رواية كيف تكون النهاية
الفصل الاول والثاني
بقلم ايه الجلاد
_بقولك ايه احنا بكرا هنخرج
قالت ذلك فتاه و ردت الفتاه الاخري
_اه و بعدين
_هو ايه اللي بعدين عندك فكره هنخرج بكرا نروح فين
_لا معنديش فكره
_طب و بعدين
_بقولك ايه متوجعيش دماغي بكرا ربنا يسهلها
_بصي احنا اول ما نخرج اول حاجه نعملها ندور علي مكان نقعد فيه و بعد كدا ندور علي شغل
_بس احنا نخرج الاول و كل حاجه هتتحل
_يارب
_بقولك ايه اتخمدي بقه علشان انا صدعت
_جتك خامده يا شيخه
🌼🌼🌼🌼🌼🌼🌼🌼🌼
في منزل باحدي مناطق الاسكندريه متوسطه الحال في شقه متوسطه الحجم استيقظت علي صوت المنبه في تمام السادسه صباحا
هي/يلا يلا يا حلوين هتتاخرو
مالك/سبينا شويه يا مامي
هي/يلا مفيش شويه يلا يا مليكه
مليكه/حاضر يا مامي انا صحيت اهو
هي/شاطره يا روحي يلا
مالك/و انا كمان صحيت اهو
هي/انت كمان شاطر يا قلبي يلا روحو اتوضو وصلو علي ما احضر الفطار
ذهب الاطفال لتنفيذ ما طلبته منهم و لدتهم و بدلو ملابسهم بالملابس الخاصه بالمدرسه
و جلس مالك و مليكه علي المائده لتناول الافطار و بعد الانتهاء
هي/يلا بينا علشان متتاخروش علي المدرسه
مليكه/يلا بينا
مالك/بس متتاخريش علينا انهارده يا مامي
هي/حاضر مش هتاخر و الله و لما بتاخر بيبقي غصب عني
مالك/احنا بس بنقلق عليكي
هي/ربنا يخليكو ليا يارب
مليكه/احنا كدا هنتاخر يلا بقه
هي/يلا يا انسه مليكه
🌷🌷🌷🌷🌷🌷🌷🌷🌷
في المدرسه الخاصه بمالك و مليكه عند البوابه
هي/صباح الخير يا عم محمد
عم محمد/صباح الفل يا مدام نور
نور/مش هوصيك عليهم
عم محمد/متقلقيش عليهم دول في عنيا
نور/تسلم عينك يا عم محمد يلا سلام عليكم
عم محمد/في رعايه الله يا بنتي يلا يا ولاد علي فصولكم يلا
الاولاد/سلام
(استوووووووب)
(عم محمد فهو فراش يعمل بالمدرسه يبلغ من العمر ثلاثه و خمسون عام يرعي ابناء نور اثناء تاخرها حتي تعود وتاخذهم)
دخل الاولاد و ذهبت نور الي عاملها فهي تعمل في احدي المطاعم الكبري و الشهيره
نور/سلام عليكم
رد عليها الجميع السلام
مها/صباحو يا جميل
نور/قلبي
خالد/هي قلبك و احنا ايه
نور/صباح النور يا خالد
خالد/صباح الورد
نور/احنا هنقضيها صباح يلا نشوف ورنا ايه
(استوووووووب)
(خالد زميل نور يعمل معها بالمطعم يبلغ من العمر ثلاثه و ثلاثين عام و يحب نور بشده و يريد الزواج منها و لكن هي لم تعطي له فرصه للحديث معها بشان الزواج)
(مها تعمل مع نور ايضا تبلغ من العمر خمسه و عشرون عام و تحب نور كا اختا لها)
و بداء الجميع في العمل
فا نور تعمل بالمطعم في كل شيء تعمل بالمطبخ تعمل في الروم سيرفيس و ايضا تدير المطعم في عدم وجود مديره في بعض الاوقات او علي حسب الحاجه و هي تعمل بالمطعم منذ سبع سنوات
و تعمل بالمطعم الشفتين و هي الوحيده المسموح لها انها تذهب قبل موعد انتهاء العمل بساعه و تاتي في الشفت الثاني بعد الموعد باكثر من ساعتين
و في تمام الساعه الثانيه ظهرا تذهب لجلب اطفالها من المدرسه و العوده بهم الي المنزل و يذهب الاطفال الي غرفهم لتبديل ملابسهم و الذهاب للنوم قليلا و تذهب هي الي المطبخ لتحضير الغداء و تنظيف المنزل و في تمام الساع الرابعه و النصف تذهب لتوقظ الاطفال و تعد طعام الغداء علي المائده و يتناولو الطعام معا
و في تمام الساعه الخامسه يطرق الباب و يذهب مالك لفتح الباب
مالك/ابله عزه
عزه/لوكا مساء الفل
و تخرج نور من غرفتها و هي تقوم بظبط حجابها
نور/ازيك يا عزه
عزه/ازيك يا ابله نور
نور/انا نازله مش هوصيكي عليهم يا عزه و عملتلكم جوه كيكه اعملي انتي الشاي بقه
عزه/تسلمي يا ابله نور
نور/و انتم يا ولاد مديقوش ابله عزه و تذكرو و لو جاعو يا عزه في باقي الغدا و لو مش عايزين في جبنه و بيض في التلاجه
عزه/متقلقيش انتي احنا هنتعامل
نور/ماشي يلا سلام عليكم
عزه/و عليكم السلام
(استوووووووب)
(عزه هي ابنه جارت نور تبلغ من العمر خمسه عشر عاما تجلس مع الاطفال في المساء حتي تعود نور)
و عاده نور مره اخري الي العمل في تمام الساعه الخامسه و النصف
و بدات بالعمل فا اغلب الوقت تعمل في المساء في تقديم الطلبات
و بعد انتهاء العمل في تمام الساعه الثانيه عشر بعد منتصف الليل تعود الي المنزل و هكذا تمر ايامها لا يوجد اي جديد بها و تعمل كل هذا الوقت لكي توفر كافه الطلبات للاطفال
و هكذا كانت حياتها منذ مولد الاطفال حياتها ما بين العمل و رعايه الاطفال و تلبيه طلباتهم
و يمر العمر بها و هي تعمل كما يقال مثل الطور في الساقيه يغمي عينه و يظل يدور حول نفسه بدون اي جديد
🌹🌹🌹🌹🌹🌹🌹🌹🌹
في صباح يوم جديد في مكان اخر في فيلا الحسيني
في الاسفل تجلس امراءه في غايه الجمال مازالت تتمتع ببعض لياقتها و شرقتها الذي يراها لم يعطي لها عمرها الحقيقي لم يعطيها اكثر من الثلاثين عاما فا هي في الحقيقه قد تخطت السابعه و الاربعين من العمر تجلس في الهول بكل شموخ
يهبط من الاعلي الحفيد الاكبر لعائله الحسيني من اعلي الدرج فهو شاب في بدايه الثلاثينات شاب رياضي وسيم و جذاب محط انظار الفتايات يتمنون نظره واحده منه
اجمل الفتايات تترمي تحت قدميه و هو لم يبالي لهم لا يوجد في حياته سوى عمله فقط لا غير لا يعترف بالحب و الفتاه بالنسبه له هي وسيله لانجاب الاطفال فقط لا غير
وجد تلك المراءه تجلس
.../صباح الخير
....../صباح الخير يا كريم
كريم/امال وعد فين
....../وعد نزلت من بدري عندها دروس كتيرانت عارف بقه ثانويه عامه
كريم/انا ملاحظ انها بقت طول اليوم برا
....../هتعمل ايه ربنا ينجحها
كريم/يارب بس مش كدا
...../هبقي اقولها تقعد جمبي متخدش دروس و لا تذاكر علشان انت مش عايزها تتاخر برا
غضب كريم من ردودها المستفذه فعلا صوته
كريم/اولفاااااات هااانم
توترت اولفت بشده و برغم انها قويه و لا تهاب احد و لكن كريم شيء اخر
اولفت/اعملك ايه ما قولتلك هي في دروسها
كريم/انا هشوف الموضوع دا سلام
اولفت/ايه مش هتفطر قبل ما تمشي
كريم/شكرا نفسي اتسدت
(استوووووووووب)
(اولفت الشريف زوجه والد كريم انجبت منه وعد و هي امراءه حاقده تريد المال فقط و السلطه و كريم لم يحبها لسبب ما هنعرفه بعدين)
و ذهب كريم من امامها ذهبا الي عمله
فهو يدير شركات الحسيني
في داخل مكتبه
كريم/في مواعيد ايه انهارده يا نهي
نهي/في ميعاد مع مندوب شركه(.....) و اجتماع بخصوص المشروع الجديد الساعه تلاته
كريم/طيب روحي انتي و ابعتيلي اوراق المشروع الجديد اراجعها قبل الاجتماع
نهي/تحت امرك يا كريم بيه
(استوووووووووب)
(نهي فريد السكرتيره الخاصه ب كريم تبلغ من العمر تسعه و ثلاثين عام متزوجه و لديها ولد و بنت يحبها كريم و يعتبرها اختا له)
خرجت نهي من الغرفه و قامت بتنفيذ ما طلبه كريم
و انقضتت ساعات العمل و ذهب الجميع
اما كريم فظل قليلا بعد انتهاء العمل يتذكر شقيقه
فلاش باااااااااااااك
منذ عشر اثني عشر عاما
كرم/يا ابني انت عايز تسافر ليه
كريم/مش طايق العيشه هنا
كرم/يا بني فوت و كبر دماغك
كريم/ما انت عارف اني مش بعرف افوت
كرم/انت اللي تاعب نفسك بنفسك
كريم/معلشي سبني علي راحتي
كرم/يا ابني انا عايزك في ضهري من ساعه ما ابوك مات و انا شايل الشغل لوحدي خليك هنا و تعالي اشتغل معايا جمب دراستك
كريم/ربنا يعينك و بعدين ما انا كدا كدا راجع هاخد الشهاده بتاعتي من برا و ارجع اقرفك في الشغل
كرم/يا سيدي اقرفني من دلوقت لو حبيت
كريم/و انت فكرك يعني و انا مسافر مش هعرف اقرفك
كرم/شكلك واخد القرار و مهما عاملت مش هترجع عنه
كريم/الصراحه ايوة و ربنا يعينك انت علي اللي هنا
كرم/يارب و انا مش هقدر اقف في طريق سعادتك
كريم/ربنا يخليك ليا يا كرم
كرم/و يخليك ليا و ترجعلي بالسلامه
بااااااااااااااك
فاق من شروده علي رنين هاتفه
كريم/ايوة...... لا خلاص نازل
اغلق الهاتف و جمع متعلقاته و ذهب الي خارج المكتب و منها الي خارج الشركه
و عاد الي منزله مره اخري
🌹🌹🌹🌹🌹🌹🌹🌹🌹
في صباح اليوم التالي
في مكان اخر بعيد كل البعد احدي عشوائيات الاسكندريه التي تضم المجرمين و البلطجيه و خريج السجون وسط الاهالي التي لا يختلف عنهم حال
...../واد يا منصور انت يا واد انت يا منيل علي عينك قوم قامه قيامتك
منصور/ايوة يا ماما انا قومت اهو
...../جتك مو قوم
منصور/خلاص يا ماما قومت اهو
....../يلا يا اخويا هتتاجر
منصور/هي الساعه كام
....../الساعه سبعه
منصور/ياربي هتاخر علي المدرسه
....../يعني هتتاخر علي الديوان يا خي
و قام منصور سريعا ذهب الي المرحاض و قام بتبديل ملابسه
في الخارج طرقات علي الباب ذهبت هي لتفتحه
...../ايوة جايه اهو يلي علي الباب
فتحت الباب
......./مين حميده تعالي يا اختي
حميده/اصباح الخير يا فوزيه
فوزيه/يسعد صباحك يا حببتي تعالي
حمديه/انا جيت علشان اديكي فلوس الجمعيه
فوزيه/و النبي فيكي الخير يا اختي بس مكنتيش تتعبي نفسك
حمديه/و لا تعب و لا حاجه اول ما لمتها قولت اجبهالك علي طول
فوزيه/و النبي جت في وقتها
حمديه/يلا الحمد لله استأذن انا بقه ياختي فوتك بعفيه
فوزيه/ما لسه بدري يا حمديه دا انا حته ملحقتش اعملك حاجه
حمديه/مره تانيه ان شاء الله
فوزيه/ماشي مع السلامه
(استوووووووب)
(فوزيه شحاته تبلغ من العمر خمسه و اربعين عام امراه ليس لها قلب تعمل شحاته في اشارات المرور )
(اما حمديه فهي جارت فوزيه و تبلغ من العمر سبعه و اربعين عام)
(منصور يبلغ من العمر ثماني سنوات)
و مع خروج حمديه من المنزل خرج منصور من المرحاض
منصور/مفيش حاجه اكلها يا ماما
فوزيه/لا مفيش
منصور/امال هروح المدرسه ازاي
فوزيه/اعملك ايه يعني مفيش حاجه في البيت
منصور/ازاي و انا لسه مديكي اول امبارح القبض بتاعي
فوزيه/قبض ايه يا اخويا شلاه يا قبض القبض اللي بتاخد نصه للمدرسه بتاعك
منصور/ما انا عايز اتعلم و انتي قولتيلي عايز تتعلم يبقي تشتغل
فوزيه/خلاص روح اتعلم يا حبيبي و متكولش
منصور/انا ماشي
فوزيه/مع السلامه يا اخويا و القلب دعيلك
و خرج منصور في طريقه الي المدرسه لكي يتعلم كما يريد و بعد انتهاء اليوم الدراسي يذهب الي احدي الورش الخاصه بتصليح السيارات ليعمل بها
و هكذا تمر حياته فهو منذ الصغر و هو يشقي و لم يعيش كاي طفل في عمره
🌹🌹🌹🌹🌹🌹🌹🌹🌹
في منزل نور في صباح يوما اخر
نور/يلا يا اولاد
مليكه/صباح النور يا مامي
نور/صباح الفل يا قلب مامي يلا يا قلبي قومي اتوضي و صلي
مليكه/حاضر
نور/و انت يا استاذ مالك يلا قوم بقه مش كل يوم يا مالك علي كدا
مالك/خلاص يا ماما انا قومت اهو
نور/شاطر يا حبيبي يلا قوم
اتوضي و صلي
مالك/حاضر
و ذهبت هي الي المطبخ لتجهيز طعام الافطار و وضعته علي المائده
نور/يلا يا ولااد الفطار جاهز
مالك/انا مليش نفس يا ماما
نور/لا مينفعش تنزل من غير فطار
مالك/هفطر في المدرسه
نور/لا مينفعش يا حبيبي انت جسمك بيتبني دلوقت يعني محتاج غذا كويس جدا
مالك/بس انا مش جعان
نور/معلشي كول لقمه صغيره علشان معدتك تشتغل و يبقي عندك طاقه
مالك/حاضر يا ماما
و بعد تناول الافطار خرجت نور من المنزل و معها الاطفال في طريقها الي المدرسه الخاصه بهم
و ذهبت الي عملها
و بعد انتهاء مده العمل في الفتره الصباحيه او بالاصح العمل التي تقوم به نور و قبل ذهابها قبل موعد الانتهاء كما تفعل كل يوم اوقفها المدير
المدير/نور
نور/افندم
المدير/تعالي ورايا علي المكتب عايزك
نور في سرها (استر يارب)
المدير/تعالي اقعدي يا نور
نور/خير يا فندم
المدير/انتي طبعا عارفه انا بثق فيكي اد ايه
نور/دي شهاده اعتز بيها حضرتك
المدير/و عارفه كمان ان انا خلاص كلها شهر و اسيب هنا علشان ابن
صاحب المطعم هو اللي هايجي يدير المكان هنا
نور/ايوة عارفه
المدير/و علشان كدا انا قررت اعينك المسؤل العام علي كل العمال هنا نظرا لمجهوداتك
نور/ربنا يخليك يا شريف بيه انا مش عارفه اشكرك ازاي
شريف/و طبعا هزودك مرتبك
نور/ربنا يكرمك يا شريف بيه انا مش عارفه اودي جمايلك دي فين
شريف/لا جمايل و لا حاجه انتي بنت حلال و تستحقي كل خير و انا مش هنسي ابدا انك كنتي سبب رايسي في تطوير المطعم
نور/طب و حضرتك هتروح فين
شريف/ بفكر بدل ما اشتغل عند حد اعمل مشروع صغير كدا علي ادي
نور/ربنا يكرمك ان شاء الله بس عايزه و عد من حضرتك
شريف/وعد ايه
نور/وعد لو حضرتك عملت مشروع زي ما بتقول حضرتك تاخدني معاك
شريف/اوعدك ان شاء الله
نور/اي خدمه تاني يا شريف بيه اصل يعني اتاخرت علي الولاد
شريف/لا روحي و ياريت محدش يعرف بالكلام دا غير لما اعلنه انا بنفسي
نور/حاضر استأذن انا بقه
و قامت وذهبت باتجاه الباب و قبل ان تصل يدها الي مقبض الباب
شريف/نور استني
التفتت له و علي وجهها ابتسامه
نور/ايوة
شريف/ يوم الخميس بالليل المطعم محجوز عندنا عشاء عمل فيه و معلشي اليوم كله لازم تكوني موجوده انا عارف ان يوم ذي دا بيبقي صعب عليكي بس عارفه انا مش بثق في حد غيرك
نور /ان شاء الله سلام عليكم
شريف/و عليكم السلام
و ذهبت الي المدرسه و جلبت الاطفال و عادت بهم الي المنزل و قامت بروتين كل يوم من تجهيز طعام الغداء و تنظيف المنزل و مسح الارضيات و غسل الملابس و هكذا
العمر يمر بها و لكنها تفعل هذا و هي سعيده من اجل سعاده اطفالها
🌹🌹🌹🌹🌹🌹🌹🌹🌹
في منزل منصور بعد عودته من العمل مساء جاء و معه طعام
منصور/ماما انتي فين يا ماما
فوزيه/جتك الهم انت جيت
منصور/ايوة
فوزيه/و ايه الكيس اللي في ايدك دا
منصور/ دا اكل بعد ما خلصت شغلي اخدت يوميتي و طلبت منه اروح بدري انهارده علشان اجبلك اكل انا مهنش عليا اكل و انتي من غير اكل انا طول النهار جعان و مهنش عليا اكل و انا عارف ان مفيش اكل ليكي في البيت و استنيت لم اخلص شغل و اجي ناكل سوا
فوزيه/و جايبلي ايه يا نن عين امك
منصور/فول و طعميه
فوزيه/فول و طعميه هو دا اللي ربنا قدرك عليه
منصور/كلها نعمه ربنا الحمد لله و انا و الله لو كان معايا فلوس كنت جبتلك كباب
فوزيه بخبث/ما انت لو تسمع كلامي هناكل كل يوم كباب
منصور/اسمع كلامك في ايه
فوزيه/تشتغل معايا
منصور/اشتغل ايه
فوزيه/شحاااات
منصور/و مالك بتقوليها كانك شغاله حاجه عليها القيمه
فوزيه/انت بتتنقرز عليا يا ابن الكلب
منصور/بس متشتميش
فوزيه/دا انا اشتمك و اديك بالجزمه كمان
منصور/تصدقي بالله انا غلطان..... انا هقعد اطفح انا
فوزيه/طفحت السم استني هاكل معاك
و بعد تناول الطعام ذهبت فوزيه الي غرفتها و تركت منصور بالخارج فهو ينام علي اريكه في الصاله
جلس علي الاريكه و اخذ يحدث نفسه
(يارب انا مش قادر انا تعبان انا لوحدي اللي بشتغل العيال اللي معايا في المدرسه مش بيشتغلو ليه انا بشتغل انا عايز ابقي ظابط كبير و الناس تخاف مني و اقبض علي كل الحراميه و البلطجيه و ادخلهم السجن)
ثم فرد جسده علي الاريكه و ذهب في ثبات عميق
و تمر الايام هكذا
🌹🌹🌹🌹🌹🌹🌹🌹🌹
مرت ايام الاسبوع و في مساء يوم الاربعاء
عندما عادت نور من عملها
نور/بكرا يا ولا د مفيش مدرسه
مليكه/ليه يا ماما
مالك/عندك شغل في المطعم
نور/ايوة
مليكه/صح ازاي نسيت انتي كل مره يكون عندك شغل كتير مش بتودينا المدرسه علشان مش بيكون عندك وقت تيجي تاخدينا من المدرسه
نور/ايوة يا اروبه
مالك/و طبعا هتخلي ابله عزه ت
تطلع تبات معانا من انهارده
نور/ايوة اكيد و هي زمانها طالعه حالا
و قبل ان يتحدث احد طرق الباب
مالك/مواعيدها مظبوطه بالثانيه
ذهبت مليكه لفتح الباب
مليكه/ابله عزه
عزه/ازيك يا كوكي
مليكه/انا كويسه اتفضلي خشي
دخلت عزه
عز/السلام عليكم
نور/و عليكم السلام مواعيدك مظبوطه دايما
عزه/اتعلمت منك ظبط المواعيد
نور/ههههههههه دا كان زمان
عزه/ربنا يعينك يا ابله نور
نور/طب يلا نتعشا علشان ادخل اريح شويه علشان بكرا يوم طويل
عزه/طب خاليكي انتي و انا هقوم اجهز الاكل
نور/لا مينفعش
عزه/طب و الله ما انتي قايمه
نور/طب و ليه الحلفان انا مش عايزه اتعبك كفايه عليكي شقاوه العيال بكرا
عزه/شقاوة انتي بتتكلمي عن مين دول بسم الله ما شاء الله عليهم ملايكه
نور/ربنا يخليكي يا عزه
و ذهبت عزه الي المطبخ و تركت نور شارده في الماضي قليلا ............
الفصل الثاني
بقلم ايه الجلاد
في شركه الحسيني في مكتب كريم
كريم/في البوسطه يا نهي
نهي/اتفضل يا فندم
كريم/عندنا ايه انهارده
نهي/مفيش غير صحفي من جريده(......) عايز يعمل مع حضرتك لقاء
كريم/ميعاده امتي
نهي/الساعه سته
كريم/تمام مفيش حاجه تانيه يعني
نهي/لا مفيش
كريم/و اخبار الوفد ايه
نهي/وصل انهارده و حجزنا لهم في الفندق بتاعنا
كريم/تمام و اتفقتي معاهم علي ميعاد
نهي/ايوة يا فندم بكرا في مطعم(.......)
كريم/كويس انك غيرتي المطعم
نهي/دي اوامر سليم بيه
كريم/سليم هو جيه
نهي/لا يا فندم بس من اخر مره و الخدمه معجبتوش و طلب مني نغير المطعم بعد كدا
كريم/تمام بس علي غدا و لا عشا
نهي /هيكون عشا يا فندم بس هما طالبين يتكلمو مع حضرتك قبل العشا بوقت كافي هما بيقولو وقت الاكل مفيش كلام
كريم/ههههههه تمام مفيش مشكله
و بعد انتهاء العمل عاد الي منزله و بعد تناول الطعام صعد الي غرفته لينال بعض الراحه فتصاعد رنين هاتفه
نظر به وجده صديقه و ابن عمه
كريم/سليم ايه يا ابني مفيش و لا اتصال بقالك يومين دا انا قولت مت
سليم/بعد الشر عليا يا اخويا
كريم/امال فينك دا كله
سليم/متمرمط يا اخويا في الشغل و انت عندك رايق
كريم/انت هتقولي علي المرمطه ما انا عارفها
سليم/عيبك انك فاهمني
كريم/و مين غيري فاهمك
سليم/طبعا
كريم/قولي هتيجي امتي
سليم/ما انا بكلمك علشان كدا ابعتلي عربيه علي المطار الساعه تلاته و نص
كريم/خلاص انا هجيلك
سليم/لا يا عم بلاش تتعب نفسك ابعتلي اي عربيه بسواق
كريم/عيب عليك يا معلم تقول كدا
سليم/معلم المهندس سليم الحسيني يتقلوه معلم
كريم/يا عم بلاش الفشخره الكدابه بتاعتك دي
سليم/فشخره و معلم انت بقيت بيئه قوي يا كريم
كريم/من بعض ما عندكم
سليم بقولك ايه سلام دلوقت علشان الحق اناملي شويه لان في حاحات بكرا هخلصها قبل ميعاد الطياره
كريم/ماشي يا باشا تصبح علي خير
سليم/و انت من اهل الخير
🌹🌹🌹🌹🌹🌹🌹🌹🌹
و في صباح اليوم التالي هبط كريم من الاعلي و تناول الافطار مع اولفت و وعد
كريم/ازيك يا وعد عاش من شافك
وعد/ازيك يا ابيه هو حضرتك بتتريق عليا
كريم/هو انا اقدر لا سمح الله هو الواحد عاد بيشوفك اصلا علشان لما يشوفك يتريق عليكي
وعد/اعمل ايه يا ابيه ما حضرتك عارف اني في ثانويه عامه
كريم/ايوة عارف بس مش كدا
وعد/هحاول يا ابيه اظبط مواعيدي
كريم/اتمني
اولفت/انت عاملت ايه في الموضوع اللي كلمتك فيه
كريم/موضوع ايه
اولفت /انت نسيت
كريم/دماغي فيها كام حاجه فطبيعي حاجه تسقط مني في النص
اولفت/ما علينا انا هفكرك موضوع دار المسنين
كريم/اها ايوة افتكرت لسه مفكرتش فيه
اولفت/ليه
كريم/عندي اشغال تانيه اهم اوعدك اول ما افضي هفكر فيه بس عندي سؤال
اولفت/اتفضل
كريم/ليه دار مسنين
اولفت/عادي يعني
كريم/عادي.... و لا عايزاهم يقولو في الصحافه اولفت هانم ترعي المسنين
اولفت/ايه لا طبعا بس علشان دول ناس محتاجين رعايه و اولادهم راموهم
كريم/بجد
اولفت/ايوة بجد و بعدين ما انت لسه بتراعي الملجيء اللي اخوك اشتراه زمان ممكن تقولي ليه سايبه لحد دلوقت
كريم/اولا لان دي حاجه ملك اخويا الله يرحمه و مش ممكن ابدا افرط فيه و هفضل ارعاه و اصرف عليه من جيبي الخاص لحد ما اموت
ثانيا اسمحيلي استعمل نفس جملتك مع تغير بسيط هو لان اطفال محتاجين رعايه و اهاليهم راموهم من غير حوله لهم و لا قوة
اولفت/طب الارض اللي انت اشترتها جمب الملجيء اعمل فيها مبني للمسنين
كريم/انا موافق بس هيكون بعيد عنك ختلص
اولفت/نعم بعيد عني ازاي و الفكره فكرتي
كريم/مش انتي اللي يهمك مساعده الناس المحتاجين دول
اولفت/ايوة
كريم/يبقي مش هتفرق معاكي كتير
اولفت/لا ازاي انا عايزه الدار تبقي باسمي
كريم/باسمك قولي كدا بقه
اولفت/متفهنيش غلط
كريم/دا انا فاهمك صح و صح قوي كمان
اولفت/طب و هتعمل ايه
كريم/هفكر و اقولك
اولفت/يارب متنساش
كريم/ان شاء الله يلا اقوم انا بقه سلام
وعد/سلام يا ابيه
اولفت/مع السلامه
🌹🌹🌹🌹🌹🌹🌹🌹🌹
في صباح يوم الخميس ذهبت نور الي عملها و تركت اطفالها نائمون و معهم عزه
و بدات العمل بكل همه و نشاط و جاء وقت الغداء للعاملين بالمطعم فا استءذنت نور للذهاب الي اطفالها و اخذت معها الغداء لهم كا كل مره
و ذهبت للمنزل و فتحت بالمفتاح الخاص بها و دخلت
نور/مالك مليكه عزه انتم فين
خرجت عزه من المطبخ
عزه/انا هنا اهو يا ابله نور
نور/و الولاد فين
عزه/في اوضتهم بيزكرو و انا بعملهم فيشار
نور/ربنا يخليكي يا عزه انا عارفه اني تعباكي معايه
عزه/متقوليش كدا يا ابله نور دا مهما عملنا انا و امي مش ممكن نرد جميلك علينا
نور/متقوليش كدا يا عزه يلا خدي الغدا اهو
عزه/و انتي مش هتتغدي معانا
نور /لا مش هلحق انا هاكل اي لقمه في المطعم
عزه/ربنا يعينك
نور /يارب انا هروح اطمن علي الولاد و امشي
عزه/ماشي
و دخلت نور علي الاطفال في الغرفه الخاصه بهم
نور/بتعملو ايه
مليكه و مالك/مامي/ماما
نور/وحشتوني عملين ايه في المذكره
مليكه/كله تمام
مالك/احنا قربنا نخلص و عزه وعدتنا انها تلعب معانا
نور/اوعو تديقوها و كمان متلعبوش معاها كتير هي في ثانويه عامه و محتاجه تذاكر كويس
مليكه/متقلقيش يا مامي
مالك/هتتغدي معانا
نور/لا مش هقدر يا حبيبي علشان عندي شغل كتير
دخلت عزه في ذلك الوقت
عزه/يلا يا ولاد الغدا جهز قبل ما يبرد
نور/يلا روحو انتم اتغدو و انا هروح اكمل شغلي
مالك/هتتاخري يا ماما
نور /ان شاء الله اخلص بدري
مليكه/يارب
نور/يلا سلام
و خرجت نور من المنزل في طريقها الي المطعم و هي في الطريق تصاعد رنين هاتفها اخرجته من حقيبتها و نظرت بيه و كنت سوف تضغط علي زر الاجابه
و خلال ثواني كانت تصرخ باعلي صوتها و وقعت علي الاسفلت و طار الهاتف في الهواء ثم سقط علي الارض بجانبها
ثم رفعت نظرها للاعلي فوجدت شاب غايه في الجمال يقف امامها ثم دناي منها و هو يحدثها و هي لم تستمع له و لا تشعر بالالم الذي اجتاحها فكانت في دنيا اخري شارده في ذلك الوسيم
و انتبهت عندما قام بهز يديها هزه خفيفه
هو/انتي يا انسه يا مدام يا ابله
نور/هاا
هو/انتي فيكي حاجه في حاجه بتوجعك
نور/اها ايدي و رجلي
هو/انا اسف جدا و الله
نور/انا اللي اسفه كنت ماسكه التليفون و......... يا نهار اسود التليفون
هو /التليفون اهو انا اسف جدا التليفون انكسر
نور نست ذلك الوسيم و نست المها
نور/يا نهار اسود انكسر منك لله يا شيخ ربنا ينتقم منك دا قسطه لسه مخلصش
ثم تحاملت علي نفسها و قامت و تجهلت احساسها بالوجع الشديد و وقفت
هو/انا اسف و الله مكنش قصدي
نور/خلاص يا استاذ
و التفت لتذهب الي عملها
هو /استني
و خطي للامام و وقف امامها
هو/اتفضلي دول
نور/ايه دول
هو/دا تعويض عن التليفون اللي انكسر
نور/شكرا جدا انا مبقبلش العوض
هو/بس دا مش عوض من اتلف شيء فعليه بأصلاحه
نور/بس الغلط عندي لاني كنت بصه في الفون و مش منتبه للطريق الحمد لله انها جت علي اد كدا
هو/الحمد لله
نور/بعد اذنك
هو/ طب تحب اوصلك في اي حته
نور/لا شكرا انا قربت اوصل سلام
و ذهبت الي عملها و هي تشعر بالم في قدمها
و عند دخولها المطبخ بعد تبديل ملابسها
مها/ايه يا بنتي برن عليكي في الاول مردتيش و بعدين الفون اتقفل
نور/اصل عملت حادثه بسيطه
مها/يا خبر اسود حادثه ايه
نور/ و انا بطلع الفون من الشنطه و باصه فيه عربيه خبطتني من غير ما اخد بالي
مها/و حصلك ايه
نور/جت سليمه الحمد لله الفون بس اتكسر
مها/سليمه ازاي و انتي مش قادره تقفي علي رجلك
نور/انا مفيش حاجه وجعاني غير التليفون
مها/ما في داهيه التليفون
نور/في داهيه ازاي دا قسطه مخلصش لسه
مها/معلشي طب هو مينفعش يتصلح
نور/للاسف لا دا اتكسر اتنين
مها/خير ان شاء الله فداكي يا حببتي
نور/الحمد لله بقولك ايه و النبي خالي حد يجبلي حقنه مسكنه علشان اقدر اكمل مش هينفع امشي انهارده خالص
مها/هو انهارده بس انتي تعابه نفسك قوي مبترتحيش خالص طول اليوم شغل و حتي اما بتروحي البيت بتروحي تشتغلي بردو
نور/اعمل ايه ما انتي عارفه مصاريفنا كتيره
مها/ربنا يعينك يارب
نور/يارب
ثم خرجت مها لجلب الدواء لنور
و جاء من الخارج احد العاملين
...../نور شريف بيه عايزك
نور/طيب حاضر جايه اهو
جاءت مها بالدواء
مها/الحقنه اهي
نور/طب بسرعه تعالي ادهاني شريف بيه عايزني
مها/اها صحيح دا سال عليكي كذا مره و اصلت علشان اقولك انتي مردتيش
نور/و ما عرفتنيش ليه ساعه ما جيت
مها/ما انتي اخدتيني في دوكه و قولتيلي عملت حادثه
نور/ربنا يستر
مها/يسمع منك ربنا لحسن شكل ايامنا اللي جيه هتبقي سودا
نور/الملافظ سعد الله يخربيتك ليه بتقولي كدا
مها/علشان المدير الجديد وصل و شكله غتت كدا
نور/المدير الجديد هو مش كان لسه قدامه شهر علي ما يجي
مها/انا عارفه يا اختي
نور/طب انا رايحه اشوف شريف بيه
مها/ماشي
🌹🌹🌹🌹🌹🌹🌹🌹🌹
اما في منزل منصور و فوزيه
منصور/انا مش رايح المدرسه انهارده
فوزيه/احسن بردو
منصور/عندنا شغل كتير في الورشه
فوزيه/يا حصره علي الشغل الكتير اللي يسمع كدا يقول يا ما هنا يا ما هناك و هما كما ملطوش عمي
منصور/و هو انا لقيت حاجه تانيه تجيب فلوس اكتر و قولت لا
فوزيه/ما قولتلك يا واد تعالي اقف معايا و احنا هناكل الشهد
منصور/تاني اقف معاكي
فوزيه/طب اقولك روح اشتغل مع المعلم طفشه
منصور/طفشه الحرامي
فوزيه/و ماله اهو كله اكل عيش
منصور/اكل عيش ازاي و الابله في المدرسه قالت انه يبقي حرام
فوزيه/ادي اخره المدرسه اللي بتروحها
منصور/يعني ايه
فوزيه/يعني دا كلام كتب ملناش فيه احنا نشوف مصلحتنا فين
منصور/مصلحتنا
فوزيه/ايوة مصلحتنا و انت مصلحتك يا تشتغل معايا يا تشتغل مع المعلم طفشه
نظر لها منصور نظره طويله ثم تركها و ذهب من امامها الي خارج المنزل
خرج و هو يتخبط مع افكاره
لا يعلم اين هو الصح من الخطيء
لا يعلم اكلام ولدته هو الصح ام كلام المُدرسه بتاعته هو الصح
ماذا يفعل لا يدري فهو صغيرا جدا علي ان يستوعب كل ما يحدث من حوله
🌹🌹🌹🌹🌹🌹🌹🌹🌹
في المطعم في مكتب المدير
طرقت نور الباب و انتظرت حتي سمعت اذن الدخول
نور/سلام عليكم
شريف/و عليكم السلام
نور/حضرتك طلبتني
شريف/ايوة تعالي اقعدي
نور/خير يا شريف بيه
شريف/انا اسفه مش هقدر انفذ اللي قولتلك عليه بخصوص تعينك رايسه العمال و ازود مرتبك
نور/ليه هو انا عاملت حاجه غلط
شريف/العيب مش عندك العيب عندي انا
نور/مش فاهمه حضرتك تقصد ايه
شريف/ان انا ملحقتش انفذ كلامي لان المدير الجديد جيه انهارده
نور/ايوة مها قالتلي هو مش كان المفروض يجي بعد شهر
شريف/ايوة و انا اتفاجءت زي زيكم انه هو جيه انهارده
نور/حصل خير يا فندم
شريف/انا اسف جدا يا نور
نور/و لا يهم حضرتك دي حاجه ملكش زنب فيها
شريف/حاجه اخيره يا نور
نور/تحت امرك
شريف/الامر لله بس نصيحه مني تجنبي المدير الجديد تمام لانه خلقه ضيق و مش بيفوت حاجه
نور/ربنا يسترها
شريف/اتفضلي يلا علي شغلك
نور/حاضر
و خرجت نور من المكتب باتجاه المطبخ لاكمال عملها