رواية رد حق
الفصل التاسع عشر والعشرون والحادي والعشرون والأخير
بقلم/ زينب مجدي
🔴🔴🔴🔴🔴🔴🔴🔴🔴🔴🔴🔴🔴🔴
الحلقة 19
.
.
أقبل اسبوع الفرح . الفرح المنتظر . كان البيت عند عمر يقف على قدم وساق يجهزون لكل شيء بعناية فائقة فهذا أول شخص يتزوج لديهم. الفرحه به غير
عرض عمر علي جهاد أن يحجز لها قاعه ليوم الحنه لكنها رفضت بشدة
وعرض عليها والد زينب أن يقيم ليلة الحنة في منزله ولكنها رفضت أيضا وبشدة اتصلت بها زينب تحاول اقناعها أن تقيم الحنه في منزل والدها ولم تقتنع أيضا
زينب..... قوليلي لأ ليه
جهاد..... يازينب ما ينفعش أنا مين يعرفي علشان ييجي يحضر فرحي. إللي بيروح فرح بيروح علشان خاطر الأم والاب مجاملين الناس فالناس بتيجي تجاملهم وعيلة العروسه
وأنا مليش أم ولا ليا أب الناس تيجي علشانهم
ولا ليا حتى عيله تحضر فرحي
بكت زينب على الهاتف.. إنت ليه بتقولي كده إحنا كلنا حواليكي وأهلي هما أهلك
جهاد...بكت أيضا... بقول الحقيقة يازينب أنا مليش حد في الدنيا غير ربنا ثم بعد ذلك إنتي وعمر
عمر عايز يحجزلي قاعه للحنه مين هيحضر مين يعرفني
أنا حتى في بلد غير بلدي
جهاد وهي تمسح دموعها
سيبك بقي من الكلام ده كله المهم شقتي عامله ايه بعد ما اتفرشت.وايه رأيك في زوقي أنا وعمر
زينب .....بسم الله ماشاء الله اللهم بارك
الشقه جميله جدا يا جهاد .. ربنا يملاهالك بركه ويبعد عنكم أي حاجة وحشة
جهاد.... اللهم امين يارب العالمين رصيتي الحاجات اللي قولتلك عليها
زينب..... بصراحه لأ عمر قال أنا إللي هرصهم على مزاجي
جهاد.... هههههههههههه ماشي لما اشوف زوقه
زينب... طيب سلام بقي علشان أيمن جه هبقي أكلمك تاني
أغلقت معها الهاتف وتذكرت أنها كانت تريد شراء بعض الطرح
فاتصلت بعمر تخبره أنها سوف تنزل لشرائها
عمر.... طرح إيه يا أم العيال أنا اشتريت ليكي كل الوان الخمار اللي في البلد
جهاد.... إيه ده إنت اشتريت طيب مش كنت تقولي الأول
وبعدين عرفت إزاي إن في حاجة نقصاني
عمر..... أنا أي حاجة تخص مراتي بآخد بالي منها
جهاد..... استقريت على إيه هتعمل السهره عندك إسلامي ولا مش هتشغل حاجه خالص
عمر..... والله لسه مش مستقر على رأي بفكر أعملها من غير ما اشغل حاجه
جهاد..... والدك ووالدتك رأيهم إيه
عمر..... أبويا بيقولي إللي إنت ترتاح فيه أعمله
وماما قلباها مناحه بتقولي إنت ليه مش عايزني أفرح بيك
جهاد..... خلاص علشان خاطر والدتك يا عمر شغل إسلامي
خليها تفرح بيك إنت أول فرحتها
عمر..... ماما مش عايزه إسلامي أصلا دي عايزه اغاني افراح ومهرجانات . وأنا مش هغضب ربنا
أنا نفسي ربنا يبارك ليا في جوازتي أقوم اغضبه من أولها
جهاد.... طيب ما كده والدتك هتزعل
عمر..... أنا هحاول أراضيها بكلمتين
وبعدين....من اسخط الله في رضا الناس.سخط الله عليه واسخط عليه الناس . وأنا عايز ربنا يكون راضي عني
جهاد.... ربنا يصلح حالكم يارب .روح بقي جهز نفسك عندك حنه بكره
عمر..... ماشي هخلص شويه حاجات ورايا كده وهرجع أكلمك تاني
أغلق عمر معها الهاتف
وجلست جهاد بمفردها تبكي كانت تتمني أن يكون والدها ووالدتها معها في هذه الأيام
كانت تتمني أن تيقظها والدتها في الصباح وتأخذ ها في أحضانها وتبارك لها وتبكي على فراقها القريب كما فعلت ام زينب معها
كانت تتمني أن يكون والدها موجود ويسلمها لزوجها ويوصيه عليها خيرا ويحذره أن يغضبها .كما فعل والد زينب
فهي حتي لا تتذكر شكلهم
بكت جهاد وتذكرت ايام العذاب التي قضتها مع زوجها السابق .
ولكنها حمدت الله أن عوضها بعمر الذي يخاف عليها كثيراً
وحمدت الله على كل النعم التي اغرقتها مره واحده
قامت تصلي القيام فقد أوشك الفجر علي الاذان
وعندما انتهت خلدت إلي النوم فليس لديها عمل
لم تعمل في المزرعه منذ شهر وقال عمر لصاحب المزرعه أن تبقي جهاد داخل المزرعه بدون عمل لمده شهر واحد فقط
وسوف يدفع له عمر اجار هذا الشهر لكن صاحب المزرعه رفض أن يأخذ منه مال ورحب أيضاً بوجودها فقد وصي عليها صديقه والد هبه كثيراً
وكل هذا حدث بدون معرفة جهاد
وفي الصباح استيقظت جهاد علي صوت خبط على الباب كان الظهر قد أوشك على الأذان
فتحت جهاد الباب لتتفاجئ بزينب ووالدتها واخوتها هند وابتسام
فرحت جهاد كثيراً لرؤيتهم دخلت عليها والدة زينب وحضنتها
وباركت لها وهنئتها زينب وقالت أنهم سوف يقضون اليوم معها فهذا يوم الحنه الذي تتمناه كل البنات
وجاء إليها زملائها في السكن واخبروها أنهم في المساء سيتجمعون ويجلسون سويا للأحتفال بحنتها وأنها يجب أن تذهب إلى الكوافير فهذا يوم واحد في العمر
الحو عليها كثيراً حتي وافقت وقامت بالاتصال على عمر تخبره فوافق على الفور وأخذت زينب جهاد وذهبوا إلي صالون التجميل .... ظلت جهاد في الصالون حتي قاربت العشاء على الأذان وكانت لم تنتهي بعد
وعندما انتهو كانت العشاء أذنت فصلوها في الصالون
اتصل عليها عمر واخبرها ان لا تضع أي مساحيق تجميل على وجهها . فوافقت جهاد وعادو إلي المزرعه في عربيه والد عمر الذي اتي بهم
فتح باب المزرعه لتتفاجئ جهاد بهذا الجمال الذي لم تره من قبل فوجدت جهاد المزرعه مزينه بشكل جميل جدا يخطف الانظار . والنور موجود في كل مكان
ووجدت هبه وحسام ووالد هبه ووالدتها يقفون على جنب
وعلي الجانب الآخر وجدت عمر ووالدته وانضم إليهم والده وأخواته وأيمن
ووجدت كل عمال المزرعه يقفون. أمامها
بكت جهاد بفرحه مما تري
اقترب والد زينب ووالد هبه بجوار جهاد . يمشون بجانبها
ليسلموها إلي عمر
وجاء عمر ومعه الورد اعطاه لجهاد
قال والد زينب.... بص أنا في مقام أبوها.لو شوفتك بس زعلتها ولا لو اشتكت منك شوف هعمل ايه
وقال والد هبه.... وهي علشان ربنا بيحبها رزقها بأبين
يعني لو فكرت في يوم تزعلها متلومش إلا نفسك
انضم لهم حسام وقال.... بمرح وكمان أخوها الكبير إللي هو أنا موجود . وإنت عارف إني ظابط يعني اليوم إللي تزعلها فيه أعرف إنك هتنام على البرش
ضحكو جميعاً وكانت جهاد تشعر أنها داخل أحد أحلامها ولم تستيقظ بعد
وظلت تردد ....هو عوض ربنا حلو أوي كده أنا مش فاكره إني شوفت حاجه وحشه في حياتي
اللهم لك الحمد اللهم لك الحمد
أخذها عمر إلي جزء منفصل خاص بالسيدات وعاد هو إلي القسم الخاص بالرجال
كانت جهاد تنظر إلى الزينه آلتي حولها بفرح فلم تتخيل يوم أن أحد يمكن أن يفعل هذا من أجلها
أخذتها زينب وانضموا إلي النساء الذين يدقون على الدف وقفت وسطهم والتفو النساء من حولها يغنون مع البنات ويسقفون وجهاد داخل الدائرة التي يدور حولها النساء تسقف بفرح
جاءت إليها حماتها ووالدة أيمن قابلوها بالاحضان وباركو لها وانضمو إلي النساء
اعجبت والدة عمر كثيراً بهذه الفرقه وبالروح الجميله التي يصنعوها هذه الفرقة .وحست بالفرحة الشديدة وأن هذا فرح أبنها التي طالما حلمت به جاءت هبه إلي جهاد وحضنتها وباركت لها ومعها حمزه الصغير جلست على احد الكراسي فهي لم تتعافي بعد من الولادة ولكن ظلت تسقف معهم بسعادة شديدة
كان الرجال في الخارج يهنئون عمر ويقفون حول الفرقة التي اتي بها عمر وقد أعجبوا كثيراً بهذا الجو الجميل
كانت الخضره حولهم من كل مكان والانوار آلتي وضعت على الشجر أعطت له شكلا جذاباً جميلاً اعطي روح اجمل للفرح
كان كل من في الفرح سعيدين للغايه وتمنو لهم السعاده
مضي الوقت سريعاً لم يشعر به أحد
وانتهي يوم من اجمل الايام واسعدها علي قلب جهاد فقد حدثت فيه مفاجآت لم تكن لتتخيلها ولا تحلم بها
ونامت لتقابل غدا يوم جديد أكثر سعادة
.
🔴🔴🔴🔴🔴🔴🔴🔴🔴🔴🔴🔴🔴🔴
الحلقة 20
.
.
كان البيت عند عمر في حالة من الهرج والمرج والحركه السريعه فوالد عمر ذبح له جمل ليطعم المعازيم
وجميع من المنزل يقومون بالتجهيزات بما فيهم زينب
وكان البيت مليئ بالسعادة والفرحة وكان عمر واقفاً يشرف على كل شيء
وفي المساء كان المنزل عند عمر مملوء بالمعازيم والمهنيين.
وذهبت زينب إلى جهاد ووجدت نساء المزرعه يجلسون حول جهاد ويغنون لها
وكانت جهاد سعيده للغايه
ووجدت زينب أيضاً والدتها واخوتها فهم لم يرحلو أمس ونامو مع جهاد حتي لا يتركوها بمفردها
كانت سهره بسيطه لكنها كانت سعيدة
ذهبت زينب إلي جهاد وحضنتها
زينب..... ألف مليون مبروك يا قلبي ربنا يتمملك على خير يارب
جهاد..... الله يبارك فيك يا احلى صديقه في الدنيا سيبتي الفرح هناك وجيتي
زينب...... أنا أقدر اسيبك في يوم زي ده دا إنتي اكتر من أختي
جهاد...... يا حبيبة قلبي تعالي اقعدي جمبي هنا شايفه المزرعه كلها قاعده فرحانه ليا إزاي
أنا عمري ما كنت أتخيل إن حد يقف معايا كده
زينب..... علشان إنتي بس طيبه يا قلبي ربنا بيسخرلك الناس الكويسه
جهاد..... قوليلي بقي الفرح هناك عامل إزاي وعمر عامل ايه
زينب.... بصي الفرح هناك جميل جداً وكل إللي هناك مبسوطين جدا جدا بالنسبة لعمر بقي فهو فرحته هي إللي بتحركه تحسي كده إنه طاير وسط الناس مش ماشي
نظرت جهاد إلي الأرض بكسوف وضحكت وقامت احدي البنات وشدت جهاد في وسط التجمع وقالت
ار*قصي يا جهاد
جهاد..... نعم أعمل إيه دا أنا عمري ما عملتها
الفتاة..... فرحتك هي إللي هتحركك
وشدت زينب ... وقالت
قومي ار*قصي مع صاحبتك شجعيها
زينب.... إنتي بتقولي إيه ... يرضيكي أطلق بعد شهر واحد جواز . دا أيمن كان دب*حني قبل ما يطلقني
الفتاه.... أولا مفيش بينا رجا*له خالص . ثانياً صاحبتك مرضتش تخلينا نشغل أغاني وقالت حرام
ثالثا بنطبل علي جردل وبنغني أغاني انقرضت من سنين
هو ده فرح ده
جهاد .... أيوه فرح وعجبني جدآ كمان
الفتاة..؟.. لااااا أنا همشي علي رجلي أحسن ما أمشي مشلوله والناس شايلني
جهاد ..... هههههههههههه الله يسامحك تعالي تعالي سقفي معانا
نظرت لها الفتاه بغيظ وتمتمت ببعض الكلمات ووقفت بجانبها تسقف معهم
كان الجميع سعداء للغايه وانهو السهره في وقت قريب وعادت كل واحدة إلي سكنها وجاء أيمن وأخذ زينب
عادت زينب إلي الفرح كان ملئ بالمعازيم دخلت عند السيدات فقالت حماتها
إنتي جيتي بدري وسيبتي جهاد ليه يا زينب
زينب..... جهاد خلاص خلصت سهرتها ونامت وقربت تصحي كمان
أم أيمن..... ربنا يتمم لهم على خير يارب
زينب...... اللهم امين
قامت زينب واندمجت مع النساء الموجودين في الفرح تقدم معهم الأكل والعصير
وكان عمر عند الرجال يقوم بعمل كل شيء بنفسه يقدم الطعام ويستقبل الضيوف
وكان سعادته ظاهره جليه علي وجهه
صديق عمر..... ألف مليون مبروك يا عمر ربنا يتمملك على خير
ويرزقني أنا كمان ببنت الحلال إللي تخليني وشي منور في فرحي كده
عمر..... اللهم امين يارب العالمين دور إنت بس وإنت تلاقي
صديقه..... عمال أدور على أخري اهه
جاء آدم إلي عمر وقال في أذنه
أقعد بقي يا عمر إنت هتتنش عين محترمه انهارده
عمر.... ليه كده يا ساتر يارب خليني أعدي فرحي على خير يا آدم وصلي على النبي كده
آدم....... أنا بصلي يا أخويا أنا بس خايف عليك من عيون الناس
انتهت السهره عند عمر فى وقت متأخر وذهب كل إلي منزله
وعاد عمر إلي سريره وهو مبتسم ويحلم بغدا
لم تذق جهاد طعم النوم في هذا اليوم كان التوتر والخوف مسيطرين عليها كليا
فقامت تصلي وتدعو الله أن يوفقها في حياتها القادمة
اتي الصباح علي الجميع وذهبت جهاد إلي صالون التجميل
منذ الصباح هي واخوات زينب قالت لها والدة زينب أنها ستعود إلى المنزل وسوف تأتي علي قاعه الفرح
عادت والدة زينب إلي منزلها
واستيقظت والدة عمر ووالده وقامو بما يجب فعله وكان المنزل على قدم وساق يجهزون كل شيء
وبعد الظهر ايقظو عمر الذي لم يذق طعم النوم أمس
قام والده بالجلوس معه واجبره على الطعام بعدما رفض
وقام بنصحه وكيف يجب عليه أن يعامل زوجته
وأن يستخدم عقله بدلا من يده
وأن يتعامل معها باللين والمعروف وأن يتقي الله فيها
وبعد العصر ذهب عمر إلي الحلاق وعندما انتهي لبس بدلته
وقام بالاستعداد للذهاب إلى جهاد
كانت زينب قد ذهبت إلى جهاد
جهاد..... إيه رأيك في الميك اب
زينب...... بسم الله ماشاء الله تبارك الله زي القمر ربنا يحفظك يارب
جهاد..... بس إيه رأيك في المفاجئة إللي هعملها لعمر
تخيلي كده هتعجبه ولا لأ
زينب...... من واقع عشرتي للجماعه دول أحب أقولك إنها هتعجبه جدآ جدآ جدآ
جهاد...... يارب تعجبه يارب هو رن عليا وقرب يوصل
أنا هخليها تكملي لبس بسرعه
نظرت جهاد إلي فتاه بالقرب منها وقالت
بصي أنا عايزاكي تصوريه أول لما ألفله عايزاكي تجيبي رأكشنات وشه واضحه . أنا معتمدة عليكي إنك تطلعيلي فيديو كويس
الفتاه..... متقلقيش خالص هعملك أحلي فيديو في الدنيا
اكملت جهاد لبسها ورن عليها عمر واخبرها أنه في الأسفل
وقفت جهاد وعدلت من وضعها واعطته ظهرها
دخل عمر فابتسم عندما رآها بهذا الفستان الجميل
ولف لها الجه الأخري فلفت جهاد قبل أن يراها
كل ذلك كان يصور
فلف لها مره اخرى وظل ينظر لجهاد بنظرات
صدمه تملؤها السعاده
عمر..... ده بجد
اومأت جهاد برأسها موافقه
عمر...... دي أحلي مفاجئة أسعدتني في حياتي
جهاد..... بجد ...أنا كنت خايفه أوي إنك متوافقش
عمر..... إزاي موافقش إن مراتي تبقي ليا أنا وبس محدش يشوفها غيري
جهاد..... يعني النقاب حلو عليا
عمر..... مخليكي أحلي قمر طلع في الدنيا كلها
قبل عمر رأسها وأخذها وذهبوا إلي القاعه
كانت القاعه مملوءة بالمعازيم وفي انتظار العروسين
ادخل عمر جهاد إلي الجزء الخاص بالسيدات في القاعه وعاد هو إلي الجزء الخاص بالرجال
قامت جهاد بخلع النقاب وجلست وسط السيدات بفرحه شديدة اخذو الكثير من الصور .وظلت تتجول بين الضيوف
قامت زينب بالاتصال على والدتها
زينب..... أيوه يا ماما مجتيش ليه لحد دلوقتي
والدة زينب.... أيوه يا حبيبتي أنا كنت بجهز الغمزه لجهاد
يارب المفاجئة دي تعجبها
زينب..... يا حبيبتي يا ماما ربنا يباركلك في صحتك يارب ويجازيكي خير . المهم إنتي هتيجي أمتي
والدة زينب...... أنا قاعده هنا في البيت مع جدة عمر لحد العرسان ما ييجو . هستناكم معاها
زينب.... ماشي يا ماما في حفظ الله
أغلقت معها زينب الهاتف وذهبت إلى جهاد
جهاد... . هي ماما مجاتش ليه لحد دلوقتي
زينب...... قاعده مستنياكي في البيت عند عمر
جهاد.... طيب ليه مجاتش هنا
زينب...... كانت بتجهزلك الغمزه يا ستي الله يسهلك
جهاد.....نظرت لها بصدمه.... هي ليه تتعب نفسها كده وتكلف نفسها
زينب..... علشان خاطر عيونك يا جميل مفيش حاجه في الدنيا تغلي عليكي
جهاد...... ربنا يخليكو ليا بجد انتوا وقفتو جمبي كأنكم أهلي بالظبط
زينب... جهاد يا حبيبتي انهارده فرحك عايزاكي تفرحي كده وتنبسطي
جهاد..... أنا فرحانه والله بلمتكم حواليا أوي
قامو جهاد وزينب واندمجو وسط النساء
وكانت ليله سعيده علي الجميع وعندما انتهت الليلة لبست
جهاد النقاب وركبت مع عمر السيارة
ومن أمام السيارة الدراجات الناريه ومن خلف السيارة العربيات الأخري
وصلت السيارة إلي المنزل ودخل العروسين
ووقف . المعازيم خلف الباب يرددون
بارك الله لكما وبارك عليكما وجمع بينكما في خير
دخل عمر الشقه وأدخل جهاد
كان عمر مزين الشقه بطريقة جميلة جدا خطفت قلب جهاد
وفي بداية الشقه كان يوجد شريط أعطاها عمر المقص وقال
عمر...... قصي الشريط يا عروسه
نظرت له جهاد بفرحه واخذت المقص وقصت الشريط
فقال عمر
إنتي دلوقتي داخل مملكتك طلباتك كلها أوامر
اطلبي طلب أول شريط تقصيه
جهاد....... هو لسه في تاني هيتقص
عمر...... طبعاً في كتير اطلبي
اتمنى إننا منزعلش من بعض أبدا ونفضل طول عمرنا متفاهمين
أخذها عمر إلي غرفة الاطفال وقال قصي الشريط
قصت جهاد الشريط وهي مبتسمة ففتح عمر غرفة الاطفال
ودخلت جهاد وأعجبت بها كثيرا
عمر..... إيه رأيك في الاوضه دي
جهاد..... تحفه. أجمل من الصور بكتير
عمر..... طيب يلي اطلبي الطلب بتاع قص الشريط ده او أتمني امنيه
جهاد...... بسعادة ولمعه في عينيها ..... أتمني يكون عندي اطفال كتير اوي اربيهم كلهم علي طاعة ربنا ويطلعو حنينين كده زيك
عمر.... يارب ارزقنا بالذرية الصالحة يارب تعالي بقي علي غرفة المعيشة
قصي الشريط علشان أفتح الباب
قامت جهاد بقص الشريط وفتح عمر الباب وأعجبت جهاد بالغرفة كثيراً
أتمني امنيه يلي أو اطلبي طلب
جهاد..... أنا هطلب منك إننا يومياً نقعد مع بعض هنا ونحكي مشاكلنا لبعض ونخفف عن بعض ومنخبيش عن بعض حاجه أبدا
عمر ... وأنا هحاول على قد ما اقدر انفذلك الطلب ده
يلي بقي علي اوضة النوم علشان تقصي الشريط
قصت جهاد الشريط وفتح عمر الباب
فوجدت جهاد الغرفه مزينه بالورود وفي غايه الجمال لم تستطع أن تمسك دموعها فنزلت على وجهها وهي مبتسمة
كل ده علشان خاطري أنا
عمر..... إنتي تستاهلي كل الخير إللي موجود في الدنيا كلها
يلي اطلبي الطلب او أتمني امنيه
جهاد...... أنا هتمني امنيه بس المره دي هخليها في قلبي
ومش هقولك عليها غير في وقتها
عمر..... طيب يلي نصلي أنا نفسي أصلي بيكي أمام
جهاد... أنا متوضيه وهصلي بالفستان
عمر... وأنا متوضي يلي بينا نصلي
واغلق الباب على عمر وجهاد وهم بين يدي الله يصلون
.
🔴🔴🔴🔴🔴🔴🔴🔴🔴🔴🔴🔴🔴🔴
الحلقة 21 - قبل الاخيرة
.
.
انتهي يوم الفرح بسعادة على الجميع . وأصبحت جهاد أحد أفراد عائلة عمر
وفي الصباحية في التاسعة صباحا قامت والدة عمر برن الجرس على عمر
والدة عمر....... صباحيه مباركه يا حبيبي
عمر....الله يبارك فيك يا ماما اتفضلي
والدة عمر..... لأ يا حبيبي تسلم يلا علشان تنزل تفطر مع أبوك
عمر....... حاضر يا ماما هننزل وراكي على طول
بعد وقت قصير نزل عمر ومعه جهاد كانت جهاد سعيده
وهي تمشي بجوار عمر
سلمت جهاد علي الموجودين وباركو جميعاً لها ولم ترفع النقاب أمام آدم مما أغضب والدة عمر منها
جهاد...... هي حواء فين يا طنط
والدة عمر.... بحدة هو إنتي بتقولي لأم أيمن يا ماما وبتقولي لأم زينب يا ماما وجايه عندي تقوليلي يا طنط
جهاد..... أنا آسفه والله مش قصدي أنا بس لسه متعودتش
والدة عمر.... متعوديش طيب اتعودي يا أختي
جهاد..... حاضر
خرجت حواء من المطبخ سلمت علي جهاد وباركت لها واخذتها معها داخل المطبخ
في الخارج
عمر..... في إيه يا ماما إنتي بتكلميها كده ليه .ده انهارده الصباحية بتاعتها يعني براحه عليها
والدة عمر..... هي لحقت ..بدافع عنها من دلوقتي .وقلبتك على أمك
والد عمر..... مالك يا أم عمر اهدي شويه إحنا في فرح
إنتو خدتو عين ولا ايه صلو كده على النبي
خرجت حواء من المطبخ هي وجهاد
جهزو الفطار واجتمعو جميعاً حول المائدة
وعندما انتهو عاد عمر إلي شقته وجلس والد عمر مع والدته
والد عمر..... مالك كده ياأم عمر في إيه
والدة عمر.. .... مالي الحمد لله كويسه
.والد عمر.....عايزك تصاحبي مرات إبنك وخليها حبيبتك
والدة عمر...... كفايه عليها إبني بيحبها ومش طايق عليها كلمه ... دي زي ما تكون سحر*اله
والد عمر.... إيه الكلام ده بس يا ام عمر . المشاكل بدأت بدري أوي مش من يوم الصباحيه كده
والدة عمر..... معلهش أصل أنا بتاع مشاكل
والدة.... مالك يا أم عمر واخده الكلام كله على اعصابك ليه كده اهدي شويه إحنا عندنا فرح والناس داخله خارجه علينا
مش عايز حد يخش بيتنا ويطلع يتكلم علينا .ما إنتي وافقتي على الجوازه بإرادتك إيه إللي حصل تاني
والدة عمر...... بدموع غلبتها
حاسه إن إبني اتخطف مني مكونتش بنام غير لما اطمن عليه واجهزله اكله واكويله لبسه
دلوقتي خلاص كده... واحده غيري تصحيه وتأكله وتخلي بالها منه ..ويحبها كمان اكتر مني.وعند هذه الجمله انهارت من البكاء
والدة..... صلي على النبي . مفيش واحده مهما كانت تخلي الراجل يحبها اكتر من أمه . وبعدين هي دي سنة الحياة
أنا برضه كنت عايش مع أمي وإنتي جيتي خدتيني منها
والدة عمر.....بس أنا كنت بنت بنوت وأول فرحتك
إنما هي سبق ليها الجواز قبل كده .ومفرحتنيش زي ما كل أم بتفرح بإبنها
والدة بغضب..... لزمته إيه الكلام ده بقي متزعليش إبنك بالكلام ده .هي دلوقتي مراته ومش هيقبل عليها ولا كلمه
واحنا عندنا ولايه وعايزين نتقي الله في بنات الناس علشان نلاقي إللي يتقي ربنا في عيالنا
.........وتمر الايام وكل يوم يأتي الكثير من المهنئين من اصدقاء عمر
حتي عاد عمر إلي عمله وزاد الاختلاط بين جهاد وحماتها
ولا تخلو الأيام من مضايقات والدة عمر لجهاد ولكن كان عمر دائما يطيب خاطرها وينسيها ما تفعله والدته بحنانه الزائد عليها .فمنذ أن ذهب عمر إلي عمله كل يوم يأتي لها بقطعه من الشيكولاته وفي أحد الأيام نسي
جهاد..... عمر إنت زعلان مني ولا ايه
عمر...... أنا أقدر برضه ازعل منك
جهاد..... إحنا بقالنا شهرين متجوزين وكل يوم بتجبلي شيكولاته مجبتش انهارده ليه
عمر....... هكدب عليكي لو قولتلك نسيت بس أنا مجبتش انهارده علشان أعرف الشيكولاته دي بتفرق معاكي ولا لأ
جهاد...... يااااااه دي بتفرق معايا اوي اوي وبتفرحني أوي أوي... كفايه إنها بتخليني عارفه إنك فاكرني وإني كل يوم في بالك
عمر......ياه الشيكولاته ام٥جنيه وفي آخر الشهر بجيب ام ٢جنيه بتفرق معاكي أوي كده
جهاد...... العبره مش في قيمتها المادية إنتي ممكن تجبلي الماظ وابقي مش مبسوطه بيه
أنا عارفه إن امكانياتك تسمحلكش غير إنك تجبلي دي ولو وفرتها تبقي افضل واوفر ليك .بس إنت فاكرني وبتحاول تفرحني
هو ده المهم . إنك عارف إيه إللي يسعدني وبتعمله
عمر....... أنا لو طولت اجبلك حته من السما مش هتأخر عنك
جهاد...... وأنا عارفه والله ....ربنا يباركلي فيك يارب
وفي صباح اليوم التالي كان عمر ووالده وآدم جميعهم في العمل وكانت حواء في الخارج
وكانت جهاد في المطبخ تحضر الطعام ومره واحده شعرت بالدوخه ووقعت علي الأرض
دخلت والدة عمر علي الصوت وجدت جهاد واقعه على الأرض
والدة عمر بخضه..... جهاد جهاد مالك يا بنتي
حاولت افاقتها ولم تستطع فجرت علي أم أيمن تستنجد بها فجاءت سريعاً هي وزينب
حاولو افاقتها وفاقت بصعوبه
زينب..... مالك يا جهاد في أي
جهاد..... حسيت مره واحده إن رجلي مش شايلاني ووقعت علي الأرض
والدة عمر..... ماهو من اكلتك الضعيفة بقعد أقولك كلي
وإنتي بتاكلي أكل عصافير
أم أيمن...... الحمد لله إننا اطمنا عليها المهم تروحي تكشفي الدكتوره تكتبلك مقويات ولا حاجة
والدة عمر...... إن شاء بالليل نروح نكشف لما عمر ييجي
دا أنا أعصابي سابت لما لقيتها واقعه في الأرض
اطلعي يا بنتي ريحي وأنا هحضر الأكل ودلوقتي حواء جايه تساعدني
طلعيها يا زينب
زينب..... حاضر
........جاء عمر في المساء وعندما علم بما حدث أصر على أن يذهبو حالا إلي الطبيبه
ذهب هو وجهاد ووالدته
عندما سمعت منها الطبيبة عن الأعراض التي ذكرتها قامت بعمل اشعه لها ليتبين أنها حامل
الدكتوره..... ألف مبروك يا استاذه جهاد إنتي حامل
نظرت جهاد إلي عمر بسعادة ونظرت إلى حماتها بسعادة وقالت
أنا حامل يا ماما ... أنا حامل يا عمر
عمر بفرحه شديدة..... ألف مليون مبروك الحمد لله يا رب
والدة عمر بفرحه....... ماشاء الله ماشاء الله ألف مبروك يا عمر ألف مبروك يا بني مبروك يا جهاد
الدكتوره.......اطلعي بقي على السرير علشان اطمن علي الجنين
فعلت جهاد مثلما قالت الدكتورة
الدكتوره... ماشاء الله أنا ظاهر عندي كيسين اهه
مبروك إنتي حامل في توأم بكت جهاد من الفرحة وكان عمر ينظر لها بسعادة وفرحت والدة عمر كثيراً جداً
. الدكتوره... إنتي ضعيفة جدا ليه كده . أنا هكتبلك على العلاج ده تمشي عليه
ظلت الطبيبة تحدثهم بما يجب عليهم فعله وما يجب عليهم أن يتجنبوه
وحذرتها من الحركة الكثيره وحذرتها من عمل مجهود كبير
انتهت زيارتهم عند الطبيبة وعادو إلي المنزل واخبروهم بحمل جهاد
فرحو لها كثيرا وتمنو لها أن يتم لها الله علي خير
ذهبت إلى زينب واخبرتها وفرحت لها زينب كثيراً ودعت الله أن يكمل لها حملها على خير
دخلت إلي شقتها هي وعمر
عمر...... ألف مليون مبروك يا أم العيال
جهاد.... هههههههههههه الله يبارك فيك يا أبو العيال
عمر...... أنا فرحان أوي هو أنا بحلم ولا دي حقيقه
جهاد...... أنا خايفه اكون أنا إللي بحلم اقرصني كده يا عمر علشان لو بحلم افوق
عمر...... إنتي مش بتحلمي إنتي صاحيه عيشي اللحظة وافرحي بيها .يارب ارزق كل مشتاق يارب
جهاد..... اللهم امين وربنا يرزقك يا زينب بالذرية الصالحة يارب
عمر...... بصي بقى من دلوقتي مش عايز اشوفك بتجهدي نفسك أبدا إللي تقدري تعمليه اعمليه
واللي متقدريش عليه أنا أعمله . أنا عايزك تستريحي علي الآخر
منذ علمت والدة عمر بحمل جهاد وهي تعاملها معامله حسنه
وتغيرت معها إلي الافضل
.
🔴🔴🔴🔴🔴🔴🔴🔴🔴🔴🔴🔴🔴🔴
الحلقة 22 - الاخيرة
.
.
كانت شهور الحمل تمر على جهاد صعبة جدا ومتعبه أيضا
. ولكن عندما كان يتحرك الجنين داخل بطنها
يزول عنها تعبها .ويخفف عنها ألمهاوتبتسم محتضنه بطنها وتحدث أطفالها
.وتقرأ لهم القرءان حتي يعتادو عليه
وتدعو الله أن يخرجهم إلي الدنيا وهم بأفضل صحه وافضل حال .فها هو شهرها الأخير في الحمل
وكان عمر طيلة حملها يساندها .كم ساعدها في أعمال الشقه
وكم تحمل تقلباتها المزاجية. وكم تحمل بكائها بدون سبب
رفع من معنوياتها . وساندها
وجعلها تعيش في جو الاسره التي ظلت تتمناه طوال حياتها
وتغيرت معاملة حماتها معها وأصبحت تعاملها افضل من ذي قبل .واحبتها واحبت طيبتها. ولكن تبقي في النهاية حماتها التي لا تقبل لها أي خطأ حتي لو كان غير مقصود
وأخت زوجها حواء كم ساعدتها كثيرا هي وزينب
وزينب لم ترزق بعد بالاطفال
وفي يوم كانت حواء وأخت أيمن يجلسون مع زينب
حواء..... هو إنتي يا زينب بتقعدي تصلي الوقت ده كله إزاي
دا أنا هما دقيقتين تلاته بالكتير واخلص
أخت أيمن..... أنا عايزة أعرف ليه الصلاة استغفر الله العظيم يعني بحس إنها تقيله كده علي قلبي
زينب..... إنتي عارفه بتحسي إنها تقيله ليه
اصل إحنا شايفين إن الصلاة دي هم وعايزين نخلص منه
أقوم أصلي الفرض بسرعه .اهو علشان أبقي أديت الفرض إللي عليا وخلاص
وأخرج من الصلاة وأنا مش عارفه اصلا إيه الصور إللي صليت بيها
الموضوع إللي كنت بفكر فيه قبل ما ادخل في الصلاة
أكمل تفكير فيه عادي . وممكن الشيطان كمان يخليكي تلاقي للموضوع ده حلول ممتازه .ما هو ده هدفه
إنك متستسعريش بعظمه وجمال اللحظة إللي إنتي فيها
إنتي متخيله إنتي واقفه بين يدي مين إنتي متخيله
تخيلي كده إنك أول لما بتفرشي سجاده الصلاه
ربنا بينصب وجه قصاد وشك
إنتي دلوقتي وشك قدام وجه ربنا إنتي متخيله
إنتي عارفه إنتي لو غمضتي في الصلاة ربنا بيقول ايه
ماذا لقيت من وجهي ياعبدي حتي تغمض عينيك
الله علي دي لحظه أنا ربنا قدامي وشايفني ازاي اخلي موضوع مهما كان هو إيه يستحوذ على تفكيري وأنا في لحظة زي دي
المفروض وقت الفرض ده هو الوقت إللي بتوقفي فيه هموم الدنيا علشان تخشي تجددي طاقتك وصبرك وتخرجي أحسن وبنفسيه أحسن
بس إحنا بقي نيجي داخلين الصلاه بهمومنا ومشاكلنا
ونخرج منها بهمومنا ومشاكلنا ونقول الصلاه عملت لينا ايه
مشاكلنا هي هي
سؤال بس هي فين الصلاة إللي إنتي صلتيها دي
إنتي كان عندك موضوع دخلتي كملتي تفكير فيه وإنتي بتعملي شويه حركات جسمك حفظهم من تكرارهم
عايزاكم يا بنات وانتوا بتصلو تستشعرو إنتو واقفين بين ايدين مين مين اللي وجهه الكريم قصاد وجهك إنتي
إنتي واقفه بين ايدين ربنا
ربنا إللي خلقك وكرمك
ورزقك وحفظك .ربنا إللي اوجدك
إنتي دلوقتي بين ايديه
بتقولي الحمد لله رب العالمين
ربنا يرد ويقول
حمدني عبدي
تقولي.الرحمن الرحيم
ربنا يرد عليكي ويقول
اثني عليا عبدي
إنتي بتقرإي وربنا بيرد عليكي
إنتي لو حاطه الموضوع ده في دماغك مش هتكري سورة الفاتحة في ثانيه
لو مستشعره جمال اللحظة .عمر ما فيه موضوع مهما كان شاغل تفكيرك يفضل شاغل تفكيرك وإنتي بين ايدين الكريم
إنتي لو عندك مشكله تفوضي أمرك بس لربنا وشوفي المشكلة هتتحل إزاي .مش تقفي وإنتي بتصلي تفكري فيها
إنتي بتبقي قريبه من ربنا جداً في السجود
ادعي ادعي بكل إللي نفسك فيه
وربنا هيخترلك افضل حاجه
المشكله مش في الصلاة .. المشكله فينا إحنا إللي مش عارفين إزاي نصلي
حواء..... الله كلامك حلو أوي يا زينب أنا حاسه اني عايزه أقوم أصلي دلوقتي
بس ببقي مش عارفه أدعي بإيه وأنا بصلي
زينب..... ادعي إن ربنا يرزقك بالجنه ويثبتك على الإسلام
وادعي الدعوه إللي الرسول كان دايما يدعي بيها
اللهم يا مقلب القلوب ثبت قلبي على دينك
أخت أيمن نورا.....في حاجات كتيره ببقي مش عارفه أدعي أقول ايه فيها .ببقي محتاره اصلا فيها
زينب..... بصي قولي ربي اختارلي ولا تخيرني
وشوفي إنتي بقي الحاجة إللي ربنا هيخترهالك
حواء..... طيب قوليلي على دعاء إنتي دايما بتدعي علشان تحققي إللي نفسك فيه في الدنيا
زينب..... أنا علشان حالياً بتمني إني ربنا يرزقني بالذرية بقول
ربي لا تذرني فردا وانت خير الوارثين
وانتوا كمان يا بنات ادعولي وقولو
ربي لا تذرها فردا وانت خير الوارثين
نورا..... بدعيلك إنتي وأيمن علي طول إنتو تستاهلو كل الخير إللي في الدنيا كلها
حواء...... جهاد عماله ترن عليا من بدري كانت تعبانه الصبح وماما قالتها تطلع تريح بس شكل التعب زاد عليها أنا هروحلها
زينب..... طيب استني أروح معاكي
ذهبت زينب وحواء إلي جهاد وجدوها تبكي
زينب..... مالك يا حبيبتي بتعيطي ليه
جهاد..... أنا حاسه اني تعبانه .ولما طلعت قعدت لوحدي في شقتي حسيت إني هموت وأنا لوحدي وصعبت عليا نفسي وعيطت
زينب..... طيب صلي على النبي واهدي ولو حاسه إنك تعبانه أوي قومي نروح المستشفى أنا هكلم أيمن واقوله إني رايحه معاكي
كانت والدة أيمن ووالدة عمر وصلو إلي شقه جهاد
والدة أيمن..... مالك يا بنتي فيكي ايه
جهاد..... أنا في وجع بييجي في ضهري والوجع بيلف لحد ما يوصل عند بطني شويه كده والوجع يقف تماما وبعدين يبدأ تاني من ضهري
والدة أيمن..... ده الطلق يا حبيبتي انتي كده هتولدي
يلي يا أم عمر ناخدها ونروح على المستشفى
في أقل من دقيقة كان البيت رأسا على عقب اتصلوا بعمر ووالدة اتو من عملهم مسرعين
وكان آدم في المنزل اصطحبهم إلي المشفي
وكانت المستشفى مليئه بأهل جهاد
وضعو لها محلول وعندما اشتد بها ألم المخاض أخذوها إلي غرفة العمليات ..لم تمكث فيها كثيراً وسمعو صوت بكاء الاطفال
ابتسمت زينب من بين دموعها وظلت تحمد الله
وابتسم عمر ونزلت دموعه عندما سمع صوت أطفاله
خرجت لهم الممرضة بالاطفال حمل عمر الطفل الأول وأذن في أذنه
وحملت زينب الطفل الآخر . ظلت تنظر له وتدعو الله أن يرزقها بالذرية الصالحة . وبعد وقت كثير خرجت لهم جهاد من العمليات ولكنها لم تفق بعد من البينج
.
كانت وهي في البينج تنطق الشهاده وتدعو لزينب أن يرزقها الله بالذرية الصالحة
ظلت على هذه الحالة حتي فاقت كليا
ووجدت الجميع حولها مبتسمين ويلاعبون الاطفال
عندما وجدت زينب أن جهاد بدأت تفتح عينها جرت عليها وهي تحمل الطفل وقالت
شوفي يا جهاد بنتك عامله زي القمر إزاي
ابتسمت جهاد وقالت لزينب ان تضع الطفلة داخل أحضانها
وضعت زينب الطفلة داخل حضن جهاد واقترب عمر من جهاد وقال
ألف مليون مبروك يا أحلي أم في الدنيا كلها
جهاد بتعب.... الله يبارك فيك يا عمر وريني إبني عايزه أشوفه
اقترب كل من في الغرفه عليها وباركو لها
وعندما عدي وقت كثير على الولادة واطمئنو أنها بخير
. والأطفال أيضا بخير كتبو لها على خروج
عادت جهاد إلي البيت وهي تحمل الفرحه بين يديها وكانت سعادة الدنيا تملأ قلبها فقد رزقها الله بكل ما تتمنى
.بل أكثر مما تمني .رد لها الله حقها من كل من ظلمها .
وجبر قلبها .وعاشت سعادة لم تحلم بها يوماً في اجمل أحلامها .
وعندما عادو إلي المنزل
عمر..... هنسمي العيال ايه يا جوجو
جهاد.... بابا وماما يسمو الولد وأنا وإنت نسمي البنت
والد عمر....... أنا موافق إيه رأيك يا أم عمر نسمي الولد إيه
أم عمر..... إيه رأيكم في محمد علشان يكون على إسم الرسول
جهاد..... احلى اسم في الدنيا
ونسمي البنت إيه يا عمر بقي
عمر..... أنا مقرر اسم بنتي من زمان هسميه إيه
أنا هسمي بنتي جهاد
جهاد بسعادة داخليه تريد أن تداريها... لأ أختار أي إسم تاني يا عمر
عمر ... ابدا مش هسمي أي إسم غير جهاد
يبقي جهاد الكبيرة جت نورت دنيتي وحياتي وخلتني أحب الدنيا علشان هي عايشه فيها واحارب الدنيا كلها علشان خاطرها
وجهاد الصغيرة جت بالفرحة والسعادة على قلوب الجميع
أعيش علشان خاطرها هي وأخوها . أعمل كل إللي أقدر عليه علشان اخليكم أسعد ناس في الدنيا
عادت زينب إلي المنزل وهي تشعر بالدوخه الشديدة
حكت لأيمن عن هذه الدوخه وأصر أن يصطحبها إلي الطبيبه
ليسمع البشارة التي حلمو بها كثيراً
أتصل أيمن علي والدته وأخبارها أنه سيجلب معه العشاء ولا تحضر هي شئ
جاء أيمن بالكثير من الحلوي والأكل
دخل عليهم المنزل هو وزينب وهم مبتسمين
والدة أيمن...... وشكم منور لعله خير
أيمن بسعادة...... أنا عازمكم انهارده وجايب الحلويات دي
علشان اقولكم على أحلي خبر سمعته في حياتي
إبنك هيبقى أب يا ابو أيمن
إبنك هيبقى أب يا أم أيمن
عندما سمعت والدة أيمن هذه البشرى لم تتحكم في نفسها واطلقت الزغاريد التي تعبر عن فرحتها بهذا الخبر السعيد
فقد جبر الله قلب ولدها وجبر قلبها
واعطاهم ما كانو يتمنونه
تمت بحمد الله