رواية كيف تكون النهاية
الفصل الحادي عشر
بقلم ايه الجلاد
مها/ و علشان كدا هنروح بيوتي سنتر
نور/نعاااااام بيوتي ايه يا اختي الله يرحم ابوكي
مها/في ايه يا نور
نور/في ايه في عينك ناقص تقولي نعمل سعرنا بالمره
مها/لا مش للدرجادي
نور/لا و النبي يا اختي نعمله ميضرش
مها/خلاص مكانتش كلمه هي
نور/طب يلا بينا نشوف هنشتري ايه
مها/يلا
و بعد وقت عاده نور الي المنزل و معها مها و ايضا معها الطعام لانه اليوم الخميس فقد اعتادت ان تاتي بالطعام من الخارج
نور/السلام عليكم
مالك و مليكه و عزه/ و عليكم السلام
نور/عاملين ايه معاكي يا عزه
عزه/كله تمام
نور/طب هدخل اغير هدومي و اجي اجهز الاكل علي طول
عزه/انا هجهزه
نور/لا كفايه عليكي العيال طول النهار انا هجي علي طول
عزه/هو انا بعمل ايه يعني
نور/اعدي مع مها انتي بس
و ذهبت نور و ما هي الا دقايق و خرجت نور
نور/ثواني و الاكل يمون جاهز روحي غير يا مها انتي كمان طلعتلك بجامه علي السرير
مها/لا مش مستهله
نور/برحتك
و بعد قليلا
نور/يلا يا جماعه الغدا يلا يا مالك يلا يا مليكه
و بالفعل جلسو لتناول الطعام معا و بعد الانتهاء قامت كلا من عزه و مها مع نور لتنظيف المائده
نور/عزه معلشي عايزاكي تستني مع الولاد باقي اليوم
مليكه/ليه يا ماما
نور/عندنا فرح بنت زميلاتنا في الشركه و لازم نروح
عزه/مفيش مشكله بس انزل اجيب باقي كتبي و اعرف امي و اجي
نور/ماشي روحي
مالك/ وهتتاخري يا ماما
نور/يعني هتاخر شويه معلشي
مليكه/ماشي بس بشرط
نور/نعم يا اختي انتي هتتشرطي عليا
مليكه/يعني حاجه زي كدا و لا ايه يا مالك
مها/ههههه ههههه العيال اتفقو عليكي
نور/بقه كدا بضحكوها عليا ماشي و ايه شروط البهوات بقه
مليكه/حاجه بسيطه خالص
نور/و ايه هيا
مالك/عايزين نروح الملاهي
نور/نعاااااااااام
مها/في ايه يا نور خضتيني
نور/ما انتي مش سامعه بيقولو ايه
مها/يالهوي عليكي يا نور هو انتي لسه بتخافي
نور/اعمل ايه يعني
مها/انتي لازم توجهي خوفك دا
نور/نعم يا روح امك انتي كمان
مها/طب و الله انا مش بهزر لازم توجهي الحاجه اللي بتخافي منها
نور/طب بصو انا موافقه بس مش دلوقت علشان بس اكون جهزه نفسيا
مالك/موافقين بس تديني ميعاد
نور/بعد شهرين
مالك/نعم لا طبعا كدا كتير قوي
نور/خلاص بعد امتحانتكم
مليكه/يعني كمان شهر و نص دا كتير يا مامي
نور/انا مش عايزه اقولكم لا انتم عارفين ان كلمتي واحده
مليكه/ماشي يا مامي
نور/طب اقوي افتحي الباب لعزه
مليكه/حاضر
مها/هو الفرح الساعه كام
نور/الساعه عشره
مها/طب يلا نقوم يدوب نلبس و نجهز
نور/طب يلا يا حلوين علي النوم
مليكه /تصبحي علي خير يا مامي.... تصبحي علي خير يا طنط مها و انتي يا ابله عزه تصبحي علي خير
مها/و انتي من اهل الخير يا قلبي
عزه/و انتي من اهل الجنه يا كوكي
نور/و انتي من اهله يا عمري
مالك/تصبحم علي خير كلكم
الجميع / و انت من اهله
مها/هههههه الواد دا مشكله
نور/انتي بتقولي فيها... يلا يا اختي يلا علشان نلبس
معا/يلا
و قام الاثنان معا لتبديل ملابسهم للذهاب الي حفل الخطوبه
🌹🌹🌹🌹🌹🌹🌹🌹🌹
اما في فيلا الحسيني
فا في خلال يومين فقط قامت اولفت بتجهيز كافه شيء قامت بتوضيب الحديقه لاقامه الحفل به من قبل متخصصين
و ايضا جلبت اخرون متخصصون في صنع اجود انواع الاطعمه و الحلوي و العصائر
و ايضا جاء الي علياء متخصصون في تجهيز العرائس
اما كريم فكان بداخل غرفته و معه سليم كان ياخذ الغرفه ذهابا و ايابا من كثره غضبه
سليم/انت هتفضل كدا كتير
كريم/ما انت مش شايف اللي انا فيه
سليم/ و بعدين هتعمل ايه يعني و بعدين انت كان فكرك اولفت هتعمل ايه
كريم/انا شبتهم يعملو اللي يعملو علي اساس مفيش وقت و قولت هتعمل حاجه علي الضيق
سليم/ما هو دا الضيق بتاع اولفت
كريم/يا سلام
سليم/اها و الله كدا علي الضيق
كريم/انا مش عارف لحقت تعمل كل دا امتي
سليم/خلاص بقه يا كريم اللي حصل حصل
كريم/انا كدا لبست رسمي
سليم/نعم يا اخويا لبست رسمي...... اما انت كان فكرك ايه كدا كدا انت لبست
كريم/لا طبعا انا ميتلويش دراعي
سليم /بقولك ايه انت كل اللي يهمك دلوقت البت و بس و قدامك وقت تعرفها فيه كويس لقتها تمام يبقي علي البركه و عيش حياتك بقه يا كريم مش كل البنات زي اللي كان اخوك يعرفها و بعدين متنساش ان اخوك هو اللي معرفش يختار و راح اتجوز واحده من الملجيء لا ليها اصل و لا فصل انما دي انت تعرفها و تعرف خالتها و تعرف ان ليها اهل صحيح انت مشفتهومش بس تعرف توصلهم
فكر كريم في حديث سليم وجد انه علي صواب و انه بالفعل الذي يهمه الان هو البنت و اذا هم قد قامو بتحديد الخطوبه و كتب الكتاب فا ميعاد الفرح عليه هو وقت ما يري انها فعلا تستحق ان تكون زوجته فليقوم هو بتحديد الميعاد المناسب له
سليم/روحت فين
كريم/معاك
سليم/و وصلت لايه
كريم/انت فعلا معاك حق خلال الفتره اللي جايه هتعرف عليها و لو لقتها تستحق انها تكون مراتي هعمل الفرح علي طول
سليم/عين العقل يا صاحبي يلا بقه نبدا لبس الوقت هيعدي علينا بسرعه
كريم/هدخل اخد شور الاول و بعدين هطلع البس
اما في غرفه علياء
علياء/انا مش مصدقه نفسي خالص يا خالتو
اولفت/لا صدقي يا حبيبه خالتو بعد شويه و هتكوني مراته راسمي
علياء/حاسه ان انا بحلم يا خالتو
اولفت/لا مش بتحلمي
دخل عليهم علي
علي/ايه دا كل دا و لسه مخلصتيش
علياء/لا فاضل حاجات بسيطه خالص
علي/طب يلا شهلو
اولفت/المؤذون جيه يا علي
علي/ايوة بقاله عشر دقايق و روحت لكريم قالي اجي اشوفكم خالصتم و لا لا
اولفت/طب انزل انت استني مع الناي تحت و احنا دقايق و نكون وراك
علي/ماشي بس متتاخروش
اولفت/حاضر
و بعد قليل جاء اليهم كريم لكي ياخذ علياء الي الاسفل حيث مكان الحفل في الحديقه
و عند خروجهم الي الحديقه ارتفع صوت الموسيقي و قلت الاضاءه و كان ضوء قوي مسلط علي العروسين مع الاغاني حتي وصلو الي المكان المخصص لجلوس العروسين
و ابتدي الرقص من قبل الشباب و الفتايات
و الكل سعيد و فرحان لهذا الزواج السعيد و قام العروسين للرقص معا علي احدي الموسيقه الهاديه
🌹🌹🌹🌹🌹🌹🌹🌹🌹
اما نور و مها
نور/يا نهارك هباب يا مها انتي عايزاني اخرج كدا انتي اتجننتي
مها/اتجننت ايه يا بنتي دا انا حطتلك حاجات خفيفه خالص
نور/كل دا و حاجات خفيفه منك لله يا مها انا هغسل وشي وسعي من قدامي
مها/طب و الله العظيم يا نور لو غسلتي وشك لكن زعلانه منك انتي حره
نور/طب اخفه شويه بس
مها/و لا تخفيه انا حلفت يا نور
نور/استغفر الله العظيم يارب ماشي يا مها يلا اخلصي الساعه تسعه و نص فيها ساعه علي ما نوصل
مها/خلاص خلصت اهو
نور/طب كويس علشان الاوبر اللي طلبناه جيه تحت اهو
مها/بيرن اهو
نور/السلام عليكم
السائق/ و عليكم السلام انا في المكان اللي حضرتك قولتي عليه
نور/ثواني و نزلين
السائق/في الانتظار مع السلامه
نور/يلا يا مها
مها/يلا
نور/عزه عرفتي مامتك انك هتباتي معانا انهارده
عزه/ايوة عرفتها
نور/طب احنا مشيين لو في حاجه رني عليا
عزه/حاضر مع السلامه في رعايه الله
و هبطت نور و مها للاسفل و صعدو السياره التي كانت بانتظارهم و ذهبو نحو العنوان المطلوب
و بعد حوالي ساعه الا ربع قد وصلو امام فيلا كريم الحسيني و اعطو السائق الاجره الخاصه بها و ذهبو نحو البوابه و طلب منهم الذي كان يقف علي الباب في الخارج الدعوه الخاصه بالحفل
اخرجت كلا من مها و نور الدعوه و اعطتها لو و بعد ان تاكدا اعطاها لهم مره اخري و فتح لهم الطريق للدخول
و قد وصلو عندما كان العرسان يرقصان معا
راتهم نور و احست بنفس الالم الذي احست به في الامس عندما اعطتها علياء الدعوه وضعت يدها مكان الالم
راتها مها فا امسكت يديها و ذهبت معها الي مكان بعيد قليلا و وقفت و بجانبها نور
مها/لسه بردو هتقوحيني و تقولي انك مش بتحبيه
نور/يعني احساسي دا علشان بحبه
مها/ايوة طبعا
نور/ربنا يسعده يارب و يوفقه في حياته اللي جايه
مها/ان شاء الله هتقبلي اللي احسن منه و يقدرك و بسعدك
نور/جيه او مجاش انا اخدت علي العيشه كدا
مها/بقولك ايه احنا جايين نفرح مش نحزن
نور/ههههه و عايزانا نعمل ايه علشان نفرح يا اختي
مها / و لا حاجه تعالي نشوف البوفيه
نور/نعم بوفيه ايه احنا مش لسه وكلين من كام ساعه
مها/اديكي قولتي من كام ساعه
نور/اهدي يا مها ربنا يهدك
مها/طب تعالي نجيب حاجه نشربها بلاش ناكولها
نور/اذا كان كدا ماشي
مها/تعالي نسال نشوف البوفيه فين
و اثناء ذلك قد انتهت رقصه العروسين
ذهبت مها و معها نور الي حيث البوفيه و هم في طريقهم اعترض طريقهم علي الذي صفر بعلو صوته عندما راءي نور
فكانت نور ترتدي فستان ازرق اللون يضيق من الصدر حتي الوسط و يهبط باتساع و عليه حاجب من اللون الاوفويت
كان في غايه الجمال و كانت تضع ميكب خفيف للغايه فا اصبحت غايه في الجمال
و كريم كان يبحث بعينه عن سليم لياتي اليه و اثناء بحثه وقعت عينه علي علي و نور و مها و ظل متابعهم فمن بعيد لم ينتبه لنور و مها فكانو يعطونه له ظهرهم فكان يريد من الذين يقف معهم علي و يبتسم و يعيد بهذا الشكل
علي/ايه الحلاوه دي يا نور و لا اقول مدام نور انا شايف ان احنا في حفله فبلاش الرسميات
نور/خاليها نور مفيش مشكله
علي/ايه كنتي مخبيه الجمال دا كله فين
نور/ شكرا جدا دا من زوقك بس
علي/زوق ايه انتم معندكوش مرايات في بيتكم
نور بابتسامه مصطنه و تحدث نفسها(ابو تقل دمك يا اخي)
نور/مش للدرجادي يعني
علي/اسمحيلي اقولك انك ملكه جمال كامله متكامله من كله جمال و اخلاق و حاجه كدا مش موجوده
نور/ايه حيلك حيلك انا مش فالته يعني انا عاديه كدا و بعد اذنك بقه علشان وقفتنا كدا مش نافعه.... يلا يا مها
مها/يلا يا اختي ايه دا كله دا اكل دماغي و الله العظيم
نور/و مين سمعك ربنا ياخده انا مش بطيقه لله في لله
مها/تصدقي و انا انا كمان مبرتحلهوش
نور/ربنا يسهلو بعيد عننا
مها/بقوليك ايه استاذ سليم اهو تعالي نسلم عليه علشان كان مسافر و مشفنهوش بقاله كتير
نور/و نسلم عليه دا ليه كمان .... دا بدل ما نروح نسلم علي العريس
مها/تعالي نسلم عليه و بعد كدا نسلم علب العريس
نور/انتي ايه حكايتك
مها/و لا حكايه و لا حاجه تعالي
نور/عليا انا...... تعالي يا اخره صبري
و في ذلك الوقت جاء الي العروسه صحباتها و اخذوها للرقص فقام كريم لكي يذهب الي سليم ليجعله ينهي الحفل يكفي ذلك
وصلت نور و مها خلف سليم
مها/استاذ سليم
التفت لهم سليم و علي وجهه ابتسامه و اتسعت اكثر بكثير عندما راهم
سليم/ايه دا ما شاء الله ملكات جمال الحفله
مها/ملكات جمال مره واحده
سليم/طبعا
مها/حمد لله علي سلامتك
سليم/الله يسلمك تصدقي انتي اول واحده في حياتي تكون بتشتغل في الشركه و تاخد بالها من غيابي و تسال عليا اول ما اوصل
مها/دي اقل حاجه و بعدين الشركه بتكون مضلمه و حضرتك مش موجود. و لا ايه يا نور
كانت نور تنظر لها بفم مفتوح من طريقتها و حديثها هذا هذا لا يعني غير شيء واحد و سوف تتاكد منه فيما بعد فهذا ليس المكان و الوقت المناسب
نور/ها..... اها طبعا حمد لله علي السلامه يا سليم بيه
سليم/الله يسلمك يا نور احنا اصحاب مش كدا
نور/اكيد طبعا
سليم/امال ايه سليم بيه دي علي الاقل خارج الشركه يا ستي
نور/تمام
سليم/انتي مالك راسميه كدا ليه
نور/لا راسميه و لا حاجه و الله
جاء كريم من خلفه ينادي علي سليم
كريم/سليم
التفت ثلاثتهم معا باتجاه الصوت
نظر لهم كريم نظره سريعه ثم ارتكز بعينه علي نور
سليم/ايوة يا كريم
كريم/.............
سليم/كريم كريم كريم
كريم/ها في ايه
نظر له سليم ثم نظر الي نور
سليم/اكيد انت بتشبه عليها
فكان كريم بالفعل ينظر لها فقد عرفها علي الفور من نظرات عينها و لكن مهلا ما كل هذا الجمال لماذا كانت تخفي كل ذالك يا الله انها رائعه للغايه
نور/الف مبروك يا كريم بيه
كريم/نور
سليم/انا كمان معرفتهمش علي طول
نظر كريم الي الاخري التي بجانبها
سليم/دي مها و صاحبه نور و شغاله في قسم الترجمه
مها/مبروك يا كريم بيه
كريم/الله يبارك فيكم عقبالكم
سليم/ان شاء الله يسمع منك ربنا
ثم نظر لنور و قام بالانحناء الي نور و تحدث بجانب اذنها
سليم/عايزك تجسيلي نبض صاحبتك بس مش دلوقت
احمرت نور بشده من الغضب ليس من حديثه و انما من قربه لها بهذا الشكل و انها لاول مره تتعرض لموقف كا هذا
فحاولت ان تتمالك نفسها قليلا
كل ذلك حدث تحت انظار مها و كريم الذين استشاطو غضبا و خيل لهم ان سليم يود الزواج من نور
مها ببعض العصبيه
مها/مش يلا يا نور الساعه اتناشر و نص
نور/يا خبر ايوة يلا
ثم نظرت نحو كريم و سليم
نور/الف مبروك مره تانيه يا كريم بيه....بعد اذنكم
سليم/استنو يا جماعه رايحين فين
مها بحده/مشيين
سليم/معاكم حد برا
نور/لا هنطلب اوبر
سليم/اوبر ايه دلوقت لا طبعا استنو اوصلكم
مها/لا مفيش داعي احنا زي ما جينا هنمشي
كريم/خالي سواق يوصلهم علشان انا عايزك
سليم/تمام طب ثواني و راجعلك
ثم نظر لنور و مها
سليم/اتفضلو معايا يلا
خرجت خلفه نور و مها بدون اي حديث و صعد السياره التي فتخها لهم و طلب من السائق بتوصيلهم الي ما يقولون
نور/ما تيجي تباتي معايا يا مها
مها/ما انتي عارفه يا نور مش هينفع علشان ماما
نور/ماشي طب يوصلك انتي الاول و بعدين انا
و بعد وقت وصلت كلا من نور و مها الي منازلهم و قامت كلام منهم بتبديل ملابسهم و الجلوس علي الفراش يعيدون ما حدث في خيالهم كلا منهم تفكر في شيء مختلف خاص بها
فا نور كانت تفكر في كريم و في وجع قلبها و تبكي حسره علي خب لم بخرج الي النور و مات في مهده و تمنت له السعاده من كل قلبها
اما مها فكانت تفكر في امر سليم فهي تعلم حب نور لكريم فماذا كان يقصد عندما قال
(ان شاء الله يسمع منك ربنا)
و ماذا كان يقول لنور في اذنها عندمت انحني باتحاهها
و لماذا احمرت نور هكذا هل من الخجل ام من الغضب
ظلت كلا منهم هكذا الي ان غلبهم النوم
🌹🌹🌹🌹🌹🌹🌹🌹🌹
اما كريم فبعد خروج نور و مها طلب من سليم انهاء الحفل لانه متعب و بعد الانتهاء عاد سليم الي منزله و صعد كريم الي غرفته
اخذ يفكر في نور و جمالها و ابتسم علي اخفاءها لهذا الجمال
و سرعان ما تلاشت الابتسامه عندما تذكر حديث سليم و ماذا قال لها جعلها تحمر هكذا
ما الذي بين نور وسليم لفعل هذا غضب بشده و بعد قليل حدث نفسه(في ايه يا كريم مالك زعلان ليه)
اما سليم فجلس علي فراشه يفكر في مها و في جمالها و ايضا حياءها انه وقع في الحب لا محال هو الذي كان يعيش حياته بالطول و العرض يقع في الحب بتلك السهوله ما بها تلك الفتاه لكي يقع بها بتلك السهوله و بدون مجهود منها و............