رواية من انا
الفصل الحادي والاربعون41
بقلم الاء الرحمن
اليوم كله بنحضير ولبس وترتيب
الاء كانت كتلة من الانوثة الطاغية والجمال
ومسك زي القمر في تمامة
ايناس :ربنا يحميكوا يا رب ويبعد عنكم شر الحساد
سهير :نجننوا بسم الله ما شاء الله.
طبعا الضيوف ابتدت تيجي والعرسان بينتضروهم تحت وعلاء وقيس مش طايقين بعض
نزلت مسك بجمالها الفتان الي خدت عقل وروح وقلب علاء ما قدرش يشيل عينيه عنها واول ما قربت منه قرب منها وباس دمااغها تجنني
قيس كان بيبص للسلم اتأخرت ليه في حاجة جواه متلهفة لشوفتها
نزلت ايناس وهي متعصبة
قيس :في ايه
رانيا بشماته :مراتك قلعت بدلة الفرح وهربت وملهاش اثر
قيس بغضب :ايه الي بتهببيه ده
علاء :مستحيل الاء تعمل كده
ايناس بنفاذ صبر :مراتك مش هنا وبدلتها على السرير
سهير بخوف:يا لهوي يا بنتي مستحيل مستحيل الاء تهرب دي بتحب قيس جدا هتعمل كده ليه
مبارك :اهدوا يا جماعة يمكن حصل حاجة وقيس الي يقدر يجاوب
قيس وهو بينهج جااامد والغضب عاميه هو اه اتوقع رد فعل منها لكن مش الفضيحة دي هيعمل ايه دلوقت
قيس خرج تلفونه وضرب على عماد
عماد كان واقف تحت عند بيت ضحى
عماد :الووو
قيس بغضب :عماد عايز رجالتنا كلها دلوقت وضروري
عماد باستغراب :ليه في ايه
قيس :الاء هربت من الفرح
عماد بصدمة :انت بتتكلم جد مستحيل
قيس بصراخ :عماد انجز اكييد لو خرجت ما بعدتش لازم نلاقيها لازم
علاء :كاميرات القصر فين
قيس فتح عينيه فعلا الكاميرات
وراحوا كلهم للمخزن بتاع الكاميرات ورجعوا نص ساعة فيها
وكانت الاء لسه هتقلع
قيس بغضب :كله بره بره
وفعلا الكل خرج والاء قلعت هدومها ولبست هدوم منقبات واتسحبت من البيت للحديقة الخارجية الي من ناحية المطبخ
قيس خبط الجهاز بأيده لدرجة انها نزفت دم
..................................................
عند رانيا
ضربت على جمانه
رانيا :انتي فين
جمانه :هلبس واجي ليه
رانيا :طب انجزي بسرعة الاء هربت من الفرح وقيس بكده اكييد هيتفضح وعلى شان يلم الليلة اكيد هيبدلها بحد
جمانه بلمعة :بتتكلمي جد هربت
رانيا :ايوه انجزي لازم نكسب الي حصل لصالحنا احنا فاهمة
..................................................
عند عماد
نزلت ضحى وعماد للحظة خدته لكن افتكر قيس
عماد :ضحى اركبي بسرعة
ضحى باستغراب :في ايه مالك
عماد :الاء هربت من الفرح
ضحى شهقت بصدمة وايديها على بوقها
عماد :مش وقت صدمة يا ضحى لازم نلاقيها لازم
ضحى :لكن الاء مستحيل تعمل كده ميتحيل دي بتموت في الارض الي بيمشي عليها
ضحى ركبت ومسكت الفون وضربتلها كتير كان تلفونها بيرن لكن ما كانتش بترد
عماد بأمل :افضلي اضربيلها لو ما ضهرتش فضيحت قيس هتبقى بجلاجل
ضحى فضلت تضربلها
عند الاء
خرجت وهي عازمة انها خلاص مش عايزاه مش هتتحمل منه حاجة تانية خلاص اذيته المره دي كانت جامدة جدا اكبر من انها تستحملها
فضلت ضحى تضرب لها والاء مترددة ترد او لا لكن تأكدت انها الوحيدة الي هتقدر تهديها
الاء ردت على ضحى
ضحى بجنان :يا مجنونة انتي فين وليه عملتي كده
الاء بدموع :تعبت يا ضحى تعبت منه ومن اسلوبه وكبريائه الي بيفضله على كل حاجة ما كنتش قادرة استحمل اكتر من كده
ضحى بغضب:لكن مش في اليوم ده يا الاء دي فضيحة كبيرة قوي وقبل ما تكون ليه هي لامك واخوكي ما يصحش كده
الاء سكتت
عماد خد الفون من ضحى :الاء اسمعيني انتي لازم ترجعي لو مش على شانك على شان والدتك دي الي بين الحيا والموت
الاء بخضه :ماما ماما مالها يا عماد
عماد بلؤم :والدتك لما عرفت بلي انتي عملتيه فقدت الوعي وجابولها الدكتور
ضحى فتحت عينبها من كذبه
عماد :الاء قوليلي انتي فين ارجوكي انتي لازم ترجعي الفرح انتي كده هتدمري حاجات كتير عاقبي قيس لكن مش كده
الاء بتردد
ضحى :الاء ارجوكي عاقبيه اعملي الي عايزاه لكن مش كده ما يصحش فكري بعلاء الي عمل المستحيل على شان تتجوزوا وعلى شان هو يتجوز حب حياته قيس مشرط عليه لو انتي ما ظهرتيش مش هيجوزوا مسك
الاء بدموع :انا قريبة من .......... تعالوا خدوني
ضحى قفلت معاه وعماد ساق بسرعة كبيرة لحد ما وصل ليها
ضحى نزلت وجريت عليها وحضنتها والاء بتعيط
ضحى :في حد مجنون يعمل كده بليلة فرحة
الاء بقهر :استحملت كتير قوي وجه عليا كتير قوي لحد انه بقى يأذيني وما يحسش بده
عماد بحزن عليها :مش وقت الكلام ده يا الاء احنا لازم نرجع الفرح
ركبوا العربية وضحى بتحاول تهدي بالاء
ووصلوا ودخلهم عماد من باب القصر المخفي عن الضيوف الي صابهم الهلع والرغي انه العرسان تأخروا ليه
قيس كان بيتنفس جامد لما كلمه عماد وقاله انه الاء معااه
علاء قرب من قيس :اهدا كده واتصرف بحكمة على ما تعدي الليلة دي وبعدين اعمل الي انت عايزة وما تنساش مراتك حامل
قيس وهو بيجز على سنانه :ابعد عن وشي الساعة دي يا زفت انت
هنا دخلت الاء وكانت متمسكة بضحى جاامد
عماد :مساء الخير
سههير جريت على الاء حضنتها :كده يا بنتي كده عايزة تفضحينا
الاء بصت لعماد بغضب :انت مش قولت ان ماما وبنفسها اه يا ابن ال......
عماد بص للارض بأحراج
قيس اول ما سمع صوتها دور وشه عليها
الاء بصتله بتحدي
قيس بص لوالدته :امي الزفته دي عشر دقايق وتكون جاهزة للفرح
كانت الاء هتتكلم ضحى حطت ايدها على بوقها وجرتها معاها
ضحى :خمس دقايق وهتنزل
ايناس اتنهدت براحة :كانت هتكون فضيحة ملهاش اخر ربنا ستر
مسك بأحراج :انا هطلع اشوفهم واساعدهك
علاء رفع حاجبه :تشوفي وتساعدي مين بفستانك ده اقعدي
سهير :انا هطلع اساعدها
طلعت الاء وضحى لبستها البدلة غصب عنها واكتفت بفرد شعرها الحريري على الطرحة
سهير دخلت عليها :كده برضه يا بنتي عايزة تجيبي وشنا الارض يا الاء ده احنا ما صدقنا يا بنتي تمت الجوازة دي على خير
الاء بدموع :كرهته يا ماما كرهته سامحيني لكن انا ما بقتش قادرة استحملة اكتر من كده ده قاسي وما بيحسش ده بيذلني بكل لحظة وكل ثانية ده انا لو عدوته مش هيعمل معايا كده
طبعا كان قيس هيدخلها لكن سمع كل كلمة قالتها وفضل في دماغة كلمة وحده كرهته كرهته كرهته
نزل قيس
علاء :الاء فين مش طلعت تجيبها
هنا طلت الاء بفستانها الخرافي ووشها الملائكي وشعرها الحريري وطرحتها الي بتمشي معاها على الارض كانت اقل ما يقال عنها فاتنه
نزلت من غير ما تبص لقيس
علاء :يالله يا جماعة احنا اتأخرنا جدا على المعازيم وبقى في لبش كتير وناس بتصطاد في المية العكرة
ايناس :امسكي بأيد عريسك يا الاء
قيس ما ادهاش فرصة الرد ومسك ايديها بايده وجرها معاه بخطوات تكاد تكون سريعة لوحدة لابسة بدلة تقيلة
الاء وهي بتجز على سنانها وبهمس :امشي شوية شوية يا بني ادم انا حامل ولابسة بدلة بتقلك هوقع كدة
قيس بفحيح افعى :الاحسن ليكي تخرسي وما اسمعش صوتك ابدا على ما يعدي الزفت الي احنا فيه فاهمة واقسم بالله الموقف الي حطيتيني فيه ما هيعدي بالساهل
الاء خافت وده بان على ايديها الي ترعشت بين ايدية
قيس بسخرية :خلي خوفك على ما الفرح يخلص يكون احسن
عند علاء
شد على ايد مسك
علاء :لو تعرفي انا مبسوط ازاي يا مسك انا مبسوط جدا اخيرا اخيرا هتبقي مراتي وفي بيتي
مسك عينيها لمعت بالدموع
علاء بلهفة :صدقيني هبتدي معاكي كل حاجة من جديد وكأننا اتولدنا من جديد انا بحبك جدا جدت يا مسك
عند قيس حاول يجامل المعازيم على قد ما يقدر ورقص مع الاء وهو بيشد على وسطها جامد وكأنه كان مستحملها بالعافية
بعد مدة خلص الفرح والكاميرات رصدت كل حاجة للعرسان وحاول قيس يبان طبيعي
ايناس :يالله يا حبيبي خد عروستك واطلعوا وانت يا علاء
فعلا كل واحد خد عروسته وراح لبيته