رواية من تكوني
الفصل السابع عشر17
بقلم ديجا
هند و هانى بدؤا يقربوا من بعض وهانى عرف أنه مكنش بيحب جويرية
كان مجرد إعجاب مش أكتر عرف يعنى ايه حب لما
قرب من هند وعرف قد ايه هى جميله من جوة قبل بره وبدؤا يختاروا شقتهم عشان يفرشوها
سهيله ظهرت عالشاطئ كأنها صدفه يعني
مازن:إنتى ايه جابك هنا مش هتبطلى تطردي أسر خلاص اتجوز وبيحب مراته أوى على فكره
سهيله بدموع :على فكرة مكنتش اعرف أنكم هنا وبعدين أنا جايه هنا بدور على شغل ولا بطارد أسر ولا غيره
مازن :هحاول أصدقك بس لو لقيتك قريبه منه ما تزعليش منى يا سهيله هانم
أسر جه ليهم :خير فى أيه يا مازن مالك يا سهيله بتعيطى ليه
مازن :ابدا يا أسر أنا بس كنت....
سهيله :بيهددنى مفكر انى بجرى وراك وكل الحكايه انا كنت جايه في شغل ومتوفقتش فيه قولت اقضى اليوم وأرجع بالنهار
مازن :والله والمفروض نصدق الفيلم العربي ده كنتى جايه تشتغلى مع مين
سهيله بنفس الدموع المزيفه:واحده صحبتى صاحب جوزها مدير الفندق ده وكانوا طالبين حد في الريسبشن معاه لغات بس على ما وصلت كانوا عينوا حد أنا ماليش صحاب غيركم وبعد اللي بابا عمله مش هقدر اوريكم وشى
أسر :خلاص اهدي يا سهيله ارجعى القاهرة وأنا هشوفلك شغل هناك عشان تبقي جنب أهلك
جويرية كانت واقفه صعبت عليها :احمم أنا هكلم ماما وخالو ونحاول نصفى النفوس بينهم وإن شاء الله خير
سهيله حضنتها وابتسمت بخبث :شكرا يا جورى تسمحيلى اقلك يا جورى
جويرية :اكيد طبعا يا حبيبتي تعالي يلا اقعدي معانا
مازن نفخ بضيق ومشى ناحيه أهله
رشدي :ايه يا بنى فى ايه واخوك وجورى فين
مازن حكى اللي حصل ليهم :انا مش مرتاح للاسمها سهيلة من ساعه لما راحت الاوضه لأسر وهى لابسه هدوم نوم
جميله :خلاص يا بنى ربنا يسترها على بناتنا ومينفعش نسيبها لوحدها كده مهما كان اللى عمله ابوها هى ملهاش ذنب وبعدين ده كان طيش شباب المسامح كريم
مازن :حتى إنتى يا عمتو عالعموم براحتكم أنا حذرتكم وإنتوا ليكم حريه الرأى انا كده كده مسافر أكمل دراستى
إبتهال :اقعد بقى خلينا نتعشى سوا ونطلع نرتاح عشان نشوف الشروق مع بعض متبوظش اليوم
مازن :حاضر يا ماما
سهيله جت عليهم مع جويرية وأسر :أنا آسفه يا جماعه أسر وجويريه أصروا عليا
رشدي :اقعدي يا بنتى محصلش حاجه
جميله :ارتاحي يا حبيبتي زى ما عمك قالك محصلش حاجه
اتعشوا مع بعض في وسط جو مليان بالسعادة
هنا :ممكن يا مازن تخدنى تمشينى شويه
مازن :ماشي يا قلب اخوكي يلا احمم تيجى معانا يا جنه انتى ويوسف وجاسر
يوسف:ماشى يا بوب أنا جاى
جاسر :وانا تمام
جنه :وأنا كمان جايه طبعا
أسر ماسك إيد جويرية :إحنا هنطلع نرتاح شويه ونتقابل هنا قبل وقت الشروق
مازن :ليه ما تيجوا تتمشوا معانا
يوسف:ايوه صحيح ما تيجى معانا يا جوري
أسر :خليك في حالك يا اخ انت شوف انت رايح فين
نرمين بضحك :يوسف ليه فيها أكتر منك على فكره
جميله :اه فعلا هى كانت بتيجي من عندك
إبتهال :ربنا يخليكوا لبعض.. صحيح يا أسر ما تروح معاهم طب إحنا عضمه كبيره انتوا لسه شباب
رشدي :مين اللي عضمه كبيره أنا اصبى من ولادك على فكرة
الكل ضحك على كلام رشدي وسهيله قاعده محدش قال لها تيجي معاهم ولاحد بيوجه ليها كلام
سهيله :عن إذنكم أنا هطلع ارتاح
إبتهال :ما تخرجى معاهم تتمشوا سوا
سهيله :لأ يا طنط أنا بجد تعبانة من السفر وهطلع ارتاح تصبحوا على خير
الكل وانتى بخير
هنا :يا ستار يا رب لازقه لو كانت جت كنت طلعت نمت
إبتهال :عيب كده يا هنا
رشدي :يلا يا ولاد اخرجوا عشان ماتتأخروش وتلحقوا تريحوا شويه
رشدي خد إبتهال وطلعوا اوضتهم ونرمين وجميله
أسر ل جويرية :تحبى تروحى فين
جويرية :أنت مش كنت عايز ترتاح
أسر :لأ أنا قولت كده عشان نخرج أنا وانتى لوحدنا من غير عزول يا حبيبتي
جويرية بضحكه :طب وليه مخرجناش معاهم يعنى
أسر :عشان يفضل سى يوسف لازقلك ومعرفش اتلم عليكي
جويرية :ده على اساس انك مخلى حد يقربلى المهم هتودينى فين انا معرفش حاجه هنا
أسر :امممم سبيلي نفسك خالص يلا بينا
خرجوا وفضلوا يتصورو كتير وهما راجعين اتقابلوا مع يوسف ومازن وجاسر وهنا وجنه
يوسف :الله الله ما نمتوش يعنى وخرجتم من غيرنا طب قول انك كنت بتوزعنا وبتستفرد بيها
أسر :إيه يا اخى الرذاله دى واحد ومراته وفى شهر العسل عايزين نشم نفسنا
الكل ضحك عليهم
جاسر :بطلوا تنقروا فى بعض.. تعالوا ناكل آيس كريم
البنات :هيه يلا بقى ورجعوا قعدوا عالبحر والوقت سرقهم والفجر أذن عليهم وطلعوا اوضهم صلوا ورجعوا قعدوا عالبحر عشان يشوفوا الشروق وفطروا سوا وطلعوا ناموا
قضوا يومين فى سعادة وسهيله بتنضم ليهم من وقت للتانى وخلاص قرروا يرجعوا القاهرة
============= بقلمي /ديجا 💕💕💕💕
ف المصنع الكل منتظر حضور جويرية وأسر عشان يبارك لهم
حسين :تعالوا يا ولاد الموظفين عايزين يباركوا ليكم
أسر :حاضر يا عم حسين اتفضل أحنا جاين وراك
دخلوا والموظفين باركلهم وهند وهيام لمياء خدوها بالحضن
وكانوا فرحانين بيها وقعدوا يتكلموا مع بعض كتير
وعدى اسبوع وسهيله جت استلمت الشغل فالمصنع معاهم
وجويريه صلحت جميله ورشدى على شريف
رشدي طلع ميراث جميله كتب لها نصيبها فالفيلا والمصنع وهى وكلت جويرية بأداره نصيبها وبكده بقت جويرية مع أسر فالبيت والشغل وسهيله بتتقرب منها
سهيله :جورى أنا قررت اتحجب ممكن تيجي معايا نشترى لبس محجابات
جويرية بفرحه :الف مبروك يا حبيبتي اكيد طبعا نخلص شغل ونروح مع بعض ان شاء الله
سهيله :طيب شوفي أسر كده ليضايق
جويرية :وأسر هيضايق ليه
سهيله :أصل يعني حاسه انهم مش بيحبونى
جويرية بابتسامة :لا ابدا ما فيش حاجه من دى انتى اختنا يا سهيله يلا نخلص شغلنا ونروح نتغدا سوا ونشتري كل اللي هتحتاجيه
سهيله حضنتها :تسلميلي يا حبيبتي.. هخلص واعدى عليكي
شويه وجه أسر لمكتبها :حبيبتي بتعمل ايه
جويرية :اممممم الاستاذ سايب شغله وجاي ليه
أسر :وحشتيني جيت املى عيوني منك أنا حجزت فى مطعم...... عشان نتغدا مع بعض
جويرية :طب مقولتش من بدري ليه؟؟؟
أسر باستغراب :ليه يا قلبي ما أنا بقولك اهو.. فى حاجه
جويرية :ابدا أصل سهيله جاتلي وعايزة تتحجب وعايزانى اشتري معاها اللبس وكده
أسر :يعنى إيه بقى الكلام ده
جويرية :أصل هى يا حبيبي قالتلى أسألك وانا قولتلها انك اكيد مش هتمانع وكمان هى حسه انكم مش بتحبوها ممكن تفكر أنك منعتنى اروح معاها وكده فاهمنى
أسر :يعني خايفه تزعلى سهيله وعادي تزعلينى
جويرية قامت حضنته وباست خده :والله مقدر ازعل حبيبي ونور عيني.. طيب إيه رأيك نروح مع بعض نتغدا وتشترى حاجاتها وبعدين نقعد انا وانت فى مكان مع بعض ها
أسر بتفكير: امممم بس هكون زعلان برضو وهتحتاج تصالحينى.. وغمزلها بعنيه
جويرية بضحك:قليل الأدب على فكرة
أسر :بقى كده طب إيه رأيك هتصالحينى دلوقتي وحضنها من وسطها ولسه بيقرب منها.. الباب اتفتح وكانت سهيله
سهيله :احمم أنا آسفه والله معرف أنك هنا
أسر وهو لسه حاضن جويرية :ولا يهمك يا سهيله اعذريني بقى عريس اعملى حسابك أنا جاي معاكم
سهيله وشها أحمر بس من الغيظ مش الكسوف :اكيد طبعا عن إذنكم وده الورق اللي عايز امضتك
جويرية :تمام يا حبيبتي سيبيه... ينفع كده كسفتها افرض كان حد تاني اللى دخل
أسر :وايه يعني يا حبيبتي محدش ليه عندي حاجه
جويرية :طيب يلا نخلص شغلنا عشان نمشي
أسر :اوامرك يا حبيبتي
اليوم عدى وسهيله لبست الحجاب وبتتقرب من أسر وجويريه ومع الوقت بقت سكرتيره أسر ومر شهر ومازن سافر عشان الدراسه وكان اتعلق بجنه وجنه اتعلقت بيه وكلم باباه عنها واتفق معاه انهم ياخدوا فرصه يقربوا من بعض ولو اتفقوا هيتجوزها و هياخدها يكملوا دراسه مع بعض
أسر كان عنده اجتماع مع شركه اكسسوار بينفذ لهم موديلات وهيتأخر وجويريه كانت حابه تروح
أسر :قولتك اعلمك سواقه مبتسمعيش الكلام
جويرية :وهتعلم سواقه ليه أحنا مع بعض طول الوقت أنا هطلب أوبر وأروح وانت خلص وحصلنى عشان بجد مش قادره واوعى تتأخر مش هاكل إلا معاك
أسر :حاضر يا قلبي وكلمينى أول ما تروحي
جويرية :اكيد طبعا
سهيله :أسر الاجتماع بدأ والناس كلها فى انتظارك
جويرية :طيب يلا روح لشغلك وأنا همشى باى يا حبيبي
روحت جويرية البيت الكل متجمع
يوسف:جورى جايه لوحدها يا للهول
جويرية :بتعمل ايه عندنا يا ظريف ونرمو معاك
يوسف :اه معايا جوه مع طنط جميله طنط إبتهال.. انا جاى اسلم عليكم عشان السفر بكره بالليل ان شاء الله وهاخد ماما معايا
جويرية حست بقبضه فى قلبها لما سمعت كلام يوسف:خليكم هنا ليه تسافر وتتغرب انت وعمتو أنا مش بقدر اعيش من غيركم
يوسف حضنها :والله يا حبيبتي هى فرصه كويسه أوى وأنا مش عايز اضيعها وبعدين أنا مش هستقر هما سنتين تلاته كبيرهم وهرجع
نرمين :الله الله حاضنها عشان أسر مش هنا
جويرية جريت عليها وبعياط :إنتى ازاى توافقيه على قراره ده وكمان هتروحى معاه
نرمين :خلاص بقى بلاش عياط أنا لسه مسكته أمك وحماتك بالعافيه هما السنتين اللي قال عليهم وان شاء الله نتجمع على خير والنت يا حبيبتي قرب البعيد هكلمك كل يوم مرتين تلاته كأنى معاكي
فضلوا قاعدين مع بعض وكل ده أسر لسه مجاش
وجويريه بترن عليه تليفونه مغلق وهى طلعت اوضتها ترتاح وتستناه
نامت من كتر الانتظار على الكرسي وجه أسر فالوقت ده لقاها