رواية كيف تكون النهاية
الفصل الرابع
بقلم ايه الجلاد
محسن/متهيقلي دا شيء ميخصكش و لا تكونش تقربلها و انا ما عرفش و بعدين هيا اللي جيباني بمزجها و دي مش اول مره
انفعلت نور من اثر كلماته انه يتهمها بالزور بابشع اتهام
نور/اخرص يا حيوان انا اشرف منك و من اللي خلفوك
ثم نظرت اليه و قالت و الله العظيم انا مظلومه و كل اللي قاله كدب في كدب
محسن/انتي اللي كدابه اقولك انا علي دليل ان كلامي صح
....../و لو طلع غلط هوديك و راء الشمس
محسن/هو انا اهبل علشان اودي نفسي وراي الشمس و اوقع نفسي في مشاكل مع حضرتك
...../لخص و قول
محسن/الهانم اللي بتدعي الشرف في فنص ضهرها علامه كبيره علشان بس تعرف ان انا مش بتبلي عليها و انها مش اول مره احنا بس اختلفنا علي الفلوس
جحطت عين نور بشده و شلت جميع اطرافها و لم تستطع الوقوف اكثر من ذالك وقعت علي المقعد خلفها في اهمال من هول ما قال
من اين عرف ذلك اين راها هي بالفعل لديها علام في الخلف
و بدات الدموع تهبط بغزاره من عينها دون توقف
محسن/احنا رجاله زي بعض يا كريم بيه
نظر لها كريم في اشمءذاذ
كريم/الكلام اللي قاله دا صح
محسن/ايوة طبعا صح هي معقوله تنكر بعد كدا
كريم/اخرص انت
نظرت له نور و هي مازالت تبكي و قامت من المقعد دون اي حديث
كريم/ما تنطقي صح الكلام دا
محسن/ما خلاص بقه يا كريم بيه متحرجناش اكتر من كدا قولتلك دي البت بتاعتي صاحبتي يعني اكيد حضرتك مصاحب و لا انت ملكش اصحاب
نور/اخرص صاحبت مين يا حيوان
محسن/خلاص بقه يا حببتي كريم بيه عرف كل حاجه و مش هيفضحنا
نور/انت كداب و مفتري حسبي الله و نعم الوكيل فيك ربنا ينتقم منك علشان انا.............
كريم/علشان انتي ايه
نور/علشان انا مظلومه
ثم التفتت و خرجت من المكتب دون حديث او استأذن
خرجت و هي تبكي علي حالها و كيف تبرا نفسها و من سوف يصدق انها غير ذلك
ظلت تبكي و هي تدعي الله ان يخرجها من تلك المحنه و ان ينتقم من محسن اشد انتقام
خرج هو الاخر خلفها وجدها تمشي ببطء و هي تنظر للاسفل
صعد سيارته و قادها و مر من جانبها ببطء و فتح الشباك المجاور لها و نظر لها نظره اشمءذاذ ثم اغلق الشباك و ذهب سريعا
اما الوقح محسن بعد خروج كريم و نور اخذ يضحك مع مفسه
و تذكر كيف راي تلك العلامه
فلاش باااااااك
اثناء وجودهم في غرفه تبديل الملابس عندما انهت فريده تبديل ملابسها و تركتهم و خرجت
قابلها محسن بالخارج امام باب الغرفه
محسن/لسه في حد جوه
فريده/ايوة نور و مها لسه مخلصوش
محسن/طب ادخلي تاني قولي لنور اني مستنيها في المكتب قبل ما تروح
فريده/حاضر
و عندما فتحت الباب و دخلت كان واقف كما هو و عند دخولها
كانت نور قد ارتدت الفستان الخاص بها و تغلق السحاب من الخلف
نور/مها تعاليي اقفليلي السوسته
في ذلك الوقت كانت فريده قد دخلت
فريده/نور محسن بيه عايزك في المكتب قبل ما تروحي
تاكد محسن ان تلك التي ترتدي فستان هي نور و قد راي وقتها تلك العلامه
باااااااااك
محسن/حظك بقه يا نور زمانك بتكلمي نفسك و تقولي انا شوفتها فين يلا.......... انتي كان ريشك منفوش و عايز قصه...... معرفش شريف كان نفخك علي ايه..... و لسه انتي خلاص بقيتي تحت ايدي و ان متمتعتش بيكي هفضحك في كل حته
ههههههه ههههههههه هههههههه
🌹🌹🌹🌹🌹🌹🌹🌹🌹
ذهب كريم الي منزله و هو في قمه غضبه مما حدث فكان يتوقع من مظهرها العام انها فتاه محترمه
و لكن المظاهر ليست كل شيء فيوجد شياطين بكثره تلك الايام يختفون تحت ستار الحجاب و يتظاهرون انهم ملاءكه و هم شياطين
صعد علي الفور الي غرفته و اخذ حماما باردا لعله يطفىء ناره المشتعله لانه ايضا تذكر اخيه و ما حدث معه
فلاش باااااااااك
بعد سفر كريم ظل هو و اخيه علي اتصال كل يوم و يحكي كلا منهم اخباره للاخر عن تفاصيل يومه
و قد مر علي سفر كريم اربع سنوات و هم مازالو يتحدثون كل يوم
و في احدي الايام كان علي اتصال بالهاتف كا كل يوم
كريم/و بعدين يا سيدي كمل
كرم/اكمل ايه ما قولتلك كل حاجه
كريم/الا الحاجه اللي انت مخبيها و محدش يعرفها
كرم/لا طبعا مفيش حاجه
كريم/متاكد
كرم/ايوة
كريم/براحتك مش هضغط عليك اكتر من كدا
كرم/بص انا هقولك
كريم/سامعك
كرم/انا اتعرفت علي واحده
كريم/واحده
كرم/متفهمنيش غلط
كريم/امال ايه
كرم/هي بنت حلال و كويسه جدا و من الاخر كدا انا عايز اتجوزها
كريم/بجد يا كرم
كرم/ايوة بجد
كريم/علي بركه الله
كرم/بس في مشكله
كريم/مشكله ايه
كرم/عمك
كريم/ماله
كرم/مش هيوافق عليها اصلها يعني.......
كريم/اصلها ايه
كرم/اصلها يتيمه و ملهاش حد
كريم/طب و ايه المشكله مش انت بتقول البنت نفسها كويسه
كرم/ايوة
كريم/خلاص علي بركه الله و متسالش في حد
كرم/انت شايف كدا
كريم/ايوة
كرم/خلاص هشوف و اللي فيه الخير يقدمه ربنا
كريم/ربنا يقدملك كل خير يا حبيبي
كرم/يارب معلش طولت عليك و انا عارف انك بتنام بدري
كريم/و لا يهمك و انا موجود في اي وقت
كرم/خلاص يلا روح نام و هنبقي نتكلم تاني
و اغلق كريم الهاتف بعد انهاء المحادثه مع كرم
و بعد مرور اسبوع جاء اتصال الي كريم من كرم
كريم/السلام عليكم
كرم/و عليكم السلام انت عامل ايه يا كريم
كريم/انا تمام المهم انت طمني صوتك باين عليه انك مبسوط
كرم/انا فعلا مبسوط جدا و بكلمك علشان كدا
كريم/ايه فرحني
كرم/انا كتب كتابي انهارده
كريم/بجد.... الف مليون مبروك يا حبيب اخوك كان نفسي ابقي معاك بس متعوضه في الليله الكبيره
كرم/لا مهو انهارده كتب كتاب و دخله علي طول حاجه كدا علي الضيق
كريم/علي الضيق ليه مفيش فلوس تعمل فرح بقي حفيد عيله الحسيني يدخل علي الضيق
كرم/لا الموضوع مش كدا
كريم/امال الموضوع ايه
كرم/عمك هددني و هددها اني لو اتجوزتها هيخلص عليها
كريم/ايه اللي انت بتقوله دا هي البلد سايبه
كرم/هو دا اللي حصل فوهمته انها خافت من تهديده و هربت من البلد لكن انا ختلها شقه بعيد و كتبت عليها
كريم/و انت مش خايف عمك يعرف
كرم/لا انا واخد احتياطي كويس جدا
كريم/ربنا يسترها معاك و انا كلها كام شهر و اخلص و ارجع اقف في ضهرك و نشوف اخره عمك ايه
كرم /ربنا يعديهم بسرعه
كريم/ان شاء الله
كرم/سلام دلوقت علشان عروستي وصلت
كريم/سلملي عليها و اقولها الف الف مبروك و اول ما انزل احلي هديه لاحلي عرسان
كرم/تسلم يا حبيبي
كريم/سلام
كرم/سلام
و بعد مرور خمسه اشهر و قد انهي كريم دراسته و الا ن يقوم بتحضير حقاءبه لانه سوف يعود الي موطنه مره اخري بعد اسبوع من الان
و اثناء انشغاله بترتيب الحقاءب جاء له اتصال من زوجه ابيه
تملك منه الدهشه و الاستغراب فطوال الخمس سنوات لم يتلقي منها اتصالا واحدا
كريم/السلام عليكم
اولفت/و عليكم السلام
تتحدث و هي تبكي بشده او تتصنع البكاء
كريم/خير في ايه
اولفت/اخوك عمل حادثه و هو بين الحياه و الموت
وقع الهاتف من يد كريم و سقط هو الاخر علي الارض من هو ما سمع
هل فقد الاخ و السند
هل تركه هو الاخر كما تركه والده من قبل
هل بقي واحيدا الي الابد ولم يكن لديه من يشاركه احزانه قبل افراحه
و سقطت دموعه بغزاره فانه لا يتحمل كل هذا
استعاد وعيه و هو مازال يبكي و قام سريعا اخذ هاتفه و جواز السفر الخاص به و ذهب سريعا الي المطار و قد حجز في الطاءره التي سوف تقلع بعد نصف ساعه من الان و هو في الطريق
و عاد مره اخري الي الوطن و لكن و هو حزين و مكسور
ذهب سريعا الي المستشفي التي قد قالت عليها اولفت اثناء حديثه لها مره اخري في الهاتف و هو يخرج من مطار القاهره
ذهب سريعا الي المستشفي و سال عن الغرفه الخاصه بشقيقه
و عند وصوله وجد عمه و الفت زوجه ابيه امام الغرفه
و تتصنع اولفت البكاء
اولفت/انت جيت يا كريم
كريم/فين كرم
عمه و هو يتصنع الحزن
عمه /ادخل يا ابني شوفه قبل ما......
نظر له كريم نظره لم يفهمها الاخر و ذهب داخل غرفه اخيه
عند دخوله وجد اخيه علي الفراش و حوله اجهزه عديده و اسلاك كثيره موصوله به
اقترب منه بحذر شديد
و هو يبكي بشده
كريم/كرم... كرم... انت سامعيني اوعي تسبني يا كرم انا مليش غيرك في الدنيا
استمع له كرم و دار براسه فى اتجاهه و ضغط علي يده التي كان كريم ممسك بها
كريم/كرم يا حبيبي انت فوقت
تحدث كرم بصوت متقطع ضعيف
كرم/ح م د.... ع لي..... ال س لا مه
كريم /الله يسلمك يا كرم شد حيلك
كرم/ش ك لها.... ال ن ها يه
كريم/متقولش كدا
بدا كرم ينهج قليلا
كريم/اهدي متتكلمش
كرم/م ع ت ش.... ف ي..... و قت
كريم/قولي مين عمل فيك كدا و انا هكله باسناني
كرم/مر ا تي خا............
و انقطع التنفس
كريم/كرم.... كرم
و بدا صوته يعلي شيءا في شيء حتي استمع له من بالخارج
كريم/كرااااااااااااااام
و دخل الاطباء الي الغرفه و اخرجو كريم بالقوة للكشف علي شقيقه و بعد قليل من الوقت خرج الطبيب من الغرفه
كان الجميع يقف امام الغرفه و استقامو عند خروج الطبيب
نظر لهم الطبيب قليلا ثم
الدكتور/ البقاء لله
نظر له كريم في هدوء ما قبل العاصفه
كريم/يعني مش فاهم
الدكتور/بقولك البقاء لله يعني اخوك مات
خرج كريم عن هدوءه وبصوت عالي
كريم/انت بقووووول اااااايه انت مجنووووون اخويااااا مامتش اخويااااا عاااااايش انت فااااااهم
و اخذ يضربه بقوه في وجه حتي جاء الامن علي اثر الصوت و امسكوه باعجوبه حتي تمكنو منه
و بعد مده كبيره كان يجلس كريم في العزاء الخاص بكرم فهو من احدي رجال الاعمال و شخصيه معروفه
و بعد ثلاث ايام تم غلق المحضر لعدم وجود اي دليل يثبت انها بفعل فاعل و انها حادث سير فقط لا غير
في غرفه كريم كان يجلس علي الفراش يتذكر كرم اخيه
و اثناء شروده في اخيه تذكر زوجته اين هي و لماذا لم تظهر حتي الان
تذكر حديث اخيه عندما قال له ان عمه سوف يقتلها اذا تزوج منها
جحظت عيناه بشده هل من الممكن ان يكون عمه له يد في موت اخيه
و قام من الفراش و ذهب نحو الباب ليهبط الي عمه و يساله و قبل ان يده تلمس مقبض الباب
تذكر حديث اخيه الاخير
كريم/قولي مين عمل فيك كدا و انا هكله باسناني
كرم/مر ا تي خا............
و انقطع التنفس
كريم/كرم.... كرم
عاد الحديث مره اخري في نفسه
خا..... خا..... خا
و جحظت عينا مره اخري وانفتح فمه و كاد يصل للارض
تحدث مع نفسه(يا انهار اسود ممكن تكون...خانته و هي السبب في موته و الله لو ليها يد ما هسبها عايشه ثانيه واحده علي وش الدنيا.......بس هجبها منين و انا معرفش حاجه عنها.........اها ايوة عمي عارفها هو مش هددها انها تبعد عن كرم يبقي اكيد عارف هيا مين)
باااااااااااااك
عاد من شروده
كريم/كلكم خاينين و عاملين ملايكه و انتم شياطين مش لازم اثق في اي واحده نهاءي
ثم اغلق عينه لكي يستعد للنوم
🌹🌹🌹🌹🌹🌹🌹🌹🌹
عادت نور الي منزلها و هي متعبه للغايه
فتحت الباب و دخلت كان الوقت قد تعدي الثالثه و النصف بعد منتصف الليل
ذهبت علي الفور الي غرفتها جلست قليلا لكي ترتاح من الطريق و ذهبت لتاخذ حماما دافيء لعله يريح جسدها المنهمك
وذهبت الي الفراش لكي تنال قليلا من الراحه
🌹🌹🌹🌹🌹🌹🌹🌹🌹
و في الصباح الباكر استيقظ الجميع
استيقظ عزه اولا و ذهبت نحو غرفه نور
طرقت علي الباب و انتظرت اذن الدخول
نور/ادخل
دخلت اليها عزه
عزه/صباح الخير يا ابله نور معلش نمت قبل ما تيجي هو حضرتك جيتي امتي
نور/جيت الساعه تلاته بالليل
عزه/يا لهوي تلاته.... ربنا يعينك يارب
نور/يارب.... معلشي يا عزه انا عارفه ان بقالك ليلتين بايته هنا و اليوم كله امبارح مع الولاد بس انا قصداكي في خدمه
عزه/عيب تقولي كدا يا ابله نور انتي تؤمري
نور/تجهزي الفطار للولاد و بعدين تنزلي تناديلي دكتور اكرم اللي في الصيدليه اللي علي اول الشارع
عزه/خير انتي في حاجه تعباكي
هزت نور راسها و سحبت الغطاء عن قدمها
مما افزع عزه و شهقت شهقه كبيره من ضربه قويه علي صدرها من منظر قدم نور
عزه/يا لهوي من ايه دا يا ابله نور
نور/لما وقعت امبارح الصبح و كملت شغل طول اليوم بعد ما اخدت حقنه و حبايه مسكنه فتقريبا الوقفه ورمتها
عزه/بالشكل دا
نور/ايوة
عزه/طب هروح انادي الدكتور اكرم واجي
نور/لا جهزي الفطار و افطري انتي و الولاد الاول و بعدين انزلي
عزه/لا هنزل الاول و بعدين مالك و مليكه لسه نايمين علشان نامو امبارح متاخر كانو قلقين عليكي
نور/طب روحي بسرعه
و ذهبت عزه الي خارج المنزل نحو الصيداليه و هي في طريقها مرت علي ولدتها
عزه/ماما... ماما..... انتي فين
ام عزه/تعالي يا عزه انا في المطبخ
عزه/بتعملي ايه
ام عزه/بعمل كوبايه شاي
عزه/طب يا ماما انا جيت اقولك اني هقضي اليوم انهارده مع ابله نور كمان
ام عزه/ليه كل دا
عزه/امبارح ابله عزه عملت حادثه و....
ضربت ام عزه علي صدرها
ام عزه/يا لهوي حادثه
عزه/اطمني يا ماما هي بس رجليها ورمت و انا رايحه انادي دكتور اكرم من الصيدليه
ام عزه/روحي و انا هلبس و احصلك اطمن عليها
عزه/ماشي يا ماما سلام
و خرجت عزه و ذهبت الي الصيدليه و اخذت الطبيب معها و عادت الي منزل نور و فتحت بالمفتاح التي اعطته لها نور لانها لم تستطيع القيام و كذلك الاطفال مازالو نائمون
دخلت عزه اولا الي غرفه نور
عزه/ابله نور دكتور اكرم برا
نور/طب نوليني الاسدال دا البسه
و بعد ذلك
نور/دخليه يا عزه
خرجت عزه و دخلت مره اخري و خلفها الطبيب
الدكتور اكرم/السلام عليكم
نور/و عليكم السلام
دكتور اكرم/خير يا مدام نور
نور/مفيش اتخبط في رجلي امبارح و.....
بدات تقص عليه ما حدث
دكتور اكرم/خير ان شاء الله
ثم قام بالكشف عليها بحذر لانها تؤلمها
و بعد الانتهاء
دكتور اكرم/الحمد لله مفيهاش كسر و لا حاجه دا تمزق اربطه هنربطه برباط ضاغط و تستريحي يومين و متقفيش عليها علي اد ما تقدري و تدهني المرهم دا مرتين في اليوم و هبعتلك من الصيدليه حبوب مسكنه و ان شاء الله هتعدي علي طول
نور/ان شاء الله
ثم اخذت حقيبتها من جوارها و فتحتها و اخرجت منها ورقه ماليه فئه المائتين
نور/شكرا جدا يا دكتور تعبيناك معانا
الدكتور اكرم/متقوليش جدا احنا في الخدمه بعد اذنكم
عزه/اتفضل يا دكتور
خرجت معه الي الباب و بعد خروجه وجدت ولدتها تدخل
ام عزه/فين نور يا عزه
عزه/في اوضتها يا ماما روحلها و انا هروح اجهز الفطار
ام عزه/ماشي روحي يلا
ذهبت عزه الي المطبخ لتقوم بتحضير الفطار
و ذهبت ام عزه الي غرفه نور طرقت الباب و انتظرت الاذن بالدخول
نور/ادخل
ام عزه/سلام عليكم
نور/و عليكم السلام اذيك يا ام عزه تعالي
ام عزه/الف مليون سلامه عليكي يا حببتي و النبي انا اول ما عرفت جتلك علي طول
نور/محدش يجيلك في حاجه وحشه يارب
ام عزه/ايه اللي حصل يا بنتي
نور/الحمد لله عل كل حال
و في الخارج كانت عزه تعد الفطور حتي تصاعدا رنين الهاتف الارضي
ذهبت عزه للرد عليه
عزه/السلام عليكم
المتصل/و عليكم السلام
عزه/افندم حاضرتك عايز مين
المتصل/مدام نور موجوده
عزه/ايوة اقولها مين
المتصل/ادهاني اكلمها و هي هتعرفني
عزه/طب خاليك معايا ثواني
و حملت الهاتف و ذهبت الي نور و استئذنت و دخلت
عزه/ابله نور في حد عايز يكلمك
نور/مين
عزه/مقالش اسمه
نور/طب هاتي
اخذت منها الهاتف
نور/السلام عليكم
المتصل/ازيك يا نور
جحظت عين نور بشده عند سماع صوته ذلك الوقح
نور/............