CMP: AIE: رواية العشق القاتل الفصل الاخير بقلم
أخر الاخبار

رواية العشق القاتل الفصل الاخير بقلم

       

رواية العشق القاتل
 الفصل الاخير
 بقلم بسملة محمد


عندما فتح الباب وجدت طفله جميله جدا جدا وجهها طفولى

 وبرئ جدا شعرها اسود وناعم كلحرير وبيضاء مثل التلج.. 

وعد بطفوله: مين دى بابى؟ 

ندى بصدمه: بابى! 

مينا: طب ادخلى جوا شويه يا دودى. 

... 

ندى بصدمه: انت عندك بنت يا مينا؟ 

مينا:مش بالظبط، بصى يا ستى وعد دى مش بنتى بنتى يعني، من اربع سنين كنت راجع من تصوير بليل متأخر وكان الجو تلج والمطرة بتمطر جامد جدا، فوانا ماشى لاقيت ست كبيرة قاعدة فى مكان كدا وشايله بيبى صغير، روحتلها و... 

«قبل اربع سنوات» 

مينا: انتى قاعدة كدا ليه يا امى الجو برد عليكى وعلى الطفله دى. 

الست الكبيرة: طب هعمل ايه يابنى انا ماليش حد انا والغلبانه دى امها رمتنى انا وهى فى الشارع عشان بنزعج جوزها. 

مينا بحزن: طب تعالى معايا يا امى متقلقيش. 

الست الكبيرة: لا خد بس الطفله دى حرام دى ملهاش ذنب تموت من البرد عشان امها معندهاش قلب، خد بس البت دى ربيها وخليها بنتك وانا خلاص مش هعيش اكتر ما عشت. 

مينا: حاضر يا امى هاخدها بس انتى تعالى معايا بس مش معقول هسيبك فى الجو دة كدا. 

... 
مينا: بس يا ستى دة اللى حصل، ودى اللى كنت بكلمها من شويه. 




ندى بحزن: طب فين جدتها؟ 

مينا: بعد ما شوفتها وديتها دار مسنين وبعد شهر كلمونى وقالولى انها ماتت، والبنت محدش سأل عليها خالص. 

وعد بطفوله: باااابى وحشتني اوى، بقالك كتير مش بتيجى تشوف وعد وهى زعلانه منك ومش هتكلمك خالص خالص. 

مينا: معلش بس بابى كان مسافر واول ما رجع جه عشان يشوف وعد حبيبته، وعلى فكرة انا جايبلك معايا مفاجأة حلوة اوى. 

وعد بطفوله: فين المفاجأة؟ 

اشار بيده على ندى. 

مينا: مش كنتى دايما بتقوليلى فين مامى، مامى اهى. 

ركضت لى بسرعه وحضتنتنى بشدة، والحقيقه مان حضنها جميل جدا ودافى جدا..

وعد بطفوله:ماااامى،انتى كنتى فين انا كنت دايما بسأل بابى عليكى.

ندى:معلش يا دودى انا كنت مسافرة ورجعت اهو عشان اشوف دودى عشان وحشتنى.

وعد:وانتى كمان وحشتينى اوى ممكن متسبينيش تانى خالص.

ندى:حاضر مش هسيبك خالص خالص.

وعد:خالص؟

ندى:اه ويلا تعالى معايا نحضر شنطه دودى عشان هتيجى تعيش معانا.




وعد:بجد يا مامى؟

ندى:طبعا.

مينا كان ينظر لى بذهول على ما فعلته ولكن ماذنب هذه المسكينه ان تعيش طفولتها وحدها.

             ـــــــــــــــــــــــــــــــ
مرت الايام وبدأنا بالتعود على وجود وعد فى حياتنا ولكن بالطبع اهلنا اخذوا وقت ليس قليل للتعود عليها وخصوصا والدت مينا...

....
ندى:مينا هو عيد ميلاد وعد امتى؟

مينا:امم ايه دة تصدقى انه بعد اسبوعين.

ندى:معقول مش فاكر عيد ميلاد وعد يا مينا!

مينا:معلش بقا انتى عارفه اللى حصل ودماغى كانت فيها مليون حاجه.

ندى:طب بما ان دة اولةعيد ميلاد ليها معانا فلازم يكون احلى عيد ميلاد.

مينا:ماشى شوفى هى عايزة ايه وانا معاكوا وهعملها احلى عيد ميلاد،هو انا عندى اغلى منكوا.

ندى بحنان:ربنا يخليك لينا يا حبيبى.

مينا بحب:ويخليكى ليا يا حبيبتي.

وعد:باااابى،انا زهقانه اوى ممكن نروح الملاهى؟

ندى:لا احنا هنخرج عشان نجيب حاجات لعيد ميلاد دودييي.

وعد بفرح طفولى:هييييي،انا عايزه كل حاجه تبقى يونيكورن.

مينا:كل حاجه،كل حاجه!

وعد:كل حاجه.




ندى:طب يلا عشان نروح نجيب فستان لدودى.

وعد بطفوله:ونجيب لمامى كمان.

مينا:طب وبابى مش هتجيبوله حاجه.

وعد بلماضه:بابى مش هينفع يلبس فستان عشان هو مش بنت.

مينا:اممم شطورة يا دودى انتى صح.

وعد:طب يلا بقا عشان منتأخرش،وممكن نجيب ايس كريم كمان بليييز.

ندى بضعف:هى دودى تقول حاجه ومتحصلش،حاضر ياست وعد.

            ــــــــــــــــــــــــــــــــ
«بعد اسبوعين»

مينا:يلا يا ندى الناس زمانهم جايين.

ندى:حاضر خلاص خلصنا.

وعد: ايه رأيك يا بابى؟

كنا نلبس انا و وعد فساتين على شكل حصان اليونيكورن مثلما ارادت وعد،وكانت كعكه العيدميلاد ايضا بنفس الشكل...

مينا:ايه ده؟
اميرتين ياربي!

وعد:بجد يا بابى شكلى حلو؟

مينا:قمر يا اميرتى.

ندى:طب انا ايه خيال يعنى؟

امسك بيدى وطبع قبله رقيقه عليها

مينا:قمر طبعا يا ملكه حياتى.

بدأت الناس تأتى وجاء وقت اطفاء الشمع...

ندى:كل سنه وانتي طيبه وقمر يا حبيبه 



مامى،جاهزة عشان تشوفى هديتك؟

وعد:جهزااااااا،الله يامامى دة الكلب اللى كان نفسى فيه.

ندى:ايوا هى دودى تبقى نفسها في حاجه ومجبهاش.

وعد بطفوله:انا بحبك اوى يا مامى.

مينا بغيرة:بحبك اوى يا مامى!
طب مفيش بحبك اوى يا بابى ولا عشان لسه مجبتش الهديه،بس على العموم الهديه بتاعتى احلى من بتاعت مامى.

وعد:وبحبك انت كمان يا بابى.

مينا:يا بكاشه،طب تعالى يلا عشان اوريكى هديتك.
....

وعد:الله يا بابى اوضه العاب ليا انا!
يعنى كل الالعاب دى بتاعتى انا لوحدى؟

مينا:طبعا بتاعتك انتى لوحدك،ها بقا هديه مين احلى؟

وعد:بصراحه سورى يا مامى بس هديه بابى احلى.

ندى:يا ماديه،طب تعالى هنا بقا عشان اكلك.





لعبنا حتى اهلكنا النوم واستيقظنا اليوم التالى مرهقين للغايه ولكن بالطبع كان يجب على تنظيف المنزل من المعركه التى حدثت به امس يوم عيد الميلاد...
            ـــــــــــــــــــــــــــــــ
«بعد شهر»

ندى بقلق وخوف:مينا،مينا اصحى.

مينا بقلق ونعاس:فى ايه ياندى؟

ندى:وعد سخنه اوى وحرارتها مش راضيه تنزل ومش عارفه اعمل ايه.

مينا وهو ينهض:طب البسوا عقبال ما اجهز العربيه.

ندى بقلق:هنروح فين دلوقتي؟
الساعه اربعه الفجر.

مينا:تعالى بس،فى دكتور صاحب بابا المستشفى بتاعته قريبه من هنا هكلمه يشوفلنا دكتور الاطفال.

ندى:ماشى.
....
«فى المستشفى»



الطبيب:لا متقلقوش خالص نزله برد شديدة شويه بس هتاخد دوا وهتبقى كويسه.

مينا:تمام شكرا لحضرتك،معلش تعبناك معانا.

الطبيب:لا تعب ولا حاجه،دكتور مصطفى جمايله عليا كتير ومصدقت اردله حاجه بسيطه.

مصطفى:لا جمايل ايه بس دة انت ابنى.

الطبيب:ربنا يخليك يا دكتور.
....
مصطفى:ايه يا استاذ مينا،مفتكرتنيش غير لما الانسه وعد تتعب؟

مينا:معلش والله يا عمو انت عارف المشكله اللى حصلت والدنيا كانت متلخبطه معانا معلش.

مصطفى وهو ينظر لندى:اسامحه يا دكتورة ندى؟

ندى بخجل:والله اللى حضرتك عايزة.

مصطفى:خلاص هسامحه عشان خاطرك.

مينا:بس حضرتك عرفت ازاى انها ندى؟

مصطفى:هو فى حد ميعرفش الدكتورة ندى عثمان او الملاك زى مانت قولت عليها.

وجههى احمر بشدة من الخجل..

مصطفى:طب يلا يلا خد الدكتورة ووعد وروحوا قبل ما وشها ينفجر وانا هبقا اجى اقعد معاكوا شويه.

مينا:ماشى يا عمو هنستناك.                     
           ــــــــــــــــــــــــــــــ
وفى يوم ما كنت اجلس أقرأ روايه فجاء مينا وجلس امامى..

مينا:نودى،بتعملى ايه؟

ندى:بقرأ روايه.

مينا:طب انا عندى ليكى مفاجأة تحفففه.

ندى بحماس:ايه هى المفاجأة؟

مينا:عارفه برنامج****؟






ندى:اه عارفاه.

مينا:الاعداد كلمونى وقالولى انهم عايزين يعملوا معانا حلقه.

ندى بفرحه:بجد؟

مينا:والله.

ندى بطفوله:هيه هيه هيه هيه،طب هيبقى امتى؟

مينا:بكرة.

ندى:طب ومقلتليش ليه من بدرى يامينا عشان ننزل نجيب هدوم جديدة.

مينا:اولا انا لسه عارف زيك اول ما كلمونى قولتلك ثانيا ندى احنا عندنا اتنين دريسنج روم ياندى وفى حاجات لسه متلبستش.

ندى بهدوء:بس دى مقابله مهمه يا مونى.

مينا بنفاذ صبر:قومى نامى ياندى.
...
«اليوم التالى فى المقابله»

تحدثنا عن كل ما حدث وتحدثنا عن وعد وعن كل شئ يخصنا وفاجئنى مينا فى المقابله اننا سنسافر لدبى بعد عدة ايام...

ندى:يعنى ايه يا مينا تقولى فى البرنامج اننا هنسافر بعد كام يوم مش المفروض تقولى عشان اجهز الحاجات و هنعيش فين و..ورق وعد يا مينا لسه فى ورق وعد ولا مش هتسافر معانا؟






مينا:ممكن تدينى فرصه اجاوب على كل الاسئله دى،اولا لسه السفر بعد خمس ايام ثانيا انا اشتريت بيت صغير كدا عقبال ما نروح ونجيب بيت على زوقنا ثالثا والاهم ورق وعد بيتعمل وهروح اخدة بكرة بليل.

ندى بتوتر:يعنى كل حاجه تمام؟

مينا:كله تمام يا حبيبتي متقلقيش.
....
«فى مكان اخر»

مجهول١:عايشين حياتهم وبرامج واتجوزوا وعملوا اسرة وبينجحوا وانا مرمى هنا بسببهم.

مجهول٢:تحب نخلص عليهم يا باشا.

مجهول١:هو بس اما الدكتورة هموتها بالبطئ.

مجهول٢:انت تؤمر يا باشا.
....
مينا:ندى انا هروح تجيب ورق وعد وهرجع على طول.

ندى بقلق:طب هترجع على امتى كدا.

مينا:يعنى ساعتين بالكتير.

ندى:طب خد بالك من نفسك لو سمحت عشان انا قلبى مقبوض مش عارفه ليه.

مينا:لا يا حبيبتي متقلقيش بصى نامى انتى شويه وانا لما ارجع هصحيكى.

ندى بقلق:ماشى،مينا انا بحبك اوى.

مينا:وانا كمان بحبك يا قلبى.

ندى:توعدنى متسبنيش؟

مينا بعدم فهم:اوعدك مش هسيبك،يلا باى.

«بعد اربع ساعات»

وعد بنعاس:مامى،مامى.

ندى:ايه يا دودى مالك؟





وعد:حلمت حلم وحش اوى ب بابى.

ندى:لا يا حبيبتى متقلقيش بابى..هو بابى مش فى المكتب؟

وعد:تؤتؤ.

ندى:اومال اتأخر ليه..(ثم قطع كلامها رنه هاتفها باسم مينا)شوفتى اهو بابى بيتصل،الو يامينا اتأخرت كدا ليه دودى قلقانه عليك.

مجهول:حضرتك مدام ندى؟

ندى بقلق:ا..ايوة مين حضرتك؟

مجهول:صاحب الموبيل دة العربيه اتقلبت بيه وبيحاولوا يخرجوه من العربيه والاسعاف جايه فى الطريق.

ندى وهى تحاول التماسك:طب انتو فين؟

مجهول:احنا على طريق***.

ندى:تمام انا جايه حالا.

كنت البس اى شئ تأتى يدي عليه وكل ما افكر به هل سيحدث ماحدث مع عمر مرة ثانيه ولكن مينا وعدنى انه لم يتركنى ابدا، وبعد عدة دقائق وصلت المكان الذى قال لى المجهول عنوانه وبالفعل رأيت سيارة مقلوبه ويوجد بداخلها احد يحاولوا 



اخراجه..ان..انه مينا،ولكن ملامحه لم تظهر كثيرا بسبب الدماء التى توجد على وجهه وحولت ملابسه لحمراء،اخرجوه من السيارة ووضعوه فى سيارة الاسعاف فركبت معه..

ندى بدموع:م..مي..مينا انت مش هتسيبنى صح؟
انت وعدتنى انك مش هتسيبنى يا مينا انا مليش غيرك انت كل حاجه حلوة فى دنيتى،طب بلاش انا عشان وعد انت عارف انها حست بيك وهى اللى صحتنى،عشان خاطرى قوم،اقولك خلاص مش عايزة لبس للسفر مش عايزة حاجة خالص عايزاك تقوم.

مينا بتعب:ن..ندى،سامحينى.

ندى ببكاء:مسمحاك يا مينا بس عشان خاطري متسبنيش يا مينا.

مينا بتعب:ب..بح..بحبك يا م..لا..ملاكى.

ثم فقد وعيه مرة اخرى

وصلنا المستشفى ووجدت الدكتور مصطفى فى انتظارنا..

ندى ببكاء:ع..عمو مصطفى ارجوك انقذه،اعمل اى حاجه عشان خاطرى.

مصطفى بحزن:حاضر حاضر يابنتى هعمل كل اللى اقدر عليه.

ندى ببكاء هستيرى:عشان خاطرى الحقه متسيبهوش يموت.

اخذوا مينا لغرفه العمليات وانا كلمت والدتى ووالدته مينا ليأتوا، وظل مينا بالداخل اكثر من سبعه عشر ساعه واخيرا خرج عمو مصطفى..

ندى ببكاء:ها ياعمو مينا كويس صح؟
طب طب هو هيقوم امتى؟
انا لازم ادخله عشان لما يصحى يلاقينى جمبه.

مصطفى:اهدى ياندى،للاسف الحادثه كانت شديدة اوى والاصابات خطيرة جدا وتقريبا الجسم كله اتأثر وخصوصا الدماغ فأحتمال كبير اوى لو عدا وكمل الاربعه وعشرين ساعه دول على خير ومحصلش مضاعفات مينا يدخل فى غيبوبه والله اعلم هيفوق تانى ولا لا،احنا حطناه تحت الرعايه لحد ما نشوف ايه اللى هيحصل.

جلست فى الارض من صدمه كلام الدكتور. 
ندى لامها: يعنى ايه لو كمل اربعه وعشرين ساعه يعنى ايه ها!



لا مينا هيقوم وهيبقى كويس وهنسافر وهعمل كل حاجه كنا هنعملها.

والدة ندى بحزن على حالته بنتها:اهدى يا حبيبتى متعمليش فى نفسك كدا،ان شاء الله هيقوم وهيبقى زى الفل ادعيله انتى بس وقومى صلى ركعتين لربنا يقومه بالسلامه.

ثم أتى كمال..

كمال:ندى،ايه اللى حصل ومينا فين؟

ندى وهى تحاول اخراج الكلام:العربيه اتقلبت بيه ومحدش عارف ايه اللى حصل،خو دلوقتى فى العنايه والدكتور..الدكتور بيقول حالته صعبه اوى واحتمال ميكملش الاربعه وعشرين ساعه دول.

كمال بحزن وعدم تصديق:لا لا ان شاء الله هيقوم وهيبقى كويس مينا قوى اللى خلاه يعدى كل اللى فات هيخليه يعدى دة.

ذهبت لاصلى وادعى لربنا ان يحميه وينجيه مما هو فيه ويرجعه لى بالسلامه،وعندما انتهيت ذهبت ووقفت امام الزجاج الذى يفصل بينى وبينه وجدت ملامحه تكاد تكون مختفيه بسبب الجروح التى تغطيها وحوله اجهزة كثيرة جدا،لم احب فى يوم ان اراه هكذا ابدا،وفجأة وجدت الاجهزة تصفر بشدة تشير لتوقف النبض والممرضات يجروا لغرفته وبينهم عمو مصطفى..

ندى بعدم فهم وقلق:عمو فى ايه؟
مينا بيحصله ايه،رد عليا ارجوك.

مصطفى:اهدى ان شاءالله هيبقى كويس.

ظلوا يحاولوا ليعيدوا نبضه بكل الطرق الممكنه حتى توقفوا..


ونرشح لكم


ندى بهستيريا:انتو بطلتوا ليييه هاااا؟
بطلتوا لييييه،لا مينا مامتش لااااا،ميناااااا لا متسبنييييش،انت وعدتنيييي انك مش هتسبنييي،خلفت بوعدك ليييييه،لااا يا ميناااا،لا لا مين..مينا..لا.

ولم اشعر بشئ بعدها حتى استيقذت اليوم التالى ووجدت امى تلبس ملابس سوداء وتبكى وكمال ايضا..




وانا احاول النهوض:مينا،مينا فين يا ماما؟
مينا فين يا كمال؟
(كانوا ينظروا لى بحزن وشفقه)
انتو مش بتردوا عليا ليييه بقولكوا مينااا فييين؟

كمال بحزن:اهدى يا ندى،البقاء لله ربنا رحمه يا ندى.

ندى بعدم تصديق:البقاء لله فى مين؟
اكيد لا مينا مامتش صح وهلاقيه داخل دلوقتى صح؟
انا عارفه حركاته دايما بيعمل فيا كدا،ما انت عارف يا كمال.

كمال بحزن:اهدى يا ندى بقا عشان مامتك وعشان نفسك.

وبعد فترة حاولت استوعب ما حدث،يعنى مينا لم يعد معى الان!
لم اراه مرة ثانيه!
كيف سأعيش من دونه!
           ــــــــــــــــــــــــــــــــ
«بعد عام،فى المقابر»

ندى بحزن:مينا،انت وحشتني اوى يا مينا،انا بحاول ابقى قويه والله بس مش عارفه والله،مش عارفه،وعلى فكرة وعد كل شويه بتسألنى عليك وقولتلها انك بقيت عند ربنا بس شايفها دايما وهى دايما بتدعيلك يا مينا...وحشتنى اوى.

                         

. وفي. كرنفال. الروايات . ستجد. كل. ما. هوا جديد. حصري. ورومانسى. وشيق. فقط ابحث من جوجل باسم الرواية واسم مدوانة كرنفال الروايات وايضاء  اشتركو على

 قناتنا        علي التليجرام من هنا

ليصلك اشعار بكل ما هوه. جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                         تمت بحمد الله

         لقراة باقي الفصول اضغط هنا

تعليقات



حجم الخط
+
16
-
تباعد السطور
+
2
-