رواية حب الصدفة
الفصل الاخير
بقلم غادة رجب
_دخلت اشوف امنيه لقيت اللى عمري مكنت اتخيله لقيت أمنيه
غرقانه ف دمها ع السرير جريت عليها
_فوقي يامنيه ليه يابنتي عملتي كدا ميستهلش انك تعملي كدا علشانه
فوقي ماما الحقي امنيه
ماما:يالهوي يابنتي اطلب الاسعاف بسرعه يايوسف
_انا لسه هستني
اسعاف البت هتروح مننا
اخدتها ونزلت جري ع المستشفى اللى كنت
شغال فيها الحقوا انقذوها بسرعه لو سمحتوا
الدكتور:دا انتحار وجريمه
_انقذها يادكتور انا ماليش غيرها ف الدنيا
ماما: رجعلي اختك يايوسف انا ماليش غيرها اعمل حاجه يايوسف
_حاضر ياماما والله بحاول
_فوقي ياامنيه انا
ماليش غيرك انتي بنتي واختي وكل ماليا والله ميستهلش انك تزعلي
عليه او انك تموتي بسببه هو انسان زباله
يسر: هتفوق والله وهتكون بخير يايوسف متقلقش امنيه قدها
_ماهي لازم تفوق وتخف بسرعه هي بتدلع اصلا انا جايبلها المصاصه
اللى بتحبها وهاخدها الملاهي انتي تعرفي يايسر انها بتحب الملاهي زي الاطفال
يسر: والله هتخف وهنعمل كل دا مع بعض
وفجأة لقيت صوت
بيعيط بحرقه قدام باب العمليات بيعيط اكتر مني طلعت اشوف مين دا لقيته عمر ابن عمي
عمر: ليه يامنيه عملتي كدا هو دا وعدك ليا انتي وعدتيني اننا هنكمل مع بعض هنكبر مع بعض فين كل الوعود دي فين حبك انا جزمه اني سبتك لوحدك قوميلي بالسلامه
وانا هعملك كل حاجه بتحبيها مش هسيبك تنامي زعلانه مني تاني مش هرخم عليكي والله قومي انا من غيرك ماليش عازه
_انت ايه جايبك هنا اطلع برا انت السبب فى اللى اختي فيه
عمر: بلاش يايوسف تحرمني اني افضل جمبها والله انا ماليش غيرها ابوس ع ايدك سيبني
_اطلع بره قولتلك انت
وابوك السبب برافو نجحتوا انكم تكسروني انا قولت اختي لاااااا كنت اعملوا فيا انا اي حاجه الا اختي
عمر: والله انت غبي دي قلبي اللى جوه دي والله انا معملتش حاجة ولا ناوي اكسرك ولا زفت افهم بقي
الدكتور: مين فيكم اخوها
_انا يادكتور في ايه امنيه فاقت
الدكتور: لا بس محتاجين تبرع بالدم بسرعه
عمر: انا هتبرع انا موجود يادكتور بسرعه خد مني
_انت تخرس خالص وطلع برا وانا هتصرف
_انا اخوها يادكتور فصيله دمنا واحده اقدر اتبرعلها بكل دمي
الدكتور: بس احنا محتاجين دم كتير تعالوا انتوا الاتنين
_وفعلا اخدوا مني دم علشان انقذ بنتي لكن مش بتفوق واضطريت ياخدوا دم من عمر والمشكله انه فعلا كان قلقان
_____________________
يسر: يلا ياعمري ارجع البيت انت اديلك يومين نايم كدا
_ارجع البيت من غيرها ازاي يايسر قوليلي ارجع من غير بنتي ازاي دا انا اول مره احس اني عاجز
يسر: ياقلبي ان شاء الله
هتخف وترجع زي الاول
عمر: ارجع انت البيت يايوسف وانا هفضل معاها انا مش هسيبها
_امشي انت ياعمر انت اديلك يومين معاها كتر خيرك تقدر تمشي
عمر: يوسف حاول تفهم ان امنيه قلبي وانا والله بحبها وبجد
_مش وقت الكلام دا ياعمر هي تقوم بالسلامه الاول وبعدها نشوف
_عدا اكتر من اسبوع والحمدلله امنيه بقيت كويسه وخف ورجعتلي بخير
_كدا ياامنيه كنتي عاوزه تسبيني
امنيه: اسيبك ايه ياعم الحج انا ماليش غيرك كانت غلطه ومش هتتكرر تاني
عمر: الف سلامة عليكي يااغلي ماليا
امنيه: الله يسلمك ياعمر
_________________________
_عدا اربع شهور وكان شركتي بدأت يبقي ليها اسمها والحمدلله قدرت انافس عمي وبحاول ارجع حقي انا واختي منه
عمي: يعني ايه كل الفلوس دي نجيبها منين
_اه ياباشا المفروض اننا نعرض اسهم الشركه للبيع علشان نقدر. نسدد الفلوس
عمي: لا طبعا ابيع ايه
_مفيش حل تاني
وبالفعل لقيت اسهم عمي كلها معروضه للبيع بعت كل حاجه عندي وحاولت اشتريها واشتريتها وشوفت عمي مكسور نفس
الكسره اللى كسرهالي اول ماتسجنت وبصراحه عمر ابنه ساعدني ارجع حقي طلع شاب كويس وانا كنت ظالمه
_________________________
يسر: الف الف مبروك ياقلبي انك رجعت حق وبقيت صاحب اكبر شركه ف مصر
_الله يبارك فيكي ومبروك ليكي انتي انتي كنتي سبب ف اللى انا وصلتله شكرا لانك ف حياتي ياحياتي
يسر: ايه مش ناسي حاجه مهمه
_لا ايه هي
يسر: نعم حضرتك ناسي تخطبني بقي
_حضرتك انا مش ناوي اتجوز
يسر: نعم انت سمعت قبل كدا عن بنت قتلت راجل ورمته من ع الجبل
_ياساتر يارب مين البت دي شريره اوي
يسر: البت دي هتبقي انا قريب
_طب تعرفي انتي عن بنت هترجع البيت انهارده هتلاقي عريس متقدملها واهلها وافقوا وحددوا معاد الخطوبه
يسر: لا ماسمعتش عنها
_طب اسمعك عنها واحنا بنتمشي ع الكورنيش علشان وحشني المشي معاكي
يسر؛ يوسف عايزه اقولك حاجه ومكسوفه
_قولي ياعمري ف اي
يسر: انا جعانه ياقلبي
_بت انتي انا غيرت رأيي مش هتجوزك خلاص
يسر: نعم قولت حاجه
_بقولك هتاكلي فين
يسر: بحبك
_احم احم عارف
_______________________
يسر: انا مش مصدقه نفسي وأخيراً هلبس دبلتك وكلها شهرين وهبقي مرات حضرتك انا بحبك
_وانا بعشقك ياحلي صدفه مرت ف حياتي وعدتك اني هبقي سندك وحمايتك لحد ماموت واديني بحاول احافظ ع وعدي
يسر: انا هفضل اشكر الصدفه ال جمعتنا مع بعض
_ربنا يخليكي ليا
يسر: يوسف انا شايفه ف عيون امنيه حزن جامد ع نفسها
_عارف وعلشان كدا انا عاملها احلي مفجأه
يسر: ايه هي ها اي
_كنت مخطط انا وعمر ان انهارده يبقي خطوبته ع امنيه جهزنا كل حاجه حتي يبقي الفرحه فرحتين
عمر: ممكن تفتحي ايدك لو سمحتي علشان البسك الدبله
امنيه: نعم
عمر: ايه انتي هتنحي ارفعي ايدك البسي الدبله ولا مش عايزه ارجعها
امنيه:ايه مش عايزه ايه دا انا مصدقت شكلي بدبس وهتجوز
عمر:احلي تدبيسه صح
_يسر ايه رايك نسيب كل دا وننزل نتمشي ع الكورنيش
_وحشك حمص الشام
_لا وحشني الكلام معاكي ووحشتني عيونك ولمعتها واحنا بنجري هناك
يسر:بتحبني يايوسف
_لا كنت اخسر عمري كله لو متقابلناش يايسر دا انا حبيت حياتي من يوم مادخلتيها هفضل احبك طول حياتي
_________________________
_هتخرجي معايا ازاي بس بكرشك دا
يسر:بالذمه مش شكلي قمر وانا حامل
_انتي قمر فى كل حالاتك ياعمري
يسر:انا نفسي اسمي بنتي صدفه علشان افضل احبها زي الصدفه اللى حبيتك فيها
_ماتيجي نفكنا من الفرح ونروح نتمشي
يسر:وتجبلي حمص الشام
_واجبلك حمص الشام وافضل اتغزل بعيونك
يسر:بحبك
_وانا بعشقك بس بحب صدفه اكتر
_وكانت يسر العوض الذي جعل حياتي اجمل وحقيقي الحب ليس
للحبيب الاول الحب للحبيب الصدق الاوفي الحب للحبيب الذي يري يعوبنا ميزه وانا رأيت كل
عيوب يسر احلي واجمل ميزه
🌹🌹🌹🌹🌹🌹🌹🌹🌹🌹🌹🌹
تمت بحمد الله