رواية بين جَحيمين
الفصل الخامس
بقلم ضحي ربيع
كاد قلبها ينفطر خوفا علي من تبقت لها في الدنيا فأصبحت تقى بلا أب وبلا أخ كالغصن المكسور الذي يحمل عشً لعصافير صغيرة
فرغم طحطم ذلك الغصن الأ انه يترجي الشجرة لكي لا تتركه يسقط بما يحمل
"أقسم بالله أمي لو حصلها حاجة هدفعك التمن غالي اوي
قالتها والعبرات تتسابق لمن يشق طريقه علي وجهها اولا
ثم صفعت الباب خلفها تاركة كتلة التلج تلك
*مين الي اتصل
-اختها يافندم قالت أنها اتصلت بيها من شوية عشان والدتها تعبانة وقالتلها أنها جاية ولما اتصلت تاني وتلفونها اتقفل اتصلت علي تلفون الشركة وقالتلي ابلغها ان والدتها تعبت اوي ونقلوها المستشفي
*مستشفي اي
-معرفش يافندم
*حالاً تجبيلي كل تفاصيلها عنوانها اخواتها المستشفي الي والدتها راحت عليا
معاكي خمس دقايق ياسيرين تمام؟
-تمام يافندم
في مستشفي القصر العيني كانت تبحث تقى بقلبها قبل عينيها مُتمنية ان ينتهي هذا الكابوس والأ يصيب والدتها اي مكروه
-تقى أحنا هنا تعالي
"هدى في اي ماما مالها
-تعبت اوي ياتقي دخلت اشوفها لو محتاجة حاجة لقيتها بتتشنج ومش عارفة تاخد نفسها واتصلت بيكي علي طول وبعدها بشوية لاقيتها متحركتش خالص
"طب وهي فين دلوقتي
-طلبتلها الأسعاف وجات بينا هنا ودكاترة الاستقبال اخدوها لجوة ولسه مخرجوش
انا خايفة اوي ياتقي خايفة ماما كما..
"بس ياهدى في اي متكمليش بأذن الرحمن ماما هتبقي كويسة
ولم تُكمل جملتها حتى خرج الطبيب
-مين تبع حالة الجلطة الي وصلت
"انا يادكتور بنتتها
-هي جالها جلطة من أمتي؟
"يعني بقالها يومين كده
-طيب في نوع برشام معين المفروض أنها كانت تمشي عليه وواضح أنها مخدتهوش
"بصراحة الدكتور كان كاتب أكتر من نوع وانا مش فاكرة أنهي واحد الي حضرتك تقصده بس فعلا في نوع أنا مقدرتش اشتريه أمبارح
-للأسف غياب البرشام ده دخل والدتك في غيبوبة
توقف العالم عندها في تلك اللحظة هل هي من دخلت في تلك الغيبوبة منذ وفاة والدها ولكن متي تستفيش منها فلقد نفذ مابها من طاقة
-احنا هنخليها هنا لأنها محتاجة تتوصل بشوية اجهزة لغاية ما تفوق بأذن الله
"طب...طيب ممكن تفوق أمتي
-دي حاجة في علم الغيب ممكن بكرة او بعده او شهر المهم الأقامة هتكون هنا مكلفة شوية لازم تنزلي تدفعي المصاريف عشان ننقلها علي اوضتها
*************
-اتفضل يافندم انا جبت لحضرتك التفاصيل عايشة هي ومامتها واختها الأصغر منها اخوها الأكبر اتوفي من يومين
*ابوها؟؟
-متوفي من سنتين وهما من محافظة في الصعيد وجم هنا بعد وفاة والدها
*والدتها في أنهي مستشفى
-في مستشفي القصر العيني يافندم و..
غادر إلكار مكتبه حتى قبل ان تنتهي سكرتريته من كلامها
كانت تقى أمام المشفى غارقة في تفكيرها لا تدري ماذا تفعل ومن أين تجمع المال لشفاء والدتها وللحظة جائت قكرة لعقلها ثم أخرجت هاتفها واخرجت من عليه رقم وكادت تتصل به ولكنها للحظة توفف او خافت لن يفرق شئً ف اخر مرة تحدثت فيها مع صاحب الرقم قبل قرار قتلها من عمها الأكبر
تراجعت للحظة ولكنها سرعان ما عاودت الأتصال به
(بصوت مبحوح)
"السلام عليكم صالح أنا محتجاك
-تقى!!!.......