غرور وكبرياء عاشق
بقلم دعاء حجاج
الفصل الثالث
عفاف قامت وقالت بعصبية: كفايه بقا كفايه غرور وكبرياء اسمع بقا انا شوفت بنت من يومين كده والصراحه دخلت دماغى وطلب ايدها من اهلها ووافقوا
غسان بصدمه: قولتى اي
_قولت اللى سمعتوا يا غسان وزي الشاطر كده اجهز عشان الفرحه كمان اسبوع بالظبط
قعد يضحك لتبان تلك الغمازتين وقال: ده هزار صح اكيدا ده هزار
عفاف بصت لحامد وقالت بغضب شديد اللهجة:مش هزار يا غسان وهتتجوز البت فاهم ولا لا
وفجاه اتحول الى شخص عصبي وقال:ده تهديد بقا
_لو شايف أن ده تهديد اعتبره تهديد
غسان بص لحامد وقال: وانت معندكش حاجه تقولها
_لازم تتجوز يا غسان
_وانا مش موافق
الدموع نزلت من عينها وقالت بتعب: لحد امتى انا تعبت منك والله تعبت
_انا قولتلك مليون مره انا مش بتاع جواز
_امال انت بتاع اي
ثم كملت بعصبية: غرور وكبرياء بس ياخى من تواضع لله رفع♥️
_متحاوليش مش موافق
_لا موافق
مسك الكوبايه ورمها على الارض وقال بعصبية: قولتلك مش موافق في اي
اتخضت وحامد وقف قدام غسان وقال: في اي فعلا فين الاحترام يا غسان
بدا يشهق والغضب كان عنوانه
_انا رايح للناس بكره عايز تيجى اهلا وسهلا مش عايز تيجى انت حرا بس قرار جوزك موضوع انتهى خلاص
_موافق يا بابا
عفاف فرحت اوى وفجاه الفرحه قلبت الى صدمه
_هتجوز البنت بس اوعك تتخيل منى اي حاجه تانى هتكون خدامه غسان السيوفي فقط
_ده هتكون مراتك مش خدامتك
_وانا قولت هتكون خدامه عندي ده قراري النهائي
عفاف هزت راسها لحامد وقالت: موافقين يا غسان
_مش هلمسها
قالها بكل جرأة ولم يخجل من والده ووالدته
_هتحبها
خد بعضه وطلع على السلم وقال: هتندموا على القرار ده وهتتعاقبوا بذ"نب البنت
حامد بص لعفاف وقال: فرحانه
_هيحبها يا حامد صدقنى
_قالك هيخليها خدامه عنده مراته هتبقا خدامه عنده
_مش هيحصل
خد الجاكيت وقال: تعبت من الواد ده خلاص
في اوضه غسان
اترمى على السرير وقال: ويا تري الحلوه اللى وافقت بيا من غير ما تشوفنى خدت كام
بص على الشنطه وقال: يا تري فيها اي
الفضول كان هيق"تل غسان ولكن أتراجع عالطول وقال: مستحيل افتح حاجه مش ليا
عند حور ونغم
طلعت من الحمام وقالت: بتعملى اي يا روحى
نغم بصتلها وقالت: بذاكر
قعدت جنبها وقالت: بتذاكري اي
_بذاكر مواد تقيله اوى يا حور
_اساعدك
نغم بفرحه: ماشي
حور بدات تشرح لنغم اللى استوعبت شرحها عالطول
بعد شويه
بدات تنام وحور قفلت الكتاب وقالت: طب نامى ونكمل بكره إن شاء الله
حضنتها وقالت: هروح المدرسه بكره
باستها على رأسها وقالت: أن شاء الله
عند مراد
دخل الفيلا فهى فيلا متوسطه الحجم ولكن جميله جدا عايش لوحده ليه هنعرف ده مع الاحداث القادمه
تليفون مراد رن
_مراد مش عارف اسيطر على روكى خالص
_مصطفي انا مش قادر
_مراد حقيقي تعبت انا مش بطلع من اوضتى خالص
_ليه
_بسببه يا عم تعالى خده احسن
_شويه كده
_ويا تري الشويه دول قد اي
_لحد ما النفسيه تتظبط بس
_خلاص ماشي
_انا اسف يا مصطفي دخلتك في مشاكل كتير اوى
_متقولش كده وبعدين احنا اخوات قبل ما نكون صحاب
_تسلم
_طب سلام روكى شكله جعان
_سلملى عليه
_على أساس انه بيفهم
_قوله مراد بس وهيفهم عالطول
ابتسم وقال: حاضر
قفل التليفون ورمى على الكنبه وقال:نور
_نعم يا مراد بيه
_العشا جاهز
_من بدري يا بيه
_طب امشي انتى
_حضرتك مش عايز حاجه
_لا مش عايز روحى انتى
خدت الشنطه وقالت: هاجى الصبح أن شاء الله
_لا متجيش
ضمت حواجبها وقالت: امال مين اللى هيعملك الفطار وهيروق الفيلا
_انا قاعد هنا بكره
_اللى تشوفه يا بيه
في صباح اليوم التالى
_نغم نغم
_ماما انا عايزه انام
شدت البطانيه وقالت: قومى الناس هناا
نغم قامت وقالت: ناس مين
_الناس اللى طلبوا ايدك هنا
كانت طالعه من الحمام ولكن وقفت وكانت في حاله صدمه
_اي ده انتى بتهزري صح
شافت حور وقالت: تعالى يا حور ساعدي اختك
حور راحت عندها فعلا وقالت: ناس مين اللى هنا يا ماما
_الناس اللى طلبوا ايد اختك
_ويا تري بيعملوا اي هنا
_جايبين دهب كتير اوى لاختك والمدام عفاف قالت ان ابنها موافق
_ليه مكنش موافق
_مش وقته يا حور جهزي اختك عالطول
الدموع امتلئت عين نغم وقالت: حور اعملى اي حاجه
منير دخل وقال: قومى يلا يا نغم
نغم مسكت ايد حور وكانت خايفه اوى
شدها من ايدها وقال: اجهزي عالطول وانتى ساعديها يا ثريا
_حاضر ياخويا
نغم قعدت تعياط وقالت: انتوا بتعملوا كده ليه مستحيل تكونوا اهل
_اششش الناس براا
حور اتعصبت اوى وطلعت
_حور استنى
_ينهار اسود ممكن تتكلم مع الناس
حور وقفت وقالت: معندناش بنات للجواز
عفاف بصت لحامد وقالت باستغراب: بتقولى اي يا بنتى
_بقول اللى سمعتى ويا ريت تتفضلوا برا
طلع منير ومسك ايد حور جامد اوى وقال: بتهزر
زقته وقالت: انا مش بهزر ومستحيل اخلى اختى تتجوز
نغم وقفت عند الباب وقالت: ممكن بابا يعمل حاجه لحور
_يا ريت تتفضلوا براا
منير كان رايح يضر"ب حور بالقلم ولكن صوت نغم قاطعه
_انا موافقه
نزل أيده والتفت لنغم وقال: قولتى اي
نغم بصت لتحت وقالت: موافقه اتجوز
حور بصدمه: نغم انتى بتقولى اي
نغم راحت عند عفاف وقالت: اخبارك اي يا خالتى
عفاف ابتسمت وخدت نغم في حضنها وقالت: بخير يا قلب خالتك
الدموع نزلت من عين نغم وقالت في سرها: بابا كان هيضر"ب حور لو معملتش كده
بعدت عنها وقالت: ده ابو غسان اللى هيلبسك الدبله مكان غسان
_وابن حضرتك مجاش ليه يا تري مشلول
عفاف بصت لحور وقالت: لا مش مشلول الحمدلله
_امال مجاش ليه ممكن اعرف
عفاف ابتسمت وقالت: غسان عنده شغل ومعرفش يجى
_ويا تري هيجى امتى
منير وقف جنب حور وحط ايدو على كتفها وقال: بتهزر
مسكت الدبله وقالت: اي رايك يا نغم
_الفلوس مش كل حاجه
حور ابتسمت وعفاف بصت لتحت وقالت: انتى فهمتى غلط يا بنتى
_لا فهمت حضرتك كويس
ابتسمت وقالت:تعالى يا حامد لبس مرات ابنك المستقبلية الخاتم
حامد مسك الدبله وبص لحور اللى دخلت دماغه اوى وقال في سره: ده اللى هتقدر تكسر غرور وكبرياء غسان
حطت ايدها على كتفه وقالت: بتفكر في اي
هز راسه وقال: هاتى ايدك يا بنتى
نغم بصت لحور اللى هزت رأسها وقالت بتحريك الشفايف: أوعك
نغم مدت أيدها وحامد مسك ايدها ولبسها الخاتم ليزداد جمالا في أيدها
منير كان فرحان اوى وقال في سره: كله لسعادتك يا بنتى
_بصي بقا يا نغم السلسله ده هدايه من غسان ليكى
حامد باستغراب: من غسان
عفاف بصتله وقالت بكدب: ايوه من غسان
حامد فهمها وقال: كنت ناسي معلش
عفاف رجعت شعر نغم لوراء وقالت: هتبقا حلوه اوى عليكى
نغم بصت لحور اللى كانت زعلانه منها اوى وكان مليون سوال في دماغها محتاجه أجابه ليهم
_السلسله عليكى حلوه اوى يا ريت غسان كان هناا
نغم ابتسمت وقالت: انا داخله اغير هدومى عشان عندي مدرسه
_متخافيش يا نغم دراستك وهتكمليها
هزت راسها ودخلت اوضتها عالطول
حور بصت لوالدها وقالت في سرها: هتندم يا بابا والله لتندم
دخلت لاختها اللى كانت قاعده على السرير وكاتمه دموعها بالعافيه
حور قعدت جنبها وقالت بحزن: الف مبروك
الدموع نزلت من عين نغم وقالت: غصب عنى يا حور
حور مسكت ايدها وقالت: هو اي اللى غصب عنك يا نغم
_كان ممكن بابا يقت"لك لو الناس مشت
_مش مهم انا يا نغم اهم حاجه انتى
قامت وقالت: انتى بتقولى اي يا حور انتى كل حاجه ليا
_انا لسه عند وعدي يا نغم ومش هخليكى تتجوزي ابداا
نغم بصت على الدبله اللى في ايدها وقالت: خلاص يا حور اتخطبت لواحد معرفش عامل ازاى
قامت وحطت أيدها على خدها وقالت: ده مجرد دبله محطوطه في الايد ووعد منى مش هخليكى تتجوزي الشاب ده لو همو"ت
حطت ايدها على فمها وقالت: بعد الشر عليكى متقوليش كده
مسحت دموعها وقالت بحب: طب اجهزي عشان اخدك في طريقي
هزت رأسها وقالت بابتسامه: مش هتاخر
_هكون في انتظارك
ابتسمت وقالت: ماشي
بعد مرور ربع ساعه تقريبا وتحديدا في قصر عائله السيوفي
نزل وقال: سماح سماح
_نعم يا بيه
_ماما فين
_المدام عفاف والبيه مشوا من نصف ساعه كده
_ومتعرفيش راحوا فين
_معرفش والله يا بيه
دخلت وكانت في قمه السعاده
_اتمنى تكونى فرحانه كده عالطول
دخلت وقالت: خد الدبله ده والبسها
مسك الدبله وقال باستغراب: ممكن اعرف السبب
حضنته وقالت: روحنا انا وابوك وخطبنا البنت
غسان بصدمه:اي
بعدت عنه وقالت: انا فرحانه اوى وكنت هكون فرحانه اكتر لو جيت معانا
_ليه يا ماما
ضمت حواجبها وقالت: هو اي اللى ليه
قعد على الكرسي وقال بعصبية: الفطار
_في اي مالك يا غسان
مسك فنجان القهوه وقال: لا مفيش بعد اللى عملتيه ده اعتقد مفيش حاجه تانى
قعدت جنبه وقالت: اي رايك وانت راجع من الشغل تعدي على اهل البت واهو اتشوفها وتتعرف عليها
غسان ببرود: مش عايز اشوفها
_طب اي رايك تاخدها بكره وتحجزوا الفستان
بصلها وقال: ماما اطلعى من دماغي
_معنى كلامك اي يا غسان
_مش عايز اشوفها يا ماما
_هنعمل فرح كبير اوى ونعزم كل قرايبنا
_مش عايز فرح
_امال عايز اي
_مش عايز اتجوز يا ماما
خدت نفس عميق وقالت: هنعمل فرح بس صغير عشان قرايبنا
غسان باستسلام: ماشي يا ماما
ابتسمت وقالت: كنت عارفه انك هتوافق
غسان قام وقال: عن اذنك
قامت ايضا وقالت: مش هتفطر
_نفسي اتسدت خلاص
ابتسمت وقالت: هبعتلك الفطار مع حسن
_خلاص ماشي
دخل حامد وخبط في غسان
_في اي يا بابا
حط ايدو على كتفه وقال: انا اسف يا ابنى
_بلاش تعتذر
غسان طلع وحامد راح عند عفاف وقال: ابنك متغير اوى
_متغير ازاى
_لما حد بيخبط فيا بيتجنن
_انت عايز تكبر الموضوع وخلاص
_ده اعتذر كمان
عفاف ابتسمت وقالت: بلاش مقدمات وادخل في الموضوع
_غسان ناوي على دما"ر
عفاف بخضه: دم"ار
_الهدوء من ابنك بيجى بعده عاصفه يا عفاف
قعدت تضحك وقالت: اي الكلام الكبير ده
_المهم البت الكبيره داخله دماغى اوى
عفاف بصدمه: انت بتقول اي
_حاسس أن الكبيره هتقدر تغير غسان وهتكسر غروره
_تقصد على ام لسان
_ايوه هي
عفاف بعصبية: ده قليله الادب محترمتش حد فينا وقالت بوقاحه اطلعوا برا
_يمكن مش عايزه اختها تتجوز
_مش عشان كده
_امال عشان اي
_عشان غيرانه ايوه غيرانه
_انتى بتقولى اي يا عفاف
_اول ما سمعت اننا أغنياء وجايبين دهب لنغم غارت اوى
_طب اسمعى بقا الكبيره داخله دماغى اوى
_انا قررت اجوز ابنى لنغم والموضوع انتهى خلاص عن اذنك
بص لتحت وقال: اتمنى غسان يتجوز الكبيره متاكد انها هتغيره
في الطريق
_ماشي على جنب
حور مسكت ايد نغم وقالت: خدي بالك من نفسك
نغم ابتسمت وقالت: حاضر
نزلت من العربيه وشاورت لحور ومشت
_الوووو
_فينك يا مراد
_انا مش جاي الشركه النهارده
_ليه
_كده وخلاص
_طب اسمع انا جاي انام معاك النهارده عشان عايز اتكلم معاك في موضوع
_امممم ماشي
_يلا سلام
قفل التليفون وفجاه السواق داس فرامل
_في اي
_في بنت واقفه في نص الطريق
_زمر اعمل اي حاجه
السواق قعد يزمر فعلا ونغم قالت بعصبية: ثانيه
كانت بتربط رباط الكوتشي
غسان بعصبية: اتحرك
_البنت لسه واقفه يا بيه
_انزل طيب
السواق نزل فعلا وقال: لو سمحتى ابعدي عن الطريق
شاورت بايدها وقالت: ثانيه واحده
_اخلصي يا انسه
_اهدا شويه
_لو متحركتيش هترفض النهارده
نغم قامت اخيرا وقالت: انا اسفه اوى
السواق ابتسم وقال: جمالك ده طبيعى ولا ميك اب
_نعم
السواق بارتباك: اقصد انتى حلوه اوى
_اممم عن اذنك
السواق ابتسم ونغم مشت عالطول
نزل من العربيه وقال بعصبية: انت لسه واقف
السواق:_______
غسان راح عنده وقال: انا بكلمك
السواق في عالم اخر
_حلوه اوى
غسان بنفاذ صبر: في اي مالك
فاق عالطول وقال بارتباك: غسان بيه
_انت مرفوض
السواق بصدمه: اي
ركب العربيه وساقها هو
السواق طلع يجري وقال: غسان بيه غسان بيه
وقف وقال: كلوا من القمر اللى طالع بالنهار
دخلت المدرسه
_اخيرا فينك من يومين
_معلش كنت تعبانه شويه
بصت على أيدها وقالت: اي الدبله الجامده ده
حطت أيدها وراء ضهرها وقالت: يلا ندخل الفصل
_انتى اتخطبتى
نغم بارتباك: اتخطبت
نادت على الكل وقالت: نغم انخطبت يا شباب
_اي الكلام اللى بتقولى ده
الكل اتجمع
_الف مبروك يا نغم ويا تري مين ابن المحظوظه ده
بصت لتحت وقالت: انتوا بتقولوا اي
مسكت ايدها وقالت: الدبله باين عليها غاليه اوى
_شكل الشاب غنى
_لو مكنش غنى مكنتش وافقت
حطت ايدها على ودنها وقالت:بس كفايه
_مالك يا نغم احنا بندردش مش اكتر
نغم مشت عالطول ودخلت الحمام وقعدت تعياط
دخلت وقالت: متزعليش منهم دول مجانين
مسحت دموعها وقالت: مش زعلانه
بصت على الدبله اللى في أيدها وقالت: هو الشاب غنى
نغم بصتلها وقالت بعصبية: عن اذنك
في شركه الحديدي فهي الشركه المنافسه لشركه السيوفي والالفي
حور وصلت وقالت: صباح الخير
_صباح النور البيه في انتظارك جوا
حور ابتسمت وخبطت على الباب وقالت: سامر بيه
قام وقال: تعالى يا حور
دخلت وقالت: امل قالت انك عايزنى
قعد على الكرسي وقال: اقعدي يا حور
قعدت فعلا وسامر قال: بصي يا حور الموضوع الى عايزك في خاص شويه
بصت ليا وقالت بصدمه: نعم
هز راسه وقال بارتباك: اقصد الموضوع اللى عايزك في برا الشغل خالص
_ويا تري اي الموضوع اللى عايزنى فيا
_انتى انسانه محترمه اوى
_شكرا ده من زوق حضرتك
_بلاش الرسميات ده
_انا مش فاهمه حضرتك عايز توصل لأي
قام وقعد قصاد حور وقال: بصراحه انا بحبك وعايز ادخل البيت من بابه
حور بارتباك: سامر بيه
مسك أيدها وقال: بلاش تستعجلى في الرد وخدي وقتك
حور سحبت ايدها وقامت
قام أيضا وقال: مالك
بلعت ريقها وقالت: انا لازم أمشي عن اذنك
_هكون في انتظار ردك
حور طلعت عالطول وكانت مرتبكه اوى
_مالك يا حور
قعدت على الكرسي بتاعها وقالت: مفيش
_مفيش ازاى ايدك بترتعش يا بنتى
فتحت الكمبيوتر وقالت: قولتلك مفيش
البت استغربت جدا وقالت في سرها: يا تري سامر بيه قالها اي عشان تكون مرتبكه كده
كان قاعد على الكرسي وشايف حور
_حلوه اوى
حور بصت على مكتب سامر وشافته وبصت في الارض عالطول
_بحب كسوفها ده اوى
في شركه السيوفي والالفي
_عندنا اجتماع النهارده يا بيه
_اجتماع واحد
_غير المندوب اللى جاي النهارده
_طب فنجان قهوة على مكتبي فورا
قالت بابتسامه: حالا يا بيه
دلف إلى مكتبه وقعد على الكرسي
متاخرتش ولا ثانيه وقالت: القهوه يا بيه
_خبطى على الباب
_من استعجالى والله نسيت
خد نفس عميق وقال: حطيها على المكتب
حطت الفنجان فعلا وقالت بارتباك: هو مراد بيه مش جاي ولا اي
بصلها وقال: ليه بتسالى ليه
بصت لتحت وقالت: اممم انا اسفه
_برااا
طلعت عالطول والاخر دخل
_شركه سامر الحديدي دخلت في المنافسة وبتنافس بقوه
_واي المشكله
_محتلين السواق يا بيه
_واي المشكله بردو
_كده الميزانية هتنخفض
_انزل باقل سعر في السوق
_ده خساره للشركه يا بيه
_اعمل زي ما بقولك
_حاضر يا بيه
طلع وقفل الباب وراء
مسك سيجاره وولعها وقال: سامر الحديدي سامر الحديدي
قعد يكرر تلك الاسم عده مرات
في المدرسه
بعد ان خلصت حصصها طلعت من المدرسه ومسكت تليفونها وقالت: تليفون حور في الشنطه هرن عليها ازاى دلوقتى
_ما تيجى معانا يا نغم
_لا شكرا انا هروح
_مش هنتاخر
_رايحين فين
قربت منها وقالت بهمس: البار
نغم زقتها وقالت: اي الكلام اللى بتقولى ده
_هو البار حرام
نغم بعصبية: ايوه حرام واوعك تقوليلى كده تانى
ابتسمت وقالت: خلاص اهدي
نغم مشت وسابتها
وقف جنبها وقال: راحت فين
التفت للشاب وقالت: رفضت
حط ايدو في جيبوا وقال: ولحد امتى الصراحه البت ده داخله دماغي اوى
_طب ما تتقدملها وخلاص
_ده انخطبت
قالت بصدمه: اي
هز رأسه وقال: شهد رنت عليا وقالت انها انخطبت
قالت باستغراب: خلال يومين تنخبط
_وقالت ان الدبله اللى لبسها في أيدها غاليه اوى
_طب والعمل
_هي فين
_على الطريق اكيدا
ابتسم ابتسامه خبيثه وقال: بتاعتى النهارده
_هتعمل اي
_بعدين
مشي ونغم كانت واقفه منتظره عربيه
_احم
_انت
_ايوه اناا
_انت اي
_بحبك
_وانا بكر"هك ابعد عنى بقااا
مسك ايدها وقال: فرصه واحده
سحبت أيدها وقالت: شايف الدبله ده
بص على أيدها وقال: ده بجد
_لو مبعدتش عنى هروح ابلغ البوليس
_طب اهدي
وقفت عربيه وركبت فيها عالطول
_اطلع لو سمحت
طلع فعلا والشاب قال بانتهاد: نغم نغم
في فيلا مراد الالفي
الجرس كان بيرن
_نوررر
قام وقال: انا بنسي كتير اوى اليومين دول
فتح الباب وقال بصدمه: ****