رواية كيف تكون النهاية
الفصل الحادي والعشرون والثاني والعشرون
بقلم ايه الجلاد
كل هذا يحدث تحت انظار نور التي لم تكن منتبه لهم و مسلطه نظرها علي اولفت التي يبدو ان شكلها مئلوف اليها و يبدو انها راتها من قبل و لكنها لا تستطيع تتذكر اين راتها
كريم/الكلام خلص نور مراتي و ولادها دول زي ولادي و اكتر و من انهارده اللي يزعلها كانه زعلني انا و اكيد انتم عارفين زعلي وحش ازاي
ثم نظر الي وعد التي هبطت للاسفل لكي تري ما يحدث و لماذا صوت اخيها عاليا
كريم/تعالي يا وعد انتي طبعا عارفه نور
وعد/ايوة
كريم/نور بقيت مراتي و من انهارده هتعيش معانا
وعد/بجد يا ابيه
كريم/ايوة بجد
وعد/الف الف مبروك يا ابيه مبروك يا نور
نور/الله يبارك فيكي و عقبالك
غضبت اولفت بشده لمعرفه ابنتها بنور و انها تبارك لها
اولفت/وعااااااااد
التفتت لها وعد في فزع هي و نور
وعد/ايوة يا مامي
اولفت/اطلعي علي اوضتك
وعد/حاضر
وصعد وعد للاعلي فورا حتي لا تشك ولدتها في امرها و سوف تجد فرصه للحديث مع نور و ايجاد حل لانقاذ كريم
كريم/يلا يا نور تعالي نطلع فوق
نور/يلا
نظر كريم لاولفت و علياء
كريم/ابقي ابعتيلي الشنط مع الخدم يا مدام اولفت.... تصبحو علي خير
و صعد كريم و معه الاولاد و خلفه نور
كريم/تعالو يا اولاد بصم دي حاجه مؤقته بس لحد ما اجهز لي كل واحد اوضه
نور/ملوش لزوم الاوضه دي كفايه
كريم/لا ازاي من بكرا هتفق مع ناس توضب لكل واحد فيهم اجمل اوضه
مليكه/بجد يا بابي
كريم/بجد يا روح بابي يلا تصبحم علي خير
مالك مليكه/و حضرتك من اهله
كريم/يلا يا نور
و خرج كريم و خرجت خلفه نور الي داخل الغرفه الاخري
و هي اقل ما يقل عنها غرفه في كبيره للغايه فهي غرفه بداخل غرفه
فا في الغرفه الاولي يوجد بها صالون صغير و تلفاز و منضده صغيره و بجانبها اتنين من المقاعد
اما الغرفه الاخري فا يوجد بها سرير كبير الحجم يوجد بكل جانب كمود صغير و ايضا بها تلفاز و يوجد بها غرفه لتبديل الملابس
كريم/اتفضلي ادخلي يا نور
دخلت نور الغرفه و انبهرت بجمالها و حجمها
كريم/دي بقه اوضتنا
نور/نعااااام اوضه مين انا استحاله اكون معاك في اوضه واحده
كريم/ليه ان شاء الله انتي ناسيه انك مراتي و لا ايه
نور /انت اللي ناسي انت اتجوزتني ازاي و لا ايه
كريم/مكنش قدامي فرصه تانيه غير كدا
نور/و انا معنديش كلام تاني اقوله مستحيل انام معاك في اوضه واحده
كريم/و انا مش هضغط عليكي يا نور علشان عارف اني غلطان و هسيبك برحتك خالص لحد ما تهدي بس علشان تكوني عارفه ان صبري له حدود فا خالي بالك
نور/خالي بالك انت اني مبتهددش
كريم/و انا مش بهددك انا بس بعرفك اتفضلي انتي نامي جوه و انا هنام هنا
نور/ماشي تصبح علي خير
كريم/استني
نور/ايه تاني
كريم/هاخد هدوم ليا علشان اغير و لا هنام بهدومي دي
نور/اتفضل
دخل كريم اخذ ملابس له و ذهب بها الي الحمام و اخذ شور و بعد قليل من الوقت خرج
كل هذا و نور بانتظاره بالخارج
نور/حمد لله علي السلامه دا انا قولت انك نمت جوه
كريم/لا كنت باخد شور.... يلا تصبحي علي خير
نور/و انت من اهله
و ذهب كلا منهم في اتجاه
🌹🌹🌹🌹🌹🌹🌹🌹🌹
اما بالاسفل فا كانت علياء و اولفت يتاكلان من الغيظ
اولفت/ابن الكلب عملها اللي عملت حسابه لقيته
علياء/انا يتجوز عليا انا و ديني ما انا معديه اللي حصل دا بالساهل و يا انا يا هو
اولفت/اتهدي بقه و اسكتي خاليني اعرف اركز و افكر اشوف هعمل ايه في المصيبه دي
علياء/هتعملي ايه يا اختي
اولفت/ما انتي لو تهدي هفكر و اقولك
علياء/اديني انكتمت اهو فكري بقه
ظلت اولفت تفكر و تفكر و لم تصل لشيء
و عندما طال صمتها تاففت علياء
علياء/سكتي يعني
اولفت/بقولك ايه اطلعي نامي دلوقت و سبيني افكر في حل للمصيبه دي
علياء/انام و هو انا هيجيلي نوم و انا عارفه انه في حضن واحده تانيه
اولفت/انتي هتعمليهم عليا يا بت انتي اشحال ما كنا دفنينو سوا
علياء/قصدك ايه
اولفت/قصدي حته الكرامه اللي عملها دي و انك مجروحه و كدا دي تعمليها عليه مش عليا انا ماشي يا اختي
علياء/ماشي انا طالعه اتخمد
اولفت/في داهيه
و ذهبت علياء و هي في قمه غضبها تود لو تقوم بقتل كريم في الحال
اما اولفت بعد ذهاب علياء امسكت هاتفها و اخذت تنظر يمينا و شمالا حتي تتاكد انها بمفردها
و ضغطت علي الارقام التي تحفظها عن ظهر غيب
اولفت/الو الحقني بسرعه
......./ايه في ايه ايه اللي حصل
اولفت/كريم اتجوز
....../ايه انتي بتقولي ايه
اولفت/بقول اللي سمعته كريم اتجوز.... اتجوز السكرتيره
....../امتي دا حصل
اولفت/لسه من كام ساعه
....../من كام ساعه و متقولوليش
اولفت/انا لسه عارفه حالا
......../و هو فين دلوقت
اولفت/فوق هو و الهانم و كمان معاها اولادها
...../اولادها
اولفت/ايوة اولادها
......./طب سبيني افكر و اقولك
اولفت /ماشي
......../سلام
اولفت/سلام
🌹🌹🌹🌹🌹🌹🌹🌹🌹
في صباح اليوم التالي استيقظ الجميع و كل شخصا منهم لديه شعور مختلف تمام
فمالك و مليكه لديهم شعور بالسعاده الكبيره لانهم اصبح لديهم اب كا باقي زملائهم و اصبح لديهم منزل كبير
اما وعد فا اصبح لديها احساس بالقوة من وقت ما رائت نور و انها ليست و حيده
اما علياء و اولفت فكانت كلا منهم لديها احساس بالغضب الشديد و عدم الراحه
اما كريم فا استيقظ لاول مره في حياته لديه احساس بالنشاط و الحيويه و السعاده ايضا
اما نور فا استيقظت و لديها احساس كبير انها غفت منذ زمن بعيد و لديها احساس بالامان و الراحه
🌹🌹🌹🌹🌹🌹🌹🌹🌹
في غرفه كريم استيقظ و طرق الباب الفاصل بينه و بين نور
كريم/نور نور
نور/ايوة ثانيه واحده
قامت من الفراش و ارتدت اسدالها و فتحت له الباب
كريم/صباح الورد و الفل و الياسمين
نور/صباح الخير
كريم/صحيتك من النوم
نور/لا انا كنت صاحيه
كريم/طب بعد اذنك ممكن ادخل اخد شور و اغير هدومي علشان عندي شغل
نور/اها طبعا اتفضل
ذهب كريم الي غرفه الملابس اخذ ملابسه ثم ذهب الي الحمام
اما نور فا ابتسمت علي طريقته في الحديث معها
و بعد ذلك اتجهت الي الفراش قامت بترتيبه و تنظيفه و ابتدت في ترتيب باقي الغرفه و قامت بحمل الحقيبه الخاصه بها و ذهبت نحو غرفه الملابس التي راتها في الامس و بدات في ترتيب ملابسها في مكان صغير حتي يسهل عليها اخراج ما تريد
في ذلك الوقت خرج كريم من الحمام فكان بابه من حجره الملابس راها و هي ترتب الملابس
كريم/انتي بتعملي ايه يا نور
التفتت نور في فزع
نور/خضتني حرام عليك
كريم/انا اسف مكنش قصدي و الله
نور/حصل خير
كريم/انتي بتعملي ايه بقه
نور/برتب هدومي
كريم/ما تتعبيش نفسك في اي حاجه في ناس موجوده تعمل دا كله
نور/بس انا مبحبش حد يعملي حاجه بحب اعمل حاجتي بنفسي
كريم/و ليه تتعبي نفسك
نور/انا اتعودت علي كدا
كريم/دا كان زمان من هنا ورايح انتي كل اللي عليكي تؤمري و الكل ينفذ
نور/لا انا كدا كويسه و مبسوطه كمان
كريم/انا مش عايزك تتعبي
نور/انا مش تعبانه ان مرتاحه كدا
كريم/اللي يريحك و يبسطك اعمليه
نور/شكرا
كريم/مفيش بنا شكر يلا علشان نشوف الولاد و ننزل نفطر
نور/ماشي اتفضل
ذهب كريم و خلفه نور نحو غرفه الاطفال و اخذهم و هبطو للاسفل علي الافطار كان تجلس اولفت و علياء و وعد
كريم/صباح الخير
الجميع /صباح النور
جلس كريم في مقدمه المائده في الجهه الاخري و جعل نور تجلس علي يمينه و الاطفال علي شماله
اولفت/مقعدتش مكانك ليه يا كريم زي كل يوم
كريم/علشان نور و الولاد
اولفت/ملهم ما هما قاعدين اهو
كريم/لا انا عايزهم جمبي كدا فمحبتش اقوم حد فيكم من مكانه فكدا احسن
اولفت/اللي يريحك
كانت علياء تجلس في اول المائده
علي نفس الجهه التي تجلس عليها نور
و في الجهه المقابله لعلياء فكانت تحلس وعد و اولفت
و كانت نور من وقت للاخر تنظر الي اولفت تحاول ان تتذكر اين راتها
و بعد تناول الافطار قامت علياء في غضب شديد لاهتمام كريم بنور و الاطفال و لم يعيرها اي اهتمام
و هي فعلت ما قالته لها اولفت بان تتحلي ببعض الصبر حتي لا يفعل شيء اخر خارج مخططتهم فا التزمت الصمت
علياء/بعد اذنك علشان الحق الشغل
كريم/ماشي يا علياء و انا شويه كدا و هحصلك و لو في حاجه ضروري كلميني
علياء/ليه هو حضرتك ناوي تتاخر
كريم/يعني شويه كدا
علياء/ماشي
و تركتهم و خرجت سريعا من المنزل و النار مشتعله بداخلها
اولفت/انت وراك حاجه برا الشركه و لا ايه يا كريم
كريم/لا بس عايز افرج نور الفيلا
اولفت/اها..... طب بعد اذنكم علشان عندي ميعاد مع جماعه اصحابي
كريم /اتفضلي مع السلامه
و خرجت اولفت ايضا و هي في اشد غضبها
كريم/خلصتي فطار يا نور
نور/ايوة
كريم/طب تعالي يلا افرجك علي الفيلا
نور/ماشي يلا
ثم نظرت الي وعد
نور/تعالي معانا يا وعد يلا
وعد/لا روحو انتم انا حفظه الفيلا دي حته حته هههههه
كريم/طب تعالي معانا علشان خاطر نور
وعد/ماشي يا ابيه يلا بينا
و بعد وقت كبير جاء اتصال الي كريم من العمل فذهب علي الفور
و جلست وعد و نور في الحديقه و الاولاد يلعبان بجانبهم
نور/ها يا وعد انتي كنتي عايزاني في ايه اسفه اني معرفتش اجي في الميعاد بس حصل ظرف صعب قوي
وعد/ظرف صعب انا كنت فاكره انك مجتيش علشان كنتي انتي و ابيه كريم بتتجوزو
نور/اها هو كدا يعني المهم ما علينا قوليلي كان في ايه
وعد/اصل..........
و قطعت حديثها قبل ان يبدا و نظرت خلف نور وجدت سياره ولدتها تدخل
نور/سكتي ليه
وعد/مش هعرف اتكلم معاكي دلوقت علشان مامي جت انا هطلع دلوقت سلام
نور/سلام
و كانت مستغربه موقف وعد و لكنها تجاهلت الامر
جاءت اولفت لتدخل الفيلا وجدت نور تجلس بالحديقه فذهبت اليها
اولفت/مساء الخير
نور/مساء النور
اولفت/قاعده كدا ليه
نور/هو ممنوع اقعد كدا
اولفت/لا مش ممنوع برحتك طبعا ما انتي مرات كريم الحسيني...... بس نصيحه مني خالي بالك من نفسك
نور/قصدك ايه
اولفت/قصدي انك تهتمي شويه بنفسك علشان كريم ميزهقش منك و يسيبك و زي ما انتي عارفه انه كاتب كتابه و شويه و هيتجوز علياء رسمي... فا انا بنصحك بس مش اكتر
نور/شكرا علي النصيحه
اولفت/انا عايزاكيتهتمي بنفسك و تروخي لمرمز التجميل تظبطلك الدنيا لو في مشاكل في شعرك هتظبطها و هتظبط كمان بشرتك البهتانه دي و تروحي النادي تلعبي رياضه علشان جسمك يتناسق مع بعضه و كظا يعني......... اوعي تكوني زعلتي مني........ بعد اذنك
كل ذلك و نور شارده بها و هي تتحدث لكي تتذكر اين راتها حتي تذكرت اين راتها و جحظت عينها بشده لانها الان فقط تذكرت كل شيء و عندما فاقت من شرودها وجدتتها قد رحلت من امامها
قامت نور من مكانها سريعا و بحثت عن الاطفال حتي وجدتهم و اخذتهم و صعدت للاعلي حيث الغرفه الخاصه بها هي و كريم و دخلت و اغلقت الباب خلفها جيدا و ذهبت الي الغرفه الاخري التي بها الفراش و جلست عليه و بجانبها الاطفال
و اخذها عقلها الي الماضي حيث تذكرت كل شيء
(ملحوظه)
(من دلوقت هنرجع سواي فلاش باك معرفش هياخد اد ايه بس تقريبا هيكمل معانا كام حلقه تمام)
فلاش بااااااااااااااااااااااااااااااك
/بقولك ايه احنا بكرا هنخرج
قالت ذلك فتاه و ردت الفتاه الاخري
نور/اه و بعدين
هبه/هو ايه اللي بعدين عندك فكره هنخرج بكرا نروح فين
نور/لا معنديش فكره
هبه/طب و بعدين
نور/بقولك ايه متوجعيش دماغي بكرا ربنا يسهلها
هبه/بصي احنا اول ما نخرج اول حاجه نعملها ندور علي مكان نقعد فيه و بعد كدا ندور علي شغل
نور/بس احنا نخرج الاول و كل حاجه هتتحل
هبه/يارب
نور/بقولك ايه اتخمدي بقه علشان انا صدعت
هبه/جتك خامده يا شيخه
و في الصباح الباكر خرجت نور و هبه من الماجيء بعد توديع زملائهم الاقل منهم سننا و قامو بتوديع ايضا ابله يسرا التي كانت لهم القلب الحنون بعد المعانه التي راوها من قبل
بدوا في البحث عن مكان للمكوث به و الا سوف يعيشون بالشارع
اعطتهم يسرا مبلغ من المالي لكي يبداو به حياتهم
و بعد انقضاء اليوم في البحث عن مكان يبيتون به وجدو اخيرا غرفه صغيره بحمام علي اسطح احدي العمارات المتهالكه في احدي المناطق المتوسطه الحال
نور/اخيرا انا كنت خلاص قربت افقد الامل
هبه/مهما جرالك يا نور متفقديش ابدا الامل في الله
نور/لا اله الا الله
هبه/طب قومي ننضف المكان دا و نحط هدمنا في الدولاب
نور/لا بقولك ايه انتي جتتك منحسه نامي يا اختي و بكرا نشوف هنعمل ايه و متنسيش ان احنا مختاحين نرتاح شويه علشان بكرا هنلف تاني بس المره دي علي شغل انهارده و ربنا كرمنا و لقينا الاوضه دي في نفس اليوم انما الشغل يا عالم هنلاقي عليكول و لا هنلف مام يوم فا محتاجين نرتاح
هبه/انتي معاكي حق الصباح له عيون اتاخري بقه خديني جمبك
و نام الاثنين بجانب بعضهما البعض و اتي الصباح عليهم فا استيقظت نور اولا و قامت بايقاظ هبه
نور/يلا قومي يا هبه
هبه/سبيني شويه بس
نور/معلشي يا هبه يلا قومي عايزين نلحق النهار من اول يمكن ربنا يكرمنا علي طول
هبه/حاضر انا صحيت اهو بس انا جعانه
نور/قومي هنلبس و ننزل نفطر الاول و بعدين ندور علي شغل
هبه/هنفطر فين
نور/هنفطر في الهليتون يا هبه
هبه/في ايه يا نور
نور/اصلك بتسالي اساله غريبه يا هبه هنشوف اي عربيه فول نفطر عليها
هبه/ماشي يلا
و بعد انتهاء كلا منهم بتبديل ملابسهم هبطو للاسفل و بحثو بعيناهم عن عربه فول اولا و تناول الافطار و بداو رحله البحث عن عمل و مر اليوم و لم يجدو اي عمل فعادو الي غرفتهم بعد شراء بعض الاطعمه لمي يتناول الطعام
و مر علي هذا الحال اثني عشر يوما في البحث عن عمل حتي وجدو عمل في احدي محلات الملابس الكبيره بداخل مول كبير مشهور
و بداو العمل في همه و نشاط و بداو يستوعبو سريعا العمل فكان عملهم هو تنظيف المكان ترتيب الملابس التي يستعرضها الموظف علي الزباءن
و مر علي العمل هذا حوالي شهرين و هم يعملون طول اليوم و في المساء يعيدون الي الغرفه و يقومون بتنظيفها و ترتيبها و اعداد طعام للغد حتي ياتو يتناولو علي الفور
حتي جاء يوم فكانت هبه تقوم بترتيب الملابس التي يعرضها زميلاها لاحدي الاشخاص
فكان ذلك الشخص ينظر الي هبه نظرات شهوانيه فطلب شيء من الموظف فذهب لاحضاره له
فا اقترب هو من نور و كان يقف خلفها مباشرا
الشخص/مساء الفل يا عسل
فزعت هبه بشده و التفتت الي الخلف و نتيجه حركتها السريعه هذه كان يوجد كوب من المشروب الذي كان يحتسيه زميلها موضوع علي الطاوله التي بجانبهم التي كان يوضع عليها الملابس فا انقلبت علي جميع الملابس التيكانت موضوعه عليه و جاء ايضا بعضا منها علي الشخص فرجع خطوه للخلف نتيجه ما حدث
شهقت هبه شهقه كبيره ثم وضعت يديها علي فمها من هول ما حدث
هبه/يا نهار اسود يا نهار اسود
الشخص/اهدي و متخفيش
هبه/اهدي ازاي انا كدا روحت في داهيه
الشخص/لا مرحتيش في داهيه و لا حاجه انا هدفع فلوس كل دا
هبه/بجد و الله
الشخص/ايوة بجد بس اسمعي انتي الكلام
هبه/ماشي هسمع الكلام بس مترفدتش دا انا دوخت لحد ما لقيت الشغل هنا
الشخص/تمام قوي هتعملي اللي اقولك عليه
هبه/ايوة حضرتك اعمل ايه
الشخص/................
استووووووووووووووب
للكاتبةآيه عطيه: الثاني و العشرون
بسم الله الرحمن الرحيم
..............................
هبه/هعنل كل اللي حضرتك تقول عليه
الشخص/طب خدي
هبه/ايه دا
الشخص/دا عنوان بيتي تجيلي بعد ما تخلصي شغل
جحظت عين هبه بشده من وقاحته ذلك الحيوان
هبه/انت بتقول ايه يا حيوان انت
الشخص/انا حيوان يا لمامه يا بنت الكلب انتي مش عارفه انا مين
هبه/تكون ذي ما تكون
الشخص/مش هامك يعني
هبه/ايه مش هاممني
الشخص/و الشغل اللي هتترفدي منه ايه عادي دلوقت
هبه/يغور الشغل لو هيخليني ابيع نفسي و اخسر ديني مع واحد معندوش دين و ابن كلب ذيك
الشخص/انا ابن كلب
و قام برفع يده و هبط بها علي وجهه هبه بقوة المتها بشده
و قد جاء جميع العاملين علي ذلك الصوت و من ضمنهم نور التي رات ما حظث ورات ايضا ذلك الوقح عندما قام بصفع صديقتها
مرت من بين الجميع و ذهبت سريعا اليهم و من خلفها صاحب المكان
نور/انت مجنون انت ازاي تمد ايدك عليها كدا
الشخص/انتي عايزه ايه انتي كمان هو فين صاحب المخروبه دي انا مش عارف ازاي مشغل بهايم زيكم
نور/احنا بهايم يا ابن ال........
صاحب المكان/نووووووووور........ خير يا افندم انا صاحب المحل
الشخص/انت ازاي تشغل ناس بالشكل دا
صاحب المكان/انا اسف يا افندم عن اي غلط هما عملو و هنعمل اللي يرضي حضرتك بس ممكن تهدي
الشخص/اللي يريحني ان دول يترمو برا
صاحب المكان/بس كدا حضرتك تؤمر
نور/بس كدا ظلم حضرتك علشان هو اللي غلطان
صاحب المكان/اتفضلي انتي و هيا برا بدون نقاش
هبه/طب حضرتك اسمع ايه اللي حصل مني انا كمان و بعدين احكم
صاحب المكان/انا مش هسمع حاجه اتفضلو برا يلا
هبه/حسبي الله و نعم الوكيل فيكم
نور/ماشي احنا هنمشي بس قبل ما نمشي هقول للاستاذ كلمه اخيره
الشخص/انا
نور/ايوة
الشخص/نعم هتترجيني اسمحكم
نور/لا هظيك حاجه صغيره
الشخص/ايه
نور/دي
و قامت برفع يديها للاعلي و هبطت علي وجه امام الحاضرين بقوه جعلته يرجع خطوه للخلف لانه لم يتخيل حتي في احلامه ان تلك الصغيره تفعل هذا
الشخص/اها يا بنت ال.........
و كان يرفع يده لكي يصفعها
جاء من الخلف شخص اخر كان يتابع الموقف منذ البدايه لانه لا يحب التدخل فيما لا يعنيه و لانه ايضا لم يتهيل ان الموقف يتصاعد الي هذا الحد و ايضا مان متوقع من تلك الفتاه ان توافق علي عرضه من البظايه لم يريد التدخل من اجل هذا و لكن الموقف تصاعد و اثبتت الفتاه حسن نيتها و عدم خبرتها بالحياه هي و من معاها
امسك يده قبل ان تصل الي وجنتها
الشخص٢/خلاص يا با شا انت الكبير ودول عيال صغيرين هتعمل عقلك بعقلهم
الشخص/دول لازم يتادبو
الشخص٢/عنديدي خلاص و بعدين هما اترفدو من شغلهم في ايه تاديب اكتر من كدا
صاحب المكان/الاستاذ معاه حق و انتي و هيا يلا برا
خرجت نور و معها هبه الي خارج المحل
هبه/انتي ايه اللي دخلك في الموضوع يا نور اديكي اترفتدي بسببي
نور/مش بسببك يا هبه دا نصيب و بعدين كنتي عايزاني اقف اتفرج عليكي و انتي ازاي واحد زي دا يمد ايده عليكي و متاخديش حقك منه
هبه/انا اتفاجءت يا نور
نور/يلا حصل خير تعالي نروح نرتاح باقي اليوم و من بكرا ننزل ندور علي شغل تاني
هبه/تاااااااني
نور/هنعمل ايه نصبنا كدا الحمد لله
هبه/ايوة الحمد لله
......./بس بس بس يا انسه يا ابله يااااااا
و اثناء حديثم استمع الي شخصي فالتفت الاثنين معا
نور/انتي تنادي علينا احنا
الشخص/ايوة
نور/خير
الشخص/انتي مش واخده بالك مني و لا ايه
نور/لا مش واخده بالي
هبه/لا استني يا نور هو مش هضرتك اللي كنت في محل الملابس دلوقت و دافعت عنا قبل ما الراجل دا يضرب نور
الشخص/ايوة
نور/انا اسفه مختش بالي
الشخص/و لا يهمك مفيش حاجه بس انتم هتعملو ايه دلوقت
نور/بتسال ليه و انت مالك
الشخص/انا اسف انا كنت جاي اساعدكم
نور/لا متشكرين مش محتاجين مساعده
هبه/استني يا نور .... مساعده ايه حضرتك
الشخص/هشغلكم بدل الشغل اللي مشيتو منه
نور/تشغلنا و ايه المقابل حضرتك
الشخص/مقابل ايه
نور/هتشغلنا لله و للوطن
الشخص/اصل انتم صعبتم عليا قوي
نور/و النبي ايي ميصعبش عليك غالي يا اخويا و متشكرين لخدماتك بالسلامه
الشخص/تصدقي بالله انا غلطان انا اعتبرتكم زي اخواتي و كنت هشفلكم شغل عند جماعه اصحابي بس انتم شكلكم مش وش نعمه سلام
هبه/لا استني حضرتك انت قولت هتشوفلنا شغل شغل ايه دا وفين
نظر لها ثم نظر الي نور
الشخص/واحد صاحبي فاتح صيدليه و لسه جديده و محتاج حد يساعده
هبه/و احنا هنفهم ايه في الصيدليه
الشخص/هو انتم مش متعلمين
هبه/احنا معانا ثانويه عامه و كانا ناوين نشتغل علشان نجمع فلوس الجامعه و نكمل تعليم
الشخص/يعني بتعرفو تقرو و تكتبو هو مش عايز اكتر من كدا
هبه/و احنا موافقين
الشخص/و صاحبتك
هبه/موافقه طبعا
الشخص/علي بركه الله اتفضلو معايا اوصلكم
نور/لا متشكرين قولنا العنوان و احنا نروح معلشي
الشخص/عادي العنوان (........) و الصيدليه اسمها(........) انا هسبقكم علي هناك و انتم حصلوني
انتظرت نور و هبه قليلا حتي ابتعد نهائي بالسياره ثم اوقفو سياره اجري و صعدو بها و املت عليه نور العنوان و بعد قليل من الوقت وقفت السياره اما الصيدليه و من الوضح انها بالفعل حديثه
هبطت هبه و خلفها نور و نظرو الي الصيدليه
هبه/احنا معرفناش اسم الراجل دا ايه هندخل نعمل ايه و لا نقول ايه
نور/بص مش دي عربيته اللي هناك دي يعني اكيد هندخل نلاقيه جوا
هبه/ماشي يلا
دخلو الي الصيدليه و جدو ذلك الشخص الذي كان معهم منذ قليل و شخص اخر
نور/السلام عليكم
التفتت اليها الشخصين
....../و عليكم السلام
الشخص/متاخرتوش تعالو دا استاذ وحيد شوقي صديقي و صاحب الصيدليه
نور و هدي/اهلا و سهلا
الشخص/و دول يا سيدي انسه......
هبه/انا هبه وجدي و دي نور شاهين
وحيد/اهلا وسهلا بتعرفو تقرو اكيد
نور/ايوة
وحيد/تمام الشغل هنا من الساعه عشره الصبح ل تمانيه بالليل
هبه/كويس
وحيد/خلاص علي بركه الله الشغل من بكرا الصبح
نور/ان شاء الله
الشخص/سلام يا وحيد
وحيد/سلام يا باشا
و بعد خروجهم
الشخص/تحبو اوصلكم و لا لا بردو
نور/لا بردو
هبه/عموما احنا متشكرين لضرتك جدا يا.......
الشخص/كرم اسمي كرم الحسيني
هبه/متشكرين جدا يا استاذ كرم و ربنا يكرمك ان شاء الله
كرم/دا الكارت بتاعي لو احتاجتم اي حاجه اتصلو بيا في اي وقت
هبه/ان شاء الله
كرم/سلام
و بعد ذهابه
هبه/في ايه يا نور مش هاين عليكي حتي تشكريه علي الشغلانه اللي جبهالنا
نور/مش انتي شكرتيه يا اختي يبقي خلاص
هبه/طب يلا يا اختي خالينا نروح
نور/يلا
و اوقفو سياره اجره لتنقلهم الي منزلهم
و في اليوم التالي ذهبو للعمل و مر اليوم عليهم و مر اليوم الذي يليه ويليه و يليه حتي مر عشر ايام و قد تعلمو كل شيء
و في يوم اخر
وحيد/بجد انتم هايلين انا مش عارف من غيركم كنت هعمل ايه
نور/متقولش كدا حضرتك
هبه/دا شغلنا و احنا معملناش اكتر منه
وحيد/انا كان كرم قالي يوم لما جبكم هنا انكم معاكم ثانويه عامه و ناوين تكملو تعلمكم
نور/ايوة فعلا
وحيد/و مقررين هتدخلو ايه
هبه/تجاره
وحيد/و ناوين تقدمو السنه دي و لا ايه
نور/ان شاء الله ناويين تقدم بس هنروح الاول نشوف لو ينفع تقسيط المصاريف
وحيد/انا ممكن اساعدكم في الحكايه دي
هبه/تساعدنا ازاي
وحيد/اجبلكم منحه تعليم مجاني
نور/حضرتك بتتكلم بجد
وحيد/ايوة بجد
هبه/ياريت و النبي دا كدا تبقي انت عاملت فينا جميل مش هننسهالك العمر كله
وحيد/طب جهزولي اوراقكم بكرا و انا هبعتهم لواحد يخلص كل الاجرءات المطلوبه
نور/كل حاجه جاهزه و ان شاء الله بكرا الصبح نجبهم معانا
وحيد/ان شاء الله
هبه/انشاء الله
جاء كرم من الخارج
كرم/السلام عليكم
وحيد و نور و هبه/و عليكم السلام
وحيد/ايه يا عم انت روحت و قولت عدولي و لا حتي بترن
كرم/معلش و الله اشغال
وحيد/ربنا يعينك
كرم/ازيك يا هبه ازيك يا نور عاملين ايه
هبه/الحمد لله
نور/احنا تمام
وحيد/بارك لهم كمان يا كرم
كرم/اباركلهم ليه خير
وحيد/خلاص هيقدمو السنه دي علشان يكملو تعليمهم
كرم/بجد و الله الف الف مبروك و ربنا ينجحكم دايما
هبه/يارب
ثم ذهبت نور و هبه الي احدي اركان الصيدليه حيث ترتيب الادويه الوجوده
وحيد/قولي يا كرم اخوك عامل ايه
كرم/و الله تعابني معاه سافر و قال عدولي
وحيد/ربنا يرجعه بسلامه
كرم/يارب....... بقولك ايه انا ماشي عندي شغل و نتقابل بعدين
وحيد/ماشي
كرم/سلام..... سلام يا بنات
نور و هبه/مع السلامه
وحيد/سلام
و في اليوم التالي اعطت نور الي وحيد اوراقها هي و نور كي يقدم لهم في الجامعه
وحيد/طب انا هيبكم ساعه اروح اودي الورق دا لصاحبي اللي كلمتكم عليه و مش هتاخر
نور/ماشي
وحيد/خالي بالكم
هبه/متقلقش حضرتك
وحيد/سلام
و خرج وحيد و ذهب نحو الشركه الخاصه بكرم و استاذن و دخل
وحيد/سلام عليكم
كرم/و عليكم السلام
وحيد/الورق اهو ممكن تفهمني بقه انت ليه خالتني اقولهم كدا
كرم/علشان لو كنت انت او انا او اي حد عرض عليهم يساعدهم في مصاريف الكليه عمرهم ما كانو هيوافقو دول عندهم عزه نفس كبيره قوي
وحيد/طب و انت عايز تساعدهم ليه
كرم/اصلهم بنات و ملهمش حد و كدا
وحيد/انا معاك انهم يستحقو دا بس ليه انا حاسس ان في خاجه تانيه
كرم/لا حاجه تانيه و لا تالته
وحيد/عليا
كرم/يا ابني مفيش حاجه
وحيد/برحتك خالص و مسيري هعرف
كرم/ماشي يلا بقه مع السلامه علشان عندي شغل و اوعي تجيب سيره ليهم ان انا اللي هتكفل بالمصاريف بتاعتهم
وحيد/اطمن مش هقول
كرم/ماشي
وحيد/يلا سلام
كرم/سلام
و بالفعل تم دفع المصاريف و طلب كرم من مدير الجامعه عدم معرفه اي شخص بانه هو من دفع المصاريف و يقول بانها منحه
و مر العام الاول لهم من الدراسه و علاقتهم مع كرم اتخذت شكل اخر فا اقترب هو منهم و وقف بجانبهم و كان و نعم السند لهم و لكن يوجد مشاعر خاصه اتجاه هبه و ايضا هبه كان لديها مشاعر تخص بها كرم
و في منتصف العام الثاني لهم بالجامعه
كانو و مازلو يعملان في الصيدليه
حتي جاء يوم جديد عليهم طلب كرم من وحيد بان يرسل نور الي اي مكان حتي يتمكن من الحظيث مع هبه بداخل الصيدليه لانه علي علم تام بعدم قبولها الخروج معه فقرر التحدث معها مكان ما تكون
وحيد/نور تعالي معايا المخزن في بضاعه هناك نجبها و نجيب الناقص للصيدليه
نور/اتفضل حضرتك
و ذهب معا باتجاه المخزن الذى هو قريب من الصيدليه في احدي الشوارع الجانبيه
و قام اثناء خروجه ب بعث رساله الي كرم يخبره بها ان هبه بمفردها بداخل الصيدليه و عليه بالاسراع لان نور نشيطه للغايه و تقوم بانهاء عملها سريعا
ذهب كرم الي الصيظليه بعظ خروج وخيد لانه كان بالانتظار علي بعد من الصيظليه
كرم/السلام عليكم
دق قلب هبه عند استماعها لصوته
هبه/و عليكم السلام
كرم/انتي عامله ايه
هبه/انا الحمد لله تمام
كرم/يارب دايما............. هبه انا عايز اتكلم معاكي في حاجه
هبه/اتفضل
كرم/انا......... من الاخر كدا و من غير لف و دوران انا بحبك و عايز اتجوزك
جحظت عين هبه بشده
هبه/ايه
كرم/زي ما سمعتي قولتي ايه
هبه/............
كرم/اوعي تقولي انك مش موافقه اموت فيها و الله
هبه/بس انت متعرفش اي حاجه عني
كرم/يكفيني اللي عرفته
هبه/لا مش كفايه
كرم/انا ميهمنيش غيرك
هبه/حتي لو قولتلك اني كنت في الملجيء و معرفش ليا اهل و لا اعرف انا بنت حلال و لا حرام
كرم/............
هبه/سكت يعني مش قولتلك اللي تعرفه ميكفيش
كرم/لا يكفيني انا و ميهمنيش انتي كنتي ايه اللي يهمني انت دلوقت و انا بقالي حوالي سنتين اعرفك انتي و نور و لقيت فيكم حاجات مش موجوده في ناس كتير
لقيت فيكم القناعه و الادب و الاخلاق و التدين و الاحترام حاجات مش موجوده عند ناس كتير و انا يشرفني جدا انك تكوني مراتي
هبه/بس......
كرم/مبسش قولي انك موافقه علشان اروح اخطبك من ماما نور
هبه/هههههههههه ماما نور
كرم/ايوه. ها قولتي ايه
هبه/موافقه
كرم/يا فرج الله اخير خلاص خديلي ميعاد مع نور علشان اجلكم فيه
هبه/بس احنا قاعدين في مكان يعني مش قد كدا
كرم/تاني ما انا قولتلك كل دا ميهمنيش
هبه/ماشي
كرم/خلاص هسيبك دلوقت تخلصي شغل و انا كمان اشوف شغلي و هستني منك مكلمه بالليل تقوليلي علي الميعاد اللي تتفقو عليه
هبه/ان شاء الله
كرم/سلام
هبه/سلام
و خرج كرم و ترك هبه مبتسمه و سعيده و قلبها يرقص بداخلها من الفرحه و قررت اخبار نور و لكن عند عودتهم الي غرفتهم
و بعد قليل جاءت نور و معها وحيد
و بعد انتهاء اليوم عادو الي غرفتهم
و قصت هبه علي نور ما حدث و فرحت نور بشده لصديقاتها
و اتفقا علي الميعاد و اخبرت هبه كرم عبر الهاتف
و سعد كرم ايضا بحديث هبه له
و في اليوم التالي ذهب كرم اليهم و طلب يد هبه من نور و اتفقا علي موعد للشبكه و كتب الكتاب و الدخله معا بعد الحاح كرم عليهم
و بعد مرور اسبوع ذهب الي نور و هبه في غرفتهم في المساء بعد وعدتهم من العمل رجل كبير لم يتعرف ايا منهم عليه
نور/مين حضرتك
الراجل/ممكن اعرف مين فيكم هبه
هبه/انا هبه
نور/و انت تبقي مين بقه
الرجل/انا عم كرم اسمي رافت
هبه/اهلا و سهلا بحضرتك يا عمي
رافت/بصي من الاخر كدا تاخدي كام و تبعدي عن كرم
هبه/ايه
نور/انت ايه اللي انت بتقوله دا يا راجل انت
رافت/بقولها تاخد كام و تبعد عن كرم ما هو انا مش هوافق علي اخر الزمن تدخل العيله واحده ملهاش اصل من فصل و كمان تربيت ملاجيء
نور/تربيت الملاجيء دي احسن من عيلتكم كلها
رافت/اوحش و لا احسن المهم تبقي بعيد عننا
نور/روح قول لابن اخوك هو اللي يبعد عننا سامع و يلا بالسلامه من هنا
رافت/انا جيت المره دي بنفسي و بتكلم بلساني المره اللي جايه مش هتكلم هتصرف علي طول و لو عاندتي و كملتي الجوازه دي هتخسري حياتي للابد
نور/انت بتهددنا و لا ايه
رافت/انا مش بهدد انا بس بعرفك ايه اللي مممن يحصل لو ركبتي راسك انتي و لا هيا سلام
و بعد خروج ذلك الرجل جلست هبه تبكي علي حالها و ما حدث لها
نور/متعيطيش يا هبه علشان خطري و بعدين في الاول و في الاخر نصيب
هبه/انا زنبي ايه ان اهلي يرموني و ميبقاش ليا حد
نور/ملكيش حد كدا يا هبه و انا روحت فين
هبه/انتي اختي يا نور انا مش عارفه من غيرك كان ممكن يحصلي ايه ربنا يخليكي ليا
نور/و يخليكي ليا و يريح قلبك
هبه/يارب
و احتضن الاثنين بعضهم البعض و ظلو هكذا لعده ثواني
و قد جاء كرم و راهم هكذا
كرم/خيااااااااانه
اتفزعت نور وهبه بشده و نظرو باتجاه الصوت
كرم/اخضان من غيري و بعدين يا ست نور هبه معدتش ملك حد غير و ميخقش لحد الحضن دا غير ليا انا
نظرت له هبه و بكت و جرت دخلت الغرفه
اما نور فنظرت لهبه فهي صعبانه عليها
جاء كرم يذهب خلف هبه ليري ما بها
نور/استني يا كرم
كرم/هبه مالها يا نور
نور/ملهاش يا كرم بس كل شيء قسمه و نصيب
كرم/انتي بتقولي ايه هو ايه اللي قسمه ونصيب
نور/بقول اللي كان لازم يتقال من البدايه و مكنش ينفع اصلا اننا نوافق علي اللي انت قولتو
كرم/هو ايه اللي حصل لدا كله ما احنا كنا اتفقنا علي كل حاجه و انا جي و جيبلها الفستان
نور/مفيش حاجه حصلت
كرم/لا يا نور في حاجه و حاجه كبيره قوي كمان علشان مكنش دا رايكم فا ممكن تجيبي من الاخر و تقولي في ايه و لا ادخل لهبه و هي تقولي
نور/عمك كان هنا من شويه
كرم/عمي
نور/ايوة عمك رافت
كرم/ايه و جاي يعمل ايه
نور/جاي يهنا هنا و يهددنا ان لو الجوازه دي كملت هيموت هبه
كرم/دا اكيد اتجنن و انا هتصرف معاه
نور/هتعمل ايه
كرم/هعمل..............