قلب قاسي
الفصل الاول
بقلم هويدا زغلول
الام دخلت اوضه بنتها اسماء العروسه اللي فرحها انهارده
الام
معقول يا اسماء في عروسه نايمه لحد دلوقتي
قومي يا بنتي وراكي حاجات كتير
اسماء
حاضر يا ماما قايمه اهو
الام
والله يا اسماء انا جوزت اخواتك بس انتي اللي
هتسيبي في قلبي فراغ كبير اوي
اسماء
طيب ما تيجي يا ماما تعيشي معانا والله العظيم محمود بيحبك ويفرح اوي بيكي
الام
انا اسيب بيت ابوكي عمرها ما تحصل
وبتصحي نجوي من النوم
نجوي
عايزها تسيب القصر ده وتروح فين يابنتي
وبعدين عايزنا نقطع رزق الخدامين ليه
الام
بتتريقي يا بنت بطني اه قصر بالنسبه ليا
اسماء
اكتر حاجه خايفه عليكي منها يا ماما البت
أم لسانين دي مالك يا بت هي حره بيتها
وبتحبه
نجوي
هي حره في ملكها انما احنا ذنبنا اي مع
عمك عرض عليها كذه مره ياخد البيت
ويديها ا ضعاف تمنه بس هي مش موافقه
الام
لا والف لا بيت ابوكي عمك مش هياخدو مفهوم يا نجوي
نجوي
برحتك بقي المهم عامله اكل اي مش
عايزكي تكسفني قدام اصاحبي
اسماء
تعالي يا ماما اقولك وخرجت هي وامها
الام
خير يا بنتي فيه اي
اسماء
انا راي تقفلي البيت وتيجي عندنا محمود عندو
عماره في اسكندريه والله العظيم انا خايفه
لقرب نجوي من اهل بابا
الام
لا بتقولي اي هي شيفاه نفسها بس علشان
سنها انما نجوي والله ما فيه اطيب منها
اسماء
ربنا يخليكي لينا يا ماما يارب
الام
ما تشغلوا حاجه كده يابنات ده احنا عندنا فرح
وجم اخوات اسماء رقيه وسوسن
سوسن
صباح الخير أنا قولت هتكونوا لسه نايمين
الام
امبارح كانت ليله عسل والله الحنه كانت حلوه اوي ويلا بينا بقي علشان نسافر
رقيه
هو فعلا جوزك يا اسماء هيعمل فرح كبير
اسماء
اه يا قلبي وحجز ليكم كلكم معايا في الكوفير
سوسن
ناس ليها حظ وناس ليها طارق
الام
اتلمي يابت ويلا بينا
نجوي خرجت من الاوضه
نجوي
طيب انا إصاحبي هيجوا ازاي
اسماء
في اتوبيس كبير هيكون موجود هنا الساعه
4خليهم يجوا هنا ويركبوا معاه
نجوي
اتوبيس لا طبعا انتي بتهزري
اسماء
امال عايزه اي مش فاهمه وبعدين علشان جيران
ماما لازم يجوا
نجوي
نعم نعم نعم مين ده اللي هيجي لا طبعا
انتي عايزه الناس البيئه دول يجوا مع اصاحبي
اسماء
لا طبعا انتي بتقولي اي لايمكن خلي اصاحبك
يجوا لوحدهم بقي انا داخله اللبس
نجوي
شوفتي اختك انا بعد ما قولت للناس أن فيه
حد جاي يخدهم تعمل فيها كده اخرتها اتوبيس
الام
طيب يا حبيبتي ما تخليهم يجوا معانا دلوقتي
في عربيه جوز اختك
نجوي
من كتر المكان اوي ده يادوب هتخدنا بقولك اي
يا ماما ما تجيبي فلوس اخليهم يجوا في أوبر
الام
اي ابر ده يا حبيبتي مش فاهمه زي القطر ده
نجوي
لا مانا مش هينفع يجلي جلطه انهارده يا ماما
عربيه ملاكي تمام كده
الام
وعايزه كام يا نجوي قولي
نجوي
2000جنيه الف رايح والف راجع
الام
كام مالو الاتوبيس يا حبيبتي هي 1000بس
عايزين يجوا ببلاش ولا اي
نجوي
انا تعبت من العيله دي والله وراحت كلمت عمها
يحيي وهي عامله تعيط
يحيي
مالك يا قلب عمك فيكي اي
نجوي
انا خالص تعبت يا عمي والله من العيله دي
يحيي
قولي بس فيه اي وقالت لعمها
نجوي
انا مش عارفه ليه بيعملوا كده
يحيي
حبيبتي انا هجيب اصاحبك الفرح في عربياتي
ومش عيب يكون عمك موجود وتطلبي اوبر
نجوي
بجد يا عمي ربنا يخليك ليا وسافروا وفي الفرح
كان في القاعه
رقيه
ينهار اسود شوفوا مين داخل
سوسن
يحيي هنا هتقوم حرب باذن الله اختك أطلقت
من قبل ما تتجوز
رقيه
مين بس اللي عزمه علي الفرح
نجوي
انا طبعا ده حبيبي