CMP: AIE: رواية اسيرة قلبي الفصل الخامس عشر15بقلم انجي جمال
أخر الاخبار

رواية اسيرة قلبي الفصل الخامس عشر15بقلم انجي جمال

 

رواية اسيرة قلبي

الفصل الخامس عشر 

 بقلم انجي جمال



بعد مرور بعض الوقت تقف بطلتنا وتقوم بالتوجه لغرفة تغيير الملابس وتقوم بإختيار فستان مزيج بين اللونين الأبيض و الأسود و الرمادي وحذاء ذو كعب عالي باللونين الأسود والذهبي ذو عنق قصير .




وتمسك بهاتفها و تقوم بمهاتفت ميرنا و بعد لحظات تُجيب ميرنا علي الهاتف :


ميرنا بهدوء: ها يا أسيل خلصتي .


أنجي بإبتسامة : اه خلصت وهطلع دلوقتي انتي جهزتي .


ميرنا بفرح: اه دا انا من ساعة ما خلصت معاكي وانا بجهز نفسي 


انجي بإبتسامة: طيب تمام انا هنزل دلوقتي واجيلك وال GPS محددلي أن من عندي لعندك تقريباً نص ساعة .


ميرنا بإبتسامة: أوك تمام سلام هستناكي .


انجي بإبتسامة: سلام .وبعد ذلك تأخذ نسخة المفاتيح الخاصة بها وتتوجه للخروج من شقتها وبعد ذلك تركب المصعد وتضغط علي الدور الارضي وبعد لحظات تخرج منه وتتوجه لسيارتها وتقوم بتشغيلها وتنطلق بها لمنزل ميرنا .


""""""""""""""""""""""""""""""""""""


أما عند بطلنا فنجده يصب كل تركيزه على الأوراق الموجودة أمامه ولا يقاطع اندماجه سوي طرق الباب ليأذن له بالدخول فيجد والدته أمامه فيقف من مكانه بإبتسامة ويقوم بالتوجه لها واحتضانها.


صفية بدموع و فرح : مبروك عليك يا حبيبي مكتبك الجديد.


أيان بحنيه : طب بتعيطي ليه دلوقتي يا قلبي .


صفية بإبتسامة: دي دموع الفرح متتخيلش الفرح والسعادة اللي انا حاسه بيهم وانا شايفاك بتساند أبوك في شغله وواقف معه وبقي لك مكتب خاص بيك كمان .


أيان بضحك : انا لو أعرف إن شغلي مع بابا هيفرحك كدا كنت اشتغلت معاه من زمان وبعدين صحيح ايه اللي عرفك إن أنا هشتغل هنا النهارده.


صفية بإبتسامة: و دي محتاجه سؤال باباك طبعاً.


أيان بإبتسامة: مبيخبيش عنك حاجة بابا طول عمره.


صفيه بتأكيد: طبعاً أنا و هو متعودين من اول ما اتجوزنا إن ميكونش في أسرار ما بينا وبعدين انا محضرالك مفاجأة حتعجبك .


أيان بإستغراب : مفاجأة اي و بعدين حضرتك مكنتيش رايحه تشوف.........ليقاطع كلامه دخول أحدهم للمكتب لينظر لمن تجرأ ودخل هكذا فيجد مرام تنظر له بفرح وتقترب منه وتقوم بإحتضانه بسعادة و فرحه كبيره:


مرام بسعادة: الف مبروك يا اينو اول ما عرفت إن طنط جايه تباركلك أصريت عليها إن اجي انا كمان واباركلك .


أيان وهو لسه تحت تأثير الصدمه : اللهم إن كان سحراً فابطله .


مرام و صفية بصدمة من كلامه : نعم .


أيان و هو يتدارك الأمر : هاا مرام ازيك اي اللي جابك هنا قصدي اي عرفك إن أنا هشتغل هنا و يكمل بسخرية و هو ينظر باتجاه والدته و ألا خلاص انا عرفت .


صفية بتوتر : أبداً يا حبيبي دا هي كانت عايزة تروح معايا النادي و لما عرفت إن أنا جايه الشركة علشان اباركلك بشغلك الجديد هنا صممت أنها تيجي معايا .


مرام بضيق: اي يا أيان مش مبسوطه إن أنا جايه اشوفك والا اي .


أيان ببرود : لا تنوري بس انا عندي شغل مهم و مش فاضي اقعد مع حد خالص .


مرام بدلع : خلاص هستناك لما تخلص وبعد كدا نخرج نتعشا سوا برا .


صفية مؤيدة لكلامها : فكرة كويسه والله و علي الاقل تغيروا جو .


أيان بغيظ و ابتسامه بارده : لا مهو انا عندي معاد علي العشا مع آسر و مينفعش بعد ما اديته كلمه اغيرها ثم ينظر لوالدته بغضب بسبب اقحامه في هذه المشكله والا انتي اي رأيك يا ماما يرضيكي مكونش أد كلمتي و اطلع عيل وارجع في كلامي ثم يكمل بسخرية و هو ينظر باتجاه مرام والا انتي اي رأيك يا آنسه مرام .


مرام بإبتسامة مصطنعة: لا طبعاً يا بيبي مش يرضيني ابدا خلاص هستناك و اخرج معاك انت و آسر دا حتي آسر مش غريب عليا .


أيان بسخرية: بيبي لا بيبي دي تقوليها لابن اختك مش ليا انتي فاهمه .


مرام بغيظ: خلاص تمام يا أيان .


صفية متداخله لكي تنهي الموضوع : طب خلاص يا أيان طالما خارج انت و آسر خد مرام معاك وبعدين آسر مش غريب و يعرف مرام كويس .


أيان لكي ينهي الموضوع : خلاص يا ماما تمام ممكن اتفضلوا بقي علشان عندي شغل مهم لسه مخلصتوش لما ييجي المعاد و أعرفه هبقي اعرف الانسه مرام .


مرام بضيق: اي الانسه دي يا أيان ما تشيل التكاليف اللي بينا دي زي ما بقولك أيان يا ريت تقولي يا مرام بدون آنسه .


أيان بعدم اهتمام: تمام ممكن اتفضلوا دلوقتي .


ليخرجوا من المكتب ثم تستأذن مرام من صفيه للذهاب للمنزل لكي تجهز نفسها لموعد العشا .


مرام بإبتسامة: شكرا جدا يا طنط انك خلتيني اجي معك وأشوف أيان وكمان اقنعتيه أنه يأخدني معاه في الخروجه بتاعت العشا اللي آسر علومه عليها.


صفية بحنيه : طبعاً يا بنتي بعد ما عرفت انك بتحبي أيان و هاتشيليه جوا عيونك فأكيد لازم اقرب بينكوا .


Flash back:


مروة بخبث : وانا هقولك تعملي اي.


مرام بلهفه : ها يا مامي اعمل اي .


مروة بذكاء : انتي عارفه إن أيان بيحب مامته و باباه جدا و مبيرفضش ليهم طلب حتي لو كان الطلب ده حياته .


مرام بغباء : ايوه مفهمتش يعني اعمل اي .


مروة بغضب : يا بنتي ركزي معايا شويه هو انتي اي كتلة غباء متحركه .


مرام بتذمر: ما انا مفهمتش يعني اعمل اي في اللي انتي قولتيه.


مروة بضيق : يعني تتقربي من صفية وايهاب و تبينيلهم انك بتموتي في أيان وتقنعيهم بكدا وبالاخص صفيه لأنها بتحبك ونفسها انك تكوني مرات ابنها و أول حاجة انتي هتعمليها انك تتصلي علي صفيه وتسأليها علي أيان و تقوليلها انك بتحبيه وعايزة تتقربي منه وأنا عرفت إن أول يوم لأيان في الشغلة مع باباه في شركتهم النهارده واكيد صفية هتروح علشان تشوف ابنها و تباركله بشغله الجديد .


مرام بإبتسامة: معك حق انا هعمل كدا دلوقتي حالا و تقوم بإخراج هاتفها و تقوم بالاتصال علي صفيه وبعد لحظات يأتيها الرد :


صفية بإبتسامة:: خير يا مرام في حاجه جديدة حصلت .


مرام بإبتسامة: لا خالص يا طنط مفيش حاجة لتكمل بخجل مصطنع بس انا كنت عايزة اطلب من حضرتك طلب .


صفية بإستغراب: اتفضلي يا حبيبتي .


مرام بخجل مصطنع: بصراحة يا طنط انا بحب أيان جدا بس هو مش مديني الفرصة لو في حد في حياته يا ريت تقوليلي وتكمل بحزن مصطنع وانا اوعدك اني ابعد عنه خالص .


صفية بلهفة : بجد يا مرام يعني انتي بتحبي أيان .


مرام بلهفه مماثلة : جدا يا طنط بس هو مش مديني فرصة و علشان كدا عايزة من حضرتك انك تحاولي تخليه يقرب مني .


صفية بحيرة : بس مش عارفه اعمل اي اصل أيان مش بيفكر في الجواز دلوقتي وكل أما افاتحه بالموضوع يقولي مش هاخد غير اللي قلبي اختارها لو اي حصل .


مرام بحزن مصطنع: خلاص يا طنط وانا مش هحاول معاه تاني .


صفية بإبتسامة: طب خلاص متزعليش انا كنت رايحه الشركة علشان النهارده أول يوم لأيان في الشغل و هروح اباركله اي رأيك اعدي عليكي واخدك بالعربية .


مرام بسعادة: اكيد يا طنط نص ساعة بالكتير و ابقي جاهزة .


صفية بإبتسامة: خلاص تمام هعدي عليكي تكوني خلصتي باي .


مرام بفرح: باي وبعد إنهاء المكالمة تنظر لوالدتها بسعادة غامرة .


مرام بإبتسامة: ميرسي جدا يا مامي انا مش عارفه كنت هعمل اي لولا فكرتك .


مروة بسعادة: الحمدلله فرصة و جت لغايه عندنا ولازم نستغلها و طالما صفية معانا اكيد أيان مش هيقدر يفتح بقه بكلمه .


مرام بإستعجال : طب سلام بقا يا مامي علشان الحق اجهز نفسي بسرعة .


وبعد ذلك تقوم بأختيار ملابسها ووضع الميك آب الخاص بها ثم تنزل لانتظار صفية وبعد مرور بعض الوقت تصل السيارة لباب الڤيلا فتخرج مرام وتركب السيارة بجانب صفية و يتوجهوا بعد ذلك لشركة الجارحي .....


End flash back.


مرام بفرح: طب استأذن حضرتك انا بقا علشان

الحق اجهز نفسي .


صفية بإبتسامة: ماشي يا قلبي سلام .


مرام بإبتسامة: سلام .


و تتوجه مرام لخارج الشركة في حين تتوجه صفيه لمكتب زوجها فتراها ايمي فتقوم بالترحيب بها في تعرفها بسبب زيارتها لرئيسها في الشركة :


ايمي بترحاب شديد: اهلا وسهلا بحضرتك يا فندم نورتي الشركة تخبي ادي بإسهاب بيه خبر إن حضرتك موجوده .


صفية بإبتسامة: الشركة منوره باللي فيها هو ايهاب عنده حد جوا .


ايمي بنفي : لا يا فندم هو لوحده جوا .


صفية بهدوء: خلاص هدخله انا .


ايمي بإبتسامة مصطنعة: تحت أمر حضرتك يا فندم اتفضلي .


فتتوجه صفية لباب مكتب ايهاب ثم تطرق الباب فتسمع صوته يأذن لها بالدخول فتفتح الباب فينظر باتجاه الباب فيري صفية تبتسم له فينظر لها بسعادة : 


ايهاب وهو يقوم بالتوجه لها : صفيه هانم منوره الشركة بتاعتي يا اهلا وسهلا.


صفية وهي تتجه له هي الأخري حتي وقفت أمامه : اي رأيك في المفاجأة دي حلوه صح .


ايهاب وهو يأخذها بحضنه : اكيد حلوة ليكمل بإستغراب بس اشمعني النهارده بالذات يعني .


صفية بإبتسامة: مش النهارده أول يوم لأيان في الشغل فكان لازم اجي اباركله بنفسي ومرام كانت معايا .


ايهاب وهو يبتعد عنها ويقول بغيظ : طبعاً أيان اومال انا كنت مستني منك اي انك تكون.....ثم يكمل يترقب مرام كانت معك واي اللي عرف مرام إن أيان بيشتغل في الشركة اكيد مش هو اللي قاللها .


صفية بتوتر : لا ما هو مش انا كنت عايزة اروح النادي وكدا بس مروحتش فقولت اجي هنا و مرام كانت عايزة تخرج تغير جو فجبتها معايا .


أيهاب بسخرية: لا والله يعني حضرتك عايزة تفهميني أن مرام مكانتش تعرف أن أيان هنا والا مش انتي اللي قولتيلها أنه بيشتغل هنا وهي جت من نفسها .


صفية بتوتر: اه عادي صدفه يعني مكنتش اصداها هي جت فجأة كدا .


ايهاب بسخرية: صدفة لا والله ليكمل بغضب هو انا مش قولتلك تطلعي اللي في دماغك ده وتسيبك منه ليه مُصره إن أيان يتجوز مرام و هو ذات نفسه قالك أنه مش بيحبها ومعاملته معها اكبر دليل علي كلامه ليه عايزه تخسرينا ابننا انا مش عارف ايه الغاية من كدا معقوله كل ده علشان خاطر صاحبتك .


صفية بغضب: و مالها مرام بقا انا عايزة اعرف البنت زي القمر ومن عيله معروفه و متعلمه ومستواها الاجتماعي مناسب لأيان جدا يبقي ايه المانع في أنهم يرتبطوا .


ايهاب بضيق شديد:: أيان مش طفل و لا عيل صغير علشان نختارله حياته دا بقا راجل وأطول مني وكمان مقدم في العمليات الخاصة وأمن الدولة و ياريت مدخليش نفسك في موضوع أيان و مرام ده مرة تانيه و إلا تصرفي معاكي المرة الجايه مش هيكون كويس مش هستني لما اخسر ابني بسبب تصرفاتك.


صفية بغضب: بقا تصرفاتي هي اللي هتخسرنا أيان بس انا بقا امه وانا اعرف مصلحته اكتر منه هو ذات نفسه وطالما انا شايفه إن مرام مناسبه ليه فهقربه منها بكل الطرق .ثم تتوجه لخارج المكتب وتركب المصعد ثم تخرج من الشركة بأكملها وتركب سيارتها وتتوجه للمنزل .


ايهاب بغضب: مُصره تعيد الماضي من تاني وانا مش هسمحلك يا صفيه تدمري حياة ابني علشان خاطر تفكيرك الطايش ده . ثم يكمل عمله .


*****************************

أما عند بطلتنا فبعد مرور نصف ساعة تصل للعنوان المطلوب فتجد ميرنا بانتظارها و هي ترتدي فستان من اللون الكاشمير وحذاء اسود اللون ذو كعب عالي ....



....



فتنزل من سيارتها وتتوجه لها :


انجي بإبتسامة: ها اتأخرت عليكي .


ميرنا بفرح: لا ابدا دا انتي جيتي في الوقت بالظبط.


انجي بإبتسامة: طب تمام يلا بينا.


ميرنا بتأكيد: اوك يلا .ثم يصعدوا بالسيارات وبعد مرور بعض الوقت ليس بقليل يصلوا للعنوان المطلوب .


ميرنا بإستغراب : بس انتي اي اللي عرفك المكان ده .


انجي بإبتسامة: عملت search عن مكاتب فاضيه ولقيت في مكتبين بس وده اول مكان .


ميرنا بإبتسامة: اه فهمت يلا ننزل نشوفه .


انجي بتأكيد: تمام يلا ثم تقوم بركن السيارة وبعد ذلك يخرجون منها ويتوجهوا للداخل ثم ركوب المصعد وتضغط على رقم الدور ال7 وبعد لحظات تخرج من المصعد ويتوجهوا للداخل فيجدوا سكرتيره محجبه أمامهم .


انجي بإبتسامة: السلام عليكم.


الفتاه بإبتسامة : و عليكم السلام مين حضرتك .


أنجي بهدوء: انا أسيل عمران وكنت شوفت اعلان عن صحافيه وانا بصراحه لسه متخرجه جديد ويحضر ماجستير ودي اخر سنه وكنت عايزة ادرب علي الشغل وكدا .


الفتاه بإبتسامة:, طب ممكن ثواني بس اقول للمدير وارجعلك تاني .


انجي بإبتسامة: اوك براحتك خُدي وقتك .


ثم تتوجه الفتاه للداخل ونجد في داخل المكتب رجل كبير في السن في منتصف الخمسين من عمره و تظهر علي ملامح وجهه الطيبة .


جاسر بإبتسامة : خير يا منه .


الفتاه و التي تُدعي منه : في واحدة بره علشان مقابلة الشغل .


جاسر بهدوء: تمام خليها تتفضل .


لتخرج منه و تخبر انجي علي أن تتوجه للداخل فتطرق انجي الباب ثم تتوجه للداخل .


انجي بإبتسامة: السلام عليكم.


جاسر بمحبه : و عليكم السلام يا بنتي اتفضلي اقعدي اسمك اي .


انجي بإبتسامة: انا اسمي أسيل عمران متخرجه من كليه صحافه و اعلام و بحضر الماجستير فيهم .


جاسر بإبتسامة: طيب ممكن اشوف ال CV بتاعك .


انجي بتأكيد : اه تمام يا فندم اتفضل ثم تمد يدها بالملف الشخصي الخاص بها .


و بعد مرور بعض الوقت يبتسم لها جاسر : تمام مبروك شغلك معانا هنا و باين في ملفك انك شاطرة و مجتهده وانا يشرفني اني اعينك معانا هنا في المكتب .


انجي بسعادة: الشرف ليا يا فندم .


جاسر بإبتسامة: خلاص بكرة بإذن الله تيجي عشان نمضي العقود وهخلي المحامي يجهزها .


انجي و هي تهم بالوقوف : أوك تمام استأذن انا.


جاسر بإبتسامة: اتفضلي إذنك معاكي يا بنتي .


لتتوجه انجي خارج الكتب بسعاده كبير وتتوجه لمرام التي كانت بانتظارها خارج الكتب .


انجي بإبتسامة: انا خلاص اتقبلت وهمضي علي العقد بكرة بإذن الله.


ميرنا بفرح و هي تحتضنها : الف مبروك يا قلبي عقبال ما تفتحي المكتب الخاص بيكي .


انجي بإبتسامة:, الله يبارك فيكي يا قلبي يلا بينا بقا.


ميرنا بإبتسامة: يلا بينا ثم يتوجهوا للخارج وبعد ركوبهم السيارة .


مرام بإبتسامة: هو مش المفروض نقول لآسر علشان نعرفه أننا خلصنا علشان يقابلنا في المطعم .


انجي بتأكيد: اه اتصلي عليه واسأليه عن عنوان المطعم بالمرة .


ميرنا بإبتسامة: اوك تمام ثم تُخرج هاتفها من الحقيبة وتقوم بمهاتفت آسر .


آسر بإبتسامة: ها يا حبيبتي خلصتوا .


ميرنا بفرح: اه الحمدلله خلصنا وكنت عايزة أسألك عن اسم المطعم علشان أسيل توصلنا وانتي تيجي بسرعة .


آسر : طيب يا حبيبتي اسم المطعم ............و هو في شارع ..........تمام كدا يا قلبي .


ميرنا لانجي: انتي كدا عرفتي العنوان يا أسيل .


انجي بإبتسامة: اه طلعلي في ال search.


ميرنا لآسر : خلاص يا أسر احنا رايحين علي هناك .


آسر بتأكيد: و انا نخرج دلوقتي سلام .


ميرنا بإبتسامة: سلام 


وبعد ذلك يقوم بإرسال العنوان لأيان ويخبره

بالموعد 


""""""""""""""""""""""""""""""""""""


انجي بإبتسامة: شكلكوا واخدين بعض عن حب .


ميرنا بإبتسامة: أسر دا الحاجة الوحيدة اللي بتفرحني بحياتي دايما معايا وجاني في أي وقت احتاجه فين في ثواني بلاقيه معايا و في كل حاجة سوا كانت حلوة أو وحشه .


انجي بإبتسامة: ربنا يخليكوا لبعض .


ميرنا بإبتسامة : آمين يارب رب عقبالك يا قمر .


انجي بإبتسامة: ميرسي يا قلبي.


و بعد مرور نصف ساعة يصلوا للمطعم ويقومون بالدخول وتوجهوا لكي يسألوا عن مكان الطاولة الخاصة بهم فيجدوا آسر هناك فيتوجهوا اليه .


آسر وهو يمد يده لانجي : ازيك يا أسيل.


انجي و هي تمد يدها لترد عليه السلام : الحمد لله تمام أخبارك .


آسر بإبتسامة: الحمد لله تمام اتفضلوا .


وبعد أن جلسوا .......


آسر بإبتسامة: معلش يا أسيل هنتاخر شويه لما نطلب الاكل علشان أيان زمانه جاي .


انجي بإستغراب: أيان مين .


آسر بإبتسامة: كان معايا في عيد ميلاد مرام السويفي .


انجي بتذكر: اه افتكرت اوك هنستناه انا مش جعانه اوي يعني .


ميرنا بإستغراب : غريبه يعني اول مرة أيان يخرج معانا .


آسر بمرح: أصل أيان مبيحبش يكون عزول وكدا 


فعلشان مش يتحرج مش بيرضي بيجي معايا .


ميرنا بإبتسامة: لا عادي والله أيان دا زي اخويا بالظبط.


آسر بإبتسامة: طيب اي رايكوا نشرب حاجة لغاية 



م.........ليقطع كلامه دخول أيان ومرام 



تعليقات



حجم الخط
+
16
-
تباعد السطور
+
2
-