رواية كيف تكون النهاية
الفصل التامن
بقلم ايه الجلاد
خرجت نور من العمل عائده لمنزلها و اولادها
و هي في طريقها
هاجر/نور استني
التفتت لها نور و علي وجهها ابتسامه كبيره
نور/ايوة يا هاجر
هاجر/متتاخريش بكرا الشغل بيبدا الساعه تسعه الصبح
نور/ان شاء الله هكون موجوده قبل كدا
هاجر/خلاص ماشي سلام
نور/سلام
و ذهبت نور الي منزلها
اما كريم فماذال يعمل بكل تركيز حتي جاء له اتصال قاطع تركيزه هذا
كريم/سلام عليكم
المتصل/و عليكم السلام ايوة يا استاذ كريم
كريم/عاملت ايه يا فريد
فريد/انا سالت عن الاسم اللي حضرتك ادتهولي و فعلا طلع كلام الولد صح و تبقي و لدته
كريم/انت متاكد يا فريد
فريد/ايوة
كريم/طب و ابوه فين
فريد/ميت من زمان علي حسب ما عرفت هو ميت و هي حامل فيه
كريم/طيب... شكرا جدا يا فريد و ابقي عدي علي الشركه هتلاقي ظرف باسمك في الحسابات
فريد/شكرا جدا ليك يا كريم بيه
كريم/مع السلامه
و اغلق كريم الهاتف مع فريد و ظل يفكر لبعض دقائق ثم قام من مقعده و لملما اشياءه و خرج من المكتب لوجهه معينه
هبط للاسفل و صعد سيارته و ظل يقودها لوقتا كبير حتي وصل نحو المكان المطلوب و ظل يبحث عن تلك البنايه التي يقطن بها منصور حتي وجدها
صعد الي تلك البنايه القديمه المتهالكه و طرق الباب حتي فتحت له امراه لم يرتاح لها كريم
كريم/السلام عليكم
فوزيه/و عليكم السلام يا اخويا انت مين
كريم/كريم الحسيني
فوزيه/ايوة يعني انت جاي هنا عايز مين
كريم/مش دا منزل منصور سيد عرابي
فوزيه/ايوة هو.... هز عمل ايه المنيل علي عينه
كريم/هو احنا هنفضل نتكلم علي الباب كدا
فوزيه/لمؤخذه يا اخويا اتفضل
دخل كريم الي المنزل فهو منزل قديم للغايه لم يجد غير غرفه واحده و لم يجد بالصاله غير تلك الاريكه المتهالكه الذي ينام عليها منصور و تلك المنضده الصغيره (الطبليه) التي توضع في ركن ما
جلس كريم علي تلك الاريكه و في داخله يقول (هل يوجد ناس بالفعل تعيش في مثل تلك الاماكن....كان يري ذلك في التلفاز و يقول في داخله ان هذا ليس الا تمثيل فقط و لا يوجد بالحقيقه هكذا.....و لكن الان يري بعينه )
كريم/انتي اكيد متعرفنيش بس انا سمعت عنك
فوزيه/سمعت عني من مين
كريم/من منصور
فوزيه/منصور ابني
كريم/ايوة
فوزيه/و انت تعرف ابني منين و عايزه مننا ايه
كريم/شوفت ابنك صدفه و عرفت منه شويه حاجات عنكم
فوزيه/ايوة يعني بردو عايز ايه
كريم/عايزك تسيبي منصور يتعلم و بلاش كلامك اللي بتملي بيه دماغه
توتر فوزيه قليلا و لكنها تماسكت قليلا
فوزيه/كلام ايه دا
كريم/انا مش عايز ندخل في تفاصيل بس اللي عايز اقولهولك تخلي بالك منه ابنك معدنه كويس و نضيف بلاش انتي توسخيه
فوزيه/نعااااااام بقه انا هوسخه يادلعدي
كريم/اسمعي يا ست انتي صوتك ميعلاش خالص انتي سامعه و الا و الله العظيم اوديكي و راي الشمس فاهمه
خافت فوزيه من نبرته هذه و هذا ان دل علي شيء فهو يدل علي ان ذلك الرجل اللذي امامها ليس بالهين و انه بالفعل قادر علي تنفيذ تهديده هذا
فوزيه/معلشي يا بيه حقك عليا بس عاوزه اعرف في ايه
كريم/انا اللي عايزه اعرف انتي ازاي ام هااااا ازاي عايزه ابنك يشتغل حرامي
جحظت عين فوزيه بشده و هي لم تتخيل ان يتحدث منصور في تلك المواضيع اللتي تدور بينهم مع اشخاص اخرين بالخارج
فقد اعتقدت انه صغير و لم يتفوه بشيء و اذا تفوه لم يصدقه احد
و لكن الان ايقنت ان منصور ليس بالهين هو الاخر حني يجلب اليها هذا الرجل لكي يهدها و يخيفها فصبرا
فوزيه/حرامي ازاي يا باشا هتلاقي الواد دا بيخترف هي في ام بردو تحيل ابنها علي الانحراف دا
كريم/اما هو انحراف ليه بتحليه علي كدا
فوزيه/و الله يا ليه الواد دا كداب
كريم/منصور مش كداب و انا متاكد علي العموم من هنا ورايح تعملي منصور كويس و تسبيه يكمل تعليمه و كل شهر هتلاقي مبلغ محترم يكفيكي انتي و منصور و الشارع بتعكم كله
زغللت عين فوزيه بشده
فوزيه/مبلغ اد ايه
كريم/خدي دول
اخذته منه فوزيه بسرعه و وضعتهم بداخل صدرها
فوزيه/طب و حضرتك يعني هتدفع الفلوس دي كلها ليه
كريم/منصور معدنه كويس فبلاش يبوظ بسبب اللي انتي عايزاه يعمله
فوزيه/انا والل.........
كريم/اياكي تحلفي سامعه
فوزيه /حاضر
كريم/انا ماشي و مش هعيد عليكي الكلام تاني سلام
فوزيه/بالسلامه يا اخويا مع الف سلامه
و بعد خروج كريم من تلبنايه باكملها صعد سيارته و ذهب الي حيث منزله
اما فوزيه ظلت تتوعد لمنصور حين يعود و اخرجت المال من صدرها و اخذت تنظر لهم بطمع و تحدث نفسها(بقه كل دا علشان خاطر المخفي طب و حياه امه ما هيشم ريحتهم نهائي)
اخرجها من طمعها و نظرها الي المال طرقات علي الباب اخفت المال اولا ثم ذهبت لكي تفتح الباب
فوزيه/انت ايه اللي جيبك دلوقت من غير لما تتصل الاول
....../هو مين اللي كان نازل من عندك دا يا فوزيه
فوزيه/الا و انت مالك يا شلبي
شلبي/ايه يا مره ما تتعدلي بدل ما اعدلك هو ايه اللي انا مالي
فوزيه/ مالك محموق كدا ليه تكونشي جوزي و انا معرفش
زادت من عصبيه المدعو شلبي فامسكها من شعرها بقوه
شلبي/شكلك لسه مفوقتيش و انا بقه هفوقك و اعرفك تردي عليا كدا ازاي
فوزيه/اهااااااا ايه يا شلبي شعري يا راجل خلاص خلاص و النبي سبني
تركها و هو في قمه غضبه منها
شلبي/انطقي مين دا
فوزيه/و الله يا اخويا ما اعرف مش عارفه قال اسمه كريم ايه و النبي ما خدت بالي
شلبي/و كان عايز ايه سي زفت دا
فوزيه/معرفش شاف منصور فين و المخفي رترت معاه بالكلام كدا و عرفه اني عايزاه يستغل حرامي و بضربه
شلبي/انتي بتقولي ايه يا وليه و جابله سيره المعلم طفشه
فوزيه/معرفش هو كل اللي قاله اسيبه يتعلم بلاش شغل الحراميه دا
شلبي/يا نهار ابوكي اسود انتي و هو هتودونا في داهيه و ابن الكلب اللي اسمه منصور مش هيهدي غير لما يعلق رقبينا علي حبل المشنقه
ضربت فوزيه علي صدرها بقوه يصحابها شهقه كبيره خرجت منها مع جحوظ عينها
فوزيه/يالهوي يالهوي يالهو
شلبي/انتي هتعددي يا وليه سبيني افكر منك لله
عم الصمت قليلا في المكان لا يقطعه غير صوت انفاسهم الغاضبه تلك
و بعد قليل من الوقت في التفكير
شلبي/قومي يا وليه بسرعه لمي الهدمتين بتوعك انتي و المخفي بسرعه
فوزيه/ليه هنروح فين
شلبي/هنشوف مخروبه تانيه غير هنا و مدام ادي لحد عنوان هنا مش بعيد يكون اداهم تفاصيل تانيه
فوزيه/اشوف فيك يوم يا منصور
شلبي/لخصي يا وليه مفيش وقت علي ما ادي خبر للمعلم طفشه يسيب مكانه هو كمان
فوزيه/حاضر يا اخويا علي طول بس هو احنا هنمشي و نسيب الواد منصور دا لسه مرجعش
شلبي/زمانه خلص المخروبه اللي بيروحها و طلع علي الورشه خالصي انتي و نعدي عليه في طرقنا
فوزيه/ماشي
🌹🌹🌹🌹🌹🌹🌹🌹🌹
و في الصباح الباكر استيقظت نور و قامت باعداد الافطار و ذهبت لتوقظ اطفالها
قام مالك و مليكه من النوم و بدلو ملابسهم و جلسو حول المائده لتناول الافطار
و بعد ذلك بدلت نور ملابسها و هبط ثلاثتهم للاسفل في طريقهم الي المدرسه و طرقتهم و ذهبت الي العمل كان الوقت مازال باكرا
جلست بانتظار هاجر بعض الوقت و لكنها ملت من الانتظار
قامت من مكانها بترتيب و تنظيف المكتب التي تجلس به و بدات لمراجعه جميع الاواراق و ترتيبها و ترقيمها بداخل الارفف الموضوعه بداخل المكتب
جلست قليلا ثم اخرجت من حقيبتها علبه بها بعض الشطائر لها لانها لم تتناول الافطار مع اطفالها لانها كنت تعد لهم طعام الغداء
و بداءت تتناول الطعام و بعد الانتهاء رفعت سماعه الهاتف لكي تتطلب لها كوبا من القهوه كما اخبرتها هاجر و لكن لم يرد عليها احد
قامت وذهبت تبحث علي مكان المخصص لاعداد المشروبات للموظفين
وجدت في طريقها احد الاشخاص
نور/لو سمحت
نظر لها هذا الشخص
...../افندم
نور/لو سمحت فين مكان الكافتريه
....../في الدور اللي تحت بس عم مسعود لسه مجاش
نور/شكرا جدا
......./انتي جديده هنا
نور/ايوة اول يوم ليا كان امبارح
...../و شغله ايه هنا
نور/انا سكرتيره كريم بيه
....../اها اهلا و سهلا و انا عزت زميلك هنا في الحسابات
نور/اهلا و سهلا انا نور
عزت/طيب ما عندك في المكتب كوفي كورنر خاص بكريم بيه
نور/و هو عادي انا اعمل فيه حاجه ليا
عزت/متهيقلي عادي مفيهاش حاجه
نور/شكرا جدا
و عادت نور الي مكتبها و بحثت عن المكان ذلك لتعد كوبا من القهوه و جدته اخير فهو مغلق ب باب فتحته و اعدته الكوب و اخذته و ذهبت الي المكتب وضعت الكوب و ذهبت الي الحمام
في ذلك الوقت جاء كريم احس بتغير في المكتب و لكنه لم يشغل باله كثيرا
و لكن لفت نظره الي كوب القهوه الموضوع علي المكتب و الذي من الواضح انه تم تحضيره الان من البخار الذي يتصاعد منه
رفعه الي انفه فقد اعجبه رائحتة فاخذ رشفه صغيره منه مما نال اعجابه بشده و اخذه معه و ذهب نحو مكتبه وجد نور تدخل الي المكتب
توترت نور قليلا عندما راءته امامها و لكنها تمالكت نفسها
نور/صباح الخير كريم بيه
كريم/صباح النور
ثم نظرت الي الكوب اللذي بيده و نظرت اليه
نظر هو ايضا الي ما تنظر له و فهم ان ذلك الكوب يخصها
كريم/اسف هي القهوه دي بتاعتك
نور/محصلش حاجه
كريم/عم مسعود اللي عامل القهوه دي
نور/احم احم انا اسفه هو عم مسعود مجاش فا انا اسفه.... يعني..... اصل
كريم/ايه في ايه
نور/اصل عملت القهوه هنا
و اشارت بيدها علي مكان اعداد المشروبات
نظر هو الي ما اشارت
كريم/طب و انتي مالك متوتره كدا ليه
نور/علشان عملت القهوه من غير ما استأذن
كريم/علي فكره عادي جدا تستعمليه تعملي قهوه تعملي شاي تعملي عصير تعملي اي حاجه انتي عايزاها
نور/بجد
كريم/ايوة بجد.... امال هاجر فين
نور/ لسه ربع ساعه علي ميعاد الشغل زي ما قالت ليا هاجر امبارح
نظر لها ثم نظر الي ساعه يده
كريم/علي كدا انتي هنا من بدرى لان شايف تغير في المكتب مشفتهوش امبارح و انا ماشي
نور/فعلا انا بقالي هنا اكتر من ساعه و نص
كريم/و ايه منزلك من بيتك بدري كدا و انتي عارفه ميعاد الشغل
نور/اصل بنزل اودي عيالي المدرسه فقولت بدل ما ارجع البيت تاني اجي اخلص شغل هنا
كريم/تمام طب روحي جهزيلي ورق صفقه (.......) و انسخيلي منها خمس نسخ علشان اجتماع انهارده
نور/جاهز يا فندم و نسخت الورق كمان
كريم/تمام
ثم تركها و دخل مكتبه
ووعادت هي الي عاملها حتي تاتي هاجر
و بالفعل لم يمر وقت كبير الا و كانت هاجر تدخل الي المكتب
هاجر/السلام عليكم
نور/و عليكم السلام ازيك يا هاجر
قالت هذا و هي تقوم من مكانها نحو هاجر
هاجر/ الحمد لله كله تمام و انتي هنا من بدرى و لا ايه
نور/يعني وديت العيال المدرسه و جيت علي هنا
هاجر/بس ايه دا انا ملاحظه تغير في المكتب
نور/جيت ملقتش في حاجه اعملها قولت انظم الورق دا
هاجر/تصدقي كان نفسي اعمل كدا من زمان بس الوقت كان ضيق معايا بس برافو عليكي انك عاملتي كل دا في وقت قليل جدا
نور/قولت اسلي نفسي علي ما تيجي
هاجر/طب دخلتي البوسطه لكريم بيه
نور/لا هو اساسا لسه واصل
هاجر/ماشي انا هجهز البوسطه و ادخلها انا
و بعد مرور وقت كبير في العمل قد انغمس الجميع لما بين يديه من عمل
جاء وقت خروج اولاد نور من المدرسه
نور/بعد اذنك يا هاجر هروح اجيب الولاد من المدرسه و اجي علي طول
هاجر/روحي ماشي
و خرجت نور من الشركه ذهابا الي المدرسه و اخذت اطفالها و ذهبت بهم نحو المنزل و وجدت عزه بانتظارها كا كل يوم و تركتهم معها و ذهبت مره اخري الي العمل
و استمر الحال هكذا الي ان اتي يوم الجمعه و هو اليوم المنتظر للاولاد للخروج الي الحدائق
و كا العاده استيقظت نور و قامت باعداد الافطار و الحلوي و العصير للذهاب الي الحديقه
و عند وصولهم تقابل مالك مع يوسف صديقه و ظلو بانتظار منصور حتي ياتي
و جاء ايضا كريم و سليم و جلسو بنفس مكان المره السابقه و لم يرو نور
و وجدو مالك و يوسف يلعبان بجانب المدخل
شاور لهم كريم حتي جاء اليه و بعد السلام
كريم/امال فين منصور صاحبكم التالت فين
مالك/احنا مستنينه من الصبح و لسه مجاش
سليم/زمانه جي
يوسف/طب تعالي يا مالك نعلب احنا علي ما يجي منصور
و مر الوقت سريعا و لم ياتي منصور
و عاد الجميع الي منازلهم و كان يوسف و مالك في قمه حزنهم لعدم مجيء منصور
و في اليوم التالي في العمل
في مكتب كريم كان يوجد استاذ اشرف معه يتحدث في بعض الاعمال حتي تحدث اشرف
اشرف/كدا كله تمام
كريم/خلاص تمام كدا
اشرف/اخر حاجه يا كريم بيه دا العقد بتاع نور السكرتيره الاسبوع فات فا ايه راي حضرتك تمضي العقد و لا ايه
كريم/لا هي شغلها تمام العقد بتاعها جاهز
اشرف/ايوة يا فندم اتفضل
اخذ منه كريم العقد و قام بالامضاء عليه
كريم/اتفضل خليها تمضي عليه هي كمان
اشرف/تحت امر حضرتك بس في حاجه كمان
كريم/خير
اشرف/بالنسبه ليها هي كل يوم بتستاذن ساعه
كريم/ليه كل يوم ساعه
اشرف/بتجيب اولادها من المدسه و بترجع تاني
كريم/طب انا مش فاهم بردو مش هي مستاذنه منك من اول ما جت اشتغلت
اشرف/ايوة بس انا كنت بستاذن حضرتك العربيه اللي بتروح اولاد الموظفين هنا تروح اولادها كمان و بكدا متنزلش الساعه دي
كريم/اممممممممم مفيش مشكله اتفق معاها علي كدا
اشرف/حاضر.... بعد اذنك
و خرج اشرف و هو في طريقه للذهاب نحو مكتبه مر علي مكتب نور و هاجر
اشرف/مدام نور بعد اذنك قبل ما تروحي تاخدي اولادك من المدرسه تعدي عليا الاول
نور/ححاضر
و تركهم و خرج و نظرت نور الي هاجر
هاجر/مالك يا بنتي وشك اصفر كدا ليه
نور/تفتكري عايزني ليه
هاجر/انا بخمن ان ممكن علشان تمضي عقد شغلك هو مش استاذ اشرف قالك اسبوع تحت التمرين و اهو الاسبوع خلص
نور/تفتكري كدا
هاجر/اكيد هو كدا
نور/ربنا يستر
و اندمجت في العمل مره اخري حتي جاء موعد ذهابها لتاخذ اولادها من المدرسه
و ذهبت الي مكتب استاذ اشرف قبل خروجها من الشركه
دخلت الي المكتب بعدما طرقت الباب و استمعت لاذن الدخول
نور/خير يا استاذ اشرف
اشرف/كل خير اتفضلي اقعدي
نور/حاضر
و جلست نور
اشرف/اتفضلي امضي هنا دا عقد تعينك في الشركه
ابتسمت نور له
نور/بجد حضرتك
اشرف/ايو بجد و كمان يا ستي في عربيه خاصه بالشركه بتروح تاخد اولاد الموظفين اللي هنا توصلهم لبيتهم و كمان هتوصل اولادك
نور/الحمد لله يارب الحمد لله
اشرف/انتي شكلك بنت حلال و تستهالي كل خير
نور/ربنا يخليك يا استاذ اشرف
اشرف/دلوقتي هتنزلي تحت تسالي علي يسري دا سواق العربيه اللي هتروح تاخد اولادك هتروحي معاه انهارده تعرفيه مكان المرسه و تعرفيه علي اولادك
نور/تمام حضرتك بعد اذنك
و خرجت نور من المكتب و سالت علي هذ المدعو يسري و صعدت معه السياره بعد ان املته عنوان المدرسه و منها الي البيت ثم عادت معه مره اخري الي العمل
و استمر الحال كما هو حتي مر..............