.jpeg)
رواية عذراء محنطة
الفصل الثاني
بقلم كلا را
كاد يذهب لكن رعد امسك كتفه مغمغما :
- متزعلش مني انت عارف انا بعزك قد ايه و بعتبرك اخويا حقم عليا بس اعصابي تعبانة الفترة ديه.
اياد بتنهيدة :
- عارف يا رعد عشان كده بقولك تروح يمكن تتعالج و الاحلام ديه تسيبك تعرف تنام.
- هفكر...يلا روح على شغلك وانا جاي بعد ساعتين.
- حاضر.
قالها اياد و هو يخرج فجلس رعد مجددا وهو يدلك رأسه بألم حتى صاح فجأة :
- انتو يا بهايم فين القهوة !!
___________________________________
في مكان اخر.
فتحت عيناها ليوم جديد لا يختلف عن باقي الايام ارتدت ملابسها عبارة عن تيشرت نص كم و جيب طويل واسع خرجت من غرفتها و اتجهت للصالون وهي تقول بصوت عالي :
- لين انتي فين.
- انا هنا وراكي يا سيليا.
استدارت لها سيليا مبتسمة :
- صباح الخير . اقعدي وانا هجهز الفطار.
لين بهدوء :
- ماشي ( لين ديه واحدة استأجرت عندها سيليا من الفلوس اللي جمعتهم ف الملجأ من 3 سنين بس بقالها سنة مأدتهاش الفلوس بسبب انها مبتشتغلش حاجة ومحدش بيقبل يشغلها عنده عمرها 25 سنة و بشرتها سمرا و شعرها اسود وبتشتغل فشركة كبيرة )
جلست على طاولة الافطار و بعد مدة وضعت سيليا الاطباق امامها وجلست امامها.
- ايه الحروق اللي ف ايديكي ديه.
هتفت بها لين في استغراب وهي ترى حروقا على يدي سيليا فأجابت :
- اااا كنت بعمل شاي و....
قاطعتها لين بقسوة :
- انتي ليه مصممة تقرفيني معاكي حتى الشاي مش نافعة فيه قرفتيني معاكي.
نزلت دموعها و همست بصوت متحشرج :
- اسفة.
تأفأفت و انتصبت واقفة وجهت نظرها لها وهي تتمتم :
- اه نسيت اقولك بكره بعد ما اخلص شغل ف الشركة عايزاكي تقابليني فكافيه ***** محتاجاكي فموضوع مهم انا بقولك من دلوقتي عشان متنسيش.
سيليا وهي تنظر للطاولة امامها :
- حاضر....بس خير في ايه.
لين بدون اكتراث وهي تتجه لتخرج من الشقة المتواضعة :
- هتعرفي بعدين.
نزلت دمعتها و شعرت بغصة مؤلمة في قلبها من تلك الاهانات التي تتعرض لها يوميا لكن لا تستطيع الاعتراض ف لين آوتها في منزلها مجانا وهذا يعتبر فضلا كبيرا منها...
نهضت لتغسل الاطباق واستطاعت غسلهم بصعوبة كبيرة ثم عادت لغرفتها استلقت على السرير وهي تفكر اين ستجد عملا مناسبا تكسب منه قوتها ومن سيرضى بأن يشغلها لديه....