رواية كيف تكون النهاية
الفصل السابع عشر والثامن عشر
بقلم ايه الجلاد
يسرا/مش لما يبقو ولادك يا نور
نور/لا هما ولادي فعلا
يسرا/لا مش و لادك و كفايه كدا بقه كفايه تمن سنين ضيعتيهم من عمر في تربيتك ليهم و مفيش حد كان ممكن يعمل اللي انتي عاملتيه
نور/ماكنش ينفع اعمل غير كدا هما اتيتمو و هما حته لحمه حمرا ماكنش ينفع اسبهم يشوفو اللي احنا شوفناه انا و امهم
يسرا/انا مقدره كل اللي انتي مريتي بيه انتي و هبه بس........
نور/بس ايه يا ابله يسرا كنتي عايزاني اسبهم في الشارع يطلعو حراميه و لا شحاتين و لا يدبحو و يتاخد اعضاءهم و لا احطهم بايدي في ملجيء يتبهدلو و يتمرمتو و يتعلقو في المسامير علي الحيطان طول الليل لو غلطو غلطه غير مقصوده
يسرا/الدنيا اتغيرت يا نور
نور/اتغيرت للاسوء مش للاحلي ابدا
يسرا/متهيقلك يا نور.... الدنيا فيها ناس كتير حلوة
نور/مقبلتش في حياتي غير الناس الزباله
يسرا/اكيد في وسط الناس دي قبلتي حدا كويس
نور/جايز كنت فاكراهم كويسين
و تذكرت في ذلك الوقت كريم
يسرا/و اهو ربنا بعتلك ابن الحلال احمد بيه هيعوضك عن كل اللي مريتي بيه
نور/هفكر بس قبل ما افكر لازم يوافق بعيالي قبل مني
يسرا/بردو يا نور
نور/ايوة و دا اخر كلام عندي
🌹🌹🌹🌹🌹🌹🌹🌹🌹
اما في الشركه الخاصه بكريم فقد عملت علياء بدلا من نور
و علمت كل كبيره و صغيره في العمل و كان معها علي
و بعد انتهاء العمل في مكتب كريم
جاء له اتصال من احدي رجال الاعمال
كريم/السلام عليكم
....../و عليكم السلام ازيك يا كريم بيه
كريم/الله يسلم ازيك يا عمر بيه عامل ايه
عمر/انا تمام جدا انا اتصلت بيك علشان اعزمك علي فرح اخويا بكر و اتمني انك تشرفني
كريم/ان شاء الله و ربنا يتمم علي خير و ان شاء الله هاجي
عمر/تنورني يا باشا و عقبالك عن قريب ان شاء الله
كريم/ان شاء الله مع السلامه
عمر/مع السلامه
اغلق كريم معه الهاتف و نظر وجد علياء تقف بجانبه
كريم/انا كام مره اقولك متدخليش غير لما تخبطي
علياء/ما انا خبط يا كريم
كريم/و انا قولتلك ادخلي
علياء/ما انت كنت بتتكلم في الفون
كريم/تستني لحد ما اخلص و اقولك ادخلي
علياء/خلاص يا كريم انا اسفه
كريم/ياريت تكون المره دي اخر مره
علياء/ان شاء الله المهم قولي كنت بتكلم مين و بتقوله هاجي ان شاء الله
كريم/دا فرح اخو واحد من اللي شغالين معايا
علياء/و هتروح
كريم/ان شاء الله
علياء/و هتخدني معاك
كريم/ربنا يسهل
علياء/ايوة يعني هتاخدني و لا لا
كريم/ما قولت ربنا يسهل
علياء/ما انا عايزه اعرف هاجي معاك و لا لا علشان اروح اجيب فستان شيك احضر بيه معاك
كريم/خلاص يا علياء روحي جيبي اللي انتي عايزاه
علياء/طب كنت عايزه فلوس
كريم/روحي خدي من الخزنه اللي انتي عايزاه يا علياء
علياء/ربنا يخليك ليا يا حبيبي
كريم/خلاص يلا يا علياء علشان نروح
علياء/يلا يا حبيبي
🌹🌹🌹🌹🌹🌹🌹🌹🌹
و في اليوم التالي بعد انتهاء اليوم و حل الليل في الملجيء
يسرا/ايه الحلاوه دي يا نور
نور/انتي اللي عينك حلوه يا ابله يسرا
يسرا/هتتاخري
نور/لا ان شاء الله مش هتاخر هروح بس علشان متزعلش و هرجع علي طول
يسرا/خالي بالك من نفسك
نور/حاضر.... يلا سلام
🌹🌹🌹🌹🌹🌹🌹🌹🌹
و في احدي قاعات الافراح الشهيره و الكبيره و التي تضم اكبر عدد من رجال الاعمال
دخل كريم و بجانبه علياء التي فاجئت كريم بملابس الغير محترمه و الذي انتقضها عند هبوطها من الاعلي في منزله فتذكر الحديث الذي دار بينهم قبل وصولهم الي حفل الزفاف
كريم/ايه اللي انتي لبساه دا يا علياء
علياء/ايه يا حبيبي فستان
كريم/دا منظر فستان يا علياء دا شبه قميص النوم
علياء/قميص نوم ايه بس يا كريم ماهو طويل اهو
كريم/و الفاتحه اللي بطول رجلك دي ايه يا هانم دي للتهويه و لا لايه
علياء/جري ايه يا كريم
كريم/و فين الحجاب
علياء/احنا رايحين فرح يا كريم عايزني اروح بايه بملحفه
كريم/انا مقولتش ملحفه بس في فساتين مجبات غايه في الجمال
علياء/يعني دا مش عجبك
كريم/عاجبني بس في بيتك مش برا
علياء/انا مكنتش اعرف انك دقه قديمه قوي كدا يا كريم
كريم/دقه قديمه علشان خايف عليكي
علياء/لا متخافش عليا علشان دي الموضه
كريم/موضه
جائت من الخارج اولفت وجدت كريم يقف في مقابل علياء و استمعت لاخر حديثهم علمت انه لم يعجب كريم ثوب علياء فتدخلت علي الفور
اولفت/ايه الحلاوه دي يا علياء
علياء/بجد يا خالتو اصل هو مش عاجب كريم
اولفت/مش عاجبك ازاي يا كريم دا تحفه عليها
كريم/بس دا عريان قوي
اولفت/فين اللي عريان قوي ما هو مقفول اهو
كريم/و بالنسبه لدرعاتها اللي بينه دي ايه
اولفت/هو الفستان نظامه كدا و بعدين دا محترم جدا مشوفتش انت فساتين الممثلين عامله ازاي
كريم/مالنا و مالهم احنا
اولفت/طبعا يا حبيبي ملناش دعوه بيهم و هي جابت الفستان محترم خالص اهو
علياء/يلا بقه يا كريم هنتاخر علي الفرح
نظر لها كريم طويلا يود ان يجذبها من شعرها هذا و يعطيها قلم علي وجهها لعلاها تفوق كيف لها ان تكون محجبه و تقوم بخلع الحجاب هكذا و لكن مهلا...... ما هو مفهوم الحجاب لديها هل هو تغطيه للشعر فقط و ترتدي ملابس لا يحل لها ان تلبسها خارج المنزل و هكذا يسمي حجاب يالهو من اخر الزمن فنحن في زمن الكاسيات العاريات كما قال رسول الله(صل الله عليه و سلم)
و اخذها كريم وخرج من المنزل ذاهبا الي مكان الحفل
دخل كريم و هي بجانبه قابله عمر الذي تحدث معه في الهاتف و سلم عليه و اخذهم الي احدي الاماكن لكي يجلسو بها
و بعد قليل جاء سليم و مها ايضا الي هذا الحفل و جلسو بصحبه كريم و علياء
و بعد وقت قليل جائت نور بطلتها التي خطفت الاعين بجمالها الهادي و حجابها الذي هو تاج فوق راسها و هو الذي ميزها عن الجميع
بحثت بعينها عن مكان جلوس العروس لكي تبارك لها فهي مني صديقتها التي كانت تعمل معها في شركه كريم و التي هاتفتها و ذكرتها بموعد الحفل
و بعد ان باركت لها بحثت عن مكان لتجلس به قليلا ثم ترحل
راها كريم من بعيد و هي تهبط من المكان المخصص للعرسان
دق قلبه بشده لهذا الملاك فا دائما هي مميزه بحجابها و جمالها الهاديء
فا اقتربت منهم و هي تبحث عن مكان تجلس به و لم تراهم الي الان
و لكن مها قد راتها و نادت عليها و لانها قريبه منهم استمعت الي صوت نداء صديقتها
بحثت قليلا بعينها حتي و جدت مها ذهبت اليها و لم تري كريم
مها/ازيك يا نور ايه يا بنتي روحتي فين
نور/ازيك انتي يا مها انا موجوده اهو
سليم/ازيك يا نور
نور/ازيك يا استاذ سليم
سليم/تاني استاذ
نور/معلشي
سليم/و كدا تقدمي استقالتك و تسبينا
علمت نور ان كريم لم يحكي لاحد ما حدث
نور/معلشي ظروف
سليم/طب اتفضلي اقعدي معانا
وافقت نور و عندما اعتدل سليم و مها رات كريم امامها
نظرت له نور نظره لم يفهمها كريم جيدا
مها/اقعدي يا نور وقفه ليه
علياء/ازيك يا نور عامله ايه
نور/الله يسلمك..... ازيك يا كريم بيه
كريم/ازيك يا نور اخبارك ايه
نور/كله تمام
مها/و انتي شغاله فين دلوقت يا نور
نور/بعدين هقولك المهم قوليلي حدتو فرحكم و لا لسه
مها/لسه بس ان شاء الله قريب
نور/ربنا يتمملك علي خير يا حببتي
علياء/ و انتي مش ناويه يا نور
نور/مش ناويه علي ايه
علياء/مش ناويه تتجوزي
نور/اما ربنا يريد
مها/و نعمه بالله
علياء/ما طول ما انتي كدا محدش هيعبرك
نور/نعااااام
علياء/قصدي لازم تاخدي بالك من نفسك شويه
نور/شكرا علي النصيحه بس انا عمري ما هتغير و هفضل زي ما انا و مش علشان القي حد يبصلي الون وشي زي البليتشو و اعري جسمي للي يسواي و ميسواش
علياء/قصدق ايه
نور/اقصدي ان كل حاجه هتبان مني هتحاسب عليها اللبس الضيق و القصير و الشعر الباين كل دا هتحاسب عليه ادام ربنا فا مش علشان اكسب الدنيا اخسر الاخري
علياء/امال الواحد تدفن نفسها بالحيا زيك كدا
نور/و مين قالك اني دافنه نفسي... انا عايشه حياتي زي ما انا عايزه بس من غير ما اغضب ربنا و من غير ما اخلي عيون الناس تلاحقني
علياء/ما هي عيون الناس بتلاحق الوحده الجميله
نور/غلطانه يا مدام علياء عيون الناس مبتلاحقش غير الوحده الرخيصه
علياء/نعااااااام
نور/ايوة دي حقيقه و ابقي اسالي فيها
سليم/خلاص يا جماعه
كل هذا يحدث و كريم متابع في صمت فقد اعجبه حديثها كما يعجبه كل شيء بها
انتبه لذلك الصوت القريب منه فنظر اليه
......./مدام نور ازيك
نظرت نور لمصدر الصوت
نور/اهلا و سهلا ازيك يا احمد بيه
احمد/مش اتفاقنا احمد و بس
سليم/احمد المسيري ازي حضرتك يا فندم
احمد/اهلا و سهلا سليم الحسيني مش كدا
سليم/ايوة يا فندم
احمد/اعذرني مخدتش بالي اصل نور تخطف الانظار
سليم/و لا يهمك
ثم نظر احمد للموجودين حتي توقف نظره علي كريم
احمد/ازيك يا كريم بيه
قام كريم من مقعده
كريم/ازيك يا احمد بيه
احمد/اسف جدا ماختش بالي خالص
كريم/حصل خير اتفضل اقعد معانا لو مش معاك حد
احمد/لا علشان معملش ازعاج ليكم
كريم/لا مفيش ازعاج و لا حاجه
جلس كريم و جلس بجانبه احمد و كانت نور بجانبه في الجهه الاخري
سليم/امال حضرتك تعرف نور منين
احمد/معرفه بسيطه جدا و اتمني انها تطور لاكتر من كدا بس هيا توافق
سليم/ايه مشروع جواز
احمد/قول يارب
سليم/انت بجد محظوظ و نور دي احسن واحده ممكن تقابلها في حياتك
احمد/سيمهم علي وجههم
كل هذا يحدث تحت انظار كريم الذي كان يتاكل من الغضب و الغيره بداخله
و نور التي احمرت خجلا من هذا الحديث
و علياء التي كانت تتاكل من الغيظ لان اثناء عملها مع كريم قد علمت امور كثيره عن معظم رجال الاعمال و كان من ضمنهم احمد المسيري
اما مها فكانت الفرحه مش سيعاها من اجل صديقتها
نور/طب بعد اذنكم انا بقه علشان الوقت اتاخر
احمد/طب يلا انا هوصلك
نور/شكرا جدا انا معايا عربيه برا
احمد/بس.......
نور/مبسش في عربيه برا سلام
و ذهبت سريعا دون ان تعطي احد فرصه للرد
سليم/متزعلش هي نور كدا
احمد/صحيح انتم تعرفوها منين
سليم/كانت سكرتيره كريم و قدمت استقالتها من حوالي شهر كدا
احمد/ليه
سليم/مقالتش اسباب قالت انها مش مرتاحه معانا و انت عرفتها منين
احمد/شوفتها في ملجيء (.......)
صدفه و سالت عليها و عرفت شويه حاجات بسيطه عنها و من ساعه و انا بحاول معاها و حالا بتفكر و انا مستني الرد منها ادعولي انها توافق
مها/ان شاء الله هتوافق بس انت قول يارب
احمد/يارب
علياء/حتي لو موفقتش البنات علي اقفا من يشيل و زيها زي غيرها
احمد/لا طبعا مش زيها زي غيرها نور مختلفه تمام عن كل البنات
علياء/فيها ايه زياده عن غيرها
احمد/انها محترمه جدا و اخلاقها عاليه و دي اللي هتحافظ علي بيتي و تربي اولادي احسن تربيه
علياء/يعني انت عايز تفهمني ان و لا واحده من الموجودين في الفرح دا لفتت نظرك و ان و لا واحده ممكن تربي اولاد
احمد/مع احترامي للجميع بس و لا واحده من دول تملي عيني كلهم عاملين زي الدهب القشره و نور الوحيده اللي في وسطهم الماس علي الاقل في نظري انا و بردو و لا واحده من دول تقدر تربي اطفال كل واحده منهم سايبه عيالها طول الليل و النهار للددات انما نور معتقدتش انها هنا من اول الفرح و بردو مستنتش لاخر الفرح و مشيت علشان و لادها في واحده من الموجودين تقدر تعمل كدا طبعا لا
سليم/انت فعلا معاك حق
احمد/بعد اذنكم
سليم/علي فين ما لسه بدري
احمد/كفايه كدا و لنا لقاء تاني
كريم/ان شاء الله...... و يلا احنا كمان يا جماعه
علياء/ما لسه بدري يا كريم
كريم/لا انا تعبان كفايه كدا يلا
و قام الجميع و عاد كلا منهم الي منزله
🌹🌹🌹🌹🌹🌹🌹🌹🌹
في منزل السيوفي في غرفه كريم جلس علي الفراش بعد تبديل ملابسه يفكر في الحديث الذي دار منذ قليل
و انه بالفعل تسرع في الحكم علي نور من البدايه و تسرع ايضا بزواجه من علياء فا في الفتره الاخيره تغيرت كثيرا عن اول مره راءها
🌹🌹🌹🌹🌹🌹🌹🌹🌹
اما علياء فجلست علي الاريكه في غرفتها تفكر ايضا في حديث احمد المسيري عن نور ما هو الفرق الذي بينها و بين نور لكي يراها شخص مثل احمد المسيري هكذا
ما الذي يميزها عن غيرها هل هو حجابها فقط ام شيء اخر
🌹🌹🌹🌹🌹🌹🌹🌹🌹
اما احمد المسيري عندما عاد الي منزله اخذ يعيد في ذاكرته كل ما حدث منذ قليل و انتبه لشيء لم ينتبه له من قبل و هي نظرات كريم الي نور التي كانت مزيج ما بين الحب و الغضب و ايضا النظرات العدوانيه اتجاهه لم يكن منتبه لها ما يعني هذا. لا بد ان يعرف ما معني تلك النظرات في الغد
🌹🌹🌹🌹🌹🌹🌹🌹🌹
اما نور عندما عادت الي الملجيء دخلت الغرفه الخاصه بها هي و اولادها
و ظلت تفكر فيما حدث و ما الذي تخفيه لها الايام
فهي قد قرات الحب في نظرات كلا من احمد و كريم و لم تعد تعلم ما عليها فعله
فهي ادركت في الفتره الاخيره انها تحب كريم بشده و شعرت بالغيره عندما وجدته بجانب علياء و لكن سيطرت علي حاله باقوي ما لديها حتي لا تفضحها نظراتها
و لكنها قررت شيء و في الصباح عليه بتنفيذه
🌹🌹🌹🌹🌹🌹🌹🌹🌹
و مر الليل علي الجميع و في صباح اليوم التالي
استيقظت نور من نومها في الصباح الباكر علي حركه غريبه في الخارج قامت بتبدل ملابسها و خرجت لتري ما الذي يحدث في الخارج
خرجت وجدت الجميع يعمل بسرعه شديده و استمعت الي صوت يسرا عاليا بالخارج فذهبت اليها
نور/ابله يسرا في ايه صباح الخير الاول
يسرا/صباح النور يا نور تعالي نتكلم في المكتب
و ذهب معا الي داخل المكتب
يسرا/انتي ايه مصحكي بدري كدا
نور/انا اصلا منمتش كويس مستنيه النهار يطلع بسرعه علشان كنت عايزه اتكلم مع حضرتك في موضوع مهم
يسرا/خير يا نور موضوع ايه
نور/انا خلاص موافقه علي احمد المسيري
يسرا/بجد يا نور دا احلي خبر سمعته علي الصبح
نور/بس عندي شرط
يسرا/انتي تؤمري
نور/ولادي مش هيبعدو عني خالص
يسرا/بردو يا نور مفيش حد هيوافق علي كدا خصوصا انهم مش ولادك
نور/هو دا شرطي
يسرا/خلاص انا هتصل باحمد بيه و اقوله علي شرطك دا و نشوف هيقول ايه
نور/ماشي
و في ذلك الوقت طرق الباب
يسرا/ادخل
دخلت عليها احد العاملين
يسرا/ايوة يا ام هناء
ام هناء/في واحد برا عايز حضرتك
يسرا/مقلش اسمه
ام هناء/احمد بيه المسيري
نظرت الي نور
يسرا/اهو جيه من غير ما نكلمه ايه رايك تتكلمي معاها و تقوليلو انتي علي اللي عايزاها
نور/انا
يسرا/ايوة انتي
نور/ماشي
يسرا/خلاص دخليه يا ام هناء
و ذهبت ام هناء الي الخارج و بعد قليل دخل احمد المسيري
احمد/السلام عليكم
يسرا/و عليكم السلام اتفضل يا احمد بيه
احمد/ازيك يا نور
نور/الله يسلمك
احمد/انا كنت جي عايز اتكلم معاكي يا نور دا بعد اذنك يا مدام يسرا
يسرا/اها طبعا اتفضل انا هخرج برا شويه اشوفهم عاملو ايه و ارجع لكم تاني
و خرجت علي الفور لكي تعطي لهم فرصه للحديث
احمد/من غير لف و دوران انا عايز اعرف ايه اللي بينك و بين كريم
نور/..............
استووووووووووووووب
الكاتبةآيه عطيه: التامن عشر
بسم الله الرحمن الرحيم
..............................
احمد/من غير لف و دوران انا عايز اعرف ايه اللي بينك و بين كريم الحسيني
نور/نعااااام ايه اللي انت بتقوله دا
احمد/انا مش قصدي حاجه وحشه و الله انا اسف انا ممكن التعبير يكون خاني انا حسيت امبارح ان في حاجه بينكم.... انسي خالص اني واحد متقدملك و اعتبريني اخوكي لو مش يضايقك
نور/حصل خير بس انت ايه خالاك تقول كدا
احمد/نظرتكم لبعض و خصوصا كريم
نور/خصوصا كريم ازاي
احمد/انا و هو رجاله زي بعض و اكيد هبقي عارف معني نظراته دي ايه
نور/و معناها ايه
احمد/معناها ان كريم بيحبك
جحظت عين نور بشده من حديث احمد لانها كانت لا تتوقع ان يقول هذا كانت تتوقع ان يقولها ان معناها ان كريم بيستحقرها او بيكرها لكن يحبها لا
احمد/انتي مالك مصدومه كدا ليه
نور/كنت متوقعه اي حاجه تقولها غير انه بيحبني
احمد/ليه
نور/..........
احمد/انا قولتلك اعتبريني اخوكي و متخفيش اللي الكلام دا مفيش حد تالت هيعرفو
نور/اصل اول معرفتي بيه كان في موقف كدا
احمد/موقف ايه
و بدات نور تقص له ما حدث منذ البدايه الي الان
نور/و دا كل اللي حصل
احمد/طب ممكن اسالك سؤال
نور/اها طبعا اتفضل
احمد/انتي بتحبي كريم
صمتت نور قليلا
نور/دا متجوز
احمد/انا سؤالي واضح انتي بتحبيه
نظرت نور للاسفل و احمر وجهها قليلا
نور/ايوة
ابتسم احمد ابتسامه صغيره لكن خلفها وجع كبير هو لم يحبها و لكن كان يريد ان تكون زوجته و لكن هو لا يتزوج من فتاه تحب غيره و هو يعلم
احمد/انا كنت متاكد بس كنت حابب اسمعها منك
نور/و هتفرق في ايه هو متجوز
احمد/و ايه المانع
نور/ايه المانع يعني ايه
احمد/يعني هو راجل و يحقله يتجوز اربعه
نور/نعااااام لا طبعا
احمد/ليه لا
نور/علشان اللي محبهوش علي نفسي محبهوش لغيري
احمد/يعني ايه
نور/يعني انا لو كنت مراته و هو فكر يتجوز عليا مش هقبل كدا خالص
احمد/ما هو مش بيحب مراته
نور/بجد و الله
احمد/ايوة بجد
نور/احم احم يعني قصدي بيحبها او مبيحبهاش هي خلاص مراته و مكتوبه عليه
احمد/مين عالم
نور/يعني ايه
احمد/و لا حاجه
نور/انت وعدتني ان اللي بينا مش هيخرج لحد
احمد/طبعا اكيد
نور/تمام
احمد/طب انتي ناويه علي ايه
نور/مش ناويه علي حاجه
احمد/يعني ايه هتسيبي حبك يضيع كدا
نور/مفيش في ايدي حاجه اعملها
احمد/لكن ان في ايدي
نور/في ايدك ايه
احمد/في ايدي اخلي كريم يتحرك
نور/ازاي
احمد/لا ازاي دي بتعتي انا
نور/يعني هتعمل ايه
احمد/مش هعمل حاجه بس احنا كا رجاله عارفين نقط ضعف بعض هي صحيح يتختلف شويه بس في حاجات مشتركين فيها
نور/زي ايه
احمد/زي الغيره مثلا
نور/الغيره
احمد/ايوة
نور/و دي نعملها ازاي
احمد/سبيني اخطط و اتكتك و اعرفك هنعمل ايه بالظبط بس اتاكد من حاجه الاول
نور/حاجه ايه
احمد/اتاكد انه مش بيحب مراته
نور/و لو طلع بيحبها
احمد/دي حاجه ترجعلك انتي
نور/يعني ايه
احمد/يعني موافقه تكوني علي ضره
نور/لا طبعا
احمد/هههههههههه
نور/بتضحك علي ايه
احمد/علشان انتي وقعه علي الاخر
نور/هو انا باين عليا قوي كدا
احمد/هو الصراحه مش باين بس انا بعرف اقري الناس كويس و بقولك كريم مش هيكون غير ليكي و بس
نور/قصدك ايه
احمد/لا بعدين
نور/لا و النبي قول
احمد/ما قولت بعدين
نور/بس اوعي و الظلم
احمد/انا عمر ما ظلمت و لا هظلم حد متخفيش
نور/ربنا يستر
احمد/هيستر ان شاء الله اسيبك انا بقه تشوفي وراكي ايه و اشوف انا كمان ورايا ايه
نور/انا مش عارفه اشكرك ازاي
احمد/مفيش بين الاخوات شكر سلام
نور /سلام
خرج احمد من المكتب و جلست نور مكانها تفكر ما الذي سوف يحدث و دخلت اليها يسرا بعد خروج احمد
يسرا/ها عاملتي ايه
نور/كل خير
يسرا/يارب ييسر امورك و يسعد قلبك يارب
نور/يارب...... الا صحيح مقولتليش في ايه من الصبح
يسرا/في زياره مفاجأة من صاحب الملجيء
نور/زياره مفاجأة
يسرا/ايوة
نور/طب وحضرتك ايه اللي قلقك كدا
يسرا/اصل الملجيء دا كان بتاع رجل اعمال كبير و مكنش بيخلف هو و مراته فا اشتري الارض دي و بنا عليها الملجيء دا........ مكنتش لسه انا مسكت هنا بس سمعت انهم كانو كويسين جدا و كانو بيعملو الاطفال حلو قوي و لما ماتو في حادثه الملجيء دا راح للوارثه و كان ناس حسبي الله و نعم الوكيل فيهم دا الوقت اللي كنتو موجودين فيه هنا و انا مسكت في الاخر قبل ما تخرجو بشويه بس بعدها بحوالي سنه واحد تاني اشتري الملجيء و منع ان اي حد يعرف او يجيب سرته و كان كويس جدا و بيلبي كل طلبات النلجيء و علي ما سمعت كان بيصرف علي الملجيء دا من جيبه الخاص و لما مات قولنا هنرجع تاني للقرف وراح الملجيء لاخوه من تمن سنين و برد رفض ان اي حد يعرفو و من يومها لحد انهارده محدش شافه و لا يعرفه
نور/طب و ايه اللي فكرو بعد السنين دي كلها
يسرا/مش عارفه ربنا يستر
نور/مش انتي في التمام و كل حاجه كويسه
يسرا/ايوة
نور/خلاص يبقي متخفيش
يسرا/عندك حق
نور/طب اسيبك انا و اروح اشوف اللي ورايا
🌹🌹🌹🌹🌹🌹🌹🌹🌹
في منزل الحسيني بعد خروج كريم
اولفت/انا عايزه اعرف انتي عامله كدا ليه من الصبح
علياء/بعد كل اللي حكتهولك دا و تقوليلي عامله كدا ليه
اولفت/و ايه يعني
علياء/هو ايه اللي ايه يعني ازاي يعني اشوف في عيون جوزي نظره حب لواحده تانيه
اولفت/هو انتي حبتيه يا علياء و لا ايه
علياء/حب ايه لا طبعا بس انا مش قبلها علي كرمتي
اولفت/لا يا حببتي اركني كرمتك دي علي جمب دلوقت لحد ما ننفذ اللي احنا عوزينه
علياء/طب و هو احنا هنفضل مستنين كدا لحد ما البيه يحن و يحدد ميعاد الفرح
اولفت بعد تفكير طويل
اولفت/و ليه نستني
علياء/قصدك ايه
اولفت/قصدي ان احنا نخلص منه زي ما خلصنا من غيره قبل ما يجيب واحده من الشارع تشاركنا كل دا
علياء/قصدك ايه بغيره اللي خلصتي منه
اولفت/لا ولا حاجه بس احنا لازم نخطط و نتكتك كويس جدا
علياء/خلاص شوفي عايزه تعملي ايه و انا معاكي عايزه اخلص من الشبكه السودا دي و اخد علي و نسافر علي برا
اولفت/الا صحيح هلي فين بقاله مده مختفي
علياء/بيخلص لينا اوراق السفر علشان لما يحصل المراد ناخد حصتنا و نكت علي برا
اولفت/خلاص فاضل علي الحلو تكه
علياء/خلاص انا همشي دلوقت علشان انا كدا اتاخرت كتير عن الشغل
اولفت/مع السلامه
و بعد خروج علياء من المنزل امسكت اولفت الهاتف الخاص بها و ضغطت علي الارقام التي تحفظها عن ظهر غيب
اولفت/الو ازيك يا حبيبي وحشتني قوي
......./ازيك انت يا روحي عامله ايه
اولفت/انا زهقت و عايزه اخلص من كريم بقه
......./بالصبر كل شيء هيعدي
اولفت/هفضل كدا لامتي دا معلقنا معاه و كل ما نقوله عايزين نحدد ميعاد الفرح يقول لسه شويه
......../مفيش فادينا حاجه نعملها دلوقت
اولفت/لا في
......./في ايه
اولفت/نخلص منه زي ما خلصنا من اخوه
....../مش كل مره تسلم الجره
اولفت/يعني ايه
......./يعني المره اللي فاتت عده علي خير و اتقيدت حادثه سير الواحد مش ضامن المره دي هيحصل فيها ايه
اولفت/هيحصل كل خير بس انت اسمع كلامي و خصوصا ان في بت كدا ملهاش تلاتين لازمه شغله باله و مش بعيد يتجوزها زي ما كرم اتجوز واحده ملهاش اصل و لا فصل لا و كمان كانت حامل يعني لو مكناش دبرنا الحادثه دي كان زمان والي العهد مشرف و مكوش علي كل حاجه
....../و مين قالك ان في بنت شغله باله و مين هيا و يتري بتحبه و لا لا
اولفت/احنا مالنا تحبه و لا لا
....../لو مش بتحبه و هو بيحبها دا هيساعدنا اكتر
اولفت/لا معتقدش انها مبتحبوش دي بتحبه و قوي كمان
....../و انتي مين قالك
اولفت/علياء تعرفها كويس و حكت ليا علي كام حاجه اتاكدت انها بتحبه بس مكنتش شغله بالي بيها علشان كريم مكنش في دماغه
....../و هي مين دي
اولفت/دي كانت شغاله عنده سكرتيره و الظاهر كدا كريم حبها لانه مش شايف علياء خالص ادامه
....../يبقي فعلا لازم نتصرف
اولفت/ما هو انا بقول كدا من بدري قبل ما يعمل حاجه من ورانا و احنا منعرفهاش
....../خلاص سبيني انا افكر و هملمك اقولك هنعمل ايه
اولفت/خلاص و انا هستناك
و اغلقت معه الهاتف و اخذها خيالها الي موت كريم و هي تجمع كل تلك الاموال تحت يديها و ابتسمت في انتشاء و سعاده كبيره غافله عن التي كانت تتابع حوارها منذ البدايه و استمعت لكل شيء و لكن تلك المره فعلت شيء سوف يكشف الجميع و تنقذ اخيها من براثين تلك الوحوش
🌹🌹🌹🌹🌹🌹🌹🌹🌹
اما في الملجيء في مكتب يسرا طرق الباب و دخل الذي بالخارج عندما استمع الي اذن الدخول
يسرا/ايوة يا ام هناء
ام هناء/البيه صاحب الملجيء جيه برا
يسرا/برا فين خاليه يدخل
ام هناء/لا هو لسه برا خالص انا اول ما شوفت عربيته جيت علشان اقولك
قامت يسرا من مقعدها هاي عجله من امرها
يسرا/طب وسعي بسرعه
و خرجت يسرا من مكتبها الي الخارج لكي تقوم باستقبال صاحب الملجيء التي لم ترا نهائيا
يسرا/اهلا و سهلا بحضرتك يا..........