رواية حياه بقت حياتي
بقلم اسراء محمد
الفصل الثانى عشر
حياه : اه ، بس خلي بالك
حاتم : من اي
حياه : طنط اللي معانا دي متعرفش حاجه هي عارفه اني بنت صفاء
حاتم : تمام
ليقاطع حديثهم حازم
حازم : انتي واقفه هنا لي وقوليلي يقربلك اي بقي
حياه : ميقربليش اصلا انا قولت كده عشان طنط ناديه ومراد
حازم : نعم يا ختي
حاتم : اهدي بس انا هفمهك
حازم : تفهمني اي
حاتم : افهمك اني عايز اطلب ايد اختك
حازم : وهو اللي يطلب ايد واحده يطلبها في المستشفى
حاتم : مش مامتك اللي تعبت وجينا عشانها
حازم : اممم طب يلا ونبقي نشوف موضوعك ده بعدين
حياه ابتسمت ومشيت مع حازم
حاتم بيكلم نفسه : ده ابوه معملش اللي عمله ده
حازم بصوت عالي نسبياً : اي عجبتك الوقفه ولا اي
حاتم بانتباه : ها جاي اهو
حازم : طب يلا
وراحوا عند مهدي وصفاء
مهدي : دفعت الحساب يا حازم
حازم : اه
مهدي : طب يلا
حاتم : انا ممكن اوصلكم انا معايا عربيه
مهدي عشان يبين انه قريبهم
طب خد انت حياه وحازم معاك وانا هاخد صفاء ومدام ناديه
حاتم : تمم
ووصلوا عند عربيه حاتم وفتح الباب اللي قدام لحياه ف حازم هو اللي ركب
وقال : اركبي يلا يا حياه
حياه ركبت وهي كاتمه الضحك
وحاتم ركب وهو متغاظ من حازم
وكل شويه يبص لحياه من المرايا
حازم : هتقعد تبصلها كتير كده
حاتم : وانت عرفت منين اني ببصلها
حازم : عشان عارف حركات الشباب دي
حاتم : امممم
حازم : قولي بقي
حاتم : اقولك اي
حازم : عندك كام سنه وخريج اي وبتشتغل اي والاهم من ده كله عرفتها منين
حاتم : انا عندي 30 سنه ومتخرج من تجاره انچلش وشريك اخويا في كافيه
حازم : وعرفتها منين
حاتم : من الكافيه
حازم : ازاي
حاتم : اختك زبونه في الكافيه من فتره وانا اعجبت بيها من اول يوم كانت موجوده في الكافيه وبيبص لحياه في المرايا
وحياه بتتكسف
حازم : قولتلك متبصلهاش
حاتم : حاضر
حازم : وبعدين هي اي بنت تجيلك الكافيه تخطبها
حاتم : لا طبعا
حازم : اومال اي اللي شدك ليها وهي زبونه بس
حاتم : اخلاقها
حازم : وانت عرفت اخلاقها منين
حاتم : الصراحه
حازم : ايوه انا عايز الصراحه
حاتم : جربت اهزر معاها كذا مره وكانت بتتكلم باحترام وتحرجني برضو باحترام وحاولت اعزمها علي حاجه برضو كانت بتحرجني بأدب واحترام
حازم : شاطره يا حياه
حاتم بصدمه : انا بحكيلك عشان تقولها شاطره يا حياه
حازم : اه عشان لو كانت عملت غير كده ماكنش زمانك معانا دلوقتي وعايز تتجوزها صح ولا اي
حاتم : صح
حازم : وصلنا بس هنا
حاتم : بالسرعه دي
حازم : معلش ، يلا
حاتم : لا انا همشي
حازم : بابا حاتم مش عايز يطلع
مهدي : لي يا ابني
حاتم : معلش يا عمو مره تانيه
مهدي : علي راحتك
وسابه وطلع هو وصفاء وناديه
حازم : بقولك يا حاتم
حاتم : نعم
حازم : مش معني انك اتقدمتلها تكلمها في الموبايل عادي كده
حاتم : تصدق بالله
حازم : لا اله إلا الله
حاتم : انا مش معايا رقمها اساسا
حازم : احسن برضو
حاتم ضحك وقال : طيب يا سيدي سلام بقي
وطلع حازم وحياه
عند مراد
ناديه طلعتله بعد ما سابت صفاء
لاقته معاه شنطه هدوم وماشي
ناديه : انت رايح فين
مراد : همشي
ناديه : هتمشي فين
مراد : اي حته بعيده
ناديه : عايز تسيبني يا مراد ده انا مليش غيرك بعد وفاة ابوك
مراد : معلش يا ماما سيبيني براحته وانا شويه وهرجع
ناديه : لا مش هسيبك
مراد : لا همشي يا ماما
وسابها وجاي يمشي وقف
وقال : اه صح كنت هنسي
ناديه : يارب تنسي انك تمشي وتسيبني
مراد : لا انا نسيت اقولك دبلتي جوا رجعيها ل ياقوت وقوليلها كل شيء قسمه ونصيب
ناديه : كمان سيبت ياقوت
مراد : عشان كل اللي حصل ده بسببها
ناديه : اي اللي حصل فهمني
مراد : عشان لولا خطوبتي منها وقربها ليا ماكنتش هكتشف اني بحب حياه وكل المشاكل اللي حصلت دي كانت بسبب غيرتها من حياه
ناديه بصدمه : اي اللي انت بتقوله ده
مراد : هي دي الحقيقه
ناديه : مش هي دي حياه اللي قولتلك اخطبهالك وانت قولت عليها ملزقه ومش بتقبلها جاي دلوقتي بعد ما خطبت تقولي بتحب حياه
مراد : اهو اللي حصل بقي
ناديه : عارف انا اكتشفت اي دلوقتي
مراد : اكتشفتي اي
ناديه : انك زباله وواطي وعايز كل حاجه علي حساب مين بقي دي متفرقش معاك
مراد : اي اللي انتي بتقوليه ده
ناديه : بقول الحقيقه
مراد : تمام
وسابها ومشي
ناديه : ربنا يهديك يا ابني قبل ما تخسر نفسك قبل ما تخسر كل حواليك
عند حياه
طلعت هي وحازم
مهدي : تعالي يا حياه
حياه : نعم يا بابا
مهدي : قوليلي بقي تعرفي حاتم ده منين
حكتله حياه من اول ما عرفته وعرفته ازاي لحد ما كان في المستشفى
مهدي : طب انتي مقتنعه ان واحد شاف واحده في كافيه حتي لو كذا مره زي ما قولتي يبقي عايز يتجوزها
حياه زعلت من كلام والدها بس مبينتش
وقالت : عندك حق يا بابا
حازم : ممكن اتكلم
مهدي : مش دلوقتي يا حازم
حازم : بس
مهدي : مفيش بس وانتي يا حياه حاولي تخفي مرواح الكافيه ده
حياه بحزن : حاضر ، عن اذنكوا
وجت تدخل
مهدي : استني