رواية بديلة لزوجتي
بقلم رقية ياقوت
الفصل الثالث
أدهم : أنا قررت أتجوز
حلت الصدمة على أوجه الجميع عدا تلك الطفلة التى صاحت بسعادة
جنى : بجد يا بابى
أدهم : بجد يا جوجو
أما آدم فلم يجد ما يقوله فتحرك ليصعد لغرفته ولكن أوقفه حديث والده الموجه إليه
أدهم : اقعد مكانك
ظهرت علامات الغضب جليا على محياه
آدم بصوت مرتفع نسبيا : احنا مش محتاجين واحدة تانيه تشاركنا فيك واستحاله هتعوضنا عن ماما .
أدهم : وطي صوتك وخد بالك انت بتتكلم مع ابوك
أحست سما بتأزم الوضع فقالت
سما : ممكن تهدى يا ادهم هو مايقصدش
أدهم وقد تجهم وجهه : انا قولت ال عندى ودا هيتنفذ
ترك آدم المكان وركض الى غرفته بالاعلى أما جنى فكانت تشعر بسعادة عارمة فهى ستحظى ب أم لطالما تمنتها
هتفت والدته : أى الغير رأيك كدا فجأة لسا من يوم كنا بنتخانق ع الموضوع دا
أدهم وهو يتهرب من عينى والدته : ععادى
والدته : هو أى ال عادى !!
ادهم : عادى يا ماما بنفذلك رغبتك
أحست والدته بعدم الطمأنينة فى كلامه وأن هناك ما يخفيه فلم ترد الضغط عليه أكثر من ذلك فقالت : ربنا يقدملك الخير يا ابنى ، راضى ابنك بكلمتين كدا
أدهم : هشوف
ثم ترك الڤيلا وغادر لمقر عمله ...
..................
نور : سيلااااااااااا
سيلا : ايييييه نهاية العالم فى حد يصحى كدا
نور : الشغل ... ، و المز ال حكتيلى عنه باين عليه تنك وهيرفدك لو اتأخرتى
سيلا وقد وقفت بسرعة : الساعة كام يا نور بسرعاااا
نور لنفسها : ياربى هو انا خلفتها ونسيتها !!؟
سيلا : هدخل آخد شور ظبطى أوت فيت على ذوقك
نور : انتى بتستغلى انى مصممة أزياء صح اعترفى !!؟
سيلا وهى تلج الى الحمام : يلااااا يا نووور
نور : حاااااضر
أنهت سيلا حمامها و ارتدت بنطالا من الجينز الاسود وهايكول وجاكيت من نفس الون هى حقا تعشق الأسود وهو لا يليق سوى بها
صففت شعرها على شكل ما يسمونه ب ال (كحكة ) بشكل عشوائى و ارتدت نظارتها الطبيه ذات العدسات الدائريه .. فكانت جذابة بحق
سيلا وهى تقف امام صديقتها : أى يا نور
نور وقد اطلقت صفيرا مزعجا يعبر عن مدى اعجابها : مزة المزاميز
سيلا : دا عشان انتى ال مختارة بس
نور : أكيد يا بنتى
حدجتها سيلا بنظرات مستنكرة ما قالته ثم قالت : طب يلا عشان توصلينى بعربيتك
نور : يلا يا ستى
..................
وأخيرا وصلت السيارة الى الشركة
سيلا وهى تترجل من السيارة : هشوفك ع العشا ما تتأخريش فى الشغل
نور : اوك خلى بالك من نفسك
سيلا : وانتى كمان يلا سلام
ولجت سيلا الى المكتب و هى متأخرة قرابة الربع ساعة
ظنت ان احدا لن يلاحظ فهى جديدة هنا ولكنها تفاجأت بالسكرتيرة تعلمها ان مدير الشركة ينتظرها منذ مدة
شعرت بالتوتر فاخذت نفسا عميقا ثم تبعتها لغرفة مديرها
فتحت باب المكتب بعد إذنه بدخولها
سيلا : حضرتك طلبتنى
أدهم : واضح إن من أولها تأخير
سيلا : معلش مش هتتكرر
أدهم : ياريت .. دلوقتى هتروحى مع نادين عشان تتدربى ع الشغل وهى هتفهمك كل حاجة
اهم حاجة عندى الانضباط و الشغل يبقا على أعلى كفائة تمام ؟
سيلا : تمام ، عن اذنك
أدهم : اتفضلى
خرجت بعد أن جاهدت ل تضبط انفاسها فى حضرته
باتت تؤلمها معدتها وهى بجانبه ربما تشعر بالإعجاب بشخصيته هكذا أقنعت نفسها
نادين بسخريه : انتى المتدربة الجديدة !!؟
سيلا ولم تلقى بالا لسخريتها : أيوة أنا و اسمى ..
نادين مقاطعة لها : يلا نبتدى
نفخت سيلا وأخذت نفسا وأخرجته بهدوؤ لتحكم من زمام غضبها
سيلا : اوكى
كان استيعابها كبير لما تشرحه نادين وفهمته بسرعة لذا ستستلم مكتبها الخاص بعد يومين اذا تمكنت من تجاوز إختبار المتدربين الجدد .
.......................................
كان أدهم منكبا على عمله حينما فتح باب مكتبه بقوة
تابع عمله وهو يقول : مش طايق نفسك ليه
معاذ : فى واحدة غبية وهى بتطلع بعربيتها من قدام الشركة خبطت عربيتى وبكل برود بتقولى سورى انت ال غلطان
أدهم : مين دى !!
معاذ : وأنا أى ال عرفنى دى بجحة ... العربية اتدغدغت وبتقولى غلطتك !!!
لو شوفتها تانى هقرأ على روحها الفاتحه
انفجر ادهم من الضحك وقال : البت عملت فيك حاجة كان نفسى أعملها من زمان
معاذ : المهم سيبك منى فين الوتكة ال هتتجوزها
حدجه بنظرة حادة وقال : بديل
معاذ : قصدك أى ؟
أدهم بنظرات غامضة : هى مجرد بديل لحاجة فقدتها فعايز تعويض فيها فاهمنى ؟
معاذ : أدهم انت ناوى على أى
أدهم : ......