Ads by Google X

القائمة الرئيسية

الصفحات

رواية مسجونة القصر الفصل السادس6 بقلم اية مصطفي

رواية / مسجونة القصر 

الفصل الخامس والسادس 

بقلم اية مصطفي 

⭕⭕⭕⭕⭕⭕⭕⭕⭕⭕⭕⭕⭕⭕⭕⭕

الحلقة 5 


ﺷﻤﺲ ﻛﺎﻧﺖﻓﻰ ﻋﺮﺑﻴﺘﻬﺎﻣﻊ ﻧﺠﻤﻪ


ﻧﺠﻤﺔ ﺑﺼﺪﻣﺔ : ﺍﻓﻨﺪﻡ ﺑﺘﻘﻮﻟﻰ ﺳﻴﺒﺘﻰ ﺍﻳﻪ ﻣﻊ ﻗﻤﺮ


ﺷﻤﺲ : ﺍﻟﺮﺧﺼﻪ


ﻧﺠﻤﻪ : ﻃﻴﺐ ﻗﻤﺮ ﻓﻴﻦ


ﺷﻤﺲ ﺑﻘﻠﻖ : ﻗﻢ .. ﻡ .. ﻡ .. ﺭ


ﻧﺠﻤﻪ : ﺍﻩ ﻫﻴﺎ ﻓﻴﻦ ﻭﻻ ﺍﻟﻘﻄﻪ ﻛﻠﺖ ﻟﺴﺎﻧﻚ


ﺷﻤﺲ : ﻗﻤﺮ ﻓﻰ .………


ﻧﺠﻤﻪ : ﻓﻴﻦ ﻣﺎﺗﻘﻮﻟﻰ ﻣﺘﺸﻠﻨﻴﺶ


ﺷﻤﺲ : ﻗﻤﺮ ﻓﻰ ﺍﻟﻤﺲ ..… ﺱ


ﻇﺎﺑﻂ ﺍﻟﻤﺮﻭﺭ : ﺍﻟﺮﺧﺼﻪ


ﺷﻤﺲ ﺑﺘﻮﺗﺮ : ﻫﻮ ﻣﺶ ﻣﻌﺎﻳﺎ ﺩﻟﻮﻗﺘﻰ


ﻇﺎﺑﻂ ﺍﻟﻤﺮﻭﺭ : ﻃﺐ ﺍﺭﻛﻨﻰ ﻋﻠﻰ ﺟﻨﺐ


ﺷﻤﺲ ﺑﺒﻜﺎﺀ : ﻃﻴﺐ ﻫﺮﻥ ﻋﻠﻰ ﺍﺧﺘﻰ ﺗﺠﺒﻬﺎﻟﻰ


ﻇﺎﺑﻂ ﺍﻟﻤﺮﻭﺭ ﺑﺰﻋﻴﻖ : ﺗﺮﻧﻰ ﻋﻠﻰ ﻣﻴﻦ ﻻ ﻳﺎ ﺍﺧﺘﻰ ﻓﻰ ﺍﻟﻘﺴﻢ ﺍﺑﻘﻰ ﻗﻮﻟﻰ ﻛﺪﻩ ﻟﻠﺒﺎﺷﺎ


ﺗﺪﺧﻞ ﺷﺨﺺ ﻓﻰ ﺍﻟﺤﻮﺍﺭ : ﻣﺎ ﺑﺮﺍﺣﻪ ﻳﺎ ﺭﺍﺟﻞ ﺍﻧﺖ ﺩﻯ ﺑﻨﻰ ﺍﺩﻣﻪ ﺯﻳﻚ


ﻇﺎﺑﻂ ﺍﻟﻤﺮﻭﺭ : ﻭﺍﻧﺖ ﺍﻳﻪ ﺍﻟﻠﻰ ﺩﺧﻠﻚ ﻓﻰ ﺍﻟﻠﻰ ﻣﻠﻜﺶ ﻓﻴﻪ ﻟﻮ ﻣﺘﺨﺮﺻﺘﺶ ﻫﺪﺧﻠﻚ ﻣﻌﺎﻫﺎ ﺍﻟﺤﺠﺰ


ﺍﻟﺮﺍﺟﻞ : ﺗﺪﺧﻞ ﻣﻴﻦ ﺍﻟﺤﺠﺰ ﺩﺍ ﺍﻧﺎ ﺍﻟﻠﻰ ﺍﺩﺧﻠﻚ ﺍﻧﺖ ﻋﺎﺭﻑ ﺑﺘﻜﻠﻢ ﻣﻴﻦ ﻳﺎ ﺭﺍﺟﻞ ﺍﻧﺖ


ﻇﺎﺑﻂ ﺍﻟﻤﺮﻭﺭ ﺑﺴﺘﻬﺰﺍﺀ : ﺑﻜﻠﻢ ﻣﻴﻦ ﻳﻌﻨﻰ ﺍﺑﻦ ﻭﺯﻳﺮ ﺍﻟﺪﺧﻠﻴﻪ


ﺍﻟﺮﺍﺟﻞ ﻻ ﺑﺘﻜﻠﻢ ..……


••••••••••••••


ﻋﻨﺪ ﻗﻤﺮ


ﺍﺳﺘﻴﻘﻆ ﺇﻳﺎﺩ ﻭﻃﻠﺐ ﻳﺮﺟﻊ ﻟﻠﭭﻴﻼ


ﺃﺣﻤﺪ : ﻃﻴﺐ ﺭﻧﻰ ﻋﻠﻰ ﺷﻤﺲ ﺗﺒﻘﺎ ﺗﺮﻭﺡ ﻋﻠﻰ ﺍﻟﭭﻴﻼ


ﻗﻤﺮ : ﻃﻴﺐ ﻫﺎﺧﺪ ﺷﻨﻄﺘﻰ ﻭﺷﻨﻄﻪ ﺷﻤﺲ ﻭﻫﺒﻘﺎ ﺍﺭﻥ ﻋﻠﻴﻬﺎ ﻓﻰ ﺍﻟﻌﺮﺑﻴﻪ


ﺃﺣﻤﺪ : ﻃﻴﺐ ﻳﺎﻟﻪ ﺧﺪﻯ ﻣﻔﺘﺎﺡ ﻋﺮﺑﻴﺘﻰ ﻭﻫﺎﺗﻴﻬﺎ ﻗﺪﺍﻡ ﺑﺎﺏ ﺍﻟﻤﺴﺘﺸﻔﻰ


ﺍﺧﺬﺕ ﻗﻤﺮ ﻣﻔﺘﺎﺡ ﺍﻟﺴﻴﺎﺭﺓ ﻭﺍﺗﺖ ﺑﺎﻟﺴﻴﺎﺭﺓ ﺍﻣﺎﻡ ﺍﻟﻤﺸﻔﻰ


ﻭﺑﻌﺪﻳﻬﺎ ﺑﺨﻤﺲ ﺩﻗﺎﻳﻖ ﻭﺟﺪﺕ ﺃﺣﻤﺪ ﻭﺇﻳﺎﺩ ﺧﺎﺭﺟﻴﻦ ﻣﻦ ﺍﻟﻤﺴﺘﺸﻔﻰ ﻭﺇﻳﺎﺩ ﺟﺎﻟﺲ ﻋﻠﻰ ﻛﺮﺳﻰ ﻣﺘﺤﺮﻙ


ﻧﺰﻟﺖ ﻗﻤﺮ ﻭﻓﺘﺤﺖ ﻹﻳﺎﺩ ﺍﻟﺒﺎﺏ ﺍﻻﻣﺎﻣﻰ ﻭ ﺳﺎﻋﺪ ﺍﻟﻤﻤﺮﺽ ﺇﻳﺎﺩ ﺇﻧﻪ ﻳﺪﺧﻞ ﺍﻟﺴﻴﺎﺭﺓ


ﻗﻤﺮ : ﻳﻨﻔﻊ ﻳﺎ ﺑﺎﺑﺎ ﺍﻧﺎ ﺍﻟﻠﻰ ﺍﺳﻮﻕ


ﺃﺣﻤﺪ : ﻣﺎ ﺍﻧﺎ ﻛﻨﺘﻰ ﻫﺨﻠﻴﻜﻰ ﺗﺴﻮﻗﻰ ﻋﻠﺸﺎﻥ ﺍﻧﺎ ﻣﺶ ﻫﻘﺪﺭ ﺃﺳﻮﻕ


ﺭﻛﺒﺖ ﻗﻤﺮ ﻭﺫﻫﺒﺖ ﻋﻠﻰ ﺍﻟﭭﻴﻼ


•••••••••••••••


ﻧﺮﺟﻊ ﻋﻨﺪ ﺷﻤﺲ


ﻇﺎﺑﻂ ﺍﻟﻤﺮﻭﺭ ﺑﺴﺘﻬﺰﺍﺀ : ﺑﻜﻠﻢ ﻣﻴﻦ ﻳﻌﻨﻰ ﺍﺑﻦ ﻭﺯﻳﺮ ﺍﻟﺪﺍﺧﻠﻴﻪ


ﺍﻟﺮﺍﺟﻞ : ﻻ ﺑﺘﻜﻠﻢ ﻭﺍﺧﺮﺟﺔ ﻟﻪ ﺑﻄﺎﻗﺘﻪ


ﻇﺎﺑﻂ ﺍﻟﻤﺮﻭﺭ : ﺃﻧﺎ ﺍﺳﻒ ﻳﺎ ﺑﺎﺷﺎ


ﺍﻟﺮﺟﻞ : ﻃﻴﺐ ﻳﺎ ﺃﻧﺴﺔ ﺍﺗﻔﻀﻠﻰ ﺭﻭﺣﻰ ﺍﻧﺘﻰ ﻭﺍﻷﻧﺴﻪ ﺍﻟﺜﺎﻧﻴﺔ


ﺷﻤﺲ : ﻃﻴﺐ ﺷﻜﺮﺍ


ﺍﻟﺮﺟﻞ : ﺍﻟﻌﻔﻮ


ﻋﻨﺪﻣﺎ ﺭﻛﺐ ﻛﻼ ﻣﻦ ﺷﻤﺲ ﻭﻧﺠﻤﺔ ﺍﻟﺴﻴﺎﺭﺓ ﻭﺟﺪﻭﺍ ﺍﻥ ﻗﻤﺮ ﺗﺮﻥ ﻋﻠﻰ ﻫﺎﺗﻒ ﺷﻤﺲ ﻓﻤﺴﺤﺖ ﺍﻟﺪﻣﻮﻉ ﺍﻟﻠﺘﻰ ﻋﻠﻰ ﻭﺟﻬﻬﺎ ﻭﺍﻋﺪﺩﺕ ﻧﺒﺮﻩ ﺻﻮﺗﻬﺎ ﻟﻜﻰ ﺗﻜﻮﻥ ﻃﺒﻴﻌﻴﻪ


ﺷﻤﺲ : ﺳﻼﻡ ﻋﻠﻴﻜﻢ


ﻗﻤﺮ : ﻭﻋﻠﻴﻜﻢ ﺍﻟﺴﻼﻡ ﺍﺑﻘﻰ ﺭﻭﺣﻰ ﻋﻠﻰ ﺍﻟﺒﻴﺖ ﻋﻠﻄﻮﻝ ﻋﻠﺸﺎﻥ ﺍﺣﻨﺎ ﺭﻭﺣﻨﺎ


ﺷﻤﺲ : ﻃﻴﺐ ﺍﻧﺎ ﺟﺎﻳﻪ ﻓﻰ ﺍﻟﺴﻜﻪ


ﺃﻏﻠﻘﺖ ﻣﻊ ﺷﻤﺲ ﻭﺍﺳﺘﻐﺮﺑﺖ ﻣﻦ ﺭﺩﻩ ﻧﺒﺮﻩ ﺻﻮﺗﻬﺎ ﺍﻟﻬﺎﺩﺋﻪ ﻭﺑﻌﺪ ﻗﻠﻴﻞ ﺗﺠﺎﻫﻠﺖ ﻫﺬﺍ ﺍﻷﻣﺮ


•••••••••••••••


ﻋﻨﺪﻣﺎ ﻧﺰﻟﺖ ﻗﻤﺮ ﻣﻦ ﺍﻟﺴﻴﺎﺭﺓ ﺩﺧﻠﺖ ﺍﻟﭭﻴﻼ ﻣﺴﺮﻋﻪ ﻭﻧﺎﺩﺕ ﻟﻠﺨﺎﺩﻣﻪ


ﺍﻟﺨﺎﺩﻣﻪ : ﻧﻌﻢ ﻳﺎ ﻗﻤﺮ ﻫﺎﻧﻢ


ﻗﻤﺮ : ﻧﻈﻔﻰ ﺍﻷﻭﺿﻪ ﺍﻟﻠﻰ ﻓﻰ ﺍﻟﺪﻭﺭ ﺍﻷﺭﺿﻰ ﺍﻟﻮﺍﺳﻌﻪ ﻭﺭﻭﻗﻴﻬﺎ ﻛﻮﻳﺲ


ﺍﻟﺨﺎﺩﻣﻪ : ﻣﻦ ﻋﻨﻴﺎ ﻳﺎ ﻗﻤﺮ ﻫﺎﻧﻢ


ﻧﻈﻔﺖ ﺍﻟﺨﺎﺩﻣﺔ ﺍﻟﻐﺮﻓﻪ ﻭﺧﺮﺟﺖ ﻟﻘﻤﺮ ﻓﻰ ﺍﻟﺮﻳﺴﺒﺸﻦ ﻭﻛﺎﻥ ﺇﻳﺎﺩ ﻭﺃﺣﻤﺪ ﺟﺎﻟﺴﻴﻦ ﻓﻴﻪ


ﺍﻟﺨﺎﺩﻣﻪ : ﺍﺗﻔﻀﻠﻮﺍ ﺍﻷﻭﺿﻪ ﺟﺎﻫﺰﺓ


ﻗﻤﺮ : ﻃﻴﺐ ﺷﻜﺮﺍ


ﺍﺳﺘﺎﺫﻥ ﺃﺣﻤﺪ ﻭﺫﻫﺐ ﻣﻜﺘﺒﻪ ﻭﺑﻌﺪﻳﻬﺎ ﺑﻘﻠﻴﻞ


ﺩﺧﻠﺖ ﻟﻴﻠﻰ ﻋﻠﻴﻬﻢ ﻋﻨﺪﻣﺎ ﺭﺃﺕ ﺇﻳﺎﺩ ﻭﺭﺃﺕ ﺭﺟﻠﻪ ﺍﻟـﻣﺘﺠﺒﺴﻪ ﺟﺮﺕ ﻋﻠﻴﻪ ﻭﻗﺎﻟﺖ


ﻟﻴﻠﻰ : ﻓﻰ ﺍﻳﻪ ﻳﺎ ﺣﺒﻴﺒﻰ ﺇﻳﻪ ﺍﻟﻠﻰ ﺣﺼﻠﻚ


ﺇﻳﺎﺩ ﺑﻤﺮﺡ : ﺣﺎﺩﺛﻪ ﺑﺴﻴﻄﻪ ﻳﺎﻣﺎﻣﺎ ﻭﻣﺘﺨﺎﻓﻴﺶ ﻃﻠﻌﺖ ﺯﻯ ﺍﻟﺸﻌﺮﻩ ﻣﻦ ﺍﻟﻌﺠﻴﻨﻪ


ﻟﻴﻠﻰ ﺑﻀﺤﻚ : ﺣﺘﻰ ﻭﺍﻧﺖ ﺗﻌﺒﺎﻥ ﺑﺘﻬﺰﺭ ﻭﺑﻌﺪﻳﻦ ﺟﺒﺲ ﻭﺑﻌﺪﻳﻦ ﺗﻘﻮﻝ ﺯﻯ ﺍﻟﺸﻌﺮﻩ ﻣﻦ ﺍﻟﻌﺠﻴﻦ ﻣﺎ ﻫﻮ ﺑﺎﻳﻦ


ﺇﻳﺎﺩ : ﻭﻓﻴﻪ ﺇﻳﻪ ﻳﺎ ﻣﺎﻣﺎ ﺩﺍ ﺍﺣﺴﻦ ﺣﺎﺟﻪ ﺍﻟﻬﺰﺍﺭ


ﻟﻴﻠﻰ : ﻃﻴﺐ ﻫﺰﺭ ﺑﺮﺍﺣﺘﻚ ﺑﺲ ﻣﺶ ﻃﺎﻟﻊ ﻣﻦ ﺍﻭﺿﻚ ﺇﻻ ﻟﻤﺎ ﺗﺨﻒ


ﺇﻳﺎﺩ ﺑﺤﺰﻥ ﻣﺼﻄﻨﻊ : ﻧﻌﻢ ﻳﻌﻨﻰ ﻣﺶ ﻫﺮﻭﺡ ﺍﻟﻜﻠﻴﻪ


ﻗﻤﺮ : ﻳﻌﻨﻰ ﺇﻧﺖ ﻣﺠﺘﻬﺪ ﺃﻭﻯ ﻭﺑﺘﺤﺐ ﻛﻠﻴﺘﻚ


ﺇﻳﺎﺩ : ﺍﻩ ﺗﻌﺎﻟﻰ ﺷﻮﻓﻰ ﺍﻟﻜﺘﺐ ﺍﻟﻠﻰ ﻋﻨﺪﻯ ﻓﻰ ﺍﻷﻭﺿﻪ ﻛﺘﻴﺮ


ﻗﻤﺮﺑﺴﺨﺮﻳﻪ : ﻣﻘﻄﻌﺔ ﻣﻦ ﻛﺘﺮ ﺍﻟﻤﺬﺍﻛﺮﻩ


ﺇﻳﺎﺩ : ﻣﻠﻜﻴﺶ ﻓﻴﻪ ﺑﺬﺍﻛﺮ ﻭﻻ ﻻﺀ ﺍﻟﻤﻬﻢ ﺗﻘﺪﻳﺮﻳﺮ ﺃﺧﺮ ﺍﻟﺴﻨﻪ


ﻗﻤﺮ : ﻃﻴﺐ ﻳﺎ ﺍﺧﻮﻳﺎ ﺳﻴﺒﻬﺎﻟﻚ ﻣﺨﻀﺮﻩ


•••••••••••••••


ﻋﻨﺪ ﺃﺣﻤﺪ ﻓﻰ ﺍﻟﻤﻜﺘﺐ


ﻛﺎﻥ ﻳﺤﺪﺙ ﻣﺤﻤﺪ


ﻣﺤﻤﺪ : ﻓﻰ ﺍﻳﻪ ﻳﺎ ﺃﺣﻤﺪ ﺧﻼﻙ ﺗﻤﺸﻰ ﺍﻟﻨﻬﺎﺭﺩﻩ ﺑﺪﺭﻯ ﻭﻣﻜﻨﺘﺶ ﺑﻴﺘﺮﺩ ﻋﻠﻰ ﻣﻜﻠﻤﺎﺗﻰ ﻟﻴﻪ


ﺃﺣﻤﺪ : ﺍﺻﻞ ﺇﻳﺎﺩ ﻋﻤﻞ ﺣﺎﺩﺛﻪ ﻭﻧﻮﺭ ﻗﺎﻟﻰ ﻭﻗﺎﻟﻰ ﻣﻘﻠﻜﺶ ﻋﻠﺸﺎﻥ ﻣﺶ ﺗﻘﻠﻖ


ﻣﺤﻤﺪ : ﻃﻴﺐ ﺑﻜﺮﻩ ﻫﺎﺟﻰ ﺍﻧﺎ ﻭﺍﻟﻮﻻﺩ ﻧﺰﻭﺭ ﺇﻳﺎﺩ


ﺃﺣﻤﺪ : ﺗﻨﻮﺭﻭﺍ ﻃﺒﻌﺎ ﻭﺑﻜﺮﻩ ﺍﻧﺎ ﻫﺎﺟﻰ ﺍﻟﺸﺮﻛﻪ ﺇﻥ ﺷﺎﺀ ﺍﻟﻠﻪ


ﻣﺤﻤﺪ : ﻓﻰ ﺭﻋﺎﻳﻪ ﺍﻟﻠﻪ


ﺃﺣﻤﺪ : ﻓﻰ ﺃﻣﺎﻥ ﺍﻟﻠﻪ


••••••••••••••••


ﺑﻌﺪ ﻣﺎ ﺍﻧﻬﻰ ﻧﻮﺭ ﺍﻟﻤﺤﺎﺿﺮﻩ ﺍﻟﺘﺎﻧﻴﻪ ﺍﻟﻠﻰ ﺣﻀﺮﻫﺎ ﻓﻰ ﺍﻟﻴﻮﻡ ﺩﺍ ﺭﻥ ﻋﻠﻰ ﺯﻫﺮﺍﺀ


ﺯﻫﺮﺍﺀ : ﺍﻳﻪ ﻳﺎ ﺑﻨﻰ ﻣﺴﺘﻨﻴﺎﻙ ﻣﻦ ﺑﺪﺭﻯ ﻋﻠﺸﺎﻥ ﺗﺮﻥ ﻭﻣﺮﻧﺘﺶ


ﻧﻮﺭ : ﻣﻌﻠﺶ ﺍﻥ ﻫﺠﻴﻠﻚ ﺍﻫﻮ ﻓﻰ ﺍﻟﺴﻜﻪ


ﺯﻫﺮﺍﺀ : ﻃﻴﺐ ﻣﺴﺘﻨﻴﺎﻙ ﺳﻼﻡ ﻋﻠﻴﻜﻢ


ﻧﻮﺭ : ﻭﻋﻠﻴﻜﻢ ﺍﻟﺴﻼﻡ


ﺫﻫﺐ ﻧﻮﺭ ﻟﻜﻠﻴﻪ ﺯﻫﺮﺍﺀ ﻭﺭﻛﺒﺖ ﻣﻌﺎﻩ ﻭﺗﻮﺟﻬﻮﺍ ﻟﻠﻘﺼﺮ


••••••••••••••••


ﻧﺮﺟﻊ ﻋﻨﺪ ﺷﻤﺲ ﺗﺎﻧﻰ


ﺑﻌﺪ ﻣﺎ ﺍﻧﻬﺖ ﺷﻤﺲ ﻣﻦ ﻣﻜﺎﻟﻤﺔ ﻗﻤﺮ ﺣﺎﻭﻟﺖ ﻧﺠﻤﻪ ﺍﻥ ﺗﺨﻔﻒ ﻣﻦ ﺣﺰﻧﻬﺎ


ﻧﺠﻤﻪ : ﺧﻼﺹ ﻳﺎﺷﻤﺲ ﺣﺼﻞ ﺧﻴﺮ


ﻛﺎﻧﺖ ﺷﻤﺲ ﺗﺘﻨﻔﺲ ﺑﺼﻌﻮﺑﻪ ﻭﻓﺠﺎﻩ ﺍﻏﻤﻰ ﻋﻠﻴﻬﺎ


ﻧﺠﻤﻪ ﺑﻔﺰﻉ : ﺷﻤﺲ ﺷﻤﺲ ﺭﺩﻯ ﻋﻠﻴﺎ


ﺍﺧﺮﺟﺖ ﻧﺠﻤﺔ ﺑﺮﭬﺎﻥ ﻣﻦ ﺣﻘﻴﺒﺘﻬﺎ ﻭﻣﺮﺭﺗﻬﺎ ﺍﻣﺎﻡ ﺍﻧﻔﻬﺎ ﻟﻜﻨﻬﺎ ﻟﻢ ﺗﻔﻴﻖ ﻓﻀﺮﺑﺘﻬﺎ ﻋﻠﻰ ﻭﺟﻬﻬﺎ ﺿﺮﺑﺔ ﺧﻔﻴﻔﺔ ﻭﻟﻜﻨﻬﺎ ﻟﻢ ﺗﻔﻖ ﺃﻳﻀﺎ ﻓﺨﺮﺟﺖ ﺧﺎﺭﺝ ﺍﻟﺴﻴﺎﺭﺓ ﻟﻜﻰ ﺗﻄﻠﺐ ﺍﻟﻤﺴﺎﻋﺪﺓ ﻭﻫﻰ ﺗﺸﺎﻭﺭ ﺇﻟﻰ ﺳﻴﺎﺭﺓ ﺭﺃﻫﺎ ﺷﺎﺏ ﻓﻨﺰﻝ ﻣﻦ ﺳﻴﺎﺭﺗﻪ ﻭﻗﺎﻝ : ﻓﻰ ﺣﺎﺟﻪ ﻳﺎ ﺃﻧﺴﻪ


ﻧﺠﻤﻪ : ﻟﻮ ﺳﻤﺤﺖ ﻳﻨﻔﻊ ﺗﺴﺎﻋﺪﻯ ﺍﻭﺻﻞ ﺃﺧﺘﻰ ﻷﻗﺮﺏ ﻣﺴﺘﺸﻔﻰ ﻋﻠﺸﺎﻥ ﺍﻏﻤﻰ ﻋﻠﻴﻬﺎ


ﺍﻟﺸﺎﺏ : ﻃﻴﺐ ﻫﻴﺎ ﻓﻴﻦ ﺍﺧﺘﻚ


ﻧﺠﻤﻪ : ﻓﻰ ﺍﻟﻌﺮﺑﻴﻪ


ﻋﻨﺪﻣﺎ ﺫﻫﺐ ﺍﻟﺸﺎﺏ ﻭﺭﺃﻯ ﺷﻤﺲ ﺍﻓﺘﻜﺮ ﺍﻟﻮﺟﻪ ﺍﻟﺬﻯ ﺭﺃﻩ ﻓﻰ ﺍﻟﻤﺸﻔﻰ ﻓﻨﻈﺮ ﻟﻨﺠﻤﻪ ﻭﻗﺎﻝ : ﻫﻴﺎ ﺩﻯ ﺍﺧﺘﻚ


ﻧﺠﻤﻪ : ﺍﻩ ﻫﻰ ﺩﻯ


ﺳﻴﻒ : ﻃﻴﺐ ﺍﺭﻛﺒﻰ ﺑﺴﺮﻋﻪ ﻋﻠﻰ ﻋﺮﺑﻴﺘﻰ ﺍﻧﺎ ﻫﻮﺻﻠﻬﺎ ﻟﻠﻤﺴﺘﺸﻔﻰ


ﻧﺠﻤﻪ ﺑﻘﻠﻖ : ﻧﻌﻢ ﻋﺮﺑﻴﺘﻚ


ﺳﻴﻒ : ﻣﺘﻘﻠﻘﻴﺶ ﺍﻧﺎ ﺍﻋﺮﻓﻬﺎ ﻭﺍﻋﺮﻑ ﺍﻫﻠﻚ


ﻧﺠﻤﺔ ﺭﻛﺒﺖ ﻋﺮﺑﻴﺔ ﺳﻴﻒ ﻭﺭﻛﺒﺖ ﺷﻤﺲ ﺟﻨﺐ ﻧﺠﻤﻪ ﻭﺭﺍﺣﻮﺍ ﻟﻠﻤﺴﺘﺸﻔﻰ


ﻟﻤﻞ ﺩﺧﻠﻮﺍ ﺍﻟﻤﺴﺘﺸﻔﻰ


ﺍﻟﺪﻛﺘﻮﺭ ﻛﺸﻒ ﻋﻠﻴﻬﺎ ﻭﻟﻤﺎ ﺧﺮﺝ


ﺳﻴﻒ ﻭﻧﺠﻤﻪ ﺭﺍﺣﻮﺍ ﻟﻴﻪ ﻋﻠﺸﺎﻥ ﻳﻌﺮﻓﻮﺍ ﺣﺼﻠﻬﺎ ﺍﻳﻪ ﻭﻗﺎﻟﻮﺍ : ﺧﻴﺮ ﻳﺎ ﺩﻛﺘﻮﺭ


ﺍﻟﺪﻛﺘﻮﺭ : ﻫﻰ ﺍﻟﻤﻔﺮﻭﺽ ﻣﺶ ﺗﺘﻌﺮﺽ ﻻﻯ ﺯﻋﻞ ﺍﻭ ﺗﻮﺗﺮ ﺍﻭ ﺍﻧﻔﻌﺎﻝ ﻭﻛﺎﻥ ﻫﻴﺠﻠﻬﺎ ﻏﻴﺒﻮﺑﻪ ﺑﺲ ﺍﻟﺤﻤﺪ ﻟﻠﻪ ﺭﺑﻨﺎ ﺳﺘﺮﻫﺎ


ﻧﺠﻤﻪ : ﻳﻌﻨﻰ ﻋﻨﺪﻫﺎ ﺍﻳﻪ ﻳﺎﺩﻛﺘﻮﺭ ﺧﻼﻫﺎ ﻣﺶ ﺗﻔﻮﻕ


ﺍﻟﺪﻛﺘﻮﺭ .

.

⭕⭕⭕⭕⭕⭕⭕⭕⭕⭕⭕⭕⭕⭕⭕⭕

الحلقة 6 


ﻟﻤﺎ ﺩﺧﻠﻮﺍ ﺍﻟﻤﺴﺘﺸﻔﻰ


ﺍﻟﺪﻛﺘﻮﺭ ﻛﺸﻒ ﻋﻠﻴﻬﺎ ﻭ ﺧﺮﺝ ﺳﻴﻒ ﻭﻧﺠﻤﻪ ﺭﺍﺣﻮﺍ ﻟﻴﻪ


ﺳﻴﻒ ﻭﻧﺠﻤﺔ : ﺧﻴﺮ ﻳﺎ ﺩﻛﺘﻮﺭ


ﺍﻟﺪﻛﺘﻮﺭ : ﻫﻰ ﺍﻟﻤﻔﺮﻭﺽ ﻣﺶ ﺗﺘﻌﺮﺽ ﻻﻯ ﺯﻋﻞ ﺍﻭ ﺗﻮﺗﺮ ﺍﻭ ﺇﻧﻔﻌﺎﻝ ﻭﻛﺎﻥ ﻫﻴﺠﻠﻬﺎ ﻏﻴﺒﻮﺑﻪ ﺑﺲ ﺍﻟﺤﻤﺪ ﻟﻠﻪ ﺭﺑﻨﺎ ﺳﺘﺮﻫﺎ


ﻧﺠﻤﻪ : ﻳﻌﻨﻰ ﻋﻨﺪﻫﺎ ﺍﻳﻪ ﻳﺎﺩﻛﺘﻮﺭ ﺧﻼﻫﺎ ﻣﺶ ﺗﺮﺿﻰ ﺗﻔﻮﻕ ﻣﻨﻨﺎ


ﺍﻟﺪﻛﺘﻮﺭ : ﻋﻨﺪﻫﺎ ﺩﻋﺎﻣﺔ ﻗﻠﺒﻬﺎ ﺿﻌﻴﻔﻪ ﻭﻣﺶ ﻫﺘﻘﺪﺭ ﺗﺴﺘﺤﻤﻞ


ﻧﺠﻤﻪ : ﺍﻟﻘﻠﺐ


ﻭﻛﺎﻧﺖ ﻫﺘﻘﻊ ﺑﺲ ﺳﻴﻒ ﻣﺴﻜﻬﺎ ﻭﻗﺎﻝ ﻟﻠﺪﻛﺘﻮﺭ


ﺳﻴﻒ : ﻃﻴﺐ ﺷﻜﺮﺍ ﺍﺗﻔﻀﻞ ﺍﻧﺖ


ﺗﻮﺟﻪ ﺳﻴﻒ ﻧﺎﺣﻴﻪ ﻧﺠﻤﻪ ﻭﻗﺎﻟﻬﺎ


ﺳﻴﻒ : ﺍﻭﻋﻰ ﺗﻘﻮﻟﻠﻬﺎ ﺩﻟﻮﻗﺘﻰ ﻟﻤﺎ ﺗﻔﻮﻕ ﻭﺗﺒﻘﺎ ﺗﻤﺎﻡ ﺍﺑﻘﻰ ﻗﻮﻟﻠﻬﺎ


ﺩﺧﻠﺖ ﻧﺠﻤﺔ ﻏﺮﻓﻪ ﺷﻤﺲ ﻭﺟﺪﺗﻬﺎ ﺍﻓﺎﻗﺖ


ﺷﻤﺲ : ﺍﻟﺪﻛﺘﻮﺭ ﻗﺎﻟﻚ ﺍﻳﻪ


ﻧﺠﻤﻪ : ﻗﺎﻝ ﺍﻧﻚ ﻛﻮﻳﺴﻪ ﻭﺗﻘﺪﺭﻯ ﺗﺮﻭﺣﻰ ﻛﻤﺎﻥ ﺑﺪﻝ ﻣﺎ ﺍﻧﺘﻰ ﺑﻬﺪﻟﺘﻰ ﺍﻟﺸﺎﺏ ﻣﻌﺎﻧﺎ


ﺷﻤﺲ : ﺍﻯ ﺷﺎﺏ ﻭﺑﺼﺖ ﻟﻼﻭﺿﻪ ﻛﻠﻬﺎ


ﻭﻗﺎﻟﺖ : ﺍﻟﻤﻬﻢ ﻫﻮ ﻗﺎﻟﻚ ﺇﻧﻰ ﻛﻮﻳﺴﻪ ﻭﺍﻗﺪﺭ ﺍﺭﻭﺡ ﻛﻤﺎﻥ


ﺷﻤﺲ ﺑﺤﺰﻥ : ﻭﻻ ﻗﺎﻟﻚ ﺃﻧﻰ ﻋﻨﺪﻯ ﺩﻋﺎﻣﺔ ﻗﻠﺒﻰ ﺿﻌﻴﻔﺔ


••••••••••••••••


ﺍﺳﺘﻐﺮﺑﺖ ﻗﻤﺮ ﻣﻦ ﺷﻤﺲ ﻻﻧﻬﺎ ﻣﺠﺘﺶ ﻟﺪﻟﻮﻗﺘﻰ ﻓﻘﺮﺭﺕ ﺍﻧﻬﺎ ﺗﺮﻥ ﻋﻠﻴﻬﺎ ﻗﻤﺮ ﺭﻧﺖ ﻋﻠﻴﻬﺎ ﻛﺘﻴﺮ ﺑﺲ ﻫﻰ ﻣﻜﻨﺘﺶ ﺑﺘﺮﺩ ﻓﺮﻧﺖ ﻋﻠﻰ ﻧﺠﻤﺔ ﻟﻤﺎ ﻣﻪ ﺷﺎﻓﺖ ﺍﺳﻢ ﻗﻤﺮ ﺑﺼﺖ ﻟﺸﻤﺲ ﻭﻗﺎﻟﺘﻠﻬﺎ


ﻧﺠﻤﺔ ﺑﻘﻠﻖ ﻭﺗﻮﺗﺮ : ﻗﻤﺮ ﺑﺘﺮﻥ ﻗﻤﺮ ﺑﺘﺮﻥ ﺍﻋﻤﻞ ﺍﻳﻪ ﺑﺴﺮﻋﻪ


ﺷﻤﺲ ﺑﺼﺖ ﻟﺤﺪﻳﻘﻪ ﺍﻟﻤﺴﺘﺸﻔﻰ ﻣﻦ ﺍﻟﺸﺒﺎﻙ ﺍللى ﻓﻰ ﺍﻻﻭﺿﺔ ﻭﻗﺎﻟﺖ ﻟﻨﺠﻤﺔ : ﻣﺘﻘﻠﻬﺎﺵ ﺣﺎﺟﻪ ﻋﻠﻴﺎ ﻗﻮﻟﻠﻬﺎ ﺍﻧﻨﺎ ﺭﺣﻨﺎ ﻋﻨﺪ ﺻﺤﺒﺘﻚ ﻋﻠﺸﺎﻥ ﻧﺴﻴﺘﻰ ﻣﻌﺎﻫﺎ ﻛﺘﺎﺏ ﻭﻫﻰ ﻣﺴﻜﺖ ﻓﻴﻨﺎ ﻭﻗﻮﻟﻠﻬﺎ ﻧﺺ ﺳﺎﻋﻪ ﻭﻫﻨﻜﻮﻥ ﻓﻰ ﺍﻟﺒﻴﺖ


ﺭﺩﺕ ﻧﺠﻤﺔ ﻋﻠﻴﻬﺎ ﻭﻗﺎﻟﺖ ﻟﻘﻤﺮ ﺯﻯ ﻣﺎ ﺷﻤﺲ ﻗﺎﻟﺖ ﻟﻬﺎ


ﻗﻤﺮ : ﻃﻴﺐ ﻣﺎ ﻣﺘﺘﺎﺧﺮﻭﺵ


ﻧﺠﻤﻪ : ﺇﻥ ﺷﺎﺀ ﺍﻟﻠﻪ ﺳﻼﻡ ﻋﻠﻴﻜﻢ


ﻗﻤﺮ : ﻭﻋﻠﻴﻜﻢ ﺍﻟﺴﻼﻡ


••••••••••••••••


ﺇﺑﺮﺍﻫﻴﻢ ﺭﺍﺡ ﻧﺎﺣﻴﻪ ﺍﻟﻤﺨﺰﻥ ﻭﺩﺧﻞ ﻓﻴﻪ ﻭﻟﻤﺎ ﺩﺧﻞ ﻟﻘﻰ ﺍﻟﻤﺠﻬﻮﻝ١ ﻣﺴﺘﻨﻴﺔ


ﺍﻟﻤﺠﻬﻮﻝ١ : ﻫﺎ ﻋﻤﻠﺖ ﺍﻳﻪ ﻓﻰ ﺍﻟﺼﻔﻘﻪ


ﺇﺑﺮﺍﻫﻴﻢ : ﻫﺘﺒﻘﺎ ﺏ٢ﻣﻠﻴﻮﻥ ﺟﻨﻴﻪ ﻭﺍﺗﻔﻘﺖ ﻣﻊ ﺍﻟﺮﺟﺎﻟﻪ ﺇﻧﻬﻢ ﺍﻟﻠﻰ ﻫﻴﻨﻘﻠﻮﻫﺎ ﻭﺍﻟﻤﻌﺎﺩ ﻛﻤﺎﻥ ﻫﻴﺒﻘﺎ ﺍﻭﻝ ﺍﻟﺸﻬﺮ ﺍﻟﺠﺪﻳﺪ


ﺍﻟﻤﺠﻬﻮﻝ١ : ﻳﻌﻨﻰ ﻓﺎﺿﻞ ٣ﺍﺳﺎﺑﻴﻊ ﻋﺎﻳﺰﻙ ﺑﻘﺎ ﺗﺸﻮﻑ ﻧﺎﺱ ﺑﺲ ﺗﺨﺘﺒﺮﻫﻢ ﻭﺗﺘﺎﻛﺪ ﺇﻥ ﻛﺎﻧﻮﺍ ﻣﺶ ﻫﻴﺘﻜﻠﻤﻮﺍ


ﻟﻮ ﺍﺗﻘﺒﺾ ﻋﻠﻴﻬﻢ


ﺇﺑﺮﺍﻫﻴﻢ : ﺇﻥ ﺷﺎﺀ ﺍﻟﻠﻪ ﺃﺳﺒﻮﻉ ﺑﺎﻟﻈﺒﻂ ﻫﺘﻜﻮﻥ ﺟﺎﻫﺰﻩ ﻛﻞ ﺣﺎﺟﻪ ﻟﻠﻌﻤﻠﻴﻪ


ﺍﻟﻤﺠﻬﻮﻝ١ : ﻃﻴﺐ ﻣﺸﻰ ﺍﻧﺖ


ﺇﺑﺮﺍﻫﻴﻢ ﺭﻛﺐ ﻋﺮﺑﻴﺘﻪ ﻭﺭﺍﺡ ﻟﻠﺸﺮﻛﺘﻪ ﺷﺮﻛﻪ H&S ﺷﺮﻛﻪ ﻟﻠﺼﻨﺎﻋﻪ ﺍﻟﻤﻼﺑﺲ


•••••••••••


ﻧﺮﺟﻊ ﻋﻨﺪ ﺷﻤﺲ ﺗﺎﻧﻰ


ﻧﺠﻤﻪ : ﻭﺍﻧﺘﻰ ﻋﺎﺭﻓﺔ ﺍﻧﻚ ﻋﻨﺪﻙ ﺍﻟﻘﻠﺐ ﻣﻦ ﺍﻣﺘﻰ


ﺷﻤﺲ ﺑﺄﻟﻢ ﻭﺣﺰﻥ : ﺑﻘﺎﻟﻰ ﺷﻬﺮﻳﻦ ﺍﻭﺛﻼﺛﻪ


ﻧﺠﻤﻪ : ﻳﻌﻨﻰ ﻛﻞ ﺍﻟﻮﻗﺖ ﺩﺍ ﻭﻣﻘﻠﺘﻴﺶ ﻟﺤﺪ


ﺷﻤﺲ : ﺍﻧﺎ ﻟﻮ ﻗﻮﻟﺖ ﻟﻘﻤﺮ ﻛﺎﻧﺖ ﻣﻤﻜﻦ ﺗﺰﻋﻞ ﺑﺲ ﻣﺶ ﻣﻬﻢ ﺍﺩﻯ ﺍﻧﺘﻰ ﻋﺮﻓﺘﻰ ﻭﻳﺎﺭﻳﺖ ﻣﺶ ﺗﻘﻮﻟﻰ ﻟﺤﺪ ﻭﺩﺍ ﻳﻔﻀﻞ ﺳﺮ ﺑﻨﺎ


ﻧﺠﻤﻪ : ﺣﺎﺿﺮ


ﻭﻓﺠﺄﻩ نجمه ﺍﻓﺘﻜﺮﺕ ﺣﺎﺟﻪ ﻓﻀﺮﺑﺖ ﺭﺍﺳﻬﺎ ﺑﺨﻔﻪ : ﺍﻟﺸﺎﺏ ﺍﻟﻠﻰ ﺑﺮﻩ ﺯﻣﺎﻧﻪ ﻣﺴﺘﻨﻰ ﻭﺍﺣﻨﺎ ﻋﻤﻠﻴﻦ ﻧﺮﻏﻰ ﻗﻮﻣﻰ


ﺷﻤﺲ ﻗﺎﻣﺖ ﺑﺴﺮﻋﺔ ﻭﻇﺒﻄﺖ ﻫﺪﻭﻣﻬﺎ


ﺷﻤﺲ : ﻧﻌﻢ ﻭﻛﻞ ﺩﺍ ﻭﺍﻧﺖ ﻣﺨﻠﻴﺎﻧﻰ ﺍﺭﻏﻰ ﻣﻌﺎﻛﻰ ﺍﺗﻨﻴﻠﻰ ﺍﻣﺸﻰ


ﻧﺠﻤﺔ ﺧﺮﺟﺖ ﻣﻦ ﺍﻻﻭﺿﺔ ﻭ ﺧﺮﺟﺖ ﺑﻌﺪﻫﺎ ﺷﻤﺲ ﻟﻘﺖ ﻧﺠﻤﻪ ﺭﺍﻳﺤﺔ ﻧﺎﺣﻴﻪ ﺳﻴﻒ


ﺳﻴﻒ : ﺳﻼﻣﺘﻚ ﻳﺎ ﺃﻧﺴﺔ


ﺷﻤﺲ : ﺍﻧﺖ ﺍﻟﻠﻰ ﺟﺒﺘﻨﻰ ﻫﻨﺎ ﺍﻟﻤﺴﺘﺸﻔﻰ


ﺳﻴﻒ : ﺍﻩ ﺍﻧﺎ ﻭﺍﺯﻳﻚ ﺩﻟﻮﻗﺘﻰ ﻳﺎ ﺃﻧﺴﺔ ﺷﻤﺲ


ﺷﻤﺲ : ﺍﻟﺤﻤﺪ ﻟﻠﻪ ﺑﺲ ﻳﺎﺭﻳﺖ ﺣﻀﺮﺗﻚ ﻣﺘﺒﻠﻐﺶ ﺣﺪ ﻣﻦ ﺍﻫﻠﻰ


ﺳﻴﻒ ﺑﺈﺳﺘﻐﺮﺍﺏ : ﻟﻴﻪ


ﺷﻤﺲ : ﻋﻠﺸﺎﻥ ﺗﺆﺍﻣﻰ ﻗﻤﺮ ﻟﻮ ﻋﺮﻓﺖ ﻣﻤﻜﻦ ﺗﺘﻌﺐ ﺩﺍ ﻏﻴﺮ ﺍﻧﻰ ﻣﺶ ﻋﺎﻳﺰﻩ ﺍﻗﻠﻖ ﺣﺪ


ﺳﻴﻒ : ﺇﻥ ﺷﺎﺀ ﺍﻟﻠﻪ ﻭﺍﺗﻔﺼﻠﻰ ﻋﻠﺸﺎﻥ ﺍﻭﺻﻠﻚ


ﺷﻤﺲ : ﻻ ﺷﻜﺮﺍ ﻫﺮﻭﺡ ﺑﻌﺮﺑﻴﺘﻰ


ﺳﻴﻒ : ﻋﺮﺑﻴﺘﻚ ﻋﻨﺪ ﺍﻟﻤﺮﻭﺭ


ﺷﻤﺲ ﻃﻴﺐ ﺷﻜﺮﺍ ﻫﺮﻛﺐ ﺗﺎﻛﺴﻰ


ﺳﻴﻒ : ﺍﺗﻔﻀﻠﻰ ﻫﻮﺻﻠﻚ ﻋﻨﺪ ﺍﻟﻌﺮﺑﻴﻪ ﻭﺍﺑﻘﻰ ﺍﺭﻛﺒﻰ ﻋﺮﺑﻴﺘﻚ ﺑﻌﺪ ﺍﻣﺎ ﺍﻭﺻﻠﻚ


ﺷﻤﺲ : ﺷﻜﺮﺍ ﻣﺶ ﻫﻨﺴﻰ ﺧﺪﻣﺘﻚ ﻃﻮﻝ ﻋﻤﺮﻯ


ﺳﻴﻒ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ : ﺍﻟﻌﻔﻮ


ﺷﻤﺲ ﻭﻧﺠﻤﻪ ﺭﻛﺒﻮﺍ ﺍﻟﻌﺮﺑﻴﺔ ﻣﻊ ﺳﻴﻒ ﻭﺭﺍﺣﻮﺍ ﺇﻟﻰ ﺍﻟﻤﺮﻭﺭ ﻟﻴﺮﺟﻌﻮﺍ ﺑﻌﺮﺑﻴﺔ ﺷﻤﺲ ﻟﻠﭭﻴﻼ


••••••••••••


ﻧﺮﺟﻊ ﻧﺺ ﺳﺎﻋﻪ ﺑﺎﻟﺰﻣﻦ


ﻣﺮﺍﺩ ﺭﺍﺡ ﻟﻠﻤﺴﺘﺸﻔﻰ ﻋﻠﺸﺎﻥ ﻳﺘﺎﺑﻊ ﻣﻮﺍﻋﻴﺪ ﻛﺸﻒ ﻣﺠﺪﻯ ﺍﻟﻠﻰ ﻛﺎﻥ ﻣﺴﺘﻨﻴﺔ ﻋﻨﺪ ﺍﻟﺪﻛﺘﻮﺭ


ﺍﻟﺪﻛﺘﻮﺭ ﻛﺸﻒ ﻋﻠﻰ ﻣﺠﺪﻯ ﻭﺑﻌﺪ ﺍﻣﺎ ﺧﺮﺝ ﻣﻦ ﻏﺮﻓﻪ ﺍﻟﻜﺸﻒ ﻗﺎﻝ


ﺍﻟﺪﻛﺘﻮﺭ : ﻫﻮ ﺍﻟﻤﻔﺮﻭﺽ ﻳﻌﻤﻞ ﺍﻟﻌﻤﻠﻴﻪ ﻓﻰ ﺍﻗﺮﺏ ﻭﻗﺖ ﻭﻫﻴﺘﺤﺠﺰ ﻓﻰ ﺍﻟﻤﺴﺘﺸﻔﻰ


ﻣﺮﺍﺩ : ﺣﺎﻭﻟﺖ ﺍﻗﻨﻌﻪ ﻛﺘﻴﺮ ﺑﺲ ﻫﻮ ﻣﺶ ﺑﻴﺮﺿﻰ ﻭﺑﻴﻘﻮﻝ ﻟﻮﺭﺑﻨﺎ ﻛﺘﺒﻠﻰ ﺇﻧﻰ ﺍﻣﻮﺕ ﺩﻟﻮﻗﺘﻰ ﻣﻤﻜﻦ ﺍﻣﻮﺕ ﻣﺶ ﺍﻟﻌﻤﻠﻴﻪ ﺍﻟﻠﻰ ﻫﺘﻤﻨﻌﻨﻰ ﻣﻦ ﺣﺎﺟﻪ ﺭﺑﻨﺎ ﻛﺘﺒﻬﺎ


ﺍﻟﺪﻛﺘﻮﺭ : ﻃﻴﺐ ﺑﺲ ﺣﺎﻭﻝ ﻣﻌﺎﻩ ﺗﺎﻧﻰ ﻭﺛﺎﻟﺚ ﻭﺭﺍﺑﻊ ﻛﻤﺎﻥ


ﻣﺮﺍﺩ : ﺇﻥ ﺷﺎﺀ ﺍﻟﻠﻪ ﻭﺍﻗﻨﻌﻪ ﻣﻌﺎﻳﺎ ﻋﻠﺸﺎﻥ ﺍﻗﻨﻌﺘﻪ ﻛﺘﻴﺮ ﻭﻣﻔﻴﺶ ﻓﺎﻳﺪﻩ


ﺍﻟﺪﻛﺘﻮﺭ : ﺣﺎﺿﺮ ﻭﺍﺳﺘﺎﺫﻧﻚ ﻋﻠﺸﺎﻥ ﺍﻣﺸﻰ


ﻣﺮﺍﺩ : ﺍﺗﻔﻀﻞ


ﻣﺮﺍﺩ ﺩﺧﻞ ﻟﻼﻭﺿﺔ ﻭﻗﺎﻝ


ﻣﺮﺍﺩ : ﺍﻣﺎﻧﻪ ﻋﻠﻴﻚ ﻟﺘﻌﻤﻞ ﺍﻟﻌﻤﻠﻴﻪ


ﻣﺠﺪﻯ : ﺍﻟﻌﻤﻠﻴﻪ ﻣﺶ ﻫﺘﻨﻔﻊ ﻋﻠﺸﺎﻥ ﺍﻧﺎ ﺣﺎﺳﺲ ﺇﻧﻰ ﺭﺑﻨﺎ ﻫﻴﺄﺧﺬ ﺃﻣﺎﻧﺘﻪ ﻗﺮﻳﺐ،ﻓﻬﻄﻠﺐ ﻣﻨﻚ ﻃﻠﺐ ﻭﻳﺎﺭﻳﺖ ﺗﻨﻔﺬﻩ


ﻣﺮﺍﺩ ﺑﺼﻮﺕ ﺣﺰﻳﻦ : ﻟﻴﻪ ﺑﺘﻘﻮﻝ ﻛﺪﻩ ﻳﺎﺑﺎﺑﺎ ﺑﻌﺪ ﺍﻟﺸﺮ


ﻣﺠﺪﻯ : ﺩﺍ ﻣﺶ ﺷﺮ ﻭﺍﻓﺘﻜﺮ ﺍﻵﻳﻪ ﺩﻯ ﺩﺍﻳﻤﺎ } ﻗُﻞ ﻟَّﻦ ﻳُﺼِﻴﺒَﻨَﺂ ﺇِﻟَّﺎ ﻣَﺎ ﻛَﺘَﺐَ ﺍﻟﻠَّﻪُ ﻟَﻨَﺎ } ﻭ { ﻛﻞ ﻧﻔﺲ ﺫﺍﺋﻘﻪ ﺍﻟﻤﻮﺕ {


ﻣﺮﺍﺩ : ﻭﻧﻌﻢ ﺑﺎﻟﻠﻪ


ﻣﺠﺪﻯ : ﺍﻧﺎ ﻣﺶ ﻫﻘﺪﺭ ﺃﻛﺘﺮ ﻣﻦ ﻛﺪﻩ ﺍﻧﺎ ﻫﻄﻠﺐ ﻣﻨﻚ ﻛﺎﻡ ﻃﻠﺐ ﻭﻳﺎﺭﺏ ﺗﻌﻤﻠﻬﻢ


ﻣﺮﺍﺩ ﺑﺤﺰﻥ ﻭﻫﻮ ﺑﻴﺪﻣﻊ : ﻗﻮﻝ ﻳﺎﺑﺎﺑﺎ ﺑﺲ ﻟﻮ ﻣﺖ ﺍﻓﺘﻜﺮ ﺍﻧﺘﻮﺍ ﺳﻴﺒﺘﻮﻧﻰ ﻓﻰ ﻧﺺ ﺍﻟﻄﺮﻳﻖ ﻭﻣﺸﻴﺘﻮﺍ ﺍﻧﺎ ﺍﻩ ﻣﻦ ﻏﻴﺮﻛﻮﺍ ﻣﻠﻴﺶ ﺍﻯ ﻻﺯﻣﻪ ﺑﺲ ﺍﻧﺎ ﻫﺤﻘﻖ ﻭﺻﻴﺖ ﻣﺎﻣﺎ ﻣﻬﻤﺎ ﻛﺎﻥ ﺍﻟﺜﻤﻦ ﻭﺍﺗﻔﻀﻞ ﻱ ﺑﺎﺑﺎ ﻗﻮﻝ


ﻣﺠﺪﻯ ﻭﺗﺎﺛﺮ ﺑﺪﻣﻮﻉ ﻣﺮﺍﺩ : ﻳﺎ ﻣﺮﺍﺩ ﻳﺎ ﺣﺒﻴﺒﻰ ﺩﻯ ﺇﺭﺍﺩﻩ ﺭﺑﻨﺎ ﻓﻤﺘﺰﻋﻠﺶ ﻭﻣﺘﻌﺘﺮﺿﺶ ﻭﺍﻓﺘﻜﺮ ﺇﻧﻰ ﺯﻋﻼﻥ ﺃﻛﺘﺮ ﻣﻨﻚ ﻋﻠﻰ ﺇﻧﻰ ﻫﺴﻴﺒﻚ ﺇﻧﺖ ﺇﺑﻨﻰ ﺣﺒﻴﺒﻰ ﻭﺻﺤﺒﻰ ﺑﺲ ﺍﺳﻤﻊ ﺍﻟﻄﻠﺒﻴﻦ ﺍﻟﻠﻰ ﻫﻄﻠﺒﻬﻢ


ﻣﺮﺍﺩ ﻭﻫﻮ ﻳﺤﺒﺲ ﺍﻟﺪﻣﻮﻉ ﻓﻰ ﻋﻴﻨﻪ : ﺍﺗﻔﻀﻞ


ﻣﺠﺪﻯ : ﺍﺗﻘﻰ ﺭﺑﻨﺎ ﻳﺎ ﻣﺮﺍﺩ ﻭﻗﺮﺏ ﻣﻨﻪ } ﻭﻣﺎ ﺍﻟﺤﻴﺎﻩ ﺍﻟﺪﻧﻴﺎ ﺇﻻ ﻟﻌﺐ ﻭﻟﻬﻮ { ﺍﻟﺪﻧﻴﺎ ﺑﻨﺴﺒﻪ ﻟﻼﺧﺮﻩ ﻭﻻ ﺣﺎﺟﻪ ﻭﻣﺘﻈﻠﻤﺶ ﺣﺪ ﻭﺷﻮﻑ ﺑﻨﺖ ﺍﻟﺤﻼﻝ ﺍﻟﻠﻰ ﺗﺼﻮﻧﻚ ﻭﺍﻓﺘﻜﺮ ﺇﻧﻰ ﻣﻌﺎﻙ ﺍﻧﺎ ﻭﻣﺎﻣﺘﻚ ﻓﻰ ﻛﻞ ﺧﻄﻮﻩ ﺑﺘﻌﻤﻠﻬﺎ ﻭﺷﺎﻳﻔﻴﻨﻚ ﻭﻓﺮﺣﻨﻴﻦ ﺑﻴﻚ ﻭﻭﻋﻰ ﺳﻴﻒ ﻋﻠﻰ ﻛﻞ ﺍﻟﻠﻰ ﺑﻴﻌﻤﻠﻪ ﻫﻮ ﺍﺗﻈﻠﻢ ﻛﺘﻴﺮ ﻣﻦ ﺍﻣﻪ ﻭﻭﺻﻴﺖ ﻣﺎﻣﺘﻚ ﺍﻋﻤﻠﻬﺎ ﻭﻫﺘﻼﻗﻰ ﻭﺻﻴﺖ ﻣﺎﻣﺘﻚ ﻭﻭﺻﻴﺘﻰ ﻓﻰ ﺩﺭﺝ ﻣﻜﺘﺐ ﻭﺍﻓﺘﺢ ﺍﻟﻮﺻﻴﻪ ﺑﻌﺪ ﻣﺎ ﺃﻣﻮﺕ ﻋﻠﻄﻮﻝ ﻭﻓﻰ ﻧﺎﺱ ﻻﺯﻡ ﻳﺤﻀﺮﻭﺍ ﻣﻌﺎﻛﻮﺍ ﺍﻟﻮﺻﻴﻪ ﻭﺍﻓﺘﻜﺮ ﺍﻟﻜﻼﻡ ﺍﻟﻠﻰ ﻗﻠﺘﻬﻮﻟﻚ


ﻣﺠﺪﻯ ﻗﺎﻡ ﻳﺘﻮﺿﺄ ﻭﻳﺼﻠﻰ ﻭﻣﺤﺴﺶ ﺑﺎﻟﺘﻌﺐ ﻭﻫﻮ ﻳﺼﻠﻰ ﻓﻰ ﺃﻭﻝ ﺭﻛﻌﻪ ﻓﻰ ﺍﻟﻌﺼﺮ ﻛﺎﻥ ﺑﻴﺼﻠﻰ ﺑﺘﻘﻮﻯ ﻭﺧﺸﻮﻉ ﻭﻓﻰ ﺍﻟﺴﺠﻮﺩ ﺩﻋﻰ ﺩﻋﺎﺀ ﺑﻴﺪﻋﻴﻪ ﻋﻠﻄﻮﻝ ﺍﻥ ﺭﺑﻰ ﻳﻘﺒﺾ ﺭﻭﺣﻪ ﻭﻫﻮ ﺳﺎﺟﺪ ﺛﻢ ﻗﺎﻡ ﻋﻠﺸﺎﻥ ﻳﻜﻤﻞ ﺻﻼﺗﻪ ﻭﻛﺎﻥ ﻓﻰ ﺍﺧﺮ ﺭﻛﻌﻪ ﻃﻮﻝ ﻓﻰ ﺍﻟﺴﺠﻮﺩ


ﻣﺮﺍﺩ : ﺑﺎﺑﺎ ﺍﻳﻪ ﻳﺎﺑﺎﺑﺎ ﺍﻧﺖ ﺑﻘﺎﻟﻚ ﻋﺸﺮ ﺩﻗﺎﺋﻖ ﺳﺎﺟﺪ


ﻣﺮﺍﺩ ﻗﺎﻡ ﻭﺣﺮﻙ ﻣﺠﺪﻯ ﻭﻓﺠﺎﻩ ﻟﻘﺎﻩ ﻭﻗﻊ


ﻣﺮﺍﺩ ﺧﺮﺝ ﺑﺮﺓ ﺍﻷﻭﺿﻪ ﻭﺟﺮﺍ ﻟﻤﻜﺘﺐ ﺍﻟﺪﻛﺘﻮﺭ


ﺧﺒﻂ ﻋﻠﻰ ﺑﺎﺏ ﺍﻟﻤﻜﺘﺐ ﻭﺩﺧﻞ


ﺍﻟﺪﻛﺘﻮﺭ : ﻓﻰ ﺣﺎﺟﻪ ﻳﺎ ﻣﺮﺍﺩ


ﻣﺮﺍﺩ : ﺗﻌﺎﻟﻰ ﺑﺴﺮﻋﻪ ﺷﻮﻑ ﺑﺎﺑﺎ ﺣﺼﻠﻪ ﺣﺎﺟﻪ


ﺍﻟﺪﻛﺘﻮﺭ ﻛﺸﻒ ﻋﻠﻰ ﻣﺠﺪﻯ ﻭﻟﻤﺎ ﺧﺮﺝ ﺑﺮﻩ ﺍﻻﻭﺿﺔ ﺭﺍﺡ ﻟﻤﺮﺍﺩ ﻭﻗﺎﻝ


ﺍﻟﺪﻛﺘﻮﺭ ﺑﺄﺳﻒ :………


                           الفصل السابع من هنا 

تعليقات