CMP: AIE: رواية فارسي الوسيم الفصل الاول 1 بقلم سولييه نصار
أخر الاخبار

رواية فارسي الوسيم الفصل الاول 1 بقلم سولييه نصار


 رواية فارسي الوسيم 

الفصل الأول 

 بقلم سولييه نصار

-انتي عايزاني اتجوز واحد اعمي يا ماما .

- يا بنتي ده غني ...

-وايه فايدة انه يبقي غني واعمي ...ما انا ممكن بجمالي اتجوز اللي اغني منه ويكون كامل كمان ...

-يا نورهان يا بنتي فكري شوية ...دي فرصة دهبية ...خدي اللي تقدري تاخديه منه وبعدين اخلعي

-لا يعني لا ...مش هتجوز الاعمي ده ...خلي بنتك ريهام  تتجوزه ...كده كده هي بقت بايرة وهترضي بأي حاجة....




-بس هو عايزك انتي ...مش ريهام  لما شافك قبل ما تحصله الحادثة ويتعمي كان هيتجنن عليكي انتي مش ريهام  ..

-اه صح افتكرت مفيش حد عاقل هيبص لريهام  اصلا 

كنت واقفة وانا بسمع كلامهم وقلبي بيتعصر .


دايما كانوا كده يقلوا مني ...من اول ما وصلت  لسن التلاتين وانا بسمع كلام زي الزفت من نورهان وامي كلام اني بايرة 



ومش نافعة واني وحشة ومحدش هيبصلي...حتي شغلي قعدوني منه ...كنت دايما بحس بالظلم منهم .....كتير شكرا انهم مش اهلي الحقيقين...

مسكت امي ايد نورهان وقالت:

-فكري يا نورهان يا حبيبتي الراجل غني وهيعيشك غير انه وسيم 

-وسيم وغني بس اعمي ...قوليلي انا استفدت ايه ؟!

-لا اله الا الله ...انتي اتحسدتي يا بنتي اكيد ...

بصتلي امي بقرف وبنظرة ليها معني وحسيت مية ساقعة اتكبت عليا وقالت:

-نعمل ايه عشان صغيرة وحلوة الناس مش سايباكي في حالك حتي اللي مفروض تكون اختك 

عيوني دمعت وقولت :

-قصدك ايه يا ماما ...انا حسدتها يعني ؟!!!

-والله اللي علي رأسه بطحة يحسس عليها ...بعدين مين غيرك هيبص لأختك ..طبعا هي الاجمل والعرسان عليها كتير اما انتي محدش عبرك ولا هيعبرك

دموعي نزلت فأمي زعقت وقالت:

-غوري يالا حضري الاكل زمان ابوكي جاي...ربنا يا خدك لا نافعة ولا شافعة ...

روحت علي المطبخ وانا ببكي علي حالي ...قلبي كان واجعني اووي بسبب اللي بتعمله فيا ...ذنبي ايه ان نصيبي لسه مجاش ...ليه اتهان بالطريقة دي ...مسحت دموعي وبدأت احضر الاكل 

...........

مرت الايام ونورهان وافقت علي ادم وعملوا خطوبة بسيطة ...طبعا انا اللي قومت بالليلة  من خدمة وتنضيف ....اول ما جه ادم حسيت بنغزة في قلبي .



..نفس النغزة اللي حسيتها لما شوفته من سنتين ...كان وسيم اووي رغم ان عينيه مطفية بس كانت جميلة ...اتحرجت وحطيت وشي في الارض وانا بقول بضيق:

-اتلمي بقا يا ريهام انتي بتفكري في ايه بس وروحت اكمل خدمة ....

.....

مر شهرين كمان وادم كان كل شوية يجي عندنا ويجيب هدايا كتير لنورهان...وكل لما كنت اشوفه كان قلبي بيدق جامد ...عشان كده بدأت اتجنبه وكده كده هو كلامه قليل معايا ....

جه يوم كتب الكتاب ...كنا عاملينه في البيت ...بصيت لادم كان مبتسم وفرحان اووي بدون وعي ابتسمت انا كمان ...حقيقي صعبان عليا ان انسان باللطف ده هيتجوز اختي ....

بصيت ولقيت ماما شدت بابا من ايديه واخدته بعيد وكانت بتتكلم وهي بتبكي ...ماخدتش بالي من ادم اللي قام كمان لما ابن عمه قاله حاجة

قربت من امي لقيتها بتلطم وتقول :

-نورهان هربت يا بكر ...فضحتنا وهربت 

شهقت جامد فبصت امي عليا حسيتها اتعصبت بس فجأة بصت بخوف ورايا .



..بصيت ورايا ولقيت ادم ...عينيه كان بتلمع بقسوة وغضب وقال بصوت مخيف:

-فين بنتك يا كريمة هانم 

-ادم ...اصل 

-بنتك الر خيصة هربت يوم كتب الكتاب ...انا اديتلها كل حاجة وهي غدرت 

- يا ادم يا بني هندور عليها ونرجعها

-شكرا متلزمنيش...بس انا هندمك يا بكر الفلوس اللي استلفتها مني عايزها والا هحبسك

مسك بابا ايد ادم وكان هيبوسها وقال:

-ابو س ايديك يا ادم بيه ارحمني انا مليش ذنب والله ما كنت اعرف انها هتعمل كده ....هعمل دلوقتي اي حاجة عشان اصلح غلطها بس بلاش الحبس

ابتسم ببرود وقال:

- مش انا اللي اتساب يوم فرحي يا بكر عشان كده انا لازمني عروسة 

-واجيب من فين عروسة يا ادم بيه 

-العروسة هتكون ريهام بنتك التانية واللي هتتحمل نتيجة أخطاء بنتك الاولي!!!



                        الفصل الثاني من هنا

تعليقات



حجم الخط
+
16
-
تباعد السطور
+
2
-