رواية نوارة الزين
الفصل التاسع عشر19
بقلم بسمه اشرف
سحر بغضب : اتجنيت يابت ابوي .
هبه : ليه عشان خدت حجي يبجى اتجنيت .
سحر بذعر : زين لو عرف
هيطربجها فوج راسنا .
هبه بحقد : مش هيعرف انا بس اتكلمت مع كام بت وهما جاموا بالواجب مخبراش فرحتي وعين اللى اسمها ملك دي
مكسوره ولا لما اهل نواره يعرفوا اكيد هيطلجوها والجو يخلالي .
سحر : كيف فكرتي في دا كله من غير متجوليلي .
هبه : يلا ننزل ياسحر عشان ميشكوش في حاچة .
سحر بخبث : يلا يانن عين اختك ربنا يستر .
-------------------------------
ربيع : علي كيفك مبنشوفكش خالص غير وجت لم الزرعة .
علي : مشاغل يابوي مصطفى لو عليه يحبسني في المكتب ميدخلنيش .
ربيع بضحك : ابوك طيب واحسن واحد في جيله الباجي الله يعينا عليهم .
علي : يلا خير .
ربيع بحزن : مش لو وافجت كنت نسيبي دلوجتي .
علي بملل : بكفياك ياربيع نواره بجت مع راجل اللى بتجوله دا عيب مش من الاصول تتكلم كده انا ساكت عشان انت صاحبي .
ربيع : راجل صوح بأماره اللى حوصل .
علي بإستغراب : ايه اللى حوصل ؟
ربيع بإستغراب : ماخبيرش عاد ؟
اومأ بالرفض لينتهز الاخر الفرصة .
ربيع بخبث : البلد كلها بتتكلم على عز بيجولوا انو خطف ملك اخت زين و...ومرته اللى هى اختك ..
قاطعة الاخر بغضب يمسكه من تلابيب قميصة .
علي بغضب جحيمي : بتجول ايه كداب .
ربيع بخوف : والله مابكدب البلد كلها ملهاش سيره غير الموضوع ده حتى بيجولوا ان ... يعن.....
علي : انطج .
ربيع بإرتباك : بيجولوا انوا ... انوا نام معاهم او الاصح اغتص.....
قاطعة اصتدامه بالارض الصلبه تألم من رد فعل الاخر رفع نظره ليذعر من منظر الماثل امامه وجهه الذي احمر من شده الغضب صدره يعلو ويهبط الشاطين تتراقص امام عينيه .
-------------------------------
حازم : هتعمل ايه بجالنا اكتر من ساعتين جاعدين مبنعملش حاجة اديني بس الاذن واولع في البلد كلها .
زين بهدوء : روح المحجر في شغل كتير ورانا .
حازم بعصبيه : بطل العاده دي ابجى بكلمك وتغير الموضوع محروج المحجر على اللى فيه ا...
رفع نظره لتتلاقه عينهم ينظر له بحده نظره ارعبت اوصاله ليتنهد بضيق خارج من المكتب بغضب خطواته تدب على الارض بغل وما هى اللى ثواني حتى دلفت هبه وهى تحمل فنجان من القهوة وقفت تتأمل هذا الماثل امامها كتله رجوله رأسه يسندها على المقعد مغمض العينين تبا كل شئ به يثيرها شعره البني الفاحم لونه البرونزي الذي يزيده جمالا ورجوله انفه شفتيه واضع يده على حافة المكتب اصابعه تطرق عليه بهدوء اعتقدت انه لا يشعر بها بدا لها انه غارق بتفكيره .
زين ببرود : هبه .
فزعت من مكانها يعلم انها هنا من البدايه .
هبه بإرتباك حاولت تداركه لتتحدث بغنج : لجيتك مخنوج جولت اعملك جهوة تستاهل خشمك .
اعتدل في جالسته يطالعها بهدوء اربكها لتهندم وقفتها وتتجه نحوه بغنج لتثيره غبيه حقا وقفت بجانبه وانحنت واضعه الفنجان امامه متعمده اظهار مفاتنها .
هبه : مش عارفه الطرحه بتجع ليه ؟
قربت وجهها منه .
هبه بهمس : يارب تعجبك .
نواره بغضب : اكيد هتعجبه مش انت اللى عملتيها .
رفع نظره لتقع عينيه عليها يكاد ان يشتم رائحت الحريق ابتعدت عنه بهدوء لتنظر لنواره نظره ذات معنى وكأنها تقول لها انا القادمه لتقف نواره امامها بقوة عكس ما بداخلها من جحيم ابتسمت لتتخطاها وتتجه للجالس بهدوء مابعده هدوء لتكون جريئه لاول مره بحياتها وبهذا الشكل تقدمت منه وجلست على قدميه وكم راقت له غيرتها .
نواره : شكرا ياهبه لما زين يحتاچ حاچة هيطلبها مني .
لتلتفت له وتنظر له بغنج وبنبره راقت له .
نواره : مش كدا ياوزتي .
اومأ زين بإبتسامة جانبيه ساخرة .
نواره : اه مش جولتلك .
اراحت رأسها لتضعها على صدره تلعب بأزرار قميصة.
نواره : زين دايخه جوي ونفسي في موز .
احاط خصرها بيده مقربا ايها اكثر لتخجل من حركته.
زين بسخرية : موز .... امرك يجي .
رفع نظره لهبه المصدومة تكاد تقتلها بنظراتها .
زين بحده : اجفلي الباب وراكي ياهبه .
اومأت له بغل لتخرج وهى تتوعد لنواره انحنى ليهمس لها .
زين : كياده .
نواره بغضب: دا لبس تتحرك بيه في بيت مليان رجاله وبعدين ليه تجبلك جهوة هى مالها انت جوزي انا .
زين بخبث : احب التملك .
نواره بخجل : مش حكاية تملك بس مينفعش تعمل كده عيب .
زين : كنت جاية ليه ؟
نواره بإرتباك : زين ليه اتغيرت كده ؟
زين : اتغيرت كيف ؟
نواره بحزن : بتتهرب مني تخرج طول النهار وبليل تنام حتى لما بتشوفني مبتكلمنيش .
زين بلوم : نواره انا جولتلك اني بحبك بس انتي رفضتيني جرحتي رجولتي .
نواره بدموع : والله مكنش جصدي انا بس خوفت .
زين : ليه خوفتي مني نواره انا عايز نبجى متچوزين بچد انا رايدك ربنا وحده اللى يعلم انتي بجيتي ليا ايه .
نواره : طب ممكن تديني وجت اهئ نفسي بس لخر الشهر ماشي .
زين بإبتسامه حنونه : ليكي العمر كله .
ابتسمت نواره بحب ليتأملى بعضهم البعض ليقطعهم صوت مرتفع بالخارج ليستوى على قدميهم ويخرجا .
نواره بصدمة : علي ؟!
هرول اليها يكور وجهها بين يدين .
علي بقلق : انتي زينه حد مسك الغجري جرب منك ؟
نواره بإرتباك : انا بخير خبارك ايه عاد ياعلي مين جالك ان حد مسني انا اه و...
علي بغضب : البلد كلها بتجول كده متكدبيش باين مجولتيش ليه ؟
كريمة : ياولدي محصلش حاجة من اللى بيتجال .
علي : خيتي هتيجي معايا و....
زين ببرود : مرتي مش هتتحرك من بيتي .
علي : كيف ده هتمنعني اخد خيتي ؟
زين : خيتك مرتي ياواد الاصول مكانها مكاني .
علي بسخرية : مرتك اللى معرفتش تحميها بسببك وسبب عداوتك مع عز حوصل كل ده .
نواره : علي انا بخير والله وهاا واجفه مفيش شي عفش .
وقف امام زين شياطين العالم تترقص امام عينيه لكمه على صدره بغضب .
علي : طالما انت مش جادر تحميها اتجوزتها ليه طالما انت مش راجل .
انهى كلامه بصوت مرتفع لتمسك نواره يد زين الذي ادمى شفتيه من الضغط عليها لينظر لها طالعته بخوف وترجي اومأ لها بغضب .
زين : ضيفتيه ياحجة ؟
كريمة : لا ياولدي .
زين بسخرية : كيف عاد الضيف ليه واجبه حتى لو مش مجبول .
علي بإستغراب : انت مخبول كنت لازم اجف لبوي لما غصبها على الجوازة بس ملحوجة نواره هتيجي معاي وورجتها توصلها .
صك اسنانه ليتحكم في غضبه .
زين في نفسه : متجتلوش متجتلوش عشان نواره اهدى .
زين : شكل علي هيمشي خفيف ياحجة مع انها عيبه في حجنا .
علي : اطلعي لمي خلجاتك وانا مستني برا .
نواره بدموع : علي .
علي : تمام مش مهم خلجاتك نچيبها بعدين يلا .
امسك يدها ليهم بالخروج لتوقفه قبضه زين على معصمه .
زين بنبره مرعبه ونظره شيطانيه جحيميه : خاف على عمرك ياود مصطفى .
علي بتحدي : خيتي هى عمري .
مصطفى بغضب : علي .
التفتوا للصوت واقف امام الباب بغضب يشدد من قبضته على عكازه الخشبي .
مصطفى : سيب يدها .
علي بصدمة : ابوي !
مصطفى بقوة : اسف يازين هو خايف على اخته امسحها فيا .
اعتدل زين في وقفته يطالع الاخر بهدوء وامسك برسغها ليجعلها بجواره .
زين : حاشا لله ياحج انتوا على راسي وعلي اخوي .
علي بغضب : كيف عاد يابوي نواره اتخطفت و....
مصطفى بحده : حسك يوطى نواره مع چوزها .
توجه ناحيته بضعف وقلبه يؤلمه وعند وقوفه امامه شعر بصفعه على وجنتيه .
نواره بصدمة وصريخ : ابوي !
اتجهت نحوه لتمسك يد اخيها وتتحسس وجنته وهو لم يبعد عينيه عن عينه اول مره والده يضربه .
نواره ببكاء : علي .
انحنى ليطبع قبله على جبينها .
علي بحزن : انتي خابره اني خايف عليكي .
اومأت له بدموع .
علي بإبتسامه : مكبرتش حد وچيت بيوت الناس وصوتي علي جليل الربايه انا صوح .
اومأت بالرفض تنظر له بإستغراب .
علي : لو چرلك حاچه كلميني انا همشي .
خرج تاركها في حيره لتنظر لوالدها بلوم وتتركه وتصعد غرفتها .
كريمة : ليه عملت كده ياحج ؟
مصطفى : ابني غلط خالي بالك من نوران يازين .
زين : في عيني .
-------------------------------
ليلى بتعب : علي فهمني ليه بتلم خلجاتنا هنروح فين عاد ؟
علي : ليلى مش فايجلك لمي كل حاجة تغصنى هننجل في شجه جديده.
ليلى بصدمة : هنفوت البيت ؟!
علي : ايوه ياليلى انا هنزل تحت خلصي شوي واجي عشان نمشي .
ليلى : اجف وكلمني يعني ايه هنفوت البيت ليه وب....
علي بعصبية : ليلى ما راج للحديد نفذي من سكات .
انهى كلامه ليخرج غالق الباب خلفة بقوة ليصدر صوت مرتفع لتفزع من مكانها .
--------------------------------
مصطفى : علي هنيه ؟
سعاد : نزل من ساعة تجريبا كان بيخانج مع مرته صوتهم كان عالي .
ليلى : عمي هو حوصل ايه ؟
مصطفى : مفيش حاجة علي فينه ؟
ليلى بدموع : رچع متعصب وجالي الم الخلجات عشان هننجل في شجه چديده .
سعاد بصدمة : شجه ايه مصطفى ايه الكلام ده عاد علي مش هيفوت البيت .
علي : لا همشي جهزتي الشنط ياليلى .
مصطفى : علي عايزك في المكتب .
دلف كل من مصطفى يتبعة علي .
مصطفى : هترحل ؟
علي : هبعد شوي .
مصطفى بعتاب : وتفوتني ياعلي تفتكر العمر فيه بجيه عشان تفوتني .
علي بخوف : بعيد الشر ربنا .
مصطفى : ربنا يديك طولت العمر ياولدي بس مش عايز اعيش الباجيه من عمري من غير صاحبي .
علي بإستغراب : صاحبك !
مصطفى : انت صاحبي ياعلي مع انك اصغر اخواتك اللى اني برتاح معاك سري معاك انت مش مع صابر ولاسالم مش عشان بستخونهم لا بس انا برتاح معاك .
علي بكسره : اول مره تمد يدك علي .
مصطفى : كان لازم اديك الكف ده عشان توعى على حالك .
علي : كنت خابر باللى حوصل لنواره ؟
مصطفى : زين حكالي لما كان عزمنى .
علي بسخرية : والمطلوب مني ؟
مصطفى : رچع خلجاتك الدولاب .
علي بحزن : تعرف حسيت بإيه لما اديتني كف كن الدنيا وجفت روحي اتسحبت مني انت متعرفش مكانتك عندي ربنا وحده يعلم بدعي بإيه كل ماراسي تلمس الارض بدعي ان معادي يبجى جبل معادك بس انت كسرتني وجتلتني لما ضربتني جدامهم .
انهى كلامه بدمعه فرت هاربه من عينيه اقترب منه مصطفى ليضع كفه على وجنته .
مصطفى : حجك عليا سامحني اعتبرني كبرت وخرفت .
علي : معاش ولا كان اللى يجول كده .
مصطفى : المسامح كريم ياود سعاد هااا .
علي : اللى تأمر بيه يا...يابوي .
مصطفى : هو ده سندي عكازي في الحياة .
علي بمزاح : طب هطلع اصالح المرحومه .
مصطفى بضحك : اخ ياض خاليك كيف ابوك سبع .
علي : وه اتشكك في اياك دا انا سبع السباع .
مصطفى : مشايفش .
علي : عد الچثث بت ياليلى .
--------------------------------
مر شهرين على هذه الاحداث تلتها احداث اكثر ملك كل يوم حالتها النفسيه تسوء رغم ان زين قطع السنة كل من تحدث عنها من يهون عليها هو حبيبها يأتي اليها يوميا باليل يتشاجرى وكم احبت لغه التملك التى يتحدث بها لم تكذب احبتها وكرهتها ايضا اما نواره كانت تذهب لمنزل والدها اخيها المختل رافض ان تتاب عند طبيب رجل اقنعته انها طبيبه اطفال لكن دون جدوى عند معرفته بخبر حملها جن تمام اما عن حبيبها حقا هى تأكدت من حبها له بل عشقها قررت ان تعترف له وتتمم زواجها منه حقا كل شئ سوف يكون بخير لولا ذاك الوقح الذي يلاحقها في كل مكان ولا هذه الافعى واختها .
--------------------------------
حازم : انا هتجوز ملك .
لف يديه حول عنقه بغضب .
زين بنبره تخافها الشياطين : فاكر خيتي بجت بايره بت حسن علام الف من يتمناها .
حازم بغصت ألم : وانا مستهلهاش انت عارف اني رايدها صح .
ابعده زين بنفور واولاه ظهره ليتحكم في غضبه .
حازم بحزن : زين انا بحب ملك غصب عني لجيت جلبي بيتملي بحبها لع انا عديت الحب ملك بجت الهوا اللى بحيي بيه .
ملك بدموع : انا موافجة يازين .
التفتوا اليها لتتجه ناحيه زين بوجه محمر من البكاء.
زين : بتحبيه ؟
اومأت له بخجل لتتوسع ابتسامة حازم .
زين بسخرية : اه ياچزمه طب اكدبي على كان نفسي
يتعذب .
حازم : اه الفرح يوم الخميس .
زين : مش بجولك فرح ايه الخميس بعد بكرا .
حازم بضجر : خلاص الخميس اللى بعد الجاي .
زين : الف مبروك .
خرجت ملك بفرحة عارمه .
زين : اللى حوصل لسالم انت السبب فيه ؟
حازم : انا عريس ومش عايز حاجة تدايجني .
زين بسخرية : وماله مبروك ياصاحبي .