الفصل الثالث والعشرون 23
بقلم منه محمد
في المطعم
الجرسونه قربت عليهم :عفوا بس الفيزا رفضت تشتغل معاكي واحده غيرها
عايشه اندهشت :ازاي الفيزا بتاعتي حساب مفتوح ازاي تم رفضها اكيد جهازكم بايظ
الجرسونه: لاء يا فندم فيز الزياين شغاله معانا
عايشه بغرور: ميهمنيش اتفضلي اتحققي من الماكينه وهتصل واسال البنك ولا قالوا شغاله هحاسبك
الجرسونه هز ت راسها: امرك
عايشه راحت قعدت جنبها وبصوت هامس :ماما ليه الفيزا اترفضت انتي مدفعتيش
مايسه :منين هو انا حتي مليت فزتي احنا مبقاش حيلتنا اي حاجه
عايشه :والعمل
مايسه:مش معاكي نقدي ادفعي دلوقت الحساب
عايشه فتحت الشنطه وطلعت الفلوس وبصتلها :فكرتك بعتي الشقه
مايسه كشرت: المشتري غير رايه الا بالحق مش انتي ع علاقه براجل الاعمال الكبير
عايشه لوت بوزها:حاليا مسافر
مايسه: اتصلي بيه واطلبي منه يشتري الشقه
عايشه :ايوه بس احنا مش قريبين وبعدين لف عليا عشان يوصل لصحبتي
مايسه: اخيه ع الحظ هنعمل ايه خلاص روحي زوري هدي سمعت انها خرجت ورجعت البيت
عايشه كشرت بضيق : لاء مش عايزه اشوف ابهم وبعدين هاخد واحد امه مشلوله افضل اخدم فيها
مايسه :طيب يله بينا محتاجه اتكلم معاكي
عايشه: ماما بعدين انا مرهقه حاليا ومش عايزه اتكلم
مايسه:هبيع عربيتك
عايشه شهقت وفتحت عيونها :مستحيل مقدرش اركب تاكسي ولا ميكروباص ده محرج ليا اوي
مايسه: لو عايزه عربيتك لازم تروحي تراعي هدي ولو مش عايزه تيجي ع نفسك وتخدمي المشلوله وفي مره زقيها بالكرسي من ع السلم
عايشه: عايزاني اقتلها
مايسه :لاء بقول كدا من غلبي والفقر عايشه معندناش غيرها وعشان تفكري في راجل تاني ده محتاج مجهود ووقت لحد ما عايلته يحبوكي لكن ابهم العكس هدي عاوزاكي
عايشه نفخت بملل:اوف خلاص هفكر
مايسه :مفيس وقت للتفكير لازم تروحي هناك
عايشه بصوت عالي:كفايه
مايسه شخطت فيها: بترفعي صوتك عليا
عايشه: لانك عماله تضغطي عليا انا تعبانه بما فيه الكفايه ليه اروح هناك
مايسه فتحت الشنطه وطلعت اوراق وحطتها قدامها :اتفضلي شوفي ده اعلان افلاسنا هياخدوه البيت روحي لهدي اعملي بهلوان ليها خليها تنشلنا من الغرق
عايشه سابقتها طالعه ع برا :طيب يله وهروحلها
نوح رفع لوحه فيها ولد قاعد في غرفه ضلمه ومتكور وواخد وضع الجنين
هاله دخلت عليه :بتعمل ايه
نوح مكور الملايا: بجدد الاوضه عايز ابدء حياه جديده
هاله: تقدر تغير الاوضه ولا اقولك ننقل لبيت جديد بس ده برضو مش هيساعد لو انت ما اتجاوزتش الامر
نوح رماه الملايا في السله: لاء اتجاوزت الامر
هاله بخبث:اتمني ده لان مفيش فايده انك تتمسك بكارمن لانها مش بتحبك ابدا كانت لطيفه ووديعه معاك عشان تقدر تستخدمك وتنتقم مني
نوح غمض عيونه بوجع وفتحهم :انا عارف اني طعم وانها مش بتحبني لانها بتحب راجل واحد بس وهو الدكتور
هاله: انا اسفه انك بتعاني بسببي
نوح :هي مش غلطتك هو غبائي
اثناء كلامهم جرس الباب رن وكانت كارمن الي حطت بوكس فيه البوكيه واللوحه قدام الباب
نوح راح بص من وري الستاره وشافها وهي بتحط الصندوق ع الارض اخد السلم جري وهاله استغربت ونزلت وراه نوح ع ما فتح الباب مالقهاش اي اثر وشاف الصندوق راح يجري يشوفها راحت من انهي شارع كانت هاله طلعت وراه :نوح نوح فيه ايه وليه طلعت تجري كدا
نوح رجعلها :مفيش عامل البريد جاب طرد
هاله بصت للصندوق: اه فهمت وانحنت انا هدخله
نوح خطف الصندوق بسرعه: لاء انا هدخله يله
هاله شكت فيه لما هجم ع الطرد وخطفه
نوح طلع غرفته وحط الصندوق علارض وفتحه لقاه البوكيه المتقطع واللوحه مطبقه وملزوقه مسكهم ونزلت دموع الالم ع خده بحرقه
...............
في بيت ابهم جات عايشه تزور هاله الي فضلت تلومها انها مجاتش ولا مره هي وامها يزروها جرس الباب رن وكانت كارمن الي جايه تزور هدي من باب العشره وزياره المريض
عايشه بتعدل نفسها وشعرها:ياتري مين الي بيرن الجرس ياتري الدكتور ابهم
هدي :معرفش انا الي عايزه اعرفه ليه انتي هنا
عايشه ببتسامه: انا هنا بزورك
هدي :انتي عارفه اني اتاذيت واترميت في المستشفي
عايشه :عارفه انك زعلانه مني لان انا وماما مازورنكيش في المستشفي وبجد اسفه بس عمي تعب جامد وكان لازم نسافرله دبي نطمن عليه وامي طلبت مني ارجع واكون معاكي لانها قلقانه عليكي جدا
هدي: قلقانه عليا ولا عليكي شيفاني غبيه
عايشه برتباك :قصدك ايه
هدي من غيرنفس : انتم مكنتوش في دبي انتم هنا مستنين الديانه ع الباب وانتي هنا النهارده لانه تم اعلان افلاس امك وهتبقوا في الشارع وجيتي هنا تقدمي عرض
عايشه اتوترت وسكتت
هدي بسخريه: ايه نسيتي الكلام انتي مفكره اني معرفش الوضع المالي لعايلتك
عايشه بلجلجه: انا
هدي قطعتها: انا عارفه مشاكلك وانا مستعده اسدد جزء منها بس كل الي طلبها منك ومن امك انكم تكسبوا ابني وتوروه انكم صادقين
عايشه بحماس: انا صادقه
هدي بغضب : انت كدابه في الاول كنت عاوزاكي زوجه لـ ابني بس دلوقت اعتقد ابني عنده من الهم الي مكفيه من الستات الخداعه مفيش داعي اجبره انه يكون مع واحده من نوعك
عايشه قامت بغضب:هدي اظن انتي بتغلطي انا مجبره اكون معاه
هدي بنرفزه: بت متعليش صوتك سامعه
عايشه بغضب احمق : لانك واحده غبيه وملكيش الحق تحكمي عليه اه احنا مديونين وفيها ايه طيب ما فيه رجاله كتير اغنياء واذكياء واكتر وسامه منه
هدي بصراخ وتهديد:اخرسي والا
عايشه بغضب قاتل:والا ايه (ضربت ايدها )انا مش مضطره اخد اوامر من واحده مكسحه مشلوله
هدي مسكت الكوبايه وحدفتها في وشها : اخرجي من بيتي واياك ترجعي هنا تاني
عايشه :وفري طاقتك عشان تكملي حياتك ع كرسي متحرك
و مسحت وشها وبحقد :وانا مش عايزه ارجع هنا ابدا
وراحت مسكتها بقوه من كتافها وبرقت عيونها فيها : اقولك ع حاجه ابنك مش مرغوب فيه لانه متجوز وغبي ودلوقت عنده ام عاجزه مشلوله
هدي بعصبيه:انتي وقحه ومش متربيه وحقيره
عايشه بنظرت كلها قسوه و شر: انتي وقعتي من ع السلم ولسه عايشه حتي الموت مش عايزك وهتقعدي عشان تكملي حياتك ع كرسي بعجل انتي كركوبه مشلوله وزقتها بالكرسي
هدي صرخت: لالالالاء
كانت ايدها اسرع ومسكت الكرسي قبل ما يوصل لحافه السلم
عايشه اخدت الشنطه عشان تهرب مسكتها ولطشتها قلم عنيف اتحدفت ع الأرض بقووه
عايشه حطت ايدها ع خدها وقامت بحميه:انتي ازاي تجرؤي وتضربيني
كارمن بنفعال: وانتي ازاي تعملي فيها كدا لما كانت بصحتها انتي وامك كنتم بتتوددولها ودلوقت لما بقت لا حول ولا قوه تعامليها بحقاره لو انا موصلتش وانقذتها كنتي هتبقي مرميه في السجن
عايشه بأهانه: انتي مين يا حشره عشان تهنيني
كارمن: انا بقول الحقيقه
عايشه هجمت عليها بالضرب وكارمن بكل قوتها زقتها اتحدفت ع الكنبه
كارمن رفعت صوباعها بتهديد: قومي واضربيني يله جربي ووقتها هتشوفي تحبي تجربي
عايشه قامت وهجمت عليها وشدتها من مقدمه شعرها وكارمن مسكتها برضو من شعرها ونزلوا ضرب في بعض
ابهم كان وصل ومن قوه الخبط والصوت طلع جري ع السلم وقف يسلك ما بينهم وعايشه مصممه تقطع شعر كارمن
ابهم شد ايدها بعصبيه وصريخ: عايشه ابعدي عنها
عايشه :بعدت عنها بس مراتك السابقه هنا بتشوف امك جميل خليها تهتم بالمكسحه المشلوله لانها ممرضه وخدامه
ابهم اتعصب من أسلوبها:اياك تسخري من شغل الناس طبعا انتي معندكيش رحمه انك تخدمي حد والتعاطف عندك له مفهوم غريب
عايشه برفعه حاجب: بتمدح في مراتك السابقه اوي بس انا افضل اكون انانيه ع اني اكون غبيه وقلبي طيب زياده عن اللزوم ولما جوزني يخوني ويهجرني عادي
هدي :انا بجد مبسوطه اني بسمعك بتقولي كدا ولازم اشكر ابني لانه حذرني اني مقولش لحد اني بمشي
عايشه مستغربه : قصدك ايه
هدي: لو قمت ووقفت مش هقدر اشوف الوانك الحقيقيه
وهدي قامت واتحركت ومشت ببطئ
عايشه بدهشه:هو انتي مش مشلوله
هدي: اه انا تعبانه لكن مش مشلوله وهقدر اتعافي اما ليكي انتي انتي معاقه ذهنيا ومفيش علاج ليكي
عايشه: انا معاقه عقليا انا كدابه بس انتي ام كدبت ع ابنها فاكره لما قتابلته في الفندق ضغطي عليا عشان اوهمه واني يتحمل المسؤليه فاكره ده كويس
هدي بصت لـ ابهم الي بصصلها بعدم تصديق وبعدت نظراتها عنه!
عايشه :سمعت عن ده يا دكتور الي بعتني اعمل معاك علاقه واتصور ع النت تبقي امك بجد اسره مثاليه
وورمت ع كارمن نظره غل وطلعت من المكان وابهم التفت لأمه الي أأعدت ع الكرسي ودارت وشها منه
ابهم حس انها بتتألم جامد من وجع رجليها راح قعد تحت رجولها: حاسه بأيه دلوقت
هدي بتهرب من عيونه: ركبتي بتوجعني
ابهم :انتي لسه متعافتيش بالكامل مش لازم تمشي كتير
هدي بندم واعتذار: ابهم انا بجد اسفه
ابهم ابتسم: انسي واظن دلوقت عرفتي الي عملته كان الصح
هدي :عرفت
كارمن :هقوم اجهزك حاجه تاكليها
هدي: استني ممكن اسالك سؤال ليه ضربتي عايشه ليه حمتيني ليه اهتميتي
ابهم ضغط ع ايدها :امي
كارمن :مفيش مشكله سيبها تكمل
هدي :اوعي تفكري بأنقاذي هوافق ابني يرجعلك
كارمن :انا معملتش ده عشان ابقي مع الدكتور ابنك
هدي: لو دي الحقيقه ليه انتي هنا
كارمن: جايه ازورك
هدي :ولا جايه تشمتي فيا
كارمن: انتي عارفه كويسه اني مش من النوع ده
هدي :تمام انتي جايه تراعيني لانك حاسه بشفقه عليا بس متشكره مش محتاجه منك حاجه مساعده واظن شوفتي بنفسك اني قادره امشي
ابهم: لكن مش قادره تمشي بشكل كامل امي انا مشغول الايام دي ومع كارمن هنا هبقي مطن عليكي اكتر
هدي بصتله :بتستخدمني حجه عشان تيجي هي هنا كتير
ابهم :امي انا قلقان عليكي وبس
هدي :انت قلقان عليا مختلفناش بس قولي لو كارمن رجعت هنا الحربايه التانيه مش هتيجي وراك انت وكارمن
كارمن لحد هنا فاض بيها اخدت شنطتها : عن اذنكم الف سلامه عليكي
ابهم طلع وراها بعد ما بص لـ امه نظره عتاب كبيره!!!
ابهم: متشكر ع زيارتك لـ امي
كارمن: مفيش داعي للشكر
ابهم :مش عايزك تزعلي من الي قالته امي هي عبرت عن رايها بعفويه وهي كدا شايفه انها خايفه عليا وخايفه عليكي كمان
كارمن: متشغلش بالك
ابهم: لو عندك وقت ممكن تيجي تشوفيها اصل لازم اروح المستشفي كل يوم
كارمن: لو بقي عندي وقت هبقي اجي اطمن عليها عن اذنك لازم امشي
ابهم مسك ايدها ووبتسامه: متشكر
كارمن ابتسمتله بمجامله وسحبت ايدها ومشت بسرعه وكانت هنا هاله قدرت تاخد صوره ليهم وطلعت ركبت عربيتها وفضلت تضرب نفسها كذا قلم بقوه وتشد شعرها وتنكشه
................
في بيت نوح دخلت عليه ورمت الشنطه ع تربيزه السفره انتبه ولف وبصلها ولما شاف منظرها المزري قام راحلها
نوح بفجعه: ماما ايه الي حصل ومالك وليه بتعيطي
هاله قدمتله الموبيل:بسبب الصوره دي
نوح سحب منها الموبيل وشاف ابهم ماسك ايد كارمن
هاله دمعت بخبث: عرفت يانوح ان الي جاب الطرد مش موظف البريد كنت مفكره ان كارمن رجعتلك عشان كدا روحت اشوفها واعتذرلها وابوس ايدها ترجعلك
نوح بضيق:روحتي تشوفيها وايه الي حصل لوشك
هاله :شوفتها مع الدكتور فكرتني لسه متعلقه بيه حاولت اشرحلها ان انا هناك عشانك بس مسمعتنيش وضربتني وطردتني ع وشي
نوح رماه الموبيل ع التربيزه بقهر وغيظ: لاء مش مصدق انها تعمل كدا
هاله ردت بحده:قدرت وعملت هي مش بتحبك رجعت لجوزها وانت متنتظرش تبقي جوه محور حياتك لانها مهتميه بالدكتور جوزها
نوح مسك وشها برفق:خدك بيوجعك
هاله نزلت دموعها: لاء شوفتك كدا هي الي بتوجعني اكتر
نوح ضمها لحضنه ومسح ع شعرها:انا اسف انك اتاذيتي بسببي بس خلاص من هنا ورايح الست الي اسمها كارمن خرجت من حياتي ومن قلبي
هاله ابتسمت اوي انها واخيرا قدرت تبعده عنها!!!! وهو طلع رماه اللوحه في الزباله
......
........
كارمن واقفه تشتغل ومره واحده حست بزغلله ودوخه وسندت ع الحيط ابهم جري عليها: كارمن مالك
كارمن عيونها مزغلله: انا كويسه
ابهم :متاكده
كارمن مره واحده وقعت وفقدت الوعي وابهم ضرب خدها بخفه وع طول شالها لغرفه الكشف بسرعه
شويه فتحت عيونها بتعب وبصت حواليها ووقفت ع الشخص اللي قاعد قصادها
ابهم قام وراح عليها :عامله ايه
كارمن :هو انا حصلي ايه
ابهم : من امتي وانتي بتحسي بدوخه
كارمن :مش من كتير بس عشان مش بنام كويس وبجهد نفسي في الشغل
ابهم :بتحسي بالقيئ
كارمن رمشت بعيونها لسؤاله
ابهم :من امتي غايبه عنك الدوره الشهريه
كارمن قامت وقعدت بتعب وحست بألم خفيف ودوخه بسيطه!
ابهم :من شهرين مش كدا
كارمن برقت عيونها بصدمه:مستحيل كنا مع بعض خمس سنين وعملنا كل حاجه مقدرتش احمل
ابهم بسعاده كبيره :بس انتي كدا دلوقت انا كشفت عليكي وانتي حامل مبروك بصي انا هسيبك دقيقتين وهبعتلك رغده ع ما اخلص الحالات وارجعلك تمام
كارمن بصت لزواله وهي مش مصدقه دموعها غرقت خدودها..مش مصدقه انها حامل
دخلت عليها رغده ضمتها بفرحه مش مصدقه : مبروك يا كارمن انتي والدكتور استنيتوا اليوم ده كتير اخيرا عندك بيبي
كارمن بضيق :رغده نتكلم بعدين احنا في الشغل خلينا نكمل شغلنا
رغده رجعتها مكانها ببتسامه:استني اخدتلك باقي اليوم اجازه روحي البيت ارتاحي
كارمن بضيق:عملتي ايه قلتي اني حامل
رغده ابتسامتها اختفت تدريجيا:ايوه والكل فرحان عشانكم
كارمن :ليه بس قولتلهم يارغده ليه ده امر خاص
رغده :مالك ياكارمن هو انتي مش فرحانه
كارمن : مش انا اخدت اجازه باقي اليوم
رغده هزت دماغها: ايوه
كارمن :هروح البيت ارتاح عن اذنك
كارمن قامت بتعب ومشت من قدامها وهي حاسه بدوخه مسكت نفسها وكملت طريقها...ورغده واقفه مش فاهمه هي ليه زعلانه المفروض تفرح وتطير من الفرحه وقررت تفهم لما تروحلها
........
........
كارمن رجعت البيت وحطت ايدها ع معدتها لقت الي دخل وقعد جنبها
ابهم مسك ايدها وهو بيقول:كارمن ليه رجعتي لوحدك مش قلت لك هخلص وارجعلك قلقت وجيت وراكي ع هنا
كارمن غمضت عيونها وجاهدت دموعها: دكتور ابهم
ابهم: حاسه لسه بدوخه
كارمن رمت عليه القنبله:الطفل ده مش منك
ابهم بصدمه: ازاي مش ابني انتي بتقولي ايه انتي حامل في شهرين وكنا مع بعض
كارمن :ايوه كنا مع بعض بس يظهر ناسي انك مقربتليش فيهم
ابهم :لاء قربتلك
كارمن :احنا بقالنا شهور بعيد عن بعض حتي لما سافرنا اجازه مقربناش
ابهم بص لقدام وافتكر
#فلاش_باك
افتكر انا لما حب يقرب منها صدته وهو حس انها رفضاه لما اتجمدت بين ايديه وهو بعد وكارمن قالتله انها مش قادره تبقي معاه حاليا ومحتاجه وقت وهو اتفهم وقالها انه هيتحمل لحد ما يبقي قربها منه برغبتها
ابهم :يعني ده ابن نوح
كارمن بحده :ده ابني انا
ابهم :معني كلامك انك مش هتقوليله
كارمن :ايوه
ابهم :طيب لو عرف
كارمن: مش هقوله انه ابنه او حتي اني حامل واظن انا اكتر حد عارف الطفل مين ابوه
ابهم :طيب ع الاقل سبيني اهتم بيكي والطفل برغم انك بتقولي انه مش ابني بس انا مهتم
كارمن وقفت :بس انا ميهمنيش اهتمامك
ابهم: انتي عارفه اني بحبك وعايز طفل
كارمن :بس ده مش ابنك ازاي هتحبه بصدق
ابهم :كارمن بلاش تستهيني بحبي
كارمن دمعت عيونها : كنت بصدق حبك شوفت ايه الي حصل دلوقت ومن الاخر انا مش بثق في حد
ابهم بقهره: عارف اني غلطت بس
كارمن :بس انا حرفيا تعبانه ومحتاجه استريح ارجوك امشي ولو عامل ع الطفل انا ممكن اربيه لوحدي زي ما قررت اكمل لوحدي
ابهم مشي وحاسس بسكينه اتغرزت في قلبه!
........قصص منه محمد كاتب.....
طلعت تدور عليها لقتها قاعده ع كرسي وتفرك صوابع ايدها في بعض كان شكلها يقطع القلب راحت قربت عليها
رغده :ممكن تريحي دماغك من التفكير اظن مش انا الي هقولك الستات الحوامل مينفعش التوتر هياثر ع اليببي لازم تستريحي وتبقي ريلكس ولا اقولك تيجي نخرج نفطر العيل جعان
كارمن: لاء متشكره يارغده
رغده: يله قومي يله
وهما خرجين من البوابه لقوا عربيته وقفت قدامهم
رغده :صباح الخير يا دكتور
ابهم :صباح النور
كارمن :ليه جاي هنا تاني
ابهم :مش عارف ازاي اخليكي تصدقي الي هقوله انا محتاج ابقي جنبك انتي والببي
كارمن :من فضلك
ابهم برجاء:اوعدك مش هاذيكي تاني
كارمن: انا مش عارفه اقولك ايه
ابهم :متقوليش حاجه انا مش هنا عشان اخد اجابه منك انا هنا عشان اطلب منك حاجه واحده بس عايز اهتم بيكي وبابنك وارجوكي متبعدنيش عنك عن اذنك ومشي
رغده: ممكن اقولك حاجه
كارمن: لو كنتي هتطلبي مني اسمح للدكتور يقرب مني فالعيل مش ابنه لانه ابن نوح
رغده: وانتي مفكراني مش عارفه وناويه تعملي ايه هتفضلي في حيره كدا
كارمن بكت بعنف وغطت وشها : عايزاني اعمل ايه عايزاني ابقي انانيه وانسب العيل له
رغده حاولت تهديها وبعدين قالت : لاء لازم تقولي لابوه الحقيقي
كارمن بعصبيه: مستحيل اقوله مستحيل انتي عارفه ان انا وهو ملناش فرصه مع بعض
رغده: من غير ما تقوليله اجزمتي وحكمتي
كارمن: نسيتي امه مين
رغده: اه هاله بس انتي ام ابنه وحبيبته
كارمن: لو عملت ده هيخاليه يختار بيني وبينها
رغده :بس انتي محتاجه اب لـ ابنك
كارمن :والي جوزها بيطلقها او بيسافر مش عادي بتربي ابنها وانا هقدر
رغده :كارمن انا عارفه انك قادره تهتمي بيه وبنفسك بس انا قصدي محتاجه اسم للابنك ولا ناويه تخاليه مجهول الاب وملوش نسب بس لو مش هترجعي لنوح يبقي خليكي مع ابهم محدش عارف انكم هتطلقوا الكل عارف انك مرات الدكتور ولو الناس عرفت انك حامل هيقوله انه ابن الدكتور
كارمن: بس احنا هنطلق
رغده :طيب والعيل مفكرتيش فيه
كارمن :اعمل ايه قوليلي
رغده: ابوه لازم يعرف ويصلح غلطته يأما تقبلي عرض الدكتور كارمن فيه فرق تكوني شجاعه وفيه فرق تكوني عنيده وتضيعي عيل لسه متخلقش للحياه لو رافضه الدكتور ارجعي لنوح
.......قصص منه محمد كاتب.......
قطع أفكاره ايد هاله ع كتفه وهي بتقوله:حبيبي قطعتلك التفاح كله يله
نوح عيونه متعلقه ع الجهاز: متشكر
هاله قعدت جنبه: نوح مش هتسالني جبت التفاح ده منين
نوح بصلها: منين
هاله ببتسامه: من امريكا
نوح رجع عيونه ع الاب تاني شافت الضيق في ملامحه
هاله: نكته بايخه صح
نوح بصلها بجديه: تيجي نسافر امريكا
هاله عقدت حواجبها: انت بتهزر
نوح اتنهد وبعدين قال : لاء انا بتكم جد هسافر اكمل اخر سنه ليه في الكليه
هاله: قصدك تكمل تعليمك
نوح : ايوه وبعتولي جواب قبول خلينا نسافر ونستقر هناك
هاله بفرحه: موافقه حبيبي
....
.........
في المستشفي كارمن دقت الباب ودخلت وهو ساب الي في ايده وقام راحلها
ابهم بقلق: ليه جيتي النهارده اجازه انتي كويسه
كارمن: ايوه كويسه انا هنا عشان عندي طلب هطلبه منك
ابهم: اتفضلي
كارمن :هرجع البيت واعيش معاك
ابهم :بجد
كارمن :بس هنفضل بعيد عن بعض وامك هنفهمها ان الطفل منك
ابهم بضيق:تمام فهمت المهم ترجعي وماليش حق اطلب منك الاكتر
كارمن: بالنسبه للعيل اول ما يتولد هعمل التحليل
ابهم :مش محتاج
كارمن :عشان تتاكد وميبقاش عندك شك انه ابنك
ابهم بحزن كبير: بلاش لان النتيجه هتاذي الطفل غير كدا هيبعدنا عن بعض وانا مش عايز اعرف العيل ابن مين لان مش هو المشكله المشكله الي عملتها انا فيكي اما الطفل هو الي هيرجعنا لبعض وكمان انا مش عايز الناس تتكلم عنك لما يعرفه انه مش ابني
كارمن :تمام متفقين
ابهم راح جاب علبه من الدرج ورجعلها: الخاتم فضلت محتفظ بيه لان كان عندي امل انك راجعه ليا تاني
كارمن بتردد: ايوه بس
ابهم :ممكن تلبسي الخاتم حتي لو شكلي عشان الناس
كارمن اخدته منه ولبسته ع مضض!!!!!
...........
هاله طالعه وفتحت باب الجراش عشان تروح العياده تنهي كل حاجه لفقته داخل عليها بعربيته ونزل منها وقرب عليها!!
هاله: انت هنا ليه
اسلام: سمعت انك ناوي تسافري انتي وبسلامته ابنك
هاله: ايوه بس ليه انت هنا جاي تاخد مني فلوس بعد ما عرفت اني مسافره
اسلام: لاء عايز اقولك هرجعلك كل مليم اخدته منك ع داير مليم
هاله ضحكت بستخفاف: ايه انت عقلك طار منك ولا مهيس
اسلام: انا بتكلم بجد بس هدفعلك ع دفعات يعني كل فتره جزء منه
هاله: ياريت لو حتي ترجع جزء منهم لو خلصت حرك عربيتك لازم اروح العياده
اسلام: استني
هاله غمضت عيونها بقلة صبر : يالليل ايه تاني
اسلام: لما تسافروا خدي بالك من نفسكم وانا ليا معارف هناك هديكي ارقامهم لو وقعتي في مشكله انتي وابنك
هاله جثت جبينه : اسلام انت عيان ولا اكلت اكل حامض غريبه انت قلقان عليا انا ونوح فجأه غريبه
اسلام نفخ بزهق: انا عارف اني زوح زي الزفت واب لايطاق بس لما شوفتك مسقطه العيل حسيت بألمك وخلاني افكر مره تانيه لما كنتي حامل واتخليت عنك حاسس يالذنب
هاله: يعني بتترجاني اسمحك رفعت الشوز لفوق) يله بوس عشان اسامحك
اسلام بغضب: انتي بتتريقي عليا مش ممكن اتكلم معاكي الا لما تقلبيها سخريه عادتك ولا هتشتريها
هاله ضحكت ع شكله: خلاص عرفت انك لسه عندك شويه ضمير وقلقان عليا وع ابنك رغم ده متاخر اوي
اسلام: ابعتي لي رقمك وعنوانك هناك يمكن اجيلك واستلف منك فلوس
هاله :كنت عارفه انك لسه غبي
اسلام ابتسم وهي ابتسمتله وكل واحد راح في طريقه
بيجمع شنطته لقاه البوكيه واللوحه اخدهم رماهم في باسكت الزباله لقاه موبيله بيرن وتامر بيقوله ان ناهد منتظراه ضروري بأمر يخص كارمن فضل متردد يروح ولا يطنش اخر ما زهق لبس وطلع ع البار يشوف فيه ايه دخل البار لقاها قايمه وماشيه راح وقف في وشها وسألها: خير ليه جيباني
ناهد: اقعد طيب الاول تحب تشرب
نوح: لاء انا بطلت اشرب
ناهد: انت هنا عشان عايز تعرف اخبار عن كارمن
نوح: لاء جيت اقولك الي بيني وبينها انتهي ومتحاوليش توصلي الي بينا لاني مش حبيبها
ناهد: اهدي بس لحظه يا عم مالك بقولك ايه فاكر اخر مره كنت معاها في علاقه حميميه امتي
نوح: بتسالي ليه
ناهد: ابدا عايزه اتأكد ان الي عرفته حقيقي ويطابق مع المعلومات الي عندي
نوح: معلومات ايه
ناهد: كارمن حامل في شهرين
نوح اتأكد انها حامل منه لما كانت سكرانه اقام معاها علاقه كامله وطلع رايحلها ويوعدها إنه هيعوضها
اما ناهد طلعت الموبيل واتصلت بهاله الي اول ما فتحت الخط شتمتها: عايزه ايه يا بومه
ناهد: بتصل بيكي عشان اقولك خلاص خسرتي الكل يا هاله
وفضلت تضحك كتير بستفزاز
هاله: يامجنونه ومش مستغربه ليه جوزك رماكي وقفلت في وشها ورمت الموبيل ع السرير
.......قصص منه محمد كاتب.......
هدي بتحكم: ابهم بعد الشغل ارجع البيت ع طول سامع
ابهم: حاضر
كارمن: انا اخدت اجازه اليوم هفضل معاها
ابهم: تمام وهبعتلك ممرضه تساعدك
هدي: مش انت قولت اني مش محتاجه ممرضه وقلت كفايه كارمن تهتم ولا عشان العيل الي في بطنها
ابهم: الموضوع مش كدا يا ماما بس انتم الاتنين مهمين وبعمل ده عشان اريحكم
هدي: انت كمان خد بالك من نفسك لو حصلك حاجه الاتنين هيتشردو
ابهم ضحك: مستعد اتحمل اي حاجه عشان ( وحط ايده ع بطن كارمن الي بعدت نفسها عنه)
كارمن: اتفضل امشي لان الطريق هيبقي زحمه
ابهم إنقهر وباس ايد امه وراح يبوس خد كارمن الي لفت وشها بعيد عنه وهدي اخدت بالها انها مش متقبلاه
كارمن لفت وبصتلها: تحبي تقعدي ولا تريحي
هدي: لاء هنام شويه
كارمن اخدتها للسرير برفق: الشغاله راحت السوق ناديني لو احتاجتي اي حاجه
هدي: متشكره روحي انتي انا هنام شويه
كارمن: تحبي اجهزلك حاجه معينه ع الغداء
هدي :قولت للشغاله انا عايزه ايه شكرا
كارمن: تحبي لما تصحي تتمشي شويه في الجنينه
هدي :هو انتي مش زعلانه مني لاني كنت قاسيه معاكي الفتره الي فاتت
كارمن :برغم عمري ما عرفت ليه بتكرهيني بس دلوقت انا حامل وبحب ابني
هدي :غريزه الامومه كل الامهات بيحبوا ولادهم
كارمن: كل الامهات يتمنوا يشوفوا ولادهم في سعاده وراحه
هدي: اكيد
كارمن وقفت: اسيبك تنامي
وطفت النور واغلقت الباب ونزلت لتحت لقت اللوحه نفس الي دمرها نوح راحت وقفت بتعجب قدامها لقته ظهر من وراها ومعاه نفس بوكيه الورد الي قطعه اتجمدت مكانها وحست دقات قلبها وقفت لمافتحت عيونها وبانت الصدمه ع ملامحها لماشافته
كارمن بحده: انت دخلت هنا ازاي اخرج
نوح: جبتهملك وقدملها البوكيه
كارمن بحده: بس انا خلاص مش عايزاهم
نوح: رميت الي دمرته وعملت لوحه جديده وجبت نفس البوكيه وهبدء حياه جديده معاكي
كارمن شدت منه البوكيه ورمته ع اخر دراعها: مش عايزه
نوح بص في عيونها الدامعه واتنهد ومسك ايدها وسحبها لحضنه ..غمض عيونه يهدي ضربات قلبه المرتجفه وكارمن بتعافر تتحرر منه
كارمن: سبني يا نوح بقولك
نوح : لاء مش هسيبك مره تانيه
كارمن: امشي يانوح امشي
نوح: مقدرش اسيبك وامشي
كارمن عضته وقدرت وفلتت منه
كارمن صرخت فيه بصوت حاد وغاضب : انت قولت انك بتكرهني وعمرك ما حسيت ناحيتي بأي مشاعر نسيت انا قابلتك عشان انتقم من امك
نوح علا صوته :معنديش حتي وقت افكر في الهبل ده تفكيري كله فيك وفي البيبي وبس
كارمن بتبعد نظراته ليكشف كدبها : اي بيبي
نوح حست بيه وراها وايده ع كتافها ولفها ناحيته وركز عينه بعينها.. وحرك إيده ع بطنها:ابني يا كارمن ابني الي في بطنك
دخل ابهم الي رجع لانه نسي الموبيل وشافه قريب منها ومره واحده