رواية غرام الأسد
الفصل الاول والثاني
بقلم شروق محمد
كلنا نخطئ ومين فينا ملاك ولاكن الأهم ان نعرف غلطنا ونعترف بيه ونتعلم منه، الحياة مليئه بالإحجار فلا تتعثر بها بل اجمعها وابن بها سلماً تصعد به حول النجاح.
"رواية غرام الاسد" فيها بعض الواقع مابين الحياة الاسريه والمشاكل وبعض الرومانسيه ومعني الاصدقاء وقرب الأباء من الابناء، وبعد الأباء من الابناء وبعض من المشاعر
بحثنا عن الحب ومشينا وراءه ونسينا أنفسنا وعالمنا ورسمنا طريقنا بالخيال والأساطير لم نعلم أنه مؤلم ولم نتصور مقدار العذاب الذي قد يسببه فعشنا لحظة فرح يملؤها العشق لكننا وجدنا عذاباً وألماً لم يكن في الحسبان فالم الحب يمزق الجسد وعذابه يدمر القلب
-----------------------------
كانت تجلس في غرفتها حائره في امر والديها وشاردة في الماضي وذكرياته واثناء ذلك دلفت منال الي الغرفة دون ان تشعر بها غرام.
منال: غرام انتي يابنتي بنده عليكي من بدري
"" فاقت غرام من شرودها""
غرام: نعم ياماما في ايه
منال: قومي ياله عشان تشوفي العريس
غرام: لا ياماما مش عاوزاه مش عاوزه اتجوز
منال: ياحبيبتي قومي ابوكي هيزعق ويعمل مشكله
غرام: مش عاوزه اتجوز ياماما مش عاوزه اغنيها
منال: ابوكي هيعملنا غم في البيت لان دي مش اول مره يجي عريس وترفضي، طلعي ياحبيبتي ابن عمك من دماغك وقلبك مش هيجي من السفر ماتحلميش كتير قومي شوفي العريس
غرام: هو بالساهل اطلعه من قلبي عمركم ماهتحسو بيا ومش عاوزه اشوف العريس حرام عليكم بقي انتو كدا بتظلموني سيبوني مش عاوزه اتجوز
منال: هتفضلي كدا لحد امتي ياغرام انتي بقالك ٣ سنين بترفضي عرسان وبرضه مستنياه يرجع
غرام: هيرجع ياماما هيرجع بس بالله عليكي مش عاوزه اشوف العريس اتصرفي
منال: طيب اقؤل ايه لأبوكي دا علي اخره
غرام: قوليله نايمه تعبانه اتصرفي بالله عليكي
منال: ربنا يستر طيب ماتطلعي دلوقتي وبعد كدا قولي مش مرتاحه وكدا
غرام: ماما عشان خاطري ارحميني
" خرجت منال لتعتزر لزوجها عن عدم خروج ابنتها للعريس وتبرر له موقف ابنته "
ايهاب: فين غرام ياام غرام
منال: تعبانه خالص ونايمه معلش ياابو غرام سيبها تعبانه واتأسف للراجل
ايهاب: انتي عاوزه وشي يبقي في الارض اه انتو خسرانين حاجه والمحروسه مش عاوزه تتجوز ليه بقي وبتمثل انها تعبانه وانتي كمان بتكدبي عشانها
منال: ياابو غرام اسمع بس
"تركها ايهاب ودلف الي غرفه غرام بعصبيه وغضب"
ايهاب: لا سامع ولا منيل انت يابت قومي كلميني
غرام: نعم يابابا
ايهاب: في ايه فهميني بقي كل مايجي عريس بترفضيه ليه انا احترت معاكي
غرام: مش عاوزه اتجوز يابابا هو وجودي هنا مدايقكم في ايه مش عاوزه اتجوز افضل اعيد وازيد كتير
ايهاب: أستغفر الله العظيم، ليه يابنتي بس دي سُنة الحياه يا حبيبتي عاوز افرح بيكي قبل ماأموت واشيل ولادك واشوفك متهنيه
غرام: طيب يابابا سيبني شويه نفسيتي ترتاح وانا الي هقؤلك انا موافقه للي هيجي بس سيبني دلوقتي مش مرتاحه
ايهاب: خلاص ياغرام بس اعرفي اني مش هسيبك كتير
" خرج والدها وهو يرمقها بنظرة ناريه لأحراجه من كل موقف يتوجد فيه بسبب ابنته "
ايهاب: اسف جدا بنتي تعبانه شويه ممكن نأجل المعاد واول ماتفوق انا هبلغك......
--------------------
غرام ايهاب المنشاوي: تمتلك من العمر ٢٤ عام من القاهرة هي فتاة هادئة وجميله تعمل مدرسه لغه عربية وتعشق عملها كثيراً
تحلم ان تكمل حياتها مع أسد ابن عمها الذى تعشقه وتراه فارس احلامها وأمانها منذ الصغر.
---------------------
ايهاب المنشاوى: يمتلك من العمر ٤٦عام، والد غرام رجل مصرى شرقي كل ما يحلم به ان يزوج ابنته غرام ويحمل احفاده.
هو شخص عصبي وحاد الطباع وليس قريباً منها لحد ما
تزوج ولدتها عن حب.
-------------------
منال منصور: تملك من العمر٤٣ عام ست مصريه اصيله جميلة وملامحها هادئة حنونه وتعشق غرام لانها ابنتها الوحيدة
هي تعلم بعشق غرام لاسد ولكن تريد تغير هذه الفكره من رأسها.
باقي الأبطال هنتعرف عليهم مع الأحداث
----------------------
"نهضت غرام وتركتهم وذهبت الي النافذه حيث تتحدث مع نفسها وتسترجع الذكريات "
"فراقك وطيفك يمر قبالي وأسمع صدي صوتك في خيالي اي وداع يليق بحلم جميل كالحلم بك انت"
قربك ليا وخوفك عليا هو معني كل كلمة حب وكل شعور الأحبة انت ملكتني وملكت روحي"
'غرام مع نفسها' ليه كدا ياأسد سبتني وسافرت انا عارفه ان انت بتحبني قلبي متأكد بس كنت عاوزة اسمعها منك نظراتك ليا افعالك بتأكدلي انك بتحبني ليه ماقولتليش " كانت دموعها تخدش وجنتيها بلا رحمة مع كل كلمة "
وأثناء ذلك دق الباب واستاذنت منال للدخول وقالت: غرام ممكن ادخل يا بنتي.
قامت غرام بمسح دموعها وقالت: اتفضلى يا ماما
منال: انتي برضه بتعيطي ياحبيبتي حاولي تفرحي زي البنات انتي مالكيش نصيب معاه حاولي تطلعي نفسك من الدايرة الي حاطه نفسك فيها دي
غرام: مش قادرة ياماما مش هقدر انساه ولا اطلعه من قلبي صعب والله صعب انا اول مافتحت عيوني لقيته قدامي كان علطول سندي بيدافع عني بيخاف عليا كبرت وهو سندني هو جوايا هو الأمان ليا روحه عايشه جوايا صعب، الحب عمره ماكان شويه كلام، شويه وننساه، صعب انتي عارفه ومجربه
ضمت منال غرام بشده وقالت: يارب يقرب البعيد ياقلبي، كبرتي بس لسه في عيوني صغيره
غرام: المشكله انه حتي مارنش عليا ولا مره قلبي خايف وقلقان عليه اوووي كان نفسي اسمع منه كلمة بحبك
منال: الصراحة الواد ده تقيل في نفسه وبصراحة كمان يتحب ابن الايه ده
"ضحكت غرام من بين دموعها علي مزاح ولدتها الحنونة"
منال: ايوة كدا اضحكي ياقلب امك وسبيها علي ربنا
غرام: ربنا يخليكي ليا ياماما بجد انا مش عارفه من غيرك كنت عملت ايه دايما مستحملاني وواقفه جمبي
منال: لانك ضي عيوني ونبض قلبي واختي وبنتي وحبيبتي كل حاجه حلوة ليا يامسكر انت
'ضمت غرام والدتها بشده وظلت منال تضحك وتمزح مع ابنتها'
منال: ربنا يريح قلبك يابنتي ويسعدك
"" وبدأت منال تواسي ابنتها وتخرجها من الحزن التي تملكها وتملك قلبها ""
-------------------
"علي جانب اخر"
أسد: الو ايوه ياحبيبي عامل ايه
سعد المنشاوي: الحمد لله ياقلب ابوك عامل ايه ياواد
أسد: وحشتني والله ياحاج وامي وحشتني اوووي والقاعده معاكم وحشاني
سعاد: يابكاش لو وحشناك كنت نزلت حتي تطمن علينا
أسد: شغل والله ياامي دعواتك ليا
سعاد: ربنا يكتبلك الرزق ياضنايا ويطمني عليك
سعد: واد انت لو ماجيتش قريب مش عارف لما اشوفك هعمل فيك ايه او مش هستنا لما اشوفك
تعالت صوت ضحكات اسد علي مزح والده وقال: لا قريب اوووي نازل عمي عامل ايه
سعد: الحمد لله انت مش بتتصل بيهم ولا اي
أسد: الصراحه لا ومأثر اووي في حقهم وزمانهم شايلين مني وبصراحه عندهم حق
سعد: اخص عليك انا ربيتك علي كدا برضه يااسد
أسد: هكلمهم وقريب اووي وعاوز منك خدمه بسيطه
سعد: عيوني ليك ياابني في اي قول علطول
أسد: بعدين اقؤلك سلام دلوقتي.
سعد: سلام ياابني ربنا يحفظك ويجيبك لينا بالسلامه
----------------------
"أسد سعد المنشاوي: شاب وسيم رياضي يمتلك من العمر٣٢ عام من القاهره بدأ حياته بالأعتماد علي نفسه مع انه ليس فقير ولكن هو شاب مكافح سافر الي احدي الدول لبناء نفسه وعمل كيان له في العمل
وأيضاً يوجد حلم يسعي للوصول اليها
-----------------
"سعد المنشاوي: والد اسد رجلاً طيب القلب يمتلك من العمر ٥٨ عام الاخ الاكبر لإيهاب، ليس لديه أبناء سوي اسد وكان حزيناً علي فراق
ابنه ولكن مع اصرار اسد تركه يسافر لانه يعلم جيدا انه ليس من السهل خضوع ابنه له"
------------------
"سعاد: ولدة اسد ست مصريه اصيله ملامحها جميلة وتحب زوجها كثيراً وابنها هما الحياة بالنسبه لها ولا تستطيع العيش بدونهم
وتمتلك من العمر٥٤ عام"
----------------------
"علي جانب اخر قام اسد باتصال علي صديقه المقرب عاصم"
أسد: اه ياندل فينك لسه فاكر ترد عليا وتكلمني
عاصم: غصب عني ياصاحبي شغل هعمل ايه بس
أسد: ياراجل شغل برضه ماكنتش عارف تسافر معايا
عاصم: صاحبك مش عاوز يسبني ياعم وانت الي صممت تختار تشتغل في شركته الي بره
أسد: انت عارف انا اخترت بره ليه المهم في جديد
عاصم: جديد اوووي
أسد: قلقتني قول بسرعه في ايه
عاصم: .................
أسد: انت بتقول ايه
عاصم: زي مابقؤلك كدا ده الي حصل
اسد: طيب اي حاجة تحصل بلغني علي طول
عاصم: ماشي يا صاحبي
اسد: مع يا عاصم لازم اقفل
عاصم: ماشي يا صاحبي سلام
اسد بحزن: سلام.
-------------------------
عاصم مدحت: شاب وسيم ورياضي صديق أسد من الطفولة بيثقو في بعض كثيراً ومقربين اكثر من الاخوات.
----------------------
"علي جانب اخر كانت غرام تتحدث مع هاجر صديقتها علي الهاتف"
غرام: الو اذيك ياجوجو
هاجر: برن عليكي من بدري مش بتردي ليه
غرام: معلش مخنوقه شويه وماكنتش قادرة اتكلم
هاجر: ليه يابنتي في اي
غرام: اصل بابا كل شوية جايبلي عريس ومصمم اني اقابله وانا تعبت من ضغطة عليا ودي مش اول مره
هاجر: معلش ياغرام طيب فكري
غرام: انتي هتعملي زي ماما... كدا ياهاجر وانا الي قلت هتحسي بيا
هاجر: حاسه بيكي ياقلبي بس هتعملي ايه مع باباكي
غرام: مش عارفه بقؤلك ياجوجو
هاجر: قولي ياعيون جوجو
غرام: هو أسد مش بيكلم عاصم
هاجر: مش عارفه ياغرام بتسألي ليه
غرام: عشان أطمن عليه يعني اقرب ينزل ولا هيستقر هناك عاوزه اسمع صوته. صوته واحشني اووووي
هاجر: حبيبتي ربنا يقرب البعيد
غرام: طيب انا هقفل سلام
هاجر: حاولي تشوفي مستقبلك ياغرام كدا كتير ولو كان عاوزك كان قالك حتي قبل مايسافر او خلي عمك يكلم باباكي او يدي اي اشارة
غرام: خلاص ياهاجر بقي سلام
هاجر: مافيش فايدة سلام
------------------
هاجر عماد: صديقه غرام منذ الطفوله تمتلك من العمر ٢٤ عام يعملون معا بنفس المجال هي فتاة هادئة وجميلة مثل غرام"
----------------
" اغلقت غرام الهاتف وظلت تبكي وتتذكر ذكريتها مع الاسد الذي احتل قلبها وعقلها "
ياتري يااسد انا فعلا غلطانه وكلامهم صح واني استناك ٣سنين كتير حتي من غير ماتقولي كلمه واحده..
"" وظلت غرام علي هذا الوضع تتحدث مع نفسها""
غرام اعمل ايه تعبت من كل حاجه تعبت من الوجع تعبت من البعد تعبت من كلام الي حواليا عاوزاك جمبي ياأسد ارجعلي بقي كفياك بعد وفراق ""
"دق الباب وكان الطارق ايهاب والدها "
غرام: ادخل
ايهاب: حبيبتي قاعدة لوحدها ليه
غرام: عادي يابابا
ايهاب: ممكن اتكلم معاكي شويه
غرام: اتفضل ياحبيبي
ايهاب: مالك ياحبيبتي في اي
غرام: مافيش حاجه يابابا
ايهاب: مافيش ازاي انا ملاحظ ان دموعك مابتنشفش خالص وعلطول قاعدة لوحدك ماتفكريش اني مش حاسس بيكي لا يابنتي حاسس بحزنك ووجعك بس مش عارف ليه موجوعه اتكلمي معايا ياحبيبتي مالك
غرام: خدني في حضنك يابابا ضمني نفسي احس بي الامان حاسه اني وحيدة
ايهاب: اخد غرام في حضنه وطبطب عليها اتكلمي يابنتي انا سامعك وهقف جمبك بس اتكلمي بصراحه
غرام: قلبي موجوع اوووي يابابا
ايهاب: ليه ياقلب ابوكي
غرام: مش هتزعل ولا تتعصب عليا
ايهاب: لا ياحب ابوكي وانا من امتي بزعقلك انا بزعقلك عشان مش عاوزه تشوفي حياتك وتتجوزي عاوز اشوف احفادي بيجرو قدامي
غرام: مش قادرة اكون غير لأسد يابابا مش عارفه افكر غير فيه حبيتة وهو الامان والسند ليا بعد حضرتك انا اسفه اني بكلمك بصراحه بس غضب عني ماعتش قادرة اسكت وانت كل شويه تغصب عليا ان اشوف العريس أسد ده كل حلمي ان اكمل حياتي معاه حبيته وغصب عني مش قادرة اطلعه من قلبي ولا عقلي مش قادرة
ايهاب: ياااااااه كل ده في قلبك ياغرام بس يابنتي هو ماقلش ليا ولا خلي عمك يكلمني حتي ولا حتي رن علينا من ساعت ماسافر يعني لو في امل كان بان وانا مش هقدر اشوفك كدا دايما حزينه ومكسورة لازم تخرجي من الي انتي فيه. غرام شوفي نفسك انتي دبلتي خالص بقيتي زي الورده الدبلانه وانا اب مش هقدر اشوف بنتي كدا واسكت اعملي حسابك العريس الي جاي ده محترم ومتدين وابوه صاحبي وراجل بمعني الكلمه فكري كويس لأني مش هقدر ارفضه واخسر صاحبي وصلي استخارة جايز ترتاحي وبعدين ياحبيبتي انتي اتعلقتي بي اسد لأن هو كان قدامك علطول كان بيحميكي ويخاف عليكي ولو كان عاوز يتجوزك علي الاقل كان اداني كلمه
غرام: بابا انت حاسس بيا
ايهاب: اكيد حاسس بيكي ومش عاوز اشوف في عينك الكسره الي شايفها دي
غرام: طيب هو بالساهل انساه او اطلعه من قلبي
ايهاب: حاولي ياغرام حاولي وهسيبك يومين تفكري وهدي العريس معاد يجي تكوني صليتي واستخرتي
"تركها وخرج وهو قلبه يتألم علي قلب ابنته التي احبت ولم تستطع الوصول لحبها. كان يتحدث مع نفسه قائلا: انا اه كنت بشوف نظرات وافعال اسد ليها وخوفه واهتمامه واحترامه ليها بس هو مااخدش خطوة وعدي ٣ سنين مش هسيبها تدمر نفسها وتعيش في وهم دي بنتي الوحيدة "
"جاءت منال اليه وجدته شاردا مع نفسه"
منال: مالك ياابو غرام بتكلم نفسك ليه
ايهاب: صعبان عليا حال غرام وحزنها علي حاجه مش هتحصل ورابطه نفسها بيها
منال: انت بتتكلم علي ايه ياحبيبي
ايهاب: علي اساس انك مش عارفه حبها لأسد وتعلقها بيه وهو حتي مافكرش ياخد اي خطوة
منال: هيا قالتلك
ايهاب: يعني كنتي عارفه وماقؤلتيش حرام عليكي تسبيها كدا كنتي عقليها
منال: هو الحب بي ايدينا بس ياحبيبي انت عارف ومجرب وصعب انها تنسي
ايهاب: انا مش هسيبها تدفن نفسها علي اوهام مش هسيبها انا هفضل وراها لغاية ماتعقل
---------------
"أدت غرام فرضها ودعت ربها ان يعود حبيبها ونامت علي امل ان يعود او حتي يتصل بها ويعترف بحبه لها وكانت تفكر قائله: هو انا صح وكل الي حواليا غلط ولا انا الي غلط ومعلقه نفسي بي احبال دايبه .ظلت غرام تحدث نفسها وتفكر في كلام الجميع وتعبت من التفكر ونامت ولكن وجع قلبها لا ينام ولا يهدء ابدا.
صدقوا حينما قالوا وجع القلب والروح اصعب ما يكون
-------------------------------
اللهم صل وسلم وبارك على سيدنا ونبينا محمد صلى الله عليه وسلم تسليما كثيرا -----------------------
غرام الاسد
البارت2
-----------------
"مر يوم واثنان ولا يوجد جديد وكانت هاجر حزينه علي صديقتها، وكان قلبها يتألم لها كثيرا"
كانت هاجر شارده في تعب ووجع صديقتها وبدأت تحدث نفسها وقالت: نفسي أخفف عنك شويه ياغرام.. حبيبتي انتي استحملتي كتير اوووي، دقائق و رن هاتفها الخاص.
عاصم: الحلو سهران ليه
هاجر: قلقانه ومش جايلي نوم
عاصم: ليه كدا ياحبيبي
هاجر: صعبان عليا حال غرام ووجعها وزي ماقؤلتلك باباها مصمم علي العريس الي جاي واتفق معاه علي معاد
عاصم: وهيا رأيها ايه موافقه يعني
هاجر: بقؤلك دي بتموت من وجع قلبها وفراق صاحبك الي ولا علي باله ولا بيفكر ياخد حتي خطوة
عاصم: ياستي كل واحد ادري بظروفه
هاجر: طيب قولي هو بيحبها يعني ماقلش ليك حاجه
عاصم: مالناش دعوة ياهاجر بالموضوع ده والي فيه الخير ربنا يقدمه
هاجر: طيب بس لو قالك قؤلي عشان حتي اخفف عنها واخليها تهدا من القهر والوجع الي هيا فيه
عاصم: تعشميها بحاجه وترجعي تسحبيها منها تاني
هاجر: صاحبتي ياعاصم ومش قادرة اشوفها كدا
عاصم: ان شاء الله خير كل الي اقدر أقوله انه خير
ياله انا هقفل عشان ورايا شغل بكرة بدري تصبحي علي خير ياحبيبي
هاجر: وانت من اهل الخير يا قلبي
"اغلقت هاجر الهاتف بعد انهاء المكالمه مع عاصم وظلت شارده وبعد فتره قصيره غطت في نوم عميق"
------------------------
"في صباح يوم جديد"
""فاقت منال من نومها ونهضت تقضي فرضها وذهبت علي غرفة غرام لكي تيقظ غرام ذهبت وقامت بفتح النوافذ وقالت: ايوه كدا خلي نور ربنا يدخل ينور حياتنا ياصباح الورد يا حبيبتي قومى يلا
قامت غرام بفتح اعيونها وقالت: صباح الخير ياماما
منال: صباح الياسمين احلي ياسمينا قومي بقي عشان تفطري وتلحقي شغلك
غرام: حاضر ياماما عن اذنك هقوم اصلي والبس
منال: انا كمان هحضرلك الفطار
" نهضت غرام لكي تقضي فرضها وبعد ان انتهت جلست وبدأت في دعائها"" الدعاء التي ظلت تدعو بها طوال العمر ، انتهت من صلاة وقامت وارتدت ملابسها وخرجت للافطار مع عائلتها.
ايهاب: صباح الخير ياغرامتي
غرام: صباح الخير يابابا عامل ايه
ايهاب: الحمد لله تعالي اقعدي عاوزك
غرام: نعم يابابا يارب يكون خير
ايهاب: طبعا خير واحسن خير كمان فكرتي وصليتي
غرام: انت لسه مصمم يابابا بعد الي قؤلتهولك
ايهاب: اهو بذات عشان الي قولتيه وعلي فكرة العريس جاي انهاردة اعملي حسابك عشان بس ماتقؤليش تعبانه والحجج بتاعت كل مرة دي
غرام: بابا بعد اذنك سبني شويه كدا حرام
ايهاب: الحرام اني فعلا اسيبك لأوهامك
قامت غرام والدموع تسيل من اعيونها : عن اذنك اتأخرت علي شغلي
منال: غرام رايحه فين تعالي عشان تفطري الأول
غرام: ماليش نفس سلام
" ذهبت من امامهم للعمل لكي تشغل وقتها وتبتعد عن التفكير في هذا الأمر ولكن لم تستطع عدم التفكير .
منال: ليه كدا ياايهاب حس بالبنت شويه حرام كفايه الي هيا فيه
ايهاب: انتي متاكده من كلامك اسيبها تدبل اكتر ماهيا ياشيخه حرام لازم ناخد بإيدها ونفوقها وعلي فكره هتفق انهاردة علي معاد الخطوبة لان الواد مايتعيبش في حاجه والف مين يتمناه وانا اعرف مصلحتها اكتر منها ومنك وياريت تعقليها ماشي
منال: طيب فكر تاني وبلاش تسرع عشان خاطري
ايهاب: انا قلت كلمه ومش هرجع فيها انتهينا
"تركها ايهاب وذهب إلي المعرض الخاص به لبيع السيارات، أما هيا فظلت حزينه علي ما وصلت له ابنتها .
---------------------
علي جانب اخر
قام اسد باتصال علي احد ما
أسد: ايوه ياحاتم انا محتاج اجازة ضروري والدي زعلان مني جامد هو ووالدتي وانا بصراحه طولت هنا بقالي ٣ سنين مااخدتش اجازة واحتمال استقر في القاهرة واشتغل في الفرع هناك احسن من الغربة دي
"حاتم منصور مديرة في الشغل": دا انت تنور الشركه هنا خلاص خلص اجرائاتك وتعالا كتر خيرك بس الصراحة شركاتي عندك مبهورين بشغلك وعارف وواثق انهم مش هيقدرو يسبوك بالساهل
أسد: لا انا كدا هتغر، وتعالت صوت ضحكات اسد"
حاتم: حقك ياغالي والله، خلاص حضر نفسك وانا هكلمهم وابلغك
أسد: بشكرك كتير بس ليا طلب
حاتم: عيوني
أسد: تسلملي بلاش تجيب سيرة لعاصم عاوز اعملها مفاجئه ليه
حاتم: بس كدا حاضر يااسد باشا
"انهي أسد المكالمه وتنهد بارتياح وقال: ياااااااه اخيرا هرجع واتنفس هوا بلدي واملي عيني بشوفت الحبيب
كلما طال الغياب كان اللقاء أروع وأجمل، قدر أراد لنا اللقاء ثم انتهي ما بيننا وبقيت وحدي للشقاء، إنّ لكي في القلب أنواع من المحبة حب نتج عن طيب معشرك وحب نتج عن صدق محبتك وحب نتج عن حبك لله فأنا أعيش مع الأول أحلي الذكريات وأشعر مع الثاني بالسعادة ويذكرني الثالث أن أدعو لك وأنتظر اللقاء.
--------------
"استيقظت هاجر من نومها توضئت وأدت فرضها وارتدت ملابسها وخرجت للافطار مع عائلتها والقت عليهم التحية ثم ذهبت للعمل،
وبعد مرور نصف ساعة وصلت هاجر للعمل وجدت غرام حزينه "
هاجر: صباح الورد والياسمين علي احلي غرام
غرام: عيونك الاحلي ياجوجو عامله ايه وحشتيني
هاجر: ياناس علي الرقه وهيا بتتكلم انتي اكتر ياروحي
غرام: هدخل المكتب لو مش وراكي حصة تعالي
هاجر: لا مافيش ياله تعالي نقعد ننم شوية
غرام بابتسامه: لا شكرا انا مش بتاعت نم
هاجر: وحشتني ضحكتك دي تعالي تعالي
غرام: مش عارفه اعمل ايه مع بابا مصمم علي العريس ده مش عارفه اشمعنه ده بالذات الي ماسك فيه ومصمم عليه انا تعبت حتي صارحته بالي في قلبي وبرضه الي في دماغه في دماغه لا وعاند اكتر واداله معاد يجي انهاردة وانا ماعتش حد حاسس بيا، وبمشاعري، كاأني لعبة، عاوزين يحركوها زي ماهما عاوزين
هاجر: والعمل ياغرام
غرام: مش عارفه مش عارفه، عندك حل من وقت سفره وانا بيجيلي عرسان وبرفض علي يدك نفسي اكلمه، اسمع صوته، اساله ليه، والف ليه
هاجر: غرام انتي كدا هتتعبي تاني، ارحمي نفسك بقي
غرام: ياااارب خليك معايا انا واثقه فيك دبرلي اموري
هاجر: بس كدا جدعه سبيها بقي علي ربنا وهو هيحلها من عنده وييسرها كمان ياله بقي انا عمله فطار يالهوي عليا يجيب تلبك معوي" وتحولت ابتسامة هاجر لضحكات عاليه" تعالي قربي كلي معايا هنعملك غسيل معده انهاردة
غرام بابتسامه: مش هتبطلي، علطول جيبالنا تلبك
هاجر: مش بتعلم فيكي بدل ما الواد عاصم يطلقني ويقول عليا خايبه
غرام: لا تعالي اتعبيني انا
هاجر: عليكي الاستحمال ياحبي انا
غرام: عيوني ليكي ياجوجو
هاجر: يسلام ياولاد علي احلي اخت في الدنيا
غرام: ربنا يخليكي ليا ياجوجو
"" ظالوا علي هذا المنوال وكانت هاجر تحاول التخفيف عن غرام قليلا
أما غرام كانت تحاول رسم الضحكة علي وجهها.
------------------------
في المساء وخصوصا في منزل ايهاب
"كان ايهاب يجلس ويفكر في القادم وكان أيضا خائفا من احراج غرام له امام صديقه ، جاءت منال اليه
منال: قاعد سرحان في اي مالك
ايهاب: مافيش، ياله روحي خلي غرام تجهز العريس جاي كمان نص ساعه عشان هيا متعملش اي حجه من بتوعها
منال: انت مصمم ليه بس كدا، طيب سبيها فترة تقرر
ايهاب: سبتها كتير وايه النتيجه اهي هضيع من كتر الحزن الي هيا فيه خليها تشوف الدنيا بقي
منال: بس ده مش حل صدقني
ايهاب: لا حل وياله ادخلي قؤليلها بدل ماادخل ليها انا
منال: لاحول ولا قوة الا بالله مافيش فايده
ايهاب: لا مافيش وانا قلت كلمه ومش هغيرها
" نهضت منال بزهق ونظرت لزوجها بحزن علي افعاله مع ابنته وقساوته في التعامل معها ذهبت لغرفتها لتبلغها بقرار والدها"
"أما غرام كانت تجلس في غرفتها حزينه من تصرفات ولدها وتحكمه بها بتلك الطريقة القاسية"
"ذهبت منال لغرفه غرام وطرقت الباب"
غرام: اتفضلي
منال: غرام ياله حبيبتي اجهزي عشان الضيوف
غرام: ماما مش هقدر عشان خاطري ساعديني
منال: ابوكي مش راضي يغير رأيه اجهزي يابنتي والي فيه الخير يقدمه ربنا
غرام بحزن: ليه كدا بتعملو معايا كدا ليه هو انا مش بنتكم ارحموني
"ضميتها منال بين احضنها وبدأت تواسيها"
معلش تعالي علي نفسك ياحبيبتي وقومي وسبيها لله
ياحبيبتي، امسحي دموعك دي واهدي
غرام: حاسة اني قلبي هيقف مش قادرة
منال: طيب خدي شاور يفوقك وانا هحضر لبسك معلش تعالي علي نفسك يابنتي قومي ربنا يجعل الي جاي خير اكيد ربنا هيختارلك الخير اتوكلي عليه
غرام: ونعمه بالله
"قامت غرام ودخلت إلي المرحاض وبدأت في أخذ الشاور وظلت تحت المياه تبرد قلبها وتمحي القليل من حزنها اما منال بدأت في تحضير الملابس لها وظلت تدعو أن يعود اسد في الوقت المناسب لغرام .
"خرجت غرام من المرحاض وكان وجها شاحب ملئ بدموع"
منال: حبيبتي حاولي تبتسمي ده يوم الف بنت بتتمناه
غرام: وانا مش بتمناه غير مع اسد ولأسد مش لاي حد
منال: طيب وطي صوتك ابوكي يسمعك
غرام: تفتكري بابا بيعمل فيا كدا ليه اكون مش بنته
"نزلت تلك الكلمة كالصاعقة علي منال ولم تستطع التكلم .
غرام: مالك ياماما في اي
منال: ازاي تقولي كدا ولو مش بنته هتكوني بنت مين حبيبتي هو اب وخايف عليكي وبكره هتعرفي وتحسي بالضنا قومي حبيبتي ربنا يهديكي البسي
"قامت غرام وبدأت في ارتداء ملابسها وكان قلبها يتألم كثيرا كيف لها ان تسمح لاعيونها رؤية أحدا غير اسد"
غرام تحدث نفسها: سامحني يااسد ليه تحطني في موقف زي ده"انتهت من ارتداء ملابسها وجلست علي الفراش تتذكر ابسامتها ومرحها ومزحها مع اسد"
----------------------
في المساء عند اسد
أسد: ايوه ياحاتم باشا عملت ايه
حاتم: باشا بتثبتني ماشي، بص انا عملت كل الي اقدر عليه وهما مش عاوزين يسبوك بيقولو انك ممتاز جدا ومش هيقدرو علي بعدك
أسد: انا طلبتها منهم قبل كدا كتير ومش موافقين المفروض سنه وانزل او اتنين بالكتير بس دول جاحدين اوووي ياخال
حاتم: خلاص انا اخدت الموافقه بس علي امل انك ترجع ليهم
أسد: ياخبر انت ماقؤلتش ليهم اني نازل نهائي
حاتم: انت مجنون صح عاوزني اقول كدا عشان مايوفقوش علي الاجازة اصلاا
أسد: بس انا مش بحب اضحك علي حد وبحب اكون واضح جدا مع الي بتعامل معاه
حاتم: هما حبوك مش عشان بتشتغل في الشركه لا هما حبوك لانك راجل بمعني الكلمه وصعب يستغنو عنك دول شركاتي وانا عارفهم لما بيحبو حد مستحيل يسبوه مش عشان الشغل لا والله عشان العيش والملح الي بينكم والأحترام والأمانة
أسد: سيبها لله وان شاء الله اسبوع بالكتير واكون في مصر
حاتم: تيجي بالسلامه ياغالي خد بالك من نفسك
أسد: ان شاء الله وبلاش عاصم يعرف سلام
حاتم: اوكي سلام.
------------------
"في غرفة غرام"
"وقفت غرام وفاجئه تذكرت البوم ذكرياتها مع اسدها وذهبت واحضرته وظلت تشاهده وتبتسم مع كل صورة لاسد وهو يبتسم.
غرام لنفسها: قد ايه ضحكتك دي كانت بتخفف عني كتير ضحكتك كانت امل ليا ياريت الايام ترجع وتحسسني بالأمان بوجودك جمبي.