رواية طفلتي التي احببتها
بقلم بسمه امل
الفصل السابع
مالك : ايوة انا بحبك يا ريم و مكنتش عارف كده غير لما شفتك مع غيرى و تخيلت فى ثوانى انك ممكن تبقى لحد غير ليا
سكتت ريم لحظات من صدمتها و كلام مالك ال مكنتش متوقعاه ابدا ده مالك اخوها طول عمره ، بس لا هى برضو متقدرش تعيش من غيره ، بس هل دى تتسمى مشاعر حب اصلا؟؟ يعنى ريم عايزاه يبقى جنبها و فعلا متتصورش تعيش يوم من غير وجوده بس ما هى برضو كريم نفس الكلام ازاى تقدر تقول انها بتحبه و هى متعرفش شعورها اية فقررت ريم
ريم : ممكن نأجل كلام فى الموضوع ده لغاية ما نرجع من المصيف و انا خلاص مبقتش زعلانة و نتكلم زى الاول بس مش هرد على اعترافك دلوقتى
مالك فرح جدا انه على الاقل قدر يصالحها و يكلمها و طلب مالك من رحمة انهم
مالك: الدنيا بدأت تسقع ما نروح نجيب حاجة سخنه لينا كلنا يا رحمة؟؟
رحمة : طيب ما تاخد ريم مش لازم تاخدنى انا يعنى و كمان اهو علشان تتكلمه
مالك : تعالى انا عارف انى لو طلبت دلوقتى من ريم تيجى معايا مش هتبقى مرتاحة و هتفضل تبعد عنى
رحمة : خلاص يلا
راحت رحمة و مالك يجيبوا ال شاى و النسكافيه و القهوة بعد ما كتبوا كل واحد عايز يشرب اية و اخدوا معاهم شمس و حسام علشان يشيلوا معاهم لان اكيد مش هيعرفوا يشيلوا لوحدهم...
اول ما رجعوا رحمة اتصدمت من الشافته و سابت ال حجات السخنه على رمل و كملت مشى ناحيه ال منظر ال بهرها
رحمة شافت انوار كتير و بلالين هيليم مربوطة بكل هدية و قبل ما تفتح الهدية مطلوب منها تنفذ حكم او تجاوب على سؤال او تحل لغز و تلاقى المفتاح او تحل الفزورة ال مكتوبه على كل بلونة هيليم بستيكى نوت
رحمة دمعت من الفرحة و قالت
رحمة : انتو بجد افتكرتوا انا افتكرت انكوا نسيتوا
ساعتها دخل مراد و معاه تورتة كبيرة اووى و بدأوا كلهم يغنوا
Happy birthday to you
Happy birthday to you
Happy birthday to roma
Happy birthday to you
سنة حلوة يا جميل
سنة حلوة يا جميل
سنة حلوة يا روما
سنة حلوة يا جمييل
يلا حالا بالا بالا حيو ابو الفاصاد هيه
هيكون عيد ميلاده الليلة اسعد الاعياد هيه
فاليحيا ابو الفاصاد
بعديها يبدأوا فى اغنية كان يوم اسود 😂✌
كل ده و رحمة وافقة مش مصدقة هما ازاى عملوا كل ده و ازاى افتكروها و خططوا لكل ده و قطع تفكيرها ال انوار ال نورت السما بألوان مختلفة و
لقراءة باقى فصول الروية اضغط هتا