Ads by Google X

القائمة الرئيسية

الصفحات

رواية ملاكي علي الارض الفصل الرابع4بقلم اسماء وائل


 
رواية ملاكي علي الارض
 بقلم اسماء وائل
الفصل الرابع 


البنت/اتفضل 

مروان /اي رايك تيجي تعيشي معايا 

تحول وجهه البنت فجأه/انت بتقول اي 

مروان /لا لا متفهميش غلط انا عايش مع تيتا واخويا الصغير ولو عليا انا مش ببقي موجود في البيت كتير واخويا بيروح المدرسه والدروس ومش هيبقي غير تيتا ولو مش مصدقاني انا كلمت تيتا وهي قالتلي انها حابه تشوفك اوي من كتر كلامي عليكي 

البنت بخجل /قولتلها اي 

مروان في باله قولتلها اني اول ما شوفتك وانا فيا حاجه اتغيرت كل لما بشوفك قلبي بيدق كتير اوي لما بشوفك مش بقدر اتحكم في ضحكتي ولا نظري ولا اني مجيش اكلمك بقيت عاوزك جمبي علي طول انا بقيت زي الطفل اللي لسه عمره سنه




 محتاج امه معاه دايما بقيتي جزء من حياتي لما بشوفك بحسك اخدتيني في عالم تاني مفيش فيه غيرنا  مش عارف عملتي فيا اي 

البنت بستغراب/مروان 

فاق مروان من اللي كان فيه /ايوا معاكي كنا بنقول اي 

البنت /كنا بنقول انك كلمت جدتك عليا قولتلها اي ها 

مروان /انك محترمه وهاديه ومؤدبه 

البنت بخجل /ميرسي 

لسه مروان هيتكلم الباب خبطت 

مروان /ادخل 

دخلت نوال /صباح الخير يا ولاد 

مروان والبنت /صباح النور 

مروان /اي رايك يا تيتا 

نوال بدهشه من جمال البنت /ما شاء الله تبارك الرحمن اخس عليك يا مروان انت مقولتليش انها زي الملاك كده 

البنت بابتسامه /ميرسي يا تيتا دا من ذوقك 

نوال /ما بلاش تيتا دي قوليلي يا نونا 

البنت /بس احترام الكبير واجب 

نوال /كبير لا فشر دا انا اصغر منك 

البنت بضحك / طبعا طبعا هو حد يقدر يقول غير كده 

مروان /طب اسيبكم انا بقا 

نوال /رايح فين 

مروان /هروح اشوف كم حاله واجي 

نوال /تمام 

وخرج مروان 

نوال /انتي ملكيش حجه انتي هتيجي تعيشي معايا ولو مروان في يوم زعلك قوليلي 

البنت /حاضر 

وفضلوا يتكلموا في مواضيع كتير 

صل علي محمد 🌿🤎ــــــــــــــ

بقلم اسماء وائل 





مروان /اي يا حُس عامل اي 

حسام /الحمدلله كله تمام انت اللي عامل اي 

مروان /الحمد لله تمام ها الفرح امتي 

حسام /كمان اسبوع 

مروان/وانت بتعمل اي هنا يلا يابني روح شوف الشقه بتاعتك والعزال وازاي اصلا ريم وافقه انك تشتغل قبل فرحك باسبوع 

حسام /اسكت والنبي يا مروان دا انا جاي سرقه هنا دي لو عرفت مش هتعدي يومي علي خير 

مروان بضحك /مش قادر اي دا حسام الشامي بجلاله قدره يتعمل فيه كده دا انت كرامتك بقت في الارض يابني 

حسام /يلا اهوه منه لله الحب هو اللي بيعمل في الواحد كده 

مروان /علشان كده مش راضي اتجوز 

حسام بغمزه /بكره تيجي اللي تخليك تسحف علي الارض بباطنك 

مروان /لا متخافش اخوك جامد 

حسام /اما نشوف 

وبص حسام في الساعه 




حسام /يالهوتي الساعه بقت واحده ريم هتنفخني مروان انا ماشي انا علشان اجيب البداله مع ريم دا لو مروحتش ابقوا انصبوا الصوان علي روحي 

مروان بضحك /يا خيبتي علي الرجاله مع السلامه يا انشراح 

حسام /والله هضربك 

مروان/اي دا هو علشان مش قادر علي الحمار هتتشطر علي البردعه 

حسام /ولا بلاش افتزاز ابو شكلك من حق كتب الكتاب بكره متنساش تيجي انت ونونا ومحمود و اللي بالي بالك وغمز ومشي 

مروان /لو قولتلها ممكن تيجي لا انا هقول لنونا هي هتقدر تقنعها 

وراح مروان لغرفه البنت /ممكن ادخل 

نونا /تعالي يا مارو 

مروان /نونا انا هروح الشركه ومش هرجع غير متأخر ابقي خلي بالك من نفسك انتي ومحمود 

نوال/ماشي يا مارو 

مروان /هتعوزي حاجه 

البنت /لا شكرا 

مروان /يلا سلام 

الكل /سلام 





نوال /حبيبي شايل هم البيت من وهو عنده 10سنين امه وابوه ماتوا في حادثه عربيه ومفضلش غيره هو واخوه اخدتهم وربتهم لحد لما بقا الدكتور مروان 

البنت /يعني انتي مش جدته 

نوال /لا انا كنت جارتهم عندي ولد بس هاجر لكندا من يوم ما مشي وهو قطع علاقه بيا ونسي اني امه وجوزي مامت بعد لما اتجوزنا بـ10سنين وفي يوم كنت ماشيه لقيت مروان ومحمود كانوا بيعيطوا وكانت الدنيا بتمطر جامد صعبوا عليا اخدتهم كان عند ابوه شركه صغيره راح مسكها وهو لسه با حبه عيني طفل وانا تكلفت باخوه وكنت بروحله الشركه علشان اشوفه هيعرف ولا لا بس ماشاء الله مكملش شهر وكان اتعلم كل حاجه علشان كده سموه اصغر رجل اعمال في الشرق الاوسط لا وكمان ما زي ما انتي شايفه بقا دكتور قد الدنيا 

البنت بحزن /ربنا يرحمهم دا حكايته احزن من حكايتي ربنا معاه طب اخوه محمود فين 

نوال /دا من حاسه ما ابوه وامه ماتوا وهو بقا في حااه صدمه واخد جمب في نفسه كده ولا بيكلم حد ولا بيصاحب حد 

البنت /ربنا معاه يارب 

نوال /يارب


               الفصل الخامس من هنا

تعليقات