رواية طفلة العاصم
الفصل الثالث والثلاثون
فهد : مش عايز شكرا عايزك توافقى على طلبى
ندى لسه هتتكلم قطعها صوت مكالمة من تليفون فهد
فهد : ده المحامى هشوف هيقول ايه
المحامى: احمد اخد براءة لعدم كفاية الادلة و بنسبة لموضوع
الأستاذة ندى فهو بيقول ممكن يتجوزوا و الموضوع يتلم
بدل القضايا و الفضيحة و انا وقفت الإجراءات لحد ما تاخد رايها
فهد: نعععععععععععم مستحيل انت بتقول ايه انت شارب حاجة يا جدع انت متوقفش حاجة فاهم
ندى : فى ايه يا فهد
فهد حكلها اللى قاله المحامى
ندى : انت ليه عملت كده
فهد : عملت ايه
ندى : المفروض تاخد رأيى
فهد : و انتى ان شاء الله عندك رأى تانى
ندى : لو رفعت القضية هتفضح يا فهد و هو خرج دلوقتى من
قضية حور زى ما انت شايف و ممكن يخرج من القضية ديه برده وقتها مش هستفيد حاجة
فهد : انتى عايزة تتنزلى عن حقك و تسكتى ولا عايزة ايه بالضبط
ندى بعياط : معرفش ارجوك سبنى فى حالى
فهد : انا معاكى مش هسيبك يا ندى خليكى قوية اكتر من كده شوية
ندى : انت ليه بتعمل كل ده ليه
فهد : قولتلك السبب قبل كده و هرجع اقوله ليكى تانى انا بحبك يا ندى و عايز اقضى الباقى من عمرى معاكى
ندى : لو سمحت انا عايزة افكر فى اللى هيحصل الفترة الجاية فى حياتى و هعمل ايه فى اللى جاى
فهد : انتى بتفكري فى عرض احمد ولا ايه
ندى : ......
فهد: ردى
ندى : محتاجة افكر
فهد بضيق : ماشى يا ندى انتى حرة انا مش هتعرضلك تانى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
عند حور دخلت المطبخ تعيط من ان عاصم بيكلم كارما و مخبى عليها
عاصم دخل المطبخ و هى مدياله ضهرها
عاصم : انا هخرج شوية مشوار شغل مهم و خرج بسرعة
حور لبست بسرعة و نزلت وراه و ركبت تاكسى فضل ماشى وراه لحد ما وصل لمستشفى
دخلت لقيت ندى و ثريا وكارما واقفين
ثريا: انتى ايه اللى جابك هنا يا وش الفقر انتى
حور: فين عاصم
ندى : عاصم جوه فى العمليات
حور : مين المتبرع
ندى : حد جابته مدام كارما
حور : و عاصم ازاى معرفنيش
ندى : مكنش عايز يقلق عليه
حور افتكرت الصبح لما اتخنقوا و ندمت
و بعدين ٣ ساعات و عاصم فى العمليات
الممرضة خرجت بسرعة
ندى : فى ايه
الممرضة : ضغط الحالة وقع فجأة و قلبه وقف