CMP: AIE: رواية فرح الزين الفصل السابع7بقلم مارينا عبود
أخر الاخبار

رواية فرح الزين الفصل السابع7بقلم مارينا عبود

  


رواية فرح الزين بقلم مارينا عبود

  الفصل السابع7

بقلم مارينا عبود


زين وفرح بصدمه  ؛نعممممم مستحيل 


وفاء بابتسامه؛وليه مستحيل

 

فرح ؛طنط انا مستحيل أوافق 


زين بعصبيه ؛ولا انا هوافق 


وفاء برجاء وحزن؛طب علشان خاطرى

 

فرح ؛انا اسفه بس الشخص ده لو اخر واحد على الكوكب مش هتجوزه 


زين ؛لا انا إللى بموت فيكى انا كمان مش هتجوزها 


وفاء كانت هتتكلم بس فرح قاطعتها؛انا اسفه بس انا لازم أمشى وهبعت ل حضرتك دكتوره غيرى تتابع حالتك بعد اذنك وسابتهم وطلعت 


زين ؛يعنى يا جدتى من الكون كله ملقتيش غير ديه انا مستحيل أوافق على الجوازه ديه

 

وفاء بتعب ؛زين علشان خاطرى اسمعنى 


زين بمقاطعه ؛لا يا تيته مستحيل بعد اذنك

 وياريت متفتحيش الموضوع ده تانى وكان هيطلع بس وقفه صوت وفاء 


زين التفت لقاها تعبت واغمى عليها 


زين بخوف ولهفه ؛ماما ماما فوقى فوقى بالله وانا هعملك إللى عاوزه ماما 


زين طلع من الاوضه  ونزل بسرعه وطلع من الفيلا علشان يلحق فرح 


فرح كانت ماشيه بس وقفها صوت زين 


فرح بعصبيه؛انت عاوز ايه يا بنادم انت 


زين والدموع ف عنيه؛فرح ماما وشاور على فوق 


فرح بخوف ؛مالها ف ايه


زين بحزن ؛تعالى معايا


زين اخد فرح ودخلوا الفيلا وراحوا غرفه وفاء 


فرح ؛اطلع انت وانا هشوفها


فرح فحصتها وطلعت لقت زين  بيعيط زى الأطفال وبيدعيلها ؛يارب انا مليش غيرها أرجوك متحرمنيش منها وانا هعملها إللى هى عاوزه بس تفوق يارب 


فرح بحزن ؛زين 


زين بخوف ولهفه؛هى كويسه صح


فرح بحزن ؛هى حصلها هبوط مره تانى وصدمه ومينفعش تتعرض ل اى ضغط 


زين مسح دموعه ومسك ايد فرح ونزلوا تحت 

فرح؛ف ايه يا حما*ر شاددنى وراك كده ليه 


زين بجمود؛فرح وافقى على طلب ماما وفاء 


فرح بصدمه ؛نعم لا ده مستحيل 


زين بعصبيه ؛افهمى انا مش هخاطر بحياتها علشان خاطر غرورنا ورضانا احنا ، احنا هنتجوز على ورق ووعد منى شهر او اتنين حالتها تتحسن وانا هطلقك بس لو سمحتى وافقى انا مليش غيرها ومعنديش استعداد اخسرها ارجوكى وافقى وانا هعملك إللى عاوزه 


فرح بحزن على حالته ؛حاضر هوافق بس علشان خاطرها 


زين بدون وعى حضنها وهى وقفت مصدومه وثوانى وبعد عنها 


زين باحراج:احم انا اسف وسابها وطلع فوق 


فرح فاقت من صدمتها وطلعت فوق

 

زين؛هى هتفوق امته 


فرح ؛انت اديتها حقنه دلوقتى وهتفوق بعد شويه 

زين كان هيتكلم ف فونه رن 


زين ؛ايوه يا عمر 


عمر:ايه يابنى مش جاى الاجتماع ولا ايه

 

زين بحزن؛لا يا عمر كمل انت الشغل جدتى تعبت. ومينفعش اسيبها


فرح لنفسها؛جدته ؟هى امه ولا جدته ايه اللخبطه ديه 


زين ؛خلاص تمام وقفل 


فرح؛احم ممكن سؤال  


زين ؛اتفضلى 


فرح ؛هى طنط وفاء جدتك ولا مامتك 


زين بابتسامه؛هى جدتى وبقولها ماما علشان اول ما وعيت على الدنيا كانت هى معايا

 

فرح؛طيب والدك ووالدتك فين


زين ؛متوفيين وانا مليش غير جدتى 


فرح  بحزن ؛ربنا يرحمهم 


زين؛يارب 


فرح:طيب انا لازم أمشى لو حصل اى حاجه تانى بلغنى 


زين ؛تمام اتفضلى هوصلك


فرح ببرطمه؛هو بيتحول ولا ايه

 

زين بضحك،لا ده علشان انقذتى جدتى وكمان علشان هتكونى زوجتى المستقبليه وعيب اسيبك تمشى لوحدك ف الوقت ده 


فرح ؛زوجتك ف عينك 


زين ؛طيب يلاه ياختى يلاه 


فرح طلعت وزين قفل باب الاوضه ونزل وراح وصلها بيتها 


زين ؛اعملى حسابك فرحنا هيتم خلال يومين

 

فرح بصدمه ؛يومين ايه فرح اختى خلال يومين اكيد مش هينفع 


زين بابتسامه؛خلاص يبقه فرحك وفرح اختك مع بعض 


فرح ؛ايوه بس


زين بمقاطعه؛مبسش 


فرح بصتله بغيظ ونزلت وهو أخد عربيته ومشى

 

💓______________________❤


                     فى شقه حسناء

 

حسناء :ايه يا بنتى اتاخرتى كده ليه

 

فرح ؛عاوزه اقولك حاجه 


حسناء؛احكى 


فرح حكتلها  كل  إللى حصل


حسناء؛امم وانتى موافقه 


فرح بحزن؛معنديش حل تانى جدته تعبانه وهى ضغط عليها هيبقه خطر على حياتها علشان كده مضطره أوافق 


حسناء بابتسامه؛يمكن يبقه خير 


فرح بعدم فهم ؛مش فاهمه 


حسناء بابتسامه؛مش يمكن انتى وزين تحبوا بعض وجوازكم يكمل 


فرح فضلت تضحك ؛ههههههه انا والمغرور ده مستحيل لا لا ههههه 


حسناء بضحك؛ماشى يا فرح لما نشوف 


فرح بضحك؛لا بجد ده مستحيل


حسناء بابتسامه ؛طب يلاه علشان ننام بكره عندنا يوم طويل ولازم نحضر واه صحيح فرح حمزه وميسره هيبقه معانا 


فرح بفرحه؛هو حمزه رجع 


حسناء ؛اااه رجع النهارده 


فرح؛يا  ولااا على الأخبار الحلوه 


حسناء بضحك:طب يلاه ياختى علشان ننام 


فرح؛يلاه 


وكل واحد راحت أوضتها علشان تنام 

❤_______________________❤


                     فى فيلا الهلالى


 زين كان نايم على الكرسى  قصاد جدته 


وفاء بتعب ؛زين يابنى 


زين فاق على صوتها وقام وقعد جنبها؛حبيبتى انتى كويسه 


وفاء بحزن؛انا كويسه يابنى 


زين بحزن ؛انتى ليه مصره توجعى قلبى عليكى انتى عارفه انى مليش غيرك 

 

وفاء بحزن ؛حقك عليه يا قلبى 


زين بابتسامه وقام باس  جبينها؛طيب اجهزى

 علشان فرحى انا وفرح هيبقه خلال يومين 


وفاء بفرحه؛انت انت بتتكلم بجد يا زين

 

زين بحب ؛ايوه يا قلب زين 


الجده وفاء حضنته ودموعها نزلت ؛وأخيرا هفرح بيك يابنى 


زين طلع من حضنها ومسح دموعها ؛مش عاوز اشوف الدموع ديه تانى

 

وفاء بابتسامه؛حاضر 


زين ؛يلاه ارتاحى وانا هروح اوضتى 


وفاء بفرحه؛ماشى 


زين بأس جبينها وراح أوضته وهو بيفكر ف فرح 

🔥______________________❤


                 .ف صباح يوم جديد 


فرح وحسناء كانوا قاعدين بيفطرو  والباب خبط 


فرح؛انا هروح اشوف مين

 

حسناء؛ماشى

 

فرح قامت وفتحت الباب واتصدمت 




تعليقات



حجم الخط
+
16
-
تباعد السطور
+
2
-