رواية حب بعد عذاب
الفصل الاول
بقلم رحمة وائل
بسم الله الرحمن الرحيم
الام : جهزي نفسك العريس جي يشوفك اي هييجي يشوفگ بمظرك دا
سجود بصدمه : عريس اي الي نتي بتتكلمي عنه دا انا مش هتجوز
الام : لا يحبيبتي هتتجوزيه ورجلك فوق رقابتگ كمان
سجود : بالله عليگي متعملي فيا كدا انا مستعده اعمل اي حاجه الا اني اتجوز بالطريقه دي انا مستعده اعيش هنا خدامه بس متعملوش فيا كدا
الام : بس ي بت نا مش هعيد كلامي تاني بدل والله نتي عارفه انا ممكن اعمل فيكي اي
وخرجت الام من الاوضه
»»»»»»»»»»»»»»»»»»»»»»»»»»
اه معلش نسيت اعرفگوا بنفسي انا سجود عامر الادهم عندي ٢١ سنه في كليه طب والي كانت بتتكلم دي مرات ابويا بتكرهني كره العمي بس بتعمل ادام ابويا ابويا اتجوزها بعد وفاه امي بسنتين مكنش عندي اخوات لحد ما بابا اتجوز الست دي وخلف منها بنتين ( مريم واحلام ) الاتنين طيبين وبيحبوني مش زي امهم
»»»»»»»»»»»»»»»»»»»»»»»»»»»
قعدت فاوضتي مش عارفه اعمل اي انا مافيش في ايدي حاجه اعملها قطع تفكيري صوت طرقات باب اوضتي
انا : ادخل
مريم : مالك ي جميل بتعيط لي بس
انا : مانتي عارفه المصيبه الي انا فيها
دخلت احلام مندفعه
وقالت بشهقه : ياحوستي مثيبه مصيبه اي ي بت انطقي
مريم : بس ي احلام بطلي هزار شويه
احلام بمرح : ي اوختي اضحگي محدش واخد منها حاجه كتگم الهم انتوا الاتنين
انا بعياط : هيجوزوني بالغصب ي احلام
احلام : طيب مش فاهمه اي المشگله اهو اي حاجه تبعدي بيها عن العذاب الي نتي بتشوفيه هنا دا ويمكن تحبيه والصناره تغمز
مريم : والله البت دي بتتگلم كلام محترم
انا : ي مريم نتي عارفه اني بحب حسام
احلام : حسام مين دا ها مين ينهار بطيخ ليكون حسام جارنا
مريم : اه ي اوختي هو هو
احلام : هو الواد مز بصراحه ويتحب يعني
انا : بص والنبي انا في اي وانتوا في اي
مريم : ما هو بصراحه مش مديكي اي وش دا لو كان عارف اصلا انك عايشه
احلام بجديه مصطنعه : بصي ي سجود ي ختي انا عندي ليكي فكره جهنميه تخلصك من المشكله دي
انا : واي هي بقا ي ست احلام
مريم : ي بت دي واحده تافهه فخططها اكيد تافهه زيها
انا : سيبيها ي مريم ممكن تقول حاجه مفيده ماهو يوضع سره في اضعف خلقه برده
احلام بتخطيط : بصي ي ستي انتي بتحبي حسام جارتنا ومش عايزه عريس الغافله دا فانتي طبعا عارفه مسلسل لن اعيش في جلباب ابي تعملي زي سنيه ولا اسمها اي دي بالظبط ماشي وهما حلين للخطه هتنجح وتتطفشي العريس دا لاما هتفشل وتكلي عالقه موت محترمه ونتي وحظگ بقاااا
انا : امشي ي بت من هنا هتموتيني حرام عليكي قومي ي مريم والنبي قولي لامك انتي موافقه خليني اخلص من المتخلفه دي
مريم بضحك : قولتلك متسمعلهاش قولتيلي لاء سبيها اشربي بقا
انا : كان عندك حق والله ي بت ي مر
قطع كلامنا دخول امنا الغوله اصدي امي ما انا بقولها ي ماما
الام : قومي ي ختي منك ليها بقينا بعد العصر ونتوا قاعدين يالا ي سجود قومي اعملي الاكل وروقي البيت يا حبيبتي بدل قاعدتك دي
ثم خرجت الام
مريم وهي تنهض من فوق الفراش مسرعه : والله البت احلام عندها حق اهربي ي بنتي من هنا ووافقي علي العريس دا
مر الوقت سريعا بين الطبخ والتنظيف والتفكير حتي جاء معاد قدوم العريس
دق الباب ففتح الاب
عامر بترحاب شديد : اتفضلوا اتفضلوا
الام : ي مراحب منورين والله
قعد اهل العريس واخذوا يتحدثون حتي قال والد العريس: امال فين العروسه يا حج عامر
عامر للام : نادي سجود من جوه يا ام مريم
وفجاه سمعت صوت امي وهي بتستعجلني علشان اطلع اسلم علي العريس واهله واعطت لي الصينيه بالمشروبات
دخلت وانا وشي في الارض مرفعتهاش وحطيت الصينيه علي الطربيزه ورفعت وشي بدون قصد وكانت الصدمه ...