذلك تختاره !!!
هل ستظل عيون علي موقفها ولن تقبل براجل اخر ف حياتها ام لسعد الجوهري راي اخر ؟؟؟!!!
&&&&&&&&&&&&&&&&
بعد مايقرب من الساعه وصل مراد للمكان الذي يمكث فيه اخيه ... اوقفه احد الضباط اخبره مراد انه اتي برخص اخيه الموقوف عندهم ..... بعدما نظر الضابط بالرخص سمح لكل من مراد و زين بالرحيل ... انطلاقا كل منهم بسيارته للعوده للمنزل دون ان يتفوه مراد بحرف واحد ولكن لو كانت النظرات تحرق لاحترقت سياره زين بمن فيها ...... بعد ساعه تقريبا توقفت السيارات ام العماره الخاصه بعائله المهدي .... ترجل كل منهم من سيارته تحدث مراد دون النظر اليهم ...
مراد بحده : _انا ف الصاله ..وقبل ان يتكلم احدهم ترکها ودلف الي العماره ومنها للصاله الخاصه بهم ... بعد لحظات كان كلا من زین و تمارا ..... بداخل الصاله كان مراد جالسا علي اریکه وهو في قمه غضبه ......
اردف مراد بهدوء ولكنه هدوء ماقبل العاصفه : ممكن افهم کنتو ناوين علي ايه ؟؟
وقبل ان ينطق زین اردفت تمارا سریعا : زين مالوش دعوه الغلط غلطي آنا ، انا اللي اصريت ان احنا نروح القاهره والله هو كان رافض ...
مراد بحده : انت فاكره لما تقوليلي کده هقوله انت كده براءه یا زین ، دانتِ نيلتي الدنيا اكتر هو ماشي وراكِ بغباء من غير ما يفكر ف عمته لو عرفت هتعمل ایه ؟
تمارا : یا مراد
مراد بعصبيه اكبر : _ انت تخرسي خالص ... مش مكسوفه من نفسك ، مامتك واثقه فيك بالسهوله دي تخزليها لا وليكِ عين تتكلمي !!
زین : _احنا غلطنا بس والله كنا هنرجع ع طول
مراد بحده : _ انت ضامن کان هيحصل ايه هناك عارف لو حد من اهلها عرف بوجدها تقدر تقولي كنت هتقدر تعمل معاهم ايه لو خدوها منك بالقوه
طاطا زین راسه لانه يعلم ان اخيه معه كل الحق فيما قال ....
نظر مراد لتماراو اردف بهدوء : قبل ماتتصرفي اي تصرف فکري فيه ... انتِ عارفه كويس عمتو ضحت بكل حاجه مقابل ان حضرتك تشوفي النور ، ضحت باهم حاجه ف حياه اي ست .... تعبت كتير اوي ف حياتها عشان حضرتك توصلي للي انت فيه دلوقتي ... انا مش بتكلم ع الماديات لان الحمد لله الفلوس متوفره ، انا بتكلم ع التعب النفسي والخوف والقلق اللي بتمر بيه عمتو کل يوم و كل ثانيه ، مش بترتاح غیر وانت قصاد عينيها .... اتقي ربنا فيها
دقائق مرت ف صمت
أردف مراد وهو يتجه للخروج من الصاله : _اللي حصل ماحدش هيعرف بيه ، بس ماحدش منك لي كلام معايا نهائي ثم خرج من الصاله متجها الي المصعد ليصعد به الي الشقه الخاصة بهم
ع الجانب الاخر ف الصاله ...
تمارا : انا اسفه جدا يا زين كل اللي حصل بسبي بجد حقك عليا
زین بحزن : _ احنا اخوات يا اهبله وبعدين هي اول مره نتعاقب احنا الاتنين بسببك .. يحاول اخرجها من الحزن الواضح عليها
تمارا بحزن : معلش مش ذنبكم ان واحده زي تبقا ف حياتك بس للاسف نصيبكم .
زین بحده : انت مجنونه ازاي تقولي کده ،انتِ عارفه كويس أن مراد اتكلم معاكِ كده من خوفه عليكِ مش اكتر .
تمارا وهي تحتجز الدموع بمقلتيها :_ أنا عارفه وهو معه حق ف كل كلمه بس لو سمحت یازین أنا تعبانه ومش قادره اتكلم ... ومراد انا هخليه يكلمك وخرجت سريعا دون أن تعطيه الفرصه للرد ..استقلت المصعد متوجه به الي الطابق الخاص بها .....
&&&&&&&&&&&&&&
ف منتصف النهار
ف مقر شركات الجوهري
دلف نوح الي مكتب اسد دون طرق الباب كالمعتاد ولكنه لم يبوخ من اسد كعادته عندما يدخل دون الطرق ع الباب لأن اسد كان مستندا لظهر مقعده ،مغمض العينان ، شاردا ...بالتأكيد شاردا في الماضي الذي جعله يتألم ويتمزق ،الماضي الذي كاد أن يفتك بحياته ،الماضي الذي طعن فيه من اقرب واحب الناس إليه بل الي قلبه .... علم نوح أن رفيقه لم تشفي جراحه حتي الآن ...
هتف باسمه بهدوء ولكن لا رد مما جعله يهتف بحده خفيفه ... استفاق أسد من شروده متسائلا ..
اسد :_ انت هنا من أمتي يا نوح ؟
نوح بتنهيده :_ مش شويه .... ممكن اعرف كنت سرحان ف ايه ؟
اسد :_ ماتشغلش بالك ، قولي انت جاي ليه ؟
نوح :_ كفايه ياصاحبي لازم تنسي وتفكر في حياتك من جديد
اسد بسخريه :_ انسي ...بالسهوله دي !!!
نوح :_ عندك حل غير النسيان ؟
اسد :_ سيبها ع الله يا نوح ... قول كنت جاي ليه ؟
نوح :_ جاي اقولك أنا عملت كل الشغل المطلوب ، و هروح دلوقتي ..
أسد :_ ليه ؟
نوح :_ عمك عبد الحميد عازمني أنا و زينه ع الغدا وانا عارف و متأكد أن ا لعزومه دي وراها حوار ثم أكمل بيأس ..بس هاعمل ايه لازم اروح.
أسد :_ اعطي نفسك فرصه يا نوح ،بلاش تحملها ذنب مش ذنبها ، انت عارف و متاكد انها مش عارفه حاجه من اللي بينك وبين والدها .
نوح :_ حاضر يا أسد هحاول ..استأذن أنا يا كينج
أشار له اسد بالخروج وبالفعل خرج من المكتب واتجه الي المصعد للهبوط إلي الأسفل ....استقل سيارته متجها الي العماره التي يقطن بها .....
وصل نوح أمام العماره التي يقطن بها واجري اتصالا بزينه لتهبط للذهب الي منزل والده ..... بعد دقائق معدوده كانت تستقل السياره بجانبه وكانت ترتدي فستان من اللون الاسود به نجوم مبعثره من اللون الابيض و خمارا وكوتش من نفس لون النجوم ...حقا كانت جميله بل أكثر من جميل كانت تشبه القمر ف ليله اكتماله .... وكان وجهه احمر مش شده الخجل لأنها المره الأولي التي تخرج معه .....
نوح وهو يقبض ع المقود أردف بنبره حاده :_ ممكن افهم ايه لازمه الزفت اللي ف وشك دا ؟؟
ايه سر تمارا ؟ ومليكه هتعمل ايه لو عرفت أن تمارا كانت هتسافر الي القاهره ؟
ما هو ماضي اسد ؟؟
ماسبب جواز نوح من زينه ؟
تفتكروا ايه اللي بين عيون وفهد ؟!
سعد الجوهري هيعمل ايه مع فهد ؟؟
ايه حكايه تمارا ؟؟