رواية حب الصدفة
الفصل الرابع4
بقلم غادة رجب
_ولسه واقفين لقيت منه حبيبتي القديمه جايه معاها واحد معرفهوش وحاضنه
ف ايده وبتضحك ببص لقيت الشاب ال معاها دا انا شوفته قبل كدا لقيت يسر بتقولي محمود محمود
_ماله محمود
_هو الشاب اللى ماشي مع البنت دي
_دي منه
_وفجأة لقيت منه جايه علينا
منه: بقي هي دي بقي ال عرفتها بعدي شبهك دقه قديمه ومالك بقي ياحلوه
لابس خمار وعامله زي الحجه كدا
_اخرسي يامنه انتي زعلانه علشان احلي منك اخدت بعدك ملكه بنت
محافظه ع نفسها وع لبسها بنت محترمه وحشمه مش زيك انا مش عارفه كنت بحبك ع ايه ياخساره الوقت ال ضيعته معاكي اه بنت عمي بس مش شبهي
_شبهك اي دا انت حته ممرض انا بقي ف هندسه
_انتي لسه فيكي الكبر ال ع الفاضي دي هتشوفي حته الممرض دا هيعمل اي
_يسر كانت واقفه مصدومه ان محمود ف ايد غيرها بص عليها وقلها
محمود: مين دا يايسر
يسر: وانت شاغل بالك بيا ليه
محمود: انطقي مين دا بقولك
يسر: وانت مالك كنت فاكر اني هنكسر ف بعدي عنك كنت بتحلم
_وبصتله وقالتلي يلا نمشي يايوسف
_عدا الموقف دا ويسر مش فاهمه مين منه انا عمري ماكلمتها عنها
يسر: مين منه دي يايوسف
_منه دي حكايه طويله وعدت
يسر: بس انا عايزه اعرفها لو معندكش مانع
_لا يامعنديش بصي ياست منه دي بنت عمي عمي وبابا كان بينهم مشاكل
طول الوقت علشان الورث ومكناش بنتكلم خالص ولا كأننا عندنا عم كبرت واتعرفت ع منه ف الدرس
حبيتها اوي اوي كنت فاهم انها غير ابوها حبيتها لدرجه كنت بعمل كل حاجه علشانها تعرفي انا كنت بصلي ليل نهار علشان تبقي من نصيبي العيله
كلها كانت مانعه العلاقه دي وانا بتحدي اي حد واما كبرنا وروحنا ثانويه عامه كنا بنذاكر مع بعض ع امل هبقي دكتور وسكت
يسر: وايه حصل بعد كدا اما فشلت سابتك يعني
_بس انا مفشلتش لا وقتها كان ف مشاكل كبيره اوي ع الورث بين عمي وبابا
وفجأة بابا تعب اوي اوي كان لازم اكون انا مكانه ف الشغل واخد بالي من مذاكرتي ومن ماما وامنيه
يسر: طيب ايه المشكله ليه مكملتوش
_مكملناش علشان منه شافت اني طمعان فيها زي ما ابوها فهمها ودخلت امتحانات الثانويه ع الذاكره مكنتش بذاكر قدها وفجأة جات النتيجه هي علشان مكنتش ف مشاكل ولا بتشتغل جابت 98ودخلت هندسه وانا جبت 93ودخلت تمريض جات قالتلي وانا مقبلش يبقي جوزي اقل مني وكلام كتير كده كنت بترجاها تفضل كنت هدخل جامعه خاصه لكن ف الفتره دي بابا توفي والحمل زاد عليا موقفتش جنبي كانت كل مشاكلي هي كانت بتشوف نفسها عليا وف يوم قالت ل ابوها اني بعاكسها وبضايقها ضربني علقه موت وجابها قالتلي ابعد عني انت مش من مستوايا
يسر: ياه ف بنت تسيب حب حياتها بالسهوله دي
_هي ماحبتنيش كانت بتتسلي
يسر: غبيه هي هتلاقي زيك فين
_لقت اهو محمود
يسر_بس محمود مش زيك انت محدش زيك اصلا
_يسر بقولك صح
يسر:قول ياسطا
_انا.....
يسر:انت ايه يايوسف
_انا عايز اشرب حمص شام
يسر:انت رخم
_عدا كدا سنه اعرف فيها يسر شعور اتغير من نحيتها من زمان وجه اليوم ال كنت هعترفلها بحبي انا اتأكدت اني بحبها بجد
_الو يسر
يسر:نعم ياستاذ
_انا ف مشكله ومحتاجك
يسر:انت فين طيب وانا اجيلك
_انا ف مكانا المفضل تعالي
يسر:مالك يابني وقعت قلبي
_جات لقتني جايبلها ورد وعاملها وفجأة
_يسر انا
يسر:ف اي وقعت قلبي
_يسر انا بحبك
يسر:......
_يابت بحبك مالك مش بتنطقي ليه
يسر:وانا
_٠وانتي ايه انطقي
يسر:وانا كمان بحبك والله
_خدي الورد دا انا هفضل شايله كتير كدا
يسر: ورد اي انا عايزه اكل فين الاكل
_اكل اي بتبوظي الرومانسيه دايما كدا
يسر:بلا رومانسيه قولت بحبك وانا قولت وانا كمان يبقي فين الاكل بقي
_روحنا نتمشي وفضلنا نضحك وجبتلها بيتزا علشان بتحبها اكتر مني كان يوم حلو بوجودها
_رجعت البيت لقيت مصيبه ف وشي......