Ads by Google X

القائمة الرئيسية

الصفحات

رواية احببته ولكن الفصل الاخير من الجزء الثاني بقلم ندي محمد

 

 رواية احببته ولكن 

الفصل الاخير

بقلم ندي محمد 

وفجأه رن موبايل ام ادم 

ام ادم وبان على وشها التوتر 

ادم وهو بيبصلها بغضب : ردى 

سعاد بتوتر : مش هرد

ادم وهو بيسحب الموبايل وفتحه وفتح اللسبيكر وبصلها علشان ترد : 

المجهول : ايوا ياهانم احنا خلاص فى المطار والبنت هنسلمها للريس هناك هى عجبته وقال هياخدها

ادم وقد تملك الغضب منه وظهرت عروق وجهه : ياولاد الكااااالب  

ورزع الموبايل فى الارض وطلع يجرى على المطار وقلبه كان بيدق بسرعه من الخوف عليها 

وبعد وصول ادم للمطار وجرى يسأل على الطياره بس لقاها سافرت 

شعر  ادم بالدوار شديد وسقط على ركبتيه وهو يبكى بشده ولا يعلم ماذا يفعل 

فى مكان آخر توجد رحمه وهى فاقده للوعى 

المجهول : ايوا ياهانم احنا مسافرناش

ام ادم : ليه ياغبى كدا ادم هيعرف مكانكو

المجهول : ياهانم كان فى تفتيش جامد ولو كانو شافوها بالمنظر دا كانو هيقبضو علينا 

ام ادم بعصبيه وقلق : غور انت مبتعرفش تعمل حاجه خالص وقفلت فى وشه.

عند ادم وهو يبكى بشده على رحمه وماذا سيحدث بها وجد يد على كتفه 

ادم بإستغراب : مليكه ! انتى بتعملى ايه هنا 

مليكه بندم : انا عارفه مكان رحمه ياادم ، انا اسفه على كل اللى حصل انا كنت انانيه جدا 

ادم وقف بسرعه وعيونه مليانه دموع : بجد طب فين 

مليكه : رحمه مطلعتش برا مصر رحمه لسه هنا فى المطار  ، تعالى اوريك مكانها

اخدته مليكه لاوضه وكانت ضلمه ولقى رحمه فاقده الوعى ومتكتفه 

جرى عليها واخدها فى حضنه وفضل يمسح على شعرها وحس أنها بدأ تفوق وكانت بتعيط جامد : ادم انا خايفه اوى خدنى من هنا 

ادم بعد ما شالها : انا مش هسيب حقك يارحمه ودا وعد منى 

وهو فى طريقه للفيلا بلغ البوليس عن والدته وبعت الادله اللى تثبت أنها مشتركه ف خطف رحمه 

ام ادم : بتبلغ عنى البوليس ياادم بعد ما ربيتك العمر دا كله 

ادم : ياريتك كنتى ام بجد تحب الخير لولادها انتى كنتى عايزه تدفنينى بالحيا

ادم للظابط بكل حده : اتفضل خدها وبص لأمه أو مرات أبوه لانها مكانتش أمه : شكرا على تنفيذك لوصية امى 

دى متبقاش أمه دى مرات أبوه وكانت صاحبة أمه بس هى مبتخلفش وادم فضل معاها من صغره لحد ما الكل بقا مفكرها أمه بس هى دايما كانت انانيه وعايزه مصلحتها هى واختها بس 

وبعد ما البوليس خرج من البيت وشكر ادم مليكه على مساعدتها ليه 

بص ادم لرحمه بكل حب : وحشتينى 

رحمه : وحش أما يلهفك وسع كدا بقا علشان جعانه

ادم : جعانه ! يابت انتى كنتى مخطوفه وكان ممكن يقتلوكى بدل ما تخدينى بالحضن 

"المُر كان في القهوة، والحلو كان في عينيه."♥️

رحمه : ليه ابن اختى 

ادم : ياريت ، اشفقى عليا هو أنا مبصعبش عليكى 

رحمه وهى بتبصله بشر : كلمه كمان وهقرم ودنك لو مجبتليش اكل 

ادم بعد ما جبلها اكل : اتفضلى ياكش يطمر 

رحمه : جدع امشى بقا متنحش

ادم بغيظ : اى يابت انتى فين الرقه اللى بيقولوا موجوده في البنات 

رحمه : بلاش اقولك فين علشان هتزعل 

ادم : ياساتر يارب خلاص كلى كلييي

وبعد ما رحمه خلصت اكل بصلها ادم بمكر وبدأ يقرب منها 

رحمه بخوف : ولا هعورك انت بتقرب كدا ليه والله اصوت واقول متحرش

بقلمى ندى محمد 

ادم بمشاكسه : صوتى 

رحمه : هقول متحرش وبرستيجك هيتدمر وانت دكتور ميصحش 

ادم وهو بيقرب اكتر : دمرى برستيجى

وحاوطها يإيده وبص فى عيونها وبكل حب : تتجوزينى 

رحمه : .....

ادم : لسانك اكلته القطه ! بقولك تتجوزينى ونجيب عيال مش متربيين ؟

رحمه : انا نقطه ضعفى العيال اللى مش متربيه إذا كان كدا انا موافقه

ادم بتمثيل الحزن : علشان تجيبى عيال مش متربيه بس مش علشان بتحبينى يعنى 

رحمه وهى بتغمز : دا انت واصل لأعمق حته فى قلبى ياجدع 

ادم وهو مش مستوعب : ايه !

رحمه : لا ركز معايا كدا انا باد جيرل ومبحبش الرجاله الخجوله 

ادم وهو بيقرب اكتر : اه قولتيلى ، وبص ليها بمكر :  اوريكى بقا  قلة الادب ؟

رحمه وهى بتحاول تهرب منه:  بقولك ايه كله الا الشرف اه سمعتشي اهم حاجه 

وفضلو يجرو ورا بعض تحت ضحكات رحمه وحب ادم 

" لِتزورني في كُلِّ صباحٍ وأرى وجهك"

ياماماااااااااااا

رحمه : ايه يااخرة صبرى هو اللى كنت بعمله فى امى هيطلع عليا ولا ايه 

حور وهى بتدعى البرأه: خااالث دا انا بس كنت جعانه

رحمه : يابت انتى مش لسه واكله

حور : والله اروح اقول لبابا انك حرمانى من الاكل من يومين ومش هيهمنى حد يانا ياطلاقك على أيدى يابركه

رحمه وهى بتقلع الشبشب ورمته فى اتجاه حور : 

حور : مش تحاسبى يارحوم كان هيجى فيا 

رحمه : بس ايه رأيك رمية شبشب بتاعت امهات جامده صح

حور : كل يوم ابداعك بيزيد يارحوم والله ، جهزى بقا كيسين اندومى وتعالى ناكولهم قبل ما جوزك يجى يشعلقنا 

ادم وهو داخل البيت : والله انا معرفت اربى 

حور وهى بتجرى عليه: واحشنى يادومى والله 

رحمه وهى بتبعدها : بت جووووزى لااااا ياخطافه الرجاله انتى هو أنا مخلفاكى علشان تبقى ضرتى 

ادم وهو بيحضنهم هما الاتنين وبيضحك على غيرة رحمه : كل يوم بحمد ربنا عليكو ياعوضى فى الدنيا. 


 - كيف سَتعرفينه ؟ 

سَأهدأ ، سَيكون شخص يُمكنني بِرفقته أنّ أهدأ🦋❤️.


                     تمت بحمد الله

تعليقات