رواية من تكوني
الفصل العشرون20
بقلم ديجا
جويرية بعياط :أنا لازم اتأكد انه فعلاً بيخونى أو لا
أسر خبط على باب الحمام :جوري انتي كويسة
جويرية :اه... ثواني بس هاخد شاور دافي
أسر :طيب تمام يا حبيبتي
جويرية فتحت الدش وخدت شاور وخرجت لابسه البرنس ولافه شعرها بفوطه ووقفت قدام الدولاب تاخد حاجه تنام فيها لبست بيجامه قطن مريحه ونشفت شعرها وعملته ديل حصان وقعدت عالمكتب. أسر قرب عليها
أسر :مالك يا حبيبتي انتي معيطه
جويرية :لأ ابدا الشامبو دخل عيني
أسر :حاسس أنك متغيره معايا بقالك كام يوم فى حاجه انا معرفهاش
جويرية :قولتلك ضغط امتحانات انت في حاجه
أسر بحيرة :لأ مافيش حاجه
جويرية :طيب تمام يلا نام مش قادره ابص فالورق وتعبانة محتاجه ارتاح
صوت رساله عالوتس على فون أسر رد عليها وحط الفون ونام.. وبعدين رساله عالوتس على فون جويرية
(شكلك مش مصدقانى لو عايزة تتأكدي استنى مكالمه منى الصبح وهخليكى تتأكدي بنفسك)
جويرية دموعها نزلت بصمت وقالت فى نفسها (معقوله تكون بتخونى يا أسر معقول يارب ادينى الصبر) وبعد تفكير كتير نامت من غير ما تحس وقامت على صلاة الفجر صلت وقعدت تقرأ قرآن ومعرفتش تنام تانى صحى أسر ولقاها قاعده بتقرأ القرآن
أسر :صليتى لوحدك مصحتنيش ليه اصلي عايزة تاخدى الثواب لوحدك.. وقرب عليها باس راسها
جويرية :صحيتك مرة وقولتلى سبينى أنام سيبتك شكلك كان تعبان اوي
أسر :اه والله فعلا بس أول مرة من يوم ما اتجوزنا متصريش أنى اصحى معاكى انا زعلان ومحتاج اتصالح
جويرية : انت بتدلع على فكرة أنا نازله عشان جعانه وعندي امتحان بكره عايزة الحق اراجع
أسر :امتحان بكره إزاى هو النهارده كام.. وبص فالفون ايوة صحيح طيب يا قلبي عندي مشوار وهاجى نقعد نذاكر مع بعض تمام
جويرية بتنهيده :مشوار كل يوم.. عالعموم مطعتلش نفسك
أسر :امممم عارف إنك زعلانه عشان ناسى ميعاد امتحاناتك حقك عليا... وخدها فحضنه جويرية بعدته براحه
جويرية :أنا جعانه انت مش جعان وعندك مشوار
أسر ضحك :اتهربى منى براحتك خلصى امتحان وهنتحاسب بعدين يلا نفطر
نزلوا عالفطار والكل بدأ بينزل وفطروا سوا
مازن :عمتو أنا بستأذن حضرتك هاخد جنه وهفسحها
جميله :ماشي بس ما تتأخروش بره
مازن :من اولها كده ماشي يا حبيبتي إحنا هنفطر ونخرج عشان ناخد اليوم من أوله كده.. إيه رأيك يا أسر انت وجوري تيجوا معانا ولو اتأخرنا معانا محرم
أسر :اعفينى أنا النهارده عندي مشوار وبعدين جورى عندها امتحان محتاجه تراجع عالماده
جويرية :وأنا اصلا تعبانه محتاجه ارتاح
إبتهال :اتصل بالدكتور يجي يا حبيبتي
جويرية :لأ يا حبيبتي ما فيش داعي أنا بس مرهقه
جنه:طب ما تيجي معانا غيرى جو ومش هنتأخر وتيجى تراجعى الماده براحتك
جويرية :معلش خليها مرة تانية خدي جاسر معاكي
جاسر:لأ يا أختى منك ليها اروح عزول يعنى
جميله :خلاص خد هنا معاك يع ملهاش نفس تتفسح
هنا :أنا كنت خارجه مع صحباتي بس قشطه ممكن اكنسل الخروجه واجى معاكم
مازن :طب يلا نجهز وناخد الشاى من ع الطريق
الكل :تمام يلا وقاموا على اوضهم يجهزوا
أسر استأذن يروح مشواره وخرجوا كلهم
جميله :مالك يا جوري متخانقه انتي وأسر
جويرية :لا يا ماما مش متخانقه معاه بس حاسه أنه مخبى عليا حاجه وحاولت كذا مرة اعرف منه مقالش وبعدين جاتلى الصور دى والرساله دي ومش عارفه اعمل ايه
جميله :مش يمكن يا بنتى حد بيوقع بينك وبينه وبعدين انتي بنفسك قولتي البنت اتغيرت للأحسن أن بعض الظن إثم ليه ما مواجهتيش أسر بالصور دي
جويرية :غموضه الفترة اللي فاتت مشككنى فيه الصور لو حقيقيه ممكن ببساطه ينكرها أنا بعتها ليوسف هيعرف أن كانت حقيقيه ولا مفبركه
جميله :ولو حقيقيه هتعملى ايه يا بنتى
جويرية :ساعتها هرد على المكالمه وامسك طرف الخيط ولو بيحب غيرى خليه يروحلها
جميله :أسر بيحبك يا بنتى متخربيش بيتك
جويرية بعياط :وانا كمان والله يا ماما بحبه اوي بس كرامتى فوق كل شيء وعمرى ما هقبل إنه يكون معايا وقلبه وعقله مع غيري انتي ناسيه إحنا اتجوزنا ازاي كان مجبور عشان كلام الناس
فونها رن وكان يوسف وقالها ان الصور حقيقيه
يوسف :هتعملى ايه يا جوري
جويرية :لسه بقول لماما كرامتى فوق كل شيء يا يوسف تفتكر هعمل ايه.. معايا مكالمه على الانتظار بيتهيألي أنه فاعل الخير هكلمك تانى سلام
وعليكم السلام ورحمة الله وبركاته أكيد عايزة اعرف الحقيقة تمام ابعتيلى اللوكيشن عالوتس شكرا ليكي
جميله :ايه يا جورى اللي حصل
جويرية :قالتلى أنه عندها وانه كان لما بيتاخر بيكون معاها لأن ابوها وامها مسافرين.. انا هروح يا ماما عشان اقطع الشك باليقين بس متقوليش لحد حاجه خالص على ما أكلمك
جميله :مابلاش يا حبيبتي واستني لما يجي واسأليه
جويرية :افرضى كلامها صح وهو أنكر افضل عايشه في شك.. عن اذنك مش هتاخر عليكي
مازن :ها عايزين تروحوا فين يا حلوين
جنه وهنا :الملاهي
جاسر :ليه خارجين مع ولاد اختنا
هنا :لأ بقولك ايه أنا لما صدقت لقيت حد يشاركنى هواياتي التافهة
جنه:عشان خاطري يا ميزو خليها ملاهي
مازن :خلاص يا جاسر خليها ملاهى عشان خاطر جنتى حبيبتي
جاسر :ملاهى يا عينى عالرجاله.. ماشى يا ميزو بيه
الكل ضحك وراحوا الملاهى
إبتهال :مالك يا جميله من ساعه ما نزلتى من عند جويرية وانتي ساكته وسرحانه كده هي كويسه
جميله بتوتر :اه اه هى كويسه بس قلقانه من الامتحان بكره
إبتهال :ان شاء الله يبقى سهل وبعدين هى مذاكره تخاف من ايه ماشاء الله عليها شاطرة... ده ربنا بيحب أسر إنه كرمه بيها
رشدي :متتعبيش من الكلام بتجيبوا فى سيرة مين
إبتهال بضحك :ابدا يا حبيبي بنتكلم على جورى
رشدي :لأ ليكم حق بقى تتكلمي... مالك يا جوجو
جميله :ابدا ياحبيبي انا كويسه الحمد لله
رشدي حضنها وطبطب عليها :تيجوا نتغدا برا البيت
جميله :خد إبتهال واخرجوا أنتوا
رشدي :ليه يا حبيبتي نخرج مع بعض وشوية وأسر هيجى لجورى اهو نسيبهم براحتهم شويه
جميله :بس يا رشدي
إبتهال :ما بسش يلا قومي بقى تعالي نلبس
جويرية ركبت عربيته وراحت علي العنوان اللي جالها طلعت الشقه وخبطت لقت الباب مفتوح دخلت وسمعت صوت جاى من الاوضه فتحت الباب شافت أسر عارى الصدر وحاضن سهيله زى ما بيحضنها وبيتغزل فى جمالها
سهيله بشهقه:جوري انتي هنا ما تفهميش غلط
أسر بص لسهيله وبعدين ل جويرية :هو فيه ايه
جويرية بدموع :لأ ما فيش حاجه هو ده المشوار اللي بتجيه كل يوم طلقني يا أسر من فضلك
أسر بيدور علي قميصه :جوري حبيبتي انتي فاهمه غلط والله استني بس
جويرية :حبيبتك؟؟؟ من فضلك طلقني وما تجيبش أسمى على لسانك
سهيله بعياط :أنا مش عارفه ايه اللى حصل
أسر بعصبيه :يعني ايه مش عارفه ايه اللي حصل ابعدي عني كده.. أستنى يا جوري
جويرية كانت نزلت ركبت عربيتها ومشيت وقفت فى مكان وكلمت يوسف وهي منهارة
جويرية بأنهيار: بيخونى يا يوسف شوفته حاضنها زى ما بيحضنى وبيقولها انه ما يقدرش يعيش من غيرها زى ما بيقولى
يوسف :أهدى يا جوري اهدي عشان خاطري
جويرية :يا ريتني ما حبيته ولا فتحت له قلب قلبي انا بكره بكره أوى يا يوسف
يوسف :إنتى فين يا جوري
جويرية :انا في الشارع مش هقدر اروح البيت اشوف وشه أنا بكرهك أنت كمان سبتني ومشيت ليه أنت عارف انك اقرب حد ليا وسبتنى لوحدي
يوسف :أنا آسف والله حقك عليا اهدي عشان نعرف نفكر
جويرية :افكر في أي
يوسف :مش يمكن انتي فاهمه غلط
جويرية بعياط :فاهمه غلط بقولك فى أوضه النوم ومن غير هدوم وتقولي فاهمه غلط عندك حق كنت استنى لما يجيبوا بيبي
يوسف:خلاص طيب بتوجعى قلبي عليكي... أستغفرى كده
جويرية :استغفر الله العظيم وفضلت تردد
يوسف :ها هديتي شويه يا جوري
جويرية :الحمد لله احسن
يوسف :بصى يا حبيبتي انتي هتخلصى امتحاناتك و....
أسر راح البيت لقاه فاضي سئل الخدم عن جويرية
البنت:فى اوضتها ما شوفتهاش نزلت
أسر :بابا وماما فين وعمتوا
البنت :خرجوا يتغدوا بره.. تؤمرني بحاجه
أسر : لا شكرا روحي انتي
أسر فضل رايح جاي فى الاوضه وبيرن على جويرية مش بترد عليه بعتلها عالوتس
(جورى لو سمحتي ردي عليا اسمعيني والله كنت هقولك كل حاجه لازم تسمعيني)
شويه ورشدى وابتهال وجميله جم من برة وأسر نزل من فوق طلب من جميله الفون
رشدي :ليه فونك فين يا أسر صحيح جويرية اكلت
جميله :متتعبش نفسك يا أسر هى فالطريق وجايه
إبتهال :هو في ايه جوري مالها
رشدي :ايوة صح وخرجت ليه مش عندها مذاكرة
جويرية :أنا عايزة حضرتك فى كلمه يا خالو انت وماما
أسر :من فضلك اسمعينى الأول
رشدي :تعالوا ورايا عالمكتب.. دخلوا المكتب
جويرية :أنا مش حابه اتكلم فى أى حاجه أنا بس عايزة أطلق والنهارده أنا طلبت من حضرتك انه الجواز يكون لفترة وحضرتك وفقت وانا بقول كفايه كده
رشدي :بس يا بنتى أنا وفقت ومن جوايا كنت بتمنى أن الجواز دي تكمل للآخر من أول مرة شوفتك وأنا اتمنيت إنى اجوزك ل أسر من غير حتى ما اعرف إنك بنت جميله بس ليه ايه اللي حصل ليه فجأه كده
أسر :مفكرة اني خونتها بس والله ما خونتها
جويرية :من فضلك أنا مش عايزة اعرف حاجه
جميله :اسمعيه يا حبيبتي
جويرية بعياط :مش عايزة أسمع حاجه
رشدي :أنا لازم اعرف فيه أيه
أسر : سهيله مريضه كانسر........... وحكى اللي حصل وهى طلبت منى أنى ما قولش طب اسألي عاصم أنا حكيتله اللي حصل وقالي اعرفك بدل ما تعرفي من برا وياريتنى سمعت كلامه وحكتلك على طول.... ليكون هو اللي قال لك
جويرية :اللى كلمتني واحده وبعدين كنت بتساعدها ازاى وأنت فى حضنها فالسرير أنا شفتك بعنيا محدش قالي
أسر :والله ما اعرف ده حصل إزاى صدقيني انا بحبك انتي وعمري ما حبيت ولا هحب غيرك
جويرية قعدت على الأرض بانهيار:وانا بكرهك وعمري ما كرهت قدك من فضلك طلقنى.. عشان خاطري يا خالو وحيات ماما عندك قوله يطلقني ومفيش حاجه هتتغير
ماما هتفضل معاك وجنه ومازن هيتجوزوا.. انا هطلع اخد هدومي وهمشي وعلى ما أحضر حاجتي ابعت هات المأذون عن إذنكم
إبتهال :ليه كده يا بنى ليه تكسرها بالشكل ده ترضى حد يعمل كده فاختك
رشدي :أنا بجد مش عارف اقولك ايه صعبت عليا الموقف
جميله :خليه يطلقها يا رشدي عشان خاطري
أسر :لو لازم حد يمشي يبقي أنا يا عمتو
......:محدش هيمشى استني يا أسر