رواية لقائنا كان فراق
الفصل العاشر10
بقلم ضحي ربيع
*انتِ اكيد مريضة نفسياً وبتقولي اي هبل عشان غيرانه
-هههه يوم ما هغير مش هغير من واحدة بنت حرام زيك
وياحببتي جاسر بنفسه الي قالي كده
انا من كلامها كنت حاسة اني مشلولة عقلي وقف اناا بنت حرام واهلي اتقتلوا؟؟؟
جريت علي جاسر لقيت خالي مرمي علي الأرض ومراته جنبه بتصرخ وجاسر ماسك الفون ومش بيتحرك كأنه صنم
جريت فضلت اصرخ واسأله وانا عيوني بتترجاه انه يكدب حتي انه يقولي ان اهلي ماتوا في حادثة زي ما حكالي زمان يكدب كل حاجة ويحضني زي زمان ويقولي يلا عشان اقرألك قرأن عشان تنامي
*جاسر مراتك قالتلي كلام وحش اوي ياجاسر
قالتلي ان بابا وماما اتقتلوا وان وان خالي هه هو الي قتلهم
انا عارفة انها كذابة قولها بقي انهم ماتوا في حدثة عشان مش مصدقاني
-جااسر اخوك ماله يا جاسر قولي اخوك جراله اي
*ذياد اتقتل يا امي
لقيت مرات خالي دخلت في جالة هسترية من الصراخ واللطم
ولقتها بتوجهلي الكلام
-كل ده بسببك انتِ وامك كل ده بسببك ياريتهم قتلوكي معاهم وارتاحنا ياااريت محمود قتلك معاااااهم انتِ الس......
وفجأة اتشنجت وسكتت خالص
يعني فعلاً اهلي اتقتلوا..
وانا بنت حرام...
جريت من الشقة جريت من الشارع كله والمكان كله فصلت اجري واجري واجري انا حاسة اني بحلم صح اكيد
اصل مش معقول دي كلها حقيقة لا لا لأ اكيد انا نايمة دلوقتي وهصحي....
بس انا صاحية فعلا ده مش حلم
فضلت اصرخ بكل وجع بكل لحظة عشتها كذب وكل لحظة عاملوني فيها علي اني بنت حرام وانهم بيتصدقوا عليا
عدي وقت كبييير حسيت ان الشارع فضي معادا انا مفكرتش كتير وقررت اروح لمستر حمزة
يعتبر اقرب حد ليا من فترة كبيرة
وكمان عايش هو ووالدته لوحدهم
روحت لبيته واستقبلوني بلطف
-خودي يابنتي كلي الساندوتش ده اكيد جعانة من صباح ربنا
*شكرا يا طنت تسلمي
"بعد اذنك ياماما ممكن تعملي لشهد كوباية حاجة سخنة تدفيها
-حاضر يابني
"في اي يا شهد
مقدرتش امسك نفسي بكيت وانا بحكيله عن حياتي المزيفة واهلي الي ربوني وهما قاتلين اهلي
واهلي الحقيقين الي جابوني بالحرام
"لا حولا ولا قوة إلا بالله طب استهدي بس بالله الله يرضي عنك
وانتِ ملكيش ذنب في اي حاجة حصلتلك يا شهد انتِ زي ما انتِ البنت الجميلة البريئة المتفوقة والمميزة ملكيش ذنب في الي اهلك عملوه او حتي الي خالك وجدك عملوه فيهم
كلامه هداني شوية شعور حلو ان حد يفهمك ومتخافش تنزل من نظره
*طب هو انا بس يعني كنت طالبة من حضرتك فلوس اقدر بس ابات بيها في اي أوتيل صغير لغاية ما اشوف هعمل اي
-برضه يابنتي ده كلام انتِ كده يتغلطي فيا وانا زي والدتك
اول ما قالت الكلمة دي لا ارادياً بكيت
طبطبت عليا
-بصي يابنتي محدش بيختار اهله بس ممكن نختار طريقنا ونعمل نفسنا ومستقبلنا
اشربي الينسون لغاية ما اودبلك اوضة سمر بنتي تنامي فيها اصلها من وقت ما اتجوزت وسافرت وانا قفلاها عن اذنك
"شوفتي بقي ياستي امي ست طيبة ازاي يلا بقي قومي ارتاحي عشان وراكي امتحان الصبح
*مبقتش فارقة
"مش عايز اسمع الكلام ده تاني منك
عدت الايام وخلصت امتحاناتي والغريب ان طول ال١٥ يوم دول جاسر مدورش عليا
بالصدفة كمان عرفت من واحدة زميلتي وتبقي جرانا
ان خالي اتوفي في نفس اليوم ومرات خالي جلها جلطة
انما هو معرفتش عنه حاجة
مستر حمزة كان بيحاول بقدر الامكان يخليني اركز في دراستي وامتحاناتي
تلفوني رن وانا راجعة بيت مستر حمزة من الامتحان الأخير
الرقم مش غريب عليا
*الو
-مبارك اول يوم اجازة
*اه استاذ عيسي اهلا بحضرتك
-النهاردة ياستي المفروض هتفوكي الجبس
*اه صحيح طب هو الحقيقة انا مش ف البيت
-مفيش مشكلة ابعتيلي العنوان الي موجودة فيه وانا هجيلك
*تمم
بعتله العنوان وفعلا جه بس كان باين علي وشه انه فرحان مش عارفة لي
ركبت العربية اكتفيت بأبتسامة وسكت
وصلنا المستشفي
دخلت انا للدكتور افك الجبس وكان واقف جنبي لغاية ما جاله تلفون
وكان باين عليه التوتر شوية خرج وبعد خمس دقايق دخل وكان فرحاان اوي انا مكنتش فاهمة ومهتمش اني افهم
-خلاص نقدر نمشي يا دكتور
-اه تقدروا والف سلامة عليكي يا انسة شهد
*شكرا لحضرتك
مشينا
*هو في حاجة حصلت مفرحاك كده
-وهتفرحك انتِ كمان
*!!!!!
اي ده ده مش طريق البييت
-عارف وانتِ كمان هتعرفي بس ارجوكي خليكي هادية
نبرة صوته كانت مخوفاني وبدأت شكوك وحشة تيجي في بالي
وصلنا لعمارة جميلة باين عليه ابن ناس
*ممكن افهم انا فين لو سمحت اناا عايزة اروح
-عارف انك فهمتيني غلط بس في حاجة لازم تعرفيها تخصك يا شهد
*هي اي دي
-تعالي معايا
طلعت معاه فتح شقة ودخلني
انا كنت بلعن اللحظة الي وافقت اطلع فيها معاه
لقيت راجل كبير في السن وراجل تاني في الاربعينات كده واقفين وباصين باصة غريبة
لفيت علي عيسى اسأله علي الي بيحصل لقيته بصلي وقال
-اهلاً بيكي يابت عمي......♡♡