رواية انقذوني من هذه العائله
الفصل الثالث والعشرون23
بقلم منه محمد
تم تحويل نوره للدعاء العام لاعادة التحقيق بالقضيه مره ثانيه
في بيت محمد
محمد دخل ينادي : يمااااااااااااااه ... يمااااااااه
حفصه بلهفه : خير خير
محمد بفرحه : افرحي يمه افرحي يام الدكتور
حفصه بلهفه : خير انشاءلله ..
محمد : قدر يوسف يستدرج نوره ويخليها تقول انها هي اللي موتت امها وعادوا التحقيق بالقضيه
حفصه بفرحه وتهليل: الله واكبر .. الحمدلله الحمد لله يا منتا كريم يارب .......>> سكتت شوي>> ونوره
محمد : الظابط ومعاااه اتنين عساكر سمعوها وهي بتعترف انها هي اللي قتلت امها ولزقتها بيوسف ابنك وفضل يرقص ويلف حوالين نفسه
حفصه وعيونها بحر دموع : لا حول ولا قوة الا بالله .. ليه يانوره عملتي كدا؟؟
محمد : هو انتي مش فرحانه
حفصه : نفسي افرح ... نفسي اهلل لحد ما الناس كلها تسمع تهليلي لكن .. افرح ازاي وبنت اخويا كدا اخوايا الي مهان عليه يشوفني أنهان وحتى مراته طلقها علشاني
صبحي كان داخل علي كلمتها كان جاي يدور على نوره اللي فقدها من العصر وجه يشوفها في بيت عمتها ولا لا وسمع الحديث دار بين محمد وامه وقال والحزن مغلف صوته : لا افرحي ياام يوسف .. افرحي يااختى وانا هفرح معاك نوره ماتستاهلش الي يزعل علشانها وهي قاتله امها اللي فضلتها على الناس كلها وسابت العالم علشانها
حفصه : صبحي !!!
صبحي: اه صبحي. متتكسفيش منى وعبري عن اللي في قلبك .. بس اتمني يوسف يستاهل اللي يفرح له ومايكونش شريك في جريمة نوره
محمدبحده : يوسف .. يستاهل ياخالي ... ولا شارك بجريمة نوره ولا شافها الحمد لله لانه كان نايم .. والشئ اللي انت ماتعرفهوش ان نوره كانت سحراله .. والحمدلله قدرنا بفضل الله ,,ثم مساعدة اهل الخير اننا نفك عنه السحر
صبحي بأسي : الحمد لله
بكت حفصه لحال اخوها اللي قلبه اتقطع بصمت على بنته وهو بيحاول يكابر
.......
في السجن
الظابط : الصمت مش حيفيدك يا نوره ..احنا كنا منتظرين اعترافك وكنا زارعين المكان كاميرات وكل حرف قلتيه مسجل صوت وصوره
نوره : ......................
الظابط : مصره على السكوت ... خلاص التسجيل يروح للقاضي ويحكم عليك
نوره ودموعها تحفر وشها حفر: لا ليه ما يحكمش على الناس اللي نبذوني من صغري .. ليه ما يحكمش عليه هو اللي استنيته سنين وجه بعز فرحتي سابني .. ليه ما يحكمش على أمي اللي ما علمتني غير اعرف اكره الناس .. طلعتني من المدرسة ..صغيره وعلمتني ازاي أكون ست بيت وازاي اكون مسؤاله عن البيت ده ....وعشمتني انه هيجالي علي حصان ابيض ومش هيكون عاوز غيري وهي لازم تربيني له كدا .. مش مهم انا اتعلم كفاية هو متعلم .....ممنوع يكون لي صحاب بنات بحجه انهم بيفسدو بعض ... ممنوع البس على كيفي ... (وبصتله بقهره)أنت هتفم كلامي لا وبصرخه مقهوره( بس ايوه قتلتها علشان نوره اللي جوايا تعيش
وتطلع للناس ...يكون لي صحاب وناس تحبني ... أنا قلت لخديجه وعمتي عاوزاهم يعاملوني زي ملك .. ويحبوني زيها .. أنا ماليش حد .. وهي ليها الناس كلها ....... أنا سحرت يوسف علشان أأسر عقله ..واستحوذ عليه و بفكره عنها واحدد تفكيره بحدودي انا .. ...يوسف حلمي وهي سرقته .. ليه أتحكم أنا .. ليه .. والناس تبقي برئيه من ذنبي؟؟؟(وبصوت ينتحت لحظاته الاخيره)حتى اخواتي وهما اخواتي عمرهم ما عاملوني زي ما بيعملوا بعض.... دايما عندهم أسرار واذا جت نوره يسكتو........ دايما يضحكو مع بعض واذا جت نوره الكلام ينقلب بالانجليزي علشان مفهمش ... ولو جات واحده صحبتهم يدخلو ويقفلو الباب عليهم ولا يقوله اختنا نناديها تقعد معنا نطلعها من سجنها ........ كان موت أمي وسحر يوسف هي الفرصة الوحيدة علشان أعيش زي منا عاوزه . ... ليه أتحاكم علشان عاوزه اعيش ؟؟؟؟
الظابط : يعني معترفه انك انتى اللي حطيتي السم لـ امك
نوره : هي اللي موتنى ألاول ... وانا انتقمت لنفسي منها
الظابط : كان يوسف فين؟؟
نوره : يوسف غبي في زمانه... الباشا بيحب من كل قلبه ومفضلش غيري انا محلك سر
الظابط : السؤال محدد يانوره .. يوسف اثناء وضعك السم لـامك كان فين!!!!؟؟
نوره تقف وتصرخ : نايم ... نايم
الظابط بحزم : اعدي يابنت
خافت نوره منه وااعدت وقال بصوت خايف : كان نايم ..
الظابط : ازاي رضى يوسف يدخل السجن ويشيل القضيه بدالك
نوره : لاني سحرته عند ام خلود وبقت حياته كلها ملكي انا
الظابط : مين ام خلود ؟؟ وازي اتعرفتي عليها ؟؟
نوره : جارتنا اللي في بيتنا القديم كانت بتتعامل معاها وفي مره سمعتها وهي بتقول انها خلت جوزها زي الخاتم في صوباعها ودلتنى عليها ورحت لها وعملت لي سحر عطيته ليوسف
الظابط : وازي يوسف اخد منك السحر
حكت نوره للظابط عملت ايه بالظبط وازي امها ساعدتها بالموضوع وكانت نوره تتكلم كانها تتكلم عن شخص تاني او آله بدون مشاعر تسرد الاحداث وعيونها متحجره وجاحظه
الظابط : وام خلود دي هي اللي ساعدتك على اختطاف الطفله مهجه يوسف الجاسر
نوره : هه .. هه ... اسمها مهجه ... ايوه هي .. وانا خليت يوسف يخنقها
الضابط : شفتيه وفين؟؟
نوره : هاااا.... ايوه .. شفته .. ورميناها في بياره في منطقة مهجوره .. في بيت كان لسه بيبنوه
وكان اعتراف نوره ده عشان تقطع عليهم أي محاوله علشان يدور علي بنت يوسف اذا كان يوسف ماقتلهاش ... علشان تنكد عليهم بعدها
وبعد ما اعترفت على ام خلود بالتفصيل
..........................
في بيت خال ملك
اتصلت زينب تبشر ملك
زينب بفرحه : ملك عاوزه افرحك
ملك بلهفه : لقوا بنتي .. بنتي ما ماتتش صح
زينب باسى : لا ..بس
ملك : امال ايه الي يفرح فالدنيا
زينب : يوسف فكوا السحر عنه ونوره طلعت هي اللي قتلت امها وبيقوله اعترفت
ملك بعدم اهتمام : انا مالي
زينب : ربنا يهديك بقولك الراجل طلع مسحور يعني اللي كان بيعمله كله من السحر
ملك : انا مالي بيه برضو
زينب بنفعال : ازاي مالك .. ده يوسف ياملك
ملك : يوسف اللي دمر لي حياتي وقتل بنتي ..يوسف اللي عيشني بعذاب عشته من يوم ما شفته و عرفت يوسف ؟؟ اسكتي اسكتي يا شيخة
زينب بحكمه وعقل: لكن الراجل كان مسحور .. ولو كان بعقله مستحيل كان يموت بنته
ملك تصرخ : زينب ارجوك اقفلي الموضوع خلاص مش عاوزه اسمع .. انا محتاجه انسي حتى اني عرفته
زينب : طيب ... على راحتك انا فكرت خبر زي ده بيفرحك
ملك بأمر : ربنا يخليك متجبيش سيره الانسان ده اذا كنتى عاوزه تكلميني مره تانيه
زينب : على راحتك .. انا طولت عليك مع السلامه
ملك : سلمى على جدتي واخوالي
زينب : يوصل مع السلامه
قفلت السماعة ملك و رخت نفسها على الكرسي الي وراها
قعدت جنبها هدى : قالت لك ايه زينب
ملك : بتسلم عليك
هدى : الله يسلمها .. لا اقصد كانت بتقولك ايه عن القضية ؟؟
ملك : هدى لو حابه تعرفي ابقي اسأليها انت ؟؟
هدى : الله ؟؟ ايه الرد ده
ملك بصوت اقرب للعالي : مالكم انتم ايه الي فيكم ؟؟ ليه مش فاهمين اني مش عاوزه اسمع سيره الانسان ده ارحموني ياناس
............................
في السجن تم احالة نوره للحكم المنسوب ليها من اتهامات اعترفت بيها
واصدر حكم الافراج عن يوسف وتبرئته مما نسب اليه من تهمه
وصل يوسف لبيت اهله
حضن عمه احمد بفرحه : حمد لله على السلامه يابني .. اليوم عيد والله عيد
يوسف : الله يسلمك ياعمي ..
احمد : سامحنى يا يوسف .. انا سبب من اسباب دخولك للسجن
محمد بمزحه: يبه .. اكيد انت الي حطيت السم لمحاسن واشتركت مع نوره هههههههههههههههه
يوسف ضحك اوي : لا ياعمي انا عمري ما ازعل منك انت زي ابويا الله يرحمه
نادر : نركن بقي شويه من مشاعرنا الجياشه .. عاوز اعرف امتي هتحطو العشا جعان هفتان يا بشر
احمد : حالا يا مفجوع
يوسف : انا هستاذن عاوز اسلم علي امي وخديجه
احمد : ايوه والله يا بني زمان قلبها متقطع عليك
دخل يوسف وغمر امه بحضنه المشتاق وهي دموعها بلت صدره وهو كمان كانت عيونه تدمع نزل باس ايديها : امي سامحيني .يا امي
حفصه : انا كنت عارفه ان فيك حاجه ابني الي ربيته مش ده
التفت يوسف لخديجه اللي كانت ابتسامتها تغطيها دموع الفرحه
ومد دراعاته ليها وهي رمت نفسها جوه حضنه بشوق
خديجه وصوتها بالكاد يسمع من الدموع : حمدلله على السلامه
يوسف باس مقدمه راسها وعيونها : سامحينى
حطت خديجه ايدها على شفايف يوسف : اشششششش ... انا مش فاكره الا وجودك دلوقت يا بويا واخويا وصاحبي
يوسف ضمهم الاتنين : ربنا يخليكم لي .. الحمد لله
بعد المشاعر الجياشه ااعد يوسف بين العايلة وحكوا له على كل االي حصل في غياب عقله وكان اللي ماثر فيه انه قتل طفلة بريئه ومن ملك حب عمره بعد ما خلصو أأعد مكتئب
يوسف : امي محمد بيقولي ان ملك جات هنا بيته
حفصه : ايوه والله بنت اصل جات تواسيني لما عرفت ان اتحكم عليك
يوسف : وازاي عرفت ان نوره الي خطفت البنت
خديجه : قالتلي هدى صحبتها بعد ما وديتها انا ومحمد بيت نوره لما عرفت الخطة اللي منها اعترفت ان نوره سحرتك فعلا ... ومنها ان نوره حرضت خدامه تعرفها وطلبت منها تتفق مع خدامة بيت خال ملك واغروها بالفلوس ومعرفش الباقي المهم جابت البنت .. وبتقول ان نوره عطتك البنت وخنقتها انت ونوره
غمض يوسف من هول ما سمع ازاي يخنق الطفله وضرب على رجله : ازاي عملتها ازاي ؟؟
خديجه بكت : الحمدلله على كل حال يايوسف انت ياخويا كان غصب عنك والحمد لله تقدر تخلف غيرها وربنا هيعوضك
يوسف : انا عاوز اشوف ملك
حفصه : سافرت
يوسف متفاجئ : فين ؟؟
خديجه : زينب قالت .. انها اصلن ما كانتش جايه تعيش هنا هي جات تسلم على خوالها وتخليهم يشوفوا بنتها لكن...
يوسف بحسره : لكن ابو بنتها قتلتها للمره التانيه ... واي موته ده قمه التعذيب .. اااااه ياملك.. ظلمتك لا انا دمرتك بس والله معرفش اني قتلت بنتك
حفصه : ده نصيبها ياضنايا ما تعذبش نفسك
قام يوسف ما تحملش يقعد
خديجه بلهفه : يوسف رايح فين ؟؟
يوسف : مخنوق محتاج اشم هواء
طلع يوسف
يلف بالشوارع بدون هدف ..
لقى نفسه في اخر المطاف واقف عند بيت خال ملك
قعد علي دبشه يبص للبيت .. بحسره غمض عينه وهز راسه بالم بشويش
وكان في خاطره يردد ظلمتني بشكك وأنا مظلوم وصدقني من غيرك أنا مهموم.
............في امريكا
هدى : ملك تعالي كلى لقمه انت من الصبح على لحم بطنك
ملك سكوت تام!!!!
هدى قامت ووقفت قدامها : انت سمعاني ولا لأ
ملك بصتلها :مش عاوزه ياهدى
هدى : ايه يعني مش عاوزه اصرفها فين بالله عليك .. قومي قومي يابنتي كلي ليه انت كداا
ملك والدموع في عيونها : ليه انا كدا مصيبه لو مش عارفه .. والمصيبه الاكبر اذا تجاهلتي ان اللي حصل فيا شويه
هدى : ملك الدنيا ما وقفتش يا ملك وربنا اللي كتب لك عمر وانت مع اهلك بالعربيه وخلاك واخد بنتك اكيد له حكمه
ملك بغضب : ايه حكمته يعذبني ياريته خدني انا كمان
هدى : استغفري ربك يا ملك ايه الكلام ده بس ربنا من اسمائه ارحم الراحمين
ملك تتنهد بعمق : لا اله الا الله .. روحي ياهدى انا مش عاوزه حاجه ولا عاوزه اتكلم خايفه اقول كلمه اتحاسب عليها
هدى : انا كلمت زينب امبارح بتقول يوسف طلع من السجن ونوره غرقت في شر اعمالها
ملك بغضب : خلاص ياهدى انا نفسيتي تعبانه انتي ايه مابتفهميش
هدى باسف : انا اسفه .. خلاص
سابت هدى المكان ولا حتى اكلت وكانت متاثره من معامله ملك اللي اتغيرت نفسيتها ومعاملتها معاها ناشفه دايما
.......
بعد ربع ساعه
كانت هدى متغطية في سريرها...... ااعدت ملك على طرف السرير وكشفت عنها الغطا
بصت في وشها
ملك : انتي زعلتى انا اسفه
هدى وهي بتحاول تجر الغطاء : ابعدى عني ابعدى انا مش زعلانه
ملك : هدى أنا متضايقة لوحدى بلاش تضيقها عليا
رفعت هدى راسها : انا اللي بضيقها عليك .. خلاص ياختى ابعدى عنى
ملك : هدى
هدى : نعم
ملك سكتت .........
هدى : ملك مش معقوله نفضل كدا كل يوم نكد وحزن .. انا والله قلبي بيتقطع بس هنعمل ايه ده الي ربنا كتبه ولازم نقبله
ملك : انت تتكلمي بكل بساطه ..عشان مجربتيشّ!!!
هدى : ملك لو بايدنا اي حاجه كنا عملنها لكن ده اسمه اعتراض مفيش منه فايده .. ولا هيجي منه غير غضب ربنا .. لازم نكون أقوى وايمانا بالله لازم يكون اعظم من حزننا .. انا عارفه انك هتقولي انا بتكلم وقلبي بارد لكن والله مهجه قطعت قلبي لكن ...
ملك وهي تتنهد : تعالي ناكل انا جعت
هدى : هاكل بس بشرط
ملك ببتسامه حزينه : كمان .. ايه هو
هدى : تمحي التكشيره اللي على وشك .. مش عاوزه اشوفها مره تانيه
ملك: احاول
هدى : لا
ملك : خلاص
هدى : قولي اوعدك
ملك : اوعدك احاول
............
في بيت المشعوذه
الدجاله: اهلا طلباتك يا اخت
الست : انا جوزي الي يتهد عاوز يتجوز عليا بعد ما اخد تعبي وشقايا واخد البيت الي بنيته من تعبي وصبري
الدجاله : وليه ادتيله
الست : الاول كان كويس وكنت اقول ابوعيالي ولا بيني وبينه خوف وكتبت البيت باسمه وكل حالي ومالي واليوم اكتشفت انه عاوز يتجوز عليا ابن الدايخه ويبيعني ساعديني ياام خلود
الدجاله: ومين دلك عيا
الست : بنت حلال وحلفتني ما اقول
الدجاله : طيب .. امري
الست : عاوزاه زي الخاتم في صوابع رجلي ابن الورمه
الدجاله : حاضر
الست : ايه المطلوب للعمل ده
الدجاله: المطلوب ثلاث آلاف في الاول .. وثلاثه زيهم لما ييقي زي الخاتم في ايدك
الست : يعني ناويه تسحريه
الدجاله بسخريه عليها لاذعه : لا عاوزه اترجاه انه يسبلك فلوسك وما يتجوزش عليك..
الست بصتلها بذدراء : ام خلود اتكلمي عدل
الدجاله : اكيد هعمله سحر
الست : تعرفي اللي دلتني عليك ؟؟
الدجاله : مين
قامت الست وقربت من الباب وفتحته مع استغراب الدجاله :دي
دخلت الشرطه
الظابط : والله ووقعتي في شر اعمالك يا دجاله الشر
الدجاله اتخضت : انت مين وليه داخلين كدا انا معرفش الست دي
الظابط : ونوره ؟؟
الدجاله : نوره ؟؟ مين ؟؟
الظابط : نوره مرات يوسف الجاسر اللي سحرتيه هي اللي اعترفت عليك
وعلى خدامتك اللي خطفت بنت جوزها ده غير عملك السحر ؟؟
وتم القبض على المشعوذه وخدامتها واخوها واترمو في السجن
................
في بيت خال ملك
ناصر : اهلا يا يوسف حمد لله على السلامه
يوسف : الله يسلمك .. طمني عن حالك وحال ام بسمه والاهل كلهم
ناصر : اتفضل اتفضل .. الله يسلمك يابني والله كنت شاكك انك مسحور انا كنت براهن ان فيك بلا لان واحد بأخلاقك مستحيل يتغير فجاءه
يوسف : الله يسلمك .. ده برضو العشم فيك
ناصر اتنهد بحزن: والله ما كنا نعرف ان بنت خالك فيها الشر ده كله
هنا دخلت القهوه والشاي
يوسف : لا مافيش داعي للقهوه
ناصر : انت حقك دبيحه وليله وانا ناويها لانك تستاهلها يابني
يوسف : استقبالك لي اكبر ليله لكن حرام التكلفه ..
ناصر : والله ماحرام .. انت تستاهل اكتر يا يوسف
يوسف : والله ما له داعى انا دبحتيى بجد واكرامك ليا يوم ما تساعدني ارجع انا وملك
ناصر : ان شاء الله .. ان شاء الله
يوسف : أنت تعرف غلاوه ملك .. و
ناصرقطعه : ملك .. الله يعين قلبها ويصبرها
يوسف : انا لازم اعرف طريقها واقنعها نرجع لبعض انا ما اقدرش اعيش من غيرها وربنا قادر يعوضنا عن اللى حصل لبنتنا وحضرتك عارف ان انا ماليش ذنب فيه
ناصر : انا عارف لكن مين يقدر يقنعها بالكلام ده
يوسف بثقه : انا .. اكيد اقدر
ناصر : اشرب القهوه وربنا يقدم الي فيه الخير
يوسف : انا لا هشرب في بيتك ولا هقبل منك حاجه قبل عنوانها
ناصر : والله يا يوسف عنوانها ما اعرفه .. لكن انا عندى تلفونها
يوسف : ادهولي .. ولو انه المره الاولى لما اخدته ماكان له فايده ولاقدرت اعمل بيه اي حاجه لانها رافضه تكلمنى
ناصر: والله ده اللي عندي
يوسف : طيب انت كلمها واسأل عن عنوانها علشان اروح واكلمها وجها لوجه لعل وعسى اقدر اقنعها
ناصر : طيب اصبر شوي
قام ناصر ورن وحط السماعة سبيكر
ملك بصوت شبه نايم : الو
هنا زادت نبضات قلب يوسف اللي اهتز بعنف للصوت الي كله مواجع وانتقل فيه لاحساس الشوق الضامى والحب الفياض اللي اجتاح مشاعره واستولى عليه
يوسف يتمتم بصوت هامس بابتسامه حزينه: وحشتيني ياعمري
ناصر : السلام عليكم
ملك : اهلا يا خالو
ناصر : ازي حالك يابنتي
ملك تتنهد : الحمد لله
كان يوسف يتلذذ بنطقها للحرف مشتاق يسمع حرف اللغه تلامس شفايفها اتنقل الاحساس بالصوت لقلبه اول ما ركز حاسه السمع
ناصر :ملك انتي قويه والي حصلك ده يابنتي ابتلاء من الله سبحانه وتعال وربنا سبحانه اذا حب مؤمن ابتلاه
ملك: الحمد لله على كل حال
ناصر : ملك .. عرفتي ان يوسف طلع من السجن برئ من التهم اللي لفقتها له نوره
ملك بألم : بس ايده ملتخطه بدم مهجه المسكينه .... >>>وبكت
اتقطع قلب يوسف اشلاء لما سمع الكلام الي قتله
ناصر : لا لا يابنتي انت فاهمه ومكنتش منتظر منك الكلام ده يوسف مسكين غصب عنه يا ملك كان مسحور . واول شئ عمله بعد ما طلع من السجن انه جاني وسال عنك
ملك بسرعه : خالي االانسان ده طلع من حياتي للابد عاوزه اعيش ياخالي كفايه موتني وانا حيه
الانسان ده دمر حياتي واعي ومسحور انا ما اقدرش اقبله ودم بنتي بيني وبينه
ناصر : لا لا ياملك ..مينفعش
ملك تقاطعه : عارفه والله عارفه انه كان وكان وكل الاعذار عرفتها وعايش ميت حاولت اقنع نفسي بيها لكن ماقدرتش والله ماقدرتش بنتى بقت حاجب بين قلبي وبينه
كانت ملك تبكي بصوت بيحتضر قطع قلب يوسف اللي طلع من المكان بصمت بدون ما يحس ناصر المستميت باقناع ملك
التفت ناصر لمكان يوسف ومالقاه وقال لملك ان يوسف كان عنده وكان بيسمع كلامها
ملك شهقت : كان هنا ..
ناصر : ايوه كان عاوز عنوانك
ملك : وعطيتهوله
ناصر : قلت له ما عرفهوش وكنت ناوي اخده منك
ملك : بس انت تعرفه ؟؟
ناصر : يوسف انسان كويس ولا فيه زيه لكن انت عندى اغلي وعارف انك رافضه فحبيت اسمعه الكلام علشان يسيبك في حالك ويشوف حاله
ملك باسي : الحمد لله خلصتني من وجع المواجهه
ناصر : ده اللي كنت عاوزه يابنتي
اما يوسف كان بيفكر بكلام ملك ويقلبه في راسه ازاي يلقى منفذ لقلبها ازاي يقدر يوصلها وهو فهم ان خال ملك مستحيل ما يعرفش عنوانها لكنه رفضه يدهوله بدون احراج لنفسه وبدون ما يحرج ليوسف فحب يفهمه ان ملك رافضته بكل المقاييس
............
في السجن
دخلت الدجاله السجن ولمحت نوره هناك
قربت منها .. ومسكتها من رقبتها
نوره وهي بتحاول تتخلص من الدجاله : سبينييييي
الدجاله برقت عيونها الي جمره نار مشعلله : انت هنا ياوش المصايب عشرين سنه وانا بشتغل ما عرفش المكان ده الا من ما شفت خلقتك
نوره : غوري والمصحف انده البوليس
الدجاله بشر : الاول اخلص عليكي واموتك منك لله خربتي بيتي
نوره بصوت عالي : ياعسكري ياناس الحقوني
سابتها الدجاله و بصقت علي وشها : اتفوه عليك وعلى اللي يعرفك
ااعدت نوره بعيد عنها وكانت تعبانه جدا
ااعدت جنبها واحده من المسجونات
المسجونه : ليه ما حدش بيزورك
نوره بعصبيه : وانتي مالك
المسجونه : انا بس بسال
نوره : لا تسالي ولا تحشري نفسك ومحدش له دعوه بيا سامعين
الدجاله :سبيها لتدبحك المجرمه دي موتت امها
نوره تقوم مندفعه للدجاله وتمسكها من شعرها : انا موت امي ياسحاره ماهو من تحت راسك
وحصلت خناقه كبيره في السجن اتدخلت فيها السجانات وفكوا الخناقه وعرضوا نوره والدجاله على مدير السجن اللي امر بوضعهم في سجن انفرادي
.......Menna Mohamed
في امريكا
هدى : انت لسه بتعيطي مش ده الي كنتي عاوزاه؟؟؟....... والله ما عرفالك !!!
ملك : انا ببكي على حظي ....يوم ما رجع يوسف وممكن اني اسامحه ضيع بنتي .. وحط بيني وبينه حاجز من دمها
هدى : لكن المسامح كريم ياملك ويوسف كان غايب وقتها
ملك هزت راسها باسي : ما اقدرش ..ياهدى خلاص ماقدرش
هدى : طيب خلاص يلا ننسى .. واللي راح راح ولا يمكن يرجع خلينا نعيش اليوم وبكره جاي وسيبي امبارح الي مات بالنسبه لك
هزت راسها ملك بالموافقه
.....................
في السجن
دخلت نوره الحجز الانفرادي
ااعدت لوحدها .. الخوف مالي قلبها هي مبتحبش الاماكن المغلقه ولا بتحب تقعد لوحدها
فجاءه دخلت عليها ست شعرها ابيض ومغطي كل وشها كئنها طالعه من مقبره
نوره وهي تزحف وراء عن الست :انتي مين ؟؟الحبس ده انفرادي انت ايه الي دخلك هنا
الست بصوت عارفاه نوره : انا مفيش قوه تقدر تبعدك عني
نوره برعب : امي !!!!
رفعت الست وشها وتضحك على نوره وكانت فعلا محاسن لكن وشها متغير كئنها عجوزه ووشها كله غبار
نوره برعب شديد : انــــــــ.......ت انــــــــــــ.......ت مـــــــ.... متى؟؟؟
محاسن وهي على نفس الضحكه اللي رعبت نوره :انت اللي متى ..انا اهو عايشه قدامك
نوره بأعلى حسها : لاااااااا
جات السجانات تجري عليها
السجانه وهي شايفه الرعب بعيون نوره : مالك يا بت
نوره : انا ما قتلتهاش ...ههههههههههه شوفيها عايشه اهي>>> وكانت نوره تشاور على مكان فاضي
السجانه : مين هي ؟؟ Menna Mohamed
نوره : دي امي .. شكلها متغير من القبر طلعت وجات
السجانه : اترزعي واسكتي وبطلي هبل فين الي بتقوليه انا مش شايفه حاجه
التفتت نوره للمكان مره تانيه ولقته فاضي فضلت تصرخ : كانت هنا والله كانت هنا
محاسن : نوره انا هنا ...>>> كانت بزاويه تانيه
نوره : ها ها شوفي دي هي يلا طلعوني انا موتهاش
مشت السجانه وبعدت عنها : لاحول ولا قوة الا بالله .. البنت اتجننت
السجانه الثانيه : سيبك منها حركات مكشوفه علشان تهرب من الحكم
............
في بيت يوسف
بعد العشاء الضخم اللي عمله احمد ليوسف
احمد : الناس كلها فرحانه الكل بيقول ان محدش صدق ان دي اخلاق يوسف
حفصه بفرحه : الحمد لله يارب انت كريم بيا وبولادي
خديجه : يوسف مالك .. ليه ساكت
يوسف ينتبه : ها ... ابدا .. مافيش Menna Mohamed
خديجه : لافيه..... انا عرفاك ملك ؟؟؟
يوسف : خيال او حلم مش عارف ايه .. منغص عليا قعدتي ونومي
حفصه : ايه هو ؟؟؟
يوسف :كأني عاوز ارمي طفل في ايدى جواه حفره .. وست تيجي تقولي بلاش ترمي العيل ده رزقي وكأني عطتهولها .. ولما تمد ايدها تاخده اشوف ايدها محروقه بشكل يخوف ..ايدها بصواباع دايبه وكف مشوه جدا
خديجه : اعوذ بالله .. ده شيطان ملعون ياخويا ده بس من إحساسك بالذنب اتجاه بنتك ومراتك لكن انت مالكش ذنب انت ما كنتش بعقلك
حفصه : لما تيجي تنام اقرى المعوذتين
محمد : ده من الشيطان
احمد : يوسف .. بالنسبه لشغلك ايه الي تم فيه ؟؟
يوسف : ان شاءالله خير ؟؟ انا راجعت مقر الشركه الأساسي .. وقالوا ان غيابي طول الفتره خلاهم يجيبو بمكاني موظف لكن في احتياج مؤقت بفرع الشركه في الاسماعليه
حفصه : في الاسماعليه !! لا ياضنايا كفايه علينا البعد عاوزينك عندنا هنا سيب الشركه دي ودورعلي غيرها
يوسف : ماما ده احتياج مؤقت وانقل باقرب فرصه ان شاء الله
محمد : يمه الشركه دي ممتازه ومركز يوسف فيها كبير انا راي تصبري شوي علشان يوسف
ابتسمت حفصه : علشان يوسف كل الصعب يهون
يوسف بإبتسامة رضي : ربنا يطول في عمرك ياغاليه