Ads by Google X

القائمة الرئيسية

الصفحات

رواية زوجة زوجي الفصل التاسع9بقلم باسنت اشرف


 
رواية زوجة زوجي
 الفصل التاسع9
بقلم باسنت اشرف

" في اليوم التالي "

حور:  يوسف يا يوسف قوم بقىٰ كفاية نوم... 

يوسف:  سيبيني شوية يا حوريتي الله في أي..... 

حور: يوسف قوم بقىٰ يلا عشان تروح عند مراتك التانية.. 

يوسف:  مراتي التانية مين انتِ هتلبسيني مصيبة ولا أي... 

حور:  هووف يا يوسف قوم بقىٰ واخلص.. 

يوسف:  اديني قومت يا ست حورية عايزة أي بقىٰ.... 

حور:  مش عايزة حاجة بس قوم عشان تروح لمراتك التانية.... 

يوسف:  أروح اعمل عندها أي ها؟.. 

حور:  يوه يا يوسف انهاردة المفروض تكون الصباحية بتاعتكم واكيد اهلها هيجوا و طنط أكيد هتطلع فمش هينفع تفضل انتَ هنا وهي هناك عيب اووي... 

يوسف:  ماشي يا حورية لما نشوف اخرتها أي... 

حور:  يلا يا جو قوم بقىٰ وبطل غلاسة.... 

يوسف:  حاضر واللهِ هقوم اهو عشان اريحك انتِ بس... 

حور:  حبيب قلبي يا ناااس.... 

يوسف:  بعشقك يا نااس.... 

ـــــــــــــــــــــــــــــــــــــــــــــــــــــــــــــــ

الاء:  مش هينفع يا طنط تطلعي عندهم فين انتظري شوية دول يا حبة عيني أكيد نايمين.... 

ليلىٰ:  عايزة اطلع يا بنتي اطمن عليهم..... 

أحمد:  في أي يا ماما هتطلعي تطمني علىٰ أي دلوقت دول لسة كانت دخلتهم امبارح انتظري حتىٰ اخر النهار وبعد كده ابقىٰ اطلعي.... 

ليلىٰ: انا خايفة من حور لتكون عملت حاجة.... 

الاء:  هتعمل أي يعني يا طنط ما الكل عارف حور.... 

ليلىٰ:  لا اسكتي انتِ متعرفيش حاجة... 

أحمد:  مش هنضحك علىٰ بعض يا ماما الكل عارف حور غلبانة ومش هتعمل حاجة.... 

الاء: ايوا يا طنط حور لولا إنها بنت ناس وكويسة ومش هتلاقي في طيبتها مكنتش وافقت أن يوسف يتجوز ابدًا 

ليلىٰ: هي موافقتش أنه يتجوز طيبة منها لا هي عشان أرض بور مش أكتر ومفيش منها منفعة لولا كده كان عمرها ما توافق ابدًا....   

أحمد:  ماما لو سمحت مفيش داعي لكلام حضرتك ده 
عشان كلامك ده غلط جدًا والمفروض متقوليهوش من الأساس.... 

ليلىٰ:  نفسي اعرف كلكم واقفين معاها لي؟؟ 

الاء:  عشان يا طنط كل الكلام اللي بتقولية غلط وبصراحة كده يوسف لو لف الدنيا كلها علىٰ طراطيف صوابعة مش هيلاقي زي حور ابدًا..... 

ليلىٰ: براحتكم طالما شايفين أن حور ملاك خلاص هعملكم أي..... 

الاء:  واللهِ يا طنط دي الحقيقة حور أنسانة كويسة...... 

قاطعتها ليلىٰ قائلة:  خلاص بقىٰ مش هنخلص من المدح في الاستاذة حور خلاص يا الاء هنعمل أي حور كويسة فهي كويسة لنفسها وحشة برضوا لنفسها.... 

الاء:  صح يا طنط... 

أحمد: خلاص بقىٰ مش هنقضي اليوم كلة عن حور فكوا يا جماعة.... 

ـــــــــــــــــــــــــــــــــــــــــــــــــــــــــــــــ 

يوسف:  شوية صغننين وهكون عندك.. 

حور:  لا روح يا يوسف مش عايزة أشوف وشك تاني بس هاا.... 

يوسف:  ممكن أعرف مقموصة لي دلوقت مش انتِ اللي عمالة بتصحي فيا عشان اقوم اروح عند وتين..... 

حور:  أنا المبدأ نفسة مش عاجبني والله يا يوسف أنتَ المفروض مكنتش تتجوز من الأول اصلًا..... 
أنا حاسة ان احنا كده ظالمينها هي ليها حقوق وواجبات انتَ ملزم تقدمهالها... 

يوسف:  خلاص بقىٰ يا حوريتي دماغك القمر دي خليها ترتاح شوية... 

حور:  مش هترتاح ابدًا يا يوسف.. 

يوسف:  لي يا حورية؟؟! 

حور:  عشان أنا حاسة إنك ظالم وتين بسببي....

يوسف:  انتِ ملكيش دعوة يا حورية انتِ مش ظالمة حد صدقيني..... 

حور:  خلاص يا يوسف روح يلا.... 

يوسف:  سلام يا روح قلب يوسف.. 

ـــــــــــــــــــــــــــــــــــــــــــــــــــــــــــــــ 

" في بيت بسيط أول مرة نذهب إلية 
بيت مكون من طابقين يطغي علية البساطة والجمال "

سما: واللهِ يا ماما خلاص مفيش حاجة عادي مش انتِ علطول بتزني عليا انا موافقة اقابل العريس عادي.. 

سعاد:  ماشي يا سما لما نشوف يلا نضفي وخلصي عشان تجهزي نفسك عشان هنروح عند بنت خالتك النهاردة.. 

سما: ماشي يا ماما انا قرفت من أم التنضيف أي القرف ده.... 

سعاد:  نضفي يا سما ومتعصبنيش يلا اخلصي عشان نخلص.... 

سما:  حاضر يا ماما حااااضر.. 

سعاد:  بت انتِ هتعلي صوتك عليا ولا أي.. 

سما:  لا يا ماما مش بزعق والله... 

سعاد:  طب خلصي يلا وانا هروح احضر الأكل علشان ابوكِ قرب ييجي.... 

سما:  فل عليكي يا سعاد يا قمر انتِ.. 

ـــــــــــــــــــــــــــــــــــــــــــــــــــــــــــــــ

وتين:  أفندم في حاجة.. 

يوسف:  اظن أني جاي شقتي واللهِ... 

وتين:  ايوا عايز أي بقىٰ... 

يوسف:  اتعدلي وانتِ بتتكلمي.. 

وتين:  ما أنا معدولة اهو شايفني معووجة ولا أي... 

يوسف:  بصي أنا مش طايق نفسي ولا طايقك فغوري من وشي أحسن... 

وتين: والله حضرتك ملكش حق تتأمر عليا يا استاذ يوسف... 

يوسف:  أظن أني جوزك وليا حق اتأمر عليكي براحتي.... 

وتين:  جوزي علىٰ الورق متنساش ده.. 

يوسف:  دي حاجة أنا فاكرها كويس اوي ومستحيل انساها بس انتِ قدام الناس كلها مراتي... 

وتين:  يوسف ادخل بالله عشان انا عندي صداع.... 

يوسف:  أكيد اهلك جايين بعد شوية ياريت تباني قدامهم إنك عادي.... 

وتين:  ماشي يا يوسف أي اوامر تانية.. 

يوسف: لا مفيش اوامر تانية... 

وتين:  أحسن برضوا...... 

ــــــــــــــــــــــــــــــــــــــــــــــــــــــــــــــــ

ليلىٰ:  صباحية مباركة يا عرايس... 

وتين:  الله يبارك فيكي يا طنط... 

ليلىٰ:  أي الاخبار يا حبيبتي يوسف كويس معاكِ... 

وتين:  كويس جدًا يا طنط كويس فوق ما تتصوري.. 

ليلىٰ: أنا عارفة ابني ربنا يخليكم لبعض و يرزقكم بالذرية الصالحة..... 




تعليقات