رواية كيف تكون النهاية
الفصل الاخير
بقلم ايه الجلاد
عاد الجميع يمارس حياته الطبيعيه كما كان من قبل تلك الاحداث
و قرر كريم ان يقوم بعمل حفل زفاف الي نور كا تعويض عما حدث منه
و اثناء تفكيره في هذا سمع طرقات علي الباب
كريم/ادخل
دخل سليم عليه و هو سعيد جدا للغايه
كريم/ايه سر الابتسامه دي
سليم/انت عملت ايه في الفيلا اللي كنت بتدور عليها لقتها و لا لسه
كريم/لسه بدور
سليم/خلاص يا معلم الفيلا موجوده
كريم/موجوده فين
سليم/الفيلا اللي جمبي لقيت عليها اعلان انهارده معروضه للبيع لدواعي السفر مكدبتش خبر و اتصلت عليه و اتفقت معاه علي كل حاجه مش ناقص غير انك تشوفها و نمضي عقدها
كريم/خلاص تمام يلا بينا نروح نمضي عقدها علي طول
سليم/مش لما تشوفها الاول
كريم/مش انت شوفتها يبقي خلاص و بعدين عايزين نخلص فيها بسرعه علشان الحق اوضبها
سليم/مش محتاجه اي حاجه لانعا جاهزه من كله حتي العفش تحفه كان صاحبها موضبها و فرشها علشان ابنه و ابنه قرر يسافر
كريم/خلاص علي البركه بس هكون محتاج اظبط فيها شويه حاجات
سليم/بقولك كامله من كل حاجه
كريم/عارف بس هحتاج اجهز اوضه لوعد تحت علشان تبقي حركتها اسهل و اجيب غرف نوم جديده علي زوقي لمالك و مليكه و ليا انا و نور كمان
سليم/تمام كل دا في اسبوع يكون خلصان
كريم/ان شاء الله..... الا قولي صحيح مها لسه مش موافقه علي الفرح
سليم/للاسف لا بس انت بتسال ليه
كريم/انا عايز اعمل فرح لنور و اقولت نعمل فرحنا سوا
سليم/ياريت و الله بس مها رفضه تماما
كريم/و نور كمان مش بترجح الحفلات و الحاجات دي بس انا عايز افجاءها
سليم/يعني ايه
كريم/بص انا بفكر في حاجه اعملها ايه رايك تبقي معايا
سليم/معاك يا صاحبي بس في ايه
كريم/سبني بس اتكتك و اعرفك
سليم/ماشي....... بقولك ايه انت هتقول لوعد امتي انها تبقي اختي
كريم/و الله انا عايز اقولهها هي كدا كدا مسيرها تعرف بس انا خايف عليها و كفايه اللي هي فيه كفايه عليها صدمات في امها لحد كدا
سليم/يعني مش هتقولها
كريم/اكيد طبعا هقولها بس بقول تتحسن شويه
سليم/و مالك و مليكه هتعرفهم انك عمهم امتي و ان نور مش مامتهم
كريم/و الله مش عارف بس بفكر فعلا في كدا
سليم/انا عايز اسالك سؤال بس يعني خايف اكون حشري و كدا
كريم/انت اهبل يلا ما تسال و بعدين ايه الجديد ما انت طول عمرك حشري قول في ايه
سليم/يعني نور اول ما عرفنها كانت بتقول انها ارمله و معاها مالك و مليكه و دلوقتي مالك و مليكه مش اولادها..... هل ممكن تكون اصلا متجوزتش و قالت كدا علشان تربي الاولاد و لا كانت متجوزه فعلا و جوزها مات او طلقها...... انا حاولت اعرف من مها بس ما قلتش اي حاجه خالص
نظر له كريم بتركيز شديد في حديثه لانه بالفعل لم يفكر في ذلك نهائي
هل من الممكن ان تكون مازالت كما هي و لم يمسسها رجل ام تكون تزوج و انفصلت لسبب ما
او زوجها مات كما كانت تقول
(ملحوظه)
(انا معرفش يا بنات بيكون معروف عند الزواج اذا كانت البنت متزوجه و لا )
سليم/كريم كريم كريم
نظر له كريم
كريم/ها بتقول ايه
سليم/انت مش معايا خالص
كريم/معلشي يا سليم دماغي مشغوله شويه
فهم سليم ان كريم لم يريد التحدث بشان هذا الموضوع
سليم/و لا يهمك مفيش حاجه انا هسيبك دلوقت علشان عندي شغل
و بعد خروج سليم ظل كريم يفكر في صحه الحديث الذي دار بينه و بين سليم و انها لم تكون لرجل غيره
و ظل هكذا الي ان جاء موعد انتهاء العمل و عاد الي المنزل مره اخري
كريم/السلام عليكم
عندما استمع له مالك و مليكه ذهبو اليه سريعا و ارتمو في احضانه فهو في خلال تلك الفتره القصيره قد تعلق الاولاد بكريم و ايضا تعلق كريم بهم من قبل معرفته انهم اولاد شقيقه
مالك و مليكه/بابا بابي
كريم/حبايب بابي تعالو
و اخذهم و ذهب و جلس بهم علي الاريكه
و خرجت اليه وعد من غرفتها و
ايضا خرجت نور من المطبخ
نور/حمد لله علي السلامه
كريم/الله يسلمك
وعد/ايه الشنطه دي كلها يا ابيه
كريم/طب قولي ازيك الاول
وعد/ازيك الاول ايه الشنط دي بقه
نور/ههههههه مفيش فايده انا داخله اكمل الغدا
و تركتهم و ذهبت الي داخل المطبخ
كريم/ بقولك ايه يا مالك انت و مليكه
مالك/خير يا بابا
كريم/انتم كبار و معدتوش صغيرين و في حاجه لازم تعرفوها
مليكه/ايه هيا يا بابي
كريم/انتم طبعا متفتكروش باباكم الله يرحمه لكن باباكم دا يبقي اخويا يعني انا عمك
مليكه/بجد انت عمي بجد
كريم/ايوة
مالك/طب و حضرتك كنت فين قبل كدا و رحمت ماما شويه من الشغل و السهر علشانا
كريم/للاسف انا مكنتش اعرف انكم و لاد اخويا غير قريب جدا و قبل كدا مكنتش اعرف حتي لما اتجوزت مامتكم و انا مكنتش اعرف و لا هيا كمان كانت تعرف
مليكه/انا مبسوطه جدا ان بقه عندي عم
كريم/بس دا ما يمنعش ان انا مبسوط جدا انكم بتقولولي بابا
مالك/و احنا مبسوطين جدا كمان علشان عمر ما هيجي يوم و تكرهنا او تكون مش عايزنا
كريم/ليه بتقول كدا انا من اول يوم شوفتكم فيه و انا بحبكم جدا و لو مكنتوش ولاد اخويا كنت بردو هفضل احبكم
مالك/و احنا كمان بنحبك جدا
كريم/و في حاجه كمان عايز اقولهلكم
مالك/ايه تاني
كريم/ماما نور
نظر مالك الي مليكه و ابتسمو الاثنين لبعضهما
مليكه/مالها
كريم/تبقي........
مالك و مليكه في نفس واحد /مش مامتنا
جحظت عين كريم من الصدمه لانهم علي علم بهذا
كريم/و ونتم عرفتم ازاي ماما قالت لكم
مالك/ماما نور ماقلتش حاجه خالص
كريم/امال عرفتو ازاي
مليكه/احنا عارفين من زمان
كريم/من زمان ازاي
مالك/ماما كانت زمان بتدخل الاوضه اللي حضرتك فيها دلوقت و تقعد تعيط كنا احنا بنسمعها و كانت بقول انا حافظت علي ولادك يا هبه ولادك في عنيا..... في الاول مكناش نعرف انها بتتكلم علينا احنا و بعد كدا سمعنها تاني اول مادخلنا المدرسه دخلت بردو الاوضه و قالت مالك و مليكه دخلو المدرسه يا هبه و لادك في عنيا و هعمل كل اللي اقدر عليه و اعلمهم و اكبرهم و يبقو احسن الناس...... و كانت بتقول كمان انا عمري ما هتجوز خالص علشان مفيش حاجه تبعدني عنهم بس انا خايفه يعرفو اني مش امهم و يبعدو هما عني و يسبوني........ يومها قررت انا و مليكه ان محدش فينا هيجيب سيره لماما و اتفقنا سوا ان عمرنا ما هنسبها ابدا
مليكه/اوعي تقولها يا بابي علشان متزعلش مننا
ادمعت عين كريم مع ابتسامه كبيره علي كبر عقلهم و علي حبهم لنور و سعد بشده و قلبه بداخله يتراقص عندما علم ان نور لم تتزوج من غيره
اخذهم في احضانه و هبطت دموع من عينه و لكن هذه دموع الفرحه و السعاده
خرجت اليهم نور وجدت الوضع كا الاتي كريم يحتضن مالك و مليكه و يبكي و وعد علي بعد قليل منهم تبكي هي الاخري
نظرت اليهم باستغراب شديد مما يحدث
نور/هو في ايه مالك
نظر لها كريم بعد ان قام بازاله اثار الدموع من عينه و هو يبتسم ثم نظر الي مالك و مليكه و غمز لهم دون ان تراه نور
كريم/مفيش حاجه بس انا قولت لمالك و مليكه الحقيقه
نظرت له و هي جاحظت العينين
نور/حقيقه ايه
كريم/حقيقه ان هما ولاد اخويا
وصعت يدها علي صدره و تاخذ شهيق كبير
نور/الحمد لله
اكمل كريم
كريم/و حقيقه انك مش امهم
نظرت له في صدمه كيف له ان يفعل ذلك دون علمها و دون وجودها
نور/ايه
كريم/اللي انتي سمعتيه
نظرت هي الي مالك و مليكه و بدات الدموع تتكون في عينها
نظر لها مالك و مليكه و ذهبو اليها سريعا
مالك/حتي لو انتي مش ماما هتفضلي ماما علي طول
مليكه/ايوة هتفضلي مامي
و ارتمو الاثنين في احضانها
و بكت هي بقوه و لكن من سعادتها لحب الاولاد لها
وعد/عااااااا حرام عليكم بقه هو انا هقضي اليوم كله عياط
انتفض الجميع من اثر الصوت هذا
كريم/في ايه يا وعد خضتينا
وعد/اعمل ايه هو الواحد ناقص منكم لله
نور/خلاص حصل خير الحمد لله
و بعد تناول الغداء معا طلب كريم من نور الجلوس معا قليلا
اعدت نور كوبين من الشاي و ذهبت نحو الغرفه التي يجلس بها كريم
نور/ايوة يا كريم انت كنت عايزني في ايه
كريم/تعالي يا نور اقعدي الاول
نور/اديني اقعدت قول بقه في ايه
كريم/انا عارف اني ظالمتك كتير بس و الله كان غصب عني و....
نور/ايه لازمته الكلام دا دلوقت
كريم/ممكن مطقتعنيش تاني
نور/حاضر
كريم/و عارف كمان اني اتجوزتك غصب عنك و.....
نور/انت في ايه ما خلاص اللي فات مات
كريم/افهم من كدا انك معتيش زعلانه مني و انك موافقه تكملي معايا
نظرت له نور و قد احمر وجهها ثم قامت و ذهبت باتجاه باب الغرفه لكي تخرج
نظر لها كريم في اسي فا اعتقد انها عفوت عنه لكنها لم تقبل ان تستمر معه خزن بشده و جاء ليتحدث
التفتت له نور قبل خروجها من الغرفه
نور/موافقه اكمل معاك
و تركته سريعا و ذهبت من امامه و قد تملك الخجل منها
اما هو فمازال كما هو ينظر الي مكان خروجها و هو مبتسم و سعيد للغايه
🌹🌹🌹🌹🌹🌹🌹🌹🌹
و بعد مرور اسبوع علي الجميع كان اليوم هو يوم الجمعه و قد عزم كريم و نور علي الغداء اليوم سليم و مها
و بعد تناول الغداء معا اجتمعو في غرفه الصالون
كريم/انتي لسه بردو يا مها مش عايزه فرح
مها/ايوة
كريم/طب ايه السبب
مها/فلوس الفرح دي هتنفعنا بعدين او ممكن نطلع بيها عمره او نسافر شهر عسل في مكان حلو
كريم/هو انتي فاكره ان احنا منقدرش نعمل دا كله....... يا بنتي احنا مرتحين جدا و عندنا فلوس تكفينا و تكفي ولدنا و ولاد ولادنا كمان
مها/ربنا يزدكم يارب بس......
كريم/ما بسش احنا عايزين نفرح يا مها
نور/طب انا عندي حل يرضي الجميع
سليم/ايه هو الحقينا بيه
نور/بما ان مها مش عايزه فرح و سليم عايز فرح فا ممكن نعمل حاجه حلوة قوي
كريم/ايه هيا
نور/مها تلبس فستان و تروح الكوافير عادي جدا زي اي عروسه و تخرج و بعد كدا تتصورو و تروحو تتعشو في اي مكان و بعدين تطلعو علي بيتكم
سليم/انا موافق علي الفكره دي
مها/و انا مش موافقه
نور/ليه يا مها دا حلم كل بنت انها تلبس الفستان الابيض انتي مش عايزه ليه
مها/طب اما هو حلم كل بنت انتي متعمليش كدا ليه
نور/انا
كريم/و مين قالك انها مش هتعمل كدا هي هتلبس الفستان و تروح الكوافير و تتصور كمان
نور/انا لا يمكن اعمل كدا
مها/و ليه مش ممكن طب علشان تكوني عارفه لو انتي وافقتي انا موافقه و موافقه كمان علي الفرح
نظر كريم الي سليم و ابتسمو
سليم/بس انا خلاص مش عايز فرح فكره نور حلوة و عجبتني
مها/خلاص و انا موافقه لو نور وافقت هي كمان
سليم/خلاص يا نور و النبي وافقي عايز اتجوز يا ناس
نور/بس.......
كريم/خلاص يا نور بقه احنا مصدقنا انها توافق وافقي انتي كمان
نور/موافقه ماشي يا مها الكلب
مها/حببتي اموووووه
كريم/خلاص علي بركه الله ان شاء اعملو حسابكم علي يوم الخميس الجاي
سليم/و احنا هنحجز ليكم كل حاجه
🌹🌹🌹🌹🌹🌹🌹🌹🌹
و بعد مرور الاسبوع عليهم و ها هو اليوم المنتظر في احدي و اكبر فنادق البلد حجز لهم كريم سويت و جلب لهم اكبر متخصصين في تزين العروس في يو زفافها
و ايضا احضرو لهم الفساتين من اكبر مصممي ازياء و تم تجهيز كل شيء و احضار اللازم لهم و كانت معهم وعد و مليكه و قد اعدو لهم ايضا كل ما يلزمهم
و ايضا كريم و سليم و معهم مالك في سويت اخر يرتدون ملابسهم و قد حضر اليهم احمد المسيري لمساعدتهم في هذا اليوم و هذا بعد ان تكونت بينهم علاقه قويه في العمل و خارج العمل
و بعد انتهاء الجميع من ارتداء ملابسهم
ذهب كريم و سليم الي غرفه الفتيات
اما في غرفه الفتايات فقد انتهو و كانت وعد في لمساتها الاخيره و بعد انتهاءها نظرت اليهم
مها/الله اكبر ماشاء الله
نور/بسم الله ما شاء الله تبارك الله الحجاب عليكي جميل جدا
وعد/بجد فعلا الحجاب عليا حلو
نور/انتي جميله و الحجاب خالاكي اجمل يا قلبي
وعد/ربنا يخليكي ليا يا نور
نور/و يخليكي ليا يا قلب نور
ثم طرقات علي الباب و ذهبت مليكه لكي تفتحه
كريم/ما شاء الله ايه القمر دا يا روحي
مليكه/مرسي يا بابي
سليم/هما خلصو يا كوكي
مليكه/ايوة يا عمو خلصو
فدخل كريم و خلفه سليم
فكانت نور و مها يقفون امام وعد و ظهرهم الي كريم و سليم
مليكه/يلا بقه يا بابي قول مامي اي واحده
ضحك كريم و سليم بشده
سليم/منك لله يا اخي حد قالك تجيب الفستانين زي بعض اتصرف بقه يا باشا
كريم/ههههههه طب و دي احلها ازاي
مليكه/بقلبك يا بابي
كريم/قلبي تصدق البت دي بتفهم بنت ابوها فعلا
سليم/طب وريني قلبك يا باشا و شكلك كدا بدل ما تخش دنيا هتخرج منها
كريم/فال الله و لا فالك يا شيخ
كل هذا و نور و وعد يضحكون بشده عليهم و معهم وعد التي لم يروها حتي الان
سليم/يلا اتحرك يا اخويا يلا
نظر له كريم في غيظ ثم اغمض عينه و فتحهم مره اخري و نظر اليهم و ذهب الي ما اشار اليه قلبه و احس بانجذابه اليها و بالفعل كانت هي من ملكت قلبه
و عندما التفتت له نور و تاكد سليم من اختياره ذهب هو الاخر الي محبوبته
كريم/ما شاء الله القمر دا كله بتاعي انا
لم ترد عليه نور لانها تخجل منه بشده
و مها كذلك
سليم/ما شاء الله ايه الحلاوه دي
و في ذلك الوقت دخل مالك
مالك/في ايه يا بابي انتم هتنامو هنا و لا ايه المصور مستني تحت بقاله كتير
كريم/حاصر يا اخويا نزلين اهو
و جاء كريم و سليم يمسك كلا منهم يد عروسته ابتعدت كلا منهم خطوه للخلف
نظر لهم كلا من سليم و كريم باستغراب من فعلتهم و لكن عندما اخذت نور خطوه جه الشمال و اخذت مها خطوه جه اليمين
و ظهرت وعد من بينهم بطلتها الجميله و حجابها الذي جعلها اميره
نظر كريم الي سليم و علي وجههم ملامح الصدمه الشديده مع الفرح و السعاده الكبيره فهم الان لم يجد احد غيرهم سعيد بكل تلك السعاده
ذهب كريم و سليم معا ببطء اتجاه وعد و انحني الاثنين بجانبها كل فرد باتجاه و نظرو اليها و السعاده تكاد تخرج من عيناهم
كريم/ما شاء الله عليكي يا حببتي
وعد/بجد يا ابيه
كريم/طبعا بجد بس اهم حاجه يكون علي اقتناع
وعد/اكيد علي اقتناع و ساعدتني كتير نور
نظر كريم الي نور نظره امتنان و نظر مره اخري الي وعد
وعد/ربنا يخليهالك يا ابيه و يسعد قلبك يارب
و ارتمت في احضانه و هي سعيده
نظر لهم سليم لانه لم ينال مثل تلك الحضن لانها تخجل منه لانها الي الان لن تعرف انه هو شقيقها و ليس كريم
كريم/و يخليكي ليا يا وعد
و بعد خروجها من احضان كريم كان سليم مازال بجانبها نظرت له
وعد/مبروك يا ابيه
سليم/الله يبارك فيكي يا وعد
كان يتحدث و هو حزين و يحاول مدارات حزنه هذا
وعد/حضرتك مقولتليش رايك فيا بالحجاب
سليم/زي القمر يا حببتي و........
و قبل ان يكمل حديثه كانت ارتمت في احضانه تحت صدمته و صدمه كريم ايضا من فعلتها و زادت صدمتهم عندما تحدثت
وعد/الف مبروك يا اخويا
الجمت الصدمه كلا من سليم و كريم و لم يستطيعو التحدث
و ابتسمت كلا من نور و مها عليهم
سليم/ااخو يااا
وعد/ايه اخويا
ثم خرجت من احضانه و نظرت الي عينه و الدموع بها و ايضا قد تجمعت الدموع بعينها
وعد/مش انت اخويا بردو و لا انا غلطانه
سليم/طبعا اخوكي و كان نفسي في الحضن دا من اول ما عرفت انك اختي
علم كريم ان نور هي من اخبرت وعد ان سليم شقيقها فا اراد ان يخرجهم من هذه الحاله
كريم/خلاص يا عم سليم احنا هنقضيها هنا و لا ايه
مسح سليم دموعه ثم مسح دموع شقيقته
سليم/لا يلا دا انا مستني اليوم دا بفارغ الصبر
و قام من مكانه و لكن قبل ان يذهب انحني علي راس وعد و قام بتقبيلها
ثم اخذ يد مها و كريم اسك يد نور و نظر سليم الي كريم و قام الاثنين بامساك المقعد التي تجلس عليه وعد و قام بتحريكه و كانت وعد في المنتصف بين كريم و سليم و الفرحه مش سايعهم و الجميع سعداء
و هبط الجميع للاسفل حيث مكان الحفل الذي هو مفاجئة الي نور و مها
و كانت الصدمه الان من نصيب نور و مها لان هذا لم يتفق عليه و لكن وجود الناس و صوت الاغاني العالي لم يجعل احد يتحدث و استسلمو للامر و توعدت كلا منهم الي زوجها الواقع و ابتدا الحفل الذي كان اكثر من رائع كان حفل اسطوري حفل في غايه الجمال و الروعه مما جعل نور و مها يندمجون معه و جعلهم ينسون انهم توعدو الي كريم و سليم و فرحو بشده
اما وعد فهي كانت سعيده للغايه لانهم و رغم انشغالهم فلم ينشغلو عنها و من وقت للاخر يذهبون اليها
و مر الوقت سريعا كما تمر دائما الاوقات السعيده
و صعد كلا منهم الي الغرفه الخاصه بهم بعد توديع مالك و مليكه و وعد التي استضافتهم ولدته مها في منزلها لحين عودتهم من شهر العسل و طلبو من احمد الاعتناء بهم لحين عودتهم
و بعد مرور اسبوعين علي كريم و نور و ايضا سليم و مها كانت هذه الايام من اجمل ايام كلا منهم
و في خلال الاسبوعين كان احمد يمر يوميا في الصباح و المساء علي منزل ولدته مها و يجلس معه القليل ثم يذهب و في خلال تلك الفتره اقترب من مالك و مليكه و ايضا وعد
و عاد كريم و نور و سليم و مها من شهر العسل و كانت المفاجئه الاخري لهم و هي وجود منزلهم بجانب بعضهما فهذا يعني انهم لم يبتعدو عن بعضهما
و كان كريم من قبل عودتهم طلب من احمد ان ياتي بولدته مها و مالك و مليكه و وعد الي منزله اليوم لانه سيصل في المساء و جعلها مفاجئه الي نور عندما تصل تجد مالك و مليكه بانتظارها و ايضا مها تجد ولدتها
و سعدو الجميع بشده لان اخيرا و بعد عذاب دام طويلا انتهي و الي الابد
🌹🌹🌹🌹🌹🌹🌹🌹🌹
و بعد مرور ست سنوات كانو من اجمل السنوات عليهم فقد مليئت السعاده حياتهم
فقد انجبت نور توئم ولد و بنت اسمتهم تامر و تمارا فهم عمرهم الان خمس سنوات
و انجبت ايضا كرم عمره سنتان
و اصبح الان عمر مالك و مليكه اربعه عشر عاما و لم يشعر مالك و مليكه بتغير المعامله لهم بعد ان انجبت نور بل الحب قد ذاد لهم و اصبحو جميعا اخوه لم يفرقهم سواي الاسماء فقط
اما مها فقد انجبت تالين عمرها خمس سنوات
و انجبت ايضا فريد عمره ثلاث سنوات
و تغريد عمرها سنه واحده
اما وعد فقد تعافت قليلا و بدات في ترك المقعد المتحرك و استعمال عجازين للتحرك بهم و اصبح عمرها الان اربعه و عشرون عاما
و قد تمت خطبتها علي احمد بعد خبا داما سنتان و قد وقف بجانبها كثيرا و لكن هي اصرت علي عدم الزواج حتي تتعافي تمام و احمد لم يرفض هذا و وافق بصد رحب
و تحسن حالتها النفسيه ادت الي هذه النتيجه من الشفاء
و بعد زواج سليم و كريم بعامين قد توفي رافت و هو بالسجن
و بعده بعام و نصف قد توفت ولدته مها
و لكن بحب الجميع الي بعضهم قد تخطو تلك المحن و الان هم اسعد خلق الله و دائما بعد الضلمه نور و بعد العسر يسر و بعد المحن فرج كبير فا دائما نحمد الله في كل شيء
و هل هي هذه نهايتهم ام هذه البدايه لا احد يعلم فمازال الطريق طويل امامهم فكيف تكون النهايه
🌹🌹🌹🌹🌹🌹🌹🌹🌹
اما منصور منصور ذلك الطفل الصغير التي ظلمته الحياه و جعلت منه لصا كبيرا في عمر صغير فهو الان اصبح عمره اربعه عشر عاما و اصبح ايضا كبير تلك المنطقه التي يسكن بها و المعلم بعد موت طفشه
فالحياه جعلته سارقا و هو كان لا يريد و كان يبتعد عن هذا الطريق بشتي الطرق و لكن الاهل هم من جعلوه هكذا الام التي لم تكن اما نهائيا بل كانت شيطان تريد جمع المال فقط و لا يهمها من اي طريق تجمع هذا المال
جعلت ولدها يمشي بطريق لا نهايه له طريق بيه اشواك و هو حافي القدمين يمشي به وحده في ظلمات الليل
كيف تكون نهايته هل هكذا انتهي و الي الابد ام انه في البدايه و كل ما مر به لم يكن شيء و الذي سوف يمر به فيما بعد سوف يكون اكثر بكثير من هذا
تمت بحمد الله