رواية اولاد الجوهري
الفصل الثامن
بقلم الحوريه فاطمه محمد
**********
لا اله الا الله محمد رسول الله
الله اكبر
سبحان الله وبحمده سبحان الله العظيم
لا حول ولا قوه الا بالله
*********************
فهد :_ في ايه ياجدي ومين اللي حضرتك بتتكلم عنهم ؟؟
سعد الجوهري :_ حاتم الصياد رفع قضيه ضم لمكه .. وللاسف من حقهم ...
ريهام :_ يعني بيتي هتضيع مني ..
اسد :_ اهدي ياعمتي ، اكيد ف حل مش كده يا تاج ..
تاج بتأكيد :_ طبعا بس الحل الوحيد أنها تبقا متجوزه ، وقتها زوحها هيبقا الواصي عليها ...
سعد الجوهري :_ شكرا يا تاج ..
تاج :_ العفو ، تم خرجت متجه الي مكتبها ...
سعد الجوهري بغموض :_ يلا كلنا ع القصر .. ثم وجه حديثه لفهد .. اتصل ع حسن ينزل مصر النهارده بالليل هو ومهاب ... وانت يا اسد .. اتصل ع ليث ونوح يتحركوا حالا من اسكندريه ...
استغرب كل من فهد وريهام ... ولكن اسد علم مايدور بعقل سعد الجوهري ....
اتجهوا جميعا القصر ونفذ كل منهم ماطلب منه ....
&&&&&&&&&&&&&&&&
مساءا ف قصر الجوهري ...
وصل الجميع ف الموعد ...
كانت عائله الجوهري بأكملها يجلسون معا ...أو هكذا يظنون ...
سعد الجوهري :_ أنا عارف ان كلكم مستغربين أنا ليه جمعت العائله كلها النهارده ... بس انا هتكلم من غير مقدمات ... بكرا كتب كتاب مهاب وجنه & و حمزه و مكه ...
منهم من فرحه بشده ومنهم من حزن .. ولكن كان الاستغراب هو السائد ... لما هذا القرار المفاجئ ...ولكن من الصعب أن يعلم أحد مايدور بعقل سعد الجوهري ...
مكه باندفاع :_ بس انا مش موافقه ......
ريهام بحده :_ يعني ايه ، احنا مش بناخد رايك ، كلمه جدك هتتنفذ ...
مكه :_ يعني هتجوز غصب عني ؟؟؟
حمزه :_ لأ.. مش انا اللي اتجوز بدون موافقتك ... انا كمان مش موافق ياجدي ...
حسن :_ اصبر ياحمزه ، افهم هي مش موافقه ليه ..
حمزه :_ أنا اسف يا بابا ، بس الحكايه دي بالذات مافيهاش صبر .. أنا قولت كلمتي خلاص ...
سعد الجوهري :_ والله ... لا حلو طريقتكم ف الكلام انتو الاتنين ... انا اللي قولته هيتنفذ ، والنقاش ممنوع ...
تبادل نظرات بين الجميع ... حزن حمزه من رفضها الصريح أمام الجميع وربما ماقاله ليرد كرامته ليس أكثر ...
أما عن مهاب و جنه فكانت فرحتهم ممزوجه بالحزن .. مهاب ع أخيه .. وهي ع ابنه عمتها ...
بالنهاية ما قاله سعد الجوهري سينفذ لا محاله ، وخصوصا أنه يعلم أن الإثنان يريد كل منهما الآخر ، ولكن يبدو أن هناك شيء لا يعرفه حدث بينهما ...
&&&&&&&&&&&&&&&&&
مر الليل سريعا ... وسطعت شمس نهار جديد .. ولكن اليوم يحمل صدمه لعائله الجوهري بأكملها ....
مر اليوم سريعا في تجهيزات حفله عقد قران بعض احفاد الجوهري ... كانت عائليه مع حضور لبعض الأصدقاء المقربين للعائله ... تم تجهيز الحديقه بطريقه رائعه جعلتها وكأنها أحدي القاعات الخمس نجوم .... ولكن هل جمال المكان يمحي حزن القلب .. بالتأكيد لا .. الفرحه من القلب تجعل ابسط الاشياء اجمل مايمكن وليس العكس .....
مر النهار سريعا وحل القمر محل الشمس .. لينير عتمه الليل ... تم عقد قران مهاب و جنه اولا .. ثم حمزه و مكه بعدهما .... بارك لهم الجميع .. وبعد مده من الوقت غادر المدعوين ... ماعدا نوح الذي استأذن سعد الجوهري ف التحدث معه ع انفراد تحت نظرات استغراب الجميع و خصوصا اسد و فهد ....
__________
مساءا في الاسكندريه
في عماره المهدي ..
في شقه كريم ...
كان الجميع جالسا بعد تناول العشاء كعادتها اليوميه ...
أردف كريم بهدوء :_ مليكه ..
انتبه لنداءه الجميع
مليكه بابتسامه :_ نعم ..
كريم :_ جاسم اتصل عليا النهارده .. ومعه ليكِ عرض كويس ..
نور باستفسار :_ عرض ايه ؟؟ .. مش جاسم شغال ف الكويت ..
كريم :_ ماهو العرض انها تشتغل دكتوره ف الكويت ..
تمارا :_ بس ماما مش هتسافر ...
مليكه بهدوء :_ اصبري ياتمارا ، اسمعي للآخر ...
تمارا يتذمر :_ يا ماما هصبر للآخر ليه وانا مش موافقه ..
زين :_ يابت خلي عندك صبر ..
تمارا باستنكار :_ سيبتهولك ..
كريم :_ ممكن نسمع بقا ...
انتبه له الجميع مره اخري ...فأكمل بهدوء :_ هتشتغلي ف مستشفي هناك بعقد خمس سنوات وقابل للتجديد ، تمارا كمان هتسافر معاكِ وشغلها متوفر هناك جدا ... فكري وقوليلي رايك ...
تمارا :_ يعني حضرتك ياخالو موافق ع سفرنا ..
كريم بحب :_ ياحبيبتي أنا مش موافق ومش رافض ...
مراد :_ ازاي يا بابا ؟؟؟
كريم :_ يعني أنا اختي جاءلها عرض لازم اعرفها ، وبعد كده القرار ليها ..
تمارا :_ بس انا مش موافقه ..
نور :_ ليه يا تيمو ؟؟؟؟
تمارا :_ انا عايزه افضل معاكم ..
مليكه :_ بس انا موافقه ...
تمارا :_ ليه يا ماما ؟؟
زين :_ خليكِ معنا ياعمتو ..
مليكه بتنهيده :_ تمارا .. أنتِ عارفه كويس القلق اللي انا عايشه فيه ، خوفي عليكِ لو اتاخرتي ١٠ دقائق عن معادك .. حاله الرعب والفزع اللي ببقا فيها لمجرد فكره ان حسن يعرف بوجودك ... انك مش قادره تخرجي برا اسكندريه لنفس الأسباب .... عايزه أخرج من الرعب دا شويه ...
زين :_ يعني ف الكويت مش هيبقى في خوف ؟؟؟
مليكه :_ اكيد ، عيله الجوهري معندهمش شغل ف الكويت ..
تمارا بحده :_ انا زهقت واتخنقت ، مس قادره اتحمل اكتر من كده ... يعني ايه نسيب مصر عشان نهرب يعني ...
كريم :_ اهدي يا تمارا ، وأنتِ قولي رايك ومليكه تقول رايها وفي الاخر نشوف الصالح فين ...
تمارا :_ بس انا اخر كلام عندي مش هسافر ..
مليكه بحده :_ أنتِ كبرتي عليا يا استاذه و بتكسري كلامي !!!!
كريم :_ مليكه اهدي .. ثم وجه حدثه لأبنائه قائلا ... مراد ، زين انزلوا مع تمارا الصاله ...
تمارا :_ ياخالو .....
كريم مقاطعا لها :_ اسمعي الكلام يا تمارا ..... انصاعت لكلام خالها واتجهت إلي الأسفل هي و مراد وزين .....
كريم :_ معلش يا نور هاتي عصير لمليكه ... بالفعل نهضت نور بابتسامه رضا ، فمليكه بالنسبه لها اقرب من الاخت .... بعد ثواني معدوده أحضرت العصير وقدمته لها لكل الحب ....
نور بابتسامه تزين ثغرها :_ اتفضلي يا لوكه وخليها ع ربنا ...
مليكه بحزن :_ ع ربنا طبعا ماليش غيره ..
كريم بحنان اخوي :_ ليه كل الياس دا يا مليكه ؟؟
مليكه بتنهيده :_ شايف تصرفاتها بقت عامله ازاي ، حاسه اني خلاص مش قادره اخليها ف الامان اللي كنت موفره ليها طول الوقت ... لما بحس بكده بحس اني مخنوقه .... خايفه حسن يعرف بوجودها ...
نور :_ صدقيني يا مليكه حسن لو عرف بوجودها هيفرح جدا ..
مليكه :_ انت ماتعرفيش حاجه ...
كريم بهدوء :_ جاهزين نفهم و نسمع ..
مليكه بتنهده طويله تحمل الالم والحزن لما حدث معها من من احبت :_ في أول جوازنا كنت بتعامل اسوء معامله من "حسن" ... كنت مستغربه ليه بيعمل معايا كده بس مش قادره اتكلم ، هتكلم هقول ايه ولمين ؟؟؟ .... فضلت ع الحال دا اكتر من شهرين ومع كده كنت بهتم باولاده كويس جدا ، سبت شغلي واتفرغتلهم وكل دا بعلمه ومع كده بتعامل اسوء معامله .... في يوم قرارت اكلم سعد الجوهري ، قولتله ع كل حاجه ع الرغم أن الكل كان ملاحظ تصرفاته معايا ... قالي حقك عليا هو بيعمل كده عشان أنا أجبرته ع الجواز ، مش الجواز مني لا هو كان رافض الفكره من يوم وفاه مراته الأولي عشان كان بيحبها بجنون ، بس هو اجبره عشان خاطر أولاده .... طلب مني اتحمل واحاول أقرب منه ع قد ماقدر ... فعلا عملت كده حاولت معه كتير لغايه مابقا كويس معايا بس ع شرط أن عمري ما اخلف لانه مش هيقبل بأولاد غير من مراته اللي توفت وهو مكتفي باولاده ...... فضلنا ع الحال دا سنه ونص ، في يوم تعبت اوي وقتها شك أن أنا حامل قلب الدنيا وقالي لو أنتِ فعلا حامل الحمل دا هينزل ، كشفت وعرفت أن مفيش حمل ، بس بعدها طبعا اتغيرت معه تماما ، لكن الاولاد لأ ، كنت بتعامل معاهم ع أنهم اولادي ، حاول معايا كتير عشان نتصالح ، وانا رضيت بالاخير ... بس أهملت برشام منع الحمل من غير علمه لان كان نفسي ابقا ام ..... بعد تلات شهور اكتشفت الحمل .... أكملت بقهر ..... فالايام دي من سوء حظي كان ذكري وفاه مراته ، كانت حالته سيئه جدا بيتعامل معايا بكل برود ، حسيت بكرهه ليا اوي وللاسف ماكنتش اول مره كان كل مره بيتذكر فيها مراته بيعمل معايا كده .... فالوقت دا حسمت أمري وعرفت أن الهروب افضل حل ..... لم تستطيع أن تكمل حديثها بس البكاء ....
كريم بهدوء ماقبل العاصفه :_ ايه اللي كان جابرك ع كده ؟؟؟
مليكه بندم وحزن من حماقتها :_ للاسف كنت غبيه ، كنت مستحمله ده كله تحت مسمى الحب ، ايوه للاسف كنت بحبه ...
كريم بعصبيه شديده :_ هو ده يتحب دا حيوان ،لا وكمان بتخلفي منه ، انا مش فاهم انت كنتِ غبيه كده امتي ؟؟ كنتِ بتفكري بالغباء ازاي ؟؟ وزعلانه من بنتك ازاي .. دا ابسط حقوقها ....
نور :_ اهدي يا كريم ، مش وقته الكلام دا ...
كريم بحده :_ امال أمتي وقته ؟؟؟.... انا كنت عارف انهم متخانقين عشان كده مش عايز يخلف منها عشان تبقى لأولاده وبس ، وعشان كده هي مخبيه حملها ... لكن ما كنتش اعرف كل الكلام اللي هي بتقوله ده ، انا لو اعرف كنت ماكنتش هخلي حملها يكمل اصلا ...
مليكه ببكاء شديد :_ والله عارف ان انا غلطانه وغبيه ، بس كان نفسي ابقا ام من الشخص الوحيد اللي حبيته ... ثم أكملت بقهر ... والنتيجه أن بنتي هي اللي بتدفع التمن ..
تنهد بضيق ثم احتضنها بشده ، لكي يطمينها ويخفف عنها .. يعلم أنه كان قاسيا فيما قال ، ولكن بالنهايه هي أخته الوحيده و يجب عليه أن يكون بجانبها وبجانب ابنتها التي لا ذنب لها ... ولكن ذنبها الوحيد .. اب اناني متهور لا يفكر الا بحاله وام حمقاء جعلت قلبها من يحركها بدون أن يفكر عقلها ولو للحظه .... بالنهاية النتيجه لأن تختلف فها هي موجوده الان .....
كريم وهو يشدد من احتضانها :_ حقك عليا ، أنا اسف ...
مليكه ببكاء :_ أنا اللي اسفه ...
كريم :_ أنا معاكِ ف كل الأحوال و عمر ما حد هيقرب ليكِ ولا لبنتك ...
مليكه :_ ربنا يبارك لنا فيك يا حبيبي ...
نور بمرح :_ اجيب اتنين ليمون ولا ايه ...
مليكه بابتسامه وهب تبتعد عن احضان أخيها :_ أنتِ اللي في القلب يا نور ..
كريم :_ كلكم في قلبي ...
ع الجانب الآخر
ف الصاله الخاصه بمراد و تمارا و زين ....
كانوا جالسين بالمكان المخصص لشاشه العرض ماعدا هي ... كانت تاخد الصاله ذهابا و إيابا مما خلق جو من التوتر ....
زين بتذمر :_ اترزعي بقا ...
تمارا بقرف :_ زين اطلع من دماغي ...
اشار لها مراد ع احد المقاعد و أردف بهدوء :_ اقعدي ياتمارا ...
انصاعت له واتجهت للمقعد وجلست عليه ..
مراد :_ ممكن افهم مالك ؟؟
تمارا :_ تعبان من كل حاجه ...
مراد :_ والآخر ؟ ..
تمارا :_ للاسف الاجابه مش عندي ..
زين :_ امال عندي ...
مراد بحده :_ زين .. مش وقت هزار ..
زين :_ اتكتمت ...
مراد :_ كملي يا تمارا ...
تمارا :_ أنا هرتاح لما حسن الجوهري يعرف بوجودي واقوله كل اللي جوايا من اربع سنين ، من وقت ماعرفت أن هو مش مسافر ...
مراد :_ صدقيني ياتمارا ، مش كل حاجه من وجهك نظرك تبقا صح .. وبكرا افكرك بكلامي ...
تمارا :_ ربنا يعمل اللي فيه الخير .... أنا طالعه انام ... تصبحوا ع خير ..
مراد و زين :_ وأنتِ من أهله ...وصعد كل منهم الي الطابق الخاص به ...
&&&&&&&&&&&&&&&&
ف قصر الجوهري ...
في مكتب سعد الجوهري تحديد ..
سعد الجوهري :_ عامل ايه يا نوح ؟؟
نوح بابتسامه :_ الحمد لله ياسعد بيه ..
سعد الجوهري :_ يابني قولتلك في القصر قولي ياجدي زي اسد وفهد .. ولا انت مش بتعتبرني جدك ..
نوح باحترام :_ لا طبعا أنا ليا الشرف ..
سعد الجوهري :_ ربنا يكرمك يابني ... ثم أكمل متسائلا .. خير كنت عايز تقولي ايه ؟؟
نوح :_ كل خير ان شاء الله ... بصراحه يا جدي لما كنا في اسكندريه عشان المهندسين الجدد ،حصل مشكله بين مهندسه و اسد .......... وقص عليه ماحدث بالكامل و ما طلبه منه اسد ...
سعد الجوهري بغضب :_ وانت طبعا نفذت كلامه مش كده ؟؟؟
نوح :_ لا طبعا ، هو ماخدش باله أن البنت نسيت الcv بتاعها وانا ماقولتش ..
سعد الجوهري بهدوء مره اخري :_ مش فاهم انت عايز تقول ايه ؟؟ اكيد مش بتعرفني اسد عمل ايه !!
نوح بتوتر :_ فعلا ياجدي ... انا رجعت القاهره النهارده الصبح مش امبارح مع ليث ...
سعد الجوهري :_ ليه ؟ ....
نوح :_ كنت بجمع معلومات عن صاحبه الcv ...
ضرب سعد الجوهري المكتب يقبضه يديه واردف بغضب :_ ليه يانوح ؟؟ انت عارف ان اسد الغلطان ، ممكن افهم بتجمع معلومات عنها ليه ؟؟
نوح بتوتر :_ ممكن حضرتك تهدي عشان اعرف حضرتك السبب ..
سعد الجوهري بنفاذ صبر :_ اتفضل ...
نوح مبررا :_ أنا فتحت الcv الخاص بالانسه تمارا امبارح بالصدفه واستغربت من اسمها جدا عشان كده أجلت سفري وخليت ليث يرجع لوحده امبارح ...
سعد الجوهري باستغراب :_ ايه الغريب في اسمها ؟؟؟
نوح :_ تمارا حسن سعد الجوهري ...وصمت بعده ليري رد فعله ...
احتلت الصدمه معالم وجهه وأخذت الأفكار تتوالي ع عقله من يجرا علي ربط اسمه باسم عائله الجوهري .... دقائق مرت وكان الصمت هو سيد الموقف ... الي أن انتشله من أفكاره صوت نوح ...
نوح :_ أنا اسف بس انا جمعت معلومات كامله عنها ...
سعد الجوهري متسائلا :_ اسم والدتها ايه ؟؟
نوح :_ مليكه محمود المهدي ...
صدمه أخري لسعد الجوهري ... هل اختفت لذلك السبب ... تركتهم عندما علمت بحملها واختفت ابنتها كل تلك السنوات ... ولكن لماذا .. يبدو أنه يوجد حلقه مفقوده والاجابه لم تكن إلا عند شخصا واحد إلا وهو "حسن الجوهري"
نوح :_ أنا اسف ياجدي ، كان لازم ارجع لحضرتك الاول ، بس كنت حابب اتاكد من المعلومات قبل ما اتكلم مع حضرتك ..
سعد الجوهري :_ انت عملت الصح يانوح ، شكرا يابني ..
نوح باحترام :_ العفو باجدي ... استأذن أنا ..
سعد الجوهري :_ اتفضل ، ماتتكلمش مع حد في حاجه ..
أردف نوح وهو بترك مقعده :_ حاضر ياجدي .... اتجه إلي الخارج واغلق الباب خلفه ....
اتجه نوح الي القاعه التي يجلس بها الجميع لياخذ زوجته ويتجهوا الي منزلهم ...
نوح :_ السلام عليكم ...
الجميع :_ وعليكم السلام ...
اسد بغموض :_ خير يا نوح ..
نوح :_ كل خير ياكينج ... استاذن أنا ... ثم أشار إلي زينه التي تجلس مع البنات ...واردف :_ يلا يا زينه ..
قامت زينه واتجهت إليه بعدما سلمت ع البنات فهي احبتهم بشده ، احست معهم بشعور لم تشعر به من قبل ..شعور الاخوه والحب ...
فهد :_ مس عايز تقول حاجه يا نوح ؟؟؟
انا اللي هقول مش نوح ... قالها سعد الجوهري ...
نوح :_ استأذن أنا ... السلام عليكم ...
الجميع :_ وعليكم السلام و رحمه الله وبركاته ...
&&&&&&&&&&&&&&&&&
خرج نوح هو و زوجته استقلوا السياره الخاصه به متجهين الي منزلهم .... بعد فتره تقرب من الساعه وصلوا الي الشقه الخاصه بهم ...دلفت زينه ومن خلفها نوح واغلق الباب خلفه ...
زينه بتساؤل :_ عايز مني حاجه ؟؟
نوح :_ ليه السؤال ؟؟
زينه :_ عشان هصلي قيام الليل وهنام ...
أردف وهو يجذبها لاحدي المقاعد ويجلس بجانبها:_ لا مفيش نوم أنا عايز اتكلم معاكِ ...
زينه :_ اتفضل أنا سمعاك ...
نوح بندم حقيقي :_ اولا : انا اسف على كل كلمه ضايقتك بها ، اسف على كل يوم بكيتي فيه بسببي ، اسف على كل تصرفاتي الغلط اللي كنت بعملها معكِ .... ومع كده انا عارف ان الاسف مش كفايه
...... كادت أن تتحدث ولكن منعها .... اخلص كلامي الاول وبعدها هسمعك للآخر .... اطلبي اللي انت عايزاه واللي يعوضك عن اللي فات وانا عليا التنفيذ .... اوعدك انك تبقى على طول مبسوطه معايا ... انت حقيقي كتيره اوي اوي عليا .... كنت غبي في تصرفاتي معكِ بس الحمد لله لحقت نفسي قبل ما اخسر احن واطيب قلب ممكن اقابله في حياتي .... حقيقي أنتِ كنز ..... واخر حاجه عايزه اعرف رايك في كل كلامي ....
زينه بهدوء :_ ممكن اعرف ايه السبب ؟؟
نوح :_ سبب ايه ؟؟
زينه :_ ليه كنت بتعمل معايا كده ؟؟
نوح :_ مش ضروري تعرفي السبب بس خليك متاكده انك اكيد ما لكش ذنب ف اي حاجه ... بس تقدري تقولي غباء .....
زينه لا رد ...
نوح :_ قولتي ايه ؟؟
زينه بابتسامه :_ موافقه ع فرصه تانيه معاك ، وان شاء الله تبقا افضل ..
نوح بفرحه عارمه :_ مبدئيا نتعامل مع بعض فتره على اننا مخطوبين عشان احنا اتجوزنا ع طول ، أنتِ تشوفي نوح الطيب اللي بيحب من قلبه ، مش القاسي اللي عرفتيه ، وانا اتعرف عليكِ اكتر بتحبي ايه ،ايه بيزعلك ...
زينه بابتسامه :_ موافقه ...
جذبها نوح الي أحضانه بفرحه كبيره ...احمرت وجنتيها بشده من الخجل ....
نوح ضاحكا :_ في ايه ؟؟ أنا جوزك ع فكره ...
زينه بخجل :_ مش قولت مخطوبين ، ازاي يحصل كده ...
نوح ضاحكا مره اخري حتي أدمعت عيناه :_ لا مش للدرجه دي ، وبعدين دا حضن بري ..
احمرت وجنتيها أكثر واردفت بارتباك ممزوج بالخجل :_ تصبح ع خير ...
نوح :_ ع فين ؟؟
زينه :_ اكيد ع اوضتي ...
أردف نوح وهو يجذبها من يدها الي الغرفه الخاصه به :_ أنتِ مصدقتي ... احنا مخطوبين بس بنكهة متجوزين و هنام في اوضه واحده ....
زينه ضاحكه ولاول مره يستمع لصوت ضحكتها العذبه :_ انت مجنون ..
نوح :_براحتك ع الآخر ....
&&&&&&&&&&&&&&
في قصر الجوهري ...
يجلس الجميع ف قاعه القصر ...
اردف سعد الجوهري بهدوء ولكن هدوء ماقبل العاصفه :_ طبعا الكل مستغرب نوح كان بيتكلم معايا في ايه ....
تبادل نظرات بين الجميع .. وهمسات بين البعض الآخر ...
محمد :_ خير يا بابا ...
سعد الجوهري :_ لا مش خير ابدا ، لما نتصرف بغباء و انانيه ، يبقا مش خير ...
فهد هامسا لاسد :_ الزفت شكله عك الدنيا ..
سعد الجوهري بحده :_ فهههههد ..
فهد :_ اسف ياجدي ..
حسن :_ ممكن نعرف حضرتك بتتكلم عن مين ؟؟ وعن ايه ؟؟
سعد الجوهري :_ فاكرين مليكه ؟؟؟
نظرات استغراب متبادله بين الجميع ، لما تذكرها الان وما علاقه حواره مع نوح بزوجه حسن السابقه ....
ريهام :_ ايه اللي فكر حضرتك بيها ؟؟
سعد الجوهري بغموض :_ الواحد مننا لما بيغلط ، الغلط بيلاحقه ...
وليد باستفسار :_ ممكن توضح كلامك يابابا ...
سعد الجوهري بحده :_ تفتكر مراتك طلبت الطلاق واختفت ليه يا حسن ؟؟؟
حسن بهدوء :_ أنا عارف كويس اوي أن كنت قاسي جدا معها ، حاولت اتغير كتير بس كنت بفشل ... بس طلبت الطلاق ليه واختفت ماعنديش علم ... الاجابه عندها هي ...
حمزه بحزن :_ عن اذنكم ، أنا محتاج ارتاح ومش حابب اسمع حاجه تخص الست دي ...
سعد الجوهري :_ مكانك ياحمزه ...
حمزه :_ يا جدي ...
قولت مكانك .. أردف بها سعد الجوهري ...
انصاع حمزه لكلمه جده ....
حسن :_ ممكن نعرف السبب اللي فكر حضرتك بمليكه ؟؟
سعد الجوهري :_ انت كنت مانع مراتك من الخلفه ؟؟
حسن بندم :_ ايوه ..و هددتها لو حملت هتنزل الجنين ....
سعد الجوهري بحده :_ ليه يابن الجوهري ؟؟؟؟ مين عطاك الحق في كده ؟؟
حسن :_ حضرتك أجبرتني ع الجواز منها .. مشكلتي مش معها لكن مع الفكره نفسها ... كنت بحب مراتي ومازالت بحبها و ومكنتش قابل وجود ست غيرها بحياتي ... ندمان ع اللي عملته مع مليكه ،عشان هي مالهاش اي ذنب ، لكن أنا كمان كان غصب عني .....
سعد الجوهري :_ لو مليكه فهمت وسمحت ..... تفتكر بنتك هتسامحك في يوم من الايام ....
دلو ثلج وقع على الجميع ....
حسن بصدمه وعدم فهم :_ بنت مين ؟؟
سعد الجوهري بحده وعصبيه شديده :_ بنتك اللي عاشت ٢٣ سنه يتيمه وأبوها عايش ... بنتك اللي مليكه هربت لما عرفت انها حامل فيها ...
عشان خايفه عليها وعلي نفسها منك ، خايفه من اكتر شخص من المفترض يخاف عليها يكون الامان و الماؤي ليها ولبنتها ..... بنتك اللي اكيد عارفه أن ابوها حكم عليها بالموت قبل ما تشوف النور وحكم علي امها بالهروب .... عرفت بنت مين ....
صدمات متتاليه للجميع ...
عجز عن النطق ،لم تسعفه حالته علي أن يتفواه باي كلمه .... يعلم جيدا مدي قسوته معها ، وخطأه الكبير بحقها .. نادم ع ما ارتكبه في حقها ولكن كان قلبه الحزين علي زوجته الراحله بل معشوقته الراحله هو من يملك زمام الأمور ... هو من جعله يتعامل بقسوه وجبروت معها ..... ولكن أيعقل هذا ... القلب الذي أحب لتلك الدرجه يتحول لقلب لايعرف طريقه الرحمه بل طريقه الوحيده القسوه والجبروت ..... يعلم أنه مخطئ ولكن شعر بأن عقاب الله له شديد .... يحرم من أكثر شئ كان دائما في طلبه من الله .... كان يتمني دائما أن يكون له ابنه ... أعطاها الله له ولكن لتكون أشد عقاب في حياته ....
سعد الجوهري :_ هتفضل ساكت كتير ...
حسن بتوهان :_ عرفت بوجودها ازاي وامتي ؟؟
سعد الجوهري وهو ينظر لاسد :_ عرفت حالا ومن نوح ...
فهد باهتمام :_ نوح وصلها ازاي ؟؟
سعد الجوهري بغموض :_ مهندسه قدمت في شركه الملك ... ثم أكمل بحده ... اللي حضرتك يا اسد بيه اتهمتها أنها جاي ملهي ليلي ...
صدمه أخري حلت ع الجميع ...
حسن :_ ازاي يعني ...
أسد بثبات :_ كان طبيعي تسمع مني كده لما لبسها يبقا مش مناسب ...
سعد الجوهري :_ مش وقته يا اسد ، ومش إحنا اللي نحاسب الناس على لبسهم ... انا ليا كلام معاك ...ثم أكمل متسائلا ... ناوي ع ايه ياحسن ؟؟
حسن :_ هسافرلها حالا ...
حمزه و مهاب :_ وانا مع حضرتك ...
سعد الجوهري :_ وانت يا فهد ..
فهد :_ لا يا جدي أنا مش هسافر معاكم ... خليني أنا ف الآخر ويفضل أن حمزه و مهاب كمان يأجلوا سفرهم ...
حمزه :_ ليه يافهد ؟؟ أنا هسافر ....
فهد بتوضيح :_ انتو متخيلين أنها اول هتشوفكم هتاخدكم بالاحضان ... اكيد مش هتقبل وجودكم ، وممكن توجه كلام يضايق لبابا ووقتها انتو ممكن تنفعلوا عليها، وكده اكبر غلط ...
محمد :_ أنا مع فهد في كلامه ...
مهاب :_ هنسافر نشوفها بس مش هنتكلم في أي حاجه ....
سعد الجوهري :_ بكرا الصبح هنسافر ... ثم وجه حديثه لحسن الغارق في همومه ... حسابك معايا بس مش وقته .... وتركهم وصعد إلي غرفته.....