CMP: AIE: رواية غرام الاسد الفصل السابع7 والثامن8 بقلم شروق محمد
أخر الاخبار

رواية غرام الاسد الفصل السابع7 والثامن8 بقلم شروق محمد


 رواية غرام الاسد 

الفصل السابع والثامن 

بقلم شروق محمد


"ظلت غرام تمشي وهي تبكي والحزن علي وجهها كانت حزينه علي فراق اسد ظلت هكذا الي أن تعبت قدمها وذهبت إلي المنزل ودخلت سريعاً إلي غرفتها" 

لاحظت منال ذلك ودخلت وراءها الغرفة وقالت: مالك يامورا في ايه

غرام: مافيش ياماما سبيني عاوزه اكون لوحدي

منال: ازاي اسيبك وانا شايفه دموعك دي دا انتي بنتي

غرام: عاوزه اكون لوحدي 

منال: وانا عمري ماهسيبك فاهمه قولي مالك ياقلب امك

غرام: اسد

منال: ماله ياغرام انطقي وقعتي قلبي

غرام: اسد مسافر وسايبني هيسافر ويسيب هنا

منال: ايه الهبل الي بتقوليه ده هيسافر فين وليه

غرام: ياريته كان هبل انا كنت عند عمو وهو قالي

ضمت منال غرام بين احضانها وقالت: اهدي وفهميني ايه الي حصل بالظبط 

"ظلت غرام في أحضان ولدتها تبكي ومنال تحاول تهدئتها الي أن قامت غرام بسرد كل ما حدث معها الي أن وصلت الي المنزل" 

منال: طيب حبيبتي ممكن يكون ليه وجهت نظر احنا مش شايفنها او عارفينها 

غرام: ودا ليه ولا ازاي

منال: حبيبتي كل واحد بيشوف الموضوع من جهه غير التاني يعني انا بشوف من وجهة نظري ان ده شاب عاوز يعتمد علي نفسه ويستقر بذاته انتي شيفاه ان قراره غلط وانه يعتمد علي فلوس ابوه مامته شايفه انه كدا بيحرمها منه وعاوز يسافر كل واحد بيشوف الموضوع من وجهة نظره وكل واحد ليه رأي مختلف وكل واحد لازم يحترم رأي التاني

الأختلاف في الرأي لا يفسد للود قضية فهماني يامورا

غرام: فاهمه بس ياماما

منال: حبيبتي انتي لسه صغيره والدنيا لسه هتعلمك كتير وهتعرفي أكتر ادعيله ان يكون القرار ده صح وان ربنا يرزقه في الغربه وبدل مانقف في وشه كدا ندعيله

غرام: بس انا اتعودت علي وجوده وانه "وصمتت غرام ولم تكمل جملتها" 

منال: وانه ايه كملي

غرام: مافيش ياماما انا هقوم اصلي وادعيله

منال: ماشي يامورا قومي ربنا يتقبل منك

"تركت غرام والدتها وذهبت لتتوضئ وتصلي لربها لأجل اسد ولنفسها أن يكون كل هذا الكرب خيرا لهم" 

"ظلت منال شارده في حديث غرام" 

(ياتري ياغرام انتي اتعودي علي وجوده ولا في حاجه تانيه خايفه تكوني بتحبيه وهو مش في دماغه ويكون بيعاملك انك اخته وبيخاف عليكي مش اكتر) 

"دقيقه ودق هاتف منال" 

سعاد: الو اذيك يامنال عامله ايه

منال: بخير ياحبيبتي طمنيني عليكي وعلي اسد وسعد

سعاد: كلنا بخير ياحبيبتي بقؤلك

منال: عيوني 

سعاد: غرام عندك 

منال: ايوه لسه داخله من شويه هو ايه حكاية سفر اسد الي غرام بتقول عليا ده

سعاد: مش عارفه يااختي دا كمان مرتب انه ماشي بعد بكره ومحضر كل حاجه

منال: ايه ده ليه كدا

سعاد: ربنا يهديه ويكتبله الخير

منال: يارب ويرزقه ويجيبه بالسلامه 

سعاد: سلميلي علي غرام كتير وهستناكو نقضي اليوم سوا قبل مايسافر ماشي

منال: ماشي ياحبيبتي حاضر

"انهت منال المكالمه وأتنهدت تنهيده بحيره وحزن علي امر وحال ابنتها"

غرام: بتكلمي مين ياماما

منال: دي عمتك سعاد بتطمن عليكي وبتقول انها هتستنانا نروح نقضي اليوم عندهم ونسلم علي اسد قبل مايسافر 

غرام: دا امتي ده السفر

منال: بعد بكره او احتمال بكره

"سالت الدموع من عيونها وذهبت الي غرفتها بهدوء

منال: لا حول ولا قوة الا بالله 

------------------

'عاد ايهاب من العمل ودخل المنزل والقي التحيه'

ايهاب: السلام عليكم 

منال: وعليكم السلام حمدالله علي السلامه ياحبيبي 

ايهاب: الله يسلمك يا قمر انت

منال: تحب تتغدا ولا ترتاح شويه

ايهاب: زي ماتحبو اومال فين غرام

منال: في اوضتها

ايهاب: طيب هصلي وجهزي 

منال: حاضر

"ذهبت منال إلي غرفة غرام "

منال: غرام قومي ياحبيبتي بابا جه بره وعاوز يتغدي ياريت تكوني طبيعيه انتي عارفه هو في ثانيه بيكون عصبي ازاي

غرام: طيب قولي اني نايمه

منال: لا طبعا قومي عشان كمان تتغدي وهو مايلاحظش حاجه وتلاقيه عملنا غم 

غرام: حاضر ياماما

" ذهبت منال وغرام لتحضير الطعام واتم ايهاب الصلاه وذهب اليهم علي طاوله الطعام"

منال: سعاد كلمتني وطلبت اننا نروح نقضي اليوم عندها بكره عشان اسد مسافر

ايهاب: مسافر فين وليه

منال: مسافر يشتغل ويبني مستقبله

ايهاب: أسد ده ليه دماغ وتفكير تاني خالص

منال: ربنا يهديه ويرزقه

ايهاب: بس دماغه عجباني تفكيره حلو بس ليه يسافر مايشتغل هنا احسن من البهدله وكمان عندهم فلوس كتير يعني مش محتاج سفر

"كل هذا وغرام تستمع لهم ولا تتحدث" 

ايهاب: مالك يامورا

غرام: الحمد لله يابابا 

ايهاب: حاسك زعلانه في حاجه

غرام: لا ابدااا مافيش

------------------

"في يوم أخر" 

هاجر: نفسي مره ارن عليكي تردي علطول يابنتي بقلق عليكي من قلت ردك ده

غرام: معلش ياجوجو

هاجر: معلش ياجوجو في ايه يابت مالك

غرام: اسد مسافر ياهاجر مسافر وسايبني

هاجر: يسافر فين ايه الهبل ده هو محتاج 

غرام: عاوز يبني نفسه بنفسه 

هاجر: بصي اسد ده من كلامك عليه دماغه الماظ صعب حد يعرف هو بيفكر إزاي 

غرام: وانا ياهاجر هيسبني حتي من غير مايوضح مشاعره ليا انا اه حاسه من طريقته وكلامه بس عاوزة اسمعها منه صريحه

هاجر: لسه بقؤلك صعب حد يعرف دماغه فيها ايه

غرام: حاسه اني روحي هتروح ياجوجو

هاجر: بعد الشر عليكي ياقلب جوجو ادعيله 

غرام: بدعيله علطول بس صعب عليا يعدي يومي من غير مااشوفه ولا اسمع صوته 

هاجر: بت اجمدي كدا اومال عامله فيها ذكي شان ليه في الكليه الي يشوفك يخاف منك

"ابتسمت غرام علي مزح صديقتها" 

هاجر: بتضحكي ماشي اهو احسن ماتعيطي

غرام: اصل اسد هو الي قايلي اعمل كدا عشان الكل يخاف يقربلي ويبقي في حدود

هاجر: اها الاسد الي قايل ماشي ياعم ربنا يخلي الاسد دايما ويحميكي من حيوانات الغابة

غرام: امشي يابت وانتي رخمه كدا

هاجر: شوف ازاي وانا الي بعد ما ضحكتها فعلا مالكيش امان تاخديني لحم وترميني عضم 

غرام: انتي هتتبلي عليا انتي اصلا عضم 

هاجر: علي اساس انك دبدوب 

غرام: فرنساوي ياجاهله 

هاجر: عود قصب قصدك 

غرام: جاهله بقي اقؤل ايه 

هاجر: ضحكتك عندي بالدنيا ياقلب جوجو

غرام: ربنا يخليكي ليا ياجوجو 

هاجر: حبيبتي يامورا اسيبك بقي كان قلبي حاسس ان قلبك أشتكي من قلت الهشتكه قلت اكلمك 

غرام: هموت بسببك يامجنونه ايوه قلبك حاسس بيا ياجوجو ياله يابت سلام

هاجر: سلام ياقلبي. 

------------------

'دلفت منال إلي غرفة غرام بعد سامع ضحكاتها .

منال: الله أكبر سامعه صوت ضحكك وانا في المطبخ

غرام: دي البت هاجر كانت بتكلمني وبتهزر كالعادة

منال: ربنا يخليكم لبعض ياروحي هاجر مؤدبه وتستاهل كل خير كأنها اختك سبحان الله

غرام: الحمد لله 

منال: طيب ياله جهزي نفسك عشان نروح لعمك

'اختفت الابتسامه من علي وجه غرام وتذكرت أن اليوم سوف يسافر اسد .

منال: غرام مالك حبيبتي سرحتي في ايه

غرام: ولا حاجه ياماما حاضر هجهز حالا

منال: ماشي وانا هروح اجهز واشوف بابا

غرام: ماشي ياقلبي 

--------------

"في منزل سعد المنشاوي" 

سعد: خلصتي ياسعاد ولا اجي اساعدك

سعاد: حسك معايا ياحبيبي 

اسد: ياواد ياواد وايه كمان 

سعد بضحك: الي غيران مننا يعمل زينا 

اسد: لا ياعم مش غيران 

سعاد: ليه مش هتخلينا نفرح بيك ولا ايه

'شرد اسد في ملامح غرام وضحكها وبرائتها الغير مصتنعه'

سعد: ايه ياعم نحن هنا سرحت فين

اسد: ها ولا حاجه ياله اهو انا مسافر وسايبك ياشقي

سعد: لا ياخويا خليك عاوزك هنا جمبي وسندي

سعاد: ايوه عشان خاطري يااسد اسمع كلامنا ولو مره

اسد: ياخرابي بقؤلكم ايه انا طيارتي بليل

سعاد: مش انت قلت بكره 

اسد: لا حصل شوية حاجات كدا ولازم امشي انهاردة

سعد: برضه ياأسد 

اسد: معلش بقي ياأبو أسد انت الكبير

سعد: مش هعرف اخد منك لا حق ولا باطل

سعاد: ربنا يكتبلك في كل خطوة سلامه ياقلبي

اسد: حبيبتي انتي ياسوسو

سعد: بس ياواد انا بس الي اقؤلها ياسوسو

سعاد: انتو الاتنين فظاع ربنا يباركلي فيكم 

"" دقائق ورن جرس الباب "

سعد: هقوم اشوف مين

اسد: لا ياحبيبي خليك انت 

"قام اسد بفتح الباب ووجد عمه" 

ايهاب: اسد باشا بيفتح بنفسه

اسد: حبيبي ياعمي اتفضل

ايهاب: عاوز تسافر وتسبنا 

اسد: عشان مستقبلي ياعمي 

منال: والله عال هنقف نتكلم علي الباب 

اسد بضحكه صافيه: اسف ياعمتو اتفضلي

منال: وسعو كدا وانتو واخدين الطريق كله 

" ذهب ايهاب ومعه منال وصافحو سعاد وسعد"

اسد: هو الحلو بتاعنا مش هيدخل

غرام: هو انت قؤلت اتفضلي 

اسد: ياخبر ياناس اخس عليا دا انا وحش اوووي

"ابتسمت غرام ودلفت الى الداخل"

"اسد قائلا فى نفسه: اهي ضحكتك دي الي مخلياني استحمل اي حاجه حتي لو كانت نار ليا" 

"مضي وقت علي الجميع بين الضحك والمرح والحديث في امور العمل وبعد فترة جاء وقت سفر اسد"

'كانت غرام واقفه في الشرفه تبكي ومنهارة بشده علي فراق اسد'

أسد: مش قلت البلكونه دي ماتدخليش فيها تاني ولا كلامي مش بيتسمع 

"ابتسمت غرام دون إرادتها"

اسد: يعني لسه هنا ومش بتسمعي الكلام اومال لما امشي هتعملي ايه 

غرام: ماتسافرش يااسد خليك هنا

اسد: خلاص يامورا ماعتش وقت للتراجع 

غرام: هتكلمني علطول صح

اسد: ان شاء الله والبلكونه دي لو عرفت انك دخلتيها مش عارف هيحصلك ايه

ابتسمت غرام ببرائه وقالت: حاضر

اسد: ايوة كدا خلي الضحكه مرسومه كدا دايما اوعي تنزلي دمعه واحده ماشي

غرام: ماشي ربنا يرجعك بالسلامه

'خرج اسد وغرام من الشرفه وانضموا للجميع في الخارج'

سعاد: هتوحشني يااسد خد بالك من نفسك 

اسد: حاضر ياامي وانت كمان خدي بالك من نفسك 

سعد: ماتغبش علينا يااسد 

اسد: حبيبي عيوني 

"قام اسد بمصافحتهم جميعاً وأصر علي عدم مرافقه أحد معه الي المطار نظرت له غرام ورأت تلك الدمعة التى سقطت منه

واستودعته عند ربها ان يعود اليها سالما"

Back

"فاق اسد من شروده" 

اسد قائلا في نفسه: يااااااه عدي ٣ سنين من غير مااسمع صوتك ولا اكلمك ياتري لما تشوفيني هتعملي ايه ولا هيكون رد فعلك عليا ايه . 

وبعد مرور ساعات وصلت طائرة اسد لمطار اموافقين،

--------------------

اللهم صل وسلم وبارك على سيدنا ونبينا محمد صلى الله عليه وسلم تسليما كثيرا 

------------------

غرام الاسد 

البارت8

----------------

في منزل ايهاب المنشاوي دلف حسام وعائلته إلي المنزل .

ايهاب: اهلا اهلا بعريسنا اتفضل

حسام: اذيك ياعمي 

ايهاب: اهلا حبيبي ده عمك سعد اخويا الكبير

'وقف ايهاب ليعرف حسام بي اخيه سعد'

حسام: تشرفنا ياعمي

سعد: الشرف ليا ياابني اذيك ياحسين

حسين: والله ليك واحشه ياسعد فينك ياعم 

سعد: موجود ياغالي اتفضلو

ايهاب: عن اذنكم 

'ذهب ايهاب للبحث عن منال واخبارها بوصول حسام .

ايهاب: منال ياام غرام

منال: نعم ياايهاب

ايهاب: ياله خلي غرام تيجي حسام وصل

منال: حاضر وخليك عارف انك دايما بتكسر قلبها

ايهاب: انا برضه بكره تشوفي ان انا صح وبطلي هبل بقي شويه 

'قالت منال في نفسها: فعلا بكره نشوف

ودلفت منال وهاجر غرفة غرام لتبلغها بوصول حسام' 

هاجر: ياله ياعروسه العريس وصل

"انقبض قلب غرام ولم تستطع التحرك من مكانها

نظرت سعاد لغرام نظرات شفقه وحزن عليها والي ما وصلت إليه"

منال: ياله يابنتي قومي 

هاجر: ياعروسه ياعروسه العريس وصل 

غرام: هو لو انا قلت مش عاوزه اتخطب ايه الي هيحصل

هاجر: انتي بتقولي ايه ياغرام 

سعاد: ولا هيحصل ايه حاجه وانا معاكي

منال: لا هيحصل ياغرام ابوكي وشه هيكون في الارض وهيزعل هو وعمك وصاحبه وهيقول ان انا الي قويتك 

سعاد: منال انا معاها قدام اي حد

منال: ماينفعش ياسعاد انا قلت ليها الكلام ده من الاول

غرام: خلاص ياجماعه الي حصل حصل ياله نطلع

' وقفت غرام وعزمت امرها وخرجت معهم'

------------------

"انهى اسد الإجراءات بوصوله واخذ حقائبه واستقل السياره وذهب الي المنزل بعد فترة ليست كبير وصل اسد الى المنزل ودخل بهدوء لعمل مفاجئة لهم جميعا" 

سوسو ياسوسو فينك هو مافيش حد هنا ولا ايه يكونو راحو فين يعني اااااه قد ايه البيت وحشني وكل الي هنا واحشني هقوم اخد شاور علي مايجو اكيد بيتمشو سوا اه ما هما حبيبه بقي ..قام اسد بأخذ شاور وادى صلاته وذهب الي السرير وغطي في نوم عميق"

------------------

ننتقل إلي منزل غرام مره اخري 

هاجر: ابتسمي ياغرام الناس هتقول علينا ايه

غرام: مش قادرة مش قادرة اكمل انا هقؤلهم اني مش عاوزه الجوازه دي والي يحصل يحصل

هاجر: اعقلي ياغرام مايصحش هيحصل مشاكل كتير

غرام: وايه الي يصح اني ارمي نفسي في النار انا مش طيقاه شايفه الغرور الي فيه

حسام: القمر ماله مكشر ليه

غرام: نعم حضرتك بتقول حاجه

حسام: مالك ياغرام مش حاسك مبسوطه مع ان كل الي يشوفني مابيصدق يتكلم معايا والبنات بتترمي عليا

غرام: وما اتجوزتش من الي بيترمو عليك ليه

حسام: عشانك انتي 

غرام: وانا مش عاوزاك فهمت مش عاوزاك انت مغرور ومريض شكلك كدا وياريت تنهي الجوازه دي

حسام: انتي بتقولي ايه

غرام: زي ماسمعت تحب تسمع الاكتر حاضر ثواني 

عمو سعد بعد اذنك 

'نادت غرام عمها وذهب سعد لها بعد منادته غرام له'

سعد: نعم ياقلب عمو

ايهاب: مالك في ايه ياغرام 

منال: الحقي ياسعاد البت هتعملها قلبي مقبوض

سعاد: اهدي يامنال مافيش حاجه 

سعد: في ايه ياغرام

غرام: مش عاوزه الجوازه دي مش عاوزه اتجوز 

ايهاب: انتي بتقولي ايه انتي مجنونه ولا ايه

سعد: ايهاب اسكت بعد اذنك 

ايهاب: لا مش هسكت البت دي ادلعت زيادة عن اللازم

سعد: وانا قلت اسكت فاهم

حسين: ايه الكلام ده ياايهاب انت جايبنا نتهزق في بيتك ولا ايه

سعد: ثواني ياجماعه ممكن . في ايه ياغرام اتكلمي

غرام: مش عاوزه اتجوز ياعمو بابا غاصب عليا الجوازه دي وانا تعبت ومش هقدر اكمل وبذات من الشخص ده

حسام: وماله الشخص ده مش عاجبك في ايه ممكن تعرفيني انتي مش وش نعمه اصلا وانا الي غلطان اخت واحده زيك علطول حزينه ومكتأبه اومال لما نتجوز هتعملي ايه ياشيخه دا ربنا بيحبني انها بانت من أولها ياله يابابا ياله ياماما واعرفي اني هندمك ما اتخلاقش الي يقول ليا لأ وبكره هوريكي

سعد: اخرس لولا انك في بيتنا كنت سمعتك كلام يمحيك من الدنيا اتفضل ملناش بنات للجواز

حسين: كتر خيرك ياسعد كتر خيرك ياايهاب 

"اخذ حسين زوجته وابنه وكان الغضب يتملك منهم كثيرا واما عن ايهاب كان لا يقل عنهم عضب" 

ايهاب: استني بس ياحسين عجبك كدا انتي فعلا وش فقر ونكديه منك لله 

'غضب سعد كثيرا من ايهاب وافعاله مع ابنته'

سعد: انت تخرص خالص ترمي بنتك الرميه دي انت ازاي اب، شايف الواد وطريقة كلامه واسلوبه اعوزو بالله منك ياشيخ مش عارف انت اب ازاي انا ماشوفتش في قساوتك ولا غبائك ده

ايهاب: انا فعلا ماعرفتش اربيها لو كنت ربيتها ماكنتش اتجرأت وعملت كدا وخلت وشي في الارض

غرام: بس يابابا

ايهاب: انتي تخرصي خالص انا بقي هربيكي من اول وجديد " جاء أيهاب لضربها بالقلم ولاكن قام سعد بأمساكه قبل فعل هذا"

سعد: انت بتعمل ايه انت هتستهبل ولا ايه ولا انا هسيبك، اياك تفكر تعملها في يوم من الايام وكمان علي اساس اني هسيبها هنا انت بتحلم ودي كانت غلطتي من الاول اني صدقتك وكدبت نفسي لما شوفت الكسره في عنيها سعاد يا سعاد

سعاد: نعم 

سعد: حضري حاجات غرام هناخدها معانا 

ايهاب: انت بتقول إيه 

سعد: زي ماسمعت انت ماتستاهلش ضوفرها

غرام: بابا انا اسفه بس انا مش مرتاحه وجيت علي نفسي كتير مش قادره سامحني

ايهاب: انا معرفتش اربيكي تصغريني قدام الناس وقدام صاحبي انتي عديمه المسؤليه والاخلاق

سعد: اخرص هيا مين دي، غرام برقبة اي حد كفايه أدبها وأخلاقها انت مش وش نعمه الواحد مش بيحس بالنعمه غير لما تروح من ايده بقي خايف علي صاحبك ومش خايف علي بنتك انت ايه اعوزو بالله من ياشيخ ياله ياغرام ياله ياحبيبتي

غرام: بس ياعمو 

سعد: مافيش بس وانت لما تعرف قيمة بنتك ابقي تعالا ياله ياسعاد وانتي يامنال حسابك معايا بعدين علي رمية بنتك دي وعلي العموم البيت مفتوحلك في اي وقت ابقي تعالي شوفيها براحتك بس انسو انها تيجي هنا تاني. 

ايهاب: سعد البت دي مش هتطلع من هنا

سعد: وانا قلت هخدها ابقي اقف قدامي كدا، وانت لا اخويا ولا اعرفك الي يرمي لحمه كدا سهل يعمل اي حاجه يا، ياابن امي وابويا

منال: استهدو بالله حصل خير

ايهاب: انتي السبب انتي الي قؤلتلها تعمل كدا وقوتيها عليا انتو اتفقتو عليا صح

منال: والله ماحصل حرام عليك

سعاد: ماحصلش وبلاش ظلم كفايه حس بقي بي اهل بيتك وشيل الغشاوه دي من علي عينك 

ايهاب: انتي كمان بقيتي معاهم مبسوطه ياغرام اتسببتي في اهانة صاحبي وخسارة اخويا

سعد: الغلط غلطك مش غلطها، هيا مالهاش زنب ياله ياغرام نمشي

منال: خليكي معايا ياغرام ماتسبنيش

سعد: مالهاش مكان هنا انتو كنتو هتضيعوها 

ايهاب: هضيعها عشان اجوزها واشوف احفادي

سعد: بطل خيابه تجوزها ولا تتعسها بزمتك دي كانت هتبقي جوازه ولا جنازة لما تختار واحد زي ده

ايهاب: ماله حسام راجل محترم 

سعد: مافيش بيني وبينك كلام لاني في الاول سألتك انت غاصب عليها قلت لأ وصدقتك انا مش عيل قدامك 

"قام سعد بأخذ غرام وسعاد وخرج واستقلوا السياره جميعا لكن لم يذهب إلى المنزل حتي لا تقوم غرام بعزل نفسها في الغرفه تبكي وتلوم نفسها علي ما حدث وهو لا يريدها أن تندم علي هذه الخطوة التي اخذتها" 

"اخذت سعاد غرام بين احضانها في محاولة لتهدئتها" 

غرام: انا اسفه ياعمو انا السبب

سعد: لا ياغرام ماتتأسفيش ياروحي انتي ماغلطيش

غرام: ازاي ماغلطش وانا خليتك انت وبابا تتخانقو

سعد: دي مش غلطتك انتي، دي غلطة ابوكي

غرام: هو انا صح ياعمو والله ماكنت قادرة ولو كنت اتخطبت ليه كنت مت 

سعد: غلطك حاجه واحده انك وافقتي وجيتي علي نفسك ياغرام ماحدش يجي علي نفسه للدرجه دي في الجواز بذات ياحبيبة عمك المفروض يكون بالرضا والأتفاق دي حياة يابنتي مش لعبه

غرام: كان كل شويه يشد مع ماما بسببي وانا ماحبيتش ده قلت اسمع كلامه بس ماعرفتش اكمل غصب عني

سعد: حبيبتي حصل خير مش احسن ماكنتي كملتي وحصلك حاجه لقدر الله وبعدين انتي هتيجي تقعدي مع عمو حبيبك مش دي بالدنيا ولا ايه

غرام: بالدنيا ومافيها طبعا ياعمو

سعاد: ياقلبي انتي بيتنا هينور بيكي وبوجودك

غرام: ربنا يخليكو ليا انا بحمد ربنا ان انتو معايا 

سعد: انتي بنتي مش بنته انا اول واحد شايلك بعد الولادة وانا الي كبرت في ودانك واول مافتحتي عيونك شوفتيني انا واول مامشيتي كنتي معايا واول مااتكلمتي قولتي انو وانا الي ربيتك هو طول عمره قاسي بس ربنا يهديه

غرام: ماما صعبانه عليا اوووي ملهاش زنب

سعد: سبيها لله بكره الامور تتحل بس عاوزه يعرف قيمتك ويبطل الاقساوة دي

سعاد: ولا ياخويا الواد يقؤلها بكره هندمك وهعرفك

سعد: ده ابو طويله سييك منه

'أبتسمت غرام من بين دموعها'

سعاد: ايوه كدا سمعينا ضحكتك الي وحشتنا دي

غرام: دا مغرور اوووي وفظيع

سعد: عارف وماكنتش بقبله واد ثقيل كدا 

سعاد: ليه ايه حصل خلاكي تقولي كدا 

غرام: كل شويه يقولي انتي بتحبيني دا انا البنات بتترمي عليا ومابيصدقو يكلموني انتي بتحبيني بس مكسوفه تقولي صح ههههههههه كلام هبل كدا

" ظل سعد وسعاد يضحكون علي طريقة غرام في تقليد حسام"

غرام: اه والله زي مابقؤلكم كدا

سعد: ايه رأيكم بقي اعزمكم علي عشوة معتبره وبعدين نروح نجيب فيلم جديد ونروح نعمل فشار وتسالي ونسهر سوا "

سعاد: ياريت دا شكلها هتحلو يابت يامورا

'ابتسمت غرام علي طريقتهم والبساطة التي تغلف حياتهم والتي كانت تحتاج إليها كثيرا'

سعاد: تعالي في حضني ياقلبي انتي

سعد: طيب ياله بينا انا بطني بتصوصو صوصو صوصو

غرام: انا بحبك اوووي ياعمو ربنا يخليك ليا

سعد: انا اكتر ياروح وقلب عمو

سعاد: لا لا ما احبكمش وانتو كدا هبدأ اغير انا

"ظل سعد وغرام يضحكون علي مزح سعاد في الحديث وبعد ذلك اخذهم سعد ليبدأو سهرتهم" 

----------------

في منزل ايهاب

ايهاب: مبسوطه ببنتك والي عملته

منال: انت السبب نفسي تراجع نفسك مره علطول رامِي اللوم والغلط علي اللي حواليك

ايهاب: يعني انا اناني وظالم صح

منال: انت ضيعت غرام مننا الله يسامحك

ايهاب: لا يا هانم دي تربيتك وقلة العقل وانك كنتي سيباها تجري ورا اوهام

منال: بالله عليك ما انت حاسس بالزنب من نحية بنتك تروح تتفق مع صاحبك علي الخطوبة وترمي بنتك لواحد زي ده دا بيقولها بكره هندمك واعرفك ده كنت هتأمن علي بنتك معاه ازاي

إيهاب: وانتي عاوزاه يسكت بعد الي بنتك عملته دي خلت وشنا في الارض

منال: انت واعي للي بتقوله انا مش مصدقه نفسي لا حول ولا قوة الا بالله لا يمكن تكون اب ولا تكون ايهاب الي حبيته واتجوزته 

ايهاب: منكم لله خلتوني اناني وظالم 

منال: ليه كدا ياايهاب ايه مش حاسس بينا وعلطول شايف نفسك صح واحنا غلط وتفكرينا غلط

ايهاب: هو عشان عاوزها تتجوز وافرح بيها بكدا اكون وحش واناني انا اب عاوز اطمن علي بنتي

منال: تطمن عليها مع واحد هيا مرتحاله وحباه او علي الأقل في توافق بينهم مش انك تغصب عليها انت كدا كنت بترميها في النار 

ايهاب: هيا الي جت وقالت انها موافقه

منال: عشان انت فضلت تزن عليها وتعمل مشاكل لغاية ماتعبت وزهقت واهي ضاعت منك 

ايهاب: اقفلي علي الموضوع ده فاهمه كفايه انها خلت اخويا يزعل مني وده عمره ماحصل انا ماليش غيره واهو زعل مني بسببكم منكم لله

منال: راجع نفسك ياايهاب وشوف الصح واعمله ربنا يهديك ويهدينا 


                        الفصل التاسع من هنا 


لقراة باقي الفصول اضغط هنا



تعليقات



حجم الخط
+
16
-
تباعد السطور
+
2
-