رواية من انا
الفصل الحادي والثلاثون31
بقلم الاء الرحمن
في الصباح
فاقت الاء ولبست وهي مصممه انها هتروح الشغل لبست فستان اسود بحزام على الخسر وجزمة اسود وفردت شعرها ونزلت
كان قيس على طاولة الفطار هو ومسك
مسك شافتها نازلة وبنفسها :يا رب استر من القيامة الي هتقوم دلوقت
الاء نزلت بتصنع قوة متمكنة منه ولا مبالاة غريبة
صباح الاخيير
قيس بصلها بطرف عينيه وكمل اكل
مسك :صباح النوور يا حبيبتي ايه الجمال الي على الصبح ده
الاء :شكرا يا مسك جمال عينيكي
الاء وهي بتستنى ردة فعله على الي هتقوله :انا رايحة الشغل اشوفك المسا
وكانت هتمشي
قيس شبك ايديه وهو متابعها
مسك بتنتظر المدبحه الي هتحصل
قيس ببرود :استني عندك
الاء غمضت عينيها :اووف ربنا يستر
عايز ايه
قيس :انا هوصلك انا كده كده خارج
الاء ومسك 😳
مسك بغباء :يعني انت موافق
قيس طنشها ولبس نظارته وبصلها بطرف عينه :حصليني على العربية
الاء بفرحه :اعتبرني بقيت جواها وجريت قدامه
قيس ظهرت شبح ابتسامه على وشه من طفولتها الي هتجننه
قيس فتح العربية والاء ركبت بسرعة قبل ما يغير رائيه
قيس شغل ومشي والاء كل ده مصدومة
الاء :انت تعرف مكان الجريدة
قيس ببرود :لا
الاء :اماال هتوصلني ازاي
قيس :ومين قال اني هوصلك للجريدة
الاء بنفاذ صبر :امال هتوديني فين ما تجننيش
قيس :اشششش ما اسمعش صوتك على ما نوصل
الاء باستعباااط :ايوووه نوصل فين بقى وانا قولت والله قولت قيس يقبل يوديني الشغل بالسهولة دي لا ده اكيد وراه حوار قول قر في ايه عايز تعمل فيا ايه خد بالك ابنك في بطني لو عملتلي حاجه ابنك معايا
قيس وقف العربية فجأة
والاء اتخضت
قيس بغضب :اششش اش اش صووتك ورغيك مش عايز اسمعه ايه راديو اتفتح
الاء بطفولة :طب قولي هتاخدني فين
قيس ابتسم بتلقائة على جنانها
قيس :هاخدك الشركة عندي
الاء باستغراب :ليه
قيس :انتي صح عايزة تشتغلي وصدعتيني بالحوار ده انا هشغلك عندي وبنفس الوقت تبقي تحت عيني
الاء :قيس انا خريجة اعلام هشتغل ايه عندك
قيس :هتشتغلي في قسم الدعاية والاعلان عندنا موضوع مش بعيد عن تخصصك ومجالك
الاء اتنهدت :ولو قلت لا
قيس بلا مبالاة :اقولك اريح لدماغي وترجعي البيت ومفيش شغل اصلا
الاء :طب ليه ما اشتغلش في الجريدة مع ضحى
قيس بشك :متمسكة بالجريدة على شان ضحى ولا على شان حد تاني
الاء بغضب :قصدك ايه
قيس :الي فهمتيه وشغل ومشي
.......................................................
رانيا :انجزي عايزه ايه
جمانه :عايزة قيس يرجع ليه ويفضل متمسك فيا زي زمان
رانيا :انا ومالك دلوقت بعيدين قوي عن قيس وما بيطيقش يسمع سيرتنا خاصة يعد ما بيعنا الفيلا والحوار الي سمعتي فيه اكيد
جمانه :قيس طيب واوقات بيبقى اهبل فبكلمتين ودمعتين مالك يقدر يكسبه من جديد بس هو يحاول اكتر من مره
رانيا :احنا لازم نلاقي نقطة ضعف ليه ونضغط عليه فيها
جمانه :مفيش غير نقطه وحده هي دي الي قيس يخاف انها تتشهر ويتفضح فيها
رانيا بفضول :ايه هيه ايه الي نقدر نضغط قيس بسببه
جمانه بتردد:لكن انا....
رانيا :ما تخافيش في بير لكن قولي قيس مخبي ايه
جمانه :هقولك بس توعديني ما نكشف عن الموضوع ده غير في وقته
رانيا :قولي بسررعه
جمانه ...........................................
رانيا 😳:بتهزري مستحيل ازاي
جمانه :اه والله ده الي حصل وانا كنت على كل حاجه معاه
رانيا شردت وتفكيرة كله بالاتجاه التاني
جمانه :رحتي فين رانيا رانيا
رانيا :هاه بتقولي حاجه
جمانه :اوعي دماغك تروح بعيد
رانيا :دي مااغي هتروح وتسافر كمان
جمانه :هههههههههههههه
رانيا :,جمانه انتي بتحبي قيس بجد
جمانه :بحبه لكن بحب شهرته اكتر بحب نفسي وانا جنبه
رانيا :طب عايز اسألك قيس عمره يعني عمره قرب منك يعني عمره حصل بينكم حاجة
جمانه 😏:لا اصله كان عنده مبادئ
رانيا :ههههههههه قولتيلي مبادئ
.....................................................
عند ضحى
كان تفكيرها وعقلها شاغله عماد بطريقة مش طبيعية
والدتها :يا بنتي انتي شاردة فين على الصبح كده بقالي ساعة بندهلك
ضحى :مفيش يا ماما امال بابا فين
والدتها :راح الشغل بقلك ايه في واحد صاحب باباكي طلبك لابنه
ضحى اتأففت :بعدين مع الحوار ده يا ماما ما قولتلك مش عايزه اتجوز دلوقت
والدتها بحنية :يا بنتي كده ولا كده اخرتك لبيت جوزك والشب كويس واخلاقه كويسه فين الغلط لو شوفتيه واتكلمتي معااه
ضحى بدموع :مش عايزة يا ماما
والدتها مسحت دموعها :في حد في حياتك
ضحى اتكسفت
والدتها :اعتبريني وحده صاحبتك مش مامتك واتكلمي واحكيلي
ضحى بتردد:مش عارفه يا ماما
والدتها :مش عارفه ايه
ضحى :مش عارفه هو حب ولا اعجاب ولا انبهار
والدتها :شوفتيه فين
ضحى :اول مره شفته لما كنت بشتغل بره البلد ولما جيت مصر شفته عند الاء
والدتها :وهي الاء تعرفه
ضحى بدموع :هو نفسه الشب الي كان بيحبها وهي مش طايقاه هو نفسه يبقى صاحب جوزها
والدتها فهمت الحالة الي هي فيها
والدتها :وانتي خايفة لو قربتي منه الاء
ضحى مسحت دموعها :ما تكمليش يا ماما :انا متأكده من مشاعر الاء وانها عمرها ما حبته ولا هتحبه لكن انا عارفه انه لو حصل ايه مشاعره هو هتفضل ليها انتي ما تعرفيش هو حبها ازاي هو بيحبها لدرجة انه مستعد يتخلى عنها على شان تفضل مبسوطة مع غيره
والدتها :واناي ليه تسمحي لمشاعرك تروح في حته غلط ومفيش منها امل
ضحى بدموع :ما اقدرتش يا ماما ما قدرتش ما احبوش هو كل حاجة في كويسة بيحب الغير وبيخاف على صحابه اكتر من روحه انا حبيت حبه الغير مشروط لصاحبتي انا حاسة نفسي خاينة لكن مشاعري مش في ايدي
والدتها :سيبيها على ربنا وربنا هيهدي سرك يا بناي اهم حاجة نعرف نتحكم في مشاعرنا يا ضحى فاهماني
ضحى مسحت دموعها وحضنت والدتها :انا بحبك قووي يا ماما
والدتها :وانا يا حبيبتي انا ليه مين غيرك
...........................................
عند قيس
وصل وركن عربيته نزلت الاء وكانت هتدخل للشركة مع قيس لقته فجاءة مسك ايدها ومشي معاها وهي مستغربة وبتبصله بصدمة
وهو ما اداش اي اهتمام لصدمتها
وصل مكتبه تحت نظرات الي بالشركة مستغربين مين دي الي ماسكها بتملك كده وكان هيدخل مكتبه لما شاف عماد خارج من المكتب
عماد بصلهم ببرود طاغي على ملامحه وبص على ايديهم المشبوكة ببعض
قيس اتنهد :صباح الخير يا عماد
عماد بجمود :صباح النور ازيك يا مدام الاء
الاء بابتسامة اخوية :الحمدلله ازيك انت يا عماد
عماد:انا تمام
قيس وهو داخل وبيشد على ايد الاء :عماد شوية وحصلني عالمكتب عايزك
قيس دخل وقفل الباب
الاء :ااه ايدي يا قيس
قيس ساب ايدها وحاول يهدأ
قيس بنفسه :انا غبي جايبها هنا تفضل قدام وشه الاربعه وعشرين ساعة
قيس قعد على مكتبه :اقعدي واقفه ليه
الاء باستغراب :هو في ايه
قيس ببرود :عماد
الاء :ماله
قيس :انتي مراتي دلوقت وعلى ذمتي والي يمسني يمسك يعني تعاملك مع عماد يبقى بحذر قوي انتي عارفه وشد على ايده بغضب
انتي عارفه هو بيحبك ازاي وعمل ايه على شان تكوني ليه والمصيبة اني انا جوزك كنت شاهد على حبه ووصفه ليكي في كل وقت بغض النظر الشعور متبادل او لا
عماد لازم ينساكي
الاء :طيب وانا مالي بكل الي قولته ده انا قولتلك قبل كده لو انت او غيرك الي في حياتي عماد اخويا وهيفضل كده
قيس :وانا عايزك تبينيله ده انه اخ وبس
هنا خبط عماد ودخل
عماد :في ايه يا قيس
قيس :علاء فين
عماد :نايم عندي في البيت كان
قيس :,عارف هو دلوقت فين
عماد باستغراب :ليه في ايه اوعى تقولي هتتخانقوا من تاني كفاية
قيس رجع بظهره لورا :عايزة يكتب كتابه على مسك