رواية غرام الاسد كامله جميع الفصول بقلم شروق محمد

  

 رواية زهره من الصعيد

         الفصل الثالث عشر

زهره من الصعيد🌺

بقلمي رحاب مصطفي 💞

. بعد محاولت خطف زهره وقتلها. ولحقها ايهاب عند اخر لحظه وروحها البيت 

 وكانو كلهم مستنينهم واقفين قلقنين عليهم لان عمار كلم والد ايهاب وعرفو كل اللي حصل،  وكمال كان قلقان جدا خصوص بعد ما اتصل علي ايهاب اكتر من مره وايهاب مكنش بيرد لانو مكنش واخد باله ان التليفون بيرن

كمال / وهو بيجري عليهم اول ما دخله،  خير ياولاد انتم كويسين،  زهره انتي كويسه يابنتي واخذ يتفحصها

في اللحظه دي زهره جريت علي حضن عمها تستخبه جواه زي الطفله اللي خايفه من عقاب بباها وهي بتبكي وبتشهق جامد،  دخل ايهاب وعيون حمره زي الدم من الغضب،  كمال وهو بيهدي زهره وبيطبطب عليه

 وبيوجه كلامه لاايهاب،  حصل ايه يا ايهاب

ايهاب / بزعيق وعصبيه ، اسأل بنت اخوك المصون،  اسأل الهانم اللي مش هممه حد ولا هممها كلامي ولا خوفي عليها كل اللي يهمها نفسها وبس وانها تعند بس مجرد العند للعند وبس، الهانم اللي انا مش عارف هي بتعمل كده ليه بتعندي للعند وبس ليه بتقصدي ايه من كده،  وهو بيقترب منها ، وهي بتزداد تشبس بعمها وبتستخبه جواه اكتر وبتداري وشها جو حضنه زي الطفله،  وايهاب مكمل بعصبيه،  ياستي انا مش هضرك انا بقلك في خطر عليكي المفروض يااستاذه ياعاقله تسمعيني وتعرفي في ايه مش تسهيني وتمشي،  عجبك اللي حصل ده انتي متخيله الناس دي كانت عايزه تعمل فيكي ايه

وتزكر لمسات ايد الراجل علي جسمها،  وفضل ايهاب يمسح بايده علي شعره ووشه علشان يهدا،  كنتييي،  وسكت عن الكلام لما شاف ضعفها وانها اول مره يتخانقو ومتردش عليه زي كل مره يتخانقه فيها،  خاف يضعف وياخدها في حضنه لما شافها ضعيفه كده ومتعلقه في حضن عمها بتبكي وبس

امه عليا / وهي بتقرب منه،  اهدا يا ايهاب حصل خير المهم انكم كويسين،  وعليا مخدتش بالها من الجرح اللي في ايده لانو كان لافه بمنديل كتير،  وايهاب بكل خنقه وعصبيه مشي من قدامهم وطلع علي اوضته، 

 وقربت عليا من زهره وهم بيحاول يهدوها هي وعمها،  خلاص يازهره حصل خير يا بنتي

كمال / وهو بيطبط عليها كفايه عياط يابنتي واهدي يابابا

زهره / بعياط وشهقات انا انا مكنش قصدي انا انا 

كمال / خلاص يابنتي المهم انكم بخير وكويسين وايهاب شويه وهيهدا

عليا / اهدي ياحبيتي واطلعيلو صالحيه وهو هيهدا

كمال / خلاص يازهره شويه كده واطلعيله. هيكون هدي

شويه كده هديت وبطلت عياط وطلعت عند ايهاب في اوضته،  في اللحظه دي كان ايهاب بيعالج جرح ايده وبيلفها بقطنه وشاش،  خبتط زهره علي الباب،  وايهاب اتكلم بصوت عالي وزعيق ،انا مش عااايز حد 

ارتبكت زهره واتخضت من صوته العالي لكن ما مشيتش وخبتط تاني،  رد ايهاب وهو بيفتح الباب قلت مش عااااايز حـــ وسكت لما شافها قدامه وكانت بتفرك في ايديها ووشها كله احمر من كتر العياط وشفيفها بتترعش ودموعها بتنزل،  بصلها ودور وشه وادها ضهره وقلها، عايزه ايه،  وبيحاول ميتأثرش بشكلها اللي كان واضح جدا من صوته انو تأثر بيها علشان كده دور وادها ضهره علشان ميبصلهاش

زهره / برعشه في صوتها اثار البكا ااانا انا انا اسفه مكنش قصدي،  اني يحصل كده وكلامها كان غير مرتب من كتر رعشت صوتها

بصلها ايهاب وهو غير متوقع اعتذارها،  لان زهره من المستحيل انها تعتزر لحد حتي لو كانت غلطانه 

زهره / وهي تنظر للارض وبتحاول تداري دموعها  انااااانا اسفه انا مش عيزاك تزعل مني انا، لكن زهره لم تكمل كلامها لان ايهاب فاجئها وهو بيحضن شفايفها بشفايفه وبيقبلها. بعنف،  كأنو كان عايز يطمن نفسه انها معاه وملكه كأنو عايز يقلها انتي ليا انا وبتعتي انا وملكي انا واللي يستجري انو يلمسك يكون مصيره الموت،  وفضل يقبلها

 اكتر واكتر،  مره بعنف لحد ماهدي واتحولت القبله لشغف وعشق،  وهي من زهولها مبقتش عارفه تعمل ايه لا عارفه تصده ولا قادره تبادله لكن فضلت سابته في مكانها مستسلمه لقبلاته اللي مره عنيفه ومره رقيقه،  ولمسات ايديه مره علي خدها ومره علي شعرها علشان يعرف يسبتها اكتر ويعمق قبلاته اكتر،  بعد عنها لما حس انها محتاجه تتنفس ولاكسجين خلص وهو قريب منها،  وبيهمس بالقرب من شفايفها ، انا اللي اسف،  اسف علشان عليت صوتي عليكي،  اسف اني السبب في الدموع دي ، اسف وبيقولها وهو بيوزع قبلاته علي شفايفها برقه زي رفرفت الفراشات مابين كل كلمه والتانيه،  وهو بيقرب منها اكتر،  انا بحبك بحبك اوي يا زهره،  ويعمق في قبلاته اكثر فاكثر

زهره وهي حاسه انها في عالم تاني خالص وهي تشعر بلمسات شفايفه علي شفيفها ورجليها كأنها لم تلامس الارض وحاسه بدغدغه في معدتها،  وهو يقول مابين قبلاته بحبك وكأنو لم يرتوي من شهد شفتيها،  وبهمس تجيبه هي وانا كمان ، توقف عن تقبيلاها واخذ ينظر لها بعشق واضح، 

 وبيهمس،  انتي كمان ايه

زهره / برعشه من اثار مشاعرها،  وانا كمان بحبك بحبك قوي،  احتضنها ايهاب جامد كانو عايز يخفيها داخل احاضانه ولم يفق الا علي صوت  خبط الباب ، واذا بالخادمه تخبره ان كمال بيه عايزكم تحت،  اخذ ايهاب يعدل من شعرها المشعس من اثر لمسات ايده عليها وهو ينظر في عيونها ويحاول ان يخرج الكلمات بصعوبه من اثار مشاعره وبصوت به بحه مشاعر يله نشوف بابا عايز ايه

زهره وهي في عالم تاني خالص واصلا محستش بالخدامه لما جات ومشيت،  اخذ ايهاب يخبط علي خدودها بالراحه

زهره / ها وهي بتوهان ها

قرب منها ايهاب وقبلها تاني بكل مشاعر مليانه حب وكانت زهره بتستجيب معاه لدرجت انو مكنش قاد يتمالك نفسه اكتر من كده.  فابعد عنها بالراحه وهي خرج صوت انين منها اول مابعد عنها،  قربها لحضنه اكتر وقلها صدقيني انا كمان مش عايز ابعد عنك بس غصبن عني ،

 يله بقا  نشوف باب عايز ايه ومسكها من ايديها وخرج من الاوضه ووقفت زهره،  لحظه اسبقني انته وانا هحصلك

ايهاب / متغيبيش علشان عايزك في موضوع مهم جدا

ونزل ايهاب لوالده المكتب وقعد يتكلم معاه كتير. وبعد مصارحة زهره لايهاب بحبها ليه قرر انو يتجوزها في اقرب وقت،  ووالده وافقه جدا بس كان مستني موافقة زهره

في اللحظه دي كانت زهره في اوضتها بتحاول تستجمع مشاعرها بعد اللي حصل بنها وبين ايهاب ومصراحتهم الصريحه لحبهم لبعض وهي بتحس بضربات سريعه جدا لقلبها اللي بتحاول تهديه وهو مش عايز يهدا ابدا وعلي قد ما هي كانت مبسوطه من قربها لايهاب بالشكل ده علي قد ماكنت زعلانه انها استسلمت لمشاعرها كده وحمدت ربنا ان ايهاب فوقها والا مكنتش عارفه ايه اللي كان ممكن يحصل،  وكانت بتأنب نفسها جامد وخدت عهد علي نفسها انها متستسلمش ليه ولمشاعرها تاني مهم حصل،

ونزلت زهره عندهم المكتب

كمال / اقعدي يازهره واسمعيني كويس

قعدت زهره هلي الكرسي اللي في وش ايهاب 

زهره / خير ياعمي

كمال / بصي يابنتي اول حاجه انا طالبها منك انك تسيبي الشغل ده وتيجي تشتغلي عندي في الشركه وتمسكي الشؤن القانونيه

زهره / بس ياعمي حضرتك عارف انا بحب شغلي ده قد ايه واناااا

قاطعها ايهاب / وانا معنديش استعداد اني استغنا عنك ، زهره انتي لو كان حصلك حاجه النهارده لاقدر الله انا كان ممكن اروح فيها،  انا بحمد ربنا اني جيت في الوقت المناسب

زهره / وهي مرتبكه جدا من كلامه خصوصآ قدام عمها وهي بتبص لعمها شويه ولا ايهاب شويه، ، بس انا مبفهمش في شغل الشريكات

كمال / من النحيه دي اتطمني. ، انتي شاطره جدا وبتتعلمي بسرعه،  خلاص يابنتي

زهره / وهي بتبص لايهاب ولعمها،  خلاص ياعمو اللي تشوفه حضرتك

كمال / تمام يابنتي،  ده بقا بخصوص الموضوع الاول،  الحاجه التانيه بقا،  مقولتليش رئيك ايه

زهره / بخصوص ايه ياعمي

اتكلم هنا ايهاب وهو بيمسك ايديها بين ايديه ، بخصوصنا انا وانتي،  زهره انا عايز اتجوزك قلتي ايه موافقه تتجوزيني يابنت عمي 

كمال / بمرح طيب انا كده بقا مليش لازمه ، ايه الاستعجال اللي انته فيه ده ، مش المفروض انا اللي اتكلم

ايهاب / ااانا اسف يابابا بس

كمال / خلاص متفتحش بوقك، ، ها يازهره ايه رئيك يابنتي،  وقبل ماتتكلمي ولا تقولي رئيك انتي مش مجبوره يابنتي يعني لو مش عايزه مفيش حد هيقدر يغصبك

ايهاب / مش عايزه ايه مين قال انها مش عايزه

كمال / اخرص انته ، ها يابنتي ايه رئيك

زهره،  بخجل وهي بتبص للارض،  اللي تشوفه حضرتك ياعمي

كمال / لا انا احب اسمعها منك صريحه يابنتي،  ها موافقه ولا لاء

زهره / وهي بتهز راسه علامه منها انها موافقه، ، موافقه ياعمي

ايهاب / وهو بيغمض عينه ويفتحها وبياخد نفس عميق يااااااه رديتي فيا الروح،  ،وبيبص علي والده كده يبق الفرح الخميس اللي اي تمام

كمال / ليه هو سلق بيض

زهره / لاء طبعن فرح ايه اللي الخميس اللي جاي الخميس اللي هو بعد بكره،  لا لا لا طبعن

ايهاب / لا ليه

كمال / في حاجه اسمها تجهيزات ياغبي

ايهاب / متقلقش انا هجهز كل حاجه

زهره / لا طبعن انا مش هلحق وبعدين لازم نعيش فترت خطوبه،  انااا انااا نفسي اعيش المرحله دي

ايهاب / طيب اهوه قدامك تلات ايام تعيشي فيها فترت الخطوبه

كمال / انته بتهزر ، لا طبعن احنا هنعمل خطوبه السبوع اللي جاي والفرح بعدها بشهرين، ، كويس كده يازهره

زهره / لا ياعمو شهرين قليل جدا،  انا عايزه علي الاقل خمسه او ست شهور

ايهاب / نعم ياختي وانا هصبر الخمس ست شهور دول ازاي لا طبعن استحاله انا لو طولت اتجوزك دلوقتي حالا

كمال / بطل قلت ادب واحترم نفسك بدل ما اخليها سنه

ايهاب بيبرق من الخضه وبيحط ايده علي بقوه بمعنا انو سكت،  

كمال / بصي يازهره يابنتي انا من رئي تبق تلات شهور كويسه  جدا والاسبوع الجي تبق خطوبه وكتب كتاب. ، حكم انا مضمنش الكلب ده 

ايهاب وبيشاور بصباعه وبيعمل شكل اللايك بدون كلام 

زهره / بس انا كده مش هلحق ياعمي

ايهاب / مش هتلحقي ايه اموت واعرف انتو يابنات بتفكرو في ايه.  ،،،

وبعد اسبوع، ، عملين حفله كبيره في الجنينه وكانت زهره لابسه فستان بينك واسع زي فستان سندريلا وكان جميله جدا بالميكب رغم انو كان رقيق جدا

كتب الكتاب والكل كان فرحان وبيزغرطو

خد ايهاب زهره وبيرقصو سلوه،  وايهاب عينه منزلتش من عليها،   وهو بينفح وبيرسم العصبيه،  عاجبك. كده

زهره / في ايه مالك

ايهاب / مالي ايه بس كان فيها ايه لو كانت دخلتنا النهارده. انا مش عارف هستحمل ازاي تلات شهور، ،تلات شهور يامفتريه حرام عليكي

زهره / وخدودها بتحمر من الخجل ومن كلامه 😳 وبعدين بقا اقعد ساكت

ايهاب / مش قادر حرام عليكي هتجنن. ،راح مسكها من ايديها وخدها وراح في حتي بعيده عن الزحمه والناس،  واخدها في حضنه جااامد وهو بيتنفس ريحتها،  وبيقرب وبيوشوشها،  مش قادر اشوف الجمال ده واصبر مش قادر امنع نفسي عنك،  وبيمشي

 ايديه الاتنين  علي خدودها وبيقرب وشها منه ، علشان بحبك هصبر واستحمل المهم انك في الاخر هتكوني ليه انا وبس،  بس ده مايمنعش اني اخد تصبيره صغيره،  وبيحضن شفايفها بشفايفوه  بشغف وبيرتوي من رحيق شفايفها ، وهي بتبادله العشق وتاهوه مع بعض ونسيو الدنيا والناس ، وهو بيحضنها جامد ومش قادر يبعد عنها وفصل شفايفها من شفايفها لما حس انهم محتجين للاكسجين، وسند

 بجابهته علي جبهتها وصوت فيها بحه من اثر مشاعرهم وبيتكلم بوشوشه ،  حرام عليكي انا عمري ماشفت كده مش عارف اشبع من شفايفك كل ما المسهم احس اني عايز اكتر واكتر واكتر وبيشرب من شهد شفايفها تاني وتاني،  وهي تايها معاه 

وبالعافيه قدر يبعد عنها لما رن تليفونه في جيبه، وطلعه علشان يرد لقا والده بيتصل،  بياخد نفس عميق علشان يستجمع صوته ومشاعره،  ايوه يابابا احنا موجودين اهوه

 جاين حاضر،  زهره لا الدنيا والارض سيعاها،  مش متخيله ان حبيب عمرها معاها وبيحضنها مش متخيله ان اللي كانت بتحلم بيه من وهي طفله صغيره معاها دلوقتي حاسه كأنها في حلم،  مش مصدقه ان ايهاب اللي كان رافض حتي يشوفها شايل جواه كل مشاعر الحب دي كلها ليها

ايهاب ماسك ايدها وبيقلها يله، ويدوبك بيمشي خطوه لقها واقفه في مكانها مش بتتحرك،  لف ليها وقلها واقفه ليه يله،  هنا زهره ارتمت في حضنه وحضنته جامد وهي بتقوله،  انا بحبك قوي يا ايهاب وبعشق كل

 تفصيلك،  انته حبيبي وعمري وجوزي كمان

ايهاب/ زهره بلاش الكلام ده علشان انا ماسك نفسي بالعافيه

وبيبوسها تاني وبيعمق في البوسه اكتر واكتر،  خلاص يازهره بجد مش قادر،  ومسكها من ايديها وروح يشوف بباه

كمال / ايه كنتم فين كل ده وهو بيبص لوش ايهاب اللي كان مليان روج من زهره ، وزهره لاحظت مكان ما عمها بيبص واتفجأت بأثر الروج لانهم كانو في الضلمه ومكنش باين حاجه

ايهاب / وهو بيحمحم مفيش بس زهره كانت عطشانه وعايزه تشرب ورحت جبتلها ميه

كمال / وهو بيخرج منديل من جيبه طيب خد امسح اثار الميه اللي علي وشك

زهره اتكسفت جدا وقالت اااانا هشوف هبه كانت بتنادي عليه

ومشيت وسابتهم

ايهاب / وهو بياخد المنديل وبيقول اثار مية ايه ، قام خد ابوه المنديل من ايده  وبيمسح علي شفايفه وبيطلع المنديل مليان روج ،، ايهاب برق واتخض،  كمال قله ابق خد بالك وحافظ علي بنت عمك

ايهاب / منا قلتلكو نتجوز بالمره لكن انتو بقا اللي صممتو استحملو بقا 

   

            الفصل الرابع والعشرون من هنا

لقراة باقي الفصول اضغط هنا

تعديل المقال