CMP: AIE: رواية عشق غير مشروط الفصل الرابع والخامس 4و5والاخير بقلم سوليه نصار
أخر الاخبار

رواية عشق غير مشروط الفصل الرابع والخامس 4و5والاخير بقلم سوليه نصار

رواية عشق غير مشروط 

الفصل الرابع والخامس 4و5والاخير

 بقلم سوليه نصار 

فتحت عيني بصعوبة ولقيت نفسي لوحدي في عربيتي وبنز*ف.من دماغي  ومفيش حد معايا ..حطيت ايدي علي راسي برعب وانا ببكي....قعدت ابص حوليا برعب ...وبعدين بدأت اسوق عربيتي بسرعة كبيرة ....كنت بتنفس  بسرعة وانا ببص علي المرايا وأشوف لو حد كان ورايا...مين اللي عمل كده ..،كنت حاسة أن تمسكي بسيف هو السبب في كده ...روحت بيتي بسرعة وانا بترعش جامد...كنت ببكي جامد ومرعوبة ...دخلت الحمام وداويت جر*حي طبعا بعد ما قفلت كل ابوابي كويس وفي اللحظة دي اتمنيت أن اهلي يكونوا عايشين عشان احس بالامان أو اتمنيت أن عني هنا ....قدرت اوقف النز*يف الحمدلله الجر*ح كان بسيط ...حطيت لازق طبي علي راسي وروحت اغير هدومي ..غيرتها ولبست بيجامة مريحة وروحت اعملي حاجة سخنة اشربها وقعدت عشان افكر في القضية ...مسكت شنطتي عشان أخرج الملف بس اتجمدت وانا بشوف فلاشة  في شنطتي ...بصتلها  بذهول وانا بفكر اني مشوفتوش قبل كده ...قلبي دق بسرعة وانا بفتكر الحا*دثة وان ده اكيد حد عايز يوصلي حاجة ...مسكت الفلاشة  وبدأت اشغلها ....

.....

بعد دقايق كنت بعيط جامد وانا بعيد اللي شوفته ...ازاي خد*عني بالشكل ده وكد*ب عليا وازاي أنا صدقته ...أنا بغبا*ئي وثقت فيه وصدقت قصته اللي محدش اصلا يصدقها ...أنا اللي جبته لنفسي ...أنا ساذجة ولما بحب حد بصدقه بغب*اء ...فضلت الليلة دي اعيط لحد ما عينيا ورمت ازاي يعمل فيا كده ...ازاي يكد*ب ويخد*عني ...أنا كنت هدافع عن مجرم .....

.....

تاني يوم كنت نايمة علي الكنبة زي الم*يتة .....عينيا كانت حمرا اوووي من العياط ...مكنتش قادرة اخد نفسي ...قلبي واجعني أنا اتخذلت تاني ...بس للاسف ده بسببي أنا اللي بسلم قلبي لأي حد كأنه رخي*ص ...غمضت عيني وانا بفتكر الفيديو ...بفتكر سيف وهو بيضرب فؤاد ...أنا مشوفتش إن كان ق*تله ولا لا ...بس كاميرات المراقبة جايبة بوضوح أنه ضر*به ...بس ازاي الكاميرات متفرغتش أو دي مش كاميرا مراقبة ..حد كان قاصد يصوره فعلا زاوية التصوير متقولش أنها كاميرا مراقبة  ..

مكنتش فاهمة حاجة ...أنا ايه يارب اللي خلاني احب تاني واتو*جع تاني ....بس لا أنا المرة دي مش هقعد اعيط عليه ...أنا هوريه ازاي يخد*عني بالشكل ده ...قومت من الكنبة وروحت غسلت وشي ولبست هدومي ...اخدت شنطتي وحطيت فيها الفلاشة ومشيت ...وشي كان عليه غضب العالم كله وانا بسوق عربيتي...لحسن الحظ أن فيه زيارة النهاردة ليه ...كنت بسوق بسرعة لحد ما وصلت ...

.....

وقفت اول ما شوفته ...كان باين عليه الحيرة وهو شايف الغضب في عينيا

قربت منه وقولت :

-انت كد*بت عليا ...خدع*تني ...

بصلي بحيرة اكبر ...فطلعت الميموري من الفلاشة وحطيته علي فوني واديتهوله يشوف الفيديو ...اول ما شافه بهت ...سحبت التليفون منه بغيظ وقولت:

-انت قت*لت صاحبك !!

هز رأسه. قال:

:والله العظيم ابدا أنا مق*تلتهوش

-اومال ليه كد*بت عليا ...قولت انك روحت لقيته مقت*ول وفي الفيديو موضح انت بتض*ربه

-انا ..أنا 

-بس متكملش ...

اتنهدت ورفعت راسي وقولت:

-شوفلك محامي تاني انا مش هدافع عنك !!!

الخامس

-صدقيني انا...

قالها وهو يائس ..هزيت رأسه وقاطعته وقولت :

-متكملش ازاي تس*تغفلني بالشكل ده ...تكد*ب عليا ...أنا طلبت الصراحة ...

-وانا قولتلك الصراحة!!قولتلك مق*تلتهوش ...والله ما قت*لته ...أنا ورأفت اتخا*نقنا وفعلا ض*ربته لانه ..

.سكت  وكمل كلامه:

-لانه بدأ يغلط في خطيبتي القديمة وقال إنها بتخد*عني وانا من غبائي مصدقتهوش وض*ربته وبعدين مشيت ولما رجعت  عشان اتكلم معاهلقيته مي*ت ...

ضحكت بسخرية وقولت:

-الكلام ده تقوله لحد غيري ...انا مش هصدقك تاني ...أنا اللي غلطت ووثقت في واحد مجر*م زيك ...بس الحمدلله ربنا وراني حقيقتك ...

سكت بيأس مكانش عارف هيقول ايه ...وانا سيبته ومشيت وقررت اني مكملش القضية قبل المحاكمة بأيام .....

.......

في بيت كارمن ...

كانت واقفة حاطة ايديها علي وسطها وبتقول:

-عيطي ...عيطي يا اختي عيطي !اهو تروحي تعكي هنا وهنا وتيجي تقر*في اهلي هنا ...

بصيت لها وانا ببكي وقولت:

-طلع قت*ل صاحبه يا كارمن ...طلع بيخ*دعني ابن الوارمة ...

ضحكت كارمن وقعدت جمبي وقالت :

-طب عرفتي ازاي ...

اتنهدت وانا بحكيلها اللي حصل...

بعد ما خلصت بصتلي كارمن وقالت:

-الموضوع غريب اوووي يا آمال ؟!يعني فيه حاجة مش مضبوطة اول حاجة عربية خبطتك واغمي عليكي وبعدين في شنطتك لقيتي فلاشة ...والفلاشة مش موضحة هو ق*تله ولا لا ...طيب مين اللي وصلك الفلاشة دي واي الهدف أنه يخبط كده وبعدين يحطها في شنطتك ...كان ممكن يبعتلك الفيديو علي الموبايل ...

فكرت في كل الكلام اللي قالته كارمن وقولت:

-والكاميرا اللي بتصور مش مراقبة لا ده فيه حد بيصور مخصوص ...يعني ايه انا مش فاهمة ...

قربت كارمن مني وقالت:

-امولة حبيبتي انتي ازاي دخلتي حقوق ...ما شاء الله لا عندك عقل ولا منطق ...يا اذكي اخواتك ده واحد بيلعب معاكي عشان تتخلي عن القضية لكني أشك أن سيف مجر*م بصراحة...

بصتلها وقولت :

-من امتي الحنية دي عليه يا اختي ...

ضحكت وقالت:

-يا بنت ركزي فيه حاجة مش طبيعية في الموضوع انتي محامية واكيد مر عليكي كده ...

اتنهدت وقولت:

-انا ايه اللي دخلني جنا*ئي ياربي ...اعمل ايه انا دلوقتي ....

.....

مر يومين والمحاكمة قربت وانا مش عارفة اعمل ايه ...مخي مش واقف خالص ...مش عارفة أطلعه ازاي ولا عارفة هو قت*ل ولا مقت*لش...اتنهدت بيأس بس فجأة رن تليفوني ...طلعته لقيت نمرة غريبة ..رديت بسرعة ولقيت صوت بنت خايفة بتكلمني ..

......

يوم المحاكمة ...

بعد ما تراجعت وقررت ادافع عن سيف قبل ما يجيب محامي جديد كنت واقفة في المحكمة متوترة قلبي كان بيدق جامد لما شوفته في القفص ...بدأت المحاكمة اللي كانت الأدلة كلها ضده منها الفيديو اللي شوفته واللي معرفش جالهم ازاي ....

جه دور الدفاع وقومت وانا بقول:

-تسمحلي يا حضرة القاضي استدعي الشاهدة بتاعتي ...

هز القاضي رأسه ...

ثواني ودخلت والكل اتصدم حتي سيف ...قربت مرام من قفص الشهود وحلفت أنها هتقول الحقيقة وبعدين بصت للقاضي وقال:

-اللي قت*ل رأفت  هو فؤاد سلطان والدليل قدمته لهيئة المحكمة!!

يتبع

#عشق_غير_مشروط

#سولييه_نصار 

الفصل الأخير♥️

ابتسمت وانا بفتكر اللي حصل....

فلاش باك 

-لو سمحتي لازم نتقابل ...ابوس ايديكي ساعديني ....

كنت مستغربة من صوت البنت اللي بتعيط بر*عب ده فسألتها عن هويتها واتصدمت أنها مرام ...خطيبة سيف القديمة ...وافقت فورا اشوفها وفعلا اتقابلنا ...كانت وقتها مر*عوبة ومتوترة بنبض حواليها بخوف ...اول ما شافتني فضلت تعيط وتقول:

-انا عملت غلط كبير أنا خو*نت خطيبي عشان افتكرت أن فؤاد بيحبني ...أنا ..

-ممكن تهدي 

قولتها وانا بمسك ايديها هديت شوية فقولت:

-احكيلي بقا من البداية ...

اتنهدت وقالت:

- من قبل مو*ت رأفت وفؤاد كان بيتقرب مني في الفترة اللي اهملني فيها سيف هو كان بيجيبلي كل حاجة لحد ما بدأت أضعف وارتبطت بيه ...كان دايما بيخليني اعمل مشاكل بين رأفت وسيف أو أخد ورق من الشركة وادهوله لحد ما رأفت شافنا في يوم مع بعض وقرر يبلغ سيف اللي اتخا*نق معاه ومصدقهوش ...

هزت راسها وقالت:

؛-وساعتها فؤاد قرر يق*تله ويلبس سيف في الجريمة ...أنا كنت عارفة كل حاجة وساكتة...أنا اشتركت في جر*يمة قت*ل عشان كنت فاكرة فؤاد بيحبني ...بس مطلعش بيحبني ولا حاجة بالعكس من يومين سمعته لما كنت في بيته بيتفق مع حد يخلص عليا. علي فكرة هو اللي بعت راجل يخ*بطك وحطلك الفيديو عشان متكمليش كانوا عايزين يهد*دوكي ويخلوكي تفقدي الثقة في سيف في نفس الوقت ...انا معايا تسجيل صوت وصورة  ليه وهو بيعترف بكل حاجة عملها في رأفت وازاي لبسها لسيف ...عرفت أنه ممكن يغ*در بيا فقررت اني امسك عليه ورقة ...أنا حاليا بمثل أني مش عارفة خطته بس اللي عرفته أنه ناوي يخلص مني بعد محاكمة سيف عشان اشهد ضد سيف  بس انا هقلب الدنيا عليه مش هسكت ابدا ...

ابتسمت ليها وقولت:

-معاكي التسجيل ...

هزت راسها...

.....

القاعة كان فيها دوشة وهما بيسمعوا تسجيل صوت وصورة  لفؤاد وهو بيقول خلص علي رأفت  ازاي ...التسجيل اللي مع مرام كان بيقول كل حاجة بالتفصيل ...بصيت لسيف وابتسمت ليه وانا بطمنه أن كل حاجة هتكون بخير ....

  .....

مر اسبوعين  وكان سيف خرج وفؤاد اتقبض عليه هو ومرام وقررت اساعد مرام قد ما اقدر لأنها ساعدتني .. وانا رجعت لحياتي تاني العادية ....كنت قاعدة مع كارمن في الكافتيريا وقالت:

-بس انتي عقلتي يا بت يا آمال بطلتي تأكلي دماغي بسيف بتاعك ده ...بصراحة أنا كنت فقدت الامل فيكي وقررت ارنك عل*قة يمكن تعقلي...

ضحكت علي كلامها وقولت:

-لا خلاص عقلت متقلقيش ومش هدي قلبي لأي حد ...

-متأكدة 

قالتها بخبث بعدين.ضحكت لما جه سيف. قعد جنبنا وقال:

-خلاص توبتي يعني 

قالها وهو بيضحك وبيبصلي بعينيه الحلوة دي ..قولت في سري ..يخربيت جمالك هو ده وقته ...بس حاولت اسيطر علي نفسي وقولت:

-انت عايز ايه انت سيبني في حالي ..

وبعدين اخدت شنطتي ومشيت ...

بصتله كارمن وقالت:

-روح وراها ميغركش الشويتين دوول هي واقعة اصلا ..

ضحك سيف وقال:

-نعم الاصحاب 

وبعدين جري ورايا ...مسك أيدي وقال:

-قدامك حلين أما نتكلم زي العاقلين واقولك مشاعري أو اخطفك لمكان بعيد وهتسمعيني برضه ..

بصتله وقولت:

-علي حسب هتخطفني فين ؟!

ضحك وقال :

-فيه مأذون اعرف...

قاطعته وزقيته وقولت:

-لا انسي ...عايز تتجوزني تعملي مفاجات ونتخطب الاول ...وادرس اخلاقك افرض اتجوزتك وطلعت ق*اتل متسلسل أو سايكو. ...اخاف علي روحي يا اخويا...

- طيب خلاص ايه رايك اجي لعمك واتقدملك ...

-مش لما اوافق عليك الاول ..

ز*قني وقال :

-وكمان عايزة ترفضيني انا غلطان أنا اشوفلي مزة فرنسية اهون 

وبعدين مشي ...فضلت اجري وراه وانا بقول :

-انت يا واد يا حلو استني شوية ...يختي. الرجالة بقت عصبية ليه استني يا اخويا اخيرا حد حبني ومخز*وقنيش  .تعالي ...

ضحك ومسك أيدي وقال:

-هكلم   لعمك واتقدملك ♥️

-وجيب جاتوه بالشكولاتة عشان حتي لو رفضك أنا اكله وابقي طلعت بأي مصلحة 

ضحك وقال:

-انتي مجنونة ...واجمل مجنونة شوفتها♥️

-الا قولي حبيتني امتي ؟!

اتنهد وقال:

-لما جيتي تتخانقي معايا عشان كد*بت عليكي ...أنا والله كد*بت لأن 


حسيت محدش هيصدقني ...بس رغم كده رجعتي تاني وقتها اتعلقت بيكي اكتر  وقولت لو طلعت 


مش هخليكي تفلتي من بين ايديا ...انتي الوحيدة اللي وثقت فيا انتي وطاهر صاحبي ...انتوا الاتنين اغلي حد في حياتي كلها وانا بحبكم♥️

ابتسمت وقولت:

-وانا كمان♥️

                              تمت

لقراءة باقي الفصول اضغط هنا 

تعليقات



حجم الخط
+
16
-
تباعد السطور
+
2
-