رواية غرام الاسد كامله جميع الفصول بقلم شروق محمد

رواية عشق غير مشروط

 الفصل الاول1

 بقلم سوليه نصار
 

-انتي متخ*لفة يا آمال؟!

صرخت  صاحبتي في وشي ...بعدت بخوف وقولت:

-ما هو عشان كده بخاف اقولك علي حاجة تخصني بسبب ميول العن*ف اللي عندك ...

شدت كارمن شعرها وقالت:

-انتي ناوية تجلطيني صح ؟!

-بعد الشر عليكي يا حبيبتي بتقولي كده ليه ؟!

قربت مني كارمن وشدت شعري وصرخت:

-يا بت انتي كل اختياراتك زف*ت كده ...يخربيتك بتحطي ايديكي في الز*بالة تطلعي رج*الة !!!معتقتيش حد توكسيك ابدا مغناطيس للتكاسك والباد بويز والريد فلاجز 

-والCow boys 

شدت شعري جامد وقالت:

-وبتهزري...ليكي عين تهزري..

-اه يا كارمن براحة علي شعري ...

بعدت عنها وانا بزعق وبقول :

-مالها يعني اختياراتي ما هي قمر اهي ...

ضحكت كارمن وقالت:

-تحبي افكرك بكريم خطيبك الاول اللي طلع متجوز !

بصيت للأرض فكملت:

-فضلت أحذرك منه واقولك كريم لا يا آمال وانتي كل اللي عليكي بحبه يا كارمن ...بثق فيه يا كارمن لحد ما لبسك في الحيط وجيتي تعيطيلي  ...ولا انور خطيبك التاني اللي طلع مد*من وليه علاقات مع بنات وخا*نك مع بنت عمه !!! ولا ...

حطيت ايدي علي بوقها وقولت:

-كفاية ابوس ايديكي يعني عشان اختارت كام واحد غلط تبقي كل اختياراتي غلط ...طيب ما أنا اختارت مراد وكان محترم بس للاسف مكانش بيحبني واتجوز  لولا كده كنت اتجوزته ...وبعدين يا كارمن سيف مختلف تماما....

بعدت كارمن أيدي بعنف وزعقت:

-سيف يبقي مت*هم ومحبوس وحضرتك اللي ماسكة  قضيته يا هانم ..هو اي توكسيك تلزقي فيه يخربيتك ويخربيت صحوبيتك ...أنا ايه اللي خلاني اصاحب مجن*ونة زيك ...

-بس مظ*لوم .

ربعت ايديها وقالت بتريقة:

-يا حنينة وعرفتي من فين أنه مظ*لوم وهي القضية لابساه من كل اتجاه ...يا ستي ده قت*ل صاحبه  ...يا بنتي انتي عبي*طة ...بس اقولك فكرة 

-قولي ...

ابتسمت وقالت:

-فكرة حلوة انك تحبيه وتتجوزيه يمكن يق*تلك ونخلص من جنانك ...

ضر*بتها علي ايديها وقولت:

-اخص عليكي يا كارمن ...يا بنتي أنا متأكدة أنه مظ*لوم هو قالي كده ...

-تفتكري يعني هيقولك أنه قا*تل ..

هزيت كتفي وقولت:

-انا المحامية بتاعته ليه هيك*دب عليا بعدين ده عيونه زرقا واللي عنده عين زرقة مبيكد*بش ابدا ...

حطت كارمن ايديها علي رأسها وقالت بغلب:

-يا آمال انتي محامية ناجحة من بين كل الرجالة تحبي المت*هم بتاعك ..تحبي واحد سوا*بق ومحبو*س وممكن يتع*دم...

حطيت ايدي علي قلبي وقولت:

-بعد الشر عليه ...أخص عليكي يا كارمن عايزة ترملي صاحبتك قبل ما تتجوز ...عايزة تطيري منها ابو عيون زرقا  !

مسكت كارمن الشب*شب وقالت:

-اطلعي برة بيتي يا بت ..روحي قبل ما تجلطيني ...جيبتيلي المر*ض يا بعيدة منك لله !!

....

طلعت من بيت كارمن بسرعة وانا في حيرة ...هي ليه كارمن متعصبة يا تري ؟!!

....

تاني يوم ...

لبست هدومي وروحت عشان اقابل سيف بما أنه موكلي ...

.....

كنت قاعدة قدامه وانا ببصله ومسحورة بعينيه الزرقا ..

-يا استاذة بقالنا نص ساعة ساكتين ...انتي متأكدة انك هتخرجيني من هنا ...

بس مردتش عليه وانا ببصله بحب ...ضرب سيف كف علي كف وقال في نفسه :

-والله شكلها عبي*طة وهتوصلني لحبل المش*نقة ...

وبعدين بصلي وزعق:

-يا آنسة امال ...

فوقت علي صوته ...صوته حلو اوووي 

-نعم يا اخويا . 

اتنهد وقال:

-كنت حابب اطلب طلب 

-اطلب ...

-معلش ممكن تعملي إذن  زيارة من المحكمة حابب اشوف حد ..

-ممكن اعرف مين ؟!

بصلي وقال:

-خطيبتي !

-نعم يا اخويا!!!!!!!

                 الفصل الثاني من هنا 

لقراءة باقي الفصول اضغط هنا 

تعديل المقال